رواية بائعة الخضروات الفصل الخامس عشر 15 - بقلم زهراء العراقيه

وصلو  نزل هو وراح نزل الجنط ودخل كدامهن ولزم الهن الباب . نزلت هي خواته يباوعن للبيت جان بنائه من خارج حلووو دخلن للحديقه واعيونهن تتفرج على الحديقه وجماله .. وهو وراهن سد الباب
:- اتفضلوا وراح كدامهن
دخلن وراه البيت واسع وحلو حيل صدك مأثث مو مثل بيتهن ضلن صافنات على القنفات والمزهريات والفرش الراقي ...
كعدن كلهن اسطرن بالهول ومستحيات حييل لحد الان بالنسبة الهن يحيى غريب وابن صديق ابوهن اول مرة يطلعن وياه وهو مدري اشبيه ابد  ما حكى  او جامل او ابتسم لكسر الحاجز لا ساكت ..
يحيى:- ليش اتحنطتوا منا وجاي هذا البيت بيتكم اعتبروا وراح احط غراضكم بغرفكم واخذهم وراح وهنه ضلن كاعدات
سهام:-خرب مصلمه اشكد حلوووو
مهجة: - اويلي يخبل طلع
علياء:- اكول احنه جنه خطار كاعادات عيب خل انكوم نرتب غراضنا
بس ياترى وين غرفتي انه ...
رجع يحيى الهم :- البنات غرفتكم اهناك على اليسار وهي بداخله حمام . وانت وباوع لعلياء بنظرة خاطفه :- غرفتج اهناك
علياء:- ها مشكورة خوية! تعبناك
سهام خربت ضحك على اخته اتصيح لرجله بيوم دخلته خويه .. .
:- اذا تحتاجون اي شي اني بالخدمه
:- لا مشكور زحمناك .. راحن هنه لغرفتهن وعلياء ضلت على وكفته متانيه هو يحجي شي او ياخذه لغرفتهم او اي شي لان خجلت اتروح لوحده . رجعت سهام كوة سحلت وحيد لازك بامه الي هي اخته علياء واخذته  لغرفتهن وضلوا علياء ويحيى بالهول يحيى كعد يحك

بلحيته
وعلياء كالت محلوة وكفتي هيج خل اكعد احسن .
كعدت اكباله وكل ساع تسترق النظر اله وهو كأنه حاير شنو يكول او متوتر
وهذا شي طبيعي لعرسان ما يعرفون بعض وهاي اول خلوة الهم ..
يحيى:- روحي لغرفتج اذا تعبانه
علياء:- مثل ما اتريد وكامت للغرفه .
وهو ضل كاعد ...
تراتيل حواء زوزاية
طلعت ملابسه طبعا جهازه كله على السريع سوت كم دشداشه واشترت ثوبين نوم لان بس يومين ورة الخطبه وازوجوا ما لحكت طلعت الروب الابيض جان بسيط حيل بس هي جملته بجسمه الرشيق الممتلئ بنفس الوقت . وحلت شعره الطويل المموج وجرت الكحله طلعت كمر . وكعدت على الجربايه تنتظر دخول زوجه . جانت متوترة وبنفسه تتاجل هاي الشغله منا من تتعود عليه وبلكت تحبه وتتقبله .

علياء:-مممم معقوله هاي اغريفتي اشكد حلوة ممم هاي شنو الاخشاب كويتي اول مرة اشوف اخشاب أبيض بس ليش الفرشه لونه جوزي جا غير بيضه اوف
راحت فتحت كنتوره شافت ملابسه معلكه اويلي عليه حتى ملابسه هيبه كريم جان خطيه على كد حاله اييه ايام وراحت الله يسعده .. هممم ليش اتاخر انه عايزه قلق شنهو دخل يسبح هسه لو نفسه دخلت تسبح جان خلصت والله نعست .. وضلت تنتظر الى ان نامت وغفت .. كعدت الصبح على دك الباب لبست روبه وطلعت شافت يحيى نايم على القنفه بالهول ..
رجعت من شافته فتح اعيونه .. هو ما شافه وراح فتح الباب طلعت امه واخواته ومرت انور دخلن يهلهلن للاستقبال وهو ركض شال الغطه والمخده الي بالهول ودخل للغرفه جانت علياء مغيره ملابسه ومخلصه لابسه دشداشه حمره وبيه بلك اصفر بس جيل الطيبين يذكره .. حطهن يمه وراح لهله وبعده اجت اخته وبيده صينيه ريوك ودخلت لعلياء وهي تهلهل ... واستقبلته علياء بأبتسامه ...
العصر ...
خواته كالن راح انبات يم نجلاء هي كالت الهن تعالن يمي وصدك راحن واخذن وحيد يمهن
ضلت علياء وحده بالبيت لان يحيى طلع وره الغده وبعده مارجع كالت خل اسويله شي ياكله من اديه حتى يتعلق باكلي . كعدت لفت كبة برغل وكبة تمن وراحت سوت دهينه هي شاطرة بيه والحلو اهنا بمطبخه كلشي اكو ..
علياء:- ممم حلوة الوحده تاخذ واحد ميسور اويلي واخيرا خلصت من التبسيط بالسوك ومن الناس جان الرايح والجاي يبسمرني هسه صرت مسعده 😂😂 اهم شي اعرف اكسبه وماشمت الوادم بيه ...
جانت لافه وصله على راسه((معصبة بعصابة)) حتى  لا يوكع منه شعر بالاكل . واديه كله تمن نست حكت نفسه بيده ثوبه صار كله عجين تمن
ما اهتمت وكعدت اتلف ..
دخل يحيى شاف البيت هدوء اذكر خواته ما هنه طلعن .. دك باب غرفة نومه!! وبعده دخل شافه ماهي غير ملابسه وراح للمطبخ شافه كاعده وابد مو شكله عروس ثوبه وسخ وهي مبهذله
كامت وكفت اله اول ما شافته
علياء:- هلا يحيى توه مانور البيت
:- منور بيج
ابتسمت علياء اله
:- ليش متعبه نفسج اجيب اكل من بره
:- لا شنهو انه مادخل اكل الشارع لبطني دش ارتاح
:- شنو
:-هاا اقصد ادخل ارتاح على ما احضر الك الحمام لو تريد اتنام؟
:- ما نام هيج وقت وعافه وراح للهول فتح التلفزيون وكعد يباوع على قناة  الشباب

علياء شافته كاعد وحده خلصت ابسرعه شغله وراحت دخلت سبحت وتعدلت لبست دشداشته الحمره وسوت ضفيره صفح وطلعت تتمشى بخجل بعده ممتعوده تمشي سافره يمه
شافته يباوع كعدت يمه
:-الله يساعدك يحيى اليوم شنو سويت ..
ماكو جواب...
علياء:- إذا تعبان روح اسطح اهناك البارحه نمت على القنفه اخاف جسمك اتكسر ..
باوع اله هي دنكت وهمست :- انه حروح اسوي دهينه
:- لااا
باوعت اله
:-لا ماكو داعي اني اجيب الج اذا مشتهيه ..
علياء:- لا الله يرزقك ويخليك بس انه احب اسويه من اديه تطلع اتخبل .. يلا انت روح ارتاح بغرفتك .. وراحت علياء للمطبخ
هو صدك جان تعبان بس يخاف يروح لغرفته وهي تلحكه وينحرج منه ...
نام الساعه ب 9 بالليل وهو نايم خلصت علياءالعشاء .
ودخلت للغرفه تمشي باستحياء شافته نايم وضهره صاير عليه ..
علياء:- اا يحيى كوم خويه اتعشى خلصيت العشه ..
ماكو جواب
مدت ايده ورادت تحركه بيه بس مترددة حيل وخرت ايده وكالت:- يحيى كوم خلصت انه ماتريد.تاكل
يحيى:- لا ماريد خليني نايم ..
علياء:- على راحتك وراحت ضمت الاكل وما اكلت انسدت نفسه . ليش هيج يصعب الموضوع عليه وكانه يبني بتجاهله اله الف حاجز .. اذا هو هيج ما متقبله كزوجه ومامهتم اله ليش خطبه وازوجه؟
كعدت اشويه بالهول .. الى ان صارت ب 12 ..
نعست راحت لغرفته الثوب غير مريح للنوم وبما انو هي عروس لازم تلبس شي خفيف . اخذت روبه مال البارحه وطلعت بره لبسته ورجعت .. جان بعده يحيى نايم .
كعدت ابصفه وباوعت اله ركزت بمعانيه اتريد تحفظه لحد الان هي ما مركزه بيه عدل .. هذا الي جانت اشوفه يجي لكريم ويكعد وياه بالسطح صار بيوم وليله رجله وكريم صار غريب اله وصديق رجله منو جان متوقع هيج يصير حتى بحلمه ما متوقعه ... زحلكت نفسه على السرير ونامت ابصفه وعافت بينهم مسافه .. ...
حس يحيى بشخص يمه نايم هو ونايم اتقرب منه كأي زوج وحظنه من ضهرهه كعدت علياء فتحت اعيونه وكلبه كام يرجف تتمنى لو تكدر تشرد.بهاي اللحظه بس ماتكدر هذا زوجه واقع ولازم تتقبله... لزك راسه على متنه وشمه حيل ... غمضت اعيونه وكالت خل شصير يصير واني مغمضه ...
بده يتلمس بيه ويجره لحظنه اكثر .. فجأءة . دفعه عنه وابتعد.
يحيى:- اشجابج اهنااااا
علياء كامت كعدت جانت نازعه الروب وبثوب النوم الابيض وجسمه هم ابيض  طالع حيل مغري
دار وجه عنه وكال:- افتحي الضوه والبسي شي وتعاي .
كامت علياء طفت الليت الاحمر وفتحت الضوة واجت كعدت بس ما لبست روبه
علياء:- خير خويه ترة انه توني سابحه والله ..
عباله نفره بسبب ريحته .. ..
يحيى:- اني  اني ... اني اعتذر منج بس ماكدر ..!!!
علياء سكتت مافهمت شي بس كلبه نغزه وخافت ..
يحيى:- ماكدر اذيج اني ماكدر استمر بهذا الزواج !!
:- شنهوووو
باوع اله وراد يكمل بس من شافه بعده بثوبه وجسمه الابيض نصه طالع دنك وكال :- روحي البسي شي وتعاي ...
كامت حطت الروب عليه واجت يمه ..

:- اني ماكدر يا علياء ماكدر اتقرب منج واخويه جان رايدج!!!!!!!!!!!!!!!

علياء سكتت اشويه استوعبت الي كاله
:- جا ليش اخذتني ؟؟؟
فرك بيده  بين جبينه وكال:-لخاطر رضا الوالد.وهم لان اذيناج واذي....
:- جا انت هسه مراح اتاذيني وشنو قصدك ما يستمر هااا شنهووو اتخليني مطلكه !!!!
سكت يحيى
:- انت ما اخذتني حتى تستر عليه لان اخوك غلط بحقي انت خذيتني حتى ترضي ابوك ومن ابوك يسلم أمانته اتعوفني 😥
:- لا لا علياء لا تفهميني غلط.اني ابد.ما ارضى اجي عليج بس بس لو تعرفين ضروفي اتقدرين وضعي ...
:- اطلع بره
:-علياء بس اريد اتعرفين شي
:- ماريد اسمع شي اطلع حباب ..
طلع وعافه .... كامت بدلت لبسه بس ما بجت ولا جانت ضايجه حيل لانه اكتشفت نفسه متكدر تتقرب اله وهي روحه بعده معلكه ويه واحد ثاني ..... واستمروا على هذا الحال شهر...
بس طلبت منه ينام يمه لا خواته يحسن نام يومين وماكدر عافه بعده وكام ينام بالهول ....

رجع يحيى من عمله كالعاده يلكه البيت يلمع لمع دخل للغرفه لكه ملابسه البيتية محضره على السرير دخل سبح ولبسهم .. طلع شاف علياء بالهول حاطه اله صينيه الاكل ودا اتصب اله ماي بالاكلاص ...
:- اشلونج علياء
:- هلا هلا يحيى الله يساعدك وابتسمت اله وراحت .. كعد ياكل كالعاده ياكل على مهله حتى يستلذ باكله لان كلش طيب حتى من امه ما ماكل مثل اكله .. خلص كام غسل رجع لكه الصينيه مشيوله كعد دقايق والشاي صار اكباله وراحت دخلت لغرفته ..
كالعاده اتخلي اخوته يهأدون من يجي حتى لا يضايقوه ..
..
يحيى: - علياء
اجتي تركض
:- ها يحيى رايد شي .
:- لا بس تعاي وخلي البنات يجن يباوعن ليش ما تفتحين التلفزيون .. اني رايح للاستقبال ..
:- خوش
  كيفت علياء هذا وقت مسلسله اضاهر يدري بيه تتابعه صاحت لخواته ..
هي متعوده اتشيل ثكل واسوي كلشي بيده جانت اتنعثل بالقنينه اتريد اتبدله ع الطباخ اجاهه يحيى يركض اخذه منه وشاله بيد وحده وشكله على الطباخ
:- مرة ثانيه صيحيلي لا اشيلين ثكل ..
فرحت من داخله حيل حست اكو رجال يخاف عليه هذا الاحساس فقدته من فقدت كريم .. وهسه بدة يجدد حتى من اتنام مرتاحه اكو رجال بالبيت حسه تحركاته كله انطته احساس بالامان .... اتكيفت علياء ويه هذا الوضع صحيح زواجهم ما كامل لكن مجرد وجوده واهتمامه بيهم كلش كافي اله .... ...
بس دوم جانت تسال نفسه الى متى انضل هيج
الى ان تحول سؤاله ياترى راح صدك يعوفني .. لا ماريده يعوفني تعودت على وجوده يمي ماريد النعيم الي بيه يروح مني وين احصل مثله ..
..
علياء:- وج سهام ماعرف شسوي انه حايره
:- ههههههه والله اني عرفت سالفتج بيه ان من نومته بالاستقبال لو بالهول . انه اكول الج ليش مايتقبلج كل هذا الوقت
:- ليش بالله
:- هذا عيني انسان مثقف وواعي يريد المرة مو بس جسد لا اكو اهواي شغلات ما متوفره بيج لهذا ما جذبتيه .
علياء:- يا
:- اي اي هو لو لان ما مقتنع بيج لو عنده غيرج ماله ثالث ..
:- جا شسوي حتى يقتنع بيه ..
:- ماعرف بس هو ما عاجبه بيج شي حتى يتقرب الج
:- اي بس هو يحب اكلي وعاجبه .. !!!