رواية بائعة الخضروات الفصل الثالث 3 - بقلم زهراء العراقيه

الصبح الساعه ب 9 الشغل بذروته بهذا الوقت
علياء اتبيع وما تلحك ...
:- حجية بيش كيلوا البصل ...
علياء :- ب... باوعت شافته كريم
كريم:- فد.كيلوا
علياء:-جابر وزن اله  عد جاسم 🙄🙄 هي ماعده ميزان اتوزن البصل عد جاره البكال جاسم
جابر وزن وجاب الكيلو لكريم اخذه منه وطلع الفلوس وانطاهه لعلياء
علياء:- الله يعوضك يخاله 😏
كريم ابتسم وراح
علياء:- الله ياخذك ..
بعد ما رجعت واتغدت راحت للحمام نزعت ثوبه الكريب وضلت اتباوع بالمراية الي مفطره على تقاسيم جسمه بالاتك.   اوف شنهو حجيه معقوله الزمن خلاني هيج يبين شكلي نزلت المرية اشويه على جسمة وضلت اتباوع
اوف ماعنده نظر اصلا اني السوك كله يحلف بجمالي ماعندة نظر ولا اعيون كال حجية كال .... .......
......................  
علياء:- يا ابنيات شنو اليوم ما اتنامن جانن متلمات نجلاء دتقره الهم قصه بس أيناس جانت على صفحه وتقره
مهجة :- لا حبابه خل تكمل القصه اهناك ظلمه ما اتشوف تقرة النا القصه
علياء :- على راحتكم انه صاعده انام تعبانه . علياء اتنام اول ما تخلص عشا لان تكعد من الفجر...  صعدت طبعا الفرش مفروشات بالسطح  اكو قريولات (سرير) من حديد. مال امهم وابوهم من ينامون فوك ينصبوهن هسه اتنام على وحده منهم أيناس وعلى الثانيه علياء ويمه اخوهه وحيد .   صعدت لوحده لان وحيد ويه خواته يلعب جوة وهي جابت الشرشف وتغطت .... غفت عليا بس بوسط نومه دخل لحلمه صوت نواعي حلووو  فتحت اعيونه انتأكت على السرير وكالت هاي منو ينعة معقوله نصير المطيرچي ؟ يبووو هذا العبد امنين اله صوت والصوت جايه من البيت الي بصفنا مو من الي ورانه؟
جان  بسطح كريم مسوين كعده هو واخوانه ويحيى صديقه وهو صوته حلو كعد ينعى الهم ..
كعدت علياء وتسمع بس كتله الفضول منو الي دا ينعه هو هذا البيت الاخوة بس قاسميه مشتملات والسطح مشترك يعني لو كريم لو اخوه ...
جابت ابلوكات اثنين وحطتهن وحطت المشمر على راسه كالت خل اشوف منهو هذا رفعت راسه وجان تلمح خمس ارجال كاعدين ابسرعه دنكت لزمت كلبه كالت همزين محد شافني  اخذت الطابوكات وراحت للستارة الثانيه اشوفهم منه بس ما يشوفوهه صعدت مدت راسه بس اشوف اضهورتهم يعني ما اشوف منو ينعى
محمد:- كريم كافي نواعي ما تغني النا
يحيى :- اي والله غني
علياء:-هممممم كريم صوته حلو
كريم اي بس اجيب بعد جاي دار وجه ابسرعه وجان عينه اصير بعين علياء .....
نزلت راسه ابسرعه وهو راح نزل
جاب الجاي ورجع غنى 
كريم :--
من يمتى العمر يكظي بهجرك جيتك حبيبي ابقة انتضر
من يمتى العمر يكظي بهجرك جيتك
حبيبي ابقة انتضر
الله الله ياصبر نار العشك صارت جمر
يمتى الفرج يمتى ياربي ايهد الحيل ياتعبي 
هسة كافي تحن وتوافي ياقلبي يمتى الفرج يجي ويوفي......

علياء نامت على صوت كريم الصبح ضلت حايره يا ترى شافه البارحه لاحظه لو لا؟؟؟
....
كريم طلع الصبح للمسطر وشاف علياء هم طالعه من وكت حتى اتلحك على الفلاحات وتشتري منهم الزرع وصار بوجه كريم
علياء:-اصباح الخير
كريم:-صباح النور........... وراح
كريم:- شنو من مره هاي طالعه قبل بزوغ الشمس امبين وكحه وراعية مشاكل الله يسترنا منها ......
.. وبمرور الايام اتحسن وضع كريم من لزم شغله بس جان كلش ماخذ موقف من علياء على انه وكحه وراعية مشاكل ومو بعيد بت سوك مثله يمكن حتى لاعبة لعب ..
اما علياء حايره بخواته وهاي ايناس مطلعه روحه كل يوم تتعارك وياهه لان تتأخر بالدوام وما تسمع كلام واذا حاجته كلمه علياء اتكب بوجه وحتى يتكافشن بس علياء تتعارك واتضارب منا وتنسى بعد دقيقه بس اخته تحقد بكلبه .....
بعد مرور اشهر واجت الشتوية ...

رجعت بيوم علياء. وكبت عركه جبيره بينه وبين اخته  ايناس واخته اصرت اتروح لبيت خالته وراحت ايناس واخواته غارن كلهن لبسن وراحن وينه ايناس بقت بس مهجة و وحيد ويه علياء.

الساعه ب 7
رجعت علياء جانت بواجبه ويه الجوارين وتعبانه لكت خواته كلهن ماهنه سالت مهجه كالت اله بعد ما اتعاركتي وطلعتي ايناس اخذتهن وراحت لبيت خاله
علياء:- خفتن وراحه
علياء:- مهجة حبابه حضريلي الحمام ....وراحت للغرفه انطرحت
مهجة علكت الچولة وحطت عليه ماي اتحمي لاخته وعلكت الخاولي لعلياءومن حمى الماي صاحت لعلياءتجي اتكاسر الماي وتسبح صدك دخلت علياء
اوف اوف هاي الجولة اطلع غاز ريحته تكتل هف والله مصاريف تطلع زايده ونزعت ملابسه وحطت بالطشت ماي وبدت اتكاسر وتسبح فلت ضفيرته وحطت على شعره ماي وتايت وجلفته وخلصت حجرت هي من نوع تجلف اهواي يعني بالنص ساعه اتحجر جسمه اهنا اتشبعت رئتيه بالتسرب مال الجولة وهي ماتدري بس حست اعيونه ادمع كالت مابقى شي بس جلف جعب رجلي بهاي الحجرة السودة واليف واطلع .......
......
مهجه:- متنا من الجوع وهاي علياء شنو نامت بالحمام وحيد روح صيحه ...
راح وحيد وكف وره الباب ويصيح وماكو جواب  .....
مهجة هم ضلت ادك بالباب واصيح وهم ماكو جواب خافت حيل اخته صارله ساعتين  ونص بالحمام ياربي شسوي راحت تركض لبيت الجيران ..
اجو يركضون ام هادي مرة جبيره بالعمر هي والشويب مالته بس هم ضلوا يصيحون وعلياء ماكو جواب منها حاول الشويب ابو هادي يكسر الباب بس مكدر الباب من حديد ومسرقه ومقفول من جوة راحت اضلوعه وماكسره
اهنا ام هادي غسلت اديه من رجله هي عايشه لوحده ويه زوجه لان ولده كلهم عازلين وتحب حيل علياء فراحت تركض للشارع مالكت غير رجليه ادك مشتمل ابو شمس اخ كريم .. كريم عباله بابه الي تندك طلع
ام هادي ماصدكت لكت شاب: عفيه يخاله البنيه راح اتموت تعال اكسر النا الباب
مافهم كريم بس جرجرته المره ودخلته لبيت هاي الي يكرهه لان متطلعه ووكحه دخل لبيت علياء وفهم من ام هادي اكو ابنيه مختنكه بالحمام ومحبوسه جوة ضل يدفع بالباب وهو حيل قوي بعده بعز شبابه بدفعتين صار كريم بنص الحمام من دفع الباب هو اندفع وياهه وضل فاتح اعيونه على المنظر الي كدامه !!!!

طلع ابسرعه وركضت المرة ومهجه وغطت ام هادي علياء بعباته وصاحت لكريم يشيله لان فاقده اتريد اطلعه من الحمام جان خنكه من ريحه الجوله   كوة دخل كريم شاله وجان حيل خجلان حطه بالهول وطلع  وبعد طلع رجل ام هادي . وضلت ام هادي رشت عليه ماي بارد  وتكعد بيه ... كعدت علياء شافت نفسه بالهول ولابسه دشداشه شربوهه ماي واعيونه حمر من الغاز كالت طلعوني بره اشتم هوه...
بالليل نامت علياءواخته ما كالت اله دخلنا رجال غريب للبيت غير تحرك الدنيا مو انوب تعرف الرجال فتح الباب ووكع يمه بالحمام لا وبعد شاله .......
بالليل  جاب اللحاف كريم وفرش لروحه اشكد جان  تعبان جان اليوم كله يشتغل لبخ وجسمه مكسر بس من شاف المنظر مادري اشبيه اشتاق للزواج لو شنو.... منظر المرة ما يرضى يروح من عينه جانت مربربة وبيضه مو هاي الي جنه عجوز بالسوك لا جانت  كيمر جسمه مخصر والاتك الاسود حاصر صدره طافح منه ابيض ياربي اشلون بيه العازب صعب عليه هذا المنظر  ضل يضرب اسادس مخماس عقله ونام وهو يتخيله يمه ووياه
الصبح ماكدرت تتحمل مهجه وكالت لاخته منو شاله اتخبلت علياء وعلكت الجو من شافته عصبت هيج ما جابت اله طاري هو الي طلعه من الحمام غلست بس كالت كسر الباب وطلع .. 
طلعت علياء واليوم ما صادفت كريم مثل كل مره كالت هاي يمكن لان مغيمه خاف تمتطر وماعنده شغل اليوم وراحت للسوك هي ..

 
علياء:- وهاي الخضره الريانه وتعال اشتري ...
ام فهد.اشلونج ...  جابر وزن هذا الخس يم جاسم .. ...
.. العصر طلعت علياء من البيت اتريد اتبيع الخضره الي بقت عده من الصبح شافت كريم راجع من الشغل ووسخ من اللبخ كالت اها هذا طالع اليوم للشغل جا ليش ما شفته
من وصل يمه يريد يروح لبيته
علياء:- الله يساعدك خويه
هو يبووو هاي اشجابه هسه
كريم:- هلا خويه وراد يروح بس اعيونه غدرته وماكدر وباوع اله اشلون جان يشوفه عجوز هاي الترفه 
علياء حست عليه دا يبصبص عليه
علياء:-شكرا خويه البارحه تعبناك الله يخليك لشبابك وراحت ..
هو:-- اعتقد اليوم راح يجي أجلي اشلون اشيل صورتج من بالي .......
بعد مرور اسبوع ....
كريم كالعاده مسنح على افراشه ويتخيل بعلياء .. اشكد مرت مده من طلك  مرته بس ولا حلم بيه اصلا كرهه وكره كل تفاصيله بعد ما باعته ... 
.........
علياء:- منو هذا الي شفتج واكفه وياه بالدربونه
ايناس:- زميل الي 😏
علياء:- شنهوو هذا الزميل انوب عليه .
:- يبووو اكيد وحده جاهله مثلج ماتعرف شنو زميل اروح اقره اني لا ادوخيني وعافت اخته وراحت اجتي وراهه علياء وجرته من شعره واتكافشت وياهه
عليا:- ولج تردين اتفضحينا منهو هذا ونزعت مداسه وشبعته ضرب
ايناس دفعت علياء وهم جابت المداس وشمرته على اخته وشردت ضلت علياء بالهول تعد واصف لأيناس الي دخلت للغرفه وسدت الباب وتضحك  مكيفه لان حركت دم اخته ..
نجلاء جانت بالغرفه :- حرام عليج ايناس تتمضحكين واختج محروك دمه عليج
ايناس: - هييي انت خيطي اجرود وماعليج بيه فاهمه ....
سكتت نجلاء
..... .....
ثاني يوم هم احترك دم علياء من اجه اله انور وهم عرض عليه عرضه المزعج كالعاده. يريد يزوجه من غير علم  اهله  وهي دوم ترفض لانه ايصير ابن صديق ابوهه الي كومه ساعده  ابو انور انسان صالح وحباب بس ابنه عينه زايغه ..  رغم هو مزوج ورجال عد بنات واولاد

هالمرة اتعاركت وياه وطردته وهو توعد اله وراح .....
رجعت علياء صارله كومه ما شايفه جاره وهسه شافته باب بيته دا يلبخ بالحايط مالته لان مفطور شافه هو سوة نفسه ما شايفه
علياء السلام عليكم ودخلت كالت هذا الجار ليش يكرهني انه شنو سويت اله ..
ماتدري بس يتحلم بيه وخاف  نظراته اتفضحه وحتى يجنب املاقاته .........