الفصل الرابع

رواية بدرون تحسين الجزء الرابع 4 بقلم اسماعيل موسى بدرون تحسينرواية بدرون تحسين الحلقة الرابعة كانت قطتنا راجعه من البيت المهجور إلى تصادف ان ساره بتقف كتير قدامه والى للصدفه بقا شريك فى كل الأحداث إلى مرت علينا فى الأيام الاخيره. دخلت ساره الصاله باندفاع، القطه كانت فى البيت المهجور يا عدلى قلتلها متكبريش الامور يا ساره ،القطط بتحب الحركه وفى فترة التناسل بتسيب البيت وتخرج بره

قعدت ساره بعد ما فتحت باب الشقه، اشمعنا البيت دا بالذات؟ متعودش انى اقلل من مخاوف ساره بس لقيتها تافهه المره دى،انا مش هسيب كل إلى ورايا وانتبه للقطه راجعت تسجيل الكاميرا كان سليم، الظاهر المخلوق دا انطرد من البيت ومش هيرجع تانى متنساش الدعوة إلى انت دعتها يا عدلى فجأه رن الصوت فى دماغى لحظة دخول ماجى الشقه قعدت اتلفت الصوت دا وصل من فين؟ مكنش صوت ساره ولا صوتى ولا صوت التلفزيون دعوة ايه يا ربى ؟

هو انا بقيت بسمع أصوات مش موجوده ،ومن غير ما أشعر الحلم رجع يتشكل فى دماغى كأنه مربوط بالكلام إلى سمعته خرجت من غرفة الكاميرات، ماجى كانت رجعت وساره واخدها فى حضنها عماله تديها تعليمات لما بصيت على ماجى حسيت بحاجه غريبه، شعور اكتر من انها مجرد قطه ماجى رفعت دماغها وبصت عليه وفى لحظتها حسيت بالنوم انا داخل انام يا ساره هو انت اليومين دول مش بتشبع نوم يا عدلىى ؟ راجع دكتور ليكون عندك حاجه؟

لا دكتور ولا يحزنون دول شوية إرهاق متخزنيين من زمان هنام واقوم فايق مجرد ما نمت والحلم رجع تانى، المره دى البنت كانت دخلت وحدها وفى ايدها طفل صغير سلم على ابوك يا صابر قرب منى الطفل الصغير ،كانت عيونه ملونه ضيقه وودانة أطول من الطبيعى، رمى نفسه فى حضنى انت بابا؟ معرفتش ارد اقول ايه رغم انى فى حلم ومقدرتش اخده فى حضنى سألت البنت انا ايوه ازاى؟ قالت انا مراتك ودا ابننا تشكل يوم فرحنا يوم كتابة العهد

العقد إى إلى انت وقعت عليه بدمك قلت انا مش فاهم حاجه انتى مش مراتى مراتى مختلفه عنك صمتت البنت لحظه وقالت ودى مشكله كمان، والدى مش موافقه انى اكون زوجه تانيه لازم تتخلص من زوجتك البشريه لما صحيت ساره قالت انى كنت بصرخ واقول مش هطلق مراتى ،ابعدو عنى قعدت على السرير بعقل مصدع مرتبك عمال ابص فى كل مكان دا مجرد حلم يا عدلى متخليهوش يقلب حياتك طلعت من غرفة النوم مندفع على الكاميرات ،الكاميرات هتكدب كل شيء

راجعت التسجيل وكانت الصدمه ،البنت والطفل كانو ظاهرين وهما بيدخلو غرفتى،همست فى سرى دا مش حلم كانو حقيقه، جسمى كله اتبرجل، ايه إلى بيحصل معايا وهل انا دخلت مرحلة الجنون ؟ قعدت ساكت فى الصاله مش بتكلم وكل شويه ابص على ساره، مش متخيل انى ممكن افقدها لسبب معرفوش لا كل دا كدب ،انا فى حلم مزعج هصحى منه كويس محتاج فنجان قهوه وابقى تمام فى المطبخ فنجان القهوه قعد يتحرك قدامى ،ضربت دماغى بايدى فوق بقا، كفايه لحد كده

مسكت الفنجان وضغطت عليه وانا ماسك الفنجان ايد ناعمه مسكت ايدى مكنش باين منها اى حاجه قعدت اصرخ من الرعب وأجرى فى الصاله وساره مراتى بتصرخ فيه ايه بعدها فقدت وعى. انت لازم تتخلص من مراتك يا عدلى ،دا شرط الجواز إلى انت وقعت عليه كنت قاعد قدام نفس الراجلين إلى كانو موجودين اول مره يجينى فيها الحلم طلعو العقد وكنت موقع عليه بأسمى بالدم احنا هنديك مهله اسبوع بعدها لو متخلصتش من مراتك هيكون فيه تصرف تانى

الأكبر سنآ فيهم وكنت ملاحظ انه متعاطف مع حالتى قال بهدوء اذا كنت تبغى ولدك تخلص من مراتك قلتله انت عربى؟ قال اعيش فى الصحراء العربيه طيب بعد اذنك شوف اى حل تانى، انا مش هقدر اطلق مراتى ومليش ذنب فى إلى حصل إلى معاه قال بيكفى يلا بينا يا ابو ساريا كنت حاسس نفسى بتفرج على فيلم خيالى، لكن للأسف كل حاجه جوايا بتقول انه حقيقى حتى شعورى بالشقه وساره إلى قاعده بره اختفو من قدامى وانا لسه فى حالة الذهول إلى انا فيها

بعدها بشويه رجع الراحل المتعاطف معايا ذى طيف مش واضح، مراتك موجوده معاك فى الشقه ومفيش حل لمشكلتك غير انك تقابل الاميره ناعسه بنت زهير كلماته دوت داخل عقلى وبعدها اختفى. فتحت عنيه بجسم مكسر ،ساره لسه قاعده فى الصاله دخلت غرفة الكاميرا وفتحت التسجيل كل حاجه كانت حقيقيه، ظاهرين فى الكاميرا كما كانو حطيت دماغى وسط ايديا، حاسس ان الدنيا بتتطربق فوق دماغى، ماجى القطه وصلت عندى ونطت فى حضنى بعدتها عنى مكنتش ناقص تلزيق تانى

لكنها رجعت نطت فى حضنى مره تانيه وساره قالت سيبها يا اخى فيه ايه ؟ انا الى تخلصت من الجن إلى كان ساكن بيت عمتك روح شريره كانت ساكنه هنا من وقت انتحارها ايديا اترعشت