رواية بائعة الخضروات الفصل السادس عشر 16 - بقلم زهراء العراقيه

سهام:- هههههههه ضحكتيني اي هو هذا الي مخليه طيب وياج لانج صايره خدامه اله 😐
:- شنو  هذا  الحجي جا غير رجلي طبعا اخدمه المرة المعدله ماتخلي رجله ناقصه شي
:- لا كلش معدله اهم شي ما مطيته اله
:-جا هو مايريدني اروح اغتصبه قابل ..

ضاجت علياء من كلام اخته حبطت معنوياته حيل وفعلا كلامه صحيح مرن شهرين  وهو عينه ما ترفع عليه ابد ...

بيوم اجاهه كال عندي سفريه ويه ربعي خارج المحافظه واتاخر اشويه وصاهه على نفسه واخواته وراح ...

....
ام هادي :- لطمت على صدره من سولفت اله علياء واتريد حل ..
:- ايا فاهيه ولج رجلج ما خذاج لهسه
:- اي شسوي خاله انه اشبيدي . 
:- لا ولج بيدج المره الشاطره كلشي بيده.. 
انه راح اعلمج شنو اسوين .. 
.......
جان كاعد كريم ويفكر ترى هسه وين علياء ووين صفى بيه الدهر وين عايشه اتفكر بيه لا ... !
دخلت صبا للبيت
صبا:- ابشرك كرووومي اني حااامل حامل .
طفى جكارته وكام حظنه وفرح  حيل راح يصير اب .....
........
رجع يحيى من سفريته دخل للبيت جان هددوء ماكو اي صوت ...
راح للمطبخ حتى يسلم عليه قبل لا يدخل للغرفه ماهي ..
راح للغرفه فتح الباب .. جانت كاعده على الميز دارت وجه عليه وكامت واشجعت اتقربت منه  اشويه
:- الحمدلله على سلامتك
ورسمت على وجهه البسمه
:-الله يسلمك ..
جانت لابسه ثوب اخضر طووخ وحاطه اله اخته ظلال هم طوخ الصراحه طالعه مدري اشلونه شكله ابد مو نازك فهم يحيى شنو قصده من هذا تصرفه ..  موديه اخوته لبيت اخته وعود.متعدله على قدر امكانياته .. لكن هو مايريد لا يخون ولا ياذيه لان حاسم امره عاجلا ام اجلا ينفصل عنه وهم هو ابد ماله رغبه بيه .....
يحيى :- جبتلك هديه من ديالى بالهول روحي شوفيه
:-بعدين اشوفه واتقربت منه دتنزعه الستره هو رجع لورة وخر اديه بهدوء ونزعه هو :
- ممكن اطلعين اريد ابدل
علياءاشجعت واتقربت منه مرة ثانيه وكالت
:- اساعدك  انه 😊
:- علياء رجاءا اطلعي او اكلج اني راح اطلع وراح وسد الباب وراه ..

كعدت علياء على السرير وادموعه طلعن وساحت الكحله منه صارت كانه شبح .. 
سمع صوت بكائه  وهو مار من الغرفه فتح الباب ابسرعه ما اتحمل يكسر خاطره . 
وكف عند راسه
:- علياء كافي الله يخليك كافي
علياء زاد نحيبه
كعد ابصفه
:-كافي يا بت الناس والله انت تاج على راسي بس اني ما استاهلج ..
كامت اشاهك وتبجي ما اتحمل عافه وطلع ...  حس بوجوده يزيده حزن وبكاء ..  رجع بااليل اشتم ريحه تقلاة الي هو الشي الوحيد الي اشتاقله من علياء ..
راد يدخل للمطبخ ياكل منه وهي اتقلي وكف يم الباب ومتردد اخاف يدخل ويذكره ويحرجه من الي سوته واشلون رفضه اليوم وترجع البنيه تبجي .
شافته علياء
:- ها يحيى ثواني والاكل يصير جاهز .. 
استغرب يحيى اشوا استقبلته بأبتسامه بشوشه مثل كل مره وكانه ماصاير شي ..
حطت الاكل وصاحتله يجي ياكل اجه ملهوف كعد اكل بشراهه وهي كعدت اكباله تكال .. 
رادت تاخذ لكمه صادفت ايده اجت على نفس الاكله واتلامست ايده وايده الخشنه ابسرعه وخروا اديهم اثنينهم .. كانه نار لسعتهم مو اديهم مع بعض ...
راح نام بالهول
علياءاجته:- يحيى كوم نام بغرفتك انه حنام بغرفه البنات وراحت ...
صدك راح نام اهناك ..  
.. بعد اربعه ايام اجته اخت يحيى الصغيره هاي اخر العنقود من جيل علياء مزوجه وعده اثتين اولاد اصغار واجت مسيره يم علياء ..
استغربت علياء من انمار (اخت يحيى) طلبت منه تحجي وياهه على انفراد ..
راحت لغرفته
انمار خريجه كلية علوم وانسانه طيبة ومتفهمه
:- علياء اي اشبيه يحيى وياج
:- مابيه شي عيوني
:- بس اني سمعت من ام هادي غير شي
علياء بخوف
:- شنهوووو انفضحت
:- لا حبي ما كالت بس الي واني طبعا مراح اكول لاي مخلوق ..
بس اريد اساعدكم
:- لا عيوني ماكو داعي انه راضيه هيج
:- لا اشلون علاقتكم راح اضل مهدده هيج
:- لعد شسوي انه ماريد افشل نفسي
:- تعاي اني راح اعلمج شنو اسوين حبي ....
من رجع يحيى هم كال اله راح يسافر هالمرة بشغل وهم راح .. 
بهاي الفتره طبعا هي كالت اله راح اطلع ويه اختك ..
وصل لديالى .. نزل يم بيت .. فتح الباب ودخل ..
استقبلته مرة بالاحضان
سهير:- حبيبي  حيل اشتاقيت الك
يحيى قبله وجان حيل مشتاق اله
:- واني هم حبيبتي
وشاله راح لغرفتهم يركض بيه .. 
......
ثاني يوم الصبح حس بشي على وجه كعد لكه زوجته سهير ماده ورده اله على وجه واصحي بيه بهدوووء
كعد حطتله الفطور الرومانسي على السرير ووكلته بيده .. 

.......اشترت اله قطع قماش وراحت واخذته وياهه لخياطه ماهر اخذت مقاسه واشترت اله ذهب و ملابس داخليه وخارجيه على ذؤق انمار ... وانمار اشترت على ذؤق اخوه اتعرف هادئ ويحب الهدوء ... وعلى هذا الاساس اختارت الوان ملابس اله ...
ضلت تعلم بيه وتعبت وياهه انمار حيل .
طلعت سهير من البيت باحد الصبحيات وعافت رجله نايم .جانت لابسه تنوره قصيره وجواريب  شفافه مع قميص منفوش من جه الصدر بتور .نظارات شمسية و شعره الاشقر دلس ومنفوش .. جانت طويله وجسمه مثل عارضات الأزياء  واعيونه خضر واوساع حيل الي يشوفه يكول فرنسيه مو عراقيه ...
وانيقه بشكل .....
كعد يحيى لبس واتوكل للعمارة ....
دخل هالمرة جان البيت هوسه وحيد يلعب ومهوس ومهجه تقره ....
اجته علياء شافته: - اشلونك يحيى
وسلمت عليه ومثل كل مرة عادي
... بعد ايام صارت خطبة سهام وطبعا بيت الاخت الجبيره علياء ... خلصت الحفله البسيطه وكلمن راح لبيته ..
وبقت علياء كاعد بالاستقبال تكال كيك ..
وخواته راحن لغرفهن سهام تنزع البدله ومهجه اساعده ..
يحيى عباله محد بالاستقبال راد يدخل ياكل كيك
وجان يشوف علياء كاعده !!
جانت وحده ثانيه الشعر مكوي وزايد طول بالكوي و لابسه بدي ابيض وبيه ورده حمره وبنطرون كابوي من فوك حصر ومن جوه عررريييض جارلس . 
وحاطه رجل على رجل وكاعد.تاكل .  ضل صافن عليه ...
علياء :- يحيى؟؟ عبالي رحت ويه اهلك
وكامت انحنت على الطاولة شالت الصحون وهو وراهه صافن على شعره الاسود اشلون كثيف وطويل وضايف اله جماليه واغراء وهو على تحت خصره طبقات تتحرك على حركته لمتهم كلهم وراحت للمطبخ وهو ضل يباوع اشلون تمشي ... اول مرة يحس بيه انثى جذابة وجانت تبين اصغر من عمره وصدك ابنيه مو علياء المشيله ... وحاطه مكياج شي قليل طبعا هاي التعديلات كله من صنع انمار ...
كعد اشبيك يا يحيى ليش هيج عقلك افتر بس هي تستحق الاحسن مع الاسف وحده مثله هيج تتعذب جانت بالسوك .. لو كريم مزوجه جان عاشت مرتاحه بس ليش عافه او هي عافته ليش ؟ همه ملائمين لبعض اكيد اذا أسأله احرج نفسي اكثر من ما احرجه ! ..  

رجعت علياء اله :- رايد شي خ.. اذكرت شنو وصته انمار اكبر غلط من اصيحه خويه
:- رايد شي يحيى ☺
:- لا.... خلصت حفلتكم؟؟
:- اي
:- ليش ما مغيره لهسه تره هذا اللبس مو للبيت .....
دنكت علياء وانحرجت هي اتريد تلفت انتباهه مو اثير سخريته عليه
:- يلا انه رايحه اغير اذا اتريد شي صيحني .. وراحت
يحيى:- اوه ليش اني هيج كلت واحرجته تأء هسه اكيد ضاجت البنيه ..
يمكن كال هيج لان أستفزه جسمه وشكله ...... .
.
علياء شنو هاي كل يوم وانكبس والله مليت انه تعبت  اي صدك كلام سهام مو بالجسم ولا بالاكل لازم اكسب وده بشي  ثاني زين شنهوووو
اهنا دك تلفون البيت راحت مهجة تركض اتريد تفتح خط ...
علياء:- اوكفي ولج لا اشلين السماعه ..
:- يووو حبابه
:- لا يحيى كال مهما دك لا تردون ابد
:-هف اريد اجرب واكول الو  😥
:- ماكو روحي
.....
رجعت السماعه بمكانه سهير اضاهر لو بعده زعلان عليه لو طالع خارج البيت .. اوه غيرته الزايده عليه هي مصدر كل المشاكل يغار عليه حتى من رؤساء عمله واصدقاء والده واخوهه ..  صحيح هي حبته وخاصه هاي الصفه تعجبه بي دم حامي وصاحب غيره وفضلته على كل الي يتمنون رضاهه واتحدت اهله واخذته واتحملت عدم علم اهله بزواجه منه وعدم رضا والده بسبب وضعه لكنه اقنعته بقوة ارادته واخذته ...ومازالت تحبه لكن لو بس يتغاضى عن خفقاته ويتقبله كما هي....
............
بالليل جان يحيى منطرح ويباوع تلفزيون واصلا باله مجان يمه يفكر باخر نقاش ويه مرته سهير وماطلع منه بنتيجه  مجرد نقاش حاد وعقيم وتر علاقتهم . حتى اخر يوم الصبح كعد ما لكاهه رغم علمه هو راح يسافر للعماره ما ودعته مثل كل مرة ...
علياء هسه هو صافن اخاف مثل كل مرة احجي وياه وما يعتبرني واتفشل .   
يلا خل اجرب واسوي مثل ما كالت سهام اطلع موضوع واناقشه بيه عودك انه ام العريف
احم يالله
كعدت ابصفه هو راسا عدل كعدته ..
:- يحيى

:- ها علياء محتاجه شي
نست الموضوع الي علمته عليه اخته ولاصت الدنيا بمخه
علياء:- ها انه ا ا شنو رايك بال بال بال
انوب باوعله بنظرته الحلوة القاتله
ارتبكت المرة ..
:- رايك وحكت راسه بال بالنظام ..
:- يا نظام ؟ ابتسم وكمل:- يمعوده لا ادخلينا بالسياسه لا انوخذ من بينكم وضحك ...
علياء :- اويلي ضحكتك اتخبل
باوع اله يحيى
علياء  بسره خرب انه شصخمت
:-😊😊😊😊
:- وانت هم روحج حلوة
:- مشكورة خوي.. مشكورة عيني😊

وعم السكوت ... اشلون بيه ماعده موضوع وهو ما يشجع يحكي كلمتين ويسكت .
علياء:-------  ها صدك شرايك بفلاح ..
يحيى  وهو منتكأ على القنفة :- زين
:- يعني اشلون شفت حجيه و
:- هو مبين زين بس الله واعلم بالنفوس ما يتقيم الا بعد العشره...
:- يحيى
:- ها علياء
:- انت ليش ما تكعد بالبيت اهواي ودومك مسافر خارج المحلة
:- عندي شغل و
:- شغل شنو انه الي اعرفه انت موظف جبير بالحكومه
:- شغل شغل علياء انت ماتعرفيه .
:- شغل لو انت تشرد من البيت جيف انه بيه
:- علياء شيلي هاي الفكره من بالك
:- يحيى انت
:- كافي علياء اني تعبان وانت هم روحي نامي
:- لا انه ما نعسانه و
:- اني نعسان
:- تصبح اعلى خير وراحت ..
دقيقتين ماتحمل تكعد يمه اشلون راح يتحمله العمر كله  .....

في الصباح
لبست ثوب اصفر قصير وشدت شعره(ذيل حصان)
الا طلعت من الغرفه سوت شاي وحضرت اله الصينيه وحطته اله بالهول جان هو يحط عطر بعد ما حضر نفسه للدوام .. 
طلع  كعد اتريك ...
قبل لا يصيح اله اجتي وبيده حذائه يلمع
:- لمعته الك اتفضل وحطته يمه
:- الله ينطيك العافيه .. اخذه لبسه وكام وهي درات وجه وراحت للمبطخ
علياء:- حتى ما كلف نفسه وباوع الي انه شنهو جاي اسوي بعد شسوي حتى اكسبه جاي اعرض نفسي اعليه وهو ولا يمه يعني صدك مثل ما كالت سهام انه خدامه حطت القندول بغضب ازحلك من الكاونتر ووكع .
جان يحيى كاعد بالهول . ماكدر يروح للدوام
كام شافه تلم بالكزاز  .
يحيى:- علياء
:- مادري هو وكع من غير ماقصد
:- انت شنو تحجين فداج كون انت ما تأذيتي
:- لا
:'- روحي اني المه ليش تبجين ؟؟
:- هيج مابيه شي
:- وخري وخري . لمه هو وهي واكفه وراهه ماتدري ليش تبجي ...
دار وجه مايدري بيه هي وراه انصدم بيه ..
يعني هو صار عليه طبعا هي اللحظه كلش مدته قصيره لكن علياء ماحست على نفسه غير وهي حولت الصدام الى حظن ارتمت بحظنه حاوطته
بذراعاته من تحت ابطه وراسه على الصدر وهو واكف رافع اديه الي بيه حطام القندول .. وصافن او مندهش من علياء
حط الحطام ع الكاونتر وحاول يبعده عنه  بلطف بس هي كانت شاده عليه بقوة وتبجي
يحيى بهدوء:- كافي علياء هشش اسكتي 
كان عباله تبجي لان هو ما عاير اله انتباه
بس هي قوت بجيته وماسيطرت على عواطفه لان حست نفسه اتريده وهو ما يبادله نفس الشعور  وهم حظنه دافي وحنون وهو حارمه منه كانت بوده اضل اطول وقت ممكن على صدره . سكتت اشويه وهدت وهو يهدي بيه بلطف ويمسح على ضهرهه ...
انزاح طابع الخجل من علياء بهاي اللحظه واندفعت وراء مشاعره رفعت راسه وباستة من عنقه بهدووء وانفاسه على رقبته تحرق حرق  ..... 
هو غمض اعيونه اله بلكت تبتعد من ذاته بينه وبين نفسه لان هو خرت قواه كدامه اول مرة اصادفه هيج امراة ضعيفه ومسلمه اله اتجرأت اكثر واتقربت من فمه هو كان مستمتع حيل بتلمساته المبتدئة 
لكنه يكابر وما بادر بشي مايرضى يعترف لنفسه هو هم يريده
الى ان هي اتقربت منه اكثر واخذت شفاه بقبلة هادية ....

يتبع