رواية بائعة الخضروات الفصل التاسع عشر 19 - بقلم زهراء العراقيه

يحيى وعى لنفسه اشلون يغلط باسم حبيبته !!
:- ها حبي اعذريني عندي مشكله بالعمل لا تهتمين

:- ما اهتم ممم بس منيه علياء؟؟
باوع اله بحيره
:-ها اكيد زميله بالعمل يلا حبي تعال نحضر الريوك.سوة
:-ليش مو حبي هي الي اسويه واجيبه الي 😉
:- ممم لا بلا دلع كوم وياي يلاااااا
.............

مل حيل لان كاعد  بالبيت وحده اغلب الاوقات سهير لو بعمله لو بندواته لو مع صديقاته .  ماتحب كعدت البيت يادوب بالليل يشوفه وهم هو ماعنده عمل اهنا ولا اصحاب ولا اهل.. ....
اخذ جاكيته وقرر يرجع لمحافظته افضل الوحده اهنا افضع بهواي من ما بيته ...
...
..
صبا:-ما عليه كريم اني بنفسي التخم
:-مو وكت اتخام خل انتهز الفرصه واشتري ابيوت اتفيدنا
:- هاي شنو كريم عندك اكثر من 500 الف ما تنطي الي اشويه تبخل عليه
:- مو بخل والله بس هاي فرصتي وجدت خوش ابيوت كامله خل اشتريهم قبل لا البيوت ترجع تغلى
:- شنو انت ما سمعت يكلك الدينار راح ترجع اله قيمته يعني يغلى
:- كله كلام هذا والي يبيع بيته راح ينضرب بوري عندي احساس اني قوي

بسنة ال 96 . صار رخص بالبيوت لان صدرت اشاعات حول انه الدينار راح ترجع اله قيمته فالبيوت 
لان الي يبيع بيته ب 150 على ساس من يقوى الدينار ال 150 تجيبله هواي بيوت .. كريم انتهز الفرصه وراح يشتري  عقارات جان حاسس انه اشاعه وهاي فرصه ما تتعوض اذا صدك طلعت اشاعه ينشال من الفقر..

ابو انور:- يسمع بالراديون مالته
:- بويه شكلت مو صار ساعه احجي رد عليه
:- غير اعرف بالاول ليش طلعت هي من بيتك حتى اعرف ارده الك
يحيى:- بويه صارت مشكله وضربته اني غلطت بحقه وردت ارجعه وماقبلت بويه اريده من شاربك الله يخليك
:- صارله اشكد عايفتك
:- هذا الاسبوع الثاني
:- ولو انه ماعرفت شنو المشكله الي خلته اتعوف بيته بس راح ارده الك
:- الله يخليك النا وكام باس راس ابو
:- ابشر اليوم بااليل امريتك يمك

رجع لبيته واشويه حس الضيق الي بصدره بده يروح من راح يرجعه اله ابوو باوع شاف البيت ما يندخل خطيه اذا رجعت اشوفه هيج اكيد اتعب نفسه واسويه كله بنفس اليوم ..
راح جاب مكنسه وماسحه وبده يرتب البيت ..
اشكد كابر يحيى لكن بالاخير عرف مو تعود لكن الحياة الصحيحه هي الي اختاره اله والده اختار اله مره من ثوبهم بت عرب  تحويه لكنه هو راح وانصاع وره رغباته بسهير .....
.....
علياءخجلت حيل من عمه اجه ويأمره امر اتروح ترجع وياه لبيته و أنبه لان طلعت من بيته
المفروض المرة ابد ما تطلع وتعوف بيته مهما كان مو من اقل مشكله ومن هذا الكلام
وبالاخير لگت نفسه علياع تنصاع جبرا لأوامر 8
عمه لانه صاحب افضال عليه لمت ملابسه واخذت اخواته وراحت ويه عمه بس ابصراحه حيل مغلوله من يحيى كلش لان لوتي يدري بيه مرااح ترجع اله دز ابوه اشكد متكبر هو لو بس واعده بحياة زوجيه عاديه جان رجعت اله وبسهوله من غير واسطاته بس هو اضاهر استحلت اله خدامه وبلاش ....
دخلت للبيت من ورة خشمه ..
بعد ما دكو الباب وفتح الهم يحيى
جان شعره مبلل كانه توه طالع من الحمام ..
ضل يباوع اله
وهي مدنكه ماتريد ترفع راسه واشوفه
يحيى وكف يمه وحط ايده على متنه وكال
:- شكرا بويه والله ماعرف اشلون اجازيك
علياء هذا يحيى المبوز لو بدلوه الي 😂😂
الحجي:- يالله انه اترخص
:- وين بويه اتعشى ويانا
:- لا  بوية مسويه الي الحجيه دولمه على ريش ..
راح الحجي والخوات راحن لغرفتهن
علياء وخرت عنه وراحت لغرفته ..
حيل اتبهذلت بهاي الفتره واشتاقت لغرفته .  ..
كبل انطرحت على سريره ...
فتح الباب يحيى وشافه منطرحه ونازعه عباته وشيلته وضفيرته نازله من السرير ..
:-نورتي بيتك
كامت عدلت كعدته ونزلت ثوبه وربعت على السرير ..
جمدت كل حواسه وارتبكت حييييل من اتقرب منه يحيى وقبله من .....جبينه ..
غريبه كانه سوه وياهه شي اكبر من رعشت جسمه و أرتباكهه معقوله هذا الشكل البريئ عليه شكوك وخطوط حمر ....
:- يحيى يلا تعاي اتعشي
:- اكو اكل؟
:- اي جبت من بره
:-انه ماحبن اكل الشارع
:- ههههه ليش اتحسسيني جايبيه من الشارع تره من ارقى مطعم يلا كومي وكافي دلع ..

كعدت عليا تاكل وبس اتريد اسكت افكاره الصايعه ياترى بعد ما رجعه راح يتعامل وياهه   كزوجه واليوم اليوم راح ينام يمه ياترى اشلون راح اتكون ليلته جانت عينه على الاكل ومبتسمة وشارده بغير عالم
سهام وهي اشاوره- اشبيج ولج  ما شايفه اكل لو البتيته والبيتنجان مال زينب مردن معدتج خلاج صافنه على الدجاج .
علياء:- احم احم اكلي ماعليج بيه ...
انه شبعت وكامت
يحيى:- ما اكلتي شي
:-ما حبن شوي المطاعم اذا ما اشويه بيدي بالتنور كالت بفخر وراحت
دخلت للحمام وطلعت شافت سهام اتعزل بالمواعين ..
لبست ثوب بنفسجي بس اكحلت وحطت حمره ورديه وتعطرت طبت بنص افراشه ......
ادنكت بابه ...
ادخل ...
دخلت سهام
:- ههههههههه هههههههه ههههههه هاي شلابسه وشحاطه وشمسويه هاهاهاهاها
:- عابت اشكول اشكول ولي اطلعي  برة يلااااا
:- هههههههههههههههه اويلي عيني ست علياء لمن هذا كولووو ترة المقصود  نايم بالصاله ههههههه
علياء  :- شنهووووو
.....................
سمعت احد يدك على الباب بس على كيف
ضلت مغمضه ما فتحت واتعمدت تشمر البطانيه عنه جان ثوبه صاعد. وهو اصلا ثوب نوم!! ودارت وجه .....
فتح الباب يريد.ياخذ ملابسه ....
عنده دوام ... شافه نايمه اوف خطيه  ازعجته فتح كنتورة على كيف حتى لا يصحيه ... وطلع
فتحت اعيونه علياء :- شنهو السالفه لا يكون انه فاهمه الزواج غلط وهو هيج بس يصرف اعليه وانام بيته لو شنهو والله حيرني ليش رجعني ...

بعد الغدا
علياء:- اتفضل وحطت الشاي كدامه بعدم رضا واضح جدا من حطت الصينيه حيل والشاي طفر منه ..
يحيى:- تسلم ايدك واخذه يشرب
باوعتله بغل وهو يشرب وراحت
حضرة جنابه جايبه خدامه اله ...
لبست دشداشته وشيلته واخذت عباته ..
علياء:- يحيى انه اريد اطلع
:- وين!؟
:- لاختي نجلى عندك مانع
:- زين اشبيج معصبه وهم ليش بهذا الوقت انتظري للعصر ..
:- عاجبني  اروح هسه
:- ماكو طلعه روحي لغرفتك
باوعتله ونفخت هوى بحلكه وراحت من وجهه ..
راح وراهه لكاهه نازعه عباته وكاعده وتهز براسه وضهره بتوتر
:- العصر اوديج
اوديج بيدي
كعد ابصفه
:- انت زعلانه مني
:- لا ليش ازعل
:- علياء ..... باوعي الي ..... شوفي اني كل الي محتاجه منك وقت ... اريد احسم اموري واعرف شنو أريد.... 
:- مافهمت انه
:- مو مهم بعدين اتفهمين كل الي اريده
تنهد وسكت ....
:- شنهو اتريد
:- ما ازعلين مني واتحمليني  بهاي الفتره ..
:- انه اتحملك العمر كله يحيى انه تحت امرك دوم ..
:- اتعرفين شنو احلى شي بيج
:- شنهو
:- خليتيني احب كلام اهلنا العرب
:- جا انت شنهي اجنبي
:- هههههههههه
:- علياء انت  شنو تردين
:- ها شنهو
:- يعني من ازوجتك لهسه ما طلبتي مني شي هههه يعني مثل ما اشوف امي وخواتي النهار كله يطلبن
احم . يعني انت ما بنفسج شي
:- سلامتك وشوفتك. ودخلتك عليه كلش كافي اعليه
:- الله يخليك . بس اني اليوم قررت احققلج ولو شي يعني معقوله ماكو بالك شي
سرحت اشويه علياء ....
:- انه جنت اشوف محل نفانيفه تخبل من الجام خان بس اجثير اعليه اجره جنت احلم اشتري منه
:- اها اليوم اوديج لارقى بوتيك واشتري الي تتمنين
:- لا انه لو هذا المحل لو غيره
:- اشمعنا
:- انت كلت الي شنهو تتمنين واني أمنيتي  موش النفنوف
:-لعد
:- امنيتي ادخل للمحل واشتري منه
:- مثل ماتردين وين صاير هذا المحل
:- بمنطقتنا القديمه
:-يوووه يعني اهناك
:-اذا مستعر تطلع وياي عادي مو اله
:- ازعل منج اذا عدتيه مرة ثانيه ..
:- لا تزعل مني ويلا ما اله انروح
طلع من الغرفه .....
علياء عباله زعل ....
طلعت العصر ادور عليه شافته بالحديقه يرش بيه بالصونده
:- انه راح اروح لبيت اختي
:- يلا بدلي
:- خوش
......
........    
:- جا شنهو انت وديتني لهنا غير انروح لنجلى لو راح اتوديني لأهلك ..؟
:- لا بس كولي وين هذا المحل
:- ها ههههه
:- هههههههه
:-غادي عن السوك ....
:- ها صدك تره اختج اسمه نجلاء لو نجلى
:- جا انه هيج اكوله نجلى بس هي بالجنسية نجلاء ....😂😂😂😂
...............
دخلت للمحل
تختار وهو وياهه
:- شنو رأيج بهذا
:- الله حلووو
:-اكيد عجبك
:- اي عجبني جا ليش ما يعجبني بس اظنه غالي
:-الغالي للغالي . باوع يحيى اكو اكباله محل احجبه
:- روحي اختاري حجاب على ما احاسب
انطت مقاسه وراحت للمحل جان طالع من عماره وابصفه درج تطل منه عياده طبيبه نسائية . نزلت صبا جانت تعبانه من الدرج ووراهه كريم
:- اوف اتكول الدكتوره راحه تامه
:- اي سمعت راح اوديج لهلج ترتاحين
:- خوش
علياء ضاجت من ابو المحل يباوع اله ويمشي وراهه وهي اتباوع يكلك راح اتبوكه ويحيى اتاخر شو . يوه خل اطلع بره انتظر يحيى احسن طلعت وصاروا بوجه كريم وصبا . 
صبا اخترعت يكلك شافت شبح ابسرعه اتقربت على رجله ووكفت يمه ولزمته من ساعده ...
علياء ماكدرت اتنزل عينه عنهم ضلت اتباوع لكريم و صبا كأنه اتريد تختبر نفسه بعده تكن اله شي بداخله ..
اجاهه احساس فضيع بالغل والحقد عليهم اثنينهم هالمرة ... 
كريم ضل ينظر اله ما بين الشوق والكره شعور متناقض....
صبا :-يلا بينا حبيبي اريدن اشتري نفنوف مناك حبي واشرت على المحل المقابل الي بيه يحيى
كريم نزل نظره عن علياء
وراح هو مرته ...
ماتدري ليش الحقد والكره سيطر عليه حيييل
شافتهم عبروا الشارع وصار بوجهم يحيى ومحمل اضاهر اشتره اله اكثر من فستان...
كريم:- هلا هلا وينك يارجل
:- شنو هالصدفه السعيده كرومي اشلونك امورك
:- والله اني زين انت شنو هالغيبه
فعلا اخر مرة شافه بيه من  جان عند انور سكران ....
صبا :- اشلونك خويه
يحيى وهو مدنك :-الحمد لله اختي

علياء المفروض والصح الي اتسويه اتضل واكفه بمكانه وما تتحرك وما تضهر نفسه حتى لا تخرب العلاقات بين الصديقين بس هي قلبه المحترك سيطر على عقله وراحت الهم
اهنا يحيى شافه اشر بوجه اله يعني روحي لا تتقربين ..
اتقدمت علياء واجاهلت أشارات يحيى
كريم :- يلا خويي وخلينا انشوفك  عود
اتقربت علياء من يحيي الي اتوتر وانخطف لونه من صعوبه الموقف
علياء: - ها يحيى شو أتاخرت اعليه ولزمت ايده بنفس  الطريقة  الي صبا سوته قبل اشويه !!!!!!

مرحبا أحبتي ... التمسوا لي العذر عندما يتأخر التنزيل .... الضروف لا تترك أحد .....