رواية ازمة ضمير الفصل الثالث وثلاثون 33 - بقلم Rozaya1122

ازمة ضمير ... البارت الواحد والثلاثون
«للكاتبه روزايه»

الرحمه والغفران لشهدائنا والشفاء العاجل للجرحى الله يفرجهه على عراقنا الحبيب

شضال بيه ؟
غير صفنات وسوالف
مال شايب موش أليه غير ذيج الذكريات
الما تملني وضالة تباوع عليه
غير وادم چانوا أيصيحون هنيالك يعاشگ
هسة يصيحولي الخطيه

ثريا.. وهسه وينو قيس غير يجي للبيت؟؟
ايوب.. لا حضرتو مايعجبو يجي هين لان احنه الي خلينه خطيبتو تخونو تووووف على هيج خوه مابيهه خير...

ثريا.. ع كيفك ايوب استهدي برحمن موهيج الحجي كدام فاروق...

اوس.. ايوب احنه ماراح نركض اندور رضاتو اذا عاجبو هاي المهزله خلي يكعد وحدو مو لخاطر قيس ننكر تعب فاروق..

ايوب.. انت اول واحد يسد حلكو تتواصل ويااا وتنقلو اخبار اول باول وهسه ذميتو وانت ماتفرق شي عنو...

ثريا.. ايوب جان عصبي بشكل واحنه نعرفو من يعصب يفقد ومايعرف شيحجي تكاونو هو واوس وواحد زانك الثاني من ياختو وتضاربو بوكسيات...

اخاف اصيح فاروق لان تعبان والحجيه اتجر بتشيرت ايوب بس جان معصب ع اوس لان ماينطي بقيس ومرات يحمل فاروق المسوؤليه..

اقرب واحد ع فاروق هو ايوب بحيث كل اسرار فاروق عندو ومايقبل اي كلمه ذم تنحجي علي...

نزل فاروق ع صوتهم وزگح بيهم يولو تخبلتو لا جبيركم ولاصغيركم بي خير عليمن متكاونين مثل الجهال...

اوس.. حسره عليه احجي اذا ما الكه ايوب واكف سجينه خاصره انه ما اذمك ولا امدح قيس بس مثل ماانت اخونه هو هم...

فاروق... طالب منك تمدحني؟؟؟ يول اوس ثمن كلامك قبل لاتحجي ...

انه ما اريد عفيه من عدكم كلكم كبرتو وصرتو زلم الماعاجبو ذاك الباب وين مايروح خلي يروح لان تعبت ومليت من عدكم مشاكلكم ماتخلص...

ثريا... ارتاح انت ماتعرفهم يتكاونون منا ويتراضون وايوب عصبي خلي يهدء ضغطك وعود احجي وياهم...

اخذ سويج سيارتو وطلع ركضت ورا فاروق وين رايح كال مابيه شي يولي عندي شغل وسد الباب...

ايوب شغل دراجتو وراح واوس راح لغرفتو والحجيه فرشت سجادتهه وتدعي الهم بالهدايه...

ضايجه جثير من قيس اريد اكعد ويا واسالو فاروق بشنو قصر انت حبيتلك وحده موكد الكلمه هو ياهو مالتو تحملو الذنب...

للعصر والحجيه طلعت امبدله وطلع اوس كالهه يله جده انروح ...
ثريا... وين جده وين رايحه؟؟؟

الحجيه.. رايحه لقيس اريد اكعد ويا وافتهم منو واذكرو بتعب اخو واذا ماعجبني حجيو ما اعتب علي العرك دساس وهذا ابن عماد ...

طلعت الحجيه وللمغرب يله اجت تلكيتهه من الباب تاخذ النفس كوه كعدت بالكاع مددت رجليهه ركضت جبتلهه مي وامنيه تنزعهه الجواريب..

الحجيه... تعالن اسمعن موكلساع تسالني ترى مابيه اعيد اخذني  اوس الو كاعد بشقه مدري وين خايبات متغير ولا عرفتو ...

جسمو صاير ضخم وضعفان والشعر مزينو كعدت يمو ولزمت ايدو كتلو راح احجي وما تقاطعني بس تجاوبني ع كد السؤال...

بفلوس منو وصلت ودرست وهسه النجمه ع اجتافك؟؟ مو بفلوس اخوك..

قيس.. لا مو بفلوس واحد عندي حصه مثلو واصرف من عدهه..

الحجيه.. عندك حصه وكلكم عدكم حته ثريا وهي كاع عجل مابعتهه وصرفت فلوسهه بشهرين تخلصهن هناك ...

يول قيس اكول عليك حنين وصاحب گلب طيب تالي من ورا حرمه تتخلى عن اخوك وياريت اكول حقو فاروق شنو ذنبي...

لاتحجي ولاتبرر نيران رعنه كلنه ماخليناهه تروح واعترضنه وكفت بوجهنه وراحت ويخابرهه يكلهه اجيج ماتقبل...

واذا دكول ليش ما كعد ابوهه يمنه انه اجاوبك ليش يكعدو لخاطر منو لخاطر بنتو لو لخاطرك انت؟؟

الجان لخاطر بنتو ماتستاهل لان ماسمعت الحجايه وسوت ابوهه الصايم ومصلي وخايف ربو والجان عليك ماتستاهل ولا شويه لان ناكر الجميل ....

قيس.. جده موهيج الحجي .....
الحجيه.. لا هيج ونص السوا فاروق لوجه الله مو لخاطرك وين ماتكعد اكعد بس انه جدتك وانصحك لاتوصل يمو لان اخوك ماينسه وانت اذيتو وراح تظل ابالو طول العمر من ورا حرمه...

قبل ماتجي تحاسب اخوتك روح حاسبهه الضربت حجايه الزلم بعرض الحايط وراحت ورا صخمان فلاح واذا دكول انجبرت انه هم وياك وما انلومهه...

بس تكدر دكلك وتشرد وياك وتكدر دكل لفاروق واخوتك بس هي خربتك ويه اخيك وهذيج اتزوجت وانت هالعايش هين وعايف اخوتك واخيتك الوحيده ...

مايصير يا ابني اعرفك انت عاقل وموتفكر بطيش انه وياك وحقك والجرح ياذي وانت غدرت وماتكدر تنسه لان حبيت من گلبك بس مومعناتهه تنتهي الدنيا...

هي الخسرانه وداعتك ثق بكلام جدتك ودحك شلون تجيك تطلب رضاك وانت تسد بابك بوجهه ...

يولن احجي والدموع اتجمعن بعيونو طلعت من عندو وكتلو ارتاح وراجع نفسك خليتو براحتو بعدو مجروح...

ثريا... مايوم فكرت اخوتي تصير حزازيه بيناتهم وخاصه فاروق كلت يبقون طول عمرهم تحت رعايتو ومايوافون حقو بس قيس مدري شجا ...

امنيه.. اجه ادهم العصر كال تحضري شويه ونطلع نعشه بره اول مره راح اطلع ويا واصلا اول مره اطلع ببغداد ركضت للكنتور طلعت الملابس كلهه ومحتاره شلبس ...

ساعدتني ثريا ولبست فستان طويل بس من شفته بالمرايه ماعجبني مدري شلونه واصلا هناك بلانبار ممنوع نلبس بنطرونات ...

بعدني مطشره الملابس وكاعده بنصهن ماعاجبني شكلي بهذا اللبس انفتح الباب ادهم يريد يبدل كمت ع السريع لميتهم ورجعتهم من شافني كال اوكفي يولي...

ماعندج غير الفستان؟؟ لااا ماعندي اصلا مامشتريه ملابس من جانت ماما عدله وبالعيد الفات...

ادهم.. روحي اخذي من ثريا وهسه من نطلع نشتري
امنيه.. رحت لثريا اخذت منهه تنوره وقميص بس غصيت بيهن ثريا اضخم مني واطول وحته اسمن كلش انقهرت نزعتهم وكعدت تلاحكتني ثريا عدهه جبه مثل الفستان حلوه ...

ثريا.. الدموع اتجمعت بعينهه علمود اللبس بس طلعتلهه جبه عندي حلوه ومالابستهه لان قياسهه صغير لبستهه ويه بنطرون كابوي والشال لفيتو الهه...

كرصتهه من خدودهه الناعمه وراحت لادهم سمعتو صوفر وهي تضحك طلعو والتفت عليه ادهم كال ثريا لاتتعشين انه اجيبلج وياي...

امنيه.. رحنه لمطعم اسمه الزيتون لسه اتذكره لازمه ايد ادهم وخايفه من جنت طفله شفت بغداد وكبرت بعيد عنهه حجزنه بمكان هادئ  وكعدت كدامه ارفع راسي وانزله من الخجل...

طلبنه الاكل وكعدنه ننتظر مد ايده ادهم ع ايدي كال يولي شبي وجهج اصفر وايدج ثلج..

امنيه.. ادهم اريد احجي وياك مدام طلعنه وحدنه..
... احجي اسمعج..
.. انت معتبرني اختك حالي من حال ثريا شنو الخلاك تحبني وتريد نتزوج...

ادهم.. نفس السؤال اسالو الج انتي اكثر من مره كتيلي معتبرتك اخ وجنتي ماقابله ع الخطبه شنو الخلاج تحبيني...

امنيه... ما ادري جنت صغيره ما اشوفك غير اخ وبيك حنان الاب الفاقدته وخطبتك هي حمايه الي مو حب بس بعدين لكيت نفسي معجبه بيك واطور الاعجاب وصار حب...

ادهم.. انه اكون صريح وياج مر ع خطبتنه 3 سنوات جنت ما ادحك كدامي انثى غير طفله وبس بس انتي الي خليتيني افكر بيج نظراتج خلتني انجذب اكثر واكوم افكر بيج...

ما اكلج حبيتج بسرعه لا مثل ماكتلج خليتج ابالي وصرت افكر بيج حته وانه بدوامي صرت اشتاگلج وانزل بس حته ادحكج كبرانه ...

كلما انزل الكاج كبرانه ويزيد اعجابي بيج انطيت فرصه لنفسي اجرب الحب وياج وصدك وكعت بحبج وانتظر يوم يوم حته نتزوج..

امنيه كلمه غاليه وعزيزه قليله بحقج لا انتي حبيبتي واتمنى اكدر اسعدج وتعيشين وياي الحياة الي تتمنين بيهه ...

امنيه.. كلام ادهم الي تحول غزل خربط احوالي حته انقهرت ع الاكل الي ما اكلته لان شبعت من غزله ورجع الاكل نفسه...

طلعنه نفتر بشوارع بغداد سالته ادهم شسمهه هاي المنطقه كال المنصور اخذني لمولات ومجمعات ملابس اشتريت ملابس حسب ذوقي وما اعترض كله بنطرون وعلي شي طويل للركبه مثل قبل رجعت البس...

جنت فرحانه حيل رجعنه للبيت بعدما اخذنه عشه للحجيه وثريا كعدت احجيلهه ع الطلعه وشوفتهه الملابس وظلت ابالي شلون ما اشتريتلهه شي وياي نسيت اني وادهم...

بس اكو قطعه جان قياسهه جبير لان اخر قياس وكلت اصغره بعلاكته شلته وانطيته الهه كتلهه هاي الج فرحت بيهه وتشكرتني...

اسماء... صارت بيه حاله ليل نهار اراقب بيتهم منو يطب ومنو يطلع من الصبح لليل تخبلت من شفتهم طلعو هو وخطيبته وراحو ولليل يله رجعو محمله علاليك ...

ظليت اكل باضافيري وخابرت ع رنا صديقتي حجيتلهه شكك كالتلي مايصير ولج الولد خاطب لاتخربين حياته بس اني قابله حتلو خاطب جنت مجنونه بي..

كمت من اروحلهم بحجه اي شي ماينطني مجال لا الحجيه ولا ثريا لو تطلعلي الحجيه تطردني من الباب وماتتفاهم ع كد السؤال...

الحجيه.. خايبه ثريا هاي البت اسمهه اسماء ما ارتاحيتلهه كلبي لاعب منهه من ادحكهه جسمي يكزبر وهاي مو خوش بنت غير صالحه...

خاف تلتف ع واحد من اخوتج لاتنطيهه مجال ومن تجي انه اطلعلهه وانعل سلفه سلفاهه هالحيه هاي....

ثريا ... كامت من تجي تطلعلهه الحجيه بدون حجي تطردهه ودكلهه البنات ماموجودات وقلت جياتهه لحدمايوم  اجت مرت عمهه مسيره هي وياهه وماكدرت تطردهه...

فضوليه وجريئه بشكل كامت من مكانهه واجت ورانه للمطبخ جانت امنيه تحضر بالنركيله وترتبهه لادهم لليل لان يخبصنه وهي متابعه مسلسل...

اسماء.. شلونكم بنات كلما اجيكم الحجيه دكول ماموجودات ..
ثريا.. اي عدنه شغل ومرات نطلع مافارغين..
اسماء.. ماعدكم تليفون حته نتخابر لان كلش اضوج بالبيت اكول لو نكعد نسولف احسن من الضوجه..

امنيه... اكلج انتي شكد عمرج؟؟
اسماء.. عمري 24  وبعد بس سنه واتخرج..

امنيه... ووووي شكبراتج تصرفاتج مال وحدهة١٨ مامبينه هلكد..

اسماء.. شبيهه تصرفاتي مافهمت قصدج..
امنيه.. احسن لا تفتهمي  اكلج انتي شو المفروض تتخرجين ليش بعدلج سنه لازم كسوله...

اسماء.. لا متاخره سنه ورسبت بالمتوسطه اكول انتي هم تنقهرين من تشوفين وحده تدرس..

امنيه.. لااا ما انقهر لان اذا الدراسه ماتعلم اخلاق ما اريدهه...

اسماء.. انتي شكد عمرج وليش ساكنه ابيت خطيبج؟؟
امنيه.. عمري 19 وهذولي بيت عمي واهلي ميتين عندج سؤال بعد لو رضيتي فضولج...

اسماء.. هههه غير اتعرف عليج ليش هيج جافه انتي؟؟

امنيه.. اني موجافه بس كتلج ما احب الفضول وانتي ماشاء الله عليج كلما تجين ادخليني استجواب...

ثريا.. سكتت امنيه لان انهدت بيهه كتلهه امونه كملتي النركيله...

امنيه.. اي كملت بس بعد دشداشته كال واكع عليهه عصير بطرفهه وغسلوهه عليج الله ثريا غسليهه انتي اني اضوج من سالفه الدشداشه...

ثريا.. ووولي هو مو خطيبج قومي بواجبو انتي ..
امنيه.. يمه منج ثريا افندي حماتي الشريره شجاج اغسليهه والله اريد اشوف المسلسل...

ثريا.. هملنه اسماء وصرنه نتشاقه وحدنه وهي بدت تنافخ ما ادري هاي البنيه وين تريد توصل بالضبط لحدما راحت وامنيه خبلتهه ومن طلعت غمتهه...

كعدتنه الورا العشه كلنه كاعدين واندك الباب راح ادهم يفتحو بس اسمعو يصيح فاروق وينك...

هستوه يريد يكوم فاروق مانحس غير قيس جنطتو بيدو واكف اباب الديوانيه كلهم اخوتي وكفوا وانه بدون گلب رحت حضنتو وسلمت علي جامد حيل ولاذاك الحنين...

كال السلام عليكم ردينه السلام وفاروق وايوب اثنينهم عافو وصعدو ليفوك واوس وادهم سلمو علي وكعد ...

سلمت علي امنيه بس دحكلهه بنظره غريبه وكانو دحك نيران بيهه هي هم بسرعه راحت للغرفه...

ادهم ماخذ موقف من عندو ما حجه ويا اصلا بدل وطلع انقهرت على قيس غريب بين اخوتو كلساع اريد احجي والحجيه تخزرني ...

بعدو كاعد ونزل فاروق وايوب لافين الجراويه على راسهم يريدون يطلعون قطع الطريق عليهم ووكف بوجه فاروق...

ماكدر يحجي ادحكو يبلع الغصه الي ابلعومو وعينو ع فاروق اتمنيت فاروق ياخذو باحضانو ويكلو لاتهتم يا اخوي بس فاروق گلبو قاسي وياذي نفسو ولا يظهر مشاعرو...

رفع راسو قيس لفاروق وعيونو محتقنه حته حمر كوه كدر ينطق الكلمه وكالو اعذرني...

فاروق ماانطه ردة فعل بس كالو معذور وطلع بس ايوب خله ايدو على كتف قيس وكالو تبقه اخونه بس مثل ماجرحك ماشفه جرح فاروق منك بعدو طري...

كلهم طلعو وقيس وحدو حضرتلو فراشو لان اخوتي كلهم ينامون بالكاع مااشترينه اثاث بعدنه كالو من نرمم البيت ...

صعد للغرفه الفوك وبعد مانزل ولا دحكنا وكلما اريد اصعد تصيح بيه الحجيه دكول عوفي تعبان فاروق يعرف شيسوي لاتتدخلين...

مرن يومين نفس الحال مايحجون ويه قيس ولاهو يكعد ويانه وياكل متغير جثير وحته نفسيتو تعبانه والمصيبه مايدحك ولا يحجي ويه امنيه ....

بليل تقريبا الساعه ب10 طلعت برا لكيت قيس حاضن فاروق وصوت البجي مالتو عالي وفاروق ضخم وطبطب ع ظهرو...

ابتعد قيس ويمسح بوجهو بايدو كالو فاروق كلتهه وراح اعيدهه عليك المايريدك ربح لا تريدو خساره...

لاتخسر نفسك وتخسر ناسك بسبيل حب ماتم انه وياك لاخر لحظه بالفرح والحزن وياك بس يا اخوي الانسان من ينطعن ويتأذى مايعود مثل السابق ...

لاتخلي ثغره تصير بينك وبين اخوتك وانت التخسر ترى تلگه نفسك وحيد يول ومحد بظهرك...

ثريا... رجعت للغرفه اريد ابشر الحجيه لكيتهه شايله الشحاطه مالتهه وحاصره امنيه بالزاويه ودكلهه اليوم اكطعهه عليج يالفعصه..

يولي ام عفشه انه جني زكيه الداكوكه اليوم اشعل صفحتج يالصفيره...

امنيه.. بيبي اتشاقه وياج شجاج ماتتحملين شقه  غير انتي تقلدين عليه دكليلي جنج فاره وبعدين شبيهه زكيه الداكوكه...

الحجيه... خفه هالحلك وهالسنون الجنهن اسنون سنجاب ..
امنيه.. بيبي لاتقلدين عليه زكيه الداكوكه...

ثريا.. هجمت الحجيه ع امنيه وبالشحاطه التوجع وكعت لامنيه دك ع ظهرهه ورجليهه بس بخفه وهذيج تكمز ودكلهه عوفيني...

شمرت الشحاطه الحجيه وامنيه تبجي ونعيمه زعلت ودارت وجهه وطلعت وتصيح انه زكيه الداكوكه يمصخمه...

اجه ادهم هستوه جاي حار بين الحجيه وامنيه نعيمه دكلو روحلهه زعلت خاف بعد ماتنطيك مصاص...

وامنيه دكلو ادافع لجدتك الضربتني لان يتيمه انه محد يدافعلي كلكم تتفرجون...

ادهم.. يمعودات صدك جذب غير افهم عليمن هالهوسه شو تعاي امنيه عليمن هالدموع...

امنيه.. صخرتني وماكمت دكلي جنج فاره كتلهه انتي تشبهين زكيه الداكوكه شو ماتحملت بسرعه ضربتني...

ادهم... تعالي يمي شلون تحجين وياهه هيج ادري بيجن علاقتج قويه وتشاقن  بس هي مره جبيره وتزعل بسرعه ...

امنيه.. لعد تضربني وفوكاهه بشحاطه ايوب الي تفلش اكبر واحد...

ادهم .. هو ايوب شمحصلين منه غير الفضايح ابوسمره ...

كومي امنيه لو سامعج انه هم حاسبتج كومي اعتذري منهه وماتعيديهه بعد هي تحبج وتشاقيج قابل صدك فاره انتي شو جنج بقلاوه..

امنيه.. قشمرني بحجيك ..
ادهم.. عليمن اقشمرج قابل انتي فاره دكومي يولي اعتذري منهه...

امنيه.. اني موقصدي احجي هيج بس لان هي قلدت عليه ضجت طلعت ويه ادهم لكيتهه كاعده هي وثريا دنكت عليهه بستهه من راسهه كتلهه اعتذر...

اشو الحجيه انفجرت بالبجي وتضرب بايدهه وتصيح مكسرات ان شاء الله وترجع تحضني كمت ابجي وياهه شكد احبهه وحنينه ...

ادهم.. هسه انه شسوي ياعصافير تعاركتن وزعلتن ورديتن تحاضنتن ...

الحجيه.. امشي منا انت كله منك طلعت عينهه هالفرخه جانت جنهه دجاجه ...

ادهم.. تراضيتن وصرت انه الموزين هم صوجي رضيتجن..
ثريا.. تغير الجو من الزعل للضحك والشقه لا امنيه تكدر تزعل الحجيه ولا الحجيه تكدر بدون سوالف امنيه...

تقريبا قيس رجع طبيعي ويه اخوته بس داخلو مكسور ومن ينجاب اسمهه يطلع مايتحمل  ..

انه انفتحت استماره التقديم وقدمت ع التعين وبدينه نرمم بالبيت بلاول الطابق الفوك والهوسه وبيتنه مگلوب...

ادهم اجل العرس علمود البيت لان تعبان وكالو نكملو كلشي ونرممه يله يتزوج ...

اهل اسماء جثير يدزلنه اكل وهي اسماء نفس الحاله بس ادهم ابد مايتواجد مايدحكهه وامنيه ابعدهه عنهه تطلع الحجيه الهه...

بالفتره الاخيره جابلتنه مره كيكه ومره لحم بعجين بس ما ادري شبيه احس نفسي مختنكه وشكد اقره قران والخنكه لازمتني....

وصارت من تجي احب اكعد وياهه واسولف رغم الحجيه تمنعني بس انه الي احس هيج اتذكر بوقتهه محد اكل بس انه لان كلهه نايمه ...

صرت اعاند الحجيه واتكاون ويه امنيه وادز عليهه واكعد ساعات وياهه حته امنيه تزعل من عندي ودكول انه ما ارتاحلهه انتي ليش تحجين وياهه...

بيوم من عدهن تكاونتت ويه امنيه  ودزيت جهال المنطقه عليهه واجت كعدت يمي نسولف وشكد قللت من احترام امنيه وانه ساكته ...

بس امنيه ماسكتت الهه وكالتلهه ياريت تخلين لنفسج قيمه وبعد لاتجين لان احنه عدنه ٥ زلم عيب كلساع رايحه راجعه وين اهلج عنج...

بس ما اهتمت وبجت كدامي وانه تكاونت ويه امنيه شلون تحاجيهه هيج ما ادري شصار بيه احبهه وما احبهه...

مرن شهرين ضبط وانه ع هالحال وادهم وامنيه حبهم بي ومايزداد ..

وفاروق انقبل بمعهد القضاه وصار كل وقتو دراسه وحته ما اندحكو وايوب الواكع بيهه هو بمكان فاروق...

بيوم من عدهن ساعه ب9 الصبح كاعدين بالمطبخ اندك الباب راحت الحجيه ادحك منو رجعت وكالت تفضلي يمه...

رفعت راسي وانصدم بالواكفه كدامي نيرااااان...

يتببببع... احبكم