رواية ازمة ضمير الفصل الثاني والعشرون 22 - بقلم Rozaya1122

ازمة ضمير ... البارت الثاني والعشرون
«للكاتبه روزايه»

مــآ مَــره ذكروني وبچّوا ،؟
يذكروني ،؟ لــوو أصلاً نسّوا !
ولمَن يمُر إسمي بـ صدَف ،
محد تنخگه الحسرَه !
مرات ترجع ليورا ، مليون خطوه مــن الوجع
والسبب مُمكن نظره !

اسماء.. عيني ظلت تفتر ورا رغم هو ملتهي بنفسه ويمسح بالدم والولد يحجي وياا امشي والتفت علي وصديقتي اتجر بيه دكلي فضحتينه...

وصلت للبيت واني فكري كله يمه اتذكر كلش زين من يوم الي ساعدني ودائما عيونه تجي ابالي ما اعرف شلون اوصفهن كبار والرموش مثل سعف النخل...

لهجته غرييه بس اعرفهه مال الغربيه لان اكو طلاب ويانه هيج يحجون من الغربيه ومن هذا اليوم صرت مولعه بلانبار وبس اسمع واحد يذكرهم ياخذني الفضول واندمج وياهم...

يوميه من امر من المجمع اتظل عيني اتحوم بلكي المحه بس تمر اشهر واني ما اشوفه وحته اذا شفته من بعيد واصلا ماينتبه عليه ولا يعبرني بفلسين...

اتمنى اعرف تفاصيل صغيره عنه وين بيتهم وليش ساكن هنا وشيدرس وليش هلكد شايف نفسه وما يباوع ..

مرات انتبه ع نفسي اكول الي اسوي غلط واحتمال الولد ياخذ غير نظره عليه البنيه كلما تكون خجوله كلما تكبر بعيونهم اكثر بس موبيدي هذا الحجي اكوله بالليل بس الصبح امشي وعيني ع باب المجمع بلكي اشوفه ...

بيوم منهم اجت جيرانه هي بيتهم قريب ع المجمع بس معلمه ويه عمتي وتجي علينه عدهه ابنيه بلاعداديه صف سادس دائما تجي ونكعد انسولف هي اسبورتيه بشكل وبدون حجاب ...

ما ادري شلون جاي نحجي وانفتح موضوع ع المجمع بسرعه كالت اكو شباب بالمجمع صاكين واغلب المجمع عزابيه...

اسماء.. شمدريج ولج لا احد يسمعج يمعزايه..
... الحجي بيناتنه ولج عندي علاقه بواحد من المجمع محافظات وجاي يشتغل هنا..

.. عزا العزاج ماتخافين من امج وهم شباب يجوز يكعد يشهر بيج ويكول عندي علاقه بيهه واطش بمنطقتكم ..

... لا مايكول ومودائما نتواصل لان هو بالشغل ومو وحده بالشقه وياا شباب...
... ذاك اليوم اجينه من الكليه وصارت عركه باب المجمع ويه واحد اسمه ادهم...

... هاا اعرفه هذا مره حجالي علي هذا ساكن بشقه وحده محد ويا ويدرس كلية عسكريه ومن اهل الانبار ...

... طلع المجمع بي كل المحافظات وفوكاهه كلهه عزابيه... اريدهه تذكر ادهم بس ماتعرف علي شي بس هذني كلساع ابعده عن راسي والكا نفسي من جديد افكر بي ويصير مسيطر على فكري...

طلعت الساعه ب7 اني وصديقتي ونمشي بطريق المجمع بعدنه بس وصلنه لباب المجمع نزل للدوام والجنطه ع كتفه ما التفت ابد ولا عبالك اكو بنات كدامه...

تعدانه ويمشي كدامنه عيني على طوله شكد حلو وجسمه رشيق ومتناسق شفت الجكاره بيده لحدما وصل للسيارات وهو جكارته بيده بحيث مارمشت ابد لحد ما صعد واختفى...

معقوله وكعت بحب من طرف واحد وراح اظل اعاني بهذا الحب شلون اعترف وشلون احجي وهذا الشي مستحيل اسوي واحتمال يجي يوم ويروح من المجمع وبعدما اشوفه ....

ثريا... قيس سافر من بغداد حته بدون مايجي بس فاروق وايوب راحو الو بس انه بيومهه شكد بجيت لان راح وما ودعتو ماكدر يجي لان صار كلشي سريع...

كعدنه انه ونيران نبجي وهي صافنه تتخيل قيس وانه اتذكر طفولتي اتذكر من اشترالي ملابس داخليه ...

واتذكرت من اجتني الشهريه كعدت ابجي وما اعرف شسوي ومحد معلمني وماحجيت لحدما لكاني ابجي جوه الدرج وكومني...

يسالني شبيج ثريا منو وياج ادهم ضربج هسه املص اذانو جنه انه وادهم جثير نتكاون وهو عبالو متكاونه وانه اشهك وما اعرف شكلو...

ظليت ابجي وهو يسكت بيه وكاعده ما اقبل اكوم لان ملابسي متوسخه ما اعرف شيخلون وشنو هاي وليش انه من دون البنات صار بيه هيج حته اضرب بنفسي راشديات اكول هم فگر وهم بيه عائهه...

تالي كومني كوه وانفضحت كدامو لحد الان اتذكر موقفو ماحجه شي بس بلاول انصدم بعدين رمش عيونه ولزمني من اكتافي وباسني من راسي وكعد بمستواي ...

كال ثريتي لاتبجين انتي كبرتي وكل بنيه من تكبر هيج يصير روحي غسلي ولاتخافين ...

... قيس لاتحجي كدام ادهم يكوم يضحك عليه ..
.. يولي ثريا لاتحجين هيج هذا الشي من تكبرين راح تعرفي وتكومين تضحكين ع سوالفج يله روحي غسلي ونامي ...

اتذكر بكلامو واضحك ودموعي تجري جفلني صوت الحجيه وهي دكول هااا ولج ثريه تسودنتي ساعه تبجين وساعه تضحكين؟؟

وانتي اليابسه عليمن كالبتهه مناحه الزلمه رايح يدرس ويحي يسوق طياره وتتباهين بي كاعده تنوحين جنج وحده مبيوك عشاهه...

نيران.. بيبي من هسه اشتاقيتله وبعد سنه ما اشوفه شلون اتحمل فراكه...

الحجيه.. كومي ادعيله بالسلامه ماطاير يرجع واشبعي من عنده والله انتن هذا الجيل جنجن ماراح تشبعن وتقنعن ..

امنيه.. بيبي من شنو نشبع؟؟ ولاتلومين نيران غير خطيبهه وتحبه..

الحجيه.. اسكتي انتي ام حلك الفاهي يولي كضبي السانج ولاتهدي بصواريخج كدام الزلمه لا يروح يصير بي شي ...

امنيه.. شحاجيه اني كلكم صرتو ضدي سويتوهه عيب شنو احجي بسالفه الزواج ليش هي موهاي الحقيقه...

الحجيه.. بعدج تريدين حقوق ااااوف يا ايام زمان كلشي مانعرف لمن يطب علينه العريس مانعرف شني الحقوق وانتن هلكبرج وادورين...

والله من عرست بعدني جاهله بنت شيخ وكلشي ما نعرف لطخوني بلاحمر والاصفر واخذوني ومن طب الله يرحمو ونزع دشداشتو ركضت ختلت بالكنتور ويجر بيه ..

وهسه وحدتج هي تمطل الزلمه وتاخذ حكهه منو ودكول كلشي ما اعرف...

امنيه... لا جده اني وادهم اصدقاء ما اختل بالكنتور لان احنه اتفقنه ع كلشي ...

الحجيه.. دهر فرج وتيه اثرج كومي منا لا تصعدين ضغطي...

ثريا... انكلبت جلسه الدك والنوح لضحك والمداهر بين امنيه الي ماتعرف الحقوق الزوجيه وبين الحجيه الي عبالهه امنيه راح تهجم ع ادهم....

ورا فتره سمعت من الحجيه فاروق طلك نورس بس ظل يدزلهم ويصرف عليهم لان اخوهه شغله مو هلكد بس برء ذمتو من عدهه وراحت لحال سبيلهه...

اجت امل وبتهه ياقوت وشويه صارت روح بالبيت بعد ماجان كئيب لان الاخوه الخمسه كل واحد بمكان...

صادفت يوم جمعه ولازم نشيل الفراشات لان بده الجو يحر واجانه الصيف نهايه شهر الرابع ياقوت وامل ونيران وياي المهن ونغسلهن تعبنه حيل ...

بقت غرفه الولد لمينه الزوليه وطلعن يغسلنهه وانه كعدت انظف بيهه من جاي ارتب بيهه وبالغراض وكعت محفظه ايوب الظاهر ناسيهه ...

شلتهه وخليتهه ع الميز بس ما ادري ليش عجبني افتحهه بيهه فلوس وهويتو اگلب بيهه وادحك صوره صغيره مگلوبه ع الوجه عبالي صورتو...

طلعتهه واتفاجا بيهه جانت صوره رؤى الله يرحمهه لازمه صورتهه وصافنه معقوله ايوب عندو مشاعر الهه...

بديت اتذكر حرگه كلبو اتذكر اكثر واحد بيهم تخبل وفقد اعصابو وكام كل الي يدحكو يهجم علي ...

خاصه بيوم الشالوهه اخوتي صلبين حيل مايبجون بس هو دحكت دمعتو وكعت ع خدو ومسحهه بسرعه حته لا احد ينتبه علي...

كمت اربط الاحداث وخسارة مستقبلو والحزن المخيم علي بعد وفاتهه وخاصه من ترك الكليه كلهه بديت استرجعهه وانه الوم بنفسي ليش ماعرفت اخوي شبي بيمن التهيت عنو...

وين جنت عن ايوب ويامن شارك حزنو المن سولف معقوله فاروق يدري هو مايظم شي عنو انقهرت حيل حزن ايوب بسبب حبو الي اندفن وكل هذا وبعدو شامخ ويحاول يكتم مشاعرو...

بعدني كاعده ع جربايه ادهم وادحك بصورتهه جانت مسويه ضفيره صفح هنديه ولابسه قميص سمائي وبي شريط اسود ومبتسمه بعفويه وشكلهه ينكط برائه...

اندفع الباب حيل بسرعه جفلت ووكفت ايوب طب ماعبالو بالغرفه من دحكني لازمه الصوره ومحفظتو نتر بيه حيل وجرهه من ايدي ...

ايوب.. شسوين يولي؟؟ ايوب انت جنت......

ايوب.. لاتسألين ولاتذكرين شي كدامي ثريا اني طالع معزوم وراح امر ع فاروق وانطي خبر..

ثريا.. راد يطلع وكفتو ايوب انه اختك احجيلي انت جنت تحبهه وكل حزنك علمودهه...

ماحاجاني ابد بس لاحظت دمعه لالت بعينو وهذا الشي خلاني اكثر صدمه اخوتي ما ينهزون بسرعه واحسهم مثل الجلمود لومو تمطر علي الدنيا ماراح يتاثر...

بس ايوب الظاهر حاب بصدق وراح كلشي من ايدو ومبين متاذي واذيتو فوق ماكاعد احجي عنهه ...

كملت تنظيف الغرفه وكلبي يوجعني على حالتو ما اجه لحد الليل حته من كلت لفاروق ايوب معزوم كال ادري ولاتلحين علي ...

ظليت ساكته مبين يدري لان كلهم يشاركو بحزنهم وفرحهم مرات ايوب يكول اذا ما احجي لفاروق احس نفسي مقبط وراح انفجر كلهم هيج يكعدون يحجوله الصغيره والجبيره...

انه عندي امتحانات واظل اقره وعيني ع الباب ايوب مارجع وفاروق مدري وين طلع بديت انعس كمت اسوي كهوه حته شوي اصحصح ...

فتحت باب المطبخ وادحك فاروق وايوب كاعدين بالحديقه سديت الباب وافتريت من الممر حته مايدحكوني ويصيحون بيه ...

ايوب كاعد ع كرسي كدام فاروق ومنزل راسو بين ادي وفاروق هو الي جان منزل نفسو لمستوى ويحجي ويااا...

فاروق.. ايوب يا اخوي لو يصير اشيل عنك هذا الحزن جان ماتردد بلحظه ولا ادحكك هيج تعاني...

ما اكعد اواسيك لان جذب الانسان ينسه حبو من كلمات مواساه بس الي اكولو الك العمر طويل وربك راد هالشي...

مقدر حبك وجان حبك طاهر الهه حالك من حال اخوتك بس مابيدنه شي نسوي ولا ترجع بعد حته نعالج حزنك اطلع من هاي القوقعه الي انت بيهه بديت تتلاشى وتخسر كلشي ...

مدحك نفسك شلون صاير اعصاب ومن عصبيتك خايف تروح توكع نفسك بسالفه عفت كليتك ومستقبلك وماراح ترجع رؤى...

ايوب.. فاروق لاتواسيني انه من اجي احجيلك اريد ارتاح لادكلي هيج تاذيني والله تذكر بيوم الي التقينه بيهن ولهاي اللحظه مايوم نمت وهي مو بالي ..

اعترفتلهه بلايام الاخيره وكتلهه اخطبج وانتي الي بس ماحققت ولا وحده منهن اني ماحبيت اني عشكتهه حته ماانطتني مجال وردتني وخلتني ايام وانه اتلوع عليهه...

كامت ماتجينه ولاتبات يمنه حبيتهه حيل وكلما يمر يوم وتحرمني من شوفتهه وصوتهه كلما اتعلق بيهه اكثر...

تالي راحت بلحظه لا ودعتهه ولا وفيت بوعدي الهه يجوز هسه انت تضحك ع عقلي بس والله حبيتهه وهي اول وحده دكت باب كلبي....

فاروق.. يول كوم وحاول تشغل نفسك واطلع من هاي القوقعه اذا ظليت هيج لشوكت ويمته ترجع مثل قبل الموت علينه حق والله كاتبلهه هلكد تعيش بعد حزنك مايغير شي..

ثريا... دموعي غركت خدي وانه ادحك اخوي متلوع ومتعذب بنيران العشك والعاشكهه اندفنت بالتراب ...

كام وكف وفاروق طبطب ع ظهرو انه بسرعه ركضت لفراشي وابجي هذا اول واحد من اخوتي ضاك الحب وظلت لوعه بكلبو ....

ثاني يوم كعدت الصبح اسوي ريوك وهو كاعد كدامي ينتظر الجاي ما ادري شصابني دموعي جرت حسيت نفسي مقصره ويااا لان شايل حزنو وحدو وماشاركته بي...

هذا ايوب الي جان حته صدريتي يغسلهه ويسويلي كصايب للمدرسه حزنان ويعاني وحده وانه مادايرتلو بال وملتهيه عنو...

صاح بيه يولي ثريا جاي لو باجه استعجلي فاروق ينتظرني وحده راح...

مسحت دموعي وصبيتلو جاي مايتريك هو بس جاي وجكاير ليل نهار انتبه عليه كال شبيج باجيه منو وياج؟؟

... محد وياي بس اشتاقيت لقيس وادهم ياريت ماكبرنه وظلينه مثل قبل...

... ايوب ياريت بس الياريت زرعوهه وماخضرت كبرنه ومشت السنين وراح تمشي ونكبر بعد...

ثريا... حجه هيج وطلع وانه كمت بدلت ورحت للدوام ادحك اهتمام سلام بيه زاد بس مامهتمتلو ولا احجي ويا بس يحاول يخلق سؤال حته يحاجيني رغم جنت معجبه بي بس الي يريدني يندل بيتنه وهو احسه يدور علاقات موصادق ...

رجعت للبيت بدلت وامنيه لكيتهه صابتلي غده كرصتهه من خدهه كتلهه فدوه لمرت اخوي ...
ضربتني ع ايدي بشقه وكالت لادكولين هيج ازعل ترى ادهم اخوي ...

ضحكت وياهه وتغديت وكمت غسلت مواعيني رحت للغرفه لكيت ياقوت ونيران يعزلن بالكنتور وكلهن مبسطات بالكاع كعدت وياهن بشقه وضحك وسوالف امنيه والحجيه...

دحكت نيران بجت كتلهه شبيج نيران؟؟ ثريا هاي الجنطه غراض رؤى وزادت بالبجي...

اخذتهه من عدهه وكمت حته لاادحكهن خليت الجنطه صغيره ع المجمده وفتحتهه بيهه صورهه واقلامهه ودفتر مذكرات صغير فتحتو مكتوب علي مذكراتي اول باول...

بسرعه اخذتو وخبيتو والجنطه ضميتهه بكنتوري ورحت اسوي عشه كلت بس ينامون اكعد اقرا شمكتوب وشنو الجديد الي ما نعرفو بحياتهه...

يوميه ورا العشا فاروق يجيب حلويات لو كرزات نتعلل بيهن كعد شويه يمنه كال لكيت قطعه جبيره شدكولين ابنيهه ونشيل هذا البيت مايكفينه....

ثريا.. ليش فاروق هو البيت جبير بس مامبني كامل ابني طابق ثاني والحديقه شكبرهه تكدر هم تبني بيهه وترتبو تعودنه ع المنطقه والجيران...

فاروق... ثريا اخوتج كبرو ويريدون غرف خاصه الهم مو 5 بغرفه والبنات والحجيه انه كلت يجون الولد واخذ رايهم شيكولون...

ثريا... طلع فاروق وبدت القوات تنسحب للفراش وانه رحت للمضيف اقره واخذت الدفتر وياي اريد اقرا...

لكيت ايوب نايم ع بطنو وغاط بالنوم ما ادري شوكت جاي وشوكت نايم بس الباكيت والجداحه يم راسو كعدت يم راسو وحركت شعرو بيدي بهدوء ...

شوكت كبرنه وشوكت لحكنه نحزن ولو احنه من يوم يومنه متعوبين وجبتوهه ضيم بقهر من العماله لطلايب ابوكم لمن وكعتو بالحب وبديتو تعانون...

كمت من يمو ورجعت للديوانيه والدفتر بيدي اريد افتحو بس متردده غمضت وفتحتو جانت اوراق كلهه فارغه بيضه...

عجل مو كاتبه يومياتي اول باول وينهه اليوميات حته مامبين مشلوع منو بديت اكلبهن وحده وحده كله فارغ...

وصلت لنهايه الدفتر مكتوب هاي حياتي ورقه بيضه مابيهه اي شائبه وايامي كلهه ممله وكل يوم مثل القبله...

بس انت يا ايوب بشوفتك تحلي يومي وارجع فرحانه افتح الدفتر ...

كلبت الورقه الثانيه مكتوب احبك ايوب بس ما عندي قدره احاجيك اني ملاحظتك من تباوعلي وعيونك احبهه حيل بس ما اكدر اكلك احبك...

اريد مثل قيس ونيران بس اني مو مثلهه لان خوافه خاف بابا يدري ويذبحني بس انت اطمئن اني احبك ....

بس هاي الكلمات جانت مكتوبه تلمست حروفهه الله يرحمج يا نقيه شكد جنتي بريئه والله اختارج واخذج يمو....

قررت اضم الدفتر واحركو باجر حته لا يدحكو ايوب ويحزن اكثر ويتاذى ...

لميت كتبي وملازمي ورحت مددت بفراشي ما ادري شلون غفيت بس جنت كاعده يم جده حليمه مثل قبل كاعده تغزل بالمغزل...

اسولف وياهه واشكيلهه عن اخوتي شلون كبرو وكامو يحبون وعبالك الحلم حقيقه وادري بيهه ميته واكلهه من رحتي هيج صار بينه...

حليمه... ادري بكلشي ياثريه وادعيلكم هين انه وجدكم واجتنه رؤى شحلاتهه تخبل...

... جده ايوب متاذي عليهه طلع يحبهه!!! اي يثريه اسمع صوتو وهو يناديني يكلي حليمه ليش اخذتيهه وعذبتيني بس كليلو هي بامان لايظل بالو...

ثريه عندي سوالف جثيره ماتخلص بس كلي لفاروق يسد باب البستان من يم البرتقال جاي ياذيني ماكل صفحتي كلهه وحته جدج يكول يوجعني هذا الباب....

... ياباب جده ؟؟ بس كلي لفاروق هيج وهو يعرف.. وكليلو دكول جدتك لاينسى الوعد انه انتظره كل خميس وصار مده ماكو عسما شر والتهه عني....

... جده لاتروحين ظلي يمي اريد اسولفلج جثير ؟؟ لا بنيتي عفت رؤى وحدهه هسه ادور عليه انه اجيج كل مده ما اتركج وحدج ...

ثريا... كامت لمت الغزل والتفتت عليه وكالت الوعد الوعد كلي لفاروق جدتك تنتظرك...

اختفت مثل السراب وانه جفلت من نومي ع صوت الاذان كمت توضيت وصليت لكيت فاروق يصلي قبلي ....

انتظرتو كمل وصليت انه ورحت ورا للمطبخ لان اسويلو جاي يطلع من الفجر هو كتلو فاروق حلمت بجدتي حليمه...

فاروق.. خير ان شاء الله...
... كالت كلي لفاروق يسد باب البستان من يم البرتقال اكل صفحتي انه وجدك ورؤى بامان...

ودكول كليلو الوعد لاينسى كل خميس انتظرو عسما شر والتهه عني...

حجيت هيج وهو صافن عليه ماكال شي بس كال استغفر الله الانسان نساي....

شرب الجاي ع السريع وطلع وماعرفت الوعد شنو وليش حلمت هيج بجدتي وعبالك حقيقه كعدت الحجيه وسولفتلهه ...

كالت هاي يسموهه رؤيه انتي بنت بيت ونظيفه وحلمتي هيج العمل الصالح مالت حليمه هو يتجسد ع هيئتهه ويجي للانسان الصالح...

.....

اليوم استلمت نتيجتي ناجحه للرابع وفاروق هم راح رابع وادهم واوس نزلو وهاي اخر سنه لادهم خلصهه بعد شهرين ويحطولو الرتبه ....

اليوم كلنه مجموعين ع السفره وجاي نشيل بالمواعين خلصنه غده وكالعاده ياساده اجت امنيه شالت الدولكه مال اللبن والوت رجلهه هي والدولكه واللبن بنص السفره وكدام الولد....

ادهم كام بسرعه كومهه وهي كامت تبجي من الفشله صدك هالمره موقفهه لاتحسد عليهه كلنه صحنه الله الله الا الحجيه كالتلهه ثول ....

امنيه... ادموعي احسهه فشلانه اكثر مني وماترضه تنزل بس اني ابجي وادهم يكلي لاتمثلين وين اكو دموع...

والله فشلت ومااكدر ارفع راسي نمت ع بطني بنص السفره الفارغه بس بقايا الاكل والعظام مال السمج والخضراوات وبقايا التفاح وكشور البرتقال....

اخذني ادهم من ايدي للمطبخ لان صار الضحك عليه بفلس وهو واحد من عدهم بس فاروق شفته من شاوره يله كام ...

واكفه اغسل بالسنك ويلوم بيه ثوله عميه انتبهي موشلعتي كلبي مايوم دحكتج اذا مانايمه ع بطنج شوكت تكبرين يولي...

ردت ابجي اللبن تارس هدومي منظري يلعب النفس جر ايدي ادهم وفتح عليهه المي حسيت بنتله كهربائيه واحساس غريب...

نترت ايدي من عنده وكتله وخر موحرام تلزمني؟؟
... طبج طوب اريد اجيب درنفيس فحص وافحص هذا العقل الحجاره شبي ....

... ادهم لا تحجي عليه عقلي يوزن بلد...
... يوزن دربونه عقلج امشي بدلي ملابسج ...

امنيه... اندك الباب وطلع واني اغسل بعدني شفته من الجامه عمي عماد وادهم كالب وجه وصاح فاروق  اجه ابوك......

يتبببع.... متابعه شيقه

اتمعنو بهاي الصوره واحزرو يشبه يابطل من ابطالنه  اني اخاف ع مشاعركم بس شوفوهه لا تقربوهه