رواية بائعة الخضروات الفصل السابع 7 - بقلم زهراء العراقيه

ضلوا يتبادلون النظرات ....
الى ان كال كريم:- يعني انت اتفهميني  انت ما..
علياء: - هههش بسك لا تكمل روح منا لا والله اصيح واخلي فضيحتك الحي كله يشهده امشي ولي :- روح روح
وحطت اديه على راسه وتطرد بيه ... وهو اشويه واختفى من وجهه .....
............... 
ايناس :- اوف سهام كولي الي شنو اسوي اني
سهام:- مااعرف اشلون تتصرفين
:- اني ادري لعد اني المن كتلج شوفيلي حل اني بورطه يوم الاربعاء تجي ام اسامة واخته يتعرفون على اهلي غير اذا شافوا علياء يشردون ونبي يشردوووون
سهام:- مممممم والي عنده الج الحل شنو تنطي
:- شنو ولج شوري عليه
:- مممم تعاي ندخل جوة واكلج تعاي ........
.........................

الصبح
طلعت علياء وكانه جان ينتظره باب بيته بس طلعت طلع وراهه ووكفه
جانت الساعه ب 6 الصبح تطلع علياء تنتظر البستنچيات حتى تسوك منهن خضرة اليوم ....
كريم:- علياء والله اني ماقصدي البارحه اني...
:- عوفني اروح لا احد يشوفنا الله يخليك
:- حط ايده على قفاه(علابيته) وكال:- اعذريني اختي والله مااعرف اني شنو صارلي

علياء:- عادي ههههههه قابل انت ربك وحد انتم عبالكم المرة الي تطلع واطب مو خوش وسهلة

احتار شنو يكول شرد من السانه الكلام

علياء:-  وانه اعرف كلش زين بس شوف الي داخل هذا البيت ..
واشرت على بيته
:- اذا اكعد انه يموتون من الجوع وعافته وراحت
.......
مرت ايام وكريم ضل دوم يتردد بالسوك وحتى مرة طرت باله فكره يسأله عنه مايعرف ليش تأنيب الضمير كتله بذيج الليله اتعدى حرمته بس هو مكان بشعورة اصلا عباله يحلم كالعاده بيه ......
عرف من بعض البگالة انه وحده وكحه وام السان على الي يتعدة عليه وطيبة وخوش  مرة ويه كل حبايبه وماتمشي اعوج ابد وماله بالطريق الشمال ......... ازداد شعوره بالذنب .. 
....
رجعت ايناس للبيت منهارة لان متعاركه ويه اسامة وحتى خربت شغلته ......
.....
مثل كل يوم كريم يكعد بالسطح من وكت على امل تصعد علياء .. بس هي ابد كامت اتنام جوة بالحر ولا تصعد وتتذكر .. 
نجلاء :- يلا علاية تعاي ويانا والله الجو يخبل والهوى عليل
علياء:- يلا صاعده بس اشيف الركي ..
جان الاذان لهسه ما مأذن وصعدن الجوله لفوك يقلن عليه يريدن فوك السطح بيذنجان وطماطة
وكعدت علياء اشيف الركي حتى يبرد جانت ثلاجتهم اصغيره وما تكفي تحط بيه ركي ..
علياء:- مهوجة جبتي ربع قالب ثلج من  برة لو لاله
مهجة :- اي اي جبت وفرغته بالترمز
علياء:- خلي عهود اصعده لفوك .. سمعتي عهود انتي خاف يوكع منج .
:- ايييي
صعدن البنات المغربيه سهام جان تكلي و ايناس سرحانه اشلون احلامه راح اضيع على مود عزة نفسه ....
و نجلاء ترش بالسطح حتى تفرش
وعلياء كاعده على قريولته تقرة قرأن و عهود ومهجة يلعبن توكي .....
صعد كريم هالمرة سمع اصوات وهوسه من وكت ...
علياء خلصت قراءة وكالت :- عهود حضرتي اللالة ولج عهود
علياء صاحت على اخته الي ملتهيه باللعب:- :-عهوود وصمخ ثوله تعاي
سمع صوته كريم اتعيط ضحك ..
كعدن اتعشن بيذنجان كلي و طماطه وركي ....

وجانن يسولفن ويضحكن  ..
بينما كريم راح لبيت اخوه الي بغير فرع يتعشه يمهم واخوه استطرق عليه موضوع الزواج للمرة الثانيه ... 
رجع بالليل ... عرف من الهدوء بيت علياء نامو ....

وضل على هذا الحال يسمع صوته ولا يكدر يحاجيه وحتى بعد ما يصادفه بالشارع اشكد ينتظره يم بابه وما يطلع على امل تطلع وماكو

هي تنتظره عسى ما لل 9 الا تطلع ووكانه من وعدته بعد  مايشوفه وفت هسه  بوعده ........
...
بيوم صعدت علياء اتنام تعبانه حيل اخذت بس
وحيد جان نايم نيمته يمه ودا اتريد اتنام
بس سمعت صوت حصو يوكع عليهم ...

علياء:- هاي شنو
:-هاي اني 
علياء جفلت بمكانه من سمعت صوته حطت شيلته فوك راسه وكامت لفت جسمه بعباته العتيكه الي حاطته تتغطه بيه من اتنام اشلون الشرشف 
هنه
جانن عبيهن العتيكه يتغطن بيه .. 
ضلت ساكته هي وخايفه لا الي صار ذاك اليوم يتكرر
كريم:- لا تخافين مراح حتى امد راسي اصلا ماكدر احط عيني بعينج ولا اكدر احجي ويه وحده مثلج!!!!
:- مثلي؟؟؟؟
:' والله يا بت الحلال اني خجلان من نفسي حيل اشلون سولت الي نفسي وطفرت عليكم وتعديت حرمتكم انت وحده مثلج طاهرة ومكافحه ما تستاهل هيج
علياء ضلت بس تسمع واعيونه دمعت اول مرة واحد يمدح بشرفه كدامه هيج مدري لان الي كال اله كريم مو غيره ...
:- اريدج اسامحيني وبلكت الله ياسمحني
سكت اشويه من شافه ماردت كال:- اعذريني انت تاج راسي وراس شكو وحده كاعده بيته معززة مكرمه وما صانته ((طبعا قصد اخته))
علياء :- الله يسامح
:- وانت ؟
:- انه اصلا ما شلت اعليك اعرف كل ناس مستسهلتني بس الي يتقرب مني السعه ويشرد
:- واني لسعتيني وحيل يا علياء ...
لسعتيني بشرفج يا بت الاصول
:- مشكورة خويه
:- يعني خلاص
:- اي خويه ماكو شي
:- اها اني رايح محتاجه شي خويه
:- لا
ورادت اتروح لفراشه لانه واكفه وره الحايط مالته وهو هم وره حايطه
:- زين اي شي تحتاجي اعتبريني اخوج
:- ماتقصر ونعم منك
:- زين يلا صبحكم الله بالخير
ورادت اتروح
:- رجلج اشلونه
وكفت ضحكت من اذكرت ذاك اليوم وخجلت من اسوالفه من لزم رجله واجه يسبل عليه 😂😂 حسته راح يبوسه
علياء:- اها الحمدلله
:- الحمدلله
وهم رادت اتروح
:- زين خو ما ضهرج يوجعج
:- لا ..  ورادت تضحك
:- ها انت اشلونج زينه
:- زينه خويه
:- ها يلا اعتذر اخرتج
رادت اتروح:- ها زين ابوكم وينه ؟؟؟؟
علياء بغصه:- ابويه وامي الله يرحمهم خويه
كريم:- هااا الله يرحمهم ويقويج ...

:- علياء...
:- هااا خويه
:- لا بس ردت اشوفج بعدج واكفه لو رحتى
:- راح اروح
:-علياء
ها
:- هاج وحط صندوق خشبي صغير على الحايط
اخذته شافته حلو
:- الله كلش حلو شغلك ورجعت حطته على الحايط عباله بس يراويه
:- انت اشمدريج اني سويته
:- ها ههههههههههه
ضحكت بصوته العالي اشويه ضحكته مفضوحه هي
وابتسم على ضحكته اضحك حيل 😂
:- اشلون مااعرف وانت ثابرنا ثبيرة بصوت المنشار مالتك
:- يا صدك ههههههه والله اعتذر
:- خايب اشمالك بين كلمه ولخ اعتذر عاد اني الي هاديه اشو احنه ثابريك بصوت اعياطنا ولعب الجهال والطوبه كلساع توكع اعليكم هههه
:- هههههه لا عادي بس ليش رجعتي
:- شنهو
:- الصندوق الج
:- يا شكررراااا والله نفسته انه بس عبالي بس اتنوع اعليه
:-هههههههههههه
:-اهووووى مم اثاوبت وكالت تصبح اعلى خير
:- وانت منه ...
.......
......
جانت كاعده علياء بثوبه الابيض وشعره منثور ولابسه طرحه وتاج اتعرفون موديلات البدلات منفشه ردنه من فوك وردان طويل ويحلن الشعر ينثرنه ..  وجانت كاعده علياء ...
ودخل عليه عريسه كريم شافه كاعده خجلانه على طرف السرير .   ......
كريم:- احم
وكعد ابصفه ورفع الطرحه عن وجه
:- اللهم صل على النبي ولج كمر انت لو شمعه
خجلت علياء ودنكت
رفع راسه من حنكه  ... واتقرب اكثر وباسه من جبينه وبعده على خشمه ونزل على شفته بس قطع عليهم طرق الباب ..
كام فتحه جانن زينب وصبا صديقات علياء!!!
دخلن قبل لا يأذن الهن
شافهن ضلن واكفات كال اتفضلن ماكعدن كعد هو يم عروسته حتى يحسن ويروحن بس اشو هاي صبا كعدت بينهم حشرت نفسه واظطرت علياء تتدنا عنه اشويه وصارت بوسطهم وزينب كعدت يم علياء من الجهه الثانيه وحطت ايده على ضهرهه ...
فزت علياء من حلمه.... 
الله اشلون حلم😋😋😋 بس صبا وزينب شنو حشرهن بليلة دخلتي شوف البخت صدك لا كالو المتعوس متعوس😂 حتى بالحلم وكامت  اتصلي الفجر ...
كعدت علياء وسفت مكانس وكالت بعقل باله تهدي كريم فد.اثنين ابمكان الصندوك وفعلا كعدت تنتظره بلكت يجي قبل لا يصعدن خواته
ماتدري هو هم كل يوم يصعد من وكت حتى يلحك عليه بلكت اتصير معجزة  ويكدر يحاجيه بت الاهوار شغلت بال ابن البصرة ...
شمرت حصواية كبل عرفه من جارته المليحه ...
كريم:- يا مسا الانوار
علياء يا يمة عرفني 😂😂😂
:-مساك خير خويي
:'-اشلونج
:- بخير والله وانت
:-نشكر الله
:- هاك هاي جارنا اتفضل
وحطت المكانيس اله
هاي شغل اديه
:- اهاااا مشكور والله تعبتج
:- لا شنهي لا تعب ولا شي .... بعدين شوف ومدت راسه جانت مشيله طبعا
ابتسم من شافه
:- دربالج لا توكعين
:- لا تخاف حطيت تنكه هالمرة
:-الله هاي اشلون سويتيه
:- انه فنانه ههههه
حلووو حيل اصدكين ماعرفته هذا شغلي ..
جانت مغلفه الصندوك مالته  بوصله قديفه حمره ومطرزته بلك صاير حلوووو
وضلوا يسولفون . واخذهم الوكت ...
وضلت الجارة علياء .  كل يوم اتشوف جاره كريم ..