رواية بائعة الخضروات الفصل التاسع 9 - بقلم زهراء العراقيه

:-كوم كوم الله يخليك  كوم حباب
:- ههههههههه وكام على مهلة وغمز اله بلمح البصر طفر لبيته وضلت علياء واكفه اكبال باب البيتونه ووجه على حايط.جاره مخترعه
ايناس ومهجة:-هاي شنو الدبة
وحيد :- يمه هاااي شنو الصوت
علياء بتلعم :- ها
عهود :- اشبيج وشنو هذا الصوت
:-هذا طنطل شفته
وحيده:- ييييمه وختل ورة اخته
مهجة:- صدك تحجين
علياء: - اي طنطل طويل ويخوف شفته
ايناس :- استخفت هاي 🙄🙄
وراحن نامن ...
ضحك كريم على خطيبته المستقبلية وراح نام ...
ثاني يوم راد يفاتح اخوته بس جان مشغول واجه تعبان من الشغل كبل اكل ونام وبالليل راح يشوف علياء حتى بعده يروح لبييت اخوه ويفاتحه بالموضوع
كريم:- اي علياء شنو شعورج وانت راح اصيرين مرتي
:- مااعرف بس بودي اركص واطك اصبعتين
كريم:- ما ضل شي واشوفج يمي تركصين
:- شنهووووو وحطت شيلته على حلكه
كريم:- افدي الي يخجلون بروحي ..
وحيد صعد وصاح:- يمممه هاي مهجه تكول راح ياكلك الطنطل
علياء نزلت وكالت :- تعال يروووحي لحظني
كريم اجيت ومد راسه مكيف يريد يجي
:- روح مو انت
وحيد:-ويامن تحجين يمه
:- مو وياك هذا الطنطل
وشالت وحيد وراحت لسريره مد راسه كريم ونيشن على خلفيته وضربه بحصواية ناعمه
علياء:- اااخ .  😏😏😏😏😏😏😏😏
....................
اخ كريم : واخيرا فكرت اي من زمان وطكلك مره
ابو شمس :-من باجر اخلي ام شمس دورلك مرة  معدله
:- لا المرة موجوده بس اريدكم اتخطبوهه الي
اخ كريم الكبير:-اهاااا شنو من طرف صديقك يحيى ؟
:- لا جارتنا
:-منيه بيت ابو منو
:- احم بيت احم ..  علياء
ابو شمس:-منيه؟؟؟؟؟
:-علياء جارتنا
:- قصدك هاي ام الخضره؟؟؟؟
كريم باوع لاخوه ابو شمس
محمد:- ولك انت تشاقه لو تخبلت
اخ كريم الوسطاني ابو زهراء:- شنو ولكم بس لا هاي الحلو  الي تبسط بالسوك
ابو نضال اخوه الجبير:- ههههههههه تشاقه مو
كريم:- اشبيكم لا ما اشاقه اشبيه البنيه
:- اشبيه ولك ما ضل واحد ما مكلبه ولك هاي بت سوك الله اليعلم شنو لاعبه وانت الخبل تزوجه
ابو شمس:- لا مو صاحي
:- كافي رجائا اشبيكم والله البنيه اخلاق مو شرط مو زينه احسن من الف وحده كاعده بالبيت
ابو نضال:-كافي كريم اسكت ضل بلا زواج ولا هذا النسب تالي وكتنا بت شوارع اخونا ياخذ مو كافي فضايح هو احنه شاردين من فضيحه تريد.تاخذه هاي
ابو شمس:- اني ادري انوب صدك اسوينا فضيحه اهنا ..
كريم:- والله اني ناوي تردون اتخطبوهه الي اهلا وسهلا لا بكيفكم
وكام ....
واتعاركوووا وياهه قبل لا يطلع ومشه طالعه روحه ......
وضلوا ايام هيج لحد ما ابو شمس راح لبيت صديقه يحيى وطلب منه يحجي ويه صديقه ...
طب يحيى لبيته
خل نحجي الكم اشويه عن يحيى . ابن تاجر خضار جبير وابن عز خلص جامعة ولبس بالجيش العراقي واتعرف على كريم وصار صديقه . يحب وحده ابوهه ينتمي لحزب النظام السابق  وحبيبته هم حزبية واله دوره بالحزب ومن النساء المتطلعات وداهية لهذا ابو صارله خمس سنوات يحاول يرضيه حتى يخطبه اله مايقبل  ابد ابوه هو صحيح مسالم بس بينه وبين نفسه يكره نظام صدام .. 
لهذا لهسه ممزوج من حجى وياه اخو صديقه راح لبيت ابوه لانه يسكن لوحده بيت طالع عن اهله . اجه ويريد يتأكد من والده عن علياء نفسه بت صديق ابو لو غيرههه وفعلا طلعت نفسه .. 
طلع من البيت وراح لابو شمس وحلف اله البنيه شريفه واذا اخوك رايده بالحلال لا تعارضوه خليه يستر عليه والناس ابسرعه تنسى اذا بعده عنهم وعن السوك .... بس ابو شمس فاقل حتى ما كال لبقيته اخوته كلام يحيى بالعكس كال عنه مو زينه مايريد يجازف هي اخته المستورة بالبيت وفضحتهم مو انوب هاي ...  

اهنا صبا بدت تتودد على بيت ابو شمس واخذت بتهم درس خصوصي سوت نفسه تاخذ اطفال المنطقه للثواب..  وهي ولا غيره .... وامه هم اتروح الهم وبنت علااقات صداقه طول هاي المده كريم مهموم وكوه يحجي ويه علياء يخاف لا يطلع كدامه مو كد كلمته لان اخوته شهرين صارله يقنع بيهم والخلاف ازداد وعلياء ماتدري عباله هو يأخر بالخطبة لو خايف من مسؤؤليته لانه مو فارغه عده اخوات بركبته اذا كعده هو الي راح يصير مسؤؤل عنه وهي ماصدكت يجي واحد يخلصه من حمله ومن اعيون الناس الي تنهش بلحمه
عرفت صبا بالسالفه من ام شمس
..................
علياء: ولج عهود شوفي منو بالباب
عهود: - اي اي راحت فتحته لكت صبا
وعليكم السلام اي علياء اهنا طبي طبي
...بعد السلام
علياء:- شنو رايج بهذا سيت الكلاصات اشتريته البارحه مو كشخه
صبا:- ها عيني كمتي اجهزين ليوم الخطبة
علياء:- ياخطبه ولج
:- والله زعلانه عليج ليش ما كلتي الي ها عود اني صديقتج والله افرحلج
:- على شنو ولج
:- ما كلتي الي كريم كايل لهله ويريد يخطبج من الغريب عرفت
:- شنووو كايل لهله ولج انت غلطانه وناسيه مو كتلج راح يجي هو يريدني للزواج بس اشو سكت هليام ما يفتح وياي الموضوع
:- ها لان اهله ما قابلين بيج يمكن
"- شنوووو
:- ها لا هيج هيج ورادت اتكوم
:- لا اوكفي انت تعرفين شي موو كولي الي صبا  امج هليام مرافجه ام شمس واكيد تعرفين شي
:- اوف ياكلبي والله عبالي تعرفين سودة عليه
:- ؟؟
:- صارله اشهر يلح على اهله يريدج وهمه ما يردوج يكولون مو خوش نسب
:- شنهووووو
....... النهار كله علياء مهمومه وخايفه لا يطلع كلام صبا صدك .. 
وراحت لكريم اول ما ليلة الدنيا :-
كريم: يا هلا بالهل طله
:-ليش كريم اهلك ما يردوني .؟؟؟ اشبيه وما اشرفهم هاااا
:- اش لا تعلين صوتج
:- ولك ليش اشبيه احجي وليش ما كتلي اعرف من غيري هاااا وانه اكول ليش ما اجه لهسه وخطبني
:- لا تكولين ولك لا اطفرلج هسه .
:- انه اشبيه وكامت تبجي
:- مابيج شي واشرف مني اني واهلي .. علياء لا تبجين انت الي يعني الي
:- مو مهم انه عندي سمعتي كلشي اليه ليش اهلك ما يردوني هااا
:- ياعمري اهدي ولا اصيحين
نصير:- تع تع تع تع اويلي على الطيره ولا حنت وحطت فد يوم علينا ويم جاره طايره وفارده اجناحاته
نزلت ابسرعه علياء وكلبه يرجف من الخوف نصير شاافهم

كريم حييل خاف عليه ... من هذا الكلب .  وضل الليل كله كاعد يحرسه من سطحه اخاف هذا يطفر عليهم وكال اشوكت يصبح الصبح وازوجه وانعل ابو الناس الي توكف بطريقي .
راح يحيى اليوم يسهر يم اخوه
فتح اله الباب
:- يااا اهلا اتفضل عاش من شافك
يحيى:- السلام عليكم ودخل يم اخوه

.......
يحيى:- اكلك انور هاي بت ابو علياء علياء ام المخضر اشلون اخلاقه انت ابن السوك وتعرف كل ناسه
انور:- اي اشبيه ليش تسأل عنه
خاف انور لا اخوه هم يفكر بيه غير يكتل اخوه كلشي ولا علياء .
يحيى: - والله كريم انت تعرفه يريد يخطبه  واهله ماعرف ليش معارضين شنو عليه شي البنيه
سكت انور والغيره نهشته نهش جان مرتاح محد يخطبه وبلكت تقبل بيه بالسر بعد كم سنه من يفوته القطار..امنين طلع هذا كريم .. 

بعد مرور سنة كاملة....
طلع كريم راح جاب البدله مال العرس بوكتهم الزلم تأجر قاط لان غالي ما يكدر يشتري بس الزنكيل ... وياه صديقه يحيى وفارح اله حيل 
وحضروا سيارة يحيى اله زينوهه والفرع نصبوا بيه جادر للعشا مال الزلم ..  وكراسي وعلكت بهذا اليوم السعيد .. 
جانت ايناس كاعده وتعدل بنفسه للعرس ولبست كوستم .. وفرحانه هي هم ما بقى شي ويخطبه نديم . بعد ما عافت حبيبه الاول لفت على واحد ثاني ويريد يخطبه ووكف بوجه اهله وكوة وافقوا بس يجي ابو من السفر يخطبه ويزوجه    .....
كل خوات علياء لبسن وتحضرن للعرس ..   وراحن .....
وقت الزفه نزل كريم من السيارة لبيت العروس وصارت بوجه علياء وادموعه بعينه ...  باوع اله وراد يروح من بين الناس ويحظنه بس اذكر شنو سوت جمدت مشاعره كله وباوعله بحقد ودخل لبيت عروسته حتى ياخذه
رجعت علياء لبيته جانت لابسه هي اسود بأسود  جابت الملبس وطلعت لبيت صديقته صبا ...
جانت ايناس اصفك ومكيفه حيل لان كريم عاف علياء وراح تنزف اله صديقته ضربه قويه لعلياء ......
دخلت علياء بلا وعي منه وطشت الملبس عليهم وطكت الهلوله ووفكت اكبالهم وتكفل الهم
صبا اهنا دنكت يمكن حست بتأنيب ضمير
ام كريم وده ياخذه لعلياء ويطلع هو ابد ما طايق هاي صبا ولا يريده بس حتى يقهر علياء رضى بصبا
زينب جانت واكفه بين الحضور وعرفت صديقته الي تكفل وتبتسم وتضحك ويه نسوان اخ كريم حاليا منهارة ودا تموت على البطيئ
علياء:- وهاي الراده وهاي التمناها وبت الشيخ لابن شيخ جبناهه وكللللوووش
واتقربت منهم وجانت ترجف
طبعا جانت هوسه وهو كاعد يم عروسته والنسوان تهفت بعبيه وتكفل وتركص ركص العماراااة .. 
اتقربت علياء وانطت لكريم صندوووق باوعله هذا الي سواه هو اله ما فتحه انطاه للواكفه وراه تاخذه وهي همست بأذن صبا
علياء بصوت مخنووق كأنما احد حاط السكين عليه ودا يذبح بوريده:-  مبارك عليج ولفي!!!!! دربالج عليه
وباوعت اله وكالت حطه بعيونك هاي رفيجة عمري
وطلعت كوة وسط شماتت ايناس وسهام بيه  بس مهجه الطفله حاسه بيه رادت اترح لاخته
سهام:-وين يا مطيه نضل للعشا
طلعت زينب وره علياء وهمزين طلعت شافته كوه تمشي وشاكف بديه

زينب : تعاي خل نروح لبيتج واخذته وراحت ..
دخلت لجوه ركضت علياء للحديقه وكالت:- انه  شنهو سويت ليش هيج ليش وشكت ثوبه عليه
زينب:- بجت وكالت ياما حذرتج منه وانت ما سمعتيني
:- ليش ما سمعتج لو ضاربتني على راسي حتى اصدك ليش ما ضربتيني حتى اصحى اااااخ اااه وضلت تمعش بنفسه وزينب وتوخر بيه ملخت نفسه دفعت زينب وباوعت للحديقه الخضره من المخضر الي بيه وكامت علياء اشلع بالزرع واصيح
علياء :- انه كلبي طايح حظه وابسرعه ينظحك اعليه انه استاهل ركع بالقنادر ودخلت لجوهه وراهه زينب اتواسي بيه واتحقق حلم علياء صبا الي كعدت بوسطهم اخذ كريم وزينب الي كعدت تربت على متنه تواسي بيه ....
....