رواية بائعة الخضروات الفصل الثالث عشر 13 - بقلم زهراء العراقيه

كل يوم علياء اتنام جوة بالحر حتى لا تسمع اصواتهم ..
...............
طلعت علياء للسوك بس الغريبه ياهي من النسواين اتشوفه وادير وجه محد يحجي وياه واذا سلمت هي عليهن   يردن بثكل ...
ماتدري شنو الي يصير بالظبط ومادارت بال كعدت اتبيع اجاهه ولد جاي ويه امه وامه واكفت على الكصاب
الولد:- خاله انطينا خضره
علياء:- بعيني
ام الولد صاحت:-ولك تعال
راح ابنه يركض  اله
:- لا تشتري من هيج اشكولات واخذت ابنه ومشت علياء ضلت صافنه  ....
رجعت للبيت بطريقه كالت خل اروح اسلم على ام هادي
دخلته يمه ورحبت بيه بس ام هادي مو على بعضه
علياء:' خاله شنهو مريضه .
:- لا يخاله موش مريضه
:- اشبيج لعد حسبه اجيبج وحسبه اتوديج
:- استغفر الله ابنيتي اني عادتج مثل بناتي اريد اكلج شغله بس حتى اتحرصين انه اعرفج انت شنهي وتربيتي بس هاي الناس  ماتحرم ..
:- شنهو خاله رعبتيني
....
طلعت علياء من بيت ام هادي صايله وجايله ركضت لبيت ام نصير وعاطت واتعاركت وياهم طبعا نصير ماكو مختفي بعد الي سواه ...
رجعت لبيته فحطانه ... شافت كريم راجع من شغله جان صار اكباله ..   ..
ضلت اتباوع اله واعيونه دمعن
وهو دخل لبيته وعافه ...
دخلت لبيته طالعه روحه ..
....
جانت كاعده ويه خواته يباوعن فلم عربي قديم وهنه اصلا تلفزيونهن اسود وابيض ... 
اندكت الباب
راحت علياء تفتح لان الوقت ليل
علياء:- منهووو
:-اني اني
عرفته من صوته
:- يااا ابو ايلاف وفتحت الباب بس ضلت هي وره الباب
:- اشلونج علياء
:- الحمدلله خير خويه اشجابك
انور:- والله اجيت اطمن عليج بعد ماعرفت بالعركه ويه ام نصير خير علياء شنو هذا الكلام الي طاش
:- والله ناس ماعده ذمه ولا ضمير
:- يا بت الناس طاوعيني خل اخذج ونستر بيت وفنه الي يجيب طاريج بعد
:- والله ياخويه انه ماخرب ابيوت عمرانه لخاطر مصلحتي
:- مراح ينخرب اي بيت اني رجال مقتدر واكدر افتح.بيتين
:-وهذا الحجي الي طلع الج لان مالج ضهر
:- وانت ليش واثق اجوز صدك هذا الحجي وباجر عكبه اتعيرني
:- مع الاسف عليج والله اني اعرفج واعرف اصلج وفصلج الي تعوفني وترفضني واني الي مقتدر وما يهزهه اكبر شارب .. ما تسوي الحرام لو على موته وهذا العبد نصير مستحيل اتغلطين وياه ....
:-فكري يابت الناس لا بالسر ولا بالخفى رايدج كدام امه محمد .. 
سكتت علياء وهو راح ......
ضلت اتفكر واتفكر .. محد راح يقبل بيه وياخذه كما هي خصوصا بعد ما طلعت هاي الاشاعه وانفصاله عن كريم غير انور يعني هاي يمكن  اخر فرصه مرتبه اله بس هو مزوج اوف بس الله محلل اله اربعه عادي هي مراح تاخذه من بيته  بس وكريم اشلون  تكدر اتعاشر واحد ما تحبه وتحب غيره وحتى اكبر منه رجال بالاربعين يريد يدخل مو مثله هي شابه توه 26 اتريد واحد مثل كريم بس اله اوف هسه هاي الافكار طايح حظه ماتفيده اهم شي اسكت الناس بزواجه لخاطر سمعت خواته لا تتأذى . الصبح كعدت كالت لمرسال انور كله علياء موافقه ..  وراح المرسال يركض بشر انور .. .
العصر وكلت دجاجاته  وكعدت بالحديقه تتفرج على الكتاكيت
اندكت الباب ركض وحيد فتحه طلعت ام ايلاف . 
السلام عليكم
علياء:- وعليكم السلام هلا ام ايلاف
جانت تعبانه ومكسورة دخلته علياء لجوة
اول مادخلت نزلت ام ايلاف على ايد علياء .
ورادت اتبوسه !!!!!
:- احب على ايدج علياء
وخرت ايده ابسرعه وكومت المرة
علياء:استغفرالله ام ايلاف شجرالج يخيه
:- الله يخليج اني عندي جهال لا تخربين بيتي
:-  اني ما داخله هجامه ياعيني سمي بالرحمان
:- ومراح اخذه منج بس اريد استر على نفسي من الفضايح والله مراح اضرج بشي
:- انت مرة مثلي علياء هذا رجل اصباي وحب حياتي ترضين احد يشاركج بحب حياتج ورجلج !!!
صفنت علياء واذكرت كريم من اخذ بيده صبا وصعده بسيارة بيوم الزفه....
.....
رجع انور للبيت عصبي وضرب مرته
من عرف هي رايحه لبيت علياء من امه .. ومن علياء ردت خبر بيد احد خواته هي صرفت نظر عن الموضوع اجه كتل مرته وطلع يشرب ... 
الساعه ب2 باالليل راح انور وكف اكبال بيت علياء وضل  يصيح وهو سكران بعلو صوته فضحه فضيحه
:- علياااااااااء اطلعي وللللللج علياء اني اريدج علياااااااء
علياء احبج والله
ياحلوووة الديره اطلعي
كعد كريم كوة لازم نفسه
صبا:- اوف من هاي ام الزلم انوب كامو يجون سكارة عليه هاي القح....
سكت كريم وطفر راد يطلع من البيت وصبا واكفه بطريقه ماتخليه
اهنا جانت علياء حاظنه خواته وتبجي اتخاف لا صدك انور يكسر الباب ويطب عليه لان جان يهدد ويصيح وصارت ابيومه فضيحه اشكبره لعلياء ثاني يوم.
التمن نسوان المنطقه ودكن الباب على علياء بس فتحته شبعنه كتل
ايناس شافت اخته تندك راحت تركض جابت صونده يابسه وطاحت دك.كتل بالنسوان حتى يوخرن عن اخته و خواته البقيه يبجن لا قوة ولا حول الهن .. وخرن النسوان  عن علياءواندارن على ايناس وشبعت كتل ويه علياء ..  على انهن مو خوش بنات وكتلهنن بلكت يعوفن المنطقه . اجت ام هادي كوة وخرتهن وطردتهن بره .. وطلعت تركض لابو انور  تشكيله اشصار بالبنيه بسبب ابنه ...

ام انور:- ماهو طلع لديالى عنده شغل ولازمه الباب حتى لا تدخل ام هادي
رغم ابو انور كاعد بالبيت جان ...

ام هادي:- ها ما موجوده ابو انور خوش انه رايحه
ارتاحت ام انور...
ورجعت ام هادي دفعت الباب وطبت بالغصب بنص البيت اصيح لابو انور
ام هادي:- ابو انور تعااال ترضيه هيج يصير ببت المرحوم ترضاهه على بناتك

دخل ابو انور وعلى وجه الاستغراب
طلع الرجال كلشي مايدري مرته ضامه السالفه عليه لا يزوج علياء لانور  ....
راح خطيه لبيت علياء الي كاعده تبجي وايناس لمت ملابسه ورادت تطلع
علياء:- وين وين هي وتبجي تحجي جانت متكسره من الدك
ايناس :- رايحه لبيت رجلي
:- شنهو
:- اني عقدت على نديم
؛:- منو نديم ولج شنو اتكولين .
:- حتى لا اريد عرس ولا هم بس اخلص منكم رايحه اله برجليه وخلت وطلعت ايناس من البيت .. 
..وره اشويه اجه ابو انور هو وام هادي من شافه اتخبل الرجال واصر تطلع منا وياخذه هي وخواته وفعلا اخذه لاحد بيوته الفارغه بغيرمنطقه
قبل لا تروح وياه لمت ملابسه وطلعت صعدن بكيه كلهن هي صعدت بالاخير وضلت اتباوع لخلفه شافت كريم طلع يباوع اله وهي اتروح كانه يودعه .........
جان البيت ما ماثث ومهجور وموحش كعدت  علياء وخواته التمن حواليه واحتظنتهن بديه وصارت مثل الخيمه الهن ووحيد كاعد بحظنه ...
.. بالليل اجه ابو انور محمل الهن مسواك وغراض الهن ...
ثاني  يوم جمع عائلته على الغده حتى يفتح موضوع وياهم
ومهد وكله عرفت يريد يزوج علياء ويستر عليه بعد الي صار والي سببه ابنه اله ويرد اعتباره .
ام انور رادت تطلم على حظه ابنه الجبير ياخذ هاي ام الخضره اشلون اتراويه وجه بعد  لجاراته..
ام ايلاف مرت انور اختنكت بعد ماتكدر تتنفس وهي اشوف رجله راح ياخذ الي يريده طول عمره ...
يحيى كل همه بصديقه كريم اشلون اخوه راح ياخذ خطيبته السابقه...
ابو انور باوع لابن بته شاب اسمه ياسر
ابو انور:- ام ياسر (بنته) مو تردين ازوجين ياسر اخذي الي وحده من بنات ابو علياء خوش بنات وكبرن واريد ازوجهن ..  واني اعرف صديق يدور لابنه مرة هم راح ادليه بيهن ..  وتبقى علياء .  وباوع لانور بأسى واستصغار على الي سواه
ام ايلاف طلعت دمعته بعد وعرفت راح يخطبه اله .......

دار وجه عن انور الاب وباوع ليحيى وكال :- اريد ازوجه ليحيى !!!!!!!!!!!!!!!!!!!!!

يحيى