رواية بعد فوات الأوان الفصل الثامن والعشرون 28 - بقلم آنين الليل

مرحبا
وصلني كم من الرسائل الي يعتب والي يتهجم والي يكول القصه مو بالمستوى المطلوب
بالنسبه لاعادة الاحداث واعيد واكرر الاحداث احيانا تعاد حتى
اربطها مع الاحداث اللاحقه اما القصه مو بالمستوى المطلوب فهذه وجهة نظر وانا احترمها
القصه حقيقيه وبيها مفاجآت وبعيده عن احلام اليقظه الي الكثير يطالبوني ان اخليها بالقصه
اتمنا الكم قراءه ممتعه واشوفوني متى ما اكمل البارت انشره
تحياتي
#آنيين الليل #
/////////❤️❤️❤️////////❤️❤️❤️////////
يوسف
من سمعت كلام ماهر استغربت بعدين ابتسمت وگتله::  سحر
ماهرهززراسه //  ليش مستغرب ايي يوسف سحر
:: انت اتثق بهيج خزعبلات
- لا ابو محمد مو خزعبلات حقيقه وحقيقه مذكوره بالقرآن

:: اي انذكرت البني اسراءيل وراحت بوكتها
- - لا متوهم لازال عدنا وبكثره واصلا اكو ناس متخصصين بهيج شي
:: ما اعرف اشوف كل الي يگول سحر او انو يگدر يبطله احسه چذاب
- - لا مو كلهم هي صحيح صارت تجاره بس اكو من يشتغل ويفتهم بهيج شغلات

باوعتله :: بس انا ما اثق وبعدين منو الي يسويلي سحر وليش لا لا ماهر انا ما اثق
ماهر // حتى انا لكن شفت بعيني
سالته :: شنو شفت؟
- - ابن عمي اتزوج قبل تقريبا سنه وسوو عرس ضخم وعزيمه ومن زفوو ما جاز على مرته
:: يجوز مريض او مرتبك
هز راسه // لا مو مريض لان البنيه اختياره هو يحبها بس مرتبك احنه هم هيچ گلنه لكن الولد اسبوع وهو ما
متقرب المرته اجاني اخو وفهمني السالفه فاخذنا السيد

:: اتعرفه للسيد ؟
- - الصدك لا ما اعرفه لكن وصفه الي واحد من العمال
رديت باستهزاء:: هههه لا تگلي ايعرفه ودووم يروحله ؟
ماهر // اي ليش مستهزأ ؟
:: چان سووا چاره النفسه ليش باقي يشتغل بيوميه
- - لا تستهزأ يوسف هاي ارزاق وانا ما رحتله لمن ما عرفت عنه كل شي

::شلون يعني ؟
ماهر // يعني العامل گلي انو اخته متزوجه ويه عيالها وصبح الصبح وعمتها كالت ذهبي ما موجود
ايي وانتهمت اختي لان بيومها حماتها بالمدرسه ومناك رايحه البيت اخوها الچبير وهذا عازل عنهم
ومرت حماها الثاني عد اهلها فاخته فايته على غرفة عمتها ومنظفتها
:: وهي شنو شامره ذهبها بره

- - لا خالته بعلبه بالكنتور بس مطلعه شغله وناسيه تقفل الكنتور
:: اي وشنو صار
ماهر// الي صار المره تهمت البنيه وعمها وحماها گالوا دووم تضيع من عدنا فلوس ودزو على اهلها
والرجال من سمع گللهم انطوني دليل اختي هي الي بايكه وراحوالغرفتها ودوروها ما لگو شي
لكن بس هي دخلت للغرفه اهنا اخوها گللهم اذا طلعت البوكه عد اختي اله اكتلها مووت بس ياويلكم اذا
اتهمتوها چذب
بعدها ذكروله السيد وراحله هو وزوجها وعمتها

:: ها اخذهم ويا ؟
- - ايي لان السيد راد يسمع من الطرفين ومن سمع واخو البنيه گله اختي مستعده تحلف بس اريدهم
همه هم ايحلفون
السيد گله مو هسه انطيني مجال بعدها انطاهم ورقه وكللهم تاخذونها وتشوفولكم مره چبيره شرط
تصلي وتصوموتخاف الله ولازم تعرف  عايلتكم
بس بشرط ابد لا تگولون الى ان تفتهمولي من المره شنو شافت
وفعلا جابوا الورقه وانطوها الجيرانهم وخلتها جوه راسها وشافت منو الي باك الكلاده

باوعتله :: منو ؟
- - مرت حماها
انا باستغراب // بشرفك ماهر
هز راسه // مثل ما سمعت ومو بس هيج لا بتهم شايفتها وساكته
- - وليش ما واجهوها
- - لان ما عدهم دليل بس  راحو للسيد  وسولفوله  وطلب منهم يجون الي وياهم بالبيت يحلفون يمه
همه استغربو السيد فهمهم انتو مو تردون الذهب بدون فضايح لازم الكل يجي
وراحو ايحلفون وهناك السيد لزم بتهم  وكللها ليش شفتيها وسكتي
عاد هاي خافت حچت الاكو والماكو

:: شلون يعني
- - يعني هذيج الحيه مامله البنيه بان تاخذها الاخوها وهاي مراهقه شافتها وسكتت
:: اي وشنو صار
- - مبينه  مرت حماها جاي تاخذ فلوس وتمد ايدها على الذهب وتضمه يم اهلها بحجة تريد تطلع ابيت
:: وشنو سوو ؟
- - السيد من دخلتله هاي الماخذته للذهب راسا گللها انا ما احلفج لان انتي البايگه ومو بس ذهب
وفلوس همه لان كلهم يدرون بيج بس انا حبيت احافظ على كرامتج وصدك طلعت الذهب ورجعته

::وعيالها وزوجها شنو سوولها
- - ما سوو شي خلوها شهرين يم اهلها وبعدين كالو الرجلها اجر الها بيت يم اهلها حتى همه
يصيرون مسؤولين عنها ما حبويطلگوها عدها جهال تلاثه
:: واخت العامل
- - اعتذروا منهم وبقت ويه عيالها معززه مكرمه

:: زين وابن عمك اخذته النفس السيد
- - اخذنا  وقرا علي هو وزوجته وانطا ماي يسبح بي ويرشون بيها الغرفه كلها وبخور وتلث تيام جاز على زوجته
سالته :: طلع سحر
هز راسه // ايي سحر
::منو الي مسوي
- - السيد ما قبل ايكول
::وليش ؟

- - مبينه واحد من اهله لو من اهلها
:: وهسه
- - هسه يوسف لازم  نروح للسيد
:: انت شتگول
ماهر // يوسف انت مو راجعت طبيب على گلبك  وگلك ما تشكي من شي
:: اي صحيح
- - هذا هو خلي نروح الهذا الرجال بلكي نلگى عنده علاج

:: شبيك ماهر هاي عود احنه المثقفين ندور هيچ سوالف
هز ايده // واذا مثقفين ليش منو گلك هو جاهل رجال يعالج بالقرآن خلي نروح ما خسرانيين شي
::والله ماادري
- نروح ونشوف شنوايگلك قنعت بكلامه خير على خير ما قنعت هو ما طاگنه على ايدنا ندور وجهنا ونرجع

نمت بالديوان وماهر فرش يمي ما قبل ابقى ابحدي رغم لحييت علي وهو يگلي // ما اروح انام لو يجي الحمزه
گعدنا الصبح تريگنا واشوف ماهر اتصل على رقم
-سيدنا صبحك الله بالخير
-اشلونك اشلون الاهل
-موجود ان شالله
-سيد اخوي وجاي من محافظه بعيده وما نريد نتعطل

-بيش الساعه
-ان شالله يمك
-فيمان الله

غلق التلفون وباوعلي //السيد يگول الساعه تلاثه تجوني
جاوبته بابتسامه :: صدك تحچي عبالي نسيت
هو ابتسم // لا شنسيت ما عندي غيرك
حكيت شعري :: عود اليوم امر على زهره ومناك اتوكل ارجع للحله
ماهر غمض عين // لا باالله خاف تتشاقى اليوم ماكو مره وما كو رجعه للحله ويجوز تتاخر

:: لا ماهر وشغلي
- اخذ اجازه كلهم عمي اتوفى (اتقرب عليه وكال ) يوسف خلي نشوف شبيك
:: لو ادري ما مسولف الك
- - ايبااخ اذا مو الي تسولف المن ياالله امشي وياي
:: لا انا امر بزهره
- اي بس غداك يمي

:: ما بيناتنا ماهر امر عليها واشوف حسب الظروف
اتصلت ضحى انا جاوبت
:: الو
ها صباح الخير
:: هلا بيج اشلونكم
- انت ما اتصلت كلت انا اتصل

:: مو البارحه اتصلت وكلت رايح الفاتحة عم ماهر
- ويمته تجي
::ان شالله باجر هسه فد شويه اروح امر على زهره
- عود سلمنه عليها
:: الله يسلمج هسه يمي جماعه بعدين اخابرج

وطلعنه انا وماهر الي وصلني بسيارته گلي حتى ارجع عليك هو راح وانا دكيت الباب فتحلي ابن زهره الزغير
-هله خالو يمه اجه خالو
زهره // چذب ولا اصدك
جاوبتها ::ليش چذب ؟
هي اتلگتني باستني بخدي خمس ما ادري عشر بوسات وهي تگول

- هلا بيك خويه
::اشلونج زهره
- الحمد لله هلا بيك اتفضل
دخلت للصاله ::شنو وين الشباب
-بالدوام
::هاا والله نسيت انتي شلونج

- الحمد لله امي ضحى بسام
هزيت راسي ::كلنه زينيين
- شعجب
:: اجيت الماهر عمه اتوفى واجيت اقرا فاتحه
- الله يرحمه
::عاد انا اترخصت منهم حتى اجي اشوفج
- فدوه العينك يوسف الله يخليك

::انتم شلونكم
-الحمد لله زينيين
::الحمد لله
وگفت باوعت الها:: ها وين
- هسه اسويلك ريوك
:: لا يسمعج ماهر ويزعل اتريگت واجيت اگعدي جاي اشوفج وارجع للفاتحه
- شنو ترجع اليوم تبقى عدنا

::لا غير مره
- ابد ما تروح الجهال يردون يشوفونك تتغده وتروح
::ما بيناتنا
- ادري بس من زمان ما شايفتك
::ايي وانتي هم گطعتي
- شسوي خويه طريق بعيد ولازم من اجي ابطي وتدري البيت والجهال گبل من چنتو اهنا
مو يوميه عدكم بس شنسوي بعد الله لا يوفق الي چان السبب خلي اجيبلك چاي

وراحت زهره وانا صافن جابت الچاي وسالتني //يوسف شو متغير
نفخت :: تعبان
- اسم الله شكو شصاير
::ما صاير شي بس انا ما الي خلك
باوعتلي زهره //شنو يوسف ضحى ما صار عدها شي
هزيت راسي :: من اجيت للبصره وهي وامي عد الطبيبه

زهره //ومحمد شلونه
::زين
- تروح اتشوفه
جاوبتها::  ايي
- كبر هاا
هزيت راسي بدون ما اجاوب

- وشنو تكول الطبيبه الضحى
::تگلها استمري على العلاج وان شالله خير
زهره اتحسرت // والله يايوسف لو مغيمه جان مطرت ولو ما كو اكرم من ربك
::بعد كلمن وقسمته
- انت الحمد لله عندك طفل بس هي خطيه

::ايي صحيح
- وهم سمعت سالم مرته حامل
باوعت الها ::منو كلج
- مرت عمي ذاك اليوم اجت مرت عليه وگلتلي سالم جايهم ومن سائلته گالها جايب مرته تشوف
اهلها وبعدين مخبرها انو مرته حامل

هزيت راسي الصراحه ضجت من وجودي يم زهره ما حبيت تسالني عن التفاصيل لان اعرف بسالم
حاچي المرت ابو بوفاة ام مروه واكيد هي مخابره امي انا وكفت باوعتلي
-وين رايح يوسف ؟
::راح اروح يم ماهر
- شنو هسه شويه ويجي ابو حسين انا خابرته
::ادري بس زحمه من ماهر

- لا ما تروح الجهال يردون يشوفونك
::زين اروح شويه وارجع
- هلگد ضجت مني ولو ما اعتب عليك حتى بالجذب ما تتصل
::هسه لا تسوينها دراما صيحي اليوسف الزغير خلي نطلع انا ويا
- وين تاخذه
::شويه اتمشى واشتريله

راحت بدلتله وجابته //عفيه يوسف الزمه من ايده
::لا تخافيين ما راح اضيعه

لزمته من ايده وطلعت اتمشينه واخذتني رجليه البيت عمي ابو سالم لان همه عدهم اسواق وهناك شفت ابن عمي
هشام بالاسواق هو بس شافني عرفني سلمت علي وكلي لازم ادخل للبيت وراح الامه وفتحلي الباب
هشام عمره 16 سنه طلعت امه وسلمت عليه ودخلت للصاله وهي سالتني على امي وعلى ضحى
وجابلي هشام عصير

سالته ::شلونك بالمحل
- زين الحمد لله
مرت عمي گالت //اجه سالم مر بينه وكال بس يجون يجيب زوجته ويجينه
هزيت راسي هي بادرتني //شلونك يوسف وشلون الوالده
::زينيين  عمه الحمد لله

-وضحى شخبارها
::زينه تسلم انتي شلونج الاولاد
- الحمد لله بخير دامكم بخير
::خو ما معذبينج
- لا والله هلتشوفهم هشام بالمحل واوس ورمله  بالمدرسه وسالم الله يطول عمره ما تاركنه

::الحمد لله
- وانت شلونك ابنك
::الحمد لله
- الله يخلي ويحفظه الك دير بالك علي تره الطفل بهيج عمر يتحرك ولازم امه النهار كله ورا

صفنت انا حتى ما شايف حركته ولعبه سالتها :: سالم يجيكم
- مو دووم من تصيرله مره يجي يشوف اخوانه والله ينطي ما مقصر ودووم ينصحهم وهمه هم يحسبوله الف حساب
(باوعتلي وسالتني ) عمه يوسف خير شو مو على بعضك
ابتسمت :: لا بس تعبان شويه
-ما تشوف تعب

::ديري بالج ع الولد وعلى دراستهم
هزت راسها //ان شالله الله يرحم ابوهم ما خلاهم يحتاجون احد
::الله يرحمه وانت هشام دير بالك من اصدقاء السوء واسمع كلام امك
- هشام خوش ولد يسمع الكلام (باوعتلي وسالتني ) شنو عمه شخبار ضحى ما صار عدها طفل
::لا والله ماكو جاي تراجع
الله-  كريم الله ايفرحها ويفرحك

استاذنت من زوجة عمي الي ما قبلت اروح وكالت ابقى للغدا اعتذرت منها وطلعت وانا ابدي اسالها
شلون عمي وابوي وامي تراهمو يخربون خطبتي ويه سحر
طلعت من الصاله وهي وهشام وراي من وصلت سالتها
:: عمه انتي تدرين بعمي وابوي چانو السبب ما اتزوجت الي اريدها
هي فتحت عيونها ع الاخر وسالتني //عود صدك ورا هاي السنين جاي تسالني شذكرك
اتحسرت وجاوبتها ::اتذكرت

- عمه انت الله يسعدك اتزوجت وهم انوب رجعت اتزوجت والبنيه راحت بحال سبيلها
:: بس انتي چنتي تدرين
باوعتلي وهزت راسها // وانت لا تنسى عمه الحل والربط چان بايد امك
   رفعت حواجبي :: بس امي ؟
- شتقصد ؟
:: اقصد مثل ما گلتي شي راح وانتهى بس مو امي ابحدها الحل والربط بايدها وانتي تعرفين كلش زين
باوعتلي وهزت راسها // شعرف ؟

:: تعرفين ليش امي وابوي وعمي سوو هاي اللعبه
اتقربت مني // عمه شي راح وانتهى انسى
:: ادري بس اريد اعرف
- امك وابوك وعمك رادوك تاخذ ضحى ورادو سالم ياخذ ازهار الله يرحمها
:: وسالم چان يريد بت اخوج

هي اتفاجأت من كلامي هزيت راسي ::مو صحيح ام هشام
- صحيح بس الولد بين يوم وليله انكلب وصار يريد يتزوج اختك
:: هذا هو عمه الحياة قسمه ونصيب
- اي والله قسمه ونصيب سالم راد بت اخوي وانوب گلب راد اختك وخطبها وقبل زواجهم بشهر هي
اتوفت وبعدها الله يرحمها وصارت نصيبه ابنيه فصليه لاتعرفه ولا يعرفها انا گلت بس يشوفها ايموتها
هسه سالم يموت عليها وبت اخوي اتخرجت واتزوجت ولد وياها بالكليه بعد هاي الدنيا ما تستقر على حال

::الله يوفقهم
- ويوفقك ويخلي اوليدك
هزيت راسي وطلعت من البيت بعد ان طلبو مني ابقى اتغدا لكن اعتذرت مرت عمي گالت
:: يوسف عمه يمكن الله ما رادلك تاخذ سحر واخذت ضحى والله ما قسملك جهال بس الله عوضك وصارت حادثة
اختك بس حتى تاخذ مروه ويصير منها محمد

عرفت مرت عمي تعرف بضحى ما يصير عدها اطفال ما حبيت اسألها لان انا اساسا اعرف بهذا الشي
رجعت البيت اختي وهناك لگيت زوجها قاسم جاي من الشغل هو اتلگاني وسلم عليه وگعدنا گلي
-بس خابرتني زهره طلبت اجازه واجيت زارتنا البركه
::الله يخليك
- شلونك وعمتي اشلونها
::الحمد لله كلنه زينين

- وبسام يداوم
::اي ايداوم
-هندسة نفط مو
هزيت راسي ::ايي
- الله ايوفقه
راحت زهره تكمل الطبخ وبقينا انا وقاسم الي سالني

- اشلونه ابنك
هزيت راسي ::الحمد لله زين
- كبر مو ولو احنه ما شايفينه
::اي زين
- الحمد لله تروح تشوفه
::بس مو دائما

جاوبني // يوسف شلون الواحد يگدر يبتعد عن الفرحه الي وهبها اله رب العالمين
باوعتله باستفسار هو هز راسه وگلي// اقصد انا اذا اجي من الدوام وما يلاگيني هذا سيوف راسا اسأل امه يوسف
وينه انت شلون تگدر تبتعد عن ابنك وهو هسه وكت لعبه وحركته
:: تعرف ظروف
- ياظروف هاي يوسف اشو عن بيتك خطوتين

:: الظروف الي مريت بيها
-   حقك بس آن الاوان تنساها انت ما منتبه النفسك عبالك عمرك سبعين سنه
:: والله تعبان شويه

اذن الاذان ورحنا صلينه بعدها اجو جهال اختي بناتها اثنيين او ابنها تلگوني وفرحو بيه اتغدينا وشربنا چاي لمن ما
غدير بت اختي گلتلي // خالوا جيب النه حمودي خلي انشوفه
:: خالو زغير من يكبر اكيد اجيبه وياي
- - هسه جيبه هو وامه
زهره بنتر //  كافي غدير بلا هالكلام

قاسم باوع الها وكال//  شبيج زهره تره ما كفرت تكل الخالها جيب ابنك هو وامه
زهره بعصبيه // شنو قاسم انت ما تدري بوضع امه
قاسم // لا ادري واعرف كلش زين تره البنيه حشاها ما ناهبه ولا طالعه من الطريق ليش اتنرفزتي
زهره // - انت تدري بيها هي شنو
قاسم //تره عيب زهره تحچيين هالشكل اقلها احترمي يوسف وبعدين هيه شنو فهمينه باالله
زهره بنفس عصبيتها //فصليه تعرف شنو فصليه

قاسم // ايي اعرف واعرف الفصليه مسلمه على دين محمد صل الله عليه وآله والها كل حقوق الزوجه
- واخوي ما مقصر منها
- - دگومي بلا هالنقاش العقيم گومي جيبي فواكه
-اي صار
وراحت زهره غدير اتقربت يمي وصارت تلعب بشعري وتكلي //خالو مشيب

باوعت الها وجريت نفس هي ردت // تره خالوكلام ابوي صحيح وامي وبيبي عايشات بالقرن الثامن عشر
زهره سمعت غدير //غدير انوب انا عايشه بالقرن الثامن عشر
غدير //اي ماما حادث صار وانتهى اي شي ما يرجع الراح لو شنو ما يكون
زهره //انتي بعدج زغيره ما تعرفين
قاسم //شنو زهره تره الواحد بكل شي ايجامل اله بالدين ماكو مجامله

- شلون يعني ؟
- يعني هو هذا اخوج من اجو الناس استند بالايه (ولا تزر وازره وزر اخرى )  مو صحيح يوسف
زهره //اي واحنه ما كتلنه بلعناها وسكتنا
- - صحيح بس انتوا اخذتو ديه
زهره //وشنو احنه مشمعين چيسنا على ديتهم
باوعلي قاسم وكال // باالله هاي شلون انفهمها كافي دوخنا يوسف

ابتسمت  ::لا خلي غدوره تحچي براحتها
غدير تباوع الامها //خو خالو كال احچي براحتي
:: ههههههه  بكيفج ترحين وياي اخذج يومين وارجعج
- - اممم ياريت بس خالو عندي امتحانات
::تمام بعطلة نص السنه تجين وتبقيين العطله كلها

قاسم //اهو چا هاي اتشيبنا على ما توصل العطله
ضحكنا واتصل بيه ماهر گلي //خمس دقايق انا يمك جايك
انا هم وكفت وسلمت على قاسم وبوست جهال اختي وبستها وطلعت الهم فلوس
زهره //يا صدك چذب يوسف عدنا خير
::الله يرزقكم هذني الغدير واخوانها
- طال عمرك

غدير //شكرا يا ااحلى خال بالدنيا
قاسم //شنو هالزحمه حتى من صار ابنك اختك هديه ما جابتلك
عرفت قاسم ما راضي على تصرف زهره اتجاه مروه طلعت وقاسم طلع وياي سلم عليه وگلي
- - لاتزعل عليه يوسف تره الحلال بين والحرام بين
جريت نفس ::لا انت ما حچيت شي بالعكس
- - الله يهدي النفوس هاي الجيه ما محسوبه

واجاني ماهر ونزل سلم على قاسم  وبعدها سلمت انا ورحت ركبت السياره وطلعنا انا وماهر رحنا للسيد ودخلنه
الديوان وبعدها اجه السيد وسلم علينه وگعدنا  هو بس سالني على اسمي واسم امي رفتح القرآن الكريم
بعدها اتقرب يمي وباوع الماهر وگله

راح ابلش علاج
ماهر //سيد غير اتفهمنا
اكيد افهمكم بس لازم ابلش بالعلاج هسه

وصارريقرا عليه آيات وانا ابدي اصم اذاني وما اسمع صار يقرا واتقرب عليه  لزم باصابع ايده جوانب راسي
وصار يقرا ودار وراي وهو يقرا بدا گلبي ايدك وبدت وياي الخنگه وعرگت بعدها مددني على ظهري وصار
يرقي بيه بايات قرآنيه وانا احس بخنگه ولعبان نفس هو طلب مني ان اتقيأ لكن نا ما كدرت بقى اكثر من ساعه
بعدها گعدني وگلي روح للمغسله غسل وجهك طلعت وماهر طلع وراي وهو ساكت رجعنا السيد باوعلي وكلي

- شوف انت شفت شلون من قريت عليك اختنكت وزادت دگات كلبك
هزيت راسي لان من كثر التعب ما گدرت اجاوب
- - يرادلك اقل شي خمس جلسات مكثفه
ماهر// بس سيد مثل ما فهمتك  هو اهله بغير محافظه
باوعلي  السيد // اكو شي مهم واكو اهم

جاوبته ::صحيح انا موظف واهلي بغير محافظه
- - تمام تروح الاهلك وتسوي اجازه وترجعلي وانا حاضر
: يعني سيد ما يصير تعالجني هسه
- - انت شفت بعينك حتى من ردت تذب من راسك ما گدرت
:: زين شنو الي بيه

- سهله  ان شالله لا تهتم بس يكون بمعلومك اذا ما اتعالجت راح ...
سكت السيد  جاوبته :: كولها سيد اموت
- - ان شالله ما تموت بس اذا ما اتعالجت راح تتعب هواي وانت بكيفك
ماهر // سيد هسه ما تنطينه شي اله
- - لا كل شي ما انطي علاجه ايات قرآنيه محدده وبعدين انطي اشياء بسيطه يسويها

هزيت راسي وكفنا انريد نطلع بعد ان السيد ما قبل ياخذ اي شي گلي
باوع يوسف سواء رجعت عليه او ما رجعت لاتگول انت رحت السيد حتى ايعالجك شوف جيتك
هاي تنساها حتى بينك وبين نفسك لا تحچيها
ماهر //ليش سيد
- هو يفتهم الحر تكفي الاشاره

طلعنه من السيد الي گال بحال اذا وافقت ترجع راح يكون علاجي بالليل وانت ماهر تجيب وياك عسل
صافي مو مغشوش

وصلنه البيت ماهر وقررت ارجع للحله ماهر كلي ابقى بات لكن انا ما وافقت بعدين ماهر گال // اروح وياك
باوعتله وهزيت راسي ::اروح ابحدي لا تخاف عليه
وركبت السياره واجه ماهر سالني// شقررت يوسف
:: خلي اوصل وبعدين نحچي
- زين دير بالك
::فيمان الله

وطلعت بسيارتي وانا  اتذكر السيد وقراءته عليه وشلون يگلي لاتگول حتى النفسك بقيت اسوق وماهر كل
شويه ايخابرني بالطريق نزلت باستراحه اخذت جگاير وعصير وماي ما اشتهييت اكل بقيت واكف يم سيارتي
اكثر من ساعه واحجي
:: كل الي يشوفني يگول مبين عليك التعب بس مرتي وامي ما يحچن

وصلت تقريبا الساعه 12 چنت كلش متضايق دخلت البيت فارغ صعدت لگيت ضحى بالغرفه متمدده
ع الچربايه وبيدها  النقال شافتني اتفاجات وكامت // الله يساعدك حبيبي الحمد لله ع السلامه وحضنتني
:: الله يسلمج
- - عبالي اليوم ماتجي
::لا اجيت لان عندي دوام

- - انا وزهره چنه نتراسل وكالت متغدي عدهم ورجعت للفاتحه انا ما حبيت اضايقك
::اي تسلم عليكم حضريلي الحمام اريد اسبح وانام
- - اي هسه صار اگلك اسويلك عشا
::لا ما اشتهي

دخلت  للحمام  سبحت وطلعت وانا احس بتعب فضيع اتمددت ودرت وجهي يعني انطيتها ظهري
حاولت انام ما گدرت احس بضحى گاعده سالتها :: شنو گلتلج الطبيبه
هي جاوبتني بحسره // انطتني نفس العلاج بس سوتلي تحليل وكالت جاي تتحسنيين
رديت عليها وانا داير وجهي ::ان شالله خير

نمت وكعدت الصبح على ايد ضحى الي گعدتني حتى اروح للدوام غسلت وبدلت ونزلت لگيت امي گاعده هي وبسام
جاي  يتريك وينتظر الخط سلمت عليهم ونزلت على راس امي بستها وهي تكلي //الحمد لله على سلامتك
::الله يسلمج
-شلونها اختك
::زينه تسلم عليكم
-الله يسلمك

شربت چاي واكلت شويه جبنه بصمونه :: ياالله انا هم ياالله اروح للدوام محتاجين شي اجيبه وياي
- لا البارحه بسام اتسوك
هزيت راسي وطلعت ركبت بالسياره وانا افكر بكلام السيد وقررت ارجع الماهر ونروح للسيد
بس شلون احصل على اجازه وشنو اگول الامي وضحى حتى اقنعهن

وصلت للدائره سلمت وبوجهي سويتلي مرضيه ورحت للمستشفى شافوني تعبان وانا اشكي من گلبي انطوني
اجازه اسبوع رجعت من الدوام ولاگتني ضحى وهي تسالني // شعجب جاي من وكت
هزيت راسي :: ايي صبيلي غدا لان عندي شغل وحضريلي ملابس

امي // شغليش خيير ان شالله
- - حجيه عندي ايفاد البغداد اسبوع
امي وضحى يباعلي بشك //ايفاد ؟
:: اي دوره اسبوع المدير خلا اسمي انا واثنيين من جماعتي
امي // ماكو غيرك يروح
:: ليش حجيه شبيها

- - ما بيها شي بس احنه ابحدنا والحقل
:: انتو مو ابحدكم يمكم بسام والحقل بي بشير
ضحى // لو مخلي احد ابمكانك يروح
:: لا ما اگدر انا موظف والمدير خلا اسمي شنو اكله ما اروح زحمه تشوفينه كل ما اريد اجازه ينطيني

ضحى //زين انا اروح وياك
درت عليها ::وين ترحين
- - اروح وياك اتونس ضايجه
::اكلج اروح انا وجماعه والفندق على حساب الدائره روحتج وياي شكو
- اي ما بيها شي نروح انا وياك الفندق والصبح رو...
قاطعتها // اسكتي ضحى وروحي حضريلي غدا بين ما اصلي وبعدها حضريلي ملابس

رحت اتوضييت وصليت وصبتلي غدا وگعدت اكل امي كالت //هذا تعب عليك يوسف البارحه جاي من البصره
وهسه تريد تروح البغداد
:: اوصل وارتاح يمه
- - يمه لو تاخذ ضحى وياك
:: حجيه تحچيين صدك شنو اخذها اكلج دوره وفرضا اخذتها من اروح وين تبقى بالفندق لو اخليها تفتر النهار
كله هو هذا حچي
امي // مو خطيه انت زمخت عليها
:: اي مو هي ما تعرف تحچي وانتي مساندتها

امي //خلف الله عليك خو گوول  انا هم مااعرف احچي
:: لا يمه بس صدك وين تبقى يجوز انا ابقى لليل بعدين انا راح اروح ويه صحباني يعني ما اخذ سيارتي

حسيت من گلت ما اخذ سيارتي امي ارتاح وجهها لان عبالهن رايح للحقل ضحى جابتلي الغدا وبعدها
صرت ادخن وصبتلي كوب چاي وجابته الي باوعت الها // ليش ما صبيتي الامي چاي
- لا خالتي تنام والعصر تشرب

هزيت راسي واتصلت بجيرانه عنده تكسي فتحت السبيكر وانا ما اعرف ليش هيج جاي اسوي
:: الو شلونك ابو ضيغم
- عليكم السلام هلا استاذ يوسف
:: هلا بيك انت وين
- بالبيت أامرني
:: ما يأمر عليك ظالم رايدك توصلني للگراج
- خيير

:: ماكو شي عندي دوره ابغداد والجماعه منتظريني بالگراج
- هسه جايك تدلل
:: ممنون منك  بانتظارك بس دكلي هورن
سديته التلفون ضحى //يوسف لو متمدد شويه مرتاح
:: لا زحمه منتظريني بالگراج

وفعلا اجه جيرانه دك هورن سلمت عليهم وطلعت وصلني للگراج وبعدها نزلت واخذت تكسي للبصره
وطلعت خابرت ماهر وصلت تقريبا الساعه سبعه
لگيت ماهر منتظرني واتفاجأ من شافني عبريه سالني //وسيارتك
:: خليتها بالبيت لان ما يعرفون انا جاي للبصره گلت الهم دوره ابغداد

- زين تسوي
:: ياالله خلي نروح
- على كيفك غسل وصلي وخلي نتعشى
:: راح اصلي بس عشا ما اشتهي
- تمام خليها من نرجع
طلعنا بالطريق گلت الماهر  ::ابو علي انا بس الليله ابات يمك

باوعلي وهو رافع حواجبه رديت ::ايي ماهر ما اريد اسو...قاطعني
- بسك يوسف شنو شگد تريد تگعد اسبوع شهر اول وتالي ترجع البيتك شنو هالحچي
:: بس ما اريد ازاحمكم
- لا ما تزاحمنا تجي تبات بالديوان والصبح تطلع وياي وبالليل نروح للسيد

:: ما اگدر اثقل عليكم
- - وانا ما اگدر اخليك تروح للفندق ابحدك يوسف لازم نفكر بعقل بهاي الفتره
وصلنه يم السيد ورحب بينه وگلي زين اتسوي اجيت
وبدا السيد يقرا وانا اسمع وهالمره راسي صار يوجعني حييل وعيوني غوشن وبقى يقرا دخت وانا لازم راسي
بعدها گلي رووح نام وارتاح وباچر نكمل من طلعت هو طلع ويانه للباب سالني السيد

- - يوسف انت دائما وين تاكل
:: بالبيت
- - وبالدائره هم تاكل
هزيت راسي - - لا ما اكل بس اشرب چاي العامل يجيب النه
- - روح هسه اتعشا وارتاح وباچر ان شاء الله تجيني بنفس هذا الوكت
طلعت وانا احس براسي يريد ينفجر ماهر كلي //خلي انمر بالمستشفى شوف ضغطك

:: لا يمعود راسي يوجعني من السفر لاتنسى من البارحه لليوم انا تعبان
وصلنه  للبيت ودخلنه للديوان وماهر استاذني راح يجيب العشا وانا رحت غسلت اتعشينه وشربنا چاي
وبعدها گتله :: ماهر رووح الغرفتك نام انا اهنا انام
ماهر //لا انام اهنا
::اذا تنام اهنا انا اروح للفندق
باوعلي // شبيك يوسف

::ما بيه شي لا اتحسسني انا ضيف ثقيل هذا بيتي انام ابحدي ومن احتاجك اخابرك
هز راسه وگلي // سالفه تفيدك اصلا اجيتني من الله شويه اريد ارحع ايام العزوبيه
:: ههههه لا تسمع ام علي وتعرف مصايبك
- -  بس والله ايام
اتحسرت :: ياريت تنعاد
- -  كلمن ياخذ نصيبه
باوعتله :: شخبارها ماهر

- - تقصد سحر
هزيت راسي جاوبني //ما نسيتها  يوسف
دخنت جكاره :: الصراحه دووم اتمر ابالي واتمنى اسمع عنها شي وصدكني ما اشوفها اله مثل اختي
- - اتزوجت ولد مهندس
اتنفست قوي ::اتزوجت
- - اي يوسف وهسه مستقره
:: الله يهنيها

من ردت انام درت وجهي وانا افكر
ياريت متزوج سحر ياريت ما صاير كل هذا انا هسه عبالك تايه ما اعرف يمته استقر

الصبح گعدت صليت وبعدها گعد ماهر واجه جاب الريوك اتريگنا وطلعنا للمحل بقينا الحد الساعه ثنتين طلعنا للمطعم
اتغدينا ورجعنا للمحل اعرف بماهر اتقيد  لكن هو ما يقبل اله يكون وياي
رجعنا للبيت انا دخلت سبحت وهو راح ورجع ورا ساعه صليت ورحنا للسيد الي صار يقرا وهلمره
اختنگت وبدت معدتي اتاذيني وصرت بس اريد اتقيا والسيد يقرا وانا مختنك اريد اگله لا تقرا لكن هو
كثف القراءه اكثر من ساعتيين الى ان بعد ما اتحملت صرت اتقيأ بسطل يمه وهو بقى يقرا وانا اتقيا بعدها
دخت حييل السيد سأل ماهر // من يمته ماكل

الظهر اتغدينه
هز راسه وكال //خلي يرتاح وبعدها اخذه للبيت وباجر رجعه
- - ان شالله
وخلي ياكل شي خفيف
- - تامر سيد
السيد // اريد باچر تجيبلي عسل بس عسل طبيعي كون خالص ما مدغوش

ماهر // اي موجود حضرته
  تمام جيب العسل خليني اقرا علي آيات الشفاء وابيته ع النجم
ان شالله

واستاذنه وصرت الصبح اروح ويه ماهر للمحل والعصر نطلع انا ويا نفتر نروح للاسواق وانا اشوف البصره
يوم عن يوم تكبر واسواق ومولات حالها حال باقي المحافظات واشتريت هدايا الضحى وامي وبسام
ماهر يباوعلي وكال // اخذ هداياا الابنك وزوجتك

هزيت راسي وانا احجي ويه نفسي ::شأخذ الها هي بيا حال
اخذت الابني ملابس والعاب واحذيه

بالليل نروح للسيد الي صار يقرا عليه وانا مو مثل اول مره صرت ما اختنك ولا اضوج من اسمع يقرا قرآن وصار
راسي اياذيني هواي ومرات معدتي ومجرد ما اتقيأ ارتاح
السيد باخر جلسه گلي // الحمد لله اتشافييت هذا العسل تاخذ منه يوميه خاشوكه چبيره الصبح على الريك وبالليل قبل
ما تنام وهذني الاوراق يوميه ورقه تنكعها بماي بهذا السدر وتسبح بي وحاول تشمر الماي بالشمس لمدة تلث تيام

وطلع بطلين انطا اليه // هذا الماي تشرب منه وهذا ترش بي ملابسك وغرفتك هم تلث تيام وما اوصيك دائما
تستمع السورة البقره واذا تگدر تقراها
سالته :: سيد شنو طلع عندي
السيد ابتسم // ماكو بس الخير
جاوبته :: سيد انا ما اجيت من الحله لهنا مو بس اريد اتعالج اريد اتاكد

- - ماكو شي عمي
::سيد لا تحاچيني بالالغاز
باوعلي وهز راسه // شنو تريد تعرفه انت راح تعرفه
:: بس انا ما اعرف شي
- لا تعرف
::شعرف
- - تعرف انت رجال مو طبيعي مسحور عن طريق اكل وشرب

:: ومنو الي مسويلي هذا الشي
- - الله اعلم
:: معقوله ما تعرف
- - لا انا ما اعرف بس انت يجوز تعرف المهم هسه اهم شي لا تخلي احد يعرف بيك انت جاييني
ماهر // سيد ومن يسبح
- - اكو هواي اعذار

:: تسلم سيد مي خالف ااجل السبح
باوعلي // شلون يعني
- - يعني مو باجر عكبه الوراها
- - اي بس ضروري تسبح وتشرب الماي وتاكل العسل كلهن بنفس اليوم واهم شي مثل ما وصيتك
ما اريد احد يدري

:: صار
السيد //اريد اطلب منك طلب وياريت اسوي ويه السبوحات والعسل بس هذا يعتمد على الذكاء
:: شنو سيد
- - اريدك تحاول قدر الامكان من تاخذ العلاج ما تاكل ولا تشرب اله من ايدك
انا باستغراب :: شلون يعني سيد وضح ؟

السيد //يعني الناس او المكان الي تاكل بي البيت الدائره المطعم الي متعود تاكل منهم حاول اتغيرهم يعني اذا
تتغدى بالبيت هالايام شوفلك مطعم اول مره تاكل بي واتغدا هناك واذا بالدائره واحد يجيبلك ريوك چاي اتعذر
ومن تشتهي روح انت واشرب المهم اريدك تاكل بعيد عن كل الي يعرفونك

ماهر // الاكل مگدور علي بس الماي
- - هاي سهله اتگلهم الطبيب گلي اشرب ماي معقم
::تقصد بطاله
- - بالضبط وهذني اله انت تفتحهن
:: صار بس سيد انت تقصد الي مسويلي سحر همه من ب...

رفع ايده // لا عمي مو هذا قصدي اريد انظف جسمك من السموم البي وكل واحد تعرفه حتى ماهر
وانا هم موضع شك لذلك انا اگلك اسبوع لا تاكل اي شي اله من ايدك
هزيت راسي واتسالمت ويا ردت ادفع هو گلي //ماهر انطاني ورضاني المهم انت تكوم بالسلامه

ثاني. يوم رجعت  للبيت بعد ان اتشكرت من ماهر وقررت اروح للحقل اشوف مروه واشوف ردة فعلها اتجاهي
وخليت ابالي انو شنو تسوي وياي انا استحقه واكثر

///////////////////////////////يتبع