رواية بدون سابق معرفه الفصل الحادي عشر 11 - بقلم دانيا

رواية بدون سابق معرفه

الفصل الحادي عشر11

بقلم دانيا

قلت ليهو هات لينا وجبه لزيزة وتكون حلال على المسلمين قال لي اه طبعاً انا فاهم يابت النيل ومشى من قدامنا ،، سماهر قالت لي واخيراً لقينا زول بفهم بالعربي اثناء ما بنتكلم جانا راجع شايل اطباق الطعام ختاهم لينا في الطاوله وقال لينا صحه وعوافي على البكم وبكل ابتسامه ووش بشوش قال لينا عاوزين حاجه تانيه؟ انتوا الليله ضيوفي لأنكو جداد في المنطقه ،، قلت ليهو شكراً اشر بيدو للجرسون جاب لينا عصير قال لينا عاوزين حاجه تاني ؟ قلت ليهو ممكن سؤال المكان دا فيهو شبكة واي فاي؟ عاين لي وبقى يفكر قال لي مش معاكي خط مش مشكله انا عندي واحد مش شغال بيه طلع الجزلان حقو وطلع لي منو شريحه قلت ليهو لا انا عاوزة بس اوصل واي فاي مسافة نأكل وبعدين نمشي مش عاوزة خط ،، قال لي خليها معاكي يا فندم م تتكسفيش بعد اصرار شلتها منو دخلتها في التلفون وفتحت صفحتي حقت الفيس في التلفون .

محمد جاء راجع البيت الساعه 11 م عمتي قالت ليهو وينك ياولدي انا قعدت مستنياك من قبيل ااي صاح موضوع البنات مهم وكلنا قالقنا وقاعدين على اعصابنا لكن ياولدي حاول ارتاح انت من تصحى الصباح بتطلع على امل إنك تلقى شيء يوصل ليهم وم بترجع إلا منتصف الليل انا بالجد خايفه عليك شوف نفسك بقيت كيف ،، محمد كان واقف وبسمع في كلام امو وهو منهك من التعب لمن وشو شحب ... جاء قعد جنبها ومسك ايدها قال ليها م تخافي ياامي بإذن الله قريباً كل الأمور ح تبقى تمام وبعد ترجع ريان سالمه تاني لو عاوزاني انوم شهر في البيت بدون ما اطلع حاضر انا تحت امرك لكن حالياً افهميني انا م بقدر ارتاح في القعاد في البيت بالعكس كدا بتعب زياده انا الموضوع دا لو م اتحل م بقدر ارتاح وعن إذنك انا بكره مسافر ياامي معاذ قدر يحدد هم سافرو على ياتو دوله وانا بكره ح اسافر.

قالت ليهو لكن ياولدي ليه تسافر انت ما ممكن يفتحو بلاغ بس هناك ويحاولو يبحثو عنهم ويرجعوهم والشرطه تمسك المرأ ،، قال ليها لا ياامي وقف على حيلو وقال ليها الموضوع م بالبساطه دي المرأ دي مجرمه ممكن تأذي البنات ونحن شاكيين إنو م براها المرأ دي وراها ناس كبار محتالين عشان كدا م بنقدر نخاطر ،، قالت ليهو عاد يا ولدي ح نخاطر بيك انت لا ياولدي م ح اخليك تسافر ، اتلفت عليها وقال ليها معليش ياامي بس الموضوع اتحسم ومشى منها على غرفتو ،، اثناء ما هو ماشي جاء ماري بغرفة علياء سمعها بتتكلم يا حليلك يا ريان ربنا يحفظك ويرجعك لينا بالسلامه كانت ماسكه تلفونها وبتتفرج على الصور حقتنا يوم الحفله ... محمد جاء دق ليها الباب مسحت دموعها وقالت اتفضل جاء خاشي قعد جنبها وشال منها التلفون بقى يتفرج على الصور ، عاينت ليها وقال ليها م تشيل هم قربنا وإن شاء الله ريان عن قريب ح تكون معاكي ،، عاينت ليهو وبتسمت إبتسامه كلها امل وعيون مليانه دموع قالت ليهو بالجد؟ قال ليها طبعاً وانا يوم كذبت عليكي هزت راسها بنفسي ومسحت دموعها وقالت ليهو إن شاء الله ترجع لينا ح امشي اقعد معاهم شهر في بيتهم ،، بقى يضحك قال ليها إن شاء الله وطلع مشى غرفتو .

انا فتحت الفيس الساعه كانت 12 قلت إن شاء الله القى لي زول منشط منهم ، فتحت الدردشه بيني وين عزام لقيتو م منشط رسلت ليهو سلام وقلت ليهو طمئن ابوي وامي وروان إني كويسة ونحن حالياً في المكسيك م بعرف نرجع من هنا كيف لكن اطمئنو المرأ الكذابة ديك قدرنا نهرب منها وإن شاء الله ح نكون بخير وح نجتمع ،، طلعت من الدردشه دخلت في الدردشه بيني وبين محمد لقيتو كان نشط قبل ساعه قلت ياالله على حظي رسلت ليهو كان م منشط ،، سألت المصري قلت ليهو المنطقه دي إسمها ايه ؟ قال لي دي مدينة " تيخوانا " على الحدود الأمريكيه قلت ليهو تمام ، رسلت كل التفاصيل ل محمد وقفلت الشبكه على كدا عاينت ل سماهر قلت ليها هاك ادخلي طمئني امك وزوج امك عنك مديت ليها التلفون هزت راسها وقالت لي لا انا حاسه إنو عمي دا فيهو حاجه غلط قلت ليها كيف يعني ؟ .

قالت لي لأنو اول مرة يتحمس لي لحاجه انا عاوزة اعملها وم عارفه حاساهو ليهو ايد في الموضوع عشان كدا انا بشوف يقضل م يعرف مكانا الزول دا نبهي عزام على الحاجه دي ،، قلت ليها طيب فتحت الشبكه تاني لقيت محمد نشط وطوالي اتصل لي مكالمه في الماسنجر رديت عليهو وقلت ل سماهر ح اطلع اتكلم برا تمام قالت لي تمام .... طلعت برا بتكلم معاهو قال لي الو ريان وسكت مسافه وبعدين قالها بصوت مخنوق والله م مصدق م بتعرفي خفنا عليكم قدر شنو انتوا كويسين؟ المرأ الحيوانه دي إن شاء الله م اذتكم ،، قلت ليهو روق نحن بخير طمني عن الكل هناك عليك الله قال لي كيف ح يكونو يا ريان لكن بعدا ح يبقو كويسين انا بكره مسافر ح اجيكم م تخافو قلت ليهو لا ي محمد تجي وين هو نحن عاوزين طريقه نطلع بيها من هنا انت تجي لا م تجي ،، قال لي احكي لي الحصل معاكم بالتفصيل ياريان بديت احكي ليهو جاتني سماهر جاريه برا لمن عاينت ليها لمن اتخلعت وقلبي عمل شح قلت ليها مالك يابت في شنو؟ قالت لي المصري ود الحيوان باعنا ل " جون " هنا حسيت جسمي كله هبط قلت ليها كيف يعني المصري بعرف جون من وين يابت؟ قالت لي خلينا نمشي بعدين بحكي ليكي ومحمد على الخط سمع كل الكلام قفلت الخط وفينا الجريه والمصري طلع ورانا كان جاري قلت ليها الله يلعنو من وين طلع لينا دا كمان .

قالت لي انا آسفه انا الحكيت ليهو بموضوع جون انا حسيتو زول طيوب ومحل ثقه بس للأسف الشديد ،، قلت ليها انتي يايت هبله كيف بتحكي موضوع زي دا لشخص " بدون سابق معرفه " ؟ بتثقي في اي زول انتي قالت لي اسفه بس كان باين عليهو طيب جينا بي ممر ضيق بين المباني قلت ليها اقيفي لحظه طلعت الشريحه جدعتها وبعدها كملنا جري ،، ركبنا اقرب عربية اجرى وم عارفين نمشي وين قلت ليها الزول دا لو بلغ علينا الشرطه ح نتقبض وح يعتبرونا إرهابيات لأنو م معانا إثباتات شخصيه ودي اخطر من جون ومن حاجه حواء وولدها والزول الإسمو كريس زاتو يابت الله يستر ،، قالت لي م اظن يبلغوا لو عاوزين يبلغوا الجهات الرسميه كان زمان اتقبضنا لكن هم يمكن عشان

الفصل الثاني عشر من هنا