رواية ازمة ضمير الفصل الثامن وثلاثون 38 - بقلم Rozaya1122

ازمة ضمير ... البارت السادس والثلاثون
«للكاتبه روزايه»

اتسوي روحك جاي تنسه
وما تجيهم..!؟
ومن بعيد اهواي تنشد
يمته ناموا..؟
يمته فزوا...؟
و القميص اللايگ اعليهم تبدل..؟
بعده نفسه..؟
اتسوي روحك تچذب وگلك صدگ
غطي گلبك ذاك هوه امبين بگلبك عشگ
...

ايوب.. ول منا لا اترس حلكك رصاص الجاي اداعي بي زلمه اليجي هين بعد والله لا ادفنو بمكانو

عادل.. موهيج الحجي مرتي تعديتو عليهه واخذوتهه من داري انه وياكم والمحاكم لخيسكم كلكم بالسجون ..

ايوب.. ذاك درب المحكمه خاف ماتندلو وروح انبح ابابهه مره ماعندك يمنه وغصبا ماعليك اطلك وانت وفلاح الجبان ادفعون الثمن غالي...

فلاح.. انتم ياولد اخوي راح تروحون برجلين على هاي عملتكم تاخذون حرمه من رجلهه وتروحون تشتكون علينه وين صايره هاي ماعدكم شيخ لو رداد يردكم...

ايوب.. هم الك عين وتحجي مالك بنت يمنه روح منا قبل ما افقد اعصابي عليكم...

الصوت عالي وزاد الغلط بيناتهم وادافعو وايوب رجلو ماتعينو عركه زلم ويدفعون بايوب يريدون يفوتون للبيت ياخذون نيران...

الجيران طلعت ع صوت الصياح وعم اسماء هو الي وكف بوجهم وهددهم يخابر الشرطه وايوب جان مصر يكلهم لو على جثتي ما تاخذوهه

بس صوت السيارات والتراب الي خلفته وراهه وايوب دخل للبيت وهو لازم رجلو وعابر الدم على الضماد مالتهه...

تلكتو نيران بعيون مليانه دموع كالتلو موكتلك يا ايوب مايعوفكم بحالكم مشكلتهم وياي لان اعرف كل سوالفهم ومايريدون اعترف عليهم...

ايوب.. انت بس لاتصيرين ضعيفه والباقي ينحل صح خاطرت بروحتي بس موبيدي ماكدرت انتظر الايام تمشي ...

ثريا.. ايوب رجلك تنزف تعال اضمدهه الك..
.. ايوب حدري هين يولي ما اكدر احركهه ...

ثريا... سندتو من ايدو واخذتو لمكانو والحجيه يم راسو اتلوب بي وهو ساكت ضمدت جرحو ورجعت لفيتو ومدد بفراشو...

سديت الباب واخذت نفس عالي ياربي شلون بينه خاف يصير شي باخوتي لان متهورين والعصبيه العدهم ماتخليهم يفكرون...

رجعوا الولد وكعدت احجيلهم وفاروق عصب على ايوب وصار نقاش حاد بيناتهم...

فاروق.. ايوب اذا ماكعدت وسكتت اكسر رجلك الثانيه حته اخلص يول انت عقل ماعندك كلما نكسب السالفه تروح تخربهه..

ايوب.. شسويت يعني تريد افتحلو الباب واكلو اتفضل البيت بيتك والله انتم الماعدكم عقل ...

فاروق.. الله يطيح حظك اكثر من هالحظ العندك لا من انت مريض خلصان من طلايبك ولا بيك حظ...

ايوب.. منو كالكم بيه حظ الحظ الكم انتم المتعلمين الدارسين عدكم خطط وتكتيكات ...

اسمع فاروق بلله عليك لو ثريا بمكانهه تكدر تغمض عينك وتنتظر الوقت المناسب لو تروح بنفس اللحظه وماتهاب اكبر واحد...

انه اجاوبك اكيد كلكم تسحلون وتروحون وتاخذوهه وتهددون مثل من راد ينطيهه ابوي فصليه دحكت شسويت انت بلحظتهه..

بس هاي مواختك والاعظم من هاي انت تكرهه لان اذتنه واحجيهه كدامك مو وراك انت الي تكرهه لويصير نبي ما راح تغير نظرتك علي..

وهم خلي ازيدك معلومه تكدر تساعد وتوكف هاي المهزله بيوم واحد لان عندك علاقات وكلامك مسموع كدام الشيخ بس انت ماحاب هالشي وحاب تنتقم منهه بطريقتك ...

فاروق.. منيلك هالحجي هيج انه واحد خسيس كدامك ونكرت كلشي وطلعتني حقود والله مع الاسف عليك انت ماتفرق عن اخوتك الي يسوون المصيبه ويلكحوهه براس فاروق ...

كل مشكله تصير عدكم لازم انه سببهه ولازم انه اطلع موخوش ادمي مدام هيج يا اخوي حلوهه وحدكم ...

البارحه قيس والصبح اوس وهسه انت كلكم محمليني ذنب نيران وعبالكم انه الطردتهه ...

تعبت من عدكم ومن سخافتكم واحد انذل من الثاني روح انت واخوتك حلوهه تكتلوهه تردوهه تموتون للكبر ...

ثريا.. ماجان يحجي بهدوء ابد اعصابو بينت لان ايوب نعرفو صريح ومايسكت ولكح كلامو مثل السهام على فاروق...

وصدك فاروق ابد ما ادخل حته الناس الي كلفهم سحبهم وكالهم حلوهه انتم وكال نيران اذا انتي وولد عمج محملتني ذنبج لابارك الله بجيتج...

جان هذا اليوم عباره عن اعصاب للكل ادهم تعارك ويه امنيه وخلاهه نامت ودموع بعينهه ونيران حست بالذنب وللصبح هي كاعده ...

ايوب كلساع ادحكو كاعد والجكاير مانزلت من ايدو واوس طلع متعارك ويه فاروق مثل كلام ايوب وهم كاعد ماكدر ينام..

بس فاروق نايم ومطفي ضوه غرفتو اذن اذان الفجر كلنه كاعدين واكفه اسوي جاي ونزل فاروق ماحاجاهم ابد...

رغم ما اوس حجه ويا بس ماجاوب وادهم كعد بس يصيح ومعصب لان امنيه زعلانه اجواء مشحونه والكل اعصابو نار...

كلهم طلعو الفجر وما اعرف وين راحو حته الماعندو شغل طلع يتخبط بشوارع بغداد من اجينه هين كلت راح نرتاح تالي زادت ماقلت...

صارو يشتغلون وحدهم ع قضيه نيران وخلو محامين بس فاروق شال ايدو عنهم ومالو علاقه حته من يطلبون مساعده مايجاوبهم...

اكثر من مره اخذو نيران للمحكمه يدونون اقوالهه وقيس ما اجه بعد رغم ماخلص الشهر ومن نخابرو يطلع حجتو عندو دوام ....

ينتظرون قرار المحكمه وشراح يكون مصير نيران الي اخذو تقاريرهه وطلعت تتعاطى ادويه ممنوعه مو مخدرات بس دوه ممنوع ماينصرف يسبب الهلوسه وارتخاء بالاعصاب...

ليش ما بيوم طلع قرار المحكمه والادانه على اخوتي ولازم نيران ترجع ويه زوجهه وهذولاك كسبو القضيه

بيومهه قيس موجود وصارت الهوسه ونيران تبجي بالغرفه دكول يذبحوني اذا رجعت واخوتي استسلمو وكعدو...

طلعت اتوسلت بيهم واحد واحد بس مابيدهم شي حته قيس تتوسل بي تلكهم ما اعيش يمكم اروح لغير مكان بس لاتسلموني...

واكفه انه وامنيه بالزاويه ونبجي على حالهه الي بدت اعراض الانهيار تبين عليهه وكانو تتخيل شراح يسوون بيهه ...

انفعلت جثير وكعدت بالكاع وعينهه على اخوتي ما خلت عينهه بعين قيس بس على ايوب واوس حجت بدموع وغصه والصوت بده يختفي...

نيران.. اذا مامتاكدين تخلصوني من عدهم ليش اخذتوني وليش ضاعفتو عليه العذاب انتم واعدتوني بالمساعده..

اوس.. نيران كلشي سوينه صدكي بلله حته فلوس دفعنه بس ابوج شهد بان انتي مريضه من زمان وعندو عداوه ويانه وع اساس احنه انريد ننتقم منو...

يانيران رغم تحليلج بان تاخذين حبوب بس كلشي ماجان بالحسبان حته تقرير طبي جايبين بان انتي مريضه ولازم تاخذين هاي الحبوب مال الاعصاب..

شهادتج وشهادتنه والادله كلهه مانفعت لان الظاهر عدهم ظلع قوي والقاضي صار بجانبهم كل الي بيدنه سوينا اخذو تعهد عليهم بس هذا الي كدرنه علي...

ثريا.. قيس يحاول يبعد عينو عنهه لان صدك مابيدنه شي لو بس فلاح جان اخذوهه غصب اذا هي متزوجه وعدهه بنيه مالنه حق بيهه بكد الشعره ...

بعدهه كاعده بالكاع والحجيه مكابلتهه وانه وامنيه لازمين اديهه سمعنه الباب انفتح وفات فاروق كال السلام عليكم كلنه ردينه...

فاروق.. شبيكم وجوهكم مغبره شصاير؟؟
ادهم.. قرار المحكمه ضدنه ولازم باجر يجي فلاح ورجلهه ياخذوهه ...

فاروق.. كعد ع التخم ولكح السويج ع الطبله وكال ليش قرار المحكمه موبصالحكم مو مشيتوهه صح..

ادهم.. كلشي ضدنه جابو تقرير طبي بان نيران مريضه وهاي حبوب مزمنه وتاخذهه وخر وجنت ولو صدك مدمنه جان طلع ابنتهه وبان احنه تهجمنه عليهم وابوهه موجود مالنه حق بيهه احنه ...

فاروق.. منو القاضي ماعرفتو منين؟؟
ادهم.. كالو من الشعب واكو ضابط وياي يعرفو وراح علي بس كالو ماترهم لان الادله ضدهم والبنيه متزوجه وعدهه اب مالكم حق تدخلون عليهه وكاتبين بالدعوه بان احنه اخذناهه جبر ...

فاروق.. مو راحت وياكم نيران وشهدت شنو هالكلاوات هاي مارجعتو رفعتو عليهم دعوه حته تتحول القضيه للتمييز...

ادهم.. مو هو القاضي والمحامي سدوهه كالو مايفيدكم اي شي لان المحكمه اتخذت قرارهه..

فاروق.. ماكو هيج حجي اذا رجعت راح تتاذى اضعاف باجر روحو اشتكو وخلي ترفع القضيه للتمييز حته يرجعون على الادله من جديد...

الحجيه.. يمه فاروق حرك روحكم ويه اخوتك عندك معارف انت بلكي الله ينصف هاي المسكينه..

فاروق.. الله كريم لاتهتمين نيران ماراح ترجعين الا برضاتج حجه هالكلمتين وكام واخوتي كلهم ساكتين ومتندمين لان ماسمعو كلام فاروق ...

كومنه نيران واخذناهه للغرفه حجينه وياهه جثير بس جان الخوف مسيطر عليهه انطيناهه علاج ونامت ...

هستوني مددت اريد انام واسمع صوت امنيه تتكاون هي وادهم رحت اريد ادحك شصاير واسمع امنيه منفعله وتحجي بحركه..

... اسمع ادهم وحق الله وروح ماما اعوف البيت واشرد اياك تحاجي هالكلبه هاي انت منطيهه مجال..

ادهم.. يولي صوتج شمنطيهه مجال يوميه ادك عليه من رقم مليت منهه ارزل ومايفيد..

.. لا مامبين عليك مليت اصلا متونس على مكالماتهه بدل خطك كلشي تكدر تسوي ترى والله اروح على بيت عمهه واخزيهم اذا ظلت هيج..

ادهم.. امنيه كافي مخليته براسج هسه هي تسوه تضوجين عليهه ياحبيبتي هاي من اول يوم دحكتني وهي هذا حالهه ...

امنيه.. والله يا ادهم كلبي ناغزني منك ..
.. يولي تخبلتي لادكومين تمسلتين جايه تتكاونين وياي علمود وحده تافهه يوميه تسويلنه مشكله..

ثريا.. بيتنه عبالك منفجره بي قنبله كل اثنين متعاركين ومن يجي الليل الكل تنام زعلانه وثاني يوم يكعدون ماكوشي وتتكرر هاي الحاله راح يصير فوك الشهرين احنه مكاون..

ثاني يوم رجعو اخوتي رفعو دعوه مثل ماعلمهم فاروق وصدك تحركو وخلال ايام تحولت للتمييز وشويه ارتاحينه حته فلاح ما اجانه بعد...

هدء الوضع ابيتنه وصار الوضع زين ونيران شويه احسن بدت تتشافه وحالتهه النفسيه تحسنت بس بعيده عن الكل عبالك دوده ما نحس بيهه ولا تواجه اخوتي ولاتكعد وياهم ...

خاصه قيس نهائيا واحد مايدحك الثاني بس تسمع الباب ينفتح تركض للغرفه احسن الهه واحسن الو...

امنيه بدت تدرس علمود الامتحانات التمهيديه وانه اساعدهه وادهم انقل لغير محافظه وصار اسبوع دوام واسبوع اجازه ...

بس يجي تبدي المشاكل بينو وبين امنيه من ورا اسماء لان اسبوع كامل هي يوميه تجي مرات نطردهه ومرات اطلع انه وادخلهه ما اكدر اطردهه اكو شي بداخلي يشدني الهه...

ما اقبل واحد يحجي عليهه والمصيبه الكل ساكت عنهه وعبالك السنتنه مربوطه بس امنيه تهمش وحدهه وادافع وتتعارك بس ماكو حل...

حته ادهم صار مايهتم لكلام امنيه وكلما تتعارك يرجع عليهه ويسكتهه صار الكل يدافع عن اسماء بالبيت بس امنيه الوحيده الي تصيح ما اريدهه...
...
بعد مرورين 3 اشهر...

هلهلت الحجيه وحضنت نيران ودموع الفرح مسيطره علينه وصارت نيران تنتقل بين حضني وحضن امنيه

اليوم اطلكت نيران اجباري من زوجهه لان انعادت القضيه بعد مانرفعت ورجعو للادله والتزوير وشهادتهه هي الخلصتهه...

الفضل يرجع كلو لفاروق لان اخوتي رغم معارفهم بس يصدكون باي شي يسمعو بس فاروق من حجه لهذا القاضي الي يعرفو هو نصحو وكالو اتوكل وانه وياك...

كسبنه القضيه واطلكت نيران وماعدهه حقوق حته تتنازل عنهه هي انباعت من ابوهه اشرقت الحياة بداخلهه حته نفسيتهه تغيرت ....

امتحنت امنيه وماشاء الله نجحت من الدور الاول وبيومهه علن ادهم الشهر الجاي زواجهم ولازم نبدي نحضر...

قيس كام مايجي للبيت الا نادرا ومن نسالو يكول عندي شغل بس مبين يجذب على نفسو بس حته ينهزم من حبو وخاف يضعف كدامهه ...

صرنه يوميه نطلع انجهز لامنيه بين نيشان ونختار بدلات بحيث نرجع ميتين تعب حته رجلينه تسعر من الفره...

امنيه.. رغم زواجي قريب بس ابد مامرتاحه وخاصه لوضع ادهم احسو مستعجل ع الزواج مولاجل لهفه اوحب بس لاجل غايه عندو...

مو ادهم القديم متغير جذري بارد وياي وكل مشاعر ماعندو اتجاهي وعبالك صرت فرض علي بس يريد يتمم زواجه ويخلص...

كمت اشوفه من نبتعد يتلهف عليه وعيونه تشكي اشكال الحب واللهفه وبس نقترب كلشي يتغير ويقابلني ببرود..

مره من عدهن جان ملتحق بانذار وكلما يخابرني يكلي صايره بين عيوني وشوكت انزل واشوفج واني مقصر وياج ...

واجه اليوم الي نزل بي مالكيت ادهم وكلامه الي اسمعه بالتليفون تلكيته بالمطبخ بلهفه وهو كذلك نزل جنطته بالكاع وفتحلي ايده ...

حضنته وايدي محاوطه ركبته ماطول ثواني وبعدني ودار وجهه عني وسوه نفسه مو وياي ...

تنرفزت من تصرفه صحت شبيك ادهم شنو هالتصرف قابلني برد موحلو ابد كال وشتريدين اقابلج اخذلج تحيه ...

عافني وراح واني صافنه بالمطبخ هذا الحجي قبل موعد زواجنه باسبوعين ضبط ...

ماحاجيته ولا عاتبته وصلت بي المكان الكاعده بي مايكعد بي ومنين مايلكاني يروح بغير جهه وما اجت عينه بعيني ابد...

سولفت للحجيه وثريا كالت اكعدي ويا واحجي وشوفي رده شيكول...

وفعلا انتظرته يجي ورحت دكيت الباب جان واكف يبدل ولا اهتملي وين جان ووين صار...

امنيه.. ادهم اريد احجي وياك..
ادهم .. احجي..
امنيه.  اني مسويه شي وما ادري بنفسي ليش هيج تعاملني..

ادهم.. ماكو شي شلون اعاملج ترى تعبان مولازم اقدم اهتمام ع طول
امنيه.. موقصه اهتمام بس انت حته ماتريد تشوفني ولا تحجي وياي...

ادهم.. اسمعي يولي مالي خلك هاي السوالف ..
امنيه.. احجي الصدك انت مجبور لو شنو لو غلطت من حددت موعد الزواج..

ادهم.. اي والله تندمت ع سالفه الزواج وياريت تتفهمين الوضع وتوافقين ناجلو..

امنيه.. ماكدرت احجي اي شي بس بلعت الغصه وطلعت بس سديت الباب نزلت دموعي بغزاره شجاي يصير معقوله راح اخسر ادهم...

حرت المن احجي كعدت اسولف لنيران الفاصله عن العالم بس كالت الله يهدي هاي الي كدرت عليهه...

طلعت برا الغرفه ودموعي ماجاي اسيطر عليهن اتذكر ادهم وشقه والضحك وياي واتخيل هسه وكلامه ما اعرف شسوي...

ثاني يوم سولفت للحجيه وثريا تفاجات بردهن وهن يكولن انتي موتدرين ادهم ماجان راغب بيج بس استخطاج وكال اتمم زواجي بيهه ...

بلحظتهه تخبلت عليت صوتي عليهن وتهمتهن هن يكرهني وانت تخططن لشي ضدي حيل انفعلت وحسيت نفسي وحيده والكل يكرهني...

يومين والمشاكل عالكه والكل يلومني وكل الي اكعد احجيله يكلي هو راد يتمم زواجه بيج لان انتي بنت عمه هو مايحملج مشاعر ..

لحد الان اتذكر الم هاي الخيبه وشكد بجيت بيهه وشكد احتاجيته هو ادهم نفسه احتاجيته ...

احتاجيت اشكيله عن اخوته وعن ثريا وعن الحجيه احجيله شلون اذوني بكلامهم ردت من عنده يوكف بوجهم ويكلهم لا اني احبهه وما اسمحلكم تاذوهه...

بس للاسف مالكيت لا ادهم ولا اخوته ولا صديقتي ثريا ولا الحجيه كلهه ضدي كلهه تبرأت من عندي ووكفو بجانب ادهم...

المشكله كل هذا الصار وفاروق مايدري باي شي لان الكل يحاول يخبي عنه بيومهه انتظرته يجي واصعد اشكي لفاروق ولازم يلكالي حل...

صعدت ليفوك بعدني ماوصلت واسمع صوت جاي من غرفه ادهم تقربت اكثر واسمع يكله من اكعد الصبح اخابرج ...

جمد الدم بعروقي منو هاي الي يخابرهه معقوله ادهم متغير عليه لان عنده وحده يخوني وياهه..

اريد اكمل الطريق لفاروق ماكدرت اكمل ابد رجعت للغرفه مختنكه لا الدموع اسيطر عليهه ولا رجفه اعصابي ...

هيج ليله ولا انساهه هاي الليله الي باعني بيهه ادهم بدون سبب لا اذيته ولا مشيت بدرب اعوج هيج جازاني بالخيانه...

الله راد يكشفه كدامي بكلشي ثاني يوم احس نفسي اريد اخرب ومحك مهتملي ولاهو الي نزل مبدل والعطر ورا وتعداني ...

جان ناسي تليفونه بسرعه ركضت علي اعرف الرمز مالته فتحته وايدي ترجف وانصدم بالرسائل بينه وبين الحيه اسماء...

اخر رساله جانت يكلهه اني بالواجب بس اخلص اخابرج وهذا اليوم نفسه دكيت علي يوم كامل ومايرد عليه وابد ماجاوبني لثاني يوم...

ما ادري شلون كتمت بكلبي وشلون رجع اخذ تليفونه واني اباوع ورا من طلع ...

انتظرت يجتمعون ع الغده واحجي كدام فاروق خلصنه غده واني واكفه بنص الصاله حجيت بعبره محنوكه...

امنيه.. فاروق اني وادهم بيناتنه مشاكل وموبس ادهم كلهه ضدي ويسمعوني كلام موحلو

فاروق.. وحده وحده يابويه منو وياج؟ وشنو المشاكل...

ادهم.. قبل لاتحجي يافاروق هاي كدام الكل واعتقد كلكم تعرفون سبب خطبتي من امنيه ردت اخلصهه من ابوهه ...

وهسه انه كدام الكل اكلكم انه اريد اطلكهه حته ادحك حياتهه وانه هم اتزوج لان عاجبتني وحده...

امنيه.. حجه كلامه دفعه وحده والكاع افترت بيه ماصرت اشوف شي بس اسمع الاصوات تتعالى وصوت ادهم وهو يكول ما اريدهه اريد اخطب غيرهه...

يتبببع... متابعه ممتعه