رواية بائعة الخضروات الفصل الثاني والعشرون 22 - بقلم زهراء العراقيه

:- يحيى
:- ها
جان ينكث بنفسه لان غرك مايكدر يسوق هيج
:- اريدن حمص ما وكلتني 😊
:- شنو هسه؟؟
:-ايي
:- ولج حتى البسطيات عزلت خليه بعدين اجيبلج
:-لا جا احنه غير
طالعين نتونس مااا
:- كافي دلال  الدنيا تمطر.
:- لا لا تسوق انه اريدن ماعليه انه شنهو ذنبي اذا حظي اعوج ومطره اريده اكل
:- اوووف
:- حببببباااب كالته بدلال زايد
نزلت الرجل يركض يدور على احد يبيع حمص . وهي اتباوع اله من الجامه تضحك على منظره مكيفه حيل لان نزل على موده
اتاخر وغااب عن انظاره..
اجه وبيده كبوسات
:- هاج ام البلاوي
:- هههههه هاي انت سابح هههههههههه .
:- ههههههه
فتح المسجل جانت طالعه اغنيه لحاتم العراقي . 
وكعدوا يكرزون حب ويضحكون .. لأن المسكين مالكه طلبه
رجعت للبيت لكت مهجه منيمه وحيد ونايمه

لبست واتعدلت بعد العشا وهو جان بالهول .. 
من خلصت الاخبار راح للغرفه شافه كاعده وتتعدل ...
:- اوووف اليوم طالعه صاروخ ..
:- شنهي هالحجي عيب
:- عيب ههههه اليوم اشوفين العيب بعيونج
:- اي فدوة   اقصد لا استحي ههههه
:-كافي يلا تعالي ...
كامت علياء
:-انه اليوم تحت امرك
:- اني الي تحت امرك يا عسل ..
كعده ابصفه .. بده يتلمس شفاهه بابهامة ..
علياء بصوت ذابل :- اريدن أسألك سؤالين قبل كلشي
هو بصوت اذبل:- كولي حبي
:- ابعدت اصبعه عنه وكالت
:- تتوقع اذا مرتك عرفت بزواجنا راح اتوافق اضل وياك وانه اعلى ذمتك؟؟؟.
سؤاله غير مود يحيى
":- تتوقعين هذا السؤال وقته
:- اي انه تحت امرك بس بعد ما اجاوبني
:- اوف والله اتفتحين مواضيع
:- الصراحه لا ما تقبل اما تطلب الطلاق او تطلب اطلقج ....
:- انت اذا طلبت منك اطلقه اطلقه؟؟
سكت يحيى
:- الله اعليك جاوب  هذا اخر سؤال
:- لا ..
رفع راسه وباوعله
:-- لا علياء ماأكدر استغني عنه ومراح أطلقه.
ابتسمت بمرارة علياء
:- عرفت انه . مراح اطلكه او اطلقه مثل ماتكولون انتم وهي مثل ماتعرفه انت وكلت مراح اتوافق ابد اتشاركه وحده بيك .. يعني انه الي راح تبعدني عنك وقت الشده ...
:- علياء انت شنو اتكولين
كامت من صفه ووكفت اكباله وكالت
:- وانه ماكدر اخلي احد يلمسني مدام يومين ومرجعه لمرته الاولى انه لو الك للموت لو اتعوفني   
اخذت روبه وطلعت..

يحيى ...... طلعت علياء اذكى من ما اتوقع وعرفت مصيره الي هو لهسه ما محدده وسحبت لسانه بأسالته وبهذا الوقت ونهت كلشي.....
انطرحت بالهول وتبجي اليوم اعترف اله هو مااله غنى عن مرته .. ويمكن هي مجرد غرته ويريده  لا اكثر واكيد مو يمكن ..   ..  ..  ..
يجيني يوم واعوفك يا يحيى جني هم مالي نصيب بيك ..😥😥
وضلت علياء على هذا الوضع يحيى يريد الها الرضى ترضى وهي تتهرب منه ومن اسلوبه الناعم وياهه ....
ومثل ما يكولون الممنوع مرغوب على قدر امتناعه عنه زاادت لهفته عليه كانه اول مرة بحياته والي خلقه ما خلق غيره ولا يكلك عنده مرة ثانيه الي عايفه وزعلان عليه . وأهله هم مزاعليه وضال ما اله غير علياء ومجاكرته اله
....
شاف ابوووه بالحي راح يسلم عليه جان حيل مشتاق اله
ابو دار وجه وراح ....
طلعت روحه ليحيى راح لأنور يريد يعرف منو كال لابوه اليوم يفلش الدنيا...
انور كال اله ام ايلاف كالت صبا مرت كريم طشت خبر زواجك اتخبل يحيى هذا كريم يمكن متعمد لان اخر مرة شافه من لاكاه وشافه ويه علياء اووف معقوله توصل بيه يدز مرته ويخربه ويه ابوووه ..
    .  راح يحيى  لبيت كريم وانور راح وراه لا يسوي شي طايش ...
دك الباب فتحه كريم
:- يا اااهلا وسهلا والله بيكم اشلونكم   يالربع شخباركم
:- ليش كريم  هيج سويت اشلون اتوصله لابويه
:- شنو القضيه يحيى  فهمني
كريم كولشي مايدري ...
انور:- يحيى الزم اعصابك انتم اخوه
:- شنو القضيه ليش معصب
:-انت موصل لابويه خبر زواجي .
:-شنو اني؟؟،، وداعت المرحوم ابويه لا ابد
دتعال ادخل وفهمني شنو القضيه
دخلهم بالاستقبال...
:-  شنو القضيه والله اني ما جبت طاري لأحد
انور:- بس اهلك رايحين لامي وامسولفين كلشي
:- منو تقصد مرتي
:- اي ...
دقايق وراجع الكم
راح لصبا جانت هي تسترق السمع عليهم وركضت للمطبخ
:- صبااااا انت رايحه لاهل الولد.وكايله على زواجه السري
:- هاا لا
:- ولج احجي الصدك لا اموتج هسه
رايحه امه اتكول
:- اي اي رحت زلة لسان ماقصدي
:- ولج مطيه اشلون هيج اسوين
:- لاااااا تغلط.
عاطت بيه صوته وصل لمسامع يحيى  وانور
انور :- ارتاحيت هسه شوف صارت عركه بينهم

.بعد المشاده الكلاميه فقد كريم وضربه راشدي لو تخبلت كامت اصيح .

:- واذا كلت انه هااا وحتى لعلياء اني كلت اله اي كلت هاي وحده ساقطه ما تستاهله خل يعوفه
:- اش اش كافي لزم حلكه يسكته .   وخرت ايده
:- يباوووو تخنكني
:- ولك كوم خل نطلع اضاهر  كبت بينهم انور راد ياخذ اخوه ويشرد
.بس وقفتهم صبا من اجت يمهم وكالت
:- اوكف خويه خل اكلك على عمايل مرتك قبل لا تاخذك ..
يحيى راد يطلع عباله سوالف نسوان
:-كافي ادخلي .
كريم خطيه حس نفسه طفل كدام هاي الوكحه الي الغيره والحقد وعدم الرضى بما قسمة الله اله خلاهه تنطق ابشع شي وهي تعرفه باطل .

:- انت ماتعرف كريم شنو شاف عليه قبل لا يعوفه وياخذني
كريم :-بس بس
وجره سحله لجوة
بس يحيى جمد لان هذا السؤال دوم يطرحه ببال ومايعرفله جواب لان يعرف صديقه روحه بيه جانت ليش افترقوا؟؟؟
صبا كامت اتصيح حتى يسمعه يحيى
:- عافه لان شافه نايمه ويه نصير بغرفته والله
انور فتح اعيونه على وسعه
كريم فقد ودفعه وكعه على الارض وهي حمله خطر...
وضل واكف ابمكانه وضهرهه على يحيى
يحيى اتقرب من كريم
:-صدك لك كريم احجي اني اعرفه اشرف من الشرف احجي ليش .. 
الكلمه اشويه بيه اهانه لرجولته اتحامل على نفسه يحيى وكال
:- انت ليش عفته احجي
جان لازم كريم من ياخه قميصه وكله يرجف ويحجي
كريم ساكت ..  حس الي جاي يصير بصديقه نفس الي صار بيه اول ما شافه هسه هو استر عليه لان الله حليم ستار ما يريد يفضحه
كريم:- اهدا يحيى مدام انت اتكول شريفه وانت استرت عليه بعد لا تاخذ بكلام احد وخلص ماكو شي
انور:-هده يحيى خل انروح
دخلت صبا لجوة وعافتهم
يحيى: - اني الحفك بروح ابووك كريم كوول كلام مرتك امنين جابته
سكت كريم حلفه بالغالي اشلون يسكت ويعوف صديقه على عماه زين صديقه ليش ما اكتشفه من اول يوم اله وياه!!!!!!!!
:-احجيييي وروح ابوك احجي
:- اي شفته ويه نصير بالغرفه بوضع مخل وعفته يلا هسه ارتاحيت    ......
هد كريم ورجع لورة
يحيى: -جذاااب جذااب وطلع وعافهم
راح انور خلف اخو خاف لا يسوي بيه شي

.... وصل للبيت عركان وتعبان ..  وادموعه على وشك ....
..
شاف مهجه
:-وين اختج
:- بالمطبخ
شافه كاعده وتثرم لحم ...
وصل يمه
علياء كامت وكفت ووكعت منه السكين من شافت حالته
هو لزم السكين وحطه على رقبته...
:- ليش عافج كريم
بعلت ريكه اقل حركه منه اتروح ركبته
:-ها  الله ما قاسمه الي واختلفنا وراح
وخر السجين حباب ضل يباوع اله وما ابعده
:- والله شكو شي سامعه جذب وافتراء
ذب السجين وكال
:-ليش ليييش يفتري عليج وهو جان يموت عليج ويتمناج ليييش
:- ماعرف والله انه كلشي مااعرف بذاك اليوم شفته باب غرفتي واكع واتكول ايناس شاف جارنا طالع من غرفتي والله انه كلشي مااعرف
:-شنو ولج اسرحين بيه لزمه من شعره
:- الله اعليك لا تظلمني تتندم والله  ...
وحيد يضرب برجل يحيى ويكله عوف امي عوفه .. هده وطلع صار بوجهه انور ..
انور:- لك.خو ما اتهورت
:- لا اا ما ماكدر اسويله شي لك اني مربط راح اموووت
:-تعال يا خوي خل نفهم السالفه والله اني لو هسه اشوفه بعيوني اجذب اعيوني
:- قصدك كريم يفتري
:- لا بس اكو شي بالسالفه ماداخل دماغي تعال خل نعرف شنو شاف بالظبط وانحقق بالموضوع..
راحوا لكريم بس يحيى  ما قبل يدخل  كرامته ما سمحت اله يسال واحد عن عرضه دخل  انور وكريم سرد.اله شنو شاف بالظبط وانور ما خله سؤال يعتب عليه وعرف منه بوقته اخته كايله اله مريضه واتريد دوة..
طلع انور من بيت كريم وكعد بسياره اخوه
يحيى :- شنو الغلط ولك هاي السالفه مابيه غلط واني طلعت زوج
:- لا بيه اهواي علامات استفهام :- لو علياء مريضه اشلون تستقبل واحد ها؟؟
:-ولو هي صدك مريضه جان  اخته كالت اله كريم راح يجي يجيب الدوة بعدين خواته ما يطلعن كلهن وعدهن مريض    .  اكو شي مفقود يحيى لا تتسرع بالحكم احنه هسه اهم شي نلكاه نصير   .لان يكول كريم اختفى بعد السالفه.....
:-وين نلكاه هذا الملعون .
:- اني الي اعرفه اصله بصراوي يمكن يم اقاربه اهناك
:-اه يالله انطيني الصبر
....
مارجع للبيت يحيى حتى لايتهور ويسوي شي يندم عليه ..
بات يم صديق اله ..
ثاني يوم الصبح

خلص علياء اجته غشاوة خلص صبره  كالت هاي هي الي جنت متوقعته اجه ومن وكت ..  لو راح يكتلني لو يذبني بالشارع...
اهنا اندكت الباب 
راحت فتحت الباب وضلت صافنه بوجه الي جااااي.......!!!!!!!!!!!!!

......
يحيى  كتله التفكير  .. وبدت افكاره تلعب    ليش كل ما يريد  يتقرب اله تشرد.منه هااااا يشوفه تضعف بس اخر لحظه تشرد ... اكيد مو مثل ما جان فاهم عباله لان ما حاسه بالامان وعايفه على راحته لكن اليوم لازم يروح ويحسم الامور .... طلع صعد بسيارته وراح لبيته.......جانت الساعه  ب 11 الضحى دخل . جان البيت هدوووء وماكو اصواتهم ....

......
......
نجلاء :- اشبيج اتوصين شنو صاير
علياء:- ما صاير بس حبابه اوعديني اديرين بالج على اخوتج ذؤله امانه بركبتج لا تقسين اعليهم ولا اجورين اعليهم ويه الزمن
وحيد لازم بعبايته وهي تبعد بيه
:- روح وحيد يروحي ضل اهنا احسن الك انه ما راح اعوفك يروحي ..
:- دربالج على روحج نجلاء وعلى اخواتج ولا اكطعين رحمج ويه سهام و عهود وحتى ايناس حاولي تتواصلين وياههه حظنتهم كانما دا اتودع
:- اختي اشبيج انت وين رايحه
:- مشوار مشوار لا تخافين يجي وكت واتلحكيني .. .

وطلعت علياء من بيت اخته
اهنا جان انور مسويه هو وربعه دورة بحث عن نصير طلع مو بالبصره بالعماره وبيت اهله خاتل اساسا هو بيه حاله نفسيه دومه بالبيت خاتل ويطير اطيور ....
اخذوه من بيت اهله .... 
....
يحيى علامات التعجب والصدمه على وجه من دخل لغرفته وشاف سهير مطروحه على الفراش..!!!!!!