رواية بدون سابق معرفه الفصل العاشر 10 - بقلم دانيا

رواية بدون سابق معرفه

الفصل العاشر10

بقلم دانيا

جرينا على السُلم ونزلنا بخطوات مسرعه ، بورانا من الباب قفل عرفوا دا فخ بقوا يحاولوا يفتحو في الباب سمعوا صوت خافت بنادي من جوا واحد مشى على مكان الصوت والتاني لسه بحاول يفتح الباب ،، دخل الغرفه لقى جون واقع في الأرض قعد جنبو وبقى يتفقد النبض ويسألو " Are you alright, sir? " م رد عليهو نادى الحارس التاني واتصلوا للإسعاف كان في نسخه للمفتاح في التربيزه شالوها فتحو الباب .

نزلنا تحت كانت الدنيا ليل قلت ل سماهر اها نعمل شنو هسي ؟ قالت لي كدي اول حاجه خلينا مكملين في الجري لمن نبعد من هنا اثناء ما جاريين الناس الفي الشارع بعاينو لينا بإستغراب بعد قطعنا مسافة من المكان الكنا فيهو قلت ليها دي شنو الشنطه الدخلتي جبتيها من جوا قبل نطلع دي مع الخوف والخلعه نسيت اسألك ، قالت لي جبت ملابس وقروش نططت عيوني بقيت بعاين ليها جينا بمكان عامل زي الحديقه قلت ليها تعالي نخش هنا نرتاح شويه دخلنا قعدنا ونحن من تعب الجري ياداب بنحاول نلقط انفاسنا بصعوبه ،، قالت لي انا جبت الملابس من شنطتي كانت مختوته في نفس الغرفه الكنت فيها جبتهم لأنو بكونو حفظونا بالملابس اللابسنها دي خلينا نغيرها والقروش شلتهم من غرفة المختل العقلي " جون " .

قومي خلينا نمشي قبل يلقونا قلت ليها مفتحه انتي ، وابتسمت قلت ليها والله يا سماهر م بتزكر آخر مره ابتسمت وا شفت لي زول مبتسم متين ،، مسكت يدي وقالت لي بإذن الله كلو بهون وانا لسه م سألتك طلعتي منهم كيف لكن دا م وقتو ... قمنا من مكانا قلت ليها المكان دا بكون فيهو حمامات مشينا ل جوا على المبنى التابع للمنتزه دخلنا ومافي زول اشتغل بينا الناس كانو كتار ، مشينا الحمامات طلعت الملابس من الشنطه قلت ليها : اصفر يا سماهر قالت لي والله مع اللخمه خمشتهم بس وجيت قلت ليها بشيل الحرجلي انا وشلت معاهو طرحه دخلنا غيرنا ملابسنا وطلعنا سريع واول ما جينا جنب الباب كان في عربيه وقفت قدام المكان ونزلوا منها ناس بشبهو حراس جون لكن ديل كتار ،، بقيت اعاين ليهم بصعوبه بلعت ريقي عاينت ل سماهر قلت ليها الحل شنو لقيتها هي كمان كانت بتعاين ليهم بنظرات كلها خوف.

محمد قاعد بتصفح بتلفونو وعزام كذلك طوالي قال ل محمد شوف الساعه بقت تسعه وحاجه زولك دا م جاء وم اتصل كدي ارجع ليهو قال ليهو طيب ،، محمد اتصل ل معاذ رد بعد كم جرس قال ليهو آسف يا محمد والله م قدرت ارد ليك لأنو حالياً مع الحاجه في المستشفى ، محمد قال ليهو يازول كفارة ليها مالها ؟ قال ليهو والله ياهو السكري ارتفع وكدا لكن هسي الحمد لله احسن شويه ،، محمد قال ليهو عليها العافيه خلاص انا شوية وبكون عندك ونهى المكالمه على كدا ... قال ل عزام الزول دا قال ودى امو المستشفى سكريها ارتفع انا ح امشي عليهو وانت امشي البيت عشان م يقلقوا عليك وحاول تطمنهم الله يطمنك ومشى منو على كدا.

قلت ل سماهر الخوف م بجيب حل بالعكس بخليهم يشكو فينا ، الناس ديل قبل كدا شافونا ؟ لا صاح عشان كدا شفتي الطرح العندنا دي تعالي نتكمكم بيها ونطلع من هنا ونمشي مشية بكل ثقه عشان م يشكوا فينا ،، هزت براسها بإيجاب لفحنا الطرح في وجوهنا وطلعنا بالباب وكانوا هم واقفين قدامنا بالضبط مسكتها من ايدها قلت ليها اوعك تتلفتي عليهم او تعاين فيهم خليكي ماشيه وكأنك م شايفاهم قزت راسها نظام تمام ،، جينا بجنبهم عاملين نفسنا م شايفنهم واول ما مشينا منهم كم خطوة سمعنا صوت قال " Please stop." انا هنا حسيت الدم جمد في عروقي مسكت يد سماهر شديد عاينت ليها لقيتها بتعاين لي بخلعه ،، قلت ليها م تتوتري .

وقفنا لمن كرر لينا نفس الكلام بقينا واقفين وسامعين صوت اقدامو جاي علينا بس م اتلفتنا لمن جاء وقف قدامنا ،، زول ضخم ولابس اسود في اسود وقاطع نص وعندو مسدس انا قلت خلاص اقل حركه غلط ح نترفع من هنا جنايز استر يارب ،، سري بقيت بردد " حسبنا الله ونعم الوكيل " احفظنا يارب ... اول ما وقف قدامنا مد لينا تلفون قال لينا " Did you see the two girls in the picture? " عاينت للصورة لقيت ديل نحن شكلها الصورة دي لقطوها من فيديو كاميرات المراقبه الفي المبنى عاينت للصورة وبكل هدوء قلت ليهو " No " طوالي مشى مننا ونحن اختفينا من المكان بلمح البصر.

اشر للناس المعاهو نظام فتشو كل المكان بعد شوية جاهو واحد وكان شايل الملابس ملابسنا الغيرناها جوا نحن ختيناها في الغمامه ،، قال ليهو "He said, "Sir, I found these clo" سيدي وجدت هذه الملابس ، طوالي اول ما شافهم اتزكرنا لمن كنا قدامو ،، ضرب رجلو في الأرض وقال " cursed" اللعنه وطوالي ركبوا العربيه ودورو ،، نحن اول ما مشينا منهم فكينا الجريه بعد بعدنا شويه سماهر قالت لي بنبره كلها خوف ح يقبضونا ياريان ،، قلت ليها خلينا نطلع من المنطقه دي ونمشي منطقه تانيه مشينا مكان فيهو باصات كتيرة واقفه ركبنا اول باص لقينا في وشنا وسرعان ما اتحرك ونحن م عارفين نفسنا ماشين وين جاء بتاع الحسابات قال ادفعو م بعرف كم يورو سماهر طلعت ليهو القروش وبعد تقريباً بكون نص ساعه الباص وقف والناس بدأت تنزل قلت ل سماهر ورح ننزل نزلنا رغم الدنيا ليل بس الشوارع مضويه والناس منتشره وقفت زول ماشي في الشارع قلت ليهو وين شركة الإتصالات؟ م فهمني وبقى يعاين لي بطريقه غريبه ، تاني كررت ليهو السؤال قلت ليهو "Where is the telecom company? وصف لي ومشينا على الوصف .

وصلنا دخلنا عاوزين نشتري خط قالوا عاوزين اثبات شخصيه طلعنا منهم ، مشينا مكان التلفونات قلت ليهم "I want a phone" اشترينا تلفون ومشينا سماهر قالت لي تلفون من غير شريحه فائدتو شنو؟ قلت ليها اصبري م كل شيء بجي بالشريحه مشينا قدام قلت ليها بالواي فاي بشتغل ... قالت لي نلقى واي فاي وين يابت ؟ بقيت اعاين حوالينا شفت لي كافي قلت ليها ورح مشينا عليها دخلنا قعدنا جانا واحد قال لينا اهلا وسهلا فيكم طلبكم ايه؟ بقينا دي بتعاين ل دي عاينت ليهو قلت ليهو انت مصري؟ قال لي ايوه مصري وانتوا؟ قلت ليهو من السودان ،، قال لينا احلى ناس ، قلت ليهو هات لينا

الفصل الحادي عشر من هنا