الفصل الخامس

رواية بدرون تحسين الجزء الخامس 5 بقلم اسماعيل موسى بدرون تحسينرواية بدرون تحسين الحلقة الخامسة الصوت كمل انا زوجتك الجنيه إلى هفضل قريبه منك الحين التخلص من مراتك البشريه وقتها بس هقدر أظهر بصورتى الحقيقيه واعيش معاك فى الشقه مع أبننا قلت لكن انا ما اخترتش كده همس الصوت اخترت، فاكر لما رجعت من شقة عدلى لما كنت رايح تشكر الطفل ؟ الشقه كانت فاضيه ولما رجعت واتكلمت مع مراتك قلت ربنا يرزقنا بطفل ذى الطفل إلى رجع التليفون

عرابتنا سمعت دعوتك واستجابت ليها لأنها كانت فى يوم القمر الاحتفال السنوى الخاص بينا وتم اختيارى لأكون زوجتك وامنحك طفل ذى الطفل إلى مراتك شافته

والى كان واحد من اطفال الجان عايش مع عائلته فى البيت المهجور، وفى نفس الليله انت وقعت العقد، والجان لا يقبل نقض عهوده ،عقد الدم ملزم واى محاوله لنقضه هتخليك معرض لاقصى العقوبات إلى ممكن تحصلك والى انت مش هتقدر تتحملها والى بتبداء من الأمراض لفقدان النطق للجنان او القتل ،انا قولتلك كل الحقيقه، والدى رافض اكون قرينه للزوجه البشريه ،حياتك متوقفه على التخلص منها

مصلحتك تتخلص منها لانك برفضك هتسبب ليها عذاب يمتد بقية حياتها. لما خلصت كلام حسيت انى كنت تحت صخره ضخمه واتشالت من فوق صدرى بصيت لساره ملهاش ذنب فى كل إلى حصل ،انا الغلطان لما كذبت عليها من البدايه ووافقت نسكن البيت المعلون ده رفعت دماغى، ساره انا اخدت قرار ولازم تسمعيه دلوقتى انا هطلقك ساره قالت بلاش هزار يا عدلى نفسيتي مش مستحمله قلت مش هزار، ساره انتى طالق بالتلاته

مصدومه مش قادره تصدق فضلت ساره ساكته خمس دقايق بتستوعب إلى سمعته انت طلقتنى يا عدلى ؟ قلت ايوه طلقتك، طلقتك عشان مصلحتك، مش ممكن اسمح لأى أذى يلمسك ،انا بحبك قربت من ساره لكنها صرخت ابعد عنى، جمعت ساره ملابسها ومن غير كلام سابت البيت وهى بتدعى عليه أقصى انواع الدعوات اول ما ساره مراتى خرجت من البيت ،القطة ماجى ظهرت وقفت وسط الصاله وبدأت تتحول لمخلوق كانت نفس البنت إلى شفتها فى حلمى ومعاها الطفل الصغير

قالت كويس انك اخترت صح ونجيت مراتك من العذاب إلى كانت هتشوفه، والدى كان عايز يمسها بقوته لكن انا طلبت منه يديك فرصه انا هعيش معاك هنا ،محدش هيشوفنى غيرك انت بس ،فى البيت أو فى الشارع قلت لكن انا مخترتش حاجه ،كل إلى حصل مش بارادتى الكلام خلص يا عدلى، العهد وعد ،مش مسمحولك تتجوز بشريه طالما انا مراتك، النور هيفضل مطفى فى الشقه

واكلى واكل آبنى هتجيبو لينا هنا ،بعد عشر ايام هاخدك لأول رحله تزور فيها ارضنا وتقابل والدى وتعلن طاعتك ليه قدام العشيرة، حاول ترفع راسى يا عدلى. حتى بعد كل إلى سمعته كان لسه عندى امل يكون مجرد حلم لكن ظهورهم قدامى طول الوقت فى الشقه محى اى ذرة شك وآمل جوايا مصيرى اعيش حياة مخترتهاش غصب عنى حاولت اتأقلم مع الوضع وكل ما كنت أحاول ادور على حل كانت دايما معايا، بتظهر لى لو حاولت اكلم شيخ تظهر

لو فتشت فى النت عن معلومه كانت بتظهر كانت محصرانى من كل مكان ،طول الوقت معايا الوقت الوحيد إلى مش بتقدر تتجسس فيه عليه هو وقت الصلاة والادعيه، وقت محدود مش بقدر استخدم فيه اى حاجه تساعدنى، دعيت ربنا كتير يخلصنى منها ومنهم فى مره وانا بتدعى تذكرت كلام الراجل الجنى كاتب العقد المقدس ،قابل ناعسه بنت زهير مكنتش عارف مين ناعسه بنت زهير ولا ايه علاقتها بموضوعى او حتى أوصلها ازاى وانا محاصر