رواية بائعة الخضروات الفصل الثالث والعشرون 23 - بقلم زهراء العراقيه

سهير:- حبييي
وراحت حظنته وهو جااامد كملت عليه اليوم...
سهير. :- يروحي والله اشتاقيت الك راح اموت عليك هيج يطاوعك كلبك حتى ماتفتح سماعته التلفون من ادك عليك . 
:- رد عليه ليش ساكت

هو شنو جاي  يحلم هو بعد بالعمارة لو راح لديالى وهو مايدري ...
سهير:- حبي اشبيك بعدك زعلان اني اسفه اوعدك افكر بموضوع الاطفال..
هم ساكت
وهي تلعب بزر قميصه
:- اي  عاد .اصلا اني الي المفروض زعلانه  شنو اجيب خدامه حلوة والله لو لاكيتك انت مطالع يمه جان موتك
يحيى:-خدامه
:- اي علياء بس والله ابنيه مؤدبه منظفه البيت وطابخه بامانه وفرحت من كالت الي ابويه الحجي ابو انور يدزني لهنا اشتغل بيت سيد يحيى من يطلع .. 
سكت يحيى  علياء هيج امسويه وناقذته وجان بامكانه ومحد يلومه من اتكول اله اني مرته لانه هي الي هجمت عليه وزارته فجاءة؟؟
سهير:- او اكلك ما اشوفنا وحده ثانيه ناخذه بديالى ..
:-بس الي ماعجبني  اجيب اخوته وياهه
اهنا دك تلفون البيت رد يحيى ..
:- شنو لكيته
انور
:- لك تعال اسمع تعاااال .  
راح انور يركض ...
وعاف سهير  اصيحه ........
وصل لغرزة انور وشافه نصير مدمه ومربط اهنا وصل كريم لان انور هم داز عليه

انور:- يلا لك احجي شنو كلت قبل اشويه
نصير يبجي ويباوع لكريم ويحيى بخوف
كريم:- احجي كلب
نصير:- احج ا احجي بس اريد تحلفون على اشواربكم  اتعوفوني
انور:- لك انت تشرط تعال صاحب كمل شغلك
اجه صاحب شكله يخوف وضخم
انور:- الله يخليكم اني والله ما اسوة تهدرون دمي بديكم لخاطر الله عوفوني...
صاحب:- تحجي لو اكمل
انور:- احجي ولك لا تخاف ما نكتل نسوان احنه ..
يحيى:-يلااااااااااا
انور:- كلي شنو سالفتك ويه المستورة
:- انه ما الي علاقه بيه ولا عندي وياهه شي .
كريم:-لك ابن الك....... شفتك بعيوني طالع من غرفته
انور:- اهدأ كريم
:-احجي نصير
:- انه اخذت افلوس بمقا بل ب مقابل 
بصق الدم الي بحلكه الا كدر يكمل بعد ما كريم اتهور وضربه بوكس ...
انور:- كمل
:- بمقابل ما كريم يشوفني طالع من عده ..
يحيى:- مافهمت منو انطاك افلوس وشنو سويت بيومه
:- انه ما شفته بس دخلتني اخته للبيت وانه داخل كالت الي لا تدخل عليه بالغرفه بس من يجي كريم انزع وسوي روحك طالع من غرفته
كريم :'-يا وصخ
وهم هد على نصير بس لزموا جماعته ...
:- اني بس اجه كريم سويت الي طلبوا مني والله شاهد لا شفته ولا شافتني ..
يحيى:- لك انت اشجاي تخرط.منو من خواته دخلتك ...؟؟؟
:-هاي الممرضه
:- ايناس؟ ؟؟؟
:-اي
يحيى :- لك انت راح اتخبلني ايناس شلون اسوي باخته هيج
نصير سكت
كريم:-هي الي دفعت الك
:- لا
:- لعد منو؟؟؟
:-بت ابو غيث هي جانت كبل صاحبتي  من جنا مراهقين
كريم :- يا ابو غيث ولك انت منو تقصد
:- جاركم ابو غيث ابو صبااااا!!!
كريم :- ش شنو ولك وهد على نصير شبعه كتل
:- لا اجيب طاريه يا ...  ...  ....   
يحيى :-كمل نصير صبا انطتك افلوس حتى كريم يعوف علياء؟؟
:- اه اه اي اي
:-وايناس ساعدتك
:- اي اي .اه اه
يحيى بصوت اجش يعني علياء :- ما ما .
انور:- مثل ما كتلك ابن امي وابويه اشرف من الشرف علياء
يحيى عافهم وطلع كلشي ما همة غير براءة مرته ... راح ابسرعه لبيت نجلاء سال   ياسر  عن علياء ..
ياسر:- خالي مادري هي مو يمنا اجتنا الصبح خلت الجهال يمنا وراحت
:شنو؟؟
ياسر :-اي والله هي خلتهم يمنا وراحت
:صيحلي نجلاء بسرعه
ورا شويه اجته نجلاء جانت حيل ضايجه
حتى ماسلم عليها كبل سألها
:وين راحت علياء يم عهود ؟
:ما ادري
:شنو ماتدرين هي شكالت
....
طلع يحيى دايخ بأمره وييييين علياء وين راحت ....راح لعهود بلكت يلاكهه اهناك

الغشاوة بدت تعمي على بصيرته والامل نفذ والصبر على وشك .. 
من غير ماتحس على نفسه راحت للفرع الي جانت تسكن بيه سابقا  دكت  دكت على زينب .ماكوو.
طلعت بت جيرانهم
:-خاله محد ماكو اهنا
:-ها ليش وين راحوا
:- بيت ام مشتاق شالوا
:-وين ؟
: اهنا نفس المنطقه بالساحه بس لان صاحب البيت يريد يبيع البيت شالوا
:- هااا
راحت ومشت علياء عافت البنيه تذمر اتكول كبر صارله ساعه تسال وماكالت شكرا

صادفت احد معاميله الي بالسوك بيتهم بالساحه سلمت عليه الجاره وعلياء شارده الذهن ردت عليه ببرود وسألته عن بيت زينب ....
دلته ...
راحت ادك بابهم طلع بيته زينب او مشتمل مقابيل بيت نصير . 
دكت الباب ..  وباوعت شافت سيارة حمرة وكفت عرفته سيارة انور ..  جانت الساعه تقريبا ب 12 يعني هيج وقت الناس ملتهيه بالصلاه وهم ضهر منو يطلع ..
وكفت السيارة وطلع منه انور و كريم  ووياه   
فتحوا جنطة السيارة وطلعوا منه نصير
علياء دكت الباب بس دكه وحده من شافت حاله نصير كلبه كام يرجف واشلون طلعوه من الجنطه مغمى عليه عباله ميت كالت كتلوواا والله لعد ثبتت الشغله اعليه طلعت بت زينب
:- ها خاله علياء ...
علياء شالت عباته وشردت ...
علياء ماريدن يكتلوني هيج لا لا ماريدن اموت على ايد انور وكريم لا يجوز هم يكتلني انه يحيى ... 
ماريدن ماريدن علياء بهاي اللحظه فقدت الصبر و التفكير اصلا والغشاوة صارت ظلال كامل على قلبه وعقله . 
صعدت بكوستر
شافته جارته ام عبدالله جانت صاعده هم بالكوستر ...
:- اشلونج علياء والله وين هالغيبه
ساكته علياء وصافنه على الشباك
:- سمعنا  اخذتي ابن ابو انور اشلونه وياج عساج مرتاحه
:- يا ليش ماتردين شنو ما اسمعيني علياء
:- هاي اشبيه اعوذه شنو متكبره اعلينا ..
:- عيني ماتردين شنهو اخذتي ابن تاجر وشفتي نفسج على عباد الله
علياء :- نزلني اهنا نازل
نزلت وعافت المرة الحشرية...
ضلت تلف بالشوارع
ومنظر نصير بين  اعيونه ...
كعدت على الرصيف ....
فتحت جنطته جانت حاطه بيه افلوس عباله اتروح اتكعد يم زينب منا من تبين الحقيقه بس طلعت متوهمه الله ارادته بس يظلمه خلاص ماكو رحمة .الاهية..  من بعد ما جانت معززة مكرمة بيت ابوهه الشارع ما اشوفه  ما تطلع الا وامه وياهه لو ابوهه واذا  عرف ابوهه طالعه لوحده يكلب الدنيا جار عليه الزمان واخذ امه .  ما كفاه بعد ورجع اخذ ابوهه بعد ماخسر املاكه والبيت الي حاويهم هم راح حتى تنسد الديون ..
ما يأست من رحمه الله واتحملت الي ما يتحمله رجل من ذل و مكابح ويه الناس حتى بس تعيش تطلع وتدخل حتى اتجيب قوت عائلته لكن ماكو من يرحم كلمن يفسر طلعاته على مزاجه كانت هي المرافق لاخواته وقت المرض وهي الي اتجيب واتحط وتاخذ لفلانه اجازة وعلانه اتريد حذاء وافلانه اتريد كذا شي ..  منا من طوت الايام عليه وصارت خلك بياعه خضره محد يشرف ياخذه لابنه لان متطلعه وبت سوك حلت باعيون الرجال والف واحد طمع بيه بليلة وحده ...
لحد ما اجه كريم وترس عينه وكلبه بس الله ما قاسم اله تفرح اشلون لا جار عليه وعافه كريم ولنفس السبب من بعث اله يحيى هم جار عليه واخذه منه .. خلاص هاي الدنيا ياربي ماريده .. 
 
واتولى الشيطان مهمته واستغل اليأس وقنوط علياء ومشت علياء بوسط الشارع وفتحت عبايته وغمضت اعيونه وضلت تتقرب للسيارات .......... وهي ذاكرته مايخطر بيه بس لحظات الاسى من اخته اتبرت من وسوته خدامه اله لو من خنكه كريم بيته ومن حط السكين عليه يحيى .. لو كلام سهير وياه من اجته اليوم ........
.....   

....................  
مالكاهه يحيى يم عهود
راح لسهام وهم ماكووو راح لأهلة هم ماكو خابر كل خواته نفس الجواب .....
الساعه صارت 1 الضهر ....
...
:-انور راح اتخبل وينه
:-كتلهم لخواته اذا اجت يم وحده منهن تخابر اهنا يبلغونا
:- اي كتلهم بس سهام ماعدهم تلفون ...
:- زين هي شنو كالت لاخت مرتك
:-مادري بس طالعه ورايحه
:- زين تعال خل انروح انت متوتر اني اعرف اشلون اسأله
........بيت ام ياسر اخت انور ويحيى
جان كعد ابن اختهم ياسر  يمهم
انور:- خالي كولي الي بالظبط من اول مادخلت لهسه شاكلت واشلون جان شكله .
:- جانت غريبه وتصارفاته اغرب ...
:- اشلون يعني
:- جانت مثل الي باجيه
يحيى كلبه انفطر عليه من سمع بيه باجيه واكيد تبجي يا يحيى وهي طلعت من بيتك على انه خادمه !! حتى بس تنقذ زواجك الاول الي انت قدسته وفضلته على زواجك منه ..
انور:- اي وبعد
نجلاء:- وضلت ساعه اتوصي على وحيد ومهجة
والغريب قبل لا تطلع حظنتنا كلنا وراحت ووصتني ما اقطع بخواتي الباقيات
يحيى اعصابه انهارت من داخله بس ما مبين ... علياء ليش اتوصي ياربي الي بالي مو صح
مهجة:- كل من وراكم طيحتم حظنا
نجلاء :- اش ولج
كامت تبجي مهجة :- غير هو ضل يكتل بيه ورفع عليه السجين اني سمعته كالته اذا  ما بينت الحقيقه انه اكتل روحي واخلص
انور:- شنو عمو هي هيج كالت
:- اي غير من وراكم دوم تتهموهه بعلاقة ويه نصير مو طلعتو روحه وضلت تبجي مهجه
يحيى اختنك طلع من البيت مايعرف وين يروح
انور طلع وراه .
:-يحيى اوكف ولك
:- لك عقلي راح يوكف مرتي راح تكتل نفسه مدري كتلت نفسه وكله من ورايه
:- مو وكت ملامه بعدين اذا هي كالت من تثبت قابل هي ثبتت عليه وهم هي لهسه ماتدري احنه لشنو اتوصلنا لا تخبلني واهدأ
:- ماعرف كلبي يكلي راح يصير شي بيه
:- اكلك انت بعد ماتعرف عده معارف  اقارب غير الي رحنا الهم
لا ها ها اذكرت خالته وخاله
راحوا لخالته
ومناك لخاله وهم ما اتوصلوا لشي
انتهى صبر يحيى البنيه مسويه شي لروحه
من رجعوا شافوا كريم مجانت صدفه هو جان جاي لبيت اهلهم ولكاهم بالطريق
كريم:- ها بشر يحيى انحلت قضيتك انشالله
انور :- اوف لا ما انحلت مجاي نلكه البنيه
يحيى :- ماعرف راح اجن وين الكاهه كله مني اني شكيت بيه وظغطت عليه خليته تطلع من البيت
انور:- ادري اني مااريد الومك بس انت مرة يمك راح يصير اله سنه ماعرفته شنو ماشنو زين انت اشلون اشك بيه عده علاقه ويه نصير وانت بليله عرسك ما واجهت مشكله و ماشفت منه الغلط ...
يحيى جان منهار اعصابه فالته مايعرف ليش عده احساس بعد ما يشوفه ابد وخسرررهه
ماوعى لنفسه من كال لانور
:- لا اضل اتلوووم رجاءا
:-مو الوم بس هيج امور اتبين ليلة الدخله يعني هي لو..مو استغفر الله جان عرفت انت
من دخلت عليه
كريم دار وجه ضاج لان الي يحجون عليه جانت  بيوم راح اتصير اله
:- لك ما ماخذه لهسه ارتاحيت هاااا ارتاحيت
....تراتيل حواء ......

كريم باوع ليحيى واعيونهم هو انور جاحظه عليه ...
كعد على عتبة باب بيت ابو ودنك
انور :- خويه كوم هسه نلكاهه وهي بخير
بدون ما يحس على نفسه كريم فرح من عرف يحيى ما متقرب لعلياء    ....
كريم :- زين سألتم الجيران ام هادي زينب

يحيى كانوا رايحن عن باله
كام ابسرعه وراحوا لبيت ام هادي بس هم ما اتوصلوا اله .....
راحوا لبيت زينب طلعت الهم عمة زينب وكالت
:- لا يعيني لا اجتنا ولا شفناهه خير
طلعت زينب من سمعت الموضوع بيه صديقته وبناته وراهه ...
سلمت عليهم
انور:- يلا نترخص
زينب:-خير خويه اشبيه علياء ليش ادورن عليه
انور: - لا خير بس طلعت ومارجعت لا تقلقين خوية ...  نلكاهه يجوز يم احد اقاربه
كريم:- اذا اجت الكم بس تعالو بلغوني
زينب عقله افتر هاي شنو الي خطبه انور سابقا والي عقد عليه هم سابقا كريم والي متزوجه حاليا جايين كلهم يسالون عنه لا السالفه بيه ان وعلياء مو بخير
:- لا لا صاير شي . وليش علياء ما اجتني

  اذا صاير اله شي هي ماعده غيري
بت زينب تسمع كلامهم واذكرت من فتحت الباب ولكته وشردت..  ....
راحوا يحيى وانور وكريم . ويحيى القلق والخوف عليه راح يقتله ......

يتبع....
ملاحظة جميع بارتات القصة مطولة وليست قصيره 😘