رواية ازمة ضمير الفصل الثاني وخمسون 52 - بقلم Rozaya1122

ازمة ضمير ... البارت الخمسون
«للكاتبه روزايه»

مضى على غِيابك الكثير ، ظَننتُ أني بدأت إعتياد الأمر ، اليوم راودتني الرَغبة في الحديث معك ،
ترددتُ في الإرسال ، مُراسلات خيالية
بيني وبينك في عقلي ،
صدى ضَحكاتك يتعالى في مَسمعي ،
أُحب عَينيك ، نظراتها ، رُموشك الخلابه ،
يداك ، شعرك الفاتح ، لون بَشرتك السمراء ،
مَلامحك وطريقة حديثك.
الثالثة مساءاً ؟! أريد النوم ، تراودني في حُلمي ، الآن قد بدأ الحزن ، ذبُلت عيناي ، أشعر بإرتخاء أعصابي ، ومقاومتي للنسيان....
....

فاروق.. قبل فتره اجتني اكثر من قضيه قتل وتسليب وخطف بنات زغار والفاعل مجهول وتسجل القضيه ضد وتنسد وتروح...

اكو ضابط تحقيق متبع القضيه وكدر يوصل لطرف خيط من القضيه وجابلي عده اسماء مشتركين ومن بين الاسماء جان فلاح ابو البنات...

منظم لتنظيم القاعده وبعدهه لداعش وهسه يفتر بطولو ببغداد ومتزوج وحده من الانبار ويمارس حياتو الطبيعيه...

اني ماعندي تواصل بهاي القضيه لان حولتهه لغير قاضي بس عندي تواصل ويه الضابط ودائما اسالو شنو الاخبار لان اكثر من قضيه قتل تسجلت بنفس الاعترافات...

حسب كلام الضابط ابو الاستخبارات يكول كفلت واحد من الضباط الادنى وكدر يتبعهم ومثل الكون صداقه وياهم ...

من جابلي قائمه الاسماء ماتفاجات بوجود فلاح لان هو اساسه هيج بس زاد خوفي ع البنات...

اكو تسجيل صوتي الو وهو يوصف بناتو وخاصه نيران يوصف جمالهه وشبابهه ويتفق منو الي يلكاهه ياخذهه الو ...

منطي مواصفات امنيه بالكامل وجان يحذر من نيران ويكول عليهه خطره وتهدد حياتو ...

ما اكدر افتح قضيه نيران القديمه واحاكمو عليهه لان ما اريد اطب للمحكمه وماريد تنفتح جروح ثانيه جانت خامده...

البنات ماعدهن احد وصح بامان يم بيت جدهن بس صار مده مخلي عليهن سياره حمايه اخاف من فلاح هيج انسان خطير ويكدر يوصل الهن...

احس موبس حياتهن مهدده حته حياتنه وشكو واحد قريب عليهن لذلك ما امن عليهن ابد ...

انه انطوني بيت عقار هم بلاعظميه وراح ننتقل كلنه من هين وابيع هذا البيت والبنات ارجعهن يمنه ...

الحجيه... يا ابو عمر اخوتك شلون وهن يقبلن..
فاروق.. حجيه انه تعبت فوك تعبي قهرهم انه ما اكدر اضغط ع البنات بس اذا اضطريت اغصبهن ع الزواج ...

جثير ناس جاي تجي ع امنيه لوهي ماتقبل لو هم مايقبلون لان يسمعون بيهه سكر ونيران نفس الشي مرضهه حطمهه وحته محد يجيهه...

كافي كل واحد اخذ جزاؤه وادهم عانه وقيس كذلك اعرف كرامتهن اهم بس محد يفيدهن غير هم وحته اذا اتزوجن غريب ماصار معلوم ينسعدهن وماصار معلوم يكدر يحميهن من فلاح...

انه عندي الاهم حمايتهن يريدن يعيشن مثل قبل يمنه يريدن يتزوجن انه اعرف باخوتي يحبوهن بس بعد صار الصار ومايفيد اللوم..

الحجيه.. هاهي توكل وخلي ننتقل من هين واحنه انروح نرجعهن...

ام شذره.. خاله مدام كاعد اريد احجي وياك بموضوع.. انت مو اول واحد تموت مرته وهاي حال الدنيا ادري بيك تحب المرحومه بس راحت بعد والعدل لازم يكمل حياته مويدفنهه..

ابنك كبر وكام يسال ع امه يريد ام تعتني بي وانت رجال وتحتاج منو بداريك...

فاروق.. اسمعيني خاله احتمال بعدج ماعرفتينه احنه نحب مره وحده وانه حبيت مره وحده وبس ام عمر مامقسوم نكمل حياتنه ..

فكره الزواج لاتحجين بيهه لا هو الزواج موبس اشباع رغب انه كلشي عندي توقف من يوم طببتهه للعمليات...

مرتاح هيج وعمر  مامقصر ويا وعندو انتي والحجيه وثريا بعدو طفل وطبيعي يسال ع امو بس ينسه وهو اصلا مامدحكهه ...

ثريا... استاذن فاروق وكام وعمر يلعب بسيارتو ظلينه نسولف ع موضوع البنات وقررنه ننتقل وبدينه نحضر. ..

البيت قريب بس ذاك اكبر وارقه بناء حديث ومخصصين الو سياره حمايه بالباب واكفه انتقلنه ومتنه تعب مثل ام البزازين يوميه شايلين...

بعد مارتبنه البيت رحنه انريد انرجع البنات واول مره ادحك امنيه بعد غياب ٦ سنوات ...

جانت رغم كسرتهه بس وكفت بوجهنه وكالت ما اريد ادحك وجه ثريا انه مولعبه وشوكت مايعجبكم تحطموني واتجمعوني...

ما اقبل اعيش وياك ولو اعرف اكعد بشارع لو يكتلني ابوي صدك ما ارجع وياك ...

فاروق ... موهيج الحجي يا امنيه انتي ماتعرفين ابوج دمر اختج كدامج عوفي الكرامه ع جهه وترجعين ..

امنيه.. ما ارجع تريد ترجع نيران خلي ترجع انه ماريد ادحك ادهم ولاثريا ..

فاروق.. مدام هيج الحجي هاي كدام جدج راح اخلي ادهم يجيبج غصب وتزوجين وتكونين عائله شئتي ام ابيتي...

كافي نعرف انجرحتي وتاذيتي وادهم مثلج بس لهنا وكافي مامستعد اخسرجن ولا اخسر واحد من اخوتي ...

تحضرن نفسجن وباجر اجي اخذجن وبدون لا واذا خطيتي خطوه غلط يا امنيه صدكي تتندمين مولخاطري لخاطر ايوب الي ما اعتقد تنسين فضلو...

امنيه.. لاتجبرني ادهم خاين وما اتقبلو ولا اريد اسمع صوتو ..

فاروق.. لاتضحكين ع نفسج تحبين ادهم ومتعلقه بي انتي خانج يجيج ويعتذرلج كلشي صار مسجل ومقسوم كبرتي امنيه لاتخليني اعاملج طفله...

امنيه.. عندي شروط..
فاروق.. وهووو

امنيه.. ما اربط حياتي ويه اختي تريد تزوج قيس براحتهه بس انه عندي شروطي...

اول شي اجي يمكم بس ما اريد ادحك لا ثريا ولا ادهم ما ادري انت اتصرف اعزل النه انه واختي باي مكان ...

والثاني ممنوع بيوم ادهم يحسب نفسه زوج ويبدي يتقرب ويحاجيني يا اما ارفع دعوه طلاك ضده...

والاخير وضيفتي ماتمنعوني منهه واكمل مثل ماعشت ابيت جدي ومحد يدخل بيه...

ايوب... ميخالف انه اكلج موافقين ع شروط وبعد شهرين اذكرج بيهن اذا ظليتي ع شروطج...

فاروق.. اعزلكم ملحق فوك مثل ماتريدين بس خليهه ابالج اذا خليتي بهاي الشروط وانتي الي ما التزمتي بيهه عليهن ضريبه ...

ثريا.. ما دحكت بوجهي ولا حجت وياي بس بعد تقنيع ومحاولات جدهه وخوفا عليهن يله قبلت ثاني يوم راح جابهن ايوب والهن غرفه وحدهن فوك ...

ادهم مايدري جان ملتحق وقيس هم مايدري يعني من راح يجون يتفاجئون ...

مايقبلن ياكلن ويانه وامنيه اسمع كلامهه وهي دكل لايوب خاف ثريا تعيرنه بلاكل مثل ماعيرتنه باللبس ...

شكد حاولت احجي وياهه وتصدني كارهتني جثير وماتريد حته تسمع صوتي...

ياقوت حبابه وتشتغل ولازمه البيت وما نحس بيهه  هادئه ومايوم دحكتهه زعلت ويه اوس لو رفعت صوتهه...

جنت اتمنى شذره موجوده واتمنى نيران وامنيه ورؤى الله يرحمهه كلهن موجودات جان حياتنه بقمه السعاده...

جنت كاعده بالغرفه واسمع صوت سيارة ادهم جانت الساعه ب٢ ونص وحده ادحك بالثانيه منو تخبرو بس امنيه بالدوام ماموجوده...

طب سلم وراح لغرفتو جوه سبح وبدل وواكف بالمطبخ يشرب مي وانفتح باب البيت ميل نفسو من الكاونتر يريد يدحك منو الي اجه...

ماتوقع ولا صدك عيونو خله الكلاص ع الكاونتر وتقرب بخطوات سريعه على امنيه..

جانت تمشي بكل هيبه وشايله قوه موطبيعيه ما عبرتو وفاتت من يمو وهي مدنكه اعرفهه زين اختل توازنهه بس مابينت ع نفسهه...

ما انطتو مجال يحجي بسرعه تعدتو وصعدت للغرفه وهو يدحك علينه كال شصاير ومن يمته امنيه هين؟؟

الحجيه.. اكعد اسولفلك وبدت تحجيلو كل التفاصيل بلحظتهه عصب كال ليش محد حجالي ليش هيج تسوون بيه موكافي القهر البكلبي...

فهمتو الحجيه شروط امنيه جانت تحاول تسايرو حته لايعصب بس كلشي وصل حدو ...

مانحس غير ادهم يكوم من يمنه ويصعد الدرج بسرعه وصاح اياجن تصعدن وراي...

امنيه... بدلت واحس اعصابي ترجف مجرد ما اشوف ادهم اتذكر الصار تحجي وياي نيران وبالي مويمهه ...

بعدني هستوني كعدت ع الجربايه واريد اسولفلهه شفت ادهم وما احس غير الباب انفتح بقوه ..

ادهم واكف كدامي ومبين عصبي اشر لنيران تطلع من الغرفه...

نيران.. ما اطلع عندك شي احجي هنا لو تروح لاخوتك يحجولك ..

ادهم.. اطلعي نيران كافي كلشي وصل حده اطلعي ..
... ما اطلع ماكفاك السويته بيهه روح ادهم ترى والله اخذ اختي واطلع من هين وماتلكونه للموت ...

امنيه.. ما ادري ليش حسيت بالخوف هو هذا طبعي مهما اكابر وابين نفسي قويه بس كدام ادهم اضعف ..

ما اهتم لكلام نيران ومد ايده لورا ظهر نيران سحبني من ايدي  واخذني لغرفه فاروق ...

جنت ادفع بي واصيح عوفني ما اريدك وصوت الحجيه جوه وهي تصيح ادهم موهيج ...

دفعني بنص الغرفه بعصبيه وقفل الباب ما ادري وين راح بالي بس خفت حيل ...

امنيه.. لاتخليني اكرهك بعد عوفني منتبه ع نفسك شجاي تسوي...

... لامامنتبه لان لومنتبه ماخليتج كل هاي السنين بعيده اسمعي يولي لو اعرف اكتلج هالمره ما اسمحلج تبتعدين بعد...

امنيه ما اكعد اعتذرلج لان مايفيد وجرحج اكبر بس صدكي متاذي اكثر من عندج بالف مره ...

امنيه.. اسكت ادهم ما اريد اسمع اي شي من عندك انت واحد خاين ناكر العشره انت بعتني وفضلت عليه وحده ساقطه انت تخليت موبس عن حبيبتك لا انه جنت خطيبتك ..

بس استوعب اني خطيبتك العرس اليه موالهه اخذت نيشاني وذهبي وغرفتي وتعبي وقدمته الهه وفرحان بخطيبتك وتسوي حفلات...

اياك ادهم توكف كدامي ماعندي شي اخسره ابد حته صحتي خسرتهه لذلك يا ادهم خليك ابن عمي واذا عندك ذره كرامه اطلكني ماله داعي ابقه على ذمتك...

انت بنظري لاشي حته غيره ماعندك...

بعدني مامكمله كلامي وجان يجيني راشدي خلاني الزم خدي وادنك راسي باسى...

تقرب عليه ولزمني من زندي بقوه وحجه بعصبيه هالمره راح اعديهه هاي الكلمه المره الثانيه ماتلومين غير نفسج..

خليهه هنا واشر باصبعه على راسي طلاك ما اطلك واتزوجج غصبا عليج رضيتي والا لا...

جريت ايدي من عنده وطلعت دموعي تصب جنت مرتاحه شجابني للقهر خاف عايزه سهر ودموع...
....

نيران.... كافي امنيه امسحي دموعج ادهم يحبج والصار شي غصب عنه شوفي شلون تمرض من السحر ...

امنيه.. لاتكعدين تحجين براسي انتي لسه تحبين قيس وتكابرين...

... امنيه لاتقارنين نفسج بيه اني اختلف وقيس يختلف عن ادهم...

... تكدرين ترجعين لقيس كولي حته ارجع لادهم لان اني وياج نفس الجرح ليش تحجين عليه..

... اسمعي امنيه اني اختلف عنج وقيس يختلف عن ادهم راح احجيلج شي اول مره اكوله...

صح غدرت قيس واذيته بس هو ماقصر قيس فظل كرامته على حبه بس ادهم ما اهتم ودور عليج واعتذرلج...

قيس من شافني مريضه راد يبري ضميره موحبا بنيران اسمعي ي امنيه بهاي رجليه تعنيت لقيس وكتله تزوجني اني غلطت واني مجبوره واني تاذيت...

طلعتله رجلي المتعذبه طلعتله اديه المزرفه من الابر خليت كرامتي ع جهه بس ردت اعيش مثل البنات ...

تدري شكالي؟؟؟؟ رفضني ياامنيه كالي روحي منين ما اجيتي حبج بداخلي مات...

كعد كدامي وخلا خصله من شعري ورا اذني وكال روحي بفالج وماراح اسامحج ابد...

ياا امنيه قيس هاني ابدال ما يجبر خاطري وتريدين اقبل بي بعد ما شافني خسرت كلشي وحته من يتزوجني شيلكه بيه ...

ما اتحمل بعد اهانه ولا اتحمل يعيرني لذلك احفظ ماتبقى من كرامتي ...

هذا السبب الي يخليني ما اقبل بقيس احتاجيته هواي وما عبرني اجيته برجليه ورفضني خاف اكو شي بيه عامر كمل كسره قيس...

امنيه.. جانت نيران تحجي وتبجي وانه اريدلي حجه للبواجي وين حظنه نايم لو ميتين ويه رؤى لا اعتراض ع حكم ربنه...

....

ثريا... كاعدين ورا العشه واخوتي كلهم موجودين واجه عموري لازم دفتر الخط بيدو وكعد بصف ايوب...

عمر... بابا المعلمه كالت اريد رقم ابوك...

فاروق.. شسوي بي!!!
... كالت اريد احجيلو عليك انت وكح وشرير وتكتل الطلاب...

فاروق.. هاا عمر شتفقنه ليش تكتلهم موكتلك ترى ماخليك اداوم بعد..

عمر.. جان يحجي وكانو واحد جبير وبدون خجل ويدك على الدفتر بالقلم..

بابا انه ادافع لسميه وهذا ابن المديره يوميه يكتلهه وانه اكتلو وهو يروح يكل لامو..

فاروق.. منين هاي سميه وشعليك انت
... هاي صديقتي ما اقبل يكتلهه وكلت لعمي ايوب وهو كال اكتلو لاتخلي يتقرب لشي تحبو ..

فاروق.. تربيه ايوب طلعت يول لاتعلم الولد هيج مدحكو عدواني صاير...

ايوب.. شمعلمو هو كايلو اخذ حقكك اسمع عمر مالك علاقه بابوك الي يعيل بيك اكتلو ودوس ابطنو..

الحجيه.. ع بختك جده خبلت الولد رحت ورا انه وثريا صاكر الجهال ويخافون منه عصابجي...

... ياجده عجل يصير مابي خير هي جهال لوتوكع من ......

الحجيه... خايب شلون بيك هذا الولد خبلتو ساعه ادحكو ايوب ساعه فاروق ساعه ادهم ادري ماخذ من كل واحد شويه...

عمر.. بيبي انه احب سميه وما اقبل واحد يحاجيهه..

الحجيه.. هم تحب انت دهر دهرني ياوليدي عيب مايصير بعدك صغير...

فاروق.. عمر موهيج ياحبيبي اذا سمع ابوهه يجي يتكاون ويانه..

... ابوهه ميت وبس امهه عايشه يم بيت خالهه وابن خالهه يكتلهه...

الحجيه.. عجل ياعمر لاحك طشار من صغرك هم يتيمه ومشلوعه كلب تعال يا وليدي مايصير غلط التسوي يحجون على ابوك تقبل يكولون علي موخوش...

... لا ما اقبل
... عجل صير حباب ولاتكتل الجهال بعد...

ثريا... سكت شويه والتهينه بالحجي جان يكمز من يمو ويكول بابا خلي اسولفلك ع اوبي...

بابا عمو ايوب اخذني ويا للكهوه وهناك تكاون وصارت دممم دمممم والولد اخذو للمستشفى...

ايوب.. انعل ابيو الي يطلعك ويا بعد سد حلكك مفضوح جنك عمتك...

فاروق.. ها ايوب وفوكاهه كدام الولد طلايبك يول كبرت كافي...

ايوب.. واحد طايح حظو وصارت لغوه وتكاونه اصلا هو اخو صديقي ماصار شي ...

... موكدام عمر يول انه اخاف علي دحكو شلون عدواني...

... تحسسونه احنه جنه ملائكه الرحمن اشو من صغرنه هيج ادهم قليل شر لو انت يافاروق كل واحد يطلع ع اهلو ...

ام شذره.. حجت بصوت مكسور عمر نسخه من امو شذره جانت بصغرهه عدوانيه وتكتل وماتعرف تلعب ويه الجهال ...

جنت اكول ناقصه حنان الاب وهيج وهذا عمر نفس امه يدور حنان الام وهيج تصرفاته لاتخافون علي مثل امه جانت حته انه تضربني من هي صغيره من كبرت تغيرت...

ثريا.. ادحك ع فاروق بلع ريگو وكانو هاجت كل مواجعو وهو يلعب بشعر عمر الي كلما كبر وصار ياخذ من امو اكثر حته طريقه كلامو وضحكتو....

الحجيه.. ابو سميره مو شلعت كلبي ما تتزوح خلي اركصلك..

ايوب.. هم ردت ع الزواج ياجده مالكيت لسه منو تدخل كلبي غير احب ..

الحجيه.. ليش ماحبيت هاي البنات خير من الله ..
... ما حبيت قابل الحب دكمه شوكت ما اريد اودسهه ..

ثريا... ورا شهر تقريبا وكفت كدامنه نيران وكالت لفاروق انه قابله على الزواج من ابن خالي...

انتفض قيس وكلنه اعترضنه بس ماسمحت للنقاش كالت ابن خالي يريدني واني قابله...

تخبل قيس لزمهه من ايدهه وزكح بيهه كافي نيران لاتكسريني مرتين خلي الله بين عيونج ولا تسوين هيج...

ذكرتو بكلامو من رفضهه كالتلو انت رفضتني انت ماقبلت بيه اني انسانه وعندي مشاعر واحاسيس اني قبل لا اكون انسانه اني انثى ...

قيس.. دائما تفكريم بنفسج دائما كرامتج واهلج ونفسج اهم من قيس كسرتي ظهري ورجعتي كسرتي مره ثانيه ...

تتتتف ع الحب هذا الي بيوم انطيتو الج وحرامات ع هاي السنين الي جنت انتظر تصيرين زينه...

نسيت الي كدامي موجديد عليهه تبيع باعت مره تبيع عشره خلي تفيدج كرامتج روحي عساج لاتهنيتي ولادحكتي الراحه بيوم...

طلع ع السريع واحنه صافنين عليهه التمسح بدموعهه ابن خالهه متزوج بديالى ومرتو ميته وعندو 4 جهال وواحد بيهم معوق وقابله تتزوج بس بسبيل تصون كرامتهه...

ردت احجي وياهه ماقبلت التفتنه ع فاروق مخلي ايدو على التخم ومرتجي وايوب صافن كلنه متفاجئين بقرارهه...

عافتنه وصعدت وقيس طلع وهو يعاني مانعرف المن نكول ويا الحق ويه قيس لو ويا نيران لواثنينهم ظلمو نفسهم....

فاروق يماطل بالجواب ويكول بلكي تستعيد وعيهه وتغير رايهه ...

الضربات المتواليه ماتخلي الواحد ينهض وحتلو نهض لنص وترجع توكعو...

حياتنه للاسوء ومايوم يخلي من المرار والحزن واذاضحكنه لازم وراهه بواجي...

امنيه... جنت كاعده ادحك تلفزيون بغرفتنه ونيران صافنه بالفراغ ...

اسمع صوت صريخ ثريا وهي تصيح يمه الحكيلي اخوووووي ربي لاتفجعني باخووووي...

نزلت اركض انه ونيران انصدمت من منظرهه كاعده ادك على راسهه وشعرهه مشلعتو والحجيه لازمتهه...

رفعت راسهه عليه وصاحت يول امنيه ادهم  اخوووووووووي لاتعوفنه ااااااااااادهم

يتببببببببع..... احبكم....

اتحملوني قربت القصه ع النهايه ...