الفصل السادس

رواية بدرون تحسين الجزء السادس 6 بقلم اسماعيل موسى بدرون تحسينرواية بدرون تحسين الحلقة السادسة كانت أول مره اروح فيها أرض الجان، انتقلت وانا لسه قاعد فى مكانى لكن مكنتش شاعر بأى حاجه من حولى فجآ لقيت نفسى هناك ماشى فى شوارع الجان بين سكانها دكاكينهم واطفالهم باشكالهم الغريبه وشرطة الجان ،دخلت بيت والد مراتى، زعيم العشيره شكله كان مقبول

ولما دخلت عنده لقيته فى مجلس كبير ،بيحكمو فى قضايا الجان ،قال مرحبا بزوج البنتى البشرى ،قلتله مرحبا طلب منى اقعد جنبه وذى ما بنته طلبت منى شكرته على اختيارى اكون زوج بنته وسط الكلام، سألته عن ناعسه بنت زهير الكل سكت حتى حمايا نفسه ولاحظت مهابه واحترام للاسم بعدها قال والد زوجتى، انت مين عرفك بالعرابه ناعسه بنت زهير ؟ حسيت بالخوف وانى قلت حاجه غلط بس مكنش فيه وقت للتراجع، قلت عايز اقابلها واتكلم معاها

مره تانيه الكل صمت، حمايا وشه اتغير وقال محدش يقدر يمنع شخص يقابل العرابه لكن يا ترى هى هتوافق تقابلك ؟ وطلب من خدمه يجهزو للرحله على وجه السرعه وخارج الديوان واحد منهم مسك فرع شجرة سبنسان وقربه من فمه وقال كلام مش مفهوم بعدها فرع الشجره تحول لركوبه تشبه الحصان وقال اركب دى هتوصلك عند العرابه قلت مفيش شخص هيروح معايا ؟ قال لا، دى رحله لازم تخوضها لوحدك ،القنطيق عارف الطريق

ركبت والقنطيق تحرك بيا ،كان ماشى بسرعه ورجليه مش على الأرض،عبر بيا القنطيق انهار وبرارى وحط بيا وسط البيداء ،حاولت احركه لكنه رفض يتحرك من مكانه وعرفت انه وصل وجهته بس المكان كان كله صحراء مفيش بيوت ولا حتى واحه ذى ما بسمع، دورت بعينى ملقتش غير الرمل والاحجار قلت اكيد القنطيق مش هيغلط الراجل قال عارف المكان قعدت على الرمل وحمدت ربنا ان الوقت كان غروب ومفيش شمش ولا حراره ،الليل نزل وانا قاعد فى مكانى متحركتش

وفجأه قعدت افكر افرض المكان كان غلط هموت من العطش هنا والجوع! وبعد ساعتين اخدت قرارى هرجع من مكان ما جيت ومش عايز اقابل حد لكن القنطيق رفض يتحرك من مكانه كأنه مسخر لمهمه لازم ينجزها بعد ساعات نمت من التعب وصحيت على صوت حركه جنبى فتحت عنيه كان فيه غنم بترعى وسط الصحراء، خراف جنيه، ومن بعيد شفت خيمه ،قلت يمكن راعى أغنام اروح اشوف عنده مياه او طعام

القمر كان طالع وشايف الطريق قدامى لما وصلت وقفت قدام الخيمه وسمعت اهلا بالغريب ،ادخل فتحت باب الخيمه ودخلت ،كانت امرأه خمسينيه مليحة الملامح على وشها الطيبه قالت اقعد يا عدلى عرفت انها العرابه ناعسه بن زهير ،قعدت قدامها وكانت بتطبخ فى قدر قالت اتأخرت عليك؟ نيسو يقوللك انى مش بظهر الا مع ظهور القمر بس انت حظك كويس وفيه قمر، لو مكنش فيه قمر كنت هتفضل فى مكانك ايام طويله

اتفضل يا عدلى قول مشكلتك وان شاء الله ناعسه تحلها لك حكيت قصتى كلها من الاول للآخر، عرفت انها القاضيه الشرعيه لمجموعة عشائر عربيه منتشرة فى بلادنا بعد ما سمعت حكايتى قالت، انت وقعت العقد يا بشرى ومن حق الجان يرفض دعواك

لكن سبنى اتكلم مع بدران زعيم عشيرة الحراوبه بصفه وديه وان شاء الله الاقى ليك حل، لكن خليك عارف ان ابنك صابر هيفضل ابنك مهما حصل وأن زوجتك الجنيه هتكون محرمه عليك لحين البت فى الدعوة وذى ما ظهرت اختفت هى والخيمه والاغنام رجعت على بيتى مش عارف ازاى وتفاجأت انى داخل غرفتى ذى ما كنت بعد شهر زارنى الراجل إلى نصحنى بمقابلة العرابه ناعسه وقال إن بدران وافق على طلبك وان الجوزاة تمت غصب عنه

لكن صابر هيعش معايا بعد ما ياخدو منه بعض قواه الجنيه ويقدر يتكيف مع البشر وقال ضرورى تجيب قاضى من البشر يحضر معاك المحاكمه ، قعدت الح عليه يقول اسم لحد ما ذكر اسم شيخ جليل اعرف اسمه عايش فى مكان بعيد عننا، قابلت الشيخ وسمع حكايتى واشترط عليه فى محال مساعدتى اكتم سره ومحدش يعرف انه قاضى بين العالمين ،وقال فى حال افشيت السر كل المحاكمه هتكون باطله وحذرنى من غدر الجان.

روحت المحاكمه مع الشيخ ،كان انتقالنا زى المره إلى فاتت وهناك عقدت المحاكمه بحضور العرابه ناعسه وشيخ القبيله بدران مكنتش مصدق نفسى من الفرحه، جريت على ساره مراتى حكيت ليها كل حاجه من طقطق لسلام عليكم مكنتش مصدقه، لكنها وافقت ترجعلى بعد شهور العده وفى الفتره دى صابر رجعلى وخليت ساره تتكلم معاه ولما شافت بعض قواه السحريه صدقتنى

احنا عايشين لسه فى بيت عمتى، وصابر بيروح يزور والدته كل فتره من الزمان، صابر اتكيف مع حياة البشر وشويه شويه قواه الجنيه اختفت والى فضل منها حاجه بسيطه. انتهت