رواية بدون سابق معرفه الفصل السابع عشر 17 - بقلم دانيا

رواية بدون سابق معرفه

الفصل السابع عشر17

بقلم دانيا

سمعت اصوات ناس عاليه قاعدين يتكلمو بعد شوية شفت الشرطي جاي علي وبوراه عم "جوزيف" عاينت ليهو ياداب حسيت بالأمل لأنو ظهر لي زول بعرفو .. قلت ليهو عم جوزيف كلمهم وريهم إنو انا م لي زنب كلو بسبب عصابة "جون" هم السبب في كل شيء كلمهم خليهم يطلعوني انا لازم امشي المستشفى ل سماهر لازم اكون جنب سماهر ... بتكلم ودموعي شلال ،، عم جوزيف عاين للشرطي واتلفت علي وقال لي "Don't worry" لا تقلقي ، "Everything will be okay" كل شيء سيكون بخير ... قلت ليهو طلعوني من هنا لو سمحتو انا م عملت شيء .

الشرطي نضم مع عم جوزيف تقريباً قال ليهو معاك دقيقتين ومشى مننا ... عم جوزيف جاء وقف قدامي قال لي ماتشيل هم القضيه اصبحت "دوليه" قلت ليهو كيف "دوليه"؟ بقيت بعاين ليهو م فاهمه حاجه ،، قال لي الحكومه " المكسيكيه " ح تتكلم مع الحكومه " السودانيه " لأنو بالنسبه ليهم هنا انتوا تعتبرو "عمله دوليين " كلامو خوفني شديد قلت ليهو بس نحن م عمله نحن وين والمكسيك وين عشان نتجسس عليها وح نستفيد شنو م منطقي كلامهم .

قال لي ما تخافي دي مجرد إجراءات واكيد إذا ما وجدوا عليكم شيء ح تطلعوا بسلام ... قلت ليهو محمد ، محمد بكون وصل ياعمي وانا خليت التلفون في البيت هسي محمد بكون ببحس عننا هو جديد في المنطقه .. انت لازم تتقابل معاهو عشان تفهمو الحاصل وهو اكيد ح يطلعني من هنا م ح يسمح اتسجن ،، عم جوزيف عاين لي وقال لي م بسمحوا لاي شخص يزورك بالسجن .. انا دخلت لأنو انا ضابط سابق بس نزلت تقاعد ،، قلت ليهو انت بس كلم محمد وهو بتصرف انا وصفت ليهو الموقع بس م بعرف إذا عرف الوصف او لا.

قال لي ما تقلقي من شيء انا ح اعمل كل ما بوسعي في القضيه دي لمن تطلعي من السجن ... اثناء ما واقف معاي كان بقول لي ما تخافي وما تغيري اقوالك بسبب الضغط ،، اثبتي على كلمه واحده .. جاء الشرطي اتكلم معاهو طوالي عم جوزيف قال لي انتهى وقت الزيارة ويمكن م يسمحو لي تاني اجي بس ما تخافي من شيء كوني قويه ... من كلامو حسيت بخوف لأنو يمكن ادركت إنو الجاي ما ساهل ،، قام ماشي قلت ليهو ياعم جوزيف سماهر امانه عندك زورها عليك الله ولو قدرت طمني عنها .. اتلفت وقال لي لا تقلقي سماهر بين يدين امينه الحكومه المكسيكيه لن تقصر معها في فترة العلاج.

بهناك محمد قعد للساعه 11 م عم جوزيف م جاء .. قام مشى قال ياربي البت دي مالها م منشطه وانا هسي اعمل شنو ؟ مابعرف لي زول هنا عشان اسألو عنهم غير جوزيف وشكلوا م ح يجي راجع ... بعد محمد مشى عم جوزيف جاء الكافي ،، سألهم قال ليهم في شخص جاء سأل مني ؟ الجرسون قال ليهو جاء شاب سأل من ريان ، وبعدها سأل عنك ،، انتظرك كتير ولكن خرج قبل قليل .. عم جوزيف عرف إنو دا محمد .. قام طلع برا في الشارع م لقاهو .

الصباح اثناء ما انا قاعده في زاويه السجن جات شرطيه فتحت الباب وقالت لي هيا للتحقيق ... عاينت ليها بنظرات امل قلت يمكن بعد التحقيق يطلعوني من هنا واخيراً ،، قمت معاها وبكل حماس طلعت ومشيت معاها .. دخلوني في غرفه فيها طاولة في النص واتنين كرسي اشرت لي على الكرسي نظام اقعدي ... مشيت قعدت بعد ثواني جات واحده تانيه باين عليها اعلى رتبه من دي الجابتني هنا دي لأنها ضربت ليها تحيه وبعدها طلعت وقفلت الباب .

جات كانت لابسه لبس الشرطه وقاطعه نص وعلى كتفها في كم نجمه قلت يمكن دي ضابط كبير ... وقفت عاينت لي لثواني وبعدها قعدت في الكرسي القدامي قالت لي مرحبا : انا المحقق "فيرناندا" عاينت ليها للحظه حسيت بشويه خوف لأنو نظراتها كانت جامده م ارتحت ليها ... قالت لي هيا نبدأ بقيت اعاين ليها بإستغراب قلت دي كيف بتتكلم لغه عربيه فصحى؟ اثناء ما بفكر مع نفسي قاطعتني وقالت " ما إسمك"؟ ايتها " العميله " عاينت ليها بخلعه قلت ليها إسمي "ريان" وانا لست عميله ... بقت تعاين لي جوا عيوني قالت لي لا تحاولي تكذبي الكذب ليس لصالحك .

سأسألك للمرة الأخيرة ما اسمك قلت ليها "ريان" هو إسمي عاينت للملف الكانت شايلاهو في ايدها وقامت صمتني كيف .. قالت لي انتي تكذبين للحظه حسيت نفسي عاوزة اقوم ارد ليها الكف ،، قالت لي ما إسمك بقيت اعاين ليها بس من غير ما اجاوب ... وقفت على حيلها ومسكتني من وشي قالت لي جاوبي بسرعه ولا تنظري لي هكذا اخفضي عينك ،، زحيت يدها مني وقلت ليها بنبرة غضب " اسمي ريان انتي م بتفهمي " ؟ زهجت وقالت لي " عميله تبيان لا تكذبي " هنا انا لمن اتهجمت ياداب اتزكرت إسم تبيان دا ( انا شفتو في الجواز) قلت الله يلعنها كلو بسببها انا دخلت البلد دي بإسم "تبيان".

محمد مشى على الكافي اول ما جاء داخل عم جوزيف لمحو عرفو طوالي قال ليهو انت " محمد "؟ محمد وقف عاين ليهو بإستغراب وقال ليهو "عم جوزيف "؟ قال ليهو نعم انا تفضل اجلس .. قعد معاهو وقبل يسألو عن شيء عم جوزيف مد ليهو الحقيبه الأنا كنت شايلاها ووقعت مني في البيت ،، محمد مسكها منو طوالي عم جوزيف قال ليهو هذه حقيبة ريان .. محمد اتخلع قال ليهو بنبره كلها خوف وين ريان وسماهر ؟ انا من جيت بحاول اوصل ل ريان م قدرت وين ريان والحاصل شنو؟ قال ليهو اهدأ وبدأ يحكي ليهو بالحصل ... طوالي محمد وقف على حيلو قال ليهو انا لازم امشي مركز الشرطه لو سمحت وصفو لي ،، او خلاص بأجر تاكسي وهو بوصلني وم ادى عم جوزيف فرصه يتكلم طوالي طلع .

مشى على الظلط وهو بقول ياالله ياريان إن شاء الله تكوني بخير ح اطلعك منها وم ح اسمع تقعدي ثانيه واحده هناك .... وطوالي طلع تلفونو وفتح الشبكه واتكلم مع معاذ ،، معاذ قال ليهو لا حوله ولا قوة إلا باالله ... والله دي مصيبه لكن اهدأ يا محمد اهم شيء تتريس وم تتصرف تصرف غلط وقبل اي شيء الجوازات عندك صاح؟ قال ليهو ااي قال ليهو خلاص انت امشي وديهم مركز الشرطه يمكن يتعرضو للإساءة بسبب الهويه ... محمد بعد سمع كلام معاذ دا حس بالخوف واتوتر قال لازم اتحرك بسرعه وقف تاكسي وقفل الشبكه وطوالي اتحرك نحو المركز .

اول ما وصل مارضو يدخلوهو وعملوا معاهو محضر كبير في الباب .. في نظرهم الكل عملاء بعدا طلبوا

الفصل الثامن عشر من هنا