رواية بائعة الخضروات الفصل الرابع والعشرون 24 - بقلم زهراء العراقيه

زينب  سدت الباب
:- ياربي شنو صاير  ويه هاي المخلوقه
بت زينب:- ماما ترة خاله علياء اليوم اجت
:- ها اشوكت
:- اليوم الضهر
:- ولج هسه ضهر اشوكت اجت
:- هيج وكت الاذان
:- صدك
:- اني فتحت الباب
:- يا ليش ماكلتي الي
:نسيت
:- وليش مادخلت
:- يمه يمه شف
الطفلة اتفاعلت ويه الاحداث هي وتحجي
:-ولد هذا ابن النانس الناس مكتول شردت
:- يا ابن الناس
:- الي اكبالنا مكتول شفناه
مافهمت زينب شي طلعت من البيت شافتهم بعدهم واكفين يم سيارتهم
زينب:- ابو ايلاف انتظروووا
باوعو اله .
:- بتي الثوله اتكول علياء جايه النا ويه اذان الضهر
يحيى:- صدك .
: شايفته بتي واتكول شافت واحد.امدمى جيرانه الي اكبالنا وشارده
انور ابسرعه لكفه وهي طايره هو اجه
ويه اذان اضهر وشمر نصير اكبال بيت اهله طبعا بعد ما هددو اذا يشتكي عليهم همه هم يقدمون شكوة عليه بتهمة التشهير   ب اعراض الناس ...
تراتيل حواء زوزاية
انور:- لك اكيد عباله كتلنا وشردت خافت
كريم:-جائز رجعت لبيتك
يحيى بيأس اكثر: - ماعتقد

راح لبيته ..
دخل يحيى وانور ينتظره بره .....
جان متأكد هي مو بيه ..
اتقرب يم باب غرفته فتحه شاف سهير نايمه بمكان علياء ومتغطيه بغطى علياء ...

طلع من البيت لاخوه
:- ماهي انور راح اتخبل وينه معقوله اني مربط هييج ماكدر اسوي اي شي ولا اكدر اتوصل اله
:-دتعال خل اندور والله كريم ...
.... 
واخيرا كريم دخل لبيته يتمشى على كيييف والوعيد والحقد مالي كلبه معقوله اكو نفوس ضعيفه هيج اتشوه سمعت البنية حتى تاخذه ...
جان يشوفه قبيحه الشكل هسه شيطان مو مرة ...

دخل لكاهه نايمه على ضهرهه وتاكل رمان
صبا:- هاا كريم الله يساعدك ....
دخل وسد الباب ونزع الحزام ..........
:- انت شايفه نفسج اشكد قبيحه
تدرين اني هسه اشلون اشوفج

طبعا كريم يحجي ويبتسم هو هيج من يعصب
ويوصل حده من الهيجان والجنان

ضرب بحزامه الحايط  ...
صبا :- ش شنو اشبيك......
:- اشبيه اني مووو
:- سؤال ليش ما اخذج نصير؟؟ هااا

صبا:-!!!!!
:- حتى هذا العبد ما طاق يخاذج يا ك.....
سكتت صبا جانت حيل خايفه منه
:- انت ولج ياقذره شنو من بشر اشلون تتأمرين على ابنيه مثلج هاااا
:-جذب جذابه والله اني مالي دخل هاي تتبلى عليه
:- ونصير ؟ هم يتبلى شنو مستفاد هااا
ولج هي حتى ماتدري بيج
ضل يخزره بقرف منه ومن عملته
:-انت وطيتي راسي يا ساق.....
وصار يضرب بيه كان فاقد وكارهه حيل
:- اه ابني الله يخل.
:-اه الطفل اه
لزمه من شعره وسحب عبايته حط على راسه وفتح الباب وشمره بره البيت هي وعباته كدام خلق الله
:- الله ياخذج ....
وسد الباب اجته الحاله دخل كسر غراض البيت كله وجاب ملابس صبا كله كومه بالحديقه وشمر فوكه ذهبه وجاب النفط وحركهم كلهم  .....

كامت صبا كوة جانت تنزف من كل اكتاره .. 
والناس تتفرج عليه الي رايح والي جاي
طبعا عباته نازله وكفشته منفوشه كوه وصلت لبيت اهله دكت الباب واول ما فتح اخوهه الباب وكعت اكباله ......

بعده طلع كريم عسى ولعل يلكه علياء كلشي مايريد غير يلكاهه سالمه ويرجعه لبيته لان هو جان السبب وجار عليه من غير مايقصد ويه الزمن....
::::::::::
انور :- والله مانعرف اشلون انجازيج اختي

راحت زينب لبيته بعد ما دارت على الجيران كلهم وضلت تسال منو شاف علياء اليوم اتوصلت لجارته ام عبدالله الي كعدت وياهن بالكوستر وكالت اله وين نزلت .
واجت زينب لبيت ابو انور بلغت انور خابر انور يحيى وراحوا كلمن طلع من بيته للمكان ..
جانت الساعه ب 3 الضهر ..... 
ضلوا يمشون ويسالون
انور ضل يمشي و يسأل بالناس وينطي مواصفاته وشنو لابسه لان هو سال نجلاء وعرف منه شنو لابسه
يحيى مجان عقله حاضر مثل انور لان يستعر بالنار .....
سألو واحد ابو محل على الشارع جان هو واكف بالمحل ابو رجال جبير كاعد لورة ...
انور:- هي شابه بس اشويه بعيد عنك عقله مو براسه وتاهت سعمنا وحده من اهل المحله شايفته اهنا .  ((كذب ))
يحيى ضاج من انور هيج كال عنه بس سكت المهم يلكاهه 
الرجال :- والله ياخي شكلك يعني انت تعرف ناس رايحه وناس جايه ..
:- اها شكرا انعم الله خويه
الشايب ابو الرجال:-جانت شابه مشيله
يحيى بندفاع :- اييييي حجي
الشايب باوع لابنه وكال :- لا يكون يدورن عن هاي الي ماتت!!!!!!!!

يحيى :- لطفك يااارب ....
انور :اهدا يحيى
انور:- حجي سولف الي عندك
:-والله ياخي اليوم انه تاخرت بالتعزيله ......
بعد اذان الضهر شفت شابه ذبت نفسه على السيارات .. وصارت لمة ناس واخذووهه الي سحكوهه بس الوادم اتكول  ماتت  بساعته . بعد مادري انه وناس اتكول مادعمه الرجال هي وكف كلبه لان صدك الشارع بعد ماراحت اللمه نضيف مابيه دم .
:- يعني انت ماشفت
:لا والله اضوج من هاي المناظر مارحت ويه اللمه بس البنيه حفظت شكله اشترت مني عصير وضلت واكفه على الشارع اهواي حسيته مو طبيعيه
انور :- ممكن توصفه الي
:- ابنيه احديثه مبينه من العرب مشيله لا طويله ولا كصيره وبيضه  مثل ما وصفتوهه انتم قبل اشوية..
تراتيل حواء زوزاية
يحيى خله وعافهم وكف بوسط الشارع هايم بحزنه
اجه انور سحله
وضل انور محتار اشلون يتوصل للمرة والرجال

الي كال عليهم صاحب المحل   
داعمه رجال ووياه مرته ...
ماكو حل غير يروح يهبد بالمستشفيات  صدك راح بلغ اصحابه وكلهم فزعوا بالمسشتفيات ....
....
فتحت اعيونه علياء ... بعد ما وكفت السيارة بالكراج نزلت منه ماتعرف اشكد مر الوقت بيه وماتدري بنفسه باي مكان نزلت منه وصعدت بوحده ثانيه .. 
هم مشت بيه مسااافه طووويله حيل .
ليش ما ماتت شنو حتى الموت اهواي عليه ..  هي وكفت كدام السيارة وبعده ما اذكرت شنو صار ؟؟؟؟

الراوية

الي صار من وكفت
بوسط الشارع اجت سيارة من بعيد ووكف ابو سيارة قبل لا يطخه لكنه اغمى عليه والتمت الناس عليه عبالهم ماتت والي عباله وكف كلبه لان جانت شبه كاطعه النفس اخذه الرجال ومرته ارادو
يودوهه للمستشفى رغم همه متأكدين مالهم دخل لكنهم ناس تخاف الله ... صحت هي قبل لا يوصلون اوصرت لا تنزل وعافتهم وراحت ضلت تصعد سيارات وماتعرف وين اتوديه المهم تمشي بيه السيارة راحت للحله وهي ماتدري .. بعده نزلت وصعدت سيارات بغداد ..

..
بهاي الاثناء عائلة يحيى ماخلت مكان يعتب عليهم ....
الي زاد قلقهم انهم ما لكهوهه باي مستشفى احتمال صايبه مكروه والي دعموهه استروا على الشغله حتى لا يبتلوون .. هاي افكار يحيى الي قرب يجن  بسببه...

صار الليل  وما اتوصلوا لاي شي .....
كعدت على الرصيف ماعده واجهه معينه جانت هايمه بعالم ثاني ...

شافت من بعيد منارة عاليه .......
.....................................

دخل للبيت جان يتمنى تتلكاه علياء مثل كل يوووم وبسمته بوجهه المدور ...
ياريت لو يرجع الزمن للوراء و  يتوقف بيه بذيج الأيام
.....غمض اعيونه بأسى وكعد على الاريكه  ......
:- هاي انت دائما هيج طالع
مافتح اعيونه مجان يريد يشوفه بدل علياء حتى صوته اتمنى يسكت ويتركه بظلمة الندامة
سهير كعدت على حظنه وابعدت كفوفه عن وجهه
:-حبي فتح اعيونك وباوع الي ما اشتاقيت الي اني اليوم اجيت وانت ماكعدت بالبيت ...
:- اعتقد انت بعدك شايل مني مووو
:- سهير عوفيني الله يخليج ..
:-  اها هيج صارت تبعدني عن حظنك اهئ زعلت وعافته وراحت للغرفة بأنتظاره يجي يراضيه مثل كل مرة من اداعبه بزعله لاكنه ما أجة باوعت من باب الغرفه شافته على كعدته وماتحرك .... ياربي شنو بيه هذا الرجل راح اجن اجيت لحد عنده وراضيته ولا مهتم الي .......
طلع بره المفروض هو يرتاحله ساعتين زمن وبعده يرجع ويه اهله للبحث عنه ويه الشرطة ... طبعا همه حاولوا يتوصلون لرقم السيارة بس مع الاسف محد منتبه اله من الي شاهدوا الواقعه .
كعد بسيارته .. غفى بيه
و صحى من راسه انحنى على المقعد المجاور .. اجت على باله علياء باليوم الممطر من كعد يسوق وهي طول الطريق حاطه راسه على متنه .. وماخذه ايده يريد يسوق ماتخليه كأنه تعرف راح تترك هاي الايد وكأنه كفه كان يودع كفه بحظنه ......
جانت كاعده علياء واخيرا ريحت رجليه كعدت شافت مرة اتصلي ومرة تدعي ومرة تقرة ومرة زارت وطلعت وناس اهواي بهذا المكان ....
كعدت وانطوت على نفسه وبدت تبجي من سمعت قران بصوت رجل كاعد على صفحه ويرتل .....
وهي تبجي ..... حست بنعاس نامت وهي كاعده ومقرفصه نفسه ...... 
ماكعدت غير على صوت المأذن تأذن  .  كان صوت اذان الفجر .....
......
كعد يحيى على صوت الأذان ... دخل لبيته شاف الاضويه بعده مفتوحه اضاهر سهير كاعده ..
فعلا جانت كاعده لانها طول النهار قضته نايمه .  بالتحديد جانت بالغرفة اتخابر...
يحيى راد يسبح  ويصلي  وهم يتوكل يبحث عن مرته ... فتح الباب .
جانت سهير اتخابر ...
سهير:- اني راجعه باجر يحيى صاير لا يطاق ...
:- اني حتركه

:- لا لا ما اعوفه هو روحي  بس اتركه فتره يرتاح اضاهر هو اعصابة تلفانه وماعرف شنو السبب  بس حتى لو كان حيضل فتره اتحمله لاكن ما اتنازل وانجب واني بابا بحاجتي   اي
صدك سنودس اشلونه سمعت سافرت .
دخل يحيى من غير ما يوجه نظره اله طلع ملابس اله من فتح خزانته اذكر ملابس علياء اهنا.  ....
فتح خزانته مكان بيه شي تقريبا فارغه بيه كم ملبس لسهير ....!!!!!
..
سهير :- ها ليش صافن وكامت حظنته
:- سهير روحي اليوم لديالى لا اضلين اهنا
:- اه ليش حب ؟ اهلك وعرفوه بعد شنو
:- لا روحي اني اريد اضل وحدي ...
:-وحدك ؟؟؟؟؟
اها يحيى الموضوع زاد عن حده صارحني عنده شي ظامه عليه   ......
كان يحيى يريد يطلع للحمام وكف ودار وجه عليه
:-  تنهد وراح مكال شي ...  سبح و ادة صلاة الصبح وطلع .......
الصبح طلعت علياء جانت اشويه احسن من البارحه .. عرفت نفسه بحضره الامام الكاظم ع .طلعت منه بس حست وجع بمعدته فضيع اذكرت هي مماكله شي صارله يوم .. ضلت تمشي الى ان شافت نسوان مبسطات بكيمر عرب (قيمر بلدي) 

اشترت منهم اقل كميه تسد جوعه .. وراحت ادور على مخبز او فرن . ..
كعدت على صفحه بالشارع واكلت الخبز والقيمر ...  ....

دورت على سبيل تشرب ماي .   ..
...
...
علياء:- هي هاي بغداد كل الناس تحجي عنه

ضلت تمشي بين الازقه منا من تعبت اتجهت على الشارع ...ومن وصلت صعدت سيارة من التعب اتريد بس تكعد هي جانت مثل الطفل الضايع بس الطفل يبقى يدور على اهله اما هي مجانت ادور على احد ولا اتفكر بمنطق وشنو الي جاي اسوي ووين اتروح بس على الاقل اليوم  شالت فكره الانتحار طلعت هي اجبن من ان تروحل للموت برجليه ...
من حست بالارتياح ..نزلت من الباص بس متعرف هي وين بس شده شكل المنطقه يخبل ....... كله مشجر امبين هذا من الاحياء الراقية ....
بس شنو هذا المكان مهجور لا طفل يلعب بالشارع لا واحد طالع حتى محلات اشو ماكو .
ولا حتى قط ........
طلعت من دربونه دخلت بشارع ثاني جان اشويه اوسع من الي قبله .
هسه انه وين اروح وشنو اسوي بس ارجع اموتن على ايد يحيى

وانه هسه وين اروح بروحي .. لفت انتباهه صوت افاقه من فكره وحيرته ....
جانت مرة عجوز متعديه ال 50 من عمره .. كاعده بوسط الفرع وشيباته طالعات ... وامدده
غريبه هاي المنطقه الراقيه هم بيه امجاديه !!!
ركضت علياء للمرة
:- خاله اشبيج ليش نايمه اهنا يااا كومي خاله كومي
:- يخاله لو اكدر اكوم جان هذا صار حالي ..
:-انه اكومج
:- باوعت لعلياء بنظرة ما فهمته وكالت
:- روحي خاله روحي حالج ..
:- اه يكلبي سته والسابع راح
وتلطم على رجليه ...
علياء هاي شنو مخبله طلعت هسه انه عايزه الي بيه كافيني ...وعافته ومشت اشويه
المرة:- يا يمة راحوا اهل الرحم راحووووو ااااه يايمه ماكو رحمه
علياء:- استغفر الله انه عايزتج الي بيه كافي كتلج اساعدج ومارضيتي
هم باوعت لعلياء بس هالمرة اتفحصته اكثر وكالت ...
:- انت بعدج اهنا
:- اي يلا خل اكومج
:- لا روحي روحي السابع راح المن اروح انه
:- يا سابع انت وين اهلج امتيهيج اهنا
:- ولي من خلقتي هاي الساعه عوفيني بمصيبتي
:- جا انه شكلت هاا يكلك انه ماعندي هموم
  عندي مصايب مو مصيبه
:- والله ماكو مثل مصيبتي
:- لا اكو مصيبتي انه ماكو مثله
:- لا يخاله انه الي جار اعليه الزمن يلا مدي ايدج خل اكومج

الحجيه:- ههههه
استغربت علياء هاي توهه جانت تبجي وهسه تضحك
:- عندج تتن
علياء :- هاي اشبيه شو خل ارووح انه شوكفني اصلا ........
الحجيه:- وين ما اتكوميني ...؟
علياء:- يلا انت وين بيتج وشابج اهنا يخاله؟
:- وديني لبيتي اهنا ..  واشرت على البيت الي ابصفهم
باوعت علياء يااا هاي يمكن صدك مخبله لو مخرفه اشرت على بيت كانه قصر....!!! وهي شكله مثل المجدية(شحاته،، سائلة)
:- يا صدك تحجين
:- روحي ادخلي بيه الباب مفتوح جيبي كرسي المتحرك وكوميني
:- يااا انت مقعده؟؟؟ شطلعج وشنو وين بيتج بس لا اتكولين على القصر بيتي ...

:- وديني خاله لهذا المهجوم ولا اسألين
:-اي انه غايتي بس اكومج منا واساعدج
يلا كومي
:- ماكدر روحي جيبي كرسي
راحت علياء بس اشويه مترددة هاي المرة شغلته مو فاضيه شافته مدنكه راسه كالت خل امشي ماادخل دارت ضهرهه  رادت تمشي
المرة:- مو كولت اهل المحنه والرحم راحوووا شفتك رحتي
دارت وجه عليا عليه
:- لا لا ما خلصوا انه عايزه داخله داخله
دخلت جانت حديقته واسعه بس وسخه حيل وعباره عن ارض ترابيه من قربت توصل للبنايه شافت الكاشي ..مترب
شافت باب البيت الداخلي مفتوح ؟؟
:-شنو هذا القصر ليش هيج ابوابه مفتوحه وليش هاي المرة طالعه ابوسط الشارع وهي مقعده اشلون وصلت لهناك ...؟ شافت كرسي مرمي على الارض بس ما اهتمت اله ضلت اتباوع لهذا البيت من داخل صاير دمار يكلك صايره بيه حرب الاثاث كله مكسر واكو اثار رصاص بالحيطان ويخوف خافت رادت تطلع عثرت بالكرسي الي كدامه    ... عدلته واخذته للمرة ..
علياء:- هاج خاله ....كومي
كوة كومته وكعدت على الكرسي
:- يلا كملي جميلج ودخليني لبيتي
:- يابيت هذا مهجوم ما ادخله انه شنو صايره بنصه حرب
:-اكسبي ثواب ودخليني
:- لا لا
:'يلا اضل اني حايره بروحي خلصوووا اهل الرحم راحوووا اهل المحنه
علياء:- اوووف يلا
باوعت للحجيه شافتهواتباوع اله وتبتسم علياء ماتعرف ليش باكت طن هوى ((ارتعبت من المرة))
ودخلته لجوة بس وصلت للداخل
علياء:- يلا مع السلامه ..
:- انت شسمج وين رايحه تعاي شنو وراج خل نسولف
:- هااا شنو بعد رايده شي
:- شنو وراج زوجك راح يتعارك وياج اذاأتاخرتي
:-زوجي؟؟ ااهه لا يخاله
:- خاله اعتبريني امج وتعاي وياي للحمام
:- شنهوووووز خاله خلني اروح
:- اشبيج اتنرفزتي ما اشوفين حالتي شريد منج يعني
علياء اي والله المرة مقعده انه وين راح بالي ...
:- بيني وبينج يمكن صارلي شهر مسابحه
:- انت عايشه لوحدج ؟
:- لا ويه السبعه
:-هااا رجعنا
:- سبحيني....
خلصت علياء .. وطلعته من الحمام ..
علياء:- ماعندج هدمه نضيفه اشلون عايشه انت وحدج هااا
:- كتلج عايشه ويه السبعه ..
كعدت المرة ادخن واتصفن علياء لبست عبايته وما طلعت حسه خافت لا هم تطلب منه شي
الحجيه خرعت علياء من كالت
:- ويين
علياء:- ها انه اروحن لحالي جا ما اضل يمج .:-

:- جوعانه يخاله
:- يااربي هاي امنين طلعت الي هههف
طلعت بره علياء ادور اله اكل . جانت حايره بروحه هسه احتارت ب هاي الحجيه ....
بعد ما مشت مسافه لكت  عطار اشترت منه جبن وزيتون ..  ودورت اهواي الا لكت خباز اشترت خبز ورجعت للحجيه كعدت تاكل بنهم وعلياء تتأمل بالبيت وبهاي المره الي كاعده بيه ..
علياء اشويه ارتاحت للمره وعرفته مبينه ماله احد وعده اذيه
كعدت ابصفه حايره بهمه ...الحجيه جانت تحجي وياهه وهي ولا يمه باله
المرة:- شنو قصتج انت احجي الي ..
علياء: - بشنو تهمج خاله . 
:- يمكن اكدر اساعدج
:- ههه محد يكدر يساعدني ولا اريدن شي اني غير الله يستعجل وياخذ امانته
:- هااا صدك لهلدرجه سالفتج ماله حل
:- يالله خاله انه اروح
:- بعدج كاعده
:-لا شنو اضل كاعده اهنا قابل بعدين شنو انت بس تردين احجي اتعرفيني اعرفج
كامت علياء
الحجيه:- مودعة عزيزتي    ... 
:-سامحيني خاله مع السلامه
:- الله وياج انشالله اترجعين لبيتج سالمه
وكفت علياء بيته وين اتروووح هي اذا طلعت مناااا اضل تفتر بالشوراع ...
ضلت للحظات على وكفته بعده التفت على المرة وكالت
:- ها اذكرت خل اغسل الج اهدومج كله وسخه حتى الي لبستيه.....
المرة مادارت اله بال وطلعت التتن وكعدت تلف جكاير وادخن ...
غسلت اله ملابسه وكلما اتخلص شغله اشوفله شغله نظفت البيت من بارود الرصاص و ابياض البيت الي واكع من اضراب النار .  وضلت تكنس وتمسح واتنظف والمرة صافنه عليه
المرة:- انت مو من بغداد؟؟ كولي امنين يا جنوبيه
علياء ذبت خرقه المسح وباوعت للحجيه
:- اي انه موش من اهنا اشمدريج
:- حسيتج
:زين شنو سالفتج ليش ضليتي يمي
:- ها هسه اروح انه بس كلت اساعدج
:- لو عليه اخليج العمر كله اهنا اذا ماعندج شي ههههه هو اني اطول  بس كولي انت شنو سالفتج
علياء:-صدك اذا كلت الج اتخليني يمج ؟
:- اي اضاهر صدك ماعندج مكان ..ولا اهل سولفي
:- انه انه ..
:- كولي واهم شي لا اكذبين اريد الصدك اكره ما اكره الكذب شنو انت راح اتقبلج بس لا اكذبين..
علياء احتارت شنو اتكول يوه هسه هاي منو حتى اضل تشرح اله
:- انه طلكني رجلي لان ماخلف وطردني برة البيت وانه ماعندي اهل ضليت حايره بزماني
:- بس
علياء اذكرت المصايب الي عافته وراهه دمعت وكالت :- اييي
صدكته المره وحيل ارتاحت اله ..
:- يخاله لا تبجين يروح كلب يجي الف بمكانه هي هاي مصيبتج لعد لو اسولف الج مصيبتي كان شنو كلتي ....

الحجيه جانت ام لسبع اولاد .......
وكبيره البيت بعد ما ابوهم اتوفى كلهم موصلتهم ودارسين ....  ..
لكن الابناء الكبار صاروا ضد النضام البائد... وذاك النظام دكتاتوري عدمهم اثنينهن بس اجت اخباريه عنهم وسلمهم جثث لأهلهم .. اهنا امهم صاحبته الامراض عليهم لأن حتى البقيه أخذوهم يحققون وياهم بس واحد كدر يشرد منهم لسوريا .... الباقين ماتعرف خبر عنهم لحد ما صارت بيه جلطه اعقدته بعد ما فاقت منه .. 
بعده اجاهه خبر بوفاتهم وكلهم استلموهم جثث من التعذيب .... كوة الاقارب رضوا يستلموهم ..  ويدفنوهم .. ومحد من اقاربه يرضى يتقرب اله حتى كناته اخذوهن اهاليهم وابتعدوا عنه خوفا لا الي يتقرب منه يأذيهم ..  
اتكول ضليت انه اهنا لوحدي اعاني والناس الغرب تعطف عليه من بعيد بلكمه  لحد ما ابني الصغير ماكدر يضل بعيد عني حاول ياخذني اله بس انه ماكدرت يخاله اعوف ريحة المرحوم رجلي وولده ضليت اهنا كلت لاخر نفس بيه ما اروح
:- اي وشصار
:- ياريت رحت لو متت ولا اجاني ابني من سوريا وعاف زوجته واطفاله اهناك من اول اسبوع  اجوي اخذوووه من حظني وصارله اشهر ماكو اخبار عنه ....
.......المرة سولفت قصته وتعبت ونامت بس علياء الي ضلت كاعده .. اه ياربي شنو من مرة هاي بعد كل الصاير بيه طلبت اسبحه بس حتى تكدر اتصلي الك وانت اخذت منه اعز ما تملك ...
خجلت من نفسه حييل احست بالعار مشلوله واتصلي وتدعي وهي ماعده شي تدعي اله غير حسن الخاتمه وانه الله منطي الي الصحه والعافيه وما ادعي الله يخفف عني ......
رجعته قصه المرة لرشده .. .وراحت سبحت .. وصلت لربه ....حتى يريح باله ......
نامت علياء واخيرا بعد ماتعبت
من التفكير بوحيد ومهجه ويحيى
.......
اهلا.... اليوم نزلت الكم بارتين في بارت ..