رواية بائعة الخضروات الفصل الحادي والعشرون 21 - بقلم زهراء العراقيه

اشو اتأخرت ...
يحيى: - عليااااااء
ماكو رد

اجت علياء:- اعذرني خوية على ما غسلت اديه وصحت سهام اكمل بمكاني
:- تعالي يمي وربت على السرير بمعنى اهنا ...
اجت علياء وكعدت يمه .
:- لا تكولين الي خويه اضوج منه
:- تأمر انت ..
:- زين بدلي هاي وتعاي يمي . 
تأمر اخذت ثوب ثاني وسبحت على السريع ورجعت اله
لكته نايم غطته وراحت ........  
كعد بالليل  شاف نفسه نايم وحده ....
طلع بره شافه نايمه بمكانه على القنفه . . 
:- علياء!!
:- علياء كومي هاي شنو ؟
كعدت  علياء
:- ليش هيج صابغه شعرج كلش مو حلووو ليش هيج.

سكتت علياء من سوت التغيير عباله يعجبه هسه اصلا نست ....

:- هاي شنو قاصه شعرج....
طقطقت اضافيره وكالت :- اي
:- لخاطر الله ليش هيج مخربه نفسج هااا
شعرج اني احبه طويل ليش كصفتي هيج ؟ .

:- مو مهم يحيى شعري ما اعتقد يهمك بشي انه كلي بشنو اهمك.خل تحبني انه بالاول وبعدين شعري ...
:- شنو قصدج
:- ما اقصد شي يلا خل اصبلك.عشا نمت ومعدتك.فارغه ...
:- ماريد اكل ...
:- لعد ليش كعدتني شنو رايد
:-رايدج انت

:- بس انه ما اريدك !!!
:- هههههه اسف حبي والله محلووو على الطبيعه احلى  لا ازعلين بس اعتقد هذا احد مستحقاتي واشر على شعره ...
: وانه شنهو مستحقاتي ..
صفن بسؤاله اشويه .. وفهم على هواه شنو تقصد ابكلامه عباله اتريد حقوقه كزوجه ....
:- اني اكلي الج واتقرب منه اكثر ولزم خصله من شعره
:- بس والله محلوو ...
سكتت علياء شنو اليوم اشو متغير عليه هو جان جاف وياهه ومن عرفت بزواجه احترمت هذا الشي
ما اتقرب اله لان يعرف نفسه مراح يكمل وياهه هسه شنو الي اتغير ؟؟؟ ههههه وحتى لو تغير شنو الفايده !!
:- تعالي وياي حبي ..
:-حبك؟؟
:- تعاي او كلج لا تمشين اني اشيلج مثل الافلام الي اتابعيه ام اسود وابيض ..
شاله .. ... واخذه للغرفه ...
حطه على السرير بلطف .... اجت تبجي علياء .جانت اتريد يعامله هيج من اول ما تعلقت بيه بس هسه ماتدري ليش كارهه نفسه لان عافته يجيبه لهنا😣😣 لهلدرجه هي ضعيفه كدامه؟؟
:- باجر ترحين اترجعي اسود
كعد يمه وضل يلعب بشعره كانت لمساته عاديه مكان مشوق لجسده هلكد بسبب تأخره ويه سهير بس كان حيل مشتاق  اله ويريد يوثق زواجه بيه حتى لا يفكر يعوفه لان حس وجوده بحياته مهم مايعرف ليش ويه سهير ماحاس بالاستقرار مثل ما يحسه وياهه ..
اخذ ثالث قبله الهم ..... وهو متعود بعلياء تبادله وتحاوطه بديه ... 
بس هالمرة دفعته حيل عنه
:-وخر كافي كافي
ومسحت حلكه بقفى ايده
:- قرفتني وراحت .....ركضت اتغسل
هو جمد بمكانه.... ليش؟؟؟؟؟؟
راح وراهه شافه تغسل وجه حيل وتفرك بيه ....
:- اشبيج
:- ضلت اتباوع اله من المرايه ... وادموعه تجري ..
:- ليش ازوجتني ؟؟،.وليش هسه اتريد تأخذني؟ ؟؟
:- علياء!!! شنو مناسبة هالكلام ...
:- جاوبني اعرف ابوك. الح عليك بزواجك مني بس ليش اليوم ؟؟
شنهو الان مسقطه ما طتك حقك جاي تاخذه مني... 

باوع اله بصدمه وفتح اعيونه على وسعه

:- هه وانه من ردت اطلك منك ليش رجعتني ليش ..  جان عفتني بهمي ليش املتني وياك بحياة اني مالي حك بيه .. 

:-ليش ليش اي شي اريدن انه ما يصير ليش باخر لحظه يخرب ويروح لغيري انه اشبيه ..
ضل يسمعه وساكت هاي اول مرة يسمعه تحجي واتكول الي بخاطرهه

:- اتعب و اراعي تاليه تعبي يروح لغيري . 
اهه اه وضلت تبجي وخنكته العبره ....
هو يريد يتقرب يحظنه بس يخاف من ردة فعله

:- ولو انه شنو اترجى من غريب اذا خواتي ما ثمر بيهن كلشي لا وياك ولا ويه غيرك رح يكعد حظي ... وهسه جاني عاد لو ضال مثل اول احسن جنت قدرتك اكثر ...
عافه وراح للهول كعد طالعه روحه حس شي غريب كلبه يدك حيل ونغزات بيه تأذيه  ..... 
كانه انكسر شي بداخله قوي من كسر خاطرهه .......
..
اتخبلت ام انور من سمعت من صبا الي سيرت عليه عصريه بأبنه يحيى مزوج بالسر
...
ابو انور ثارت ثائرته من سمع بعملة يحيى ... ابسرعة حقق ويه انور ومكدر يكذب من حلفه واعترف اله بزواج يحيى حتى قبل لا يزوج علياء بسنه مزوج سهير ....
....
دخل يحيى للغرفه
:- علياء الله يخليج كافي لا تبجين اني ما استاهل منج دمعه ..
:-و منو كال ابجي عليك انت ماتهمني ورح اطلع  بره رووووح .  دفعته كوة وسدت الباب ...
طلع يحيى من اللبيت ضايج راح.لبيت اهله واستقبله ابوه...
ابو انور:- والله الله جابك الي .
:- خير بوية محتاج شي.
:- الله لا يحوجني الك ..
:- ليش  بويه بشنو مقصر اني
:- تزوج من ورايه ولك هااا ليش هيج هاي تربايتي تزوج وحده ابوه حزبي لعين من الله يلعنك.وياهه  ..
يحيى:- بويه ان..
:- اش ولا كلمة واطلع من بيتي لا ابني ولا اعرفك....
......
وانطرد يحيى من بيت ابوه بس ضل سؤال محيره علياء واهله امنين عرفوه..

ومرن ثلاث ايام علياء تتهرب من شوفة يحيى بس قايمه بواجباته والمرسال وحيد ومهجه وتم عرس سهام    .... وهم حست علياء باثقاله خفت .. ما بقت غير مهجة بعده اصغيره ووحيد. ...
خلص العرس طبعا علياء لعبت نفسه من شعره صبغته اسود وعافته ..   بس دومه مشيله رجعت للشيله واثيابه العريضه البسيطه .. 
داخل البيت ..  
رجع من الدوام وسمع صوته اتغني خدري الجاي خدري وخدري الجاي خدري
اشتاق اله حيل دخل للمطبخ شافه على الطباخ اتقلي واتغني واتحرك بجسمه تفعالا مع الاغنيه   ..
جان حيل فاقده وخاصه هي حرمته من شوفته وحتى اذا يلمحه بالشيله حاله حال الغريب . بس هسه شعره مرجعته اسود و(ذيل حصان) ولابسه سيت بيتي هو مشتري اله  عباله يتأخر بالدوام كالت خل اللبس هذا المن ضامته ومن اتعدلت حست نفسيته ارتاحت .........
دارت وجه شافته منتكأ على الحايط ويباوع اله
:- الله يساعدك خويه ...
ومرت من يمه وراحت لبست ثوب عريض فوك.ملابسه ولفت شيلته
وهو على وكفته ..وهي رجعت اتكلي
:-وين الجهال
:- بالمدارس .  اسبح وتلكه الغده جاهز
:- خوش .
حطت الاكل وراحت
:- مراح تاكلين وياي
:- سبقتك
زين بس اكعدي افتحي نفسي
:- مال خلك اريد اسطح ..
.....
ما اكل كام اله للغرفه
:- ماريد كومي شيلي  الاكل
:- حاضر
شالته ورجعت نامت .
اجه هو اسطح يمه
ابسرعه كامت
:- تعاي وين نامي يمي
:- ما احب انام يمك!!!
:- اها هيج صارت
:- اي والله مو بيدي يخوي كمت اشوفك بعيني مثل اخوي مااعرف ليش
  .
وطلعت تضحك ماتدري ليش هيج اتكول وتصرف بس اتريد تشفي غليله منه ... كيد حريم ..

علياء :- والله ميته على حظنك بس هينه ما اعوفنك.ابد مثل ما صبا باكت كريم مني انه هم ابوكنك من مرتك مليت انه دوم الي اطلع خسرانه ....
...........
((تراتيل حواء زوزاية ))
العصر طلع يحيى ... 
من رجع لكه علياء مبطوحه على الارض وحاطه رجل على رجل واتباوع تلفزيون . و وحيد نايم على ايده ووجه على صدره ....
يحيى:- ليش الله ما خلقني وحيد
وكعد على القنفة اكباله ..
علياء :- هلا بيحيى الله يساعدك وكامت شالت وحيد ودته نيمته .. ورجعت
:- متعشي لو اصبلك
:- اذا اكل وحدي ماريد ...
عافته وراحت للمطبخ ....... بعد عشر دقايق حطت الصينيه اكباله وكعدت ابصفه
:- وانه ما يرضيني اتنام جوعان انت حتى نحفت هليام متاكل ......
:-صاير جنك بيب بيب المسلعم
:- اح اح ههههههههه اح اح ولج غصصتيني
:- يبو هاك ماي ..
:- منو ولج بيب بيب
:- انت صاير مسلعم
:- وانت جمرجبار
:- عزة شنو كول بعد نسمة بخالتي اقماشه امنيلي ها اشو جلد وعظم انه
:' اها هذا اللحم الابيض كله وامنين الج ههههه
:- عينك بارد .. 😶
:- الله يخليج الي ..
:- صكد اقصد صدك
:- ههههههه اي صكد
:- هههههههههههه ههههه
:- ضحكتج تحليج حيل
:- هع انه احليوة 😋😋
:- تدري يحيى هاي اول مرة تدعيلي مع انه تارستك دعاوي ....
:- الله يخليج  انت تستاهلين كل الخير علياء
:- ها
:- اكلي كافي سوالف
:- امرك سيد يحيى ....
....  من خلصوا
:- دقايق واسويلك جاي
:- لا ماريد
:- ها بامرك
:- اشرايج  نطلع
:- وين
:- بالاهوار
:-🙂🙂🙂اشوكت
:- باجر
:- اي اي .
:- يلا تعالي
:- والجاي
:'كتلج ماريد
:- شنهو راح اتنام بالغرفه ؟؟
:- اي!!!! هذا الوضع الطبيعي والي لازم تتعودين عليه
:- هااا
دخلت وراه ...تتمشى على كيف .. اخذت غطى ومخده ورادت اتروح ..
:-وين
:- انام انه اهناك ..
:- بلا عناد وتعاي
:- موش اعناد
حظنه من خلف وحاوط اديه على خصره
:- لعد بربك شنو اسمي
:- انطيني وقت يحيى كل الي اريده منك وقت
وخرت اديه منه وراحت .. 
يحيى:-وقت كانه هاي تعيد نفس كلماتي شنو جاي تتحداني لو شنو...

هي ونايمه  حست شخص كاعد.فوك راسه
:- يمة اسم الله الرحمن منهو
:- كومي علياء نامي بغرفتج...
:- لا انه مرتاحه هيج .
:- لا كومي اني حنام اهنا ..
... 
ثاني يوم من الصبح راح لديالى جان يوم جمعه 
ضاجت علياء بس هين بعدني بالبدايه مصيرك ترجعلي ...
.....
نام بحظن مرته الاولى وارتاح  من عذاب علياء الي اشتغلته عليه ...
نايم و على ذراعه سهير ..
يلعب بخصلات شعره ...ترى هسه نايمه لوكاعده .....شنو اسوي بغيابي اضوج وتفتقدني لو ما يفرق عده ... .....
احسن شي اروح اتصل بيه شو قلقت عليه حيل كام ..
:- وين حبي
:-دقايق اسوي تلفون واجي ... 
اتصل بيه وضل ينتظر  احد يشيل السماعه.. بس ماكو
احتارت علياء اشيله لو لا لان هو كايل اله ابد لا اترفعيه ...
راحت لغرفته....
  :- اي عيني هسه نايم.ومرتاح.يم ست الحسن .. وانه اهنا مثل الططوة كاعده ...

الصبح كعدت سهير شافت يحيى مو يمه ...
استغربت من نومته بالصاله لا وبعد المطفئة مليانه قطوف جكاير شنو شارب باكيتين !!
:- اه لو اعرف ليش هليام مهموم ؟ ..
:-يحيى يحيى
:-ها ها
:- كوم حبي نام جوة ..
:- اهااا اكسرت ماعرف اشلون غفيت اهنا ...
:- اشبيك.حبي ليش هيج متغير شنو صاير شي ..
:- لا ماكو شي
:- شنو ماكو شي لا تقنعني
:- ابويه عرف سهير وقاطعني
:- شنوو تقصد عرف بزواجنا
:- اي

:- اشلون دره ؟؟؟
:-مااعرف
:-يلا حبي انشالله يهدأ وينسى ويصير كولشي تمام
:- انشالله ...
راحت سهير لعمله
انتبه يحيى لنفسه اشو فكره كله بعلياء شنو اشبيه حتى ما مهتم هلكد بسالفه ابوه كد ما مهتم بيه  لا يحيى ممعقوله علياء هي حبك ... وسهير والسنين الي قضيته وياهه شنو . والسعاده الي جنت بيه ليش ما حس بيه مثل قبل ليش ويه هاي علياء كلشي تغير وكاني اعيش حالة حب من جديد  شنو الي جاي يصير منو بيهم نزوة سهير لو علياء .  على العموم اني ماكدر استغني عنهم أثنينهم ....
راح لغرفته فتح كنتور مرته حب يراجع ذكرياته معاهه ...  دور على البوم صور عرسهم بس مالكاه ضل يقلب بالغراض وسقط شريط حبوب جان بين الغراض ..
انحنى يريد يرجعه باوع عدل اتفحصه ..  هذا
حبوب منع حمل ومأخوذ منه ...........○○○°
رجعت العصر سهير ...
شافت ماكو احد دورت عليه مالكته .. 
دخل .. يحيى ..
:-وين جنت ؟؟ يلا حبي خو ماتغديت
::- جنت اتاكد هذا حب مانع لو لا لاني اشويه ماعندي خبره ..بهاي الامور .
:- يحيى يحيى هل اشرحلك فدوة!°°
:- ليش سهير اني دوم اطلب من ربي هذا الطفل وانت اتبخلي عليه ليش
:- اني ما مستعده اكون ام صدكني عملي ومنصبي والمسؤولية  الي على عاتقي ما اكدر اوفق بينه وبين ان اكون ام
:- لعد اضحين بأمومتج لخاطر مركزج
.:- اني تعبت على نفسي اعتقد من حقي احقق ذاتي بعدين عادي نكدر نأجل الموضوع
:-اني عمري 36 سنة واريد طفل الحك اربيه شنو ناويه اسويني اب من اعجز ..
:- لا تفكر بهاي السطحية يحيى
اتعارك بيومه وياهه وعافله البيت ورجع للعمارة ....  
.................
دخل سمع صوت علياء تتمضحك واسولف جانت اتخابر ..
:-هاي يلا نجلاء بعدين اخابرج ...
:- الحمدلله على سلامتك
كعد تعبان :- الله يسلمك ..
:-ها احضرلك الحمام
:- ياريت ...
:- صار تدلل
راحت حطت ملابسه و المنشفه ... 
:-يلا اتفضل خلصت ..
كام سبح ...
طلع لكاهه تقرأ قران ...
كعد.ابصفه ...ويسمع ..
خلصت علياء
:- عندج اهواي اخطاء باللفظ
:- هاا جا شسوي هيج قرأتي
:- كثري بالقراءة والكتابة حتى لا تنسيه
:-خوش
اي شو ما ضليت اسبوع اهناك ..
:- اشتاقيت الج
:- هاااااا
:- حيل فوق ما تتوقعين البارحه كوه نمت ماعرف ليش خفت عليج ..
علياء نزلت القران بس ضلت على كعدته ..
:-اشوفك تعبان تعال انطرح اهنا واشرت على حظنه  حط راسه عليه ويباوع اله وهي اتباوع اله جانت ملاك وكاعد لابسه شيله بيضه ووجهه بيه حب وحنان يكفي الكون .. 
لزمت راسه وقرات اية الكرسي وهو مغمض بحظنه ...
فجاءة ضحك من نفخت بوجهه علياء
:- اجاي اسوين
:-ها غير انفخ بوجهج جاي اقرالك حتى العين اتروح منك
:-ههههههههه هاي شنو اني محسود على شنو
:-على كلشي عيوني انت
:- اتخافين عليه
:- جا مو رجلي وسندي بالحياة انه اشعندي غيرك

الصبح لاحظت علياء زوجه ما راح للدوام وكعد رتب الحديقه ..  ويمه ما طلع .   . .
العصر
:- علوشه
:- هااا ييلا غيري ملابس طالعين ..
:-اي اي وراحت تركض لبست بنطرون وقميص اشترتهم اله حماته ... وماحطت مكياج بس اكحلت ولبست حجاب جان الحجاب ابوسطه لاصق يوكفه جيل الطيبين يعرفوهه هسه بالحديث يحطون أشعه ....
وكفته وعدلته ولبست عبايته وطلعت . شافته دا يلبس حذائه
:- انه كملت
:- باوعله برضى حيل مطورة هاي الي شاغله فكره ..  اوف منه البارحه هم اتهربت منه ..  .
راحوا واتنزهوا ما خله شي بنفسه .  جانوا كاعدين ببلم وهو الرجال يجدفون وهي كاعده واتباوع اله وتوزع أبتسامات ..
:- ههههه دربالج لا توكعين
:- يمه صدك
:- هههههههه لج اشبيج خفتي معقوله اني وياج وتوكعين .
:- انت تعرف تسبح
:- اي
:- وانت
:- اي جا شعبالك
:-صدك وين اتعلمتي
:- ما يرادله شي اجيب الليفه والليف
:-ههههههههه صايره اتحششين بعد
:- هههههههه
همس اله :- بس اموت واشوفج اشلون اتليفين
باوعت للرجال الي اكبالهم
ودنكت استحت
وهم شاوره
:-.......
:- يا كافي انه استحي هههههه
:- اكلك ما اصيدلي اسميجه
:-ماكو صيد اهنا
:-هااا
جان توه الشتا على الابواب ... بعده الجو حلو لكن من بدت تغيم رجعوا  . نزلت علياء من البلم ولزمه من ايده واتمشوا
:-يلا علياء استعجلي شكله راح تمطر
:- اي اي خله تمطر نفسي تمطر اعلينا وانت تنزع سترتك وتحطه اعلى راسي 😃
:-يمعوده ملابس ستره دمشي ..
:- عادي انزع انه عباتي واغطيك
:- قصدج اتفضحيني ههههههه
مالحكوا يرحون للسيارة مالته ومطرت الدنيا عليهم
:- الله مطر مطر والله اله وحشه
:- ا مشي علوشه غركت
تتمشى على كيفه والرجال غرك وهي هم بس في سبيل اتشوفه مبلول  . جنان...