رواية بائعة الخضروات الفصل العاشر 10 - بقلم زهراء العراقيه

فزت علياء من الحلم مفزوعة
:- خير اللهم خير ...
:- ياربي شنو معنى هذا الحلم كل يوم يتكرر
كامت علياء على كيفه تمشي لأن خواته نايمات مدت راسه على سطح كريم شافته نايم بوحده وحاط المخده وحاظنه ظحكت ونزلت طمنت حبيبة بخير وما عافه ...
.........
...
الصبح لاكته بالباب
:- اصباح.الخير كريم
:- صباح النور ... باوع للشارع وكال اله :- حضري نفسج اليوم اخطبج اني كولي لجبيركم اجي اخطبج منه
علياء:- كريم لا اسوي هيج انه ادري البارحه ظوجتك بس ولا يهمك انشالله اهلك يقبلون اهم شي انت الزم اعصابك
كريم:- ما يخصج بهلي لو عليهم انضل طول العمر ما نزوج بلغي احد خل اجي اخطبج منه وكافي ..
:- يا كريم انه ما اقبله اسوي مشكله بينك وبين اهلك
راد يحجي بس طلع ابن احد الجواريين سكت كريم وراح ..
وضل كريم مدة أسبوعين يقنع بعلياء يجي يخطبه وحده وهي تقنع بيه يصبر بلكت اهله يقبلون ماتريد اخوته يزعلون عليه ...
.............
صبا :-بالله عليج جايني شايب يخطبني ارمل ليش اشبيه حوله عانس ليش هيج حضي
زينب:- دخذي شحصلت من الشاب اني غير الذله والمهانه
:- اكلج بعده هذا رجلج يتحلم بعلياء
:- اوف لا اذكريني حتى بذيج الشغله يتخيله اني والله متت
:- اكلج خاف مسويه اله سحر
:- يا لا علياء ماله دخل هو رجلي طايح حظه حشاج حطه باله لان ما حصله ضل هيج وانوب هي احلى مني ودومه يمه بالسوك تبيع
:-هههههه وين حلاته خشمه اشكبره
:- اكلج الي يسمعج يكول اتكريهه ها جا ليش ادخليه بيتج !!
:- هي لازكه اني ماعرف اطرد احد

..........
علياء :- شنو اني منين الي هالمبلغ
سهام:- والله اني ما انجح اذا ما اخذ درس
:- اوف اشكد ياخذ هذا المدرس
:- مو كتلج كلساع اعيد.اني.. وعافت اخته وراحت
.........
الساعه ب 10 كاعده علياء
لج شنو اعيون شايله
علياء:- لاحول الا لله انت اشبيك ماتوخر ودارت وجه للصفحه الثانيه . وهذا واحد مزعج كاعد يتحارش بيه
طلعت رووووحه وده. اتموته احسن شي اتكوم منا اتروح تسوك لبيته وتخلي جابر يبيع . بلكت هذا يروح
اشو هذا من كامت مشى وراهه المطي وضل يذب كلمات عليه ..

،،،،،،،،،؛؛؛
انور:- تعال خل انطيك المسواك للبيت ..

انور عنده محل مخضر جبير بالسوك وحتى مايكعد بيه حاط عمال من ابناء خالاته وكرايبه . اجه هو ويحيى وصله بسيارته لان سيارة انور عطلانه نزل يحيى ويه اخوه يسولف وللمحل
علياء وكفت تشتري من كصاب ابصف ابكاله انور .
وكريم اجه للسوك. سأل جابر عن علياء جان متعارك ويه اخوه واجه لعلياء اليوم يحسم الشغله لو تقبل لو يعوفه ..
كله جابر راحت تتسوك للبيت .ضل يتمشى كريم بوسط السوك يدور على حبيبته
مايدري بيه طالعه روحه تمشي وتنفخ بحلكه على امل هذا يروح ماتريد اتعيط واسوي لبلبه لان محد يعذره كله تحط الصوج بيه .
وكفت يم الكصاب ووصته على نص ربع لحمه شرحه . وهذا المتحرش انتهز الفرصه وكف وراهه وسوة نفسه يشتري لحم ومد ايده على منطقه حساسه ومغريه بعلياء وكرصه علياء عاطت عيطه خارج ارادته وطلعت صوته العايق
اهنا جان واكف انور واخوه .. وكريم توه لمحه اشلون هذا الرجال لازك نفسه بيه وراهه علياء صاحت اكيد امسوي شي لعلياء وصلت الحماوة لكريم وصاااارت فووووووول انور شاف الموقف لو تخبل اثنينهم هدووو مثل الثيران الهايجة...
انور اقرب للولد من كريم
علياء:- ياحقير يا ماتخجل على نفسك
وماتحس علياء غير وانور لاكم المتحرش بوكس بعينه وكريم اجه يركض انطاه كله براسه ....
يحيى :'كافي انور لك كريم اشجابك كافي ويوخر بيهم
باوع يحيى للناس الي تتفرج وكال اشبيكم تعالو فكوهم وياي كله تخاف من انور 😂 بعدين ادخلوا ووخرو كريم وانور ابعده يحيى وراد يضرب الولد صار اكباله كريم وهو حيل ضايج من كريم حطه وضربه بوكس سوه نفسه ماقاصد ..
يحيى لك انور اهدأ ضربت الولد
علياء بقلق:- كريم
وركضت اله جان حاجبه ينزف من البوكس وباوع اله وكال شسوالج هذا
:- ماسوة امشي امشي
راح كريم لبيته وقبل مايروح همس اله :-روحي لبيتج لا احرك السوك فوك راسج وطلع ...
صعد فوك السطح ينتظره تجي
.. صعدت وخافت لا هذا نصير يراقبه
علياء:- ها كريم
:- باجر اخذج ونعقد يم سيد واذا كلتي لا احركج فاااهمه
علياء شافت كريم صاير اعصاب كالت :- اي اي عمي ميخالف كالت اعوفه يهدأ وبالليل اتفاهم وياه ..

بس بالليل اتعاركت وياه ماكو تفاهم قافل يريد.ياخذه وهي عاندته ونزلت ..
ثاني يوم
.... صبا :- عيني علوشه انت ليش ماتخليني اصير واسطه خير بينكم .
علياء:- لا خيه ماريد
:- لج اشبيج اهدي واكله ياجل اشويه وانت زعلانه وماتاكلين لان زعلان عليج ابرد كلبه عليج
علياء:- هاا مادري
صبا:- خليه عليه اذا ما اخليه يجيج زحف
علياء:- لا يمه ليش زحف اريدنه رافع راسه
:- بس شوفي انت لا ترحين اله هليام ولا تحجين وياه ابد راح اخليه هو يجي

فتح الباب كريم صارت بوجه صبا
:-خير اختي
:- هلا خويه هاك هاي رساله كتبته الك علياء ..
وراحت

فتح الرساله وقراهه وانقهر حيل من كلام علياء اله كانما تهدده لو يجي يخطبه هليام هو اخوته لو تعوفه هي اشرفه هو اهله .. حيل ضاج من عبارته شنو قصده هاي اخاف سامعه بسالفه اخته وبده الشك والخوف يجري بدمه اشلون بعد يفرض احترامه عليه اذا عارفه بسالفته...
..............
انتظرت علياء يجيه يوم يومين وكريم ما اجاهه مثل كل يوم وما رمى حصاويه عليه ..
من شافت صبا خطته نجحت وكريم ما حجى ويه علياء رسلت اله رساله ثانيه ومسويه نفسه اتخاف عليه وضايجه من صديقته
صبا:- خويه لا تزعل منه تراهه صدك اشويه عصبيه بس والله على نياته
سد الباب بوجه صبا ودخل مايعرف ليش يكرهه ...
شافته زينب دا تنطي كريم مدري شنو دخلت لبيته من غير ما صبا اشوفه وكالت اشعده هاي ويه الرجال جا هي مو كالت علياء عده علاقه وياه🤔🤔 وشنهو انطته
.......
قره الرساله .. كايله اله اكو من متقدم الي ترة اني خلص صبري وياك.... تخبل كريم

اهنا علياء كالت عمي اليوم بالليل انه اروحله ووافق خل نزوج من غير موافقه اهله ولا اخسرنه ..
بالليل
علياء صعدت اله وحطت طابوكات مدت راسه على ستارته
كريم اول مادمت راسه علياء حط طابوكات وهم صعد صار اعلى امنه ولزمه من اذانه طبعا من فوك الشيله.بوده يضربه على رسايله الطايحه الحظ
:- ولج اتهددين بيه اتعرفيني ماكدر بدونج مو تعاي لعد خل اشوف اشلون ياخذج.هذا المتقدم الج.... وجره او سحبة من الحايط عليه
علياءبصوت ناصي لا احد يسمعه:- شكو اخ اتعورت اخ
وانشالت علياء من فوك الستاره وصارت بسطحه ... وهو شايله بين اديه
:- ولج.منو هذا هااا منعوله الصفحه تعوفيني مو
:- وخر عني انت شنهو تهذي هااا
قرب راسه على راسه :- ليش هيج انت والدنيا عليه مو راح اموت ناقص عمر
:- هدني كتلك عوفني
:- اعفوج مو حتى تنخطبين لهذا ابن الكلب ولج والله اموت ولا ترحين لغيري وشمره على فراشه واجه هو يمه
علياء:- كريم اهدى الله يخليك المن اروح
جره من شيلته وحظنه حييييل وضل لازك بيه حسه راح.تنوخذ منه شنو يسوي حتى ما تعوفه شنووو
علياء:- اشبيك يا عيني ليش تلهث انه الك والله وباجر تعال اخذني للشيخ انه لا عندي جبير ولا ولي صير انت ولي الي وانه تحت اجدامك والله احبنك
اشويه امتصت غضبه بهاي كلماته الحنونه ..
وضل راسه على صدره وهي تلمس بشعره مثل الطفل ....
:- علياء
:-خل نزوج اليوم
:-اصبر اكول لخواتي وباجر العصر انه مرتك
رفع راسه عليه بس بعده هي عاليه وهو ناصي لانه كاعده على قريولته هو كاعد على ركبتيه يعني هي اعلى منه
باوع على نهده وكال :- يعني باجر اشمه واحظنج وخلص انصير سوة جو بيت واحد
علياء:- انشالله بس انت كول يالله انه لا اريد عرس ولا اريد.زفه لا تخاف
ورادت توخر راسه عنه واتكوم
كريم: - ضلي يمي الليله
:- لا يا مااا شنهو شايفني خلني اروح
: يعني باجر وانت مرتي حبابه
:- لا لا انه بالحلال وبس
:- ماسوي شي
:- اي من نظراتك هاي تموت لا عيني لا انت موش امان
:- ها هيج لعد مو وكرصه من خده المتفح
:- اي كريم توجع يالله كول اشلون ارجع لبيتي ..؟
:- ماكو رجعه الا
:- شنهو
وغمز اله واشر على خده
:- يا ما
:- لعد ضلي اهنا
حطت الطابوكات ورادت تصعد
بس الشغله صعبه ..
انجرت من ايده واخذه كريم شاله ودخل لبيته ونزل بيه الدرج وهي مشيوله واتعمد ضل يهزز بيه حتى اتشد اكثر على رقبته واتلزمه لا توكع حطت راسه على صدره واديه محاوطه ركبته
انفاسه حرقت صدره واديه الناعمة تتلمس رقبته وهو عاجبه هذا الاحساس ..واهنا
. الشيطان لعب بعقل كريم بمكان مايطلعه من بيته فكر يوديه لغرفه نومه!!!!
يتبع.......