رواية بدون سابق معرفه الفصل الثامن 8 - بقلم دانيا

رواية بدون سابق معرفه

الفصل الثامن8

بقلم دانيا

طلعت من المبنى مسرعه عشان اقدر انزل وابعد قبل يحسوا علي واول ما طلعت ماشه بإتجاه المصعد لقيت مؤمن في وشي كان جاي على بعد خطوات مني بس كان مركز مع التلفون م شافني واول ماشفتو لمن قلبي خفق ،، طوالي اتدسيت ورا حيطة السلم وبعد مشى من قدامي جري دخلت المصعد ... بعد نزلت إتشابهت الطرقات م عرفت اي الطرق اسلك اتزكرت كلام كلام البت الشغاله قالت لي الشارع على يدك اليمين طوالي لفيت بإتحاه اليمين ومشيت بخطوات مسرعه وبقيت اعد في المباني عشان اقيف قدام المبنى العاشر.

بهناك مؤمن اول ما جاء وقف قدام الباب م فكر يدق الباب بس طلع مفتاح من جيبو وفتح الباب ،، من فتح الباب وقف مزهول وهو بعاين للخرابه والدمار الحاصل في بيتهم دا وبعد شوية انتبه انو امو واقعه في الغرفه الجنب الباب جرى عليها وحاول يصحيها وهو بسألها ياامي اصحي دا شنو منو عمل كدا الحاصل شنو بس لسه كان مغمى عليها جرى على المطبخ عشان يجيب مويه لقى الخدامه واقعه ممثله إنو مغمى عليها وقف بدهشه قدام باب المطبخ وبعدها بسرعه جرى على الغرفه الكنت فيها دخل فتش م لقاني طوالي طلع إتصل للإسعاف.

وصلت عاشر مبنى كان برضو م بختلف عن داك في شيء مبنى ضخم لا نهاية له ،، وقفت محتارة انا اعرف كيف ساكن وين الزول دا ؟ اثناء ما واقفه بفكر اتزكرت إسمو دخلت المبنى مشيت على البت القاعده في الإستقبال سألتها قلت ليها وين منزل السيد جون؟ م فهمت وبقت تقول لي what ? قلت ياالله ياريان دي طلعت م بتعرف عربي زاتو ،، تاني قلت ليها where is jone home ? قالت لي what do you want for hem? عاينت ليها معاينة غضب قلت ليها يقصف عمرك يا سجم مالك ومالي انتي وقمت ماشه منها....فجأة سمعت صوتها قالت لي انتظري ،، اتلفتت عاينت ليها بإستغراب وبقيت بتلفت حوالي قلت يمكن الصوت جاي من مكان تاني .

قالت لي عاوزة منو شنو انتي ؟ قلت ليها انتي بتتكلم وقبل اتم العباره قالت لي اختصري قلت ليها انتي بس وريني وم عليكي قالت لي اطلعي بالسلم والباب البكون فيهو حرس دا بيت جون ،، عاينت ليها وكشرت وشي قلت ليها ما شكرا لأنك اخدتي من زمني ومشيت خليتها طلعت الطابق الأول مافي شيء ، الطابق التاني مافي شيء ، للرابع تعبت وقربت ارجع قلت يمكن غشتني تاني قلت لا مافي خيار تاني وصلت الطابق الخامس بعد تعب لقيت الحراس واقفين قدام السلم اول ما شفتهم على تعبي العلي من طلوع السلم جسمي كله رجف من منظرهم الضخم كأنهم جايبنهم حلبة مصارعه ،، اول ما شافوني إبتسمو إبتسامه كلها شر في واحد فيهم طلع النظاره حقتو وقال welcom بقيت منططه عيوني بعين ليهم حسيت حيلي كله إنهار قربت اقع من السلم وقبل استوعب الحاصل شنو مسكوني وسحبوني بقيت اصرخ زي الطيره.

مؤمن في المستشفى دخل امو العمليات وواقف منتظر العمليه تخلص طلع تلفونو واتصل ،، بعد كم جرس رد hello ,Hi Chris, the girl ran away بنبرة خوف قال الكلام دا مرحبا كريس الفتاة اختفت ،، رد عليهو التاني بنبرة غضب وشر ،Don't worry, I'll find her ، وطوالي قفل الخط في وشو ... بقى واقف غضبان قال والله ياريان لو م كريس دا كان لقيتك وقتلتك.

محمد طلع من الصباح بدري مشى المطار قابل صاحبو معاذ وبقوا يفكرو في الحاصل دا والأفكار تودي وتجيب ،، محمد قال ليهو انت قلت لي مافي غير إحتمال واحد يكونو غيرو الهويات ، طيب حتى لو غيرو الهويات نحن ممكن نعرف عن طريق البصمه صاح؟ معاذ عاين ليهو بنظرة امل لكن تاني قال ليهو الشغله دي فيها مخاطره ويمكن افقد شغلي يا محمد لكن م تخاف يا صديقي إلا ماالقى حل قال ليهو اها جبت النسخه من جوازات السفر حقتهم قال ليهو لسه م لقينا والله بنفتش ولو لقيت برسلها ليك في التلفون ،، قال ليهو تمام وقام مشى منو ، دور طوالي على بيتنا وصل دق الباب جات روان فتحت ليهو الباب ووشها شاحب من الحاصل دا دخل وسلم عليهم ابوي كان في السوق وامي دي غير الصلاه والدعاء مافي شيء شاغلها ،، وعزام مشى مكان الجوازات قال عندو صاحبه شغال هناك يستفسر منو.

محمد قال لي امي اطمئني يا خالتي قربنا وبتك إن شاء الله عن قريب تكون معاكي انتي بس دعواتك ،، قالت ليهو وهي بتبكي إن شاء الله ياولدي ربنا يجيبهن طيبات الغربه تحرق ، محمد بقى يعاين ليها ويتزكر قال في نفسه سبحان الله ريان كانت م عاوزة تمشي تقول عارفه البحصل من البدايه كانت م مطمئنه للمشيه دي بس دا كله بسببنا نحن ... حسى عيونو دمعو طوالي قام طلع برا عشان م يحسس امي بالضعف ، مسح دموعو وقال ليهم يلا انا مشيت .

صاحب عزام بقى يوريهو الحوازات الطلعت في نفس تاريخ اليوم داك وفحأة لمح صورة سماهر في جواز شالوا بسرعه قرأ الإسم مكتوب مناهل قال ليهو مناهل منو يا زول دي سماهر صحبه ريان السافرت معاها ،، قال ليهو لحظه معناها شكنا في محلو وبقى يفتش في الجواز التاني بعد لقاهو طلع برأ طوالي اتصل ل محمد قال ليهو لاقيني قدام المطار بعد نص ساعه ... محمد قال ليهو دقيقه لقيت حاجه ؟ قال ليهو ااي لمن الاقيك بوريك ، قال ليهو طيب لكن تعالني في السوق لأنو معاذ الزمن دا بكون طلع من الدوام حقه بس تعال بنحلها بالتلفون ، قال ليهو تمام ربع ساعه وبكون عندك.

بعد ربع ساعه مشى ليهو لقاهو قاعد راجيهو بترقب ، قال ليهو انجز يا ود خالك إن شاء الله تكون لقيت حاجه مفيده ، طلع الجوازات اداهم ليهو فتح الجواز الأول شافو لمن ملامح وشو إتغيرت عاين ل عزام بدهشه قال ليهو والله اعمال زي دي إبليس م تخطر ليهو المرأ دا فهمها شنو انا والله لو لميت فيها يحلني منها الله .

بقيت اصرخ زول جاب خبري مافي حروني في الأرض دي زي شوال الدقيق دخلوني في شقه وطلعوا وقفلو الباب ،، وقفت جنب الباب مخلوعه وبحاول استوعب ليه جابوني هنا؟ طلع لي واحد نحيل وطويل وليهو سكاكات ومن شدة ما لونو فاتح لمن مايل للأحمر ،، بقيت اعاين ليهو بخلعه قربت اقبل على الباب واجري بس الباب مقفول ، جاء على بخطوات بطيئه وبلغه عربيه مكسرة قال لي " مرهبا " بقيت منططه عيوني بعاين ليهو بدهشه قلت في نفسي كويس إنك بتحاول تتكلم عربي ياشين بقيت