رواية بائعة الخضروات الفصل العشرون 20 - بقلم زهراء العراقيه

كريم ما مصدك وما مستوعب عليااااااء لازمه أيد يحيى صدييييقة!!!!!!!!
يحيى  بلع ريكه بس ما ابعد ايده مثل  الي بحكله موس لا يكدر يحجي ولا يكدر يسكت ولا يكدر يتحرك.

من نظرات كريم عليهم الي ما مصدك الي كدامه علياء ويحيى!!
صبا ضلت اعيونه على ايد علياء اشلون لازمه
ايد يحيى ...
باوعت علياء لصبا وابتسمت بخبث وكيد النساوين خلاهه تهد.ساعد يحيى وتلزم كفه وتشبك كفه على كفه
كريم من غير وعي عينه صارت على كفوفهم . 
يحيى:-يلا اني اترخص اشوفك على خير وبلع ريكه وراح  وبيده علياء ..... 

ماحجى شي يحيى ويه علياء وما اخذه لأي محل كبل للبيت ..
وكريم هم اخذ صبا وهم بس ساكت مصدوم على ضايج حس صديقه طعنه مايعرف ليش رغم هو عافه وماله حق اصلا بس حس يحيى خانه من اخذه زين اشلون واشوكت اخذه الي يعرفه كريم يحيى مزوج حبيبته سهير من غير علم اهله اشوكت اخذ علياء وليش ما وصله خبر ..
صدك مزوجه لو هيج ماشيه وياه لو شنو سالفتهم
.....
نزل من السيارة وفتح الباب نزله
ضل يدفع بيه ويدخله كدامه
:- اني مو اشرتلج اتروحين ليش اجيتي
:-
:- لج احجي ليش اجيتي وحطيتيني بموقف لا يحسد
:- الله يلعني.... علياء ولج بعد اشلون احط عيني بعينه .
علياء بهدوء:- شنهو انت اتريد اظم زواجك مني الدهر كله جا لازم يعرف
:- لج مو بهاي الطريقه من يبرد موضوعكم اكثر مو هسه خليتيني مثل الطفل ماعرف شكول
يحجي ويصيح وعلياء بقمة الهدوء ...
ضل يعيط عليه
وهي باله مو يمه واتوزع ابتسامات
:- لج ليش اضحكين ودفعه حيل على القنفة وطلع ....
علياء ابتسمت  وضحكت بصوت وصفكت بيده من اذكرت شكل صبا اشلون انقلب قلاب ولا كأنه حصلت رزالة.. 
..
بالليل راحت نامت بغرفته  وجاااانت حيييل مرتاحه نفسيا .....حتى لا فكرت بيومه بيحيى ولا انتظرته يجيه ... 
اما يحيى جان مطروح على القنفه ويذكر بعلياء اشلون حطت ايده بيده وعصرته حيل كأنه اتوجه لكريم رساله من خلاله يعني شنو هو  جسر تعبر منه وتوصل خباثات وتضرب ضربته بيه ... 
طلعت روحه كام من القنفه دفع الباب ودخل هي جانت بعده ما نايمه كامت كعدت
:- يحيى
:- ليش فرحانه اليوم؟ هااااا .
:- شنهو هيج لان طلعتني
:- لان طلعتج لو لان حركتي قلب حبيب القلب هااا ولج اضربين صديقي بيه هااا
سكتت علياء
:-لج ردي
:- لا بس لان صبا اتغار مني وادري بيه راح اضوج ...
انتبه يحيى وهي تحجي وياه لابسه ثوب عريض نيلي واليوم ما متعدله اله مثل كل يوم

:- اضاهر  حنيتي اله
:- شنهو
وخر كذلته عن اعيونه ...
:-يعني اليوم ما اتريديني مووو  الي اتريدي خلص صار وشافه كريم بعد ما همج موو

سكتت علياء صدك هي رجعت فرحانه وبس توزع أبتسامات وسرحانه وتذكر انتصاره اليوم واشلون اجته قوة اتواجه ونست رجله الي يراقبه ويراقب رده فعل اله .....
عللياء دنكت بتأنيب ضمير ضاجت من تصرفه ...
لان يثبت هي بعده تفكر بكريم ..  .
سحلت البطانيه وغطت نفسه اتريد تشرد من نظرات يحيى المؤنبه لتصرفه ..
انوب هذا تصرفه استفزه وعصب يحيى حيل ..
جر البطانيه وشمره
:- كومي
:- يومه شكو .. 

اكعدي اهنا
كعد على طرف السرير ..
وجر ثوبه من صدره مزگ ثوبه من فوك لجوووة   مرة وحده
:- انزعي
:- اي وجعتني اي ليش اي  هيج شكيت الثوب
ابعد الثوب عنه ضلت بطرك الاتك ...
:-اي هيج مثل كل يوم
حطت اديه على صدره وجانت ترجف ..
:-وخريهن ابعد اديه ودفعه على الفراش ..
اجه يمه وضل حاط وجه يم خده ويباوع اله ....صار حلكه على خده لكن ماكان يقبله بس يباوع اله.
:-ليش ادموعج طلعن ...
ماجانت تعرف ليش اجته البجيه هسه .. 
يمكن من قساوته وياهه لو لان حست بغلطه ..
يحيى لزمه من بين شفاه عصر حلكه وهو يكول  كلمات ما وصلت اذن علياء ومافهمت شنو يحجي لان كان صوته يرجف و ناصي .
غمضت اعيونه وكالت
:- الله يخليك.كريم عوفني  ع عو عوفني
اذا كان اكو ذره عقل طارت اليوم .. جان يريد يبوسه ويعوفه
بس هي زلت لسانه بسبب الخوف .......  ضربه على صدره حيل ولزمه من اديه كومه  ..... ماكدر يضربه اكثر ويأذيه كل الي سواه ........... قطع شفاه خلاه تجري دم من قوة قبلته كانه عقاب عسير .. ما عافه مسح الدم الطالع بلطف .. وهدأ فجأة .. وصار رقيق وياهه وهي جانت ادموعه تجري بس من رقى  وياه هدأت وسلمت اله وكانت متبادله وياه ...  وهي الي كملت قبلتهم الثانيه .....
بوسط هيجان مشاعر علياء وهي كانت محاوطه رقبته بيده اتحمل على نفسه وابعده عنه وهي بعده مغمضه طالبه المزيد لكنه كان متقصد يعذبه ويحسسه بضعفه كدامه يمكن يريد يثبت رجولته عليه وهي بأشد احتياج اله او الي يريد يثبته لنفسه على الاقل بعد نظراته كريم الي فهمه هو على كيفه .
فتحت اعيونه ما مصدكه خلص الحلم الي جانت بيه قصير جدا من سد الباب وعافه كما هي ........

شالت المخده الي ابصفه وحطته على وجهه تخنك بيه روحه وصوته لا يطلع ....
....
كريم
ما نام الليل كله يذكر منظر علياء وهي شابكه ايده على ايد يحيى  دمعته طلعت وهو يتخيل صديقه يتمتع  بحبه ..........
........

ثاني يوم الصبح كعدت صبا جانت بيت اهله امه جابت اله الريوك لحد عنده ...

امه:- ليش ما اكلتي يمه
:- مالي نفس يمه
:- انت اشبيج ولج من شفتي ام الخضره لهسه متغيرحالج ...
:-يا يمه اهمدا حظي انت لو شايفته اشماخذه جان انقهرتي لج يمه هاي شنو من مرة اخذت واحد ابمكان كريم  مال وجمال وثقافه وهم من اهل العمارة وابن عشيره معروفه امداني والله اخذت خلفه كل همه يجمع عقارات لو شايفه اشلون محمل لهاي ام الخضره الي ما عاجبتج جان . متي قهر ...
...........
:- عمي عمي يحيى اتكول علياء اتاخرت على الدوام
فتح أعيونه لكه وحيد يصحي بيه بس هو جان راسه حيل ثكيل لان مشابع نوم نام وجه الصبح ... االيل كله يريده
بس عاند ويه نفسه وما راح ...
:- اي كمت
كام راح سبح حتى يتنشط اشويه .. اتريك طبعا ما شاف علياء ...  وحيد كعد اكل وياه  ...
............من خلص
... اجاه وحيد وبيده ملابسه . 
اخذهم منه وبدل وطلع ........
كعد بالسياره وطلب من وحيد يفتح اله الباب ومن يطلع يسده
:- يحيى يحيى ..
اجته علياء تركض
:- اوكف ..
فتحت الباب
:- اصباح الخير .. نسيت تتعطر ورشت اله
:- روح وحيد انه افتح الباب
هو على كعدته ووجه مطنكر ..
:- انه شنهو سويت حتى هيج أجازيني ... على كلن حتى لو ما مسويه شي انه اعتذر وغلطانه واريد منك السماح راح اتردني ؟ لو تكرم اعليه برضاك ..
:- اوووف اوف
اتقربت وباسته من راسه
:- لا تزعل مني والله هاي سالفه نسوان مو يمك ردت صبا اشوف انه شماخذه لو انه موش من حكي افتخر بيك ؟؟؟
جانت هي ماده راسه وهو كاعد بالسياره وضلت منحنيه عليه من باسته من راسه واسولف وهو منزل راسه
بت الاوادم تعرف اشلون تمتص غضب المقابل ..
  .. رفع راسه صارت عينه بعينه ضل نظرة على شفاهه وهي هم ...
وحيد :- ها عمو شو ما رحت
رجع وحيد وخرب اللحظه ...
راحت عليا
ونظر يحيى ضل متركز عليه .. ..
بعده راح لعمله ...
طول ماهو بالعمل يفكر  بيه خلص مايكدر راح يعترف بزواجه ووثقه اليوم تعب دوم شاغله تفكيره حتى لو نزوة مايكدر يضل  محترك هيج بناره ..........

.....صبا  وهي تشرب حليب واتفكر.
.اشلون اتباوع الي والله ما اسمى صبا اذا ما اخربه عليج اهم شي ارجع لبيتي وماعوف كريم ...  صدك راحت للبيت .. جان رجله طالع ..
العصر من رجع كريم استغرب رجوعه لانه لازم تبقى يم امه اداريه ....
صبا:- والله ماكدرت انام ياعمري بدونك وباسته
من خده
كريم :- اي بس اخاف على الطفل .
:- لا تخاف حبي مابيه شي .. بس اشو ما كتلي صديقك ماخذ علياء
:- وليش انت ماتدرين مو صديقتج هي
:- لا اعوذه بالله بعد الي طلع عنه اهلي منعوني عنه وهمزين عفته ما اشوفه ماشيه ويه يحيى بالحرام
:- لا مرته
كاله بمرارة
:- اشمدريك
:- اتأكدت بطريقتي
:- ها وانت ليش مهتم
:- لا بس اني جنت اعرف هو مزوج وحده من ديالى من غير علم اهله فاشلون اخذ وحده ثانيه طلع والده مزوجه اله ..
:- ها امنين عرفت
:-هو كايل الي على زواجه الاول اما سالفه علياء عرفته من انور بس ها انت مالج علاقه مو يطلع شي لبره فاهمه ..
:- لا واني شعليه...... حتى علياء قاطعه علاقتي بيه ...
راحت صبا للمطبخ وفرحااااانه حيل من عرفت بيحيى مزوج وحده ثانيه ههههههههااااي .. بقت بس اعرف عنوان بيت يحيى وين وشوفي علياء اذا ماخرب فرحتج ههههههه
...................................

سهام:-يلا علياء وينج
:- اجيت
واخذت خواته وحتى المزوجات  راحن يجهزن سهام بقى بس اسبوع على زواجه ... 
سهام راحت ويه خواته تبات يم نجلاء ومهجه رجعت ويه علياء هي و وحيد ..
....
طبعا يحيى بيوم الي صالحته العصر اجته مخابره من ديالى وراح ابسرعه اهناك وبعد ما رجع ...
اثاري مرته متعرضه لأجهاظ ..
صديقته جانت واكفه فوك راسه وهي بالمشفى ..
صديقة سهير:- المفروض اتحسبين احسابك وبعد ديري بالك لا يصير حمل عندك بالغلط تره الاجهاظ مضر الج
:- اي اي كافي ملامه تعبت . . . بعدين خلص اخذ حذري اكثر
:- بس خطيه زوجك هيج اسوين بيه ما شفتي اشلون اجه خايف عليج وضاج حيل من عرف كنت حامل وسقطتي
:- ما مستعده اكون ام . 

:- بس خطيه هو كتل نفسه لو يدري بيج انت متعمده
:- اووش اياج اتفتحين هذا الموضوع ...
دخل يحيى
:- يلا حبي خلصت أجرأت الخروج ..
:- ها يلا ... 
.................

علياء ... راحت ويه اخته سهام للصالون شنو سوت سهام سوت علياء مثله قصت شعره وصبغته اصفر .... مونكير واحفافه وصارت توب .......
......
كعدت تتعطر  ...
اندكت الباب ركضت علياء وصاحت لحد يفتح انه اجيييت اتريد تلحك تفتح الباب لرجله عباله يحيى أجه ...
فتحته صارت بوجه صبا!!!!!
علياء:-انت!!
:- السلام عليكم
:- ... 
:- شنو مراح اتردين
:- وعليكم السلام خير اشرايده
:- يا هيج الوحده اتحاجي صديقته .
:- عمرج ما جنتي صديقتي روحي منا الله يرضى اعليج كفيني شرج
:- اهئ اهئ طلعت ادموع التماسيح وضلت تبجي.
:- ليش هيج حاقده عليه واني الي اجيت اشوف وابارك لصديقتي هيج اسوين بيه
:-طبي طبي لا تبجين .
كعدت صبا وراحت علياء اجيب   اله ماي .
صبا:- اوف شوف البيت شوف الاثاث شوف الذهب الي لابسته اويلي هاي بت الخضره هيج اصير احوال وتاخذ واحد جامعي واني اخذلي واحد يادوب خريج ثالث متوسط وهاي العوبه هيج تتهنى صدك لا كالو احظوظ .
:- اتفضلي اخذت منه القدح وشربت ..
...
:- اي حبي انسي الي صار ولو اني مو قاصده هو بعد.ما عافج خطبني قابل افوت الفرصه عاد وحده منه تاخذه .
:-😏😏اي خلص لا اذكرين الماضي بس لا اصدكين نرجع مثل قبل اتفضلي اضيافتج والله وياج
:- اوف هيج حبي اتعامليني واني الي خايفه عليج اجيت اشوفج اخاف يحيى ماعادل بينكم انت وسهير
علياء سابقا عارفه من حماته هو جان يحب وحده اسمه سهير بأيام مادرس بديالى واسمه سهير وكالت اله اذا شاطره نسيه اله . حتى تحفزه ما تفرط برجله وتخاف عليه اكثر حماته سولفت اله
وهسه صبا رجعت ذكرت هذا الاسم كدامه ....
سكتت علياء عرفت هاي المسمومه جايه اذب أسمومه عليه ......
صبا:- اي بس حتى لو مزوج اكيد مرتاحه انت وحدج وهي غير محافظه
ضلت علياء محافظه على هدؤه وسكوته
:- بس تدرين هي شاطرة حبلت قبلج ...و  سمعت من كريم مسافر اله .. انور كال اله وخطيه مطرحه يكولون  حاله يحيى تعبانه على ابنه .
خلص جبرا عنه طلعت دمعه بس ابت ان تنزل ضلت بالمدمع مسحته  علياء بطرف اصبعه ..
صبا ابتسمت من شافت تعابير وجه علياء
:- اي انشالله انت اجيبين اله بس شدي حيلج ..
اي سؤال انت ليش ما رضيتي بانور ورضيتي بيحيى لعد هو هم مزوج واخذج على مرته لا وانوب سمعت قصه حب طووويله بينهم اسنين انتظر وزوجه من غير علم اهله خطيه اتاذى انوب ابوه الح عليه ياخذج ...

علياء:-  اي يستاهل يحيى كل خير وانه هم ردت اروح وياه اطمن اعليه بس هو ماقبل
:- شنو انت تدرين
:- من اول يوم هو صارحني اي وكلي وانه مو بحاله شلي بيه اهم شي العز والجاه الي انه بيه ..
:-اهااا
عم السكوت اشويه وضلت صبا تتفحص علياء بنظراته اتريد اشوفه صدك تحجي لو هيج تسرح بيه حتى لا اشمته
:- يلا انه ورايه طلعه عمي ابو انور يريدني اروح الهم والله عمي يشتاق الي وحنين خطيه انت كريم مكطم ماعنده عزوة🙄😏
كامت صبا هم طرده وهم اهانه . 
.......
طلعت صبا وضلت علياء واكفه ومبتسمه ..
:-مزوج هههههههه طلع مزوج ههههههههههههههه
ههههههههههههههههه هههههههههه وانه اكول ليش زاهد اثاري اكو من تارس عينه وحظنه ههههههههههههههه امده حظي امده حظي امده حظي
مهجة:- اشبيج علياء ليش اتلطمين .
:- ههههههههههه ولج يحيى طلع عنده مرة وحامل هههههههههههههه
مهجه :- اسم الله الرحمن اشبيج
خافت مهجه على اخته اشو تلطم وتبجي وتضحك بنفس الوقت
راحت لغرفته..
:-هههههههه انه علياء النادرة والي التجار كله طمعانه بيه رجلي نابذني وطلع مزوج ههههههه
:- باوعت لنفسه شافت الكحله سايله ووجه احمر من اللطم .... .
:- اكيد. واحد مثله يريد وحده من مستواه جا مو انه لامال ولا علم شنو يفيد جمالي هااا ...
ثاني يوم اجه يحيى ..
استقبله وحيد بالاحضان بس نظرات مهجه اله غريبه جانت حقوده حيل نظراته...
طبعا محد دره بالموضوع غير مهجه ووصته علياء لا تكول شي ما اتريده يطش الخبر ..
يحيى:- لعد وين علياء . 
جان تعبان حيل نفسيا وجسديا ويريد يرتمي بحظن علياء ..
مهجه :- بالمطبخ
راح اله .. شافه ملتهيه تحشي دجاج
يحيى:- السلام عليكم
اشويه الا سمع الرد منه جان بصوت ناصي حيل وبارد
:- وعليكم ..
:- اشلونج علوشه وحط ايده على  متنه
:- زينه ..
ضل على وكفته ..
:- كومي علياء غسلي اديج وتعاي ورايه اريدج وراح للغرفه ينتظره ...
.