رواية بدون سابق معرفه الفصل الثالث عشر 13 - بقلم دانيا

رواية بدون سابق معرفه

الفصل الثالث عشر13

بقلم دانيا

بعد خدمة الغرف جات واخدوا الشخص السكران من قدام الغرفه واعتذرو رجعت قفلت الباب بالمفتاح من جوا وجيت قعدت في السرير ،، سماهر قالت لي والله البلد دي كابوس خلاص من جيناها مشتهيه انوم نومة واحده كدا للصباح بس للأسف كله مغامرات وكوابيس ... عاينت ليها واتزكرت قلت ليها صحي انا م سألتك امورك كيف تمام والزفت جون إن شاء الله ما حاول يضايقك ول كدا ، عاينت لي بإستغراب قالت لي اتخيلي تجي مبيوعه ح يحصل فيكي شنو ؟ لكن انا سماهر انتي م بتعرفيني ول شنو ،، انا من وعيت فتحت عيوني لقيت نفسي في غرفه براي اتهجمت والحاجه الصدمتني اكتر لمن لقيت زول قاعد في الكرسي في الغرفه جنب الباب ومنتظرني اصحى .

اول ما قمت مخلوعه وشفت الزولوقفت على حيلي بقت اعورك فيهو انت منو ، انت منو ؟ وبي عربيهو المكسر كدا بقى يحاول يهدي فيني واثناء ما انا واقفه كان داير يجي علي اتلفت شفت اقرب حل لي الشباك جريت على الشباك وقلت ليهو اوعك تقرب ح ارمي نفسي بهناك ،، هنا هو بقى يرجف وبعد تحنيس منو إنو اهدأ وم ح يقرب مني قلت ليهو وين اطلع برا ، اطلع برا بنهره كدا وصوت عالي طوالي طلع برا ...بعد شويه نزلت من الشباك وقفلت الباب من جوا وبقيت اسأل في نفسي الجابني هنا شنو ووين ريان وبعدها ياهو كان حاولت اهرب ،، اها انتي حصل معاكي شنو؟ انا ياسماهر كل الحصل معاي دمرت جنون العجوز الساحره الشيطانه دي وخليتها مغمى عليها وهربت وخدامتها هي الساعدتني في الأخير يلا نصلي الصبح .

محمد الو يا عزام انا طلعت وين انت ، عزام قال ليهو جاي عليك محمد وصل مطار بورتسودان وقابل معاذ هناك قال ليهو ح تسافر عبر الإمارات وقعد يتكلم معاهو ويوصي فيهو لمن عزام جاء سلم عليهم وقعد معاهم حبه معاذ قال يلا يا جماعه انا عندي شغل ،، يا محمد لو احتجت لي بينا تلفون قال ليهو تمام عزام قال ليهو انا يا محمد م عارف اقول ليك شنو لكن احتمال اجدد الجواز واحصلكم هنا لأنو بالي دا م مرتاح ... محمد قال ليهو لا عزام اطمئن وم تشيل هم شيء بإذن الله محلوله بس انت حالياً سند الأسره هنا لو انا سافرت وانت سافرت ح نخلي الأسرة هنا مع منو صاح ابوي قاعد وخالي محمد قاعد بس كمان ح يحتاجوا لينا لأنو نحن ايدهم اليمين ،، عزام قال ليهو تمام يااخوي كلامك عين العقل مد ليهو الجوازات وقال ليهو حولت ليك حاجه بسيطه في حسابك ولا كلمه ... محمد قال ليهو حرام عليك والله يااخوي ليه بتعمل كدا ، عزام قال ليهو ياخوة ما قلنا ولا كلمه وودعوا ودور مشى .

بعد صلينا فتحت الشبكه لقيت رسائل من محمد قريتهم وبقيت بتبسم سماهر قالت لي الوجه نور في جديد ولشنو وبقت تضحك ،، قلت ليها محمد في الطريق جاي علينا قالت لي ياسلام والله محمد دا ارجل راجل عاينت ليها ورفعت حاجبي قلت ليها روشه شديد انتي يابت وبقينا نضحك قالت لي عديها انتي ضروري تدققي في اي شيء ،، قلت ليها خلاص عديناها دا بتاع البيت دا مرسل لي خلينا نشوف الحاصل شنو عشان نطلع من هنا بسرعه قبل تجينا كارثه تانيه كمان ،، اتواصلت مع الزول بتاع الإيجار وشلنا حاجاتنا ونزلنا تحت شربنا الشاي وطلعنا قلت ل سماهر خلينا نمشي نقابلو في غير مكان طلعنا من الفندق ونحن متكمكمين بطرحنا قلت ل سماهر ورح الصيدليه ديك نشتري كمامات.

بهناك مؤمن كان قاعد في المستشفى مع امو الكانت لسه م صحت الدكتور قال ليهو خلال 24 ساعه لو م صحت ح تخش في غيبوبه ،، اتملى غضب ومسك تلفونو واتصل ل جون قال ليهو وين انت رجالك ديل شغالين شنو دي بلدكم انتوا والبنات ديل جدد فيها اول مرة يزوروها كيف م لقوهم لحد الآن وظف ناس غيرهم او اعمل اي شيء .... قال ليهو ما تشغل بالك ح نلقاهم قال ليهو ح اتصل ب كريس وهو يتصرف بعدا ،، طلع منو اتصل ل "كريس" اتكلم معاهو وبعد انهى المكالمه " كريس" اجرى كم مكالمه وفجأة بقى في كل منطقه في ناس شايله صورنا في تلفوناتها وبفتشوا فينا ،، في منطقة " تيخوانا " الجينا منها كان في كم واحد بفتشوا فينا لأنو المصري داك كلمهم عننا وصلوا لنفس المكان الفيهو المصري وسألوهو كم سؤال وبعدها مشوا منو .

على حظهم صادفوا بتاع العربيه الطلعنا فيها واحد منهم مد ليهو التلفون وراهو الصور ،، وبعد حديث دار بيناتهم ركبوا عربيتهم ودورو بسرعه كبيرة بعد نص ساعه وصلوا لنفس الفندق الكنا فيهو .

مشنا اتلاقينا بالزول وركبنا معاهو العربيه كان عمك كبير في العمر لا نحيف ولا سمين خاتي طاقيه في راسو طقم الجاكيت الكان لابسو ،، برضو كان بحكي عربي بس عربيهو مكسر مشينا بطريق فيهو بيوت بس البيوت م كثيفه زي جوا المدينه والطبيعه فيهو شيء تاني بعد ربع ساعه وصلنا البيت كان في منطقه خضراء تحفها الأشجار وفي جيران لكن بعاد بعاد والبيت صغير بسيط بس حلو شديد القينا نظرة على البيت وورانا السعر دفعنا الإجار بس م فضل معانا قروش كتير ودي المصيبه الاكبر ... عمك مشى ونحن دخلنا بقينا نتفرج على البيت سماهر قالت لي الناس ديل لو م عمايلهم دي بيوتهم حلوة شديد وبلدهم احلى بس هم تحسهم شايلين صفة الإفتراس من الحيوانات ،، قلت ليها م كلهم عمك دا باين عليهو طيب ، عاينت لي بإستغراب قالت لي انتي لسه عندك نيه تثقي في زول والله انتي على نياتك وقامت مشت على المطبخ ،، قلت ليها يازولة نحن بنعمل العلينا بنخت الظن الحسن في الناس والباقي ربك كريم شوفي رغم خباثتهم الله طلعنا منهم كيف دي براها نعمة نشكر الله عليها .

سكتت مسافه وقالت لي خلينا نشوف في شنو للفطور قلت ليها البيت يمكن م كان مسكون قبل كدا من وين ح يجي الطعام يابت ؟ وحتى لو في العرفنا شنو انو حق مسلمين بتاكلي ساي انتي غلطتنا م جبنا معانا حاجات ونحن جايين ، وزاتو القروش تلحق لشنو وتخلي شنو احترنا والله ،، قمنا طلعنا برا البيت فيهو جنينه صغيرة كدا مشينا عليها كان مزروع فيها شجر مثمر من شافتو ضحكت وقالت لي ياسلام والله ربنا كريم ولطيف بعبادو جرت قدامي سمعت صوت بوري عربيه قلت ليها في عربيه في الباب ح ارجع اشوف انا قالت لي تمام ... رجعت لقيتو دا عمك زاتو كان بنزل في اكياس من العربيه جيت

الفصل الرابع عشر من هنا