رواية بدون سابق معرفه الفصل الثاني 2 - بقلم دانيا

رواية بدون سابق معرفه

الفصل الثاني2

بقلم دانيا

امي قاعده في المطبخ البت جات وقفت في الباب ودقت الباب امي عاينت ليها قالت ليها اتفضلي ،، انا جيت قلت لأمي دي الشغاله الجديده امي قالت لي وين ساره طوالي البت ردت قالت ليها ساره سافرت امها عيانه ورسلتني انا بدالها....وطوالي طلعت تلفونها اتصلت ل ساره ومدت التلفون لأمي امي اتكلمت مع ساره وبعدين قالت للبت اتفضلي اقعدي وبدأت تشرح ليها عن شغل البيت المفروض تعملو ، انا بقيت قاعده جنبهم وبطبز في تلفوني م شغاله بيهم ، م بعرف الخلاني اقبل عليهم شنو لقيت البت بتعاين لي بنظره جامده لمن اتهجمتا واول ما عيني جات في عينها قبلت مني .

بقيت قاعده مفتحه عيون كبار بعاين ليها قلت دي مالها دي بتعاين لي كدا كمان ،، امي قالت لي قومي طلعي ليها الملابس من الغرف ، قلت ليها سمح ومشيت اول شيء شلت الملابس من غرفة امي وابوي وبعدين مشيت غرفة عزام الملابس بقت لي كتيرة قلت اناديها تجي تشيلهم معاي....جيت طالعه لقيتها في وشي لمن اتخلعت قلت بسم الله هسي كنت عاوزة اناديكي تساعديني ،، ابتسمت وقالت لي اتأخرتي عشان كدا لحقتك عاينت ليها ورفعت حاجبي قلت ليها قصدك شنو؟ قالت لي قصدي اتأخرتي في طليع الملابس لازم اغسلهم سريع عشان عندي امور تانيه ، قلت ليها ايواه .

لميت معاها الملابس مشت تغسلهم وانا مشيت ل روان في الغرفه بقينا نتونس قلت ليها اها ح تقدري تمشي معانا قالت لي وين؟ قلت ليها كيف وين الليله عرس ولد حجه عفاف جارت ناس عمتي كوثر ،، قالت لي لا والله صاح انا حاسه بتحسن لكن مصدعه شديد م بقدر امش قلت ليها ياحليلك ح يفوتك كتير ، قالت لي اصلاً انا جو الحفلات دا م عندي ليهو حاجه انتي استمتعي قلت ليها معقول انا بتوصى ، خليني اتصل ل سماهر قبل انسى عشان اشوف التجهيزات ماشه كيف عندها قالت لي قصدك شنو؟ قلت ليها بوريكي لكن م تكلمي امي انا والبنات خططنا نمشي الكوفير سوى وهسي امي كان عرفت ح تقول لي العرس دا حقكن انتن لمن تمشن كوفير وم ح ترضى لي امش ،، روان بلغت عيونها كبار وبقت تعاين لي قالت لي والله بتبالغن كوفير شنو يابت والله عزام لو شافك هناك يومك اسود ، قلت ليها اسكتي هو عزام القاعد يحاسبو منو ؟ امبارح بايت برا البيت .

قاعدين بنتكلم باب الغرفه دقةة عاينت على الباب روان قالت لي دي منو؟ قلت ليها دي الشغاله الجديده ،، طوالي هي قاطعت حديثنا قالت لينا امكم بتناديكم للفطور وطوالي لفت رجعت ،، روان قالت لي البت دي هسي لو م دقت الباب سمعتي ليها حركه؟ قلت ليها وهسي لمن رجعت مافي ليها صوت مشيه....بقينا نعاين لبعض بإستغراب وقمنا مشينا المطبخ لقينا امي جهزت الفطور ، قلت ليها وين البت الشغاله ؟ قالت لي عيب يا ريان البت دي ليها إسم اسمها " مريم " قالت .

قلت ليها طيب وين مريم ؟ قالت لي قالت م يوعانه بتأكل بعد تخلص ،، قلت ل امي بتكون خجلانه بس او مستحيه تأكل معانا ح اشوفها لو م رضت تجي نودي ليها الفطور تفطر براها لمن تتعود علينا....مشيت عليها في الحوش البي ورا لقيت الغساله شغاله براها في الحمام وهي مافيشا ،، بقيت انادي عليها مريم ، يا مريم مافي رد قلت ياربي مشت وين البت دي قمت ماشه صادفتها واقفه وراي قالت لي نعم انا لمن جسمي رجف قلت ليها جيتي من وين انتي من دون صوت ؟ قالت لي عاوزة شنو؟ بنبره جامده كدا قلت ليها ولاا شيء ومشيت منها.

امي قالت لي وين البت قالت شنو؟ قلت ليها ااا خليها تأكل بعدين وقعدت في السفره ،، بدينا نأكل عزام جاء شايل الصينيه حقت الفطور قلت ليهو بسم الله متين جيت ؟ قال لي وانا كنت وين اصلاً الشبكه عندي في الغرفه كانت كعبه طلعت السطح عشان اكمل البحث وعارفك يا فساده قلتي لأبوي عزام بايت برا حسابك بعدين ،، بقيت اعاين ليهو ومنططه عيوني كبار امي قالت لي انتي يابت ح تعقلي متين ؟ اخير ليكي تبطلي تسبقي الحوادث .

قلت ليها لكن ياامي انا شكيت إنو نام في البيت لأنو سريرو كان مرتب غير العاده ،، قالت لي اسكتي طوالي غيرت السيرة قلت ليهم اها ح نطلع من هنا الساعه كم انا عاوزة اصل بدري ،، امي قالت لي انا م بقدر اطلع واخلي روان براها وكمان في البت الشغاله دي نحن م بنعرفها عشان كدا لازم اقيف في راسها لمن تخلص الشغل.....للحظه حسيت بالفرح قلت ليهم طيب بمشي براي امي عاينت لي بعين حاره لي ضروري؟ قلت ليها م كدا لكن ما محلوه البيت كله م يمش .

اكلت سريع سريع ومشيت اتصلت ل سماهير قلت ليها اطلعي ،، ولبست عبايتي وشلت هدومي في الشنطه وطلعت امي كانت في المطبخ قلت ليها امي انا طلعت ،، قالت لي لو اتأخرو في الصاله بيتي في بيت كوثر واوعك تفارقي عمتك كوثر دي انا ح اتصليها كل دقيقتين اقول ليها اديني ريان....قلت ليها سمح ياامي وطلعت لقيت ابوي في الباب قال لي انتبهي على نفسك يابتي ،، طلعت لاقيت سماهر برا ركبنا اقرب ركشه ومشينا بيت عمتي اول ما وصلنا سلمت عليها سألتها من علياء بتها قلت لي رسلتها بيت العرس هسي بتجي .

اول ما جات قلنا ل عمتي هسي بنجي قبل الناس يطلعوا قالت لينا ماشين وين ؟ قلت ليها صراحه ماشين ل مزن تعمل لينا شعرنا وجايين قالت لينا م تتأخرو لأنو الناس ديل المغرب بطلعوا ،، طلعنا جري على الكوافير علياء قالت لي والله عزام كان شافك بضبحك وبضبحنا معاكي ،، قلت ليها عزام بجيبو هنا شنو يابت اسكتي بعد طلعنا من الكوافير مشينا بيت ناس عمتي كوثر من شافتنا فتحت خشمها كبير وبلغت عيونها وبقت تعاين لينا مصدومه قالت لينا م عرفتكن والله هسي العرس دا حقكن ول حق ولد جيرانا دا ؟ علياء قالت ليها عديها ياماما عملنا شيء على الخفيف.

طلعنا مشينا في عربات السيره للصاله عمتي كوثر كل ما اقبل بلقاها عينها علي قلت ليها ياعمتي انتي كويسة ؟ شغاله فيني مراغبه قالت لي لأنك امانه وموصيني عليك يابت ،، اخوي العصبي دا ومرتو المتشددة كل الوقت يتصلوا لي....قلت ليها صمتي تلفونك وصلنا الصاله ودي اخر محطه اشوف فيها عمتي دخلنا بين الناس ومشينا قعدنا بعيد منها بقينا نعلق في الجاي والماشي وم خلينا زول وتاني قمنا بشرنا للعرسان ورقصنا ،، بس في حاجه لفتت إنتباهي في