رواية بائعة الخضروات الفصل السادس 6 - بقلم زهراء العراقيه

ومرت ايام وراحت ايام وعلياء ضلت تجنب ابو انور وعائلته ومبتعده عنهم ....
وبأحد ايام الصيف الهوية ..
جانن نجلاء ومهجة يحوكن ليف اطفال ..
بالسطح .
وكريم هم يتشغل
وعلياء بالحديقه جوه تسف مكانس ..
فجاءة نزلن يتراكضن نجلاء ومهجه راحت تركض لأخته
مهجة وهي تبجي:- اهى اهئ هذا نصير اتحرش بينه
بعد فهمت السالفه علياء هذا نصير صاعد على البيتونه ومتحرش بيهن ومن صادته نجلاء رايد يطفر على سطحهن وهنه شردن .. ركضت علياء للسطح اشلون يتجرأ هذا على خواته اخاف اذا سكتت وعدته اله يجاوز ويطفر عليهن بالليل هنه ينامن فوك ...
علياء:- ولك نصير يا قليل الاصل تتجاوز على جيرانك الحرم .
جان بالبرج مالته
نصير:- ولج منو يمجن عوانس المنطقه
وضلوا يتعاركون عركه كلاميه بس هذا ضل يجاوز حيل على المرة واصلا هو واحد.عطل ..
كريم انحمك من يمه ماكدر يضل ساكت هذا استفزة حيل ...
صاح بصوته كريم سكتهم اثنينهم من كال:- ولك يا عطل تفشر على مرة !!! ولك انت عندك اشوراب
نصير :-كل خره ساقط انت لا تدخل لو اجي اوذرك
كريم ابتسم بخبال وكال :-ها لعد جايك لو بيك خير ضل بيتك ونزل كريم طفر الدرجات كلهن وطلع من البيت اندار للساحه بيت نصير المطيرجي اهناك .
نصير مات من الخوف خله وختل بغرفه امه ..
ووصل كريم لبيت نصير ...

علياء نزلت ويه خواته وكالت لا اتفرج واشوف هذا نصير اشلون ينكتل واشفي غليلي جرت عبايته وطلعت ....

كريم :- اذا انت رجال اطلع الي ولك
ام نصير :- الله يخليك خاله اتعوذ من الشيطان واعوفه ..
اهنا كم واحد التم على صوت صياح كريم .... وصلت علياء ...
كريم:- وين هذا ابنج الرجال خل يطلع لو بيه خير بس يطاول على النسوان ..
ام نصير:- الله يخليك روح خاله ابني ماسوة شي
كريم:- ولك اطلع يا مرة اطلع ...
طلع نصير بس امه صايره كدامه
كريم:- خاله وخري تعال ولك تعال
نصير:- ابن الكلب انت شعليك عبالك انت رجال
كريم :- لا والله مو رجال اذا ما اكتلك اليوم واتقرب من نصير وضربه كله كسرله بيه راسه
اهنا التموا الناس وادخلواا
المختار بيته على الساحه جيران بيت ابو نصير طلع واخذه الطرفين لبيته ...
وطلع الغلطان كريم لأن تهجم على بيت الناس وبعتبت الباب ضرب ابن جيرانه كريم جان ساكت ويريد بنص الكعده يكوم يظرب نصير بينهم .... سكتهم كريم
من كتابات تراتيل حواء زوزاية
من جانوا يتناقشون بالموضوع

سكتهم كريم من كال الهم عن عملة
نصير بالسطح واشلون راد يطفر على بنات الجيران ... ... ...
طلع كريم من بيت المختار ... لبيته .
وعرفت علياء من مرت المختار شنو صار الكل احتقر نصير واخذوا تعهد منه ومن ابوه ما يتعرض لبنات الناس ....
رجعت علياء للبيت وهي ماكو بمخيلته وفكرهه غير منظر كريم وهو يظرب كله وهو محترك دمه وعصبي اشكد طلع ابن اصول و دمه حامي
اووف لو ماهو مدخل هذا نصير ولا يستحي الله اليعلم جان طافر عليه وضاربني ....
هممم اشلون ترد جميل كريم .... بس لازم تشكره ....
...... ....
مر يوم ثاني وعلياء ما صادفت كريم بالشارع حتى تتشكره وتستحي تروحله للبيت فضاله حايره ... وماتعرف نفسه اتريد تشكره صدك لو اشوفه!!!

بعد العشا صعدت علياء لفوك قبل الأهل بلكت تسمع حسه بالسطح ..
اشيلت ومدت راسه على سطح جاره ... شافته ماكو نزلت راسه وكعدت على افراشه انطرحت ورة اشويه سمعت حس بالسطح عرفته هذا هو يدندن مدت راسه شافته يفرش بس اشو لابس بس سروال ابسرعه دنكت راسه استحت ...
اشجعت علياء وجابت كم حصواية وشمرته على سطح جاره . باوع كريم صفن على الحصوة وكال يجوز جهال ورجع يفرش وهم شمرت حصوة اجت برجله .كريم :- ياالله ولكم لا اكطفون حصو اشبيكم . وحط فرشته على الفراش
علياء:- والله ياخويه هاي موش الجهال انه
كريم ضل على حركته صافن . دار وجه على الحايط
علياء:- هاي انه علياء اذا مابيه شي مدن راسي
كريم :- شنو اختي
علياء بخجل:- لا هيييج بس اريد اكلك اشغيله .
لبس فانيلته كريم . :- اتفضلي اختي محتاجه شي خزر بعيونه بيت ابو نصير وكال:- هم اتعرضلكم هذا النذل

علياء:- لا خوية
ومدت راسه ...
رجع خطوه للخلف كريم من شافه جانت ماده راسه المدور وقرص القمر صاير خلفه يعني النور كأنه طالع منه
كريم انثول وضل يباوع اله
علياء خجلت من نظراته متركزة على وجه حتى نساهه شنو تريد اتكول

كريم هام بيه ::::::------- اااااه ولج عليج اعيون الله يستر عليهن اشلون حلوات لو خدودج جنهن كرصه خبز اه يا الخسفات الي بيهن لو الشفه المليانه اشتهيت اعضه لو تدرين اشكد حلمت بيج اه ....اه لو تدرين انت مرتي باحلامي واشكد لاعب ب..
قطعت عليه افكاره المنحلة من كالت
:-خوية انه ماعرف اشلون اشكرك والله انت مفضل اعلينا وجميلك فوك راسي ورحمه الله والديك وحي الله اصلك والله يخليك لأهلك وشباب حليبك طاهر ياخوي والله يستر على خواتك مثل ما سترت اعلينا
سكتت بعد انقطع حسه لان كالته بنفس واحد بدون ماتتوقف سطرت الدعوات
هي كالت اخر كلمه وهو اذكر اخته الي دمرت سمعته وصارت اعيونه تجدح نااار وعصب حييييل .... شمر المخده الي جانت بيده حيل وكال :- يلا كافي روحي وشال الشرشف وراد يتمدد
علياء ضاجت منه هي جاي تتشكره شنو هذا شعباله هي مو خوش ؟!
علياء:- ها خويه اشمالك اكيد اروح انه ما اجيت غير بس اشكرك
كريم بعصبيه وبصوت عالي :- اي فهمنا انزلي وووصاااح حيل
ارتعبت علياء منه ورادت تنزل بس الطابوكات فلتت لان اهتزت ووكعت المرة
علياء:- يباااوووو
كريم صحى من ناره من سمع صوته وخاف لا تأذت كبل كوم واطفر الحايط
علياء:- يا يمه جف رجلي اااخ يا يمه
كريم :- ها خويه انت سليمه
:- اسليمه اطمك موتتني انه شنهو سويت الك اااخ رجلي راحت
كريم :- اشبيه
علياء:-ما اشوف
وجانت لازمه كف رجله الي انعوج من وكعت
علياء:- اخ ياربي رجلي وباوعت اله
:- يااا انت اشجابك يمي شتكول اعليه الودام روح لبيتك راح انشد لخواتي يجني
سكتت علياء وشهكت بصوت عالي من كريم حط ايده على كف رجله .....!!!!!

كريم بهمس دافي:- منا توجعج وضل يتلمس برجله طبعا رغم صعوبه الزمن ومرارته بس ماتارك اثر خشن على رجل علياء الناعمه
ضل يتلمس ويفرك بقدم رجله بهدوء روح الالم اله ...
علياء بنفس الهمس:- كافي راح الالم
عليا:- اه كافي كافي..... كالته بهدووء
لمساته بيده الخشنه خلت جسمه كله يرتعش وخرت رجله عنه ناقصه بس ياكله ..
:- روح خويه لبيتك لا يجي احد
كام كريم كوة بهاي اللحظه الود وده يدفعه وينام فوكاهه ويضل يشم بيه ..
علياء خافت من نظراته اله وكالت بصوت مبحوح خايف:- خويه روح لبيتك
دار وجهه وراد يروح يصعد يرجع لبيته
هي مشت على رجله بس تالمت وكالت بصوت ناصي حيييل اه
تراتيل حواء زوزاية
لو كريم تخبل ورجع اله ..
علياء:- هاا شنهو خويه ليش تتنوع اليه هيييج
طبعا هو ساكت بس بدة يتقرب منه ...
وهي ترجع بالم لورة
:- تره انه صحيح مرة بس والله اذا اعيط هسه الم اعليك الناس كله ..
لزكت بالحايط وهو اتقرب منه
صك على اسنونه وكال :- اروح عمي بس انت لا اشوفج مرة ثانيه ...
علياء بخوف :- اوعدك مراح تشوفني ..رادت تبجي الا اشويه
كريم:-عفيه شاطرة تدرين اذا شفتج مره ثانيه
علياء تهز براسه بمعنى والله مراح اشوفني بس عوفني

:- ماعرف يمكن اغلط وياج هسه راح اعوفج واكتل روحي ميت مره .. وهز راسه وكال ميت مرة راح اموت اهناك واشر على بيته ورجع للخلف وراد.يروح وهي ضلت على وكفته وتباوع اله

رادت تتحرك.بس هو فجاءة رجع عليه

وكال:- وهو ياشر على كذلته الي دوم طالعه:- وهاي رعدتج اذا شفته مرة ثانيه اجره واخذه الي طبعا طريقه كلام كريم حتى من منفعل يبتسم ويحجي بطريقه اتخوف الي ما يتخوف ...
علياء من دار وجه :- وانت شخصك بيه ليش تكرهني والله انه شريفه مو مثل ما متوقعني وكامت تبجي كل ظنه هيج سوة واستحقرهه لان عباله بت سوك.وملعبه ماتدري حبا وعشقا وهياما بكل جزء بيه !!!!! اهو غباء منه ام فطره