رواية بائعة الخضروات الفصل الحادي عشر 11 - بقلم زهراء العراقيه

علياء:- هاي شنهو نزلني يلا وين داخل بيه
دخل وسد الباب .. 
من ورة الباب  صوتهم بس ينسمع
:- يا شنهيه عوفني ههههههه
:-هههه  ماكو طلعه وضل يباوع اله بنظرات تخوف
علياء حاولت تخفي خوفه لانه تثق بيه
اتقرب منه
:- ليش خايفه مني تعالي انت باجر انت مرتي  ..
:- باجر مو اليوم ورجعت لورة
صار يتقرب منه اكثر واكثر وهي ترجع على لورة الى ان عثرت بالفراش وسقطت على الارض..
علياء بتوسل:- كريم الله يخليك عوفني انه خايفه منك
ضل على نفس نظراته ويتقرب منه انحنى عليه وهي كامت تبجي كالت اليوم مراح اطلع منا بخير .. 
:- كافي ولج غبرة لا تبجين كطعتي كلبي كومي وكومه وحط اديه اثنينهن على امتونه وكال
:- ولج اتخافين مني دتعاي تعاي
:- ماعاش الي يبجي علوشتي وابتسم اله حتى تسكت
:- ايا ابن...
خزره:- كملي وشوفي شسوي بيج
:' ابن الاوادم جا اهلك مو اوادم ها
:-هههههه تعاي خل نطلع واذا تردين اغسل الج وجهج 😃
:- لا كفيني شرك وطلعني منا ...
رجع خزره قبل لا يطلعه وكال
:- هذا الي سويته بيج.درس الج حتى لا تعيديه والله مرة ثانيه اذا هددتيني اسويه .. امشي يلا
:- هو شنهو انه شنهو سويت كلت اثكل اعليك يومين 😥
:- امشي امشي ..
باوع زين للشارع من فرغ طلعه ركضت لبيته بطرك الثوب والشيله دخلت على السريع وصارت بوجه  مهجه
مهجة: - يا علياء وين جنتي وطالعه من غير عباء
:- هاا ااا لا ولج مو طلع الي الطنطل فركضت
:- يمممه
:- اي بس شرد بس كال اذا كلتي لاحد اجي اكلج فانت لا تكولين خوش
:- يمه علياء صدك تحجين
:- اي اي تعاي ندخل قبل لا يرجع...
...............
ايناس:- ها يعني ظبطتي امورج علوش
سهام:- هههههه اشلون وكعتي
علياء:-انجبي شنهو وكعته الرجال خطبني على سنة الله ورسوله
:- ههههههههه
ايناس وسهام متأكدات بينهم علاقه وعلى كلشي متفقين قابل من ليلى وضحاها هيج خطبه ..
نجلاء:- ياروحي الف مبروك ..
العصر اجه خال علياء الي ابد ما يسأل عنهم خوفن من يطلبن منه شي ... وخطبه كريم منه . ثاني يوم جاب شيخ وعقد عليه بس ما قبل ياخذه الا يسوي اله زفه وعرس .. رغم هي كالت اله ماريد

علياء:- كريم عيوني والله ماريد لا زفه ولا جهاز انه راضية اروح وياك بطرك ثوبي
:- هههههه روح كريم هاي هيج مستعجله عليه وغمز
:- كبر انت الا الواحد يخسرك الا ترتاح
ودارت وجه .
:- عليمن ولج كبر هااا
:- هاا الي الي
جانو كاعدين بالاستقبال ويسولفون ويشاقون وسهام تجسس عليهم تتمنى لو هي هيج كاعده ويه حبيبه فلاح ....
بعد ايام

جانن يمشن زينب وصبا بالفرع جايات من الطبيب لان زينب حامل . شافت صبا كريم يمشي وكفت سلمت عليه
وكالت اله:-- مبروك ولو انت تستاهل الاحسن
زينب حيل استغربت من جرأت صبا وكلامه على صديقته علياء وخافت منه بعد ماتثق بيه مثل ما تطعن علياء بضهره اكيد هم تطعن بيه هيج ... اشويه استذكت زينب واستقوت وراحت العصريه لعلياء الي صاااارله دهر ماتحجي وياه ولا تعبره
دخلت للاستقبال علياء وما مصدكه من كالت اله اخته زينب اجت الج ...
علياء:- هاااا شنهو اليوم حلمانه بينا 🙄🙄
زينب:- اشلونج علوشه
:-ههههههه والله تمام 😏
:- اني اعرف انت ماخذه بخاطرج مني
:- ههههههه زين توج انت انتبهتي لخاطري
:-دومج غاليه عليه
:- لا مبين زين هههه شنو رايده زينب
:- ليش هذا الاسلوب
:-وتسال بعد شتريدين اخذج بالاحظان
دنكت زينب بألم اه لو صديقته تعرف الي بيه واشكثر مشتاقه اله .
:- انه بس اجيت اكلج دربالج من صبا
::-ليش بالله 😏
:- عينه على رجلج
:-هههههههههعهعه هههههههههه كعدت علياء وكامت تضحك بصوت على افكار صديقته
:- انت اشبيج مريضه ولج انت خبله عبالج كل وحده مخطوبه اتعوف صديقاته لا يبوكن رجله مثلج
:- ولج اني كلبي عليج هاي صبا ناصبه على الرجال
: هههههههه وانت هسه الا صار كلبج عليه من امنتي على رجلج وخلصتي مني مووو دروحي زينب من وجهي والاحسن بعد ماتجين الي مدام هيج افكارج 🙄
زينب:' دربالج علياء
وراحت زينب
علياء:- والله خبله هاي وهزت بيده ...

طلعت علياء هي وخطيبه يتغدون مسكوف بعد ما خلصوا كامو يتمشون سويه وكريم لازمه من ايده وعاصر كفه عصر ويمشي ليش ما صادف يحيى وجماعته
علياء خافت بعد ماعرفت يحيى اخو انور لا يكون وياه هذا خبل ..
كريم :- تعاي خل نرجع منا ذوله جماعتي واخذه ولاف بتملك طاغي لا جماعته يشوفون مرته .. 
يحيى ضحك من كريم ما سلم عليه وكل همه يخفي مرته عن الانظار ...  وكال الله يسعده خوش ابنيه احليوهه وهم يتيمه يكسب ثواب بيه   .......
........ بعد فتره طبعا علياء كامت اجهز بس على كيفه ........
راحت ايناس لبيت صبا
.
صبا:- خير يا طير صارلج ساعه تحجين بامور تافه واني اعرف جيتج مو خاليه طلعي الي عندج ....
:- شوفي صبا اني صدك جيتي مو خاليه
:- اي شنو
:- واحد متقدم الي
:- اهاااا ... طلعت روحه صبا الي اصغر منه بدوا ينخطبون وهي من وره شكله محد يحصره بس الشايب والمطلك الف لوله بيه يجوهه..
:- اي وانه بشنو تردين اساعد

ايناس :- خطيبي الصراحه من عائلة حيل غنيه ابوه حزبي جبير وامه هم واصله وكلهم عدهم املاك خارج العراق وداخله
:- ياا انوب ولج هذا امنين وكعتي عليه
:- اي ولج عشكني المهم اني يدري بيه على كد حالي بس كتله حالي ميسور والحمدلله خواتي واصلات بالدراسه وكلنه مكافحات
:-ها هههههههههه باين
:- لا اضحكين ادري بخواتي مدبرات الدراسه بالكوة واختي علياء ما ينطلع بيه وحده سوقيه وماتعرف تحجي عدل بس تجي ام الولد اشرده
:-مؤكد هههههههه والمطلوب عزيزتي
:- اسوين الي فضل اتحضرين يوم الخميس على انج اختي علياء حبابه هاي فرصه عمري
:-اهااااا
:- انت لبقه ومعلمه ومتطلعه اشويه اتعرفين تتعاملين مع هيج ناس
:- مو تدللين
:- ياروحي شكرا
:- اي بس بشرط عيوني .
:- ها شنو انوب
:- شوفي عيني انت تحصلين رجل واصل واحلامج جبيره اني ماريد غير استر على روحي ويه شاب يفهمني
:- واني شبيدي الج
:- بيدج عيوني اخذ شخصيه علياء وخطيبه  هم
ايناس:- ايا خبيثه ولج ما لكيتي غيره
:- ليش هو شافني غيره حتى اخذه محد يباوع بوجهي
:- اشلون بالله اساعدج اني لا تهمني علياء ولا انت تهميني اهم شي تمشي سالفتي
:-🙄🙄🙄
بعد ما اتفقت ويه صبا طلعت ايناس من بيت صبا ...
رجعت لبيته 
علياء:- ها اشلونه صبا
:-الحمدلله
طلعت الف علياء وانطته لايناس:- هاج اشتري ملابس داخليه بيه
:- الي يسمعج  يكول مطيتني خمسه
:- شسوي يختي والله انه هليام رزقي واكف هاي من مهري اخذته
ايناس:-😏 ماريد منج شي
:- لا ولج اخذيه بس ينطيني كريم بقيه المهر اشتريلكم نفانيف تخبل والله..
و ضحكت لاخته بأبتسامته البشوشه وراحت تكلي العشا . 
ضلت لازمه بيده ايناس آلف وعصرته بيده دخلت لغرفتهن ..
اشويه اكو صوت ضمير بداخله يمنعه تكسر اخته هيج بس اشلون بيه والله اذا اسامه عرف اخته  بكاله بالسوك يعوفه .   وهي ضربه العمر هاي اله تنفتح اله ابواب الرفاهيه والسعد اما علياء اصلا غبيه ميت تاجر بالسوك راده وهي تدري كايله اله علياء . بس  كلهم بالسر يردوهه من ورة زوجاتهم بس ينتشلوهه من الفقر وهذا كريم يوم يومين ويمل ويعوفه لان دمه حامي ومايقبل مرته تشتغل وتعرف اخته اتموت بدون شغل واكيد مصيرهم يتعافون عاد تمشي امرهه احسن ما يفلسن اثنينهن من الزواج . ونيمت صوت ضميرهه الضئيل بهاي افكارهه ..... 
واجه اليوم الي جاب الولد وامه واخته واتعرفوه على عائلة ايناس جابت صبا و خواته سهام و عهود وجابت وحده ام صديقته مرة جبيره وفاهمه واتفقن على امور الزواج وخلص موضوع ايناس وتمت الخطبة بعد المهر والنيشان ......
.      .... .

واجه اليوم الي يسون بيه الخطه .   علياء راحت لكريم وكالت اله يوم علياء تعبانه حيل وكلنا مشغولات عدنا زياره لخالتي اذا ما بيه زحمه جيب اله هذا الدوة وراحت واخذت خواته .. 
علياء ما جانت تعبانه جانت اتسف مكانيس وكاعده تغني خلصت دخلت لحمام تسبح . 
ايناس وصلت خواته وكالت الهن اشويه وارجع اجيب ببسي وصدك رجعت للبيت وعرفت علياء بالحمام ضلت تترقب وصول شخص ..

ايناس :- شوف ولك انت اخذت افلوس من صبا بمكان ما تاخذلك كتله من كريم بس والله اذا طخيت اختي كتلك على ايدي فاهم ولا تدخل عليه  للغرفه فاهم
نصير:- هيي انت لا تتأمرين فهمنا ...
دخلته للحديقه وضلت تترقب وصول كريم من الصيدليه شافته براس الفرع يمشي
طبت جوة وكالت لنصير من يشوفه يفتح الباب يسوي نفسه طالع من الغرفه وهي شردت فوك السطح
علياء طلعت من الحمام بطرك ثوب او اتك بس خياط مو حاضر عبارة عن اقماش كودري بارد من غير ردن ودلع طلعت وشعره المبلول واصل تحت خصره مبلل ثوبه طبت للغرفه كالت حارة وطبعا المبرده ما اسوي شي بهذا الحر خل انام عليه بس قبل لا اتنام وكفت اتمشط بالوقت الي كريم شاف الباب شبه مفتوح كال هي علياء لوحده ليش الباب مفتوح دخل كال ياالله اخاف وحده من خواته جوه ماكو حس .. اول ما دخل للصاله نصير سوه روحه طالع من غرفه علياء واصلا هو ماداخل!! ولا تدري بيه البنيه ويسد بسحاب بنطرونه ولازم قميصه بيده
كريم ممستعوب جمد وضل فاتح اعيونه على وسعه وشرد نصير
وكريم على وكفته بس يسمع وحده ادندن جوة
انفاسه بدت تصعد وتنزل وعرك وخااااف حيل اتمنى حلم او كابوس ويصحى منه او مو علياء اي وحده من خواته ياربي لا موهي يارب اطلع احلم وهذا مو صوته يااارب وصلت ايده على يدة الباب وترجف حيل ادموعه طلعن لان هذا صوته فتح الباب شااافه اي شافه تغني وفرحانه وتوهه طالعه من الحمام اااه يا تعبي اه يامرتي ليييييش ويه هذا العبد كريم جان راجع هو من الشغل وتعبان راسه افتر من شافه
علياء:- ككك كريم وسترت صدره
اي تستر صدره من رجله وهي جانت ويه هذا المسقط هو ابد محاول يلمسه  وهمه عاقدين حرمه على نفسه وهي طلعت وحدة .......
ماحست علياء غير وكريم واكع بطوله الفارع على الارض ....