رواية بائعة الخضروات الفصل الثامن عشر 18 - بقلم زهراء العراقيه

هذا البارت هدية للمتابعين الكرام .. 

نزلت ايناس جانت لابسه ثوب عريض وبطنه باين عليه التكور رغم هي مبينه حامل لكن ما مستغنيه عن الكعب وشعره مصففته
انيقه من يومه ايناس .. 
علياء قلبه فرفح عليه وهي جانت حيل مشتاقه اله بس ماتعرف اله عنوان من اتزمت اوضاعهم الا قبلت سهام تنطيه العنوان
ركضت عليه وحظنته حيل
وايناس واكفه ماحركت ايده وبادلت اخته الحظن ....
ايناس:- من وين جبتي عنواني .. 
ابتعدت عنه وضلت حاطه اديه عليه
:- مو مهم يروحي ليش كطعتي بينا .. 

ازاحت ادين اخته عنه
:الافضل الي الابتعاد عنكم اتعرفين مركز زوجي حساس . 
:- جا احنه شنهو جواسيس لو ضد النظام .
:- علياء اني تعبت وياكم واعتقد من حقي استقل بحياة هاديه بعيده عن الماضي المزعج
:- مزعج؟ بربج ما اشتاقيتي للمة خواتج ؟ ما حنيتي لمنطقتنا وكعدتنا الحلوة وضحكتنا وسوالفنا 
غمضت اعيونه ايناس هي حيل اشتاقت وحنت وما حاسه بسعادة ولا بطعم اي شي لكن هذا اختياره والغنى الي هي بيه اكيد معوضها ..  واست نفسه بهاي الافكار لعلها تسكت ثوران وهياج مشاعره نحو الماضي واشتياقه اله رغم الفقر ..
ايناس:- منو الي يشتاق للذل والفقر ..
:- ما صدكج اعيونج يكولن غير شي
:- هسه مو وكته هذا الكلام خيرك علياء
:- حنيت الج واجيتج يروحي ومبروك على الحمل
حطت ايده على بطنه وكالت
:-شكرا علياء اني زينه
وباوعت لساعته كانه تقول يلا روحي لعلياء
.علياء كعدت على القنفه وكالت :- بيتكم حلو الله يهنيك بيه
ايناس:- علياء كومي عباتج كله اتراب اوف
:-ها اسفه
كامت
:- نعتذر بس تتنظف  بسيطة خوفج على الكلوب اذا غلفته القساوة اشلون تتنظف
:- علياء اختصري رجاءا زوجي على جيه ..
:- ها
:- انه وخواتج بحاجتج ايناس
:- شنو اني سمعت انت ازوجتي ابن ام انور شنو محتاجه بعد ..
:-راح اطلك منه واريدن مساعدتج حتى اكدر اكوم على رجليه من جديد ..
ايناس :- اووف دقايق وراجعه الج
صعدت ايناس اجيب مبلغ لعلياء حتى ما سألته ليش اتريد تطلك !!!
دخل اهنا واحد بلبس عسكري .. جان عنده شوارب اثخان وكرشه طافح من البدله العسكريه
ضل صافن على علياء .. 
علياء دنكت واستحت من نظراته ..

نزلت ايناس  ابسرعه راحت حظنت زوجه من شافته جاي ..
كأنما كان مسافر بمكان وراجع لان بيده جنطه صغيره ..
ايناس: - حبيبي حيل اشتاقيت الك
:- اني اكثر عزيزتي .. 
علياء دنكت استحت من وجوده بينهم
ابعده عنه وكال
:-منو هاي البنيه؟؟؟
ايناس:- هااا هاي هاي
جانت علياء لابسه عبايته وشيلته واشويه متربة من جوة لان مشت مسافه الا حصلت وسيلة نقل ..
ايناس :- هاي المنظفه الجديده!!!!!!!!!
رفعت راسه علياء وكلبه انكسر وباوعت لأخته بعتاب ..
ايناس ادموعه رادت تطلع
:- اي اي اني مو كتلك اريد وحده تجي تنظف واساعد انعام اصغيره .
:- هااا وحك شاربه المقرف وباوع لعلياء
:- خوش وصله
ايناس:- نعم
:- لا هيج هههههه
علياء :- يالله اترخص اني مدام!!!
كوة رجليه سحلنه ومشت هاي اخته الي فنت نفسه على موده !!! اتستعر اتقدمه لازوجه!!
غمرن خده المهظوم الدموع وعافتهم خلفه ومشت فتحت الباب وطلعت . 
ايناس:- حروح وراهه احاسبه
:- ها ليش ماتجي باجر
:- لا ما عجبني شغله وراحت وراهه .
شافته تمشي بممر الحديقه قربت توصل للباب الخارجي
:- علياء علياء
وكوة سرعت لاخته
:- علياء حبابه لا ازعلين مني والله اذا عرف هيج اختي راح يعيرني بيج ..
سكتت علياء اصلا العبرة خانكته اكثر من ما اتهمه البارحه يحيى بشرفه  ونظرات الشك ما أثرت بيه كد اليوم اصعب شي هو تحس انك تنطي من غير عطاء مجرد كارت يسحبون منك الى أن تفذ صلاحيتك وتنرمي بالنفايات .. 
ايناس هي وتبكي :- لا ازعلين حبي 
ولزمت من ايده وحطت بيده صفطه افلوس ..
علياء  ما باوعت لايده
:- تذكرين من ابويه جابلي لاعبة وانت اخذتيه كسرتي بيه جام المعرض
ايناس كامت تمسح بدموعه ......
:- من اجتي امي شافت اللعابه بوسط المعرض عباله اني وشبعتني كتل وانه ماكلت حتى بس لا اضربج ..... وتتأذين اجته نجلاء وفتن اعليج واجت اضربج الج انه بيومه وكفت كدامج وحميتج من نعاله
ايناس:-😥😥😥😣😣
:- راح ابقى كدام اعداج مهما سويتي
ورجعت الفلوس حطته بيده غصب ومشت علياء......

ضحكت علياء وهي تمشي لموقف السيارات شكل الفلوس جانن اهواي اكيد يحلن ازمته بس اذا اخذتهن جان كرهت نفسه ماتريد  شي من هذا المقرف ...
...
نزلت من الباص وصلت لازم تكمل الطريق مشي لان الباص ماتودي لواجهته . 
هي وصلت للحي بس الفرع..
علياء:- يارب كون ما صادف احد عرف ..
شاف وحده تمشي عرفه ابسرعه علياء وكف ونزل من سيارته ..
يحيى:- عليااااااء .
:- يحيى!!!
وعافته ومشت حيل
ركض وراههه
وكف كدامه
:- اوكفي علياء
:- وخر عني انه ما شرفك ...
:- امشي علياء نتفاهم
:- ماكو تفاهم الي اتريده راح يصير طلكني وعوفني .. 
:- علياء
:- الله يخليك وخر عن طريق
:-حلفتك برحمه ابوج تعاي
:- اوووف يلا
صعدت وياه
وهو كعد ابصفه بس ما ساق ..
تراتيل حواء زوزاية
:- مهما كلت اني ابقى محقوق الج اسف واعتذر انت مالج ذنب المفروض ما صدك واحد سكران بس ماعرف بيومه فقدت اعصابي والحكمه
:- انه ما زعلانه منك والله الي يعلم شنو سامع وخلاك هيج تعصب انه عاذرتك لان بس العار الي يسكت اذا سمع شي عن عرضه ..
:- اوووف علياء انت دوم تخليني احس نفسي وياج ماعندي ضمير لج انت شنو من قلب شايله .
ضحكت علياء وكالت :- كلب اسمجه هههه
:- يلا وين انت كاعده خل نمر ناخذ خواتج وانروح

#زوزاية

علياء:- يحيى كافي خل نطلك
:- علياء اني شكول ما اوفي اعتذاري غلطت حيل بس قدري موقفي
:- ماريد ازيده اعليك خلي كلمن يروح بطريقه
:- علياء اوعدج ايدي بعد ماتنمد عليج وكتلج اني مو من نوع يضرب مرته وهينه
:- وانه كتلك ماعندي مشكله بضربي بس لو صدك انه مرتك!! !!
ابتسمت اله ونزلت من السياره ......
ضل هو كاعد مكان متوقع هذه ردت فعله وماترجع وياه....
وصلت للبيت سمعت اعياط زينب ويه عمته مادخلت بينهم راحت لغرفه زينب شافت سهام كاعده
:- شكو سهام ليش صايره عركه بينهم
:- والله ذله اتعاركت ويه زينب عرفت راح انضل يمه منا من الله يفرجه ..
علياء ادخلت جرت زينب الي واكفه تعد واصف لعمته .
واخذته للغرفه
:- اكلج ازنيبه انه ماريد ازيد حملج حمل راح اخذ خواتي واروحن منا ..
:- جا والله اذا طلعتي اطلك اني واجي وراج غير
انجبي واكعدي انه بوجودكم وعدمه اتعارك ويه هاي عجوز الفكر
:'-يا ههههه ضحكتيني وانه طالعه روحي
:- اي بشري شفتي اختج
:- ها لا ما اندليت البيت !!! ..
...............
يحيى :----اشبيك يحيى ليش ضايج هي اجتي منه بعد. مو هذا الي اتريده خلص كلشي انتهى والوضع تمام والدك اذا واجهتة بعد طلاقك من علياء بزواجك راح يكون الك اسهل بهواي من متزوج علياء
راح اعوضه وانطيه مستحقات اكثر  من حقه تغنية وتكفيه .... 
كعد.الصبح هو متعود  ريوكه جاهز ملابسه تتحضر اله على السرير والاحذية تلمع
غسل ونشف دخل للغرفه لانه ينام بالصاله اتعود يعوفه اله . بس هي ماكو؟ من شاف ملابسه مرميه على السرير والملايه مخربطه اذكر وضعه السابق رجع اله جان هو شايل نفسه ومنظم كلش ومتعود يخدم نفسه بنفسه بس اوف يا علياء علمته وعودته على  نمط حياة جديد وراحت ..
طلع ملابسه بدل دخل للمطبخ سوة ريوك بسيط وراح ...
انتبه لنفسه وهو يصعد بسيارة لابس  تك حذاء اسود وتك جوزي ضحك على نفسه ورجع  غير الجوزي بالاسود ورجع .... اذكر ناسي ساعته هم رجع لبسه جانت علياء تنطي كلشي ماتخليه ينسى شي ... 

مرن ثلاث ايام وعلياء تحاول تلكه شغله غير كعدت السوك ومالكت غير صنع  المكانس والسلات اليدويه بس حيره الجبيره وين تعيش ...
جان انور كاعد بالحديقه وية يحيى وياكل بطيخ 

انور:- اي احنه قررنا انروح لأربيل  بس اسماعيل سيارته عطلانه فاني كتله يروح وياك انه سيارتي قبطت هههههه يعني ورطتك.راح اتروح  ويانا . 
:- يحيى
:- اضاهر اني احجي ويه روحي لك يحيى
:- ها انور
:- لك اشبيك ضارب دالغه . شنو متعارك ويه المرة
:-لا اني رايح للبيت انام
:- لك.ماكلت اتروح باجر ويانا
:- وين
:-لك صارلي ساعه الغي لاربيل
:-لا

راح يحيى لبيته ..
كعد بالصاله جان من يدخل يتلكاه وحيد ما يعوفه الا ياخذ 25 دينار وتستقبله علياء ببسمته هسه اللبيت موحش حيل...

كابر يحيى وكال مجرد تعود عليهم لازم اتعود بدونهم ..  واحسن حل للتخلص من هذا الفراغ الفضيع اروح لسهير ..
...
...
..
دخل يحيى جان مشتاقه اله حيل حلول الساعه ب 11 بالليل وصل للبيت فتح الاضويه ضاج حيل من عرفه طالعه لهيج وقت ما راجعه للبيت ..
كعد ينتظره ساعه كامله الا دخلت للبيت سهير .
:-اوووه منو اهنا اليوم حبيبي  وراحت حظنته
:- ليش متاخره؟؟وين كنتي؟؟
:- اوه حبي جان عدنا مؤتمر وبعده عزمونا على العشا واخذنا الوقت بعدين انت ليش هيج ضايج شنو ما مشتاق الي
حطت اديه على وجناته واخذت منه قبله سريعه ورادت اتروح اتغير
:- تعالي اني غايب عنك اهواي و تستعطفيني بهاي ...
:- مممم ما الا اسبح وارتاح وراحت وهو ما عافه راح وراهه ...
الصبح
جان بفراشه  عاري الصدر.....وهم غارق بفكاره يجي يوم ويرجع للعمارة اشلون بيه من هسه شايل هم اشلون يدخل البيت وعلياء مو بي
طلعت سهير من الحمام
زوازية تراتيل حواء
:-ممم اكيد اني شغاله بال حبيبي موو
واشرت بأصبعه ..
:-شنو تحب اسويلك ريوك ها
:- حبي
:- حب حب
:- اووه يحيى اهى رد عليه
:- اي شي من ايدج طيب علياء!!!!!!!!!!
سهير:- علياء؟؟؟؟؟

يتبع.....