رواية بين العقل و الطريق الفصل الحادي والعشرون 21 - بقلم غزوان علي

بين العقل والطريق
للكاتب غزوان علي
البارت الواحد والعشرون

سأبقى أتمناك .... ولكن ب صمت الروووح
و في كل جهاتي .. يوجد ما يذكرني بــك
كنت و ما زلت و ستبقى مــن ,,,
أروع من أدخله القدر إلى عالمي💔

وين رايحه
انداريت واشوف صابرين الي لزمتني
صابرين .. وين رايحه موج بأبن اخويه
موج .. دخيلج صابرين انتي دوم طيبه ويايه وتختلفين عن امج واختج فدوه عوفيني اخذ ابني والله مااريد شى منكم
صابرين .. وين تروحين بيه وانتي ماعندج احد ولا مكان تروحيله

موج.. اي مكان ارض الله واسعه بس هو بحضني
صابرين .. انتظري يجوز تقتنع امي وترجعج
موج .. انتي تعرفين كلش زين مثل مااني اعرف مراح ترجعني لو ابوس رجلها وصبح وليل هي اصلاً تريد تطعني بشرفي حتى يذبحوني وتخلص مني تتوقعين ترجعني هنا وترجع ابني مستحيل

صابرين .. شوفي موج اني موهين عليه اشوف ابن اخوية يروح وتاخذي ومنعرف بعد انشوفه لا بس اني متأكده راح تكدرين تحافظين عليه
والي خلاني متأكده اصرارج على رجوعه
موج .. شون مااصر غير ابني وروحي هو
صابرين .. اكو نسوان مع الاسف يخلفن ومن يموت الرجال تذب الجهال بالشارع ولا تهتم وتعوفهم يم اهل زوجها وادير وجهه وتتزوج ولا تكول ذوله جهالي شون ينامون شون ياكلون منو الهم اخاف يأذوهم يتشردون تعوف كلشي وتروح بحجه مااكدر اتحمل مسؤوليتهم وحدي وتتزوج
وانتي بوضعج بعدج شابه وصغيره وحلوه وارد كولش تعوفين ابنج وتتزوجين واحتمال حتى متسألين عليه
موج .. يمه لو اموت اني نوم مدانام لان هو موبحضني
صابرين .. لهذا داكولج اني مأمنه بأبن اخويه يمج حتى أمن عليه من امي ودنيا الي سوت المشكله وحركت البيت وراحت لبيتها وجهالها ولا يمها ولا اهتمت بالطفل مريض تعبان جوعان المهم اذتج وراحت

موج .. مااكدر احجي عليها بس اكول حسبي الله ونًعــٌٓمُٓ الوكيل
صابرين .. الولد امانه عندج لتخليني بيوم اتندم ساعدتج
موج .. والله بعيوني توصيني على ابني
صابرين .. اخذتي غراضه
موج .. كتلها شأخذت حتى على الذهب
صابرين .. امشي منو ديساعدج
موج .. شهد
صابرين .. امشي بسرعه انطيها علي وتعالي ويايه
شهد .. اني ميته رعب هاي وين صارت ومااكدر اصيح اخاف يسمعون صوتي وهي تأخرت وجان تجي وياها صابرين اني جمدت ردت اخرب من الخوف
موج .. هااج فدوه ديري بالج راسه لينطخ بالحايط
شهد .. بسم الله اخذته منها وحتى محجيت
صابرين .. شونج شهد . كروب قصص غزوان علي
شهد .. اشوني راح اموت من الخوف اكص ايدي اذا مصار بيه سكر من الرجفه والخوف مال هسه
موج .. لا ان شاء الله تعدي على خير
شهد .. اني خفت من شفتج وياها
صابرين .. لا لتخافين اني بجانبها يله موج بسرعه
موج .. رجعت ويه صابرين لغرفتي خير ليش رجعنا
صابرين .. هاااج
موج .. شنو هذا
صابرين .. هذا الذهب كله اخذي
موج .. مستحيل
موج .. مااخذه لو اموت
صابرين .. بس هذا مال اكرم وحقج وحق ابنج لازم تاخذي بيش تعيشين

موج .. شوفي لو اريد اخذه جان اخذته اول مطبيت للغرفه بس اني اعرف اذا اخذته امج راح تتهمني بوكه الذهب وتشوه سمعتي ومااريد انطيها هذا المجال اني مرايده شى مثل مجيت لبيتكم بغراضي طلعت بيهم بس اخذت اهم شى هو ابني والباقي مااريده
صابرين .. وشون تعيشون الكم قطعه الي اخذتيها متعيشج كم شهر مابيهم ٤ اشهر
موج .. الله ميترك عبده
صابرين .. ونعم بالله بس هذا حقج وحق ابنج
موج .. مااريده اعرف وراه مصيبه
صابرين .. اوكفي ثواني ونزلت جوه ورجعت هااج
موج .. هاي شنو هلمره
صابرين .. هذا ذهبي صح مو هوايه بس يسد حاجه
موج .. هاي شبيج صابرين اكولها مااكدر اخذ
صابرين .. هذا مالتي موو مال احد اني دوم اجيب ذهبي ويايه من ابات هنا يم اهلي لان البيت يبقى فارغ وزوجي يخاف من الظروف فيكولي اخذي الذهب وياج والحمدلله اخذه اخذي وسويلج مكان انتي وابنج بيه وحاولي اطمنيني عليكم
موج .. وزوجج شراح تكوليله
صابرين .. رجلي خوش انسان ويخاف الله واكيد اذا عرف شسويت مراح يزعل اني ممنطيته لغريب منطيته لأبن اخويه ييله فدوه هواي تأخرنا لتكعد امي وتصير سالفه جبيره استعجلي
موج .. بست صابرين واتشكرتها واخذت الذهب
صابرين .. اخذتي المستمسكات
موج .. شسوي بيهم
صابرين .. خرب حظي شكد فاهيه لعد شون اتثبتين هذا ابنج اذا احد لزمج بله كالو خاطفته
موج .. اي والله صح
اخذت اوراقنا الثبوتيه كلها عقد الزواج والبيان مال علاوي والمستمسكات الاربعه ودعت صابرين وطفرت لكيت شهد ميته رعب والطفل بحضنها اخذته
ونزلنا بهدوء
موج .. اروح اني وجان يبجي علاوي
شهد .. ولج سكتي ليحس احد
موج .. وين الكه الممه مالته ياربي استرنا دخيلك
شهد .. رضعي انتي مو صدرج بيه حليب وترضعيه
موج .. انطيته صدري مباشره سكت اووف من فدووه لريحتك ياحبيب امك
شهد .. تعالي رضعي وبعد مومال هسه اطلعين خلي تصير بالخمسه واطلعي اقلها شوي تصير حركه بالشارع
موج .. واذا حست عمتي شون
شهد .. اتصلنا على صابرين واتفقنا اذا حست امها ادك وتنطينا خبر
يله تعالي بغرفه غيث القديمه رضعي ابنج وحضري كولشي كلها ساعه واطلعين واني منا لساعه مجلوطه

موج .. ههههههه والله هم يضحك وهم يبجي بس الي سويتي ويايه عمري ماانساه اختي مسوته الله يحفظلج جهالج وميشوفج مكروه بيهم
شهد .. امين
بس اكدر اسألج لو تضوجين
موج .. لج لتنسين احنا شكد جنا اصدقاء شنو اضوج اسألي اقلها نسولف ونخلص الساعه لان اذا گضيناها سكته يمكن اني انجلط منا لساعه من الخوف والقلق

شهد .. ليش مرجعتي لغيث وخاصه هسه تكدرين تتزوجيه ماكو شى يمنعكم وانتي بالغه سن الرشد واهلج عايفيج يعني ماكو احسن من هيج فرصه تتزوجيه وتستقرين وخاصه انتي تحبيه وهو هم
موج .. اني اعرف من اول معرفتي بعلاقتي بيه ضجتي واي احد يعرف راح يضوج وضعي وياه من الاول غلط بغلط واعرف محرم احنا مو صغار ولا منفتهم واعرف لو البنات خاصة المزوجات  من يسمعون قصتي مينصفوني واشكال الكلام يحجن وهنه حتى لو  جانن  يحبن غير ازواجهن يصيرن براسي شريفات وهنه وبس مع هذا اني غلطت

شهد .. لعد شون تغلطون هيج غلطه
موج .. اكو شى اسمه قدر مكتوب واكو نصيب واكو شى اسمه حب واكو شى اسمه جنون وقله سيطره على النفس ذوله كلهم انجمعوا بينا اني وغيث
الظروف مرات تجبر الانسان يسوي شى خارج عن مبادئه واخلاقه ميعرف هو ليش سوه هيج

اني اكدر وانتي وكل البشريه نكدر نتحكم بنوع الاكل الناكله بلبسنا بأصدقائنا بحياتنا اكثرها بس منكدر نتحكم بگلبنا ومشاعرنا مرات موبيدج تكرهين شخص حتى لو ممسويلج شى بس تكرهي ومتعرفين السبب نفس الشى تحبين شخص احتمال مأذيج بس تحبي شغلات بمشاعرنا منكدر نتحكم بيها اني ماابرر الي سويته اعرفه غلط واعرفه حرام وميصير بس موبيدي حاولت قاومت بس مكدرت حتى اذا احاول ابتعد وانسى گلبي يذكرني بيه انتي لعبالج محاولنا اني ويااه نبتعد وننسى بس كل منبتعد يصير شى يرجعنا اقوى الي بينا محد راح يعرفه ولا يحسه بس الي عايشه

شهد .. بس بوضعج جان لازم تقاومين
موج .. كل واحد وطاقته شهد اكو ناس قويه تكدر او اكو ناس عدها سبب تقاوم هذا الشى وتكدر واكو ناس ضعيفه مثلي محتاجه كلمه حب وحنان واكو لا هي الخيانه طبع بدمهم كل انسان الله خالقه بطاقه ومقدره مختلفه
انتي او غيرج تقارن نفسها وتكول شون تحبين غير زوجج شون تخوني
شهد .. صح
موج .. بس انتي لتحطين نفسج وتقارنين لان اكيد وضعج احسن من وضعي وانتي قويه وكدرتي تقاومين احتمال لوجنت بوضعج وظروفج ومستقره مااسويها لحد يقارن نفسه بغيره كل انسان اله طبعه وظروفه
وعلاقتي بغيث بلسم لجروحي اني حبيته حب بجنون
شهد .. ليش متزوجتي مجاوبتيني
موج .. لخاطره
شهد .. شون يعني . بيج قصص غزوان علي
موج .. من كثر مااحبه وصلت مرحله احبه اكثر من نفسي وافضله على نفسي وعلى حياتي ومشاعري اصعب قرار تتخذي بحياتج من اتركين حب عمرج وانتي بأمس الحاجه اله من اتركيه لحضن غيرج تحت اي مسمى اصعب من الموت وربج تدرين شكد محتاجته شكد اتمنى اكون هسه بحضنه وابجي واكوله اشتاقيتلك اشتاقيت لضحكتك لريحتك لغزلك اشتاقيت لنصايحك اشتاقيت حتى لعصبيتك تعرفين شنو شعوري واني اشوفه يكول لزوجته حبيبتي الي يحب بجنون يكون اناني بطبعه لان يريده اله وبس واني بيوم من الايام حبيته بأنانيه بس لهنا وبس لازم اتنازل عن انانيتي وابتعد حتى مااهدم حياته

شهد .. لهاي الدرجه تحبي
موج .. ااااااااه ياگلبي لو عندك لسان جان بجى امه محمد من تحجي عن حبك والمك
اني اتنفسه شهد وهاي حقيقه واقع مااكدر اغيره لو مهما كان بس هسه وصلت لقناعه حياته واستقراره اهم مني زوجته تحبه ومداريته وتخاف عليه وهو هم يحبها

شهد .. عبالك داسولف ويه غيث مو وياج نفس الحچي اثنينكم تكولوه
موج .. هذا مو حچي هاي مشاعر اني رايحه وعايفه انفاسي وروحي هنا اني صرت جسد بلاروح لازم اعوفه يعيش حياته مستقر لا قال ولا قلت مااريد ادخله بدوامه يخسر بيها كولشي من حبي اله اريد اشوفه سعيد حتى لو بدوني

شهد .. متغارين
موج .. ااووف من الغيرة موت بطئ واحساس بشع تتگطعين قطعه قطعه وعلى القطعه تذبين تيزاب هذا شعور الغيره وفوكاها مابيدي شى بس بيدي ابتعد شكد مااكدر حتى ليتحرك الاخضر واليابس خلي بحياته الجديده وراح يجي ابنه ويلتهي ويااه وزوجته حبابه وخوش انسانه المهم هو بخير وسعيد اني راح اكون مرتاحه

شهد .. اذا كعد وملكاج راح يگلب الدنيا الصراحه هو بعده مجنون بيج
موج .. اعرف واعرف غيث عمره منساني ولا راح ينساني اني اول كولشي
شهد .. خرب بلحظ راح ابجي اثنينكم نفس الكلام شنو من حب هذا
موج .. حبنا حب ارواح والي يحب روح عمره ميموت حبه
بس فدوه امانه عليج كوليله اذا عرفوا بيج مساعدتني اذا وان شاء الله ميعرفون
شهد .. اذا عرف يحركني والله
موج .. اذا عرف كوليله اني موبس احبك اني اتنفسك وراح اعيش على انفاسك طول عمري وانتبه لصحتك لان صحتي مرتبطه بصحتك
شهد .. شنوو معناه
موج .. بس كوليله هيج وهو يعرف  وٍيله صارت ساعه ٥ بسرعه خلي نكوم
شهد .. وين راح ترحين
موج .. مااكدر اكولج حتى لحد يضغط عليج وتحجين
شهد .. والله من راشدي واحد احجي كولشي
موج .. ههههههههه ان شاء الله تعدي على خير

وتشكرت من شهد وطلعت بهدوء واخذت غراضي ومشيت لراس الشارع مغطيه وجهي وابني حتى لحد يعرفنا امشي بخطوات وكل خطوه لطريق مجهول مااعرف مصيري ومصير ابني الدنيا افترت بيه وانطتني ظهرها واني لازم اعتمد على نفسي وصلت راس الشارع انداريت واباوع المنطقه هدوء وماكو احد ساعه ٥ الفجر باوعت بأتجاه بيت غيث مودع بألله حبيبي روح الله يوفقك وبكل خطوه السلامه راح اشتاقلك واعيش ايامي الجايه على ذكراك وعلى كل لحظه عشتها بحب وياك يارب احفظه بعينك الي لاتنام ولا تشوفني بيه بيوم مكروه وسامحني يارب لان حبيته واني على ذمه غيره انت اعلم بحالي وانت رب القلوب ارحم گلبي بفركاه  انطيني وانطيه القوه حتى نتحمل الفراك راح اشتاقلك يااغلى من نظر العين
مسحت دمعتي وكملت مشيتي

ضليت واكفه انتظر تكسي وارجف وخايفه وتنفسي سريع وكوه واكفه واجر النفس وادعي محد يطلع ويشوفني او تحس عمتي ويلزموني ويروح تعبي كله وبعد ربع ساعه اعتبرها عمر مو ١٥ دقيقه انتظار كوه لكيت تكسي وارجف اريد بس اطلع من المنطقه
الله يساعدك اخويه لكراج العلاوي
تفضلي اختي

وصعدت وطول الطريق اقرأ ايات اني حتى كروه مسألته شكد يريد لان مصاعده تكسي قبل ولا اندل طول حياتي ومن اني وبنيه ابويه واخوتي ويودون ويجيبون ومن اتزوجت مااكدر اطلع بدون عمتي وهم عمي يودينا يعني لا اندل منطقه ولا اعرف التكسي وكروته بس شسوي هذا حال الدنيا تگلب الواحد گلب

وصلت للكراج اتلفت والرعب والرجفه مسيطرات عليه وخاصه اشوف انواع الزلم وامشي واحس الكل تباوع عليه ويعرفون شمسويه طول ماامشي احس روحي اتعثر من الخوف وهلمره علاوي كعد ويبجي جوعان ربي دخيلك ساعدني ماعندي احد ولا اعرف احد باوعت شفت بنات طالبات يتمشون سألتهم اريد بس ارضع ابني اشرولي اكو حمام نساء دخلت شسوي من ضيمي رضعته ردت بس ينام حتى اكدر اندل طريقي شبع علاوي ورجع نام

الحمدلله اني احس راسي راح يطك ضغطي هبط وهسه ساعه ٦ ونص الصبح وين اروح المن مااعرف احد شفت كيه واكفه وتصيح كربلا كربلا كلت رحمتك ربي شون نسيت هذا المكان لازم اطلع من بغداد وماكو أمن من اهل البيت اروح دخيله عدهم ركبت واني تعبانه ونوم منايمه انتجيت على المرايه ومحسيت غير مره جبيره بالعمر ادغني بجتفي
يمه الكروه ديصيحون وانتي  ووليدج طول الطريق نايمين
موج .. العفو حجيه بس شكد الكروه مااعرف
١٠٠٠٠ الالاف
فتحت الجزدان باوعت بيه ٣٠ الف نعمه طلعت ١٠ وانطيت طول الطريق صافنه على حالي وبعدين موج شراح تسوين وين تروحين منو الج ومنو راح يرحمج بقيت طول الطريق صافنه وافكر ملكيت جواب

وصلت لكربلا افيييش ياريحتها وامشي وامشي اني جايه سابقاً اكثر من مره بس مو وحدي  هلمره امشي وحدي والخوف والتعب والجوع مسيطر على حالي شفت واحد يبيع لفات فلافل اني مااحبها بس شسوي لازم اقتصد بال ٢٠ الي بقو لحد مااشوف صرفه بالذهب اخاف اطلعه كدام احد عبالهم بايكته اخذت لفه وعصير واكلت والحمدلله وبقيت امشي لحد موصلت بين الحرمين رحت للمغاسل غسلت وغسلت لعلاوي وبدلتله ورضعته الحمدلله مفطمته وبعده ياخذ صدري جان منين اشربه حليب ولو اخذت القوطيه الي مشتريتها عمتي وياها الممه بس خالتها للطوارئ اخاف احتاجها ومااكدر ارضعه اشربه منها

حل الليل واني وحدي غريبه اصفن بوجوه العالم ومااعرف شسوي وين انطي وجهي التعب والارق سيطر عليه وداحاول ابقى صاحيه حتى مااضيع اغراضي اخاف انباك واني نايمه بقيت  كاعده بين الحرمين كلت خلي اكوم اتوضه واصلي بس علاوي وين اخلي اخاف عليه كولش بعد الي صارلي كمت اخاف عليه اضعاف قبل

توضيت وهو يمي رحت للامانات ذبيت جنطي همزين اكو مكان أمن بيه الغراض وراها دخلت للامام الحسين عليه السلام ااااوف رهبه ومقام يخلي الواحد جسمه ينتفض من الخشوع وبنفس الوقت الدموع تنزل بدون متحس من رهبه المقام وعظمته  صليت صلاة الزياره واني مدده ابني يمي ونايم همزين هو طبعه هادئ بس من يجوع يبجي

باوعت على الحظره وصفنت على حالي وشون افتر بيه الوكت وخلاني وحيده بدون اهل ولا سند اتلطم بالدنيا وبحضني طفل
دخيلك ياسيدي ومولاي اني غريبه احلفك بغربه مولاتنا زينب عندك ساعدني مااريد اضيع بالدنيا اجيتكم وبجاهكم عند رب العالمين  انقذوني تايهه ومالي احد غير الله وغيركم والناس مترحم ضاقت بيه والحال تعب يـارب ارحمني وارحم بحال ابني ربي نورلي طريقي وابعد عني ام اكرم ومصايبها اني جايه وذابه حملي وهمي عليكم وحشاكم تردون محتاج واني محتاجه الستر والامان وخايفه من الدنيا واني وحدي وخايفه وكمت ابجي وادعي وبقيت اقرا قران واصلي لحد صلاة الصبح توجهت لزياره الامام العباس عليه السلام اول متدخل للامام العباس تحسس بشموخ وقوه  وبقيت اصلي وادعي ماعندي غير الدعاء ارتاحيت شويه وهدأت نفسيتي بس مااكدر ماافكر وين اروح لو افكر شراح اسوي صار الصبح واني بعدني اراوح بنفس المكان تعبت كولش وبدا علي يتضايق ويبجي ضوجني باوعت فلوس متكفي أجر غرفه بفندق وهم اخاف كلت مابيها مجال خلي ابقى حالي حال هاي الناس بين الحرمين كعدتي ونومتي كعدت بمكان وبهدوء فتحت الذهب وجريت محبس اقلها ابيعه ويصير عندي فلوس مبقت عندي بس ١٥ الف دخلت للصايخ واخذه مني صح كسر بسعره بس الحمدلله اخذه وانطاني ٢٥٠ خليتهم بالجزدان ورجعت اشتريت حفاظات لعلاوي واخذت اكل اليه وكعدت اكل احس تبهذلت بس اهون عليه مما ياخذون ابني بقيت اكثر من ٥ ايام  بكربلاء ومااعرف وين انطي وجهي اخاف من كل الناس حتى العبايه لافتها عليه لف اخاف اذا رجال فات من يمي يباوع عليه او احد يسألني انتي منو  احس على لحظه الكه عمتي فوك راسي وتاخذ علي مني

تعرفت على وحده من الحارسات الي بالتفتيش جانت خوش مره تطلع عمرها بالخمسين شافتني اكثر من مره باليوم اطب واطلع للامام واكثر من يوم  وسألتني عندج نذر تباتين لو شنو معرفت شجاوبها صار ماعندي ثقه بالناس من الي شفته من اقرب الناس وكتلها اي كامت خطيه تساعدني بأن اكعد ارضع علاوي يمها صح هواي مفتشات موجودات بس هي تختلف عن الكل والكل يحبها رغم اكثرهن مقبلن ابقى كاعده يمهم ممنوع بس هي كالت على مسؤوليتي

تشكرت منها مردت احرجها بس هي مقبلت وكمت من اريد ارضع لعلاوي يمها وبالنسبه الي اغسل وابدل بالحمامات وبهذا الوقت اعوف علي يمها تقربت مني وكامت تحجيلي عن حالها الكل يصيحلها ام منتظر وجانت دوم تضحك وتتشاقى ومرحه حسيتها ام لكل الموجودات

مرات تشوف ناس متعرفهم بس من الله ترتاح الهم رغم حتى اي صله قرابه ماكو بس تحسهم طيبين هذا الاحساس الي حسيته تجاه ام منتظر وبليل كاعده ارضع وميقبل يرضع
ام منتظر .. بنتي شوفي خاف مصخن
موج .. اي والله خاله مصخن شون بيه
ام منتظر .. على كيفج شنو سالفتج شنو هذا الرجف طفل ومصخن قابل بس هو ليش ممجربه يصخن قبل
موج .. لا هاي اول مره لان مااطلعه بس هلمره حر وبرد من ورايه كله من ورايه اني مرضته

ام منتظر .. بنتي على كيفج ارحمي حالج هو طفل يتمرض ويوكع هذا موخوف هذا وسواس هيج حتى تأذين نفسج شو جيبي . كروب قصص غزوان علي
موج .. وين ماخذته فدوه

ام منتظر .. لتخافين نروح هنا اكو مستوصف  متنقل قريب نجيب تحاميل خافض حراره وانتي بايرول ويفحصه الطبيب ونجي امشي
موج .. وخلف الله عليها هاي المره انقاذ الي لو ما هي اني الله اعلم بحالي وفحصه الطبيب الخفر  وبس صخونه من الجو والليل كله سهرانه اباوع عليه

ام منتظر .. احجيلي بنتي شنو موضوعج انتي
موج .. اي موضوع خاله
ام منتظر .. شوفي حبيبه مال تكوليلي نذر ومانذر مااصدك كاعد تشوفين هذا الشيب الي براسي مااجه من فراغ احجيلي يجوز ترتاحين حليوه مثلج صارلها اكثر من ٦ ايام بالائمه وحدها وياها طفل لا رجال لا مره وتبات تتوقعين اصدك نذر النذر يوم بزايد ٣ ودوم وياهن احد خاصه اذا شابه بعمرج او اصغر بس هاج طبينا اليوم السابع وانتي هنا وضعج مو مال تروحين احجي بنتي

موج .. شحجي خاله الي بيه تعب وضيم وقهر يجوز متفتهميني يجوز اتضوجين مني خليني ساكته احسن
ام منتظر .. مااحكم على البشر من ظروفهم مرات الظروف تعبانه تجبره يسوي شغلات ميريد يسويها احجي يمه خليني افتهم موضوعج

موج .. وبديت احجي بهدوء من اول موعيت على الدنيا بحيث احجي ساعات جره وحده لحد الفجر لحد مصاح الله اكبر مال صلاة الصبح وام منتظره بس صافنه عليه

يجوز كرهتيني يجوز ضجتي مني بس اني مكذبت بحرف وحق الائمه الي اني بينهم هسه
ام منتظر .. كومي نصلي وراها نكمل
صلينا وراها كعدنا
ام منتظر .. اسمعي بنتي يجوز الي سويتيه هواي بيه اغلاط وسبحان الي ميغلط مااكولج حقج بس انتي هم غلطتي بس اكثر العتب مو عليج على اهلج الي عافوا بنيه شابه ودارو وجهم
موج .. حظي بعد شسوي
ام منتظر .. وشناويه تسوين
موج .. مااعرف والله وماعندي مكان اروح الها متشوفين اني هنا

ام منتظر .. شوفي بنتي ربج مسبب الاسباب واني حطني رب العالمين بطريقج لسبب حلج عندي
موج .. ياريت فدووه خاله
ام منتظر .. عندي اخت كاعده  بالكوت بحي الانوار  وحدها اكبر مني عمرها ٦٥ سنه

موج .. ليش وحدها
ام منتظر ...زوجت بناتها اثنين وحده راحت لأيران ويه رجلها والثانيه لبغداد وعدها اثنين ولد تعاركو بينهم من وره الجناين المعزايات وكل وحده رادت بيت وحدها وتالي عزلو عنها واشتروا بيوت صح قريبه عليهم بنفس المنطقه بس كل وين وين يرحون لأمهم حرامات التعب والربه الي ربتهم بيه
المهم تعيشين يمها هم محد يعرفج هناك وهم ادارين اختي وتونسيها وهي كلش طيبه وحبابه واكيد راح تحبيها

موج .. ممكن سؤال خاله
كولي يمه شنوو
موج .. شون تأمنين على اختج مني يجوز اجذب
ام منتظر .. دوم ماعندج ايمان برب العالمين بأن هو الي يحمينا ويدفع البلاء عنه وهو يقدم الخير النا مراح تصادفين الناس الموزينه اني بحياتي ومن الي شفته كمت اميز الناس الخيره من الحشاج الطايح حظها ومن اول موكعت عيني عليج عرفتج بنت اوادم ومو وجهه بهذله وراج قصه جبيره بس عفتج براحتج وليش سألتج اليوم لان اني باجر ماكو ولمده ١٠ ايام اخذت اجازه ومردت اروح قبل مااعرف انتي منو وشنو قصتج

ومن عرفتها مااكدر اتركج راح تتأذين وتضيعين واخاف توكعين بيد ناس متخاف الله تعالي ويايه واذا مرتاحيتي روحي بحال سبيلج

موج .. صفنت وفكرت بكلامها اني ماعندي احد واذا ابقى هنا اتأذه اكثر والى متى اقلها اجرب صح خطر المفروض مااجازف واروح ويه مره مااعرفها بس شسوي ماعندي غير حل اقلها هاي المره صار ٦ ايام حايره بيه وهي متعرفني والكل يحبها ويقدرها اكيد ماوراها اذيه خلي اتوكل على الله واروح وياها قابل شريد اشوف اكثر من الي شفته

دنجت ورفعت راسي لرب العالمين
الحمد للـّہ والشكر ربي متترك عبدك ضايع ومحتار والصبح حظرت غراضي وتوجهت لحياه الله اعلم شبيها من ناس وشون تكون حياتي واني غريبه ومالي احد

غيث ... نايم وقلق بنومتي على موج وكوابيس مزعجة وجه الصبح نمت بعمق كعدت متأخر لان دوامي طبيعته هيج واول منزلت لكيت شهد واسيل يحجون الي فهمته موج ماخذه الطفل وطالعة مااعرف شحسيت احساس غريب كأن طفلتي وضاعت مني مگدرت الزم نفسي بس اصيح شون راحت ليش خليتوها تطلع انتجيت عالحايط وقلبي يحجي اااخ ياموج ليش هيج تسوين بنفسج ليش هيج تسوين بنفسي شون انطاج گلبج تعوفيني اني من بعدج اضيع صح جنت اسوي نفسي مااهتم وانتي بيت ابو اكرم بس احسج قريبة مني ومطمن انفاسج توصلني وهسة بكل برود تركيني معقوله بسبب ابنج  لا مااعتقد علمود ابنج  اعرف السبب الحقيقي هو حتى تبتعدين عني اااه ياناري وين اروح اسأل ماادري ...  وين

اسيل .. شفته انهار تخبلت شبيه يعني لهاي الدرجه صارت مشاعره علني وممهتم احد يعرف او اتحسس او انقهر مكدرت احجي وبس واكفه مذهوله من انهياره وشهد تحاول تهدي

شهد .. على كيفك غتو لتنسى نفسك
غيث .. شوكت طلعت احجي
شهد .. صدوك كذب اصحى يمعود
غيث .. بصوت رج البيت رج داكولج شوكت طلعت
شهد .. مادري كعدنا الصبح ملكيناها وره شويه اجتي ام اكرم بالباب صيحت وعيطت وطلع عمي وزيد حتى يسكتوها وعرفنا بايكه الطفل وطافره وهسه راحت ام اكرم تقدم شكوى بالمركز وابوك وزيد وياها يريدون بس يهدوها وهي ميفيد گلبت المنطقه كلها حتى تهمت عمي وزيد مساعديها

غيث .. كل هذا واني نايم وماادري
اسيل .. قابل شتريد تسوي تاخذها بحضنك واطبطب عليها
غيث .. اسيل احترمي نفسج واسكتي لتخليني اتجاوز عليج
اسيل .. كافي لعبتها لروحي هيج ماعندك احترام لمشاعري لهاي الدرجه تحبها
غيث .. شنوو ارتبكت من كالت هيج ومعرفت اجاوبها شنو احبها
اسيل .. اي تحبها اعرف بيك من اول يوم عرسنا من خابرتك وانت تهسترت وكسرت التلفون من وراها وغيرها وغيرها من اول يوم عرفت تحبها وهي كسرتك وعافتك وهسه حضرتك رجعت تركض عليها

جيتت عليها دااضربها على جرئتها صارت بيني وبينهاشهد
على كيفك غتو لتنسى هي حامل
غيث .. سكتيها لا ادفنها هنا

اسيل .. ليش لا اكيد تدفني علمود ست الحسن بله مستحيت على نفسك من حبيت وحده متزوجه شكلت لروحك من دنت نفسك على متزوجه مكلت حرام مكلت الله يطلعها بعرضي

شهد .. اششش شجاج تخبلتي
غيث .. اليوم احركج واحرك اهلج
شهد .. فدووه دخيلك البنيه حامل تموت بيدك وكوه لازمه غتو وادفع بيه حتى ضربها واجتي الضربه بجتفي وصايره بينها وبينه وهاي انفتحت اريداسكتها ماكو

وبهاي اللحظه دخل عمي وزيد وعمتي اجتي تركض يمه ياستار بوجه منو مصبحين اليوم بس مصايب
ابو زيد.. خيركم شنوو هذا الصوت والعياط
غيث .. اليوم مااعوفج يااسيل اله اكص لسانج اصبريلي
اسيل .. كافي تعبت حس بيه كول عندي زوجه تحبك وتسوه راسها لو هي شريفة مجان حبتك وهي على ذمه رجال بس هاي الساقطات ماعدهن شغل وعمل بس يفترن على الزلم
غيث .. متحملت كلامها على موج وفقدت وبدون شعور ضربتها راشدي وجريتها من شعرها ودااضربها حيل مدااحس وكوه جرني ابويه وزيد

غيث .. اياج تحجين عليها هاي اشرف من الشرف غير وحده وبهاي ظروفها مجان راحت جان قبلت عرض زواجي
اسيل .. ضربني بقوه وهاي اول مره يمد ايده عليه ماادري شصار بيه عبالك شيطان وركب راسي من الغيره والقهر عليت صوتي عليه واغلط واتجاوز وهاي مو اخلاقي بس اني احبه ومتحملت اشوفه هيج يرجف عليها ومن سمعت عارض الزواج عليها كعدت بلكاع وبس ابجي

أبو زيد.. كافي شوو تعال خلي افتهم كلشي تعاال
شهد .. كومي حبيبتي بطنج موزين عليها
اسيل .. سمعتي الي سمعته عارض الزواج عليها
ام زيد.. من عزه الي عزاك غيث كل هاي البلاوي تطلع منك واحنا مندري
شهد .. اي سمعت كومي ولج راح تموتين
اسيل .. موتني شهد هسه ذبحي غيث يعني لو ما هي تهرب جان اتزوجها
شهد .. شوو كومي كوه كومتها واخذتها لغرفتها تمددت على الجربايه وبس تبجي
كاافي اسكتي شجاج تخبلتي شون تتجاوزين هيج عليه نسيتي نفسج نسيتي هو رجلج وفوكاها تغلطين كدام ابوه واخوه انت عاقله شخبلج

اسيل .. هو خبلني وهو مبقى عقل براسي يعني ذيج الاشهر كلها يمثل عليه الحب والاهتمام وبس شافها ظهر على حقيقته
شهد .. محد يعرف يمثل الحب والاهتمام مده طويله حتى اذا نجح يوم يومين شهرين بس مو كل هاي المده
اسيل .. يعني شنو يحبني ويحبها وين اكو هيج شى فلم هندي

شهد .. اسوله گلب الرجال مو مثل المره يختلف يكدر يحب اثنين ويهتم بيهم ويراعي الله بيهم بدون حتى ميحسون بنقص الله خلق تركيبته هيج لهذا حلل اله زواج المتعدد مو مثل المره تحب واحد تقفل عليه
اسيل .. يعني على حجيج لازم كل الزلم تتزوج اثنين اثنين لان يكدرون يحبون اثنين نسوان

شهد .. مفهمتي يعني مقصد كلامي انتي يحبج زوجته وصاينته وام ابنه وشفتي ممقصر وياج ويخاف عليج
اسيل .. وهي
شهد .. هي الها مشاعر مختلفه عنج عاش اول حب وياها واول مشاعر العشق .. بيج قصص غزوان علي
اسيل .. انتي جايه تهديني لو تخبليني بالزايد
شهد .. اني اجاي افهمج تره بهذا الضغط راح تخسري تعالي كوليلي هي وينها موج الي هسه گبت العركه من وراها هااا كوليلي وينها راحت وبعد منشوفها يعني لو بعدها بالبيت جان حقج بس هي راحت وتركت غيث والدنيا كلها حتى لتهدم بيتج مجان المفروض تفقدين اعصابج وتكولين عليها ساقطه هي لو تريد جان هسه زوجته

اسيل .. موجنتي ضدها هسه صرتي وياها والله مااعرفج بيا طرف انتي
شهد ..  اني ويه الحق الي شفته بموج عجبني لوغيرها مره متعب نفسها وتبوك ابنها والله اعلم شراح يطلعون تهم عليها ويطعنون بيها تتزوج الي تحبه وخاصه تعرف بيه يموت عليها ويعيشها احسن عيشه ولا تعب نفسها ولا شى وبالنسبه الج غصب عنج ترضخين للامر الواقع قابل شسوين تطلكين وتعوفيه الها راح تزعلين يوم يومين وراها ترجعين عادي هواي نسوان گلبن الدنيا وعياط وصياح ومشاكل وروح وتعال وتالي لو طلكها وتزوج الي رادها لو جابها على زوجته وغصب عنها سكتت ورضت بالامر الواقع وخاصه اذا عدها اطفال تربيهم الرجال يااسيل اذا راد شى يسوي لو الف مره توكف بوجهه يسوي
لتضيعين على نفسج وعلى بيتج البنيه راحت الله يسهل الها وانتي ارتاحي هسه ومن يجي اعتذري منه

اسيل .. فوكاها اعتذر
شهد .. اعتذري على الغلط والتجاوز وحاولي ترجعي لحضنج لتروح تخسري للابد ياثوله وتضلين هاي ضلتج وهم يروح يدور عليها

ابو زيد.. تعال فهمني شنو الحجي الي كالته مرتك انت صدوك بعلاقه ويه موج
غيث .. بابا رحمه لأبوك اني تعبان ومالي خلك نقاش عوفه غير وقت
ابو زيد.. لك ياتعبان انت تعرف اذا احد عرف من اهلها او اهل اكرم شيسون يحركون البيت علينا
غيث .. خلي رجال منهم يتقرب اكتله خلاص وانعل شيب اهلهم

زيد.. على كيفك شبيك اعصاب راح اطك هسه احجي على كيفك
غيث .. كتلكم ماااكدر احجي هسه تعبان افتهموني ولو مره افتهموني تعبان وكعدت على القنفه وايدي على راسي ومنهار وبالي كله يمها وحاير وين الكاها وميت خوف عليها اعرف بيها جبانه مدبر شى وحدها وفوكاها وياها طفل

ابو زيد.. كعدت يم غيث شوف ابني كلنا مرينا بتجارب بالحياه اشكال والوان وخاصه بالحب بس من اتزوجنا هاي الامور كلها ذبيتاها وره ظهرنا انت تزوجت ومرتك خوش مره وانت اختاريتها محد جبرك وهي هسه حامل وكله ايام وتصير اب عوف كولشي اني مراح اسألك هسه شنو نوع علاقتك بموج لان مبين على وجهك وضعك بس ياابني انت حبيت غلط والغلط ميدوم
غيث .. حسيت روحي طفل ومحتاج حضن امي وابويه احس روحي ضايع وضيعت عمري باوعت على ابويه
بابا احبها وروحي معلكه بيها
ابو زيد.. اني حسيت من اتصوبت وهذريت بأسمها بس كذبت نفسي وكلت ابني غتو ميسويها ويباوع على عرض العالم ويتعدى عليه بس طلعت غلطان

غيث .. محد بيكم يفهم شنو معنى ان تحب شخص اكثر من روحك وتعرف بيه مستحيل يصير الك ورغم هذا متكدر اتركه

رغم كل عيوبها حبيتها وادري بيها متزوجه عشقتها وادري بيها مووالي وحاربت القدر وكلت لازم تصير حلالي  تمسكت بيها بخبال وراحت ويوم ماگل العوائق الي بينا تختفي واكدر ارجعها الي تروح وتعوفني

زيد.. من الاول كتلك عوفها يمعود لتغرك عوفها هاي تاليتها
غيث .. غركت وبعد ميفيد الحجي
ابو زيد.. اني مراضي على كل الي سويته بس مابيدي شى الي صار صار والبنيه راحت لحال سبيلها الي عليك هسه تنساها

غيث .. وكفت على حيلي منو الي انساها
ابو زيد.. موج ولا كأنك بيوم عرفتها وارجع لبيتك ولمرتك ولحياتك ولشغلك وذيج تنساها تماما ولاكأنك عرفتها بيوم كافي الي صار والحمدلله راحت وخلصنا منها ومااريد اسمع اسمها بهذا البيت ابد

غيث .. هي دكمه وادوسها وانساها هاي مشاعر وحب هو بكيفي تحجي ولا كأن عندي احساس وكاعد اتألم لان راحت مني
ابو زيد.. الحچي الي كلته مااعيده ولا اثني وانتهى النقاش ارجع لنفسك واعقل تره الجنون يودي الشخص للتهلكه امشي بعقلك واترك طريق موج طريقها كله شوك

غيث .. غلطان بابا اني حبيت موج بعقلي والي يحب بعقل مستحيل ينسى وحياتي هسه هذا الطريق الي مجبور امشي

زيد.. كول ياالله وروح ارتاح وشوف مرتك خطيه لتروح تتأذه كافي مديت ايدك عليها كدامنا خطيه وهي حامل

طبها مرض حتى لتتجاوز بعد
ابو زيد.. حقها انت مصختها روح ابني وعوف كولشي
غيث .. اسمعني بابا وانت هم زيد صير شاهد على كلامي يوم ماالكه موج لو الدنيا كلها تصير ضدي اخذها اخذها
ابو زيد.. عناد هو
غيث .. موو عناد حب احبها موبيدي لوتحجون منا لباجر متهزون شعره بقلبي تجاهه هاي ساكنه هنا وهنا واشرت على گلبي وعقلي
وعفتهم وطلعت صعدت فوك والنار والشرار تطلع من عيوني اول مدخلت للغرفه بدلت بسرعه ونزلت وعفت اسيل تبجي حتى مباوعت بوجها كاره نفسي وكل الناس وبالي كله يمها اكلت شربت نامت احد تعرض الها تحارش بيها شصار بيج وين رحتي عني هيج تسوين بيه هيج تأذين حبيبج

موج .. رحت ويه ام منتظر وتعرفت على اختها ام مهدي صدوك طلعت مره حبايه وتضحك للهوا
تعالي يمه اكعدي شوفي حبيبة اني وحدي بهذا البيت ومثل مكعد تشوفيه هو زين ١٠٠ متر نعمه ورحمه

موج .. الحمدلله خاله خير
ام مهدي.. الفوك كله غراض وهوسه لادوخين روحج بيهم ذوله زباله ولدي ياهو عنده شى ميريده يجيبه يمي ضمي يمه لحد منترست الغرف
موج .. خاله لاتهتمين بأي مكان انام
ام مهدي .. لابنيتي اكو غرفه هاي بصف غرفتي شوي وصخه تعرفين حبوبتج مريضه وماتكدر تنظف كل البيت بس الغرفه لان انام بيها واصلي والصاله لان يجون خطار وهلكدر عليه
موج .. ان شاء الله اني مااخليج محتاجه شى
ام مهدي ..هذا بيتج وانتي حسبت بنتي اني عندي التقاعد مال الزلمه الله يرحمه عايشه عليه ولدي ينطوني بس مااخذ عافوني وحدي من وره نسوانهم مااخليهم يتصدقون عليه الي يجيني من التقاعد اني وياج نعيش بيه
موج .. لا خاله احاول اشتغل
ام مهدي .. شوفي يمه احنا هنا موو بغداد هنا الكلمه والطبه والطلعه محسوبه على المره حتى اذا طلعتي لازم تلبسين عباه على راسج وماتذبيها واذا سألوج انتي بنت منو كوليلهم اني بنت اخت حجيه فاطمه ام مهدي
موج .. والولد شراح تكوليلهم
ام مهدي .. الولد راح اكولهم انتي بنت بت خالتي حجيه خالديه وبيتكم جان بالناصريه شلتوا لبغداد وانقطعت اخباركم وراها توفت امج
موج .. اسم الله عليها
ام مهدي .. ههههههه دنحجي على خالديه لتنسين
موج .. اي اعرف خاله بس من جبتي طاري موت امي نغزني گلبي . كروب قصص غزوان علي
ام مهدي .. العمر الطويل الها بنيتي
المهم وراها محد بقالج وزوجج مسافر
موج .. خاله اني ارمله
ام مهدي .. يابنيتي اذا سمعن جنايني انتي ارمله مراح تخلصين منهن ومن لسانهن زوجج مسافر احسن واهدأ الج

موج .. هذا هو خاله تشكرت من خاله ام منتظر وبقت على الغدا ويانه طبيت نزعت ملابسي ولبست دشداشه وتحزمت وانظف انكسر ظهري مو بًيـت خرابه وعلاوي يم الحجيه فاطمه متونسه عليه

كملت الشغل بطلعان الروح بقيت ٣ ايام اشتغل اكعد من الصبح بس انظف سويت البيت يجنن من النظافه تعبت وحيلي انهد وضغطي مديستقر دخلت اسبح حتى اشوف علاوي واخذه وانام هسه ساعه ٩ بليل حجيه فاطمه تنام من ساعه ٨ متعلمه اني من التعب والشغل كلت هم اسبح وانام دخلت للحمام جوه الدوش وتذكرته ااااه يانار گلبي المتنطفي عليك ياترى شونه حالك بدوني شونك بدون امواجك
اتذكرت من يغنيلي لوو من يدزلي اشعار وغزل نزلت دموعي ويه مي الدوش تغسل جسمي عسى اطفي نار روحي وگلبي بفراكه بس كل دمعه تشعلني مطفيني
اشتاقيتلك غيث حيييل اشتاقيت مسحت دموعي وسحبت المنشفه ونشفت جسمي ودموعي لبست ولفيت المنشفه على راسي دااطلع واشوف رجال  گبالي يمشي على كيف وتفاجأ من شافني واني  من شفته جان اعيط

يتبع ...

ما بـچيت بفرگـتك لا مستحيل  بـيمن أبـچـي وعندك أنته عيونـي
وياك راحن وي خطوتك من مشيت ونعم الله الوادم يگـودونـي
وداعت أمي بغيبتك ما عندي حيل گوه بوقات الصلاة يشيلونـي
وگوه أردن لو عله الگـاع أنـحنيت ومن أرد عل حايط يتـچـونـي
كلشي بيه أنهار بفراگـك خويت أهلي گـد ما أيسـوا جبلوني
بس وحقك لو خبر سمعونـي جيت
فنهم يگـدرون ويكضونـي كلهم أيلومونّـي بحبك تعال
ردلـي روحـي وسكت اللامونـي
روحي ورگـه وهـجرتـك موسم خريف هم بعد تـحتاج أوصف لوني ؟
ورگـه فوك الگـاع وفراكـك عـجاج وقيس من يـمك يروحـي شلونـي
وراح أوصفلك بعد روحي بـجفاك ودعوة للعشاگـ خـي سمعوني
روحي ورگـة بغيبتك شابگـها ماي والشماتـه معاند يـجـرونـي
لـحك علضال وآنـه شبيـه ضال
من كثر عتهم ولك خلصونـي وماكفاهم من صرت كلشي بمكـان
ردو بـچف الشمس جمعونـي يبّست بـچـفوفهم بعد الـخضار
وحته ما أحبك بعد حرگـوني
صرت دخان بس تدري شنطيت عطرك بدخانـي من شـمونـي
عطرك بدخانـي من شـمونـي

الفيديو يمثل  غيث بعد ما هجرته موج