رواية بائعة الخضروات الفصل الثامن 8 - بقلم زهراء العراقيه

جانت تمشي علياء ومحملة مسواك للبيت الضهريه راجعة من السوك بعد ما خلصت خضروات ..... حست ايد جرت منه العلاكه طبعا
علاكته من خوص مثل الي بالصورة

باوعت ليساره جان يطلع كريم
كريم:-االله يساعدج جارتنا
علياء:- هلا والله بيك .
وهو مشى كدامه وهي وراه حتى لا يجيب اله الشبه وصل اله العلاكه لباب بيته ودخل لبيته ...
اخذت العلاكه .. ودخلت  ابتسمت من ساعده كريم فرحت حيل ضلت تسحل بالعلاكه وتوزع ابتسامات دخلت للمطبخ تغني وتعزل بالمسواك
علياء :- وانا البي دليلي الي حتحبي لا لا لا
مهجة ضلت صافنه على اخته من دخلت وشافت اشمر بديه وتغني وتدور بالمطبخ ..
مهجة: ديما بيحكيلي وانا اسدء البي لا لا
واخذت ايد اخته وتركص وياه جانت تقلد ليلى مراد بالفلم الي شايفته
ايناس:- اتخبلتن تهي بي يلا سونا لكمه مو راح انموت من الجوع
وراحت
علياء:- من عنيا الاثنين وترلالا لا وطلعت لحم وسلكت وسوت بيومه تشريب لحم هاي الاكله مو دوم ياكلوهه يمكن بشهر مره اذا مو بالشهرين .. طلعت جدريه اصغيره وحطت بيه تشريب وصعدت فوك تتخنس لا احد يشوفه ... ضلت تذب حصو على بيت جاره
جان جوة نازل وسمع باب السطح تندك دك طفيف ضحك وعرفه علياء صعد.لفوك.. لكه اخوه قبله صاعد
كريم :-محمد!
:- ولك.هاي شنو هذا المطيرجي نصير والله سبانا بطيوره شوف الحصو
:-هههههه اي يستاهل واحد يكتله ويشبعه كتل
:- لا يمعود ما ناقصين مشاكل احنه عوفه خل يولي
:- ههههههه
نزل محمد اهنا جانت علياء اتباوع من زروف الحايط اول مانزل صعدت  الجدريه على الحايط وكالت :- تفضل ههههههه منو يستاهل كتل
:- اكو غيرج ولج ليش تعبتي نفسج
:- جا غير انت عزابي واني ااقصد واحنه نفكر بيك منهو يطبخ الك ..
:- ريحته تاخذ الروح عاشت الايادي علياء
بس كملي جميلج وطلي
:- لا اخاف احدويشوفنا خليه بالليل هذا  نصير دومه يراقب الناس
نزلت علياء
سهام:-شسوين فوك بهاي الضهريه
:- هاا اشر اهدوم
:-    تهي يالله وهاي احنه يمتى غسلنا اليوم اجرود 🙄🙄🙄
وضلت علياء على هذا التواصل ويه جاره الطويل مثل ما تلقبه هي
........
علياء:- ولج نظراته تاخذ الروح
صبا:' هههههههههه هاي هيج مخبلج الطويل
علياء:- اي ولج اني عشكته رجال عنده غيره ودمه حاميي
صبا:-اريد انصحج بس لا ازعلين
:-شنهو
:'هذا ما ناقصه شي واذا راد مرة مية وحده تتمناه يعني ياخذ ابنيه بيت معدله  احسن بيت ينطيه لا تعشمين نفسج
:- جا انه شنهو هم بعدني ابنيه وحلوة وهو مطلق تره
:-اي اعرف كلتي الي .  بس نستي انت بت سوك وطالعه وكل زلم المنطقه تعرف
::- وشنهو يعني يبووو انت خربتي واهسي هسه انه شكلت حتى العشك اعليه حرام
:- لا يروحي اعشكي بس دربالج لا يلعب عليج ...
............................

طبع علياء اي واحد اشوفه من المحله وتعرفه لازم اسلم عليه لا تعرف صغير وجبير ولا رجل لو مرة  .. سلمت على ابو علي وضلت تسأل عن احواله واحوال مرته ...
كريم شافه وهو دوم يشوفه اتسلم ويضوج هالمرة جانت واكفه ويه واحد يطلع من عمره صدك ضاج
كريم:- السلام عليكم
ابو علي:- وعليكم السلام  
سلم على جاره وحزره وراح ..
بالليل .. هم كالمعتاد
التقوا الجاريين ..
علياء:- بس فهمني ليش ضايج. عسى ما شر
:- ماكو شي
جان كاعد على كرسي حديد بالسطح مالته وهي ماده راسه عليه وتحجي وياه مثل كل يوم اشويه واتروح بس اليوم مادري اشبيه وجه ثكيل
:- والله بيك شي
:- مابيه يلا روحي لا احد يشوفج
:- ما اروح قبل لا اعرف انت بيك شي
بنتر:- علياء روحي
:- اوف رايحه يلا بس دربالك لا يطلك الك عرق
:- هاصدك شفت اليوم هاي ام هادي خطيه ابنه اجه من السفر هو هذا الوسطاني جان باسوريه
و
من كتابات تراتيل حواء زوزاية
وضلت اطلع مواضيع وهو ساككت ..
ملت علياء جنه تحجي ويه روحه نزلت وكالت يلا رايحه ...

كريم:- وين نعستي
:- هههههه انت شبيك اليوم صارلي ساعه الغي وانت مو يمي اروح احسن
:- لا تعاي بعد وكت
:- اي حتى مواضيعي خلصن ..  هاا صدك سمعت ابو علي يريد يطهر ابنه
كريم :- اي روحي طهريه اله
علياء:- ياا اشبيك
كام وكف وكال روحي مو انت ماكو جار ما يعرفج وماشاء حتى الزلم مصادقه توكفين واسلمين على الرايح والجاي
:- يا امه مرافجه
:- مو قصدي قصدي مصادقه مثل الزلم انت اني مو مثلج اختلط بالناس
:-جا غير جيرتي تحكم وشغلي هم انه شمسويه قابل ناهبة
من كتابات تراتيل حواء زوزاية
:- اش كااافي .
:- وانت شعليك بيه هااا ونزلت ضايجه
...... ثاني يوم التقوا بالشارع ما سلموا على بعض وكلمن راح لطريقه وضلوا مزاعلين يومين .......
جانت طالعه توجب وحده من صديقاته هي وصبا بيت صبا قبل بيت علياء توصله ...
جان راجع من العماله تعبان وشافه باوع اله جان مشتاق اله بس هي ماشافته ملتهية اتسولف ويه صبا الي اصلا ما منتبه اله تباوع لكريم الي يباوع لعلياء وحسدت علياء على النظرات الموجه اله ...
صبا:- هذا جاركم نصي صوتج ولج
:-هااا وباوعت اله
نزلي :-نظرج ولج ماشفتيه اشلون يباوع الج بقرف وانت اتسولفين وياي اضاهر يكره المره الصوته عالي
:-ها صدك
:'- يلا مع السلامه ودخلت لبيت صبا ... 
باوعت اله من ورة خشمه وما سلمت ودخلت وهو جان ولهان عليه ...
كعدت العصريه اسف مكانس بالحديقه وجان اشوف حصوه انشمرت بالحديقه عرفته تقربت من الستارة وكالت:- شكووو يمعود
:- اليوم ورة العشه انت فوك اذا ما اصعدين مثل كل يوم والله اجيج اني وتعرفيني انت مجربتني
:- يلا يلا روح
........
بالليل
شكو كريم شنو تريد
:- ولج مشتاق الج ليش هيج كلبج قاسي
:- انه 😏 
:- علياء
:- ها شوف تره انه مرة حرة وماحب كلساع واحد يحسسني غلط انه ما اعرف اذا اشوف احد لا زم اسلم واسال جا مو يكولون الجار للجار
:- احبج
:- ولازم نعرف اصول الجيره وما نكطع وو و
انتبهت توه على اخر كلمه كاله .....
:- ش ش شنهو
:- واريدج الي
:- رادت توكع على وجه :- شنهو وعدلت شيلته وشالته من طرفه وحطت على حلكه عود مستحيه ......
:- علياء
:- علياء
:- ع ل ي ا ء
بخجل:- ها
:- اموووووت عليج اني
:-اخخخخخخ ووكعت علياء على ضهرهه مد راسه كريم عليه لكاهه واكعه على ضهرهه ورجليه طالعه غطتهن ابسرعه وكامت
:- يبوو عليه وشردت لجوهه وعافته يضحك عليه ..
:- ياااااايمه ياااايمه الطويل عشكني ....

كوة نيمت نفسه بهذا اليوم .......
ثاني من الفرحه راحت تبشر صديقته من خلصت بيع ...
دكت باب صبا .. انفتحت الباب وطلعت زينب
زينب باوعت اله بطرف عينه وراحت
وصبا :- هلا هلا هلا دخلي عيني ودخلته ومن سولفت اله
صبا:- هااا تستاهلين عيني تستاهلين كل خير
:- ما مصدكه واخيرا
:- اي اكيد واحد حلو وشغيل وعنده بيت وحاله ميسور اكيد راح الارض ما توسع الج . وكالت بسره مثل حضي المصخم ...
طلعت علياء لبيته وبالليل صعدت ...
وضل كريم يتغزل بيه وضلوا واحد يحب الثاني من ورة الحايط ....
بعد مرور شهر ....
دكت صبا باب بيت كريم وبيده صفريه بيه مركه سبانغ
كريم يعرفه صديقة علياء
:- وعليكم السلام خيتي
:- اتفضل هاي عمايل اديه
:- شنو هالزحمه واخذه من ايده .. وراح فرغه ورجعه اله وهي واكفه بالباب
:- اي خويه علياء اشلونه
كريم استغرب من سؤال
:- ههههه تره اعرف كولشي الله يخليكم لبعض بس حباب دربالك عليه لا تخلي بيه وراحت لبيته ...
كريم ضاج من تطفل صديقته وبيومه عاتب علياء على انه ليش اتكول على علاقتهم بس علياء ما فهمت واتعاركووا وهي ما فهمت شي منه ...

......
جانت كاعده يم الستاره على امل تسمع صوته بس ماتريد هي اتبادر لان زفه وهي كولشي ما مسويه سمعته يغني :- ليش ليش يجارة ما تردين الزيارة زعلانه انت علينا ما تردين الزيارة ضحكت علياء ومدت راسه :- انه لو انت تتهاوش ويه ذبان وجهك
:- ولج غير احبج شنو اخلي بيج هو اني اكدر بدونج
:- منهو كال انت تخلي بيه ها
:- انسي حضري نفسج باجر احاجي اخوتي حتى نجي نخطبج
:- صدددك وهم وكعت على ضهرره بكل غباء
باوع كريم منا ومنا شاف محد ماكو خله وطفر على سطح جارته
كعدت علياء تتألم ومن شفاته طفر
:- يمممه روووح منا اكريم
كريم:- ادري اني اريد ازوجج صاحيه لا تتكرسين  يمعوده ماريد مرة سكراب
:- منهو سكراب الطويل
:- ولج منو الطويل
:- انت من غيرك ..
كامت وكالت:- يلا روح لدراك
ما سمع كلامه وكال اهنا اتنامين وانطرح على سريره وهي كامت تطلم على وجه :- عزة انفضحت كريم روح لا تجي وحده من خواتي
ضل يضحك ولا يمه
سمعت علياء صوت خطوات خواته يصعدن بالبيتونه لو تخبلت

......
ماكو مبروك رجعت حسابي