رواية بحر الانتقام الفصل الحادي عشر 11 - بقلم Lamiaa Ahmed

حمزه وتغيرت لمعه الحماس بعينيه _____ اتكلمي سامعك

لينا ______ انا انا

حمزه بنفاذ صبر _______ اتكلمي يا لينا في حد تاني في حياتك

لينا _______ لا الموضوع مش كدا.انا مش عارفه اتكلم

حمزه _______ يا بنتي انطقي هاخد منك الكلام بالعافيه

لينا ______ انا الكلام اللي انت قولتهولي انا عملته عنوان الرساله

حمزه باستغراب _______ كلام اي

لينا ______ والله انا اسفه بس غصب عني

حمزه بتوجس خائف من شكوكه ______ كلام اي بالظبط

لينا بدموع_______ حكايتك واللي مريت بيه كل اللي انت قولتهولي عنك

حمزه بالم اغمض عينيه بخيبه امل  ______ليه ليه تعملي كدا يا لينا ليه

لينا ________ والله غصب عني انا

حمزه بعصبيه وغضب ______' اسكتي مش عايز اسمع منك حاجه انا وثقت فيك ومش بس كدا انا حبيتك انتي اول حب في حياتي تخونيني بشكل دا طلعتي بتخدعيني مكنتش مستني منك كل دا مكنتش استاهل منك كدا مكنتش استاهل ...

شكرا اوي اوي علي اللي انتي عملتيه ،،، انسي كل اللي انا قولته يا لينا انتي من طريق وانا من طريق يا بنت الناس انا مش مستني شفقه منك ومن حد ...

وضع الحساب فوق الطاوله ..وتحرك مبتعدا ولكن عاد من جديد

حمزه ______ اسالك سؤال قبل ما امشي انتي امتي فكرتي تكتبي رسالتك عني وكتبتي اسمي ولا لا وسلمتي الرساله ولا لا

لينا بدموع اسفه ______ من اول يوم اتكلمت معايا فيه ..الرساله سلمتها من اسبوع والنتيجه لسه هتظهر أما اسمك لا مكتبتهوش

حمزه بخزلان وخيبه أمل _______ كتر خيرك شكرا اوي كفايه شفقه لما يقرأو القصه المأساوية ويا ترا بقي كنتي عملاه عن اطفال الملاجئ ولا الشوارع بس تعرفي مش عايز اعرف ولا عايز اشوفك تاني ...

تركها وغادر بكسره بقهره بوجع قلب ،،بخذلان كبير ... وصل إلي شقته دخل الي الداخل وعقله شارد مصدوم ،، الشعور بالخذلان مؤلم ..فكلما كان العطاء كثيرا كان الخذلان أشد إيلاما ،،..

جلس فوق فراشه ينظر إلي يديه أخذ نفس عميق متهدج بالوجع عباراته علي وشك السقوط ..

حمزه لنفسه ... هو انا ليه كل اللي بحبهم بيسبوني  هو انا وحش للدرجه دي .. ياريتني ما قولتلها .ياريتني ما عرفتك ليه توجعيني كدا يا لينا انا حبيتك اوي اوي اعتبرتك العوض من ربنا علي الحياه اللي عيشتها والحرمان اللي عيشته اخرتها تطلعي بتخدعيني علشان رسالتك .. نزلت دمعه حارقه من عينيه ليزيلها بيده بحزن

ظل هكذا ما يقرب ساعه او اثنين يتذكر حياته والعذاب ليس سهل عليه ابدا ان يكون بين ليله وضحاها في ملجئ للأيتام ليس سهل عليه ابدا ان يتربي مع اسره تتبنيه.. كل هذا ينهش من روحه ...

قاطعه رنين هاتفه وكان محمد ...

حمزه بصوت متحشرج ______ الو

محمد _______ امال انت فين عملت اي

حمزه _______ انسي الموضوع

محمد _______ اي اللي حصل هي رفضت

حمزه والدموع تتلئلئ بعينيه مره اخري _____ انا تعبان يا محمد تعبان اوي واجهش في بكاء مرير ك واقعه المرير

محمد بخوف وقلق _____ حمزه في اي حمزه انت فين

حمزه بشهقات _______ طلعت بتخدعيني انا بالنسبالها حاله بالنسبالها ولا حاجه انا ..مش في تفكيرها ولا حاسه حتي بنظراتي ليها انا ...

محمد _______ انا جايلك

قالها واغلق الهاتف وخرج مسرعا من المنزل ولم يرد علي نداءات والدته ووالده ... وصل أمام منزل حمزه وبحث عن مفتاحه الاحتياطي الذي يعلم مكانه جيدا في فازه الزرع الموجوده أمام المنزل ...

دخل يبحث عنه وصل إلي غرفته دخل له وجده ينام عاري الصدر وينتفض بشهقات ...

محمد بخوف عليه ______ حمزه حمزه مالك حمزه
انت ساخن ليه كدا

..قبل أن يصل محمد أخذ حمزه شاور بارد ليهدئ من ضغطه المرتفع لم يرتدي سوي بنطال قطني وتسطح مره اخري فوق فراشه أسفل التكييف المرتفع ...

محمد ______ حمزه انت سامعني مالك

حمزه بهلوسه وهزيان _______ح مزه حمزه زعلان

تحرك محمد الي المرحاض يبحث عن صندوق الاسعافات ليبحث عن مقياس الحراره .. عاد إلي حمزه ولكن انتفض بخضه عندما اقترب منه وجد حمزه ينزف من أنفه ..

محمد بخوف _______ حمزززه  ..اتصل سريعا علي سياره الاسعاف من المشفي وأمرها بالحضور في أقصي سرعه .... عدل من وضعيته وألبسه قميصه وقام بعمل اسعافات اوليه له ......

حضرت سياره الاسعاف وصعد محمد معه يقوم بعمل الانقاذ وتركيب الأكسجين ومؤشرات الضغط ...

🥀🥀

في صباح يوم جديد استيقظت وتين بصمت فتحت عينيها تنظر إلي الا شئ بخواء وخمول تذكرت احداث ليله امس

تطلعت الي الجهه الأخري وجدت جاسر ينام بهيئته الطاغيه والرجوليه ،،يبدو أن الوقت مبكرا فهي تستيقظ دائما علي صوته وهو يرتدي ملابس العمل ....

لا تدري ماذا تفعل معه ..هي لم تفعل شئ حتي يثور عليها هكذا ،،لا تدري لما يحدث لها ذلك تنهدت بضيق ووقفت بهدوء متجهه الي غرفه الملابس جذبت ملابسها وتوجهت الي  المرحاض لتأخذ شاور يهدئ  ‏من الصداع الذي يفتك برأسها ...

خرجت بهدوء مشطت شعرها وجمعته في الخلف ،،،جلست علي الاريكه تنظر ل جاسر بهدوء تام وبدوره تململ بخمول ...

وضع يده فوق رأسه يبعد خصلات شعره بنعاس نظر جواره لم يجدها ..ارتفع بجزءه العلوي جالسا نظر إلي هاتفه ليري الساعه وجدها الثامنه صباحا ...

وقف متنهدا لمح وتين تجلس علي الاريكه بصمت وهدوء

جاسر ببرود ______ جهزي نفسك هنروح لدكتوره

وتين باستغراب ______ ليه

جاسر _______ تشوف مالك

وتين باستغراب ________ بس انا مش تعبانه

جاسر ببرود_______ هتروحي تقوليلها اللي بيحصل معاك لما اقربلك

وتين بخجل وكسوف ________ انا مفياش حاجه وهقولها اي

جاسر _______ معرفش البسي وخلصي هنفطر ونمشي

قالها مع دخوله الي المرحاض ...

وتين بخفوت لنفسها .... دا مجنون والله مجنون

تحركت الي غرفه الملابس مره اخري وارتدت ملابس خاصه بالخروج ...

،،،،
حوريه بابتسامه ________صباح الفل عليكم يا حبايبي

وتين ________ صباح الخير يا ماما

حوريه _______ يسعد صباحك يا حبيبتي خارجه ولا اي

وتين _______ اه مع جاسر ،،ماما متخلنيش اروح مع جاسر

حوريه باستغراب _______ تروحي فين

جاسر بتحذير بعينيه ل وتين ______ صباح الخير يا امي

حوريه _______ صباح النور مالك واخد وتين فين

جاسر ______: واخدها الشركه وهي مش راضيه مكسوفه

حوريه بابتسامه _______ ليه يا حبيبتي روحي معاه تتعرفي علي العالم الجديد

وتين اومئت بصمت ...

وبعد تناولهم للإفطار .....

جاسر ______ يلا

تحركت مرغمه خلفه وصلو الي المستشفي الخاصه به ___

كان قد تحدث مسبقا مع الطبيبه...

جاسر _______ ادخلي وانا هستناك هنا

وتين _______ جاسر هقول اي بس

جاسر ________ يلا ادخلي وانا خمس دقائق وهدخلك

اومئت ودخلت ..رحبت بها الطبيبه بحفاوه ...

&&&& اهلا وسهلا يا مدام ممكن تقولي مشكلتك

وتين بتوتر وخجل ______ هو انا احم

&&&& اتكلمي يا مدام متقلقيش

وتين بخجل ______ لما جاسر بيقربلي ب بتخشب و

الطبيبه أدركت من حديثها _______ اول علاقه كانت برضاك

اومئت برفض _______ لا

الطبيبه ________ علشان كدا . كان أول طابع زرع الخوف جواكي انا هكتبلك ادويه مناسبه وحاولي تقربي منه

اومئت وتين بخجل ... ليقاطعهم طرق الباب وكان جاسر

جاسر ______ تمام كدا

الطبيبه _________ ممكن بعد ازنك اتكلم معاك لوحدنا

جاسر ________ اه اكيد .. وتين ممكن تستني بره دقيقه

اومئت وخرجت ...

$&&& زوجتك طبيعي اللي بيحصل معاها بطبعها الخجول واللي عرفته أن اول علاقه مكنتش كويسه اندلع منها طابع الخوف من الشي دا .. انا كتبتلها ادويه بسيطه يومين بس وتمنعها .وحضرتك تحاول تقرب منها وتخليها تاخد عليك وعلي العالم الجديد اللي دخلته ... وياريت بحنيه ...

جاسر _______ تمام

تحرك خارجا لوتين التي كانت تقف في الخارج ..مع دخول حادث مروع ....

خرجت شهقه عاليه منها ورجعت للخلف بخوف ..لترتطم بصدره...

جاسر. _______ في اي

لم تستطع الرد لتقع مغشي عليها التقطها سريعا بيديه

جاسر بقلق _______ وتين وتين في اي

حملها سريعا وعاد الي الطبيبه التي لم يبتعد عن مكتبها إلا بضع خطوات ...

&&&&& في اي .... من هنا

جاسر ________ أغمي عليها مره واحده

بدأت بالكشف عليها .تحت أنظار جاسر القلقه ... جاءت لترفع بلوزتها ...امسك جاسر يدها سريعا

جاسر بغضب ________ اي بترفعي ليه

الطبيبه باستغراب ________ امال هكشف ازاي

جاسر _______تشوفي أغمي عليها ليه

الطبيبه ______ لو سمحت عايزه اشوف شغلي وبعدين أنا هعمل سونار لاني شاكه في حاجه

جاسر علي مضض تركها وهو يتابعها ...،،، بعد أن انتهت وأعطتها حقنه .. 

جاسر _______في  اي

&&&& زيي ما انا توقعت .مدام وتين حامل

جاسر بدهشه ______ مالها .؟.

&&&& حامل في الشهر الاول

جاسر ومازال غير مصدق ________ ازاي اقصد احم والحمل كويس مفيش اي مشكله

&&&& كل حاجه تمام بس انا هكتب شويه فيتامينات لازم تمشي عليها في الشهور الأولي ..والمتابعة اهم حاجه

جاسر _______ تمام وعادي تاكل الاكل العادي ولا ليها اكل معين

&&&&& اه طبعا عادي بس تكتر من الفواكه والخضروات

جاسر _______هتفوق امتي

.&&&&نص ساعه او اقل

اخذ منها جاسر الورقه وحمل وتين وخرج متوجها إلى السياره. .. فتح له الحارس الباب وضعها برفق في مقعدها وقام بتعديله لتكون نائمه براحه ...

وصل بسيارته أمام القصر .....دخل حاملا إياها بين زراعيه

حوريه بخضه _______ في اي مالها وتين

جاسر_ وهو يصعد الي جناحه وخلفه حوريه القلقه

جاسر ______ اغمي عليها طلعت حامل

حوريه بفرحه وسعاده _______ بجد يا جاسر

جاسر وهو يضع الغطاء عليها بعد أن أزال حزائها ___ اه

حوريه بسعاده وحماس ______ طب الدكتوره قالت اي وحامل في الشهر الكام والحمل كويس ومستقر ولا لا

جاسر بابتسامه بسيطه لرؤيه سعاده والدته _____ كله تمام ودي الادويه اللي هتمشي عليها وهي في الشهر الاول

حوريه _______ الحمد لله الحمد لله

جاسر ______ انتي مبسوطه

حوريه بابتسامه _______ انا هموت من الفرحه يا جاسر مش مصدقه أن اخيرا هشوف ولادك

جاسر بابتسامه _______ بعد الشر عليك .. وتربيه هو كمان

حوريه بحماس وسعاده______ انا مش عارفه اقولك أنا هعمل اي هعمل حجات كتير اوي بص هجهز اوضه خاصه بيه ولعب كتير ولازم

جاسر _______ بس اهدي دا كله مش لما نعرف نوعه اي

حوريه _______ انت اقعد علي جنب متقاطعنيش. .. هي وتين نايمه ليه

جاسر ________نص ساعه هتفوق أغمي عليها شافت حادثه وعرفت انها حامل

حوريه _______ انا فرحانه  .يلا روح شغلك بقي وانا هخلي بالي من وتين

جاسر _______ انتي من اولها كدا هتزوغيني

حوريه _______ ههههههههه انت الاساس برضو يا جوجو

جاسر بتزمر _______ متقوليش جوجو دي بتعصبني

حوريه بمشاغبه _______  حاضر يا جوجتي

جاسر ________يا ماما .....اقولك انا همشي

حوريه ________ جاسر بص بقيت احرك ايدي ازاي

جاسر بسعاده مقبلا يدها ______ الحمد لله

حوريه ________ بس لما ارفعها اوي بترتعش

جاسر _______ مقولتيش للدكتوره ليه

حوريه _______ قالتلي تأثير الأدوية وهتخف لما تأثير الادويه يخف من جسمي

جاسر _____ الحمد لله مش عايزك تشغلي بالك بقي باي حاجه بعد كدا

حوريه بابتسامه______ انا هشغل نفسي ب وتين
والبيبي

جاسر ________ ماشي انا لازم أمشي لو حصل حاجه كلميني

حوريه _______ ماشي ..

🥀🥀🥀

عليا ______ شوفت الاخبار الجديده مرات جاسر حامل واللي عرفته انها المفروض بنت عمي

&&&& لا بقي انا لازم نخطط اكتر من كدا

عليا ______ اعمل اي جاسر قالب الدنيا علي الملف

&&&& كويس اوي دا في صالحنا ..بقولك اي هو انتي قولتيله أن انا خطيبك

عليا _______ لا مقولتش بس هو عارف اني معاك

&&&& المفاجاه اللي كنت قولتلك عليها اني هنزل مصر بكرا

عليا ______ بجد دي احلي مفاجاه

&&&& وهاجي اقعد في القصر علشان نخطط كويس

عليا _______ بس جاسر مش هيوافق

&&&& هو يرفض ليه انا جاي في حقك

عليا _____ صح انا قايمه اعرفه بس

&&&& اوك يا قلبي باي بقي علشان بجهز..

🔥🔥🔥

خلص الفصل 🔥

متنسوش التصويت ⭐

ومتابعه لطيفه تزود الدعم 👇
Lamiaa_Ahmed

بقلمي ❤️ لمياء احمد ❤️