رواية بدون سابق معرفه
الفصل التاسع9
بقلم دانيا
محمد عاين ل عزام وقال ليهو دقيقه انا ح اصور الجوازات وارسلها ل معاذ عشان يحدد لينا على اي بلد سافروا ؛؛ مسك تلفونو صورهم ورسلهم ل معاذ لقاهو م منشط اتصل ليهو خشى كم جرس بس م رد لمن المكالمه فصلت ... تاني رجع ليهو م رد ، قال ل عزام ننتظر شويه يمكن يرجع لي لو لقى المكالمات عزام قال ليهو طيب ،، وكل واحد شرد في افكارو وبعد شرود زهني لعدة دقائق عزام عاين ل محمد وقال ليهو " انت عارف اختي ريان دي كنت دائماً بتشاجر معاها ولمن اخر شيء قلت ليها سافري عشان تريحينا " دنقر راسو من بعد الجمله دي وعينو اتملت دموع قال ل محمد لو م لقيناها م بسامح نفسي ،، محمد ختى يدو على كتف عزام وقال ليهو خلي املك في الله كبير وبإذن الله ح نلقاهم ويكونو بخير .
انا بقيت واقفه في مكان وبتلفت حوالي عاوزة القى لي حاجه اخبطو بيها ادافع عن نفسي م لقيت ،، فحأة لقيتو قدامي ومسكني من يدي وسحبني ل جوا بقيت احاول افك يدي منو وبقول ليهو فكني وبحاول اسحب يدي منو مشى بي على باب كان قافل فتحو وسحبني ل جوا وقبل يدخل اثناء ما هو واقف في حاجه ضربتو في راسو عاينت بخلعه شفت سماهر واقفه وراهو وكانت شايله تربيزه صغيرة في يدها والراجل طوالي وقع من دون اي حس ،، عاينت ليها بدهشه كبيرة .
قالت لي يلا اطلعي جيت عاوزة اطلع الراجل كان واقع جنب الباب مسكني من رجلي لمن اتهجمت وقفت عاينت ليهو بخلعه ،، طوالي سماهر تاني صربتو بالتربيزه والمره دي فقد الوعي وفجأة اصبح غرقان في دمو بقيت ارجف قلت ليها قتلتي يابت قالت لي يلا لازم نطلع بسرعه من هنا قلت ليها كيف؟ في حراس برا يابت سكتت وتاني قالت لي م عارفه والله ح نطلع كيف .... قلت ليها عندي فكره مسكتها من يدها وقلت ليها تعالي مشينا قلت ليها ح نقيف جنب الباب وح اصرخ واول ما الحراس يسمعوا صوتنا ويفتحو الباب نحن ح نكون ورا الباب وح نطلع سريع ونقفل عليهم ومسافة يطلعو ح نكون مشينا بعيد .
وقفنا جنب الباب وصرخت صرخه واحده بصوت عالي وبعد شوية الباب فتح وادسينا ورا الباب اول ما مشو كم خطوه ل جوا طلعنا نحن وشلنا معانا المفتاح وقفلنا فيهم الباب من برا وجرينا جري م حاولنا ننزل بالمصعد طوالي مشينا بالسلم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!