رواية بدون سابق معرفه الفصل السابع 7 - بقلم دانيا

رواية بدون سابق معرفه

الفصل السابع7

بقلم دانيا

اتهجمت من الحاجه السحبتني من راسي دي قدرت اتفكيت منها بصعوبه عاينت لقيتها دي بت لابسه لبس خدم شكلها دي الشغالة حقتهم ،، لزيتها مني بعيد قلت ليها متخلفه انتي دايرة مني شنو؟ بقت تعاين لي بنظرة حاده قالت لي عاوزة تموتي انتي ، كلامها دا فاجأني قلت معقولة كانت ناويه لي الخير وبقيت اعاين ليها بإستغراب طوالي مشت من قدامي على إتجاه المطبخ ، انا بقيت واقفه في محلي زي الصنم تاني قلت لا يا ريان دا م وقت الحيره دا انسب وقت عشان تهربي من هنا .

مشيت للبت دي في المطبخ اول ما شافتني بقت ترجف قالت لي عاوزة شنو جابك هنا شنو اطلعي وبقت تعاين برا وكلها خوف وترقب إنو م يشوفها زول واقفه معاي ،، بعد شوية فجأة بقينا نسمع اصوت عاليه م قدرنا نفهم منها شيء درت عاوزة اطلع اشوف الحاصل شنو ؟ مسكتني من يدي وهمست لي براحه قالت لي تعالي ماشه وين انتي دا وقت خاص شديد لو مشيتي اتسمعتي عليهم ح يقتلوكي ،، عاينت ليها بدهشه كبيره وبنظرات كلها علامات إستفهام قلت ليها هم منو؟ قالت لي الست وشواطينها ، للحظه حسيت جسمي رجف بقيت اتخيل في اشكالهم حسيت بقشعريرة سرت في جسمي .

انتي جيتي هنا من متين ؟ قالت لي قبل سنه استغربت منها قلت ليها سنه وم حاولتي تطلعي ؟ سكتت وقبلت مني وبقت تحرك الشيء الخاتاهو في النار دا وبعدها قالت لي وهي الطلعه من هنا ساهلة؟ دي جنون يابت لو مشيتي اخر العالم بجيبوكي ،، للحظه من كلامها دا حسيت بإني قربت افقد الأمل تاني قلت ليها السوق قريب من هنا ؟ عاينت لي بإستغراب قالت لي لشنو ؟ قلت ليها عاوزة حاجه من هناك ، قالت لي اللهي شنو ؟ قلت ليها " مصحف " اتغيرت ملامح وشها وهزت راسها وواصلت في الكانت بتعملو قالت لي حاجات المسلمين دي هنا نادرة يابت م بتتلقي قريب وبعدين مصحف هنا؟ ديل لو زكرتي إسم الله ساي امورك معاهم بتجوط.

عاينت ليها بدهشه وقلت ليها شكراً مسكتها من كتفها قلت ليها حليتيها لي من غير تعب ،، وطوالي طلعت منها مشيت الغرفه الكنت فيها....دخلت الحمام استحميت واتوضيت وطلعت لبست فستان طويل للأرض وكوزنت الطرحه وطلعت لي طرحه فرشتها في الأرض دي وقعدت تاني قمت مشيت قفلت الباب كويس من جوا بالمفتاح وجيت قعدت قلت عارفه لو م نجحت الموضوع ح يكون لي صعب شديد بس انا عندي ثقه برب العالمين ،، قلت بسم الله الرحمن الرحيم وبديت اقرأ .

وفي اقل من دقيقه بديت اسمع اصوات خبيط عاليه في الباب ومعاها اصوات صريخ للحظه حسيت طبلة اذني اتأثرت بس م وقفت كان في صوت جواي بقول لي كملي ياريان م تقيفي وكل ما ليها الأصوات بتعلا ...للحظه الباب بقى يهتز بقوه شديده بس انا م وقفت رغم الخوف .

من شدة ما الأصوات عاليه حسيت المبني كلو اتكركب والحاجات الفي الغرفه بدأت تتساقط في الأرض ،، بعد عدة ثواني الباب فتح بقوة لمن اتخلع ووقع في الأرض للحظه حسيت كأنو وقع على قلبي من شدة الخلعه .

جو المكان كله اتغير بقيت م شايفه شيء غير الضباب في البيت ،، والأصوات بدأت تتلاشى شوية شوية وبعد كم دقيقه المكان بقى صاني بس كان عبارة عن خرابه قمت من مكاني حسيت بألم في يدي عاينت ليها لقيت فيها جرح وكانت بتنزف لأنو في قزاز وقع جنبي ،، قمت طلعت برا بخطوات بطيئه وترقب شديد ولسه جسمي برجف قلت في نفسي الليله يا موت يا خروج من هنا يا ريان ... كان الهول حق الشقه كلو حاجات موقعه في الأرض كأنو وقعت فيهو مسيره .

مشيت بإتجاه الغرفه الهم كانوا فيها كان الباب فاتح بس قبل اصلها لمحت في المطبخ البت القبيل كانت واقعه ،، عاينت ليها بخلعه وجربت عليها قعدت جنبها وبقيت بحاول اصحي فيها فتحت عيونها بتعب عاينت لي وحاولت تتكلم معاي وبصعوبه حتى قدرت تنطق ،، قالت لي برافو عليكي العملتي مافي زول قدر يعملو بس اطلعي اهربي قبل مؤمن يجي او العجوز تصحى م ح يخلوكي ويمكن يقتلوكي ... قلت ليها قومي ورح نطلع مع بعض م بخليكي هنا ، قالت لي م تاكلي همي انا م ح يشتغلو بي وح اقدر اطلع بس انتي م عندك وقت .

عاينت ليها بنظرة اسف وقلت ليها خلاص تمام قمت عاوزة امشي قالت لي هاكي مدت لي مطبقه صغيره قلت ليها دي شنو قالت ليها في حبه قروش ح تحتاجيهم ،، قلت ليها شكراً قبل اطلع تاني رجعت ليها قلت ليها بتعرفي بيت الزول الخطف سماهر صاحبتي وين؟ قالت لي اول ما تنزلي تحت على يدك اليمين تمشي بالشارع دا دقري المبنى العاشر بس انتبهي الزول دا عندو حرس ،، طلعت منها بخطوات مسرعه على الباب جيت ماره بجنب الغرفه ديك اتلفتت عاينت ليها بدافع الفضول لمحت العجوز واقعه في الأرض من شوفتها ساي جسمي كشى .

بهناك محمد كان قاعد في غرفتو وبتصفح بتلفونو ةشارد في افكارو ،، قال وينك يا ريان انا ابحث عنك وين وليه م اتصلتي الحاصل عليكي شنو؟ امو جات داخله قال ليها انتي ياامي صحبتك دي ساكنه وين بالضبط في كندا ؟ قالت ليهو م بعرف والله قال ليها والله انتي ياامي شكلك وقعتينا في مصيبه ادعي ل الله يكونو البنات كويسات ،، وبعدين انا الحاجه المحيراني زوج ام سماهر دا ليه م بسأل عليهم وليه بحسوا م آكل هم الموضوع ... عايش طبيعي .

انتي ياامي متأكده إنو المرا دي كويسة ؟ قصدي نيتها صافيه ، نفرض ناس ريان لسه م قدرو يشترو خطوط تلفونات جديدة هي ما تتصل وتطمئنا عليهم ،، امو قالت ليهو والله هي طيبه لكن م عارفه اقول ليك شنو يا ولدي ربنا يحفظهم ويستر عليهم ،، اثناء ما بتكلم مع امو تلفونو اتصل قام وقف على حيلو وفتح الخط قال الوو معاذ كيفك اها في جديد عن الموضوع القلتو ليك؟ قال ليهو ااي في جديد عندي صاحبي هناك اتحرى عن الناس ديل قال لي في الجامعات الهناك كلهم مافي بروفيسور بالإسم دا والله والغريبه في السجلات كلها وحتى في السفاره مافي اسمائهم مافي نزلاء بالأسماء دي ولا حتى ريان ولا سماهر ،، للحظه ملامح وجه محمد اتغيرت وبنبره حاده قال كيف يعني اذا م سافرو هناك بكونو مشو وين يا معاذ ؟ قال ليهو والله يا محمد م عارف مافي خيار تاني غير احتمال واحد بس مافي غيرو.

انا طلعت من الشقه ماشه على إتجاه المصعد وقبل اوصل لمحت مؤمن ود المرأ جاي من