رواية بين العقل و الطريق الفصل الرابع 4 - بقلم غزوان علي

بين العقل والطريق
بقلم غزوان علي

البارت الرابع
قصص غزوان علي
وَحِين أحببتُكِ أغمضتُ عَيني وسِـرتٌ إليكِ دُون أن أحَفظ طرِيق رَجعتي
فَأنتِ الطرِيقُ .. الذِي لَا رجُعه فِيهِ!

شهد .. سمعت عياط غيث ونزلت اركض اني وزيد وحتى عمي وعمتي ود كلها تركض ومنشوف غير غيث شايل موج ومتنشاف من الدم الي عليها من المنظر اخترعت والف تفكير اجه بالي شجابها يمه

أم زيد.. اسم الله دخيلك يارب شبيها موج منو مسوي هيج بيها
أبو زيد.. شصار ابني احجي البنيه عايشه ميته
غيث .. عطت بقوه شهد جيبي ملابس او جبه ولبسي موج بسرعه شبيج صافنه يله

شهد .. هاااا اي وركضت ليفوك اخذت عبايه اسلاميه وربطه ونزلت لبستها وهي فاقده وبحضن غيث حتى مقبل اوخرها من حضنه ويرجف عليها حتى شفته بيضت من الرجف وشالها وركض
زيد.. يمعود وين نسيت ممنوع تجول
غيث .. لعد تريدني اعوفها تموت اكيد للمستشفى اخذها والسيطرات من يشوفون وضعها يعبرونه
زيد.. هاي مسؤوليه يمعود خابر اهلها عمها عمتها وينهم واصلاً شنوو الي صار فهمنا
غيث .. بله بربك وكت شرح هسه البنيه فاقده وتنزف وانت تريد اشرح الك
زيد.. جاي وياك بالباج مالتي العبور اسهل
ابو زيد.. اني هم اجي
شهد .. واني
غيث .. محد يجي بيكم يله زيد
واخذتها ركض وشايلها احس روحي تطلع ولو مااهلي موجودين جان بجيت عليها ولكيت خالدواكف ومنتظر
خالد.. يمعود اتصل بأهلها خاف يصير شى وتنذب براسك
غيث .. الي يخاف ليجي وصعدت ليوره بالسياره وهي بحضني واغطي بصدرها بالعبايه وبشعرها وارجف عليها حتى احس ضغطي صعد
زيد.. فهموني شصار واني اسوق واباوع على غيث بالمرايه واشوف تصرفاته ويه موج مستحيل ماعنده شى وياها اخويه واعرفه يريد يموت ويرجف ولازمها بقوه عبالك راح اطير منه ان شاء الله الي بالي مو صح

خالد.. منعرف شصار جنا نتمشى وراجعين للبيت وشفنا اكرم يضرب بمرته ويسحل بيها المسكينه وغيث من شافها كتله شبعه كتل وعافه مشمور بالشارع وهو مدمه وسكران
زيد.. تخبلت ولك شون تسوي هيج
ميجاوب اصلاً وبغير عالم وكأن بس هو ويااها ويحجي بصوت ناصي وياها وهي فاقده حتى مكعد اسمع شيحجي وياها

وتالي اكرم وين هسه
خالد.. سحلته كوه ودخلته بالكراج مومال نعوفه بالشارع والله يستر من يصحى شراح يصير وصحت على ابوه امه ماكوو يمكن ماكواحد بالبيت
شسويت ياغيث هاي تاليتها ويه الجيران انت الفقير العاقل هيج تسوي
خالد.. هو شسوه زيد شاف المره محتاجه مساعده وساعدها واي واحد بمكانه يسوي نفس الشي واكثر
زيد.. اوف الله يستر
غيث .. هي بحضني واشوف انفاسها تصعد وتنزل بهدوء والخوف الي دااحسه موطبيعي اريد احظنها اشمها اكولها لتعوفيني اضيع بدونج وبس اعدل بشعرها واحجي بصوت ناصي وياها وهي تون مااعرف تسمعني لا
موج حبيبتي فدوه اصحي جاوبيني والله اذا صار بيج شى اله احركه لأكرم وهو عايش
امسح بالدم من وجهه وعيونها واني صافن على وضعها ا لله يقبلها اني اتمنى كلمه منها وهذا الچلب يضربها ويأذيها هيج
موج قلبي تحملي مبقى شى ونوصل ارحمي بحالي مااتحمل يصير بيج شى حبيبي تسمعيني دخيلك ربي ساعدني مااريد يصير بيها شى . كروب قصص غزوان علي

ركضنا للطوارئ وكوه استقبلونا همزين زيد ويايه بهوياته كدر يعبرنا ويستقبلون حالتها

اخذوها مني واني احس روحي سحبوها وكعدت بالكااع من كثر ماگلبي يوجعني عليها وايدي على راسي وادعي يارب نجيها يارب اخذ عمري وعوفها عايشه

زيد.. اشوف غيث منهار لا مستحيل ماكو شى بينهم بس مكدرت احجي لان الوضع الي هو بيه ابد موطبيعي حتى لامهتم اني موجود وخالد اصلاً هو بغير عالم

بقينا ساعه كاعدين يله طلع دكتور يطمنا
بشر عفيه شلونها
الدكتور .. انت شصير منها
غيث .. سكتت معرفت شأحجي والنار تاكل بگلبي
زيد.. اخوها
غيث .. اي اخوها طمنه هسه
الدكتور .. الاخت متعرضه ضربات كولش قويه جسمها كله رضوض وايدها اليمنى بيها كسر الحمدلله مو كسر جبير ولازم ترتاح اقل شى ٢٠ يوم راحه تامه وهسه هي نايمه انطيناها مسكنات قويه لان تتوجع وتصرخ من الالم لهذا انطيناها علاج قوي حتى تهدا وتنام والافضل تبقوها يومين بين متطلع التحاليل وباجر نعرضها الصبح على مفراس لازم نشوف راسها اخاف بيه شى لان مضروبه براسها
جان المفروض نبلغ الشرطه بحالتها لان مبين اعتداء والاعتداء كلش قوي
غيث .. اي بلغ
زيد.. العفوو دكتور بعدين نتفاهم بهذا الموضوع شكرا ومقصرت
الدكتور .. الحمدلله على سلامتها
غيث .. انداريت على زيد ليش منبلغ هذا الحقير جان موتها

زيد.. شووو تعال اخذته من ايده وطلعته بره المستشفى بالحديقه الخارجيه
شوف مكدرت احجي كدام خالد صح صديقك بس من المنطقه وهاي المره متزوجه وسمعتها اهم شى فهمني شعندك ويااها
غيث .. ماعندي
زيد.. شوف لتخليني اعيط واتجاوز عليك انت موصغير ومتعرف الصح من الغلط واذا متعرف ونسى بابا يعلمك اني اعلمك
غيث .. زيد رجاءاً لتدخل

زيد.. هو بكيفك ماادخل غير نعرف هاي الطركاعه منين اجتنا فهمني اكو شى بينكم
كولي حتى اتلاحك للموضوع
غيث .. ياموضوع شبيك زيد البنيه احتاجت مساعده وساعدتها
زيد.. انت تحبها وعندك علاقه بيها
غيث .. لا لتفكر هيج ماعندي والله علاقه بيها
زيد.. بس تحبها
غيث .. كعدت بالكااع على الحشيش ونزلت راسي اااااه يازيد يااحبها كول اتنفسها

زيد.. شنوووو انت تعرف شسويت تعرف شنو الي اتجاوزته
غيث .. متجاوزت شى حبيتها وبس ولا سمحتلي ادخل بحياتها ولا صار شى بينا
حب من طرف واحد والله لتضن بيها السوء بس اني احبها اي اعترف  ارتاح

زيد.. شرتاح وانت حركت گلبي تحب وحده متزوجه وفوكاها جيرانه يعني لاخليت حرمه لأهلك وسمعتهم ولا خليت حرمه لجارك
انت مو غيث مستحيل انت واحد مااعرفه
غيث مستحيل يغلط ويسوي هيج
غيث .. شسويت والله بس حبيتها وبقيت حبها بگلبي ولا كلت ولا شكيت
زيد.. من شوكت تحبها
غيث .. صار ٣ اشهر
زيد.. ٣ اشهر وهيج تحبها لو سنه شلون انت من كل عقلك تحجي لو تضحك عليه

غيث .. دااحجي صدوك هو هذا موضوع واحد يشاقه بيه

زيد.. منو يعرف بهذا الموضوع
غيث .. ماكواحد يعرف مكدرت اكوله شهد هم تعرف اخاف يتعارك وياها
زيد.. تنسى هذا الموضوع تماما وترجع هسه للبيت واني هسه اخابر البيت اخليهم يخابرون على عمها وعمتها حتى يجون عليها واحنا معلينا وتنسى موج تماماً
غيث .. وكفت على حيلي وحجيت بعصبيه
اسمع زيد انت اخويه الجبير على راسي تحبني وتريد مصلحتي على عيني بس مال تتحكم بحياتي مامسموح الك واليوم بالذات لو دفنتي هنا ماارجع للبيت اله اطمن عليها وخلي اروحلها خاف تحتاج شى
زيد.. لتعاند تعاال وينك عافني ومشى هذا الولد شيلعب بروحه وين طبب نفسه

غيث .. دخلت للغرفه عليها لان حولناها من الطوارئ اباوع عليها شلون نايمه عبالك طفله بس وجهه كله ازرك اني الك اكرم اله اندمك ومااخليك تلزم شعره منها
كعدت بصفها مقبلو ابقى لازم مره تبات يمها بس انطيت كم فلس بقوني وخالد وزيد بره شكد حاول زيد يقنعني ارجع مقبلت حتى خالد حس اكو شى ميهمني لو الدنيا كلها تعرف احبها

بقيت ساعتين بس صافن عليها مااعرف شلون اجتني الجرئه وتقربت من وجهه مردت اتعدى حدودي ويااها بس ردت اتنفس انفاسك وقربت وغمضت وجريت نفس عميق وبهدوء
ااااااااه ياانفاسج ياريحتج حوالي فوك الخمس دقايق اتنفس انفاسها ولزمت خدودها وجها شكد اتمناج لو تعرفين وبقيت ومن التعب جان عندي شغل الصبح وجان يوم اصلاً متعب ومنا الهبطه مالتها محسيت غير راسي على جتفها وايدي على رگبتها محاوطها ونمت غفيت

موج .. جان يوم غريب من بدايته لنهايته
البدايه جانت الصبح عمتي اخذت البنات دنيا وصابرين وياهم عمي للزياره بكربلاء
عمه فدوه خلي اجي وياج حابه ازور صار كم سنه مرايحه
ام اكرم .. اكعدي واسكتي السياره متكفي

ليش عمه هو منو وياكم بس صابرين ودنيا حتى جهالهم ماكو يعني اكو مكان
ام اكرم .. وشتريدين يمه اخذج حتى اتضايقين البنات بالسياره وجريت ايدها بقوه
سمعي لج اذا اجه عمج وكال تعالي ويانه كوليله تعبانه مااكدر اروح او طلعي اي حجه والله اسود عيشتج اذا كتيله اجي انجبي واكعدي ماكو روحه وماكو طلعه لبيت اهلج

موج .. عمه فدوه لعد شلون ابقى وحدي وخاصه اكرم لويجي لو لا
ام اكرم .. عود اني اخابره يجي يبات بلبيت المهم مطلعين لأي مكان احنا باجر للظهر راجعين اياج اطلعين

موج .. انقهرت شصار عليها حاسبتني خدامه بهذا البيت وابد متحبني حتى لبيت اهلي ممنوع شلون ظلم ياربي واجه عمي وتعذرت بالتعب رغم خطيه كم مره اتوسل بيه وخفت من عمتي اطلعها بعدين سم خلي اكعد واسكت احسن

راحو وبقيت وحدي البيت يخوف وضليت الوب ممتعلمه ابقى بيه وحدي حتى لو عمتي بالبيت ومتكعد ويايه بس اقلها احس اكو شخص ويايه حتى لو متحجي وهسه وحدي اتصلت بأكرم ميجاوب عفته
نظفت البيت وسويت بسبوسه التهي بيها وكملت كل الشغل والتلفزيون ممل وماعندي شغل وين انطي وجهي
خلي اخابر شهد

ادك مغلق اووف مو وكتج
واني كاعده وحدي وصافنه مثل البومه بين اربع حيطان اتذكرت غيث وابتسمت
تذكرت كلامه وحنيته حتى رسالته كتبتهم لان حبيت الكلام البيهم ومسحت الرسائل خفت ليوكع بيد احد اني تلفوني ١١٠٠ مابيه كاميرا لهذا كتبت الكلام وطلعت وقريته شكد حساس هذا الولد هذا صدوك يحبني لو جان يقشمرني حتى ياخذالي يريده مني ويطفر المهم راح وابتعد عني وطلع رجال كد كلمته بس ماانكر حرك مشاعر بيه مجنت اعرفهم اني هم شابه وصغيره وبنفسي اسمع كلام حلوو من انسان يحبني ويحس بيه تمنيت اكرم يحبني ويراعي الله بمشاعري ولا مره سمعت منه كلمه بيها خير كل الي احصله منه الخدمه والعياط والضرب والممارسه بوحشيه حتى هذه حارمني من الاستمتاع بيها عبالك حيوان على كد رغبته ويروح وكل وين وين قاضي وقته ويه الساقطات شوكت تتغير حياتي والله تعبت

واني افكر بوضعي وحياتي نمت مكعدت غير ساعه ٩ بليل طفرت حييل هلكد نمت اكيد انام وبراحه لان عمتي ماكو متخليني انام بس تشوفني شوي غفيت ادك الباب حتى اكعد واطلع شغل اليه يله همزين ارتاحيت نمت كم ساعه راحه لشهر ليكدام

باوعت كلت اكرم ماكو خلي ارجع اتصل حتى يجي يبات هنا اكيد عمتي مبلغته اعرف سولفها
دكيت ميجاوب رجعت دكيت هم ماكو يااربي هذا الرجال وينه خاف صار شى بيه
رجعت دكيت الثالثه شو هذا شاله كفر بوجهي وسده
استغفر الله شكد ميخاف الله بس يكفر
ضجت وبعد مدكيت عفته
خابرت ماما وكعدت اسولف وياها واشويه ويه مروه وسويت عشى كلت اخاف يجي كولشي يصير وراها سبحت ولبست دشداشه حلوه جديده وكلت بلكت الله يهدي ويجي ماكو شوو ساعه ١٢ الاربع مااسمع غير الباب انفتح وانركع نزلت ركض كلت بس لا حرامي جان اشوف اكرم جاي عصبي نار وسكران ويعيط ويفشر ويكفر
ولج بنت الچلب من وراج خسرت اليوم بس ادكين شبيج اتخبلتي تعرفين ضيعت كم مليون بسبب الصخام مالتج الدك اليوم اله اشعل ابوج

موج .. ليش تغلط على ابويه قابل سوالك شى ومنو كلك تلعب قمار مو حرام تضيع تعب ابوك
ومااحس غير ينزع الحزام وجيت عليه محجيت شى اني ومسويت تصرفت غلط
وكطعني تكطع هلمره ماكو احد بالبيت استنجد بيه ومكدرت اركض من يمه وانهزم بغرفه اقلها واقفلها عليه مباشره لزمني من شعري شل حاالي وبقى يضرب
كل ضربه منه تكطع قطعه مني الالم الي شفته مدااتحمله كطعني ولك عوفني الله لاينطيك

أكرم .. اليوم اله اربيج اذا ابوج السگط مرباج اني اربيج
موج .. ابويه اشرف منك لتحجي عليه تروحله فدووه
ومن سمع هيج تخبل بالزايد كطعني واني من المقاومه تعبت ومااحس بجسمي
وبديت افقد تركيزي
تعاالي خلي اوديج لأبوج واكوله هااك هاي الحقيره مااريدها

واني ابجي ومتأذايه ومااعرف حتى اجاوبه او اسيطر على توازني وسحل للشارع اريده يعوفني ماكو وراها انتبهت على غيث يكتل بأكرم محجيت بس ردته يغطيني لان دشداشتي فاضحه جسمي طالع منها وراها محسيت غير اني افتح عيوني بصعوبه وجسمي كله يون عليه واكو شى ثكيل بأيدي وشى ثاني على كتفي .. بيج قصص غزوان علي
حاولت افتح عيوني زين وشفت ايدي مجبسه وباوعت بتركيز واني اشوف غيث حاضني ونايم اول مره رجال يحضني غير اكرم
ولو هو شيحضن كله ضرب جسمي رجف من لزمته جانت بكل حنان حسيت بحنانه وضليت صافنه على شكله اول مره اركز بيه دوم من اشوفه ارجف خوف منه
اباوع على ايده برگبتي

غيث غيث اكعد
غيث .. طفرت هااا بيج شى محتاجه شى كاعد تتألمين خلي اروح اصيح الطبيب
موج .. اوكف على كيفك شبيك ترجف
غيث .. نزلت يم راسها ياارجف موج ردت اموت من وراج
موج .. من ورايه ليش
غيث .. اوف اوف
موج .. نزلت راسي معرفت شأحجي وسكتنا شويه وجان يحجي

غيث .. لتسألين ليش لان كولشي ماادري بس ادري اخاف عليج اكثر من نفسي والي يمسج بورده احركه وهو عايش وهذا الي راح اسوي باأكرم
موج .. لا دخيلك غيث عوفه خلي يولي
غيث .. من كل عقلج تحجين مستحيل افوتها على خير
موج .. من خوفي من وره غيث اخاف يكبر الموضوع لزمت ايده بداعتي عوفه
غيث .. صدمتني شنوو واباوع على ايدها لازمتني بخوف
غيث .. لزمت ايدها وتقربت منها شوفي موج اول مره تحلفيني ولخاطرج راح اسكت بس مره ثانيه اذا لزم شعره منج اموته

موج .. بصفتك منو غيث لتغالط نفسك اني غريبه عنك وماكو صلة قرابه بينا والي متعرفه هاي مو اول مره ادخل مستشفى بسبب اكرم وضربه الي  اذا الي من لحمي ودمي اهلي من جان يضربني ويشوفون وضعي يكولون اصبري هو رجلك ومن حقه كولشي يسوي وماعدنه بنيه تطلك وخلوه يتفرعن عليه بالزايد تجي انت الغريب توكفه عند حده

غيث .. شنوو موبعينج مو رجال
موج .. انت رجال والنعم منك بس مااريد يكبر الموضوع وراح يوصل اشكال الحجي بحقي وحقك وتالي يصير اكرم هو الي صاحب حق اصلاً عنده قابليه يتهمني بيك ويكول شفتها وياااه وضربتها وتخلي اهلي مكان ميوكفون بجانبي هاي اذا وكفوا يذبحوني
لهذا ياابن الناس مقصرت كفيت وفيت واشكرك على وكفتك ماانساها طول عمري

غيث .. انتي حقج ماالومج لان الي ديصير بيج خلاج وحده جبانه ماعدها كرامه
موج .. ماكو كرامه بين مره ورجال
غيث .. كلتيها رجال وزوجج مو رجال اصلاً حيوان وهم حرامات اشبه بالحيوان القرد احسن منه
موج .. ضحكت شوو القرد
غيث .. مادري اجتي بحلكي
موج .. هههههه
غيث .. اووف ربي من فدوه لضحكتج الي ترد روحي
موج .. غيث رجاءاً
غيث .. يله سكتت اكولج شغله بس مو تتعصبين
موج .. شنوو
غيث .. ليش هيج انتي حلوه حتى من مزورك وجهج يخبل جنه العافيه
موج .. ههههه والله عليك سوالف اني بياحاال وكحيت وتأذيت من ضحكت
غيث .. اسم الله وتقربت منها اكو شى يأذيج وارجف خوف عليها

موج .. باوعت بعيونه اول مره بحياتي احس اكو انسان صدوك يخاف عليه عيونه بيهم خوف عليه وحرص عجيب بحيث بداخلي اكول ليش مارب العالمين رزقني بواحد مثله هيج يخاف عليه انتبه شون صافنه عليه استحيت ونزلت عيوني

غيث .. امواجي
موج .. شنوو شوو امواجي
غيث .. اي انتي امواجي الي غرگتني بحر من
خلي اسكت لااترزل
موج ..هههه فدوه كافي لتضحكني والله اتأذه
غيث .. بيه ولا بيج الاذيه ياغاليه
شنوو الي صار ليش ضربج
وحجيت كولشي لغيث وصار نار واني اهدأ بيه الي انتبهت عليه مغطي شعري وجسمي كله بس شوي طرف رجلي طالع ومن اندك الباب دنج وغطاهم هذا الولد يوم بعد يوم يصدمني بتصرفاته ودخل اخوه زيد شايفته قبل واستحي منه كولش سلم وتحمدلي بالسلامه

زيد.. الحمدلله على السلامه شون صرتي ان شاء الله احسن
موج .. الحمدلله رحمه الله والديك ابوحسن مقصرت ولا اخويه غيث قصر مااعرف شون اشكركم
غيث .. من كالت اخويه عبالك ضربتني بكلبي بس حقها قابل شتكول حبيبي وخاصه كدام اخويه الجبير

زيد.. لا لتكولين هيج احنا اخوتج وشتحتاجين بعيونا
موج .. عساكم سالمين وتسلم عيونكم بس بلا أمر عليك ابوحسن ممكن تخابر اهلي يجون
زيد.. ابو أكرم ومرته وين
موج .. رايحين لكربلاء زياره لهذا دااكولك خابر اهلي حتى اروح يمهم وخاصه بعد الي صار
زيد.. ادللي يله غيث روح للبيت  ارتاح الاهل ظل بالهم طمنهم واني اخابر اهل موج بس يجون ارجع

غيث .. لا اني باقي من يجون اهلها يله
موج .. ميحتاج اخويه رحمه الله والديك ابوحسن موجود تكدر تروح ترتاح
غيث .. بعصبيه دااكولج مااروح
موج .. نزلت راسي استحيت لان عاط بوجهي

زيد.. هذا شبيه تخبل بس الي شفته البنيه مبين ماعدها شى بس هذا الخبل اخويه واكع وكعه معدله طبيت عليه الفجر لكيته حاضنها لابيه اوخره اخاف تفز موج ولا بيه اسكت على الي شفته ضليت حاير اخر شى عفته وطلعت واني الحيره والقلق الليل كله اكلو روحي وحتى خالد مبين عرف اكو شى واله الليل كله الخبل بقى بغرفتها هذا راح يضيع سمعه البنيه شجاه ياربي هذا مو اخويه الفقير الهادئ الي يضحك للهوا ولا يهتم للحب هذا واحد ثاني

مااشي انطيني رقم اهلج وراح اخابرهم واجي
غيث .. طلع زيد يخابر اهلها وهي بعد مباوعت بوجهي كعدت يمها وتقربت عليها
اعذريني لان صيحت عليج
موج .. باوعت عليه عادي متعلمه الي تتحمل هذا الكتل كله والاهانات الي الحيوان ميتحملهم اكيد متهمها صيحه بسيطه

غيث .. تقربت من وجهه واباوع بعيونها لتكولين هيج متعرفين انتي شنوو بالنسبه اليه متعرفين غلاتج واذا عطت لان مااريد اعوفج لو بيدي العمر كله مااعوفج
موج .. غيث فدووه اسكت
غيث .. خليني احجي مااعتقد بعد اكو فرصه احسن من هاي تجمعني بيج بس اسمعيني لتحجين اي شى
اني يوم مشفتج اول مره تدرين شصار
موج .. شصار
غيث .. هذا وأشر على گلبي
هذا نبض بقوه ومااعرف السبب تدرين شى
موج .. شنوو

غيث .. اني بعمري محبيت ولا اعرف الحب حتى بمراهقتي مجربته جنت ملتهي بالدراسه وراها الشغل ومجانت اي بنيه متجذب انتباهي لوشكد متكون حلووه بس انتي من شفتج اااااااااه ياانتي

موج .. اباوع على غيث شون يحجي بألم وبنفس الوقت حنيه وهدوء احس كلامه يطلع من حلكه يلامس گلبي وروحي نسيت الالام جسمي والاقوى الم روحي من الي دااعانيه من اكرم وامه وحسيت روحي طلعت من جسمي وكاعده مقابيل غيث وتسمعله وصافنه على كل كلمه يكولها

وشمعنه اني ليش كولي
غيث .. والله مااعرف ادري بيج متصدكيني وتتوقعين رايد شى منج او قصدي مو شريف لان متزوجه بس والله هاي مو اخلاقي ولا توقعت بيوم اوكع بهاي الطريقة
موج الي دااحسه تجاهج ورب الكعبه موبيدي يوم بعد يوم يكبر ويتعمق موبس بگلبي وبروحي هم
انتي تدرين هاي الشهرين شون عشتهم بعيد عنج ولالحظة غبتي عن بالي احس روحي طير مذبوح ومااعرف شأصرف اريدج ومدااكدر اوصلج

موج .. شوف اني مصدكه كل كلمه تكولها ومبين من عيونك الصدق بس شنو الفايده خلي نكون واقعين اني الي حياتي وانت الك حياة ومستحيل بيوم يتغير واقعنا وخاصه واقعي اني
هسه راح يجون اهلي ياخذوني لبيتهم كم يوم وراها يرجعوني غصب عني لأكرم
غيث .. انتي صدوك تحجين بعد كل الي صار وبهذا وضعج ويرجعوج اله

موج .. شعبالك لعد غيث مو كتلك واعتقد مفهمتني هاي مو اول مره تدري من اتزوجته لليوم كل كم شهر ادخل مستشفى بسبب الضرب مالته عدا بين كل فتره وفتره ضربات واهانات على الماشي عدا امه واخته الي مراويني النجوم بعز الظهر
اني معايشه غيث اني انسانه ميته بس الفرق مدفونه بغرفة اكرم مو بالنجف

واي حق من حقوقي كأنسانه ماعندي وماعندي احد يسندني والمصيبه اهلي كل ماافهمهم وضعي نفس العباره تتكرر المره ڰـلشي تشوف من رجلها تحملي واصبري يجي يوم يتغير شعندج انتي شوو ماكله وشاربه وعايشه بيت يخبل واحسن عيشه ليش تتبطرين على نعمه الله وماعدنه بنيه تطلك
هاي بكل مشكله هاي العباره اسمعها وراح اسمعها هاي المره هم
لهذا ياابن الناس عوفني بحالي انت بعدك شاب وصغير والعمر كدامك اني طريقي صعب ومستحيل

غيث .. مستعد امشي على النار لعيونج والله بس صيري ويايه
موج .. الي اطلبه ميصير لو الدنيا تنگلب اني مثل مكلت جبانه اضافه اذا احد عرف مراح يرحموني بالذات اهلي
غيث .. مااخلي بشر يلمس شعره منج والله واوعدج وكلمه رجاال

موج .. غيث من الاخير اني ماادخل بمعركه خسرانه والي تريده مو بس خساره وتحطيم ونهايه حياتي وحياتك لهذا روح لحال سبيلك وعوفني بهمي واذا تعزني مثل متكول ادعيلي بالرحمه والله يفرجها عليه من هذا الضيم الي عايشته

غيث .. كاعد تشوفين عيوني اصفني بيهم
موج .. باوعت وصفنت
غيث .. شكعد تشوفين
موج .. عيون شأشوف
غيث .. صوره منو بهاي العيون
موج .. استحيت ونزلت راسي
غيث .. ارفعيهم موج وكولي شكعد تشوفين
موج .. صورتي
غيث .. وداعت صورتج الي بعيوني اله اخذج وتصيرين الي وبحضني وبأقرب وقت
موج .. بس .. بيج قصص غزوان علي
غيث .. اششششش اسكتي واتركي كولشي هسه اهم شى عندي صحتج حالياً صيري زينه وبعدين نتفاهم

موج .. ماكو تفاهم غيث انت مكعد تفهمني بابا اني متزوجه متزوجه افهمها
غيث .. وراح تطلكين وتصيرين الي وبحضني واذكرج
موج .. انت صاحي لو
غيث .. هههههه كوليها اي مخبل اعترف مخبل بيج وبعيونج الي افديهم بروحي
موج .. شون بيك منين الله دزك عليه
غيث .. امواجي لتفكرين بشى وخليها على الله

واندكت الباب زيد اهووو هسه وكته
زيد.. جايين بالطريق اهلج يله غيث خلي نكعد بره ميصير نبقى بالغرفه اهل موج جايين
غيث .. مااطلع لأي مكان حتى لو بره الغرفه لحد مااطمن ويجون اهلها
موج .. عفيه غيث اسمع كلام زيد ولتسوي مشاكل انت متعرف اهلي وعقليتهم فدووه
غيث .. شفتها خافت مردت اقلقها وهي تعبانه
تدللين المهم اهدي ولتتوترين واني بره بس اشري بلمح البصر يمج
موج .. شكراً

اجوني اهلي وامي تبجي وبابا صار عصبي وهو واخويه بشار صفنت عليهم واحجي بقلبي
قابل جديده مو كل مره تشوفوني هيج وترجعوني
ام أمير : يمه بنيتي سوده عليه شسوه بيج الي ميخاف الله
موكعد تشوفين حالي يوم هذا الي سواه وموجديده  عليه لو نسيتي
حجي عبدالله.. هذا زودها اله انعل شرفه ميستحي مخله حرمه لزوجته يسحلها بشارع بملابس البيت واهله ابوه وين

موج .. اهله بكربلاء
بشار .. شنوو سبب العركه لازم اكو سبب قوي خلاه يتصرف هيج
موج .. وحجيت كولشي حتى من غلط على بابا وبشار تخبل ويعيط ويغلط
حجي عبدالله.. ابني صوتك احنا بالمستشفى ولتنسى اكو ناس جيرانهم بره عيب
ام أمير .. خلف الله عليهم مقصروا جان ماتت بنتي لوما همه ينطيهم العافيه

غيث .. الوب بره اريد ادخل الها اريد اشوفها مدااتحمل صار ساعتين بره اريد اطمن على صحتها وراها اخذوها للمفراس واني اباوع عليها لوبيدي اشيلها مااخليها تمشي على الكااع كوه تمشي ااااخ شبيدي عليج وانتي محرمه عليه

وراها اجه اخوها وابوها اتشكرو منه وزيد اصر نرجع لان بقائنا يجلب الشبهه واني مردت تجيها حجايه بسببي وسلمت عليها من بعيد بس احس عيوني وعيونها يحجون وكأنها تكولي لتعوفني ورجعت ودخلت للبيت سبحت ودخلت غرفتي ومطلعت منها بقيت بس متمدد على الجربايه ومااتحرك بس صافن وعيوني بالسكف مال الغرفه ومن اغمض اذكر انفاسها وعيونها ولمسه خدودها جسمي كله يرجف عليها

وبليل اجه ابو أكرم  يعتذر من الموقف ويبرر هو الرجال شعليه ابنه فاسد شنو ذنبه شكد حاول ويااه مافاد
شهد .. نزلت بليل ساعه ١٠ على غيث گلبي طك عليه ودكيت الباب وكال ادخل ودخلت وشفته متمدد ولا يتحرك كعدت مقابيله
غتوو غتوو
غيث .. هاااا شهد
شهد .. اول مره تصيحلي شهد طول عمرك تصيحلي شهوده
غيث .. شهوده مالي خلك عفيه روحي طافره وضايج
شهد .. على موج اكيد
غيث .. انداريت عليها شتريدين من الاخير مالي حيل اخذ وانطي بالحجي فضيني

شهد .. انت صدوك تحبها لو هيج مجرد اعجاب
غيث .. اسمعي شهد هذا السؤال اخر مره تسألي مااشي وراح اجاوبج لأخر مره
اني محبيت بحياتي وموج اول نبضه بقلبي
وقلبي ملكته

شهد .. صفنت عليه لهاي الدرجه
غيث .. واكثر لهذا لتعبين نفسج بالاسئله والاستنتاجات اني هاي البنيه من الله حبيتها ولو تصير الي لو اموت
شهد .. لا انت هواي زودتها شنوو هذا الكلام ارجع بابا لنفسك ولشخصيتك ارجع غتو الي يضحك للهوا الي ميهمه بس شغله وطلعاته والضحك والاغاني هذا الي كاعد تعيشه وهم ولازم تصحه منه المره متصيرلك وعيب عليك اصلاً تفكر بيها واصلاً ابوك اذا عرف يمكن يموت ليش هيج تفقد نفسك واهلك ليش ماعندك اعتبار لأحد نسيت الكل ومفكرت اذا عرفوا شون مفكرت اذا احد من المنطقه حس وتهمك بيها شون مو حتى سمعتها تروح يعني لاسمعتك تهمك ولاسمعت اهلك ولا سمعتها شجاك اصحى الي كاعد تسوي حتى حرام ابتعد عنها وخلي البنيه تعيش حياتها

غيث .. كملتي كلامج
شهد .. شنوو كملت هو هذا كلام لو واقع اصحى اترجاك وابتعد عنها اسلم الك والها
غيث .. كملتي كلامج
شهد .. اووووووف اي كملت
غيث .. اطلعي بره
شهد .. غتوو شبيك
غيث .. اطلعي بره اريد انام ارتاح دوختيني وهذا الموضوع مامسموحلج تدخلين بيه افتهمتي ولا اي احد اني مو صغير واعرف مصلحتي زين

شهد .. وكفت وتقربت منه لا الظاهر بعدك صغير ومتعرف تتصرف وراح تتندم ندم عمرك لان حبيت موج
وطلعت ضايجه كوولش ومااطيق احد ومااعرف اتحكم بمشاعري تجاهه وكمت ابجي من الغيره والقهر واجه حسين ابني كعد يمي يبجي انتبهت عليه وغسلت حتى لينقهر خطيه صغير ومن كثر متعبانه من حبي لغيث توجهت لرب العالمين اصلي لازم اطلع هذا الوسواس مني

موج .. رجعت لبيت اهلي وجسمي مااحس بيه من الالم والاقوى الم قلبي وروحي موهينه عليه انضرب وانهان بهاي الطريقة وكدام ناس غربه ولو طلع الغريب احن من اهلي
صار يومين ولااهل اكرم بينوا ولا اكرم وحتى اهلي بس بالبدايه خبصوا الدنيا واحنا واحنا وتالي سكتوا الي عرفته من مره ابو أكرم مخابر ابويه ومعتذرله وكايله خلي موج ترتاح كم يوم يمكم وبعدين نجي ناخذها والدي بالبدايه اعترض بس بلسان حجي ثابت واعتذاره واصلاً ابويه يحبه ويعزه وافق واخوتي هم سكتوا وخاصه بشار الي خبص الدنيا شلون يغلطون على ابويه وصار بس هو وبس وتالي دخل لغرفته يم مرته الحيه وللاسف الاخ بهاليوم اخو مرته
وتالي طلع يصيح يله كولشي يصير بين المره والرجال ومكانج بيتج

باوعت وهزيت ايدي والله مهزله اصلاً حتى من ضربني قسى عليه لان مقبلت يغلط ويتجاوز على بابا وتالي بابا واخوتي اتقبلوا الغلط وسكتوا ضليت الليل كله ابجي على حظي ليش هيج صار ليش مسولي قدر كدام عيالي اقلها تمسكوا بيه ولو شويه حتى ميكررها بيه تكول عبالك حمل ثقيل ولكمتي ثگيله عليهم .. كروب قصص غزوان علي

بيت ابو أكرم ..

ام اكرم .. شصار عليها البرنسيسه قابل اول مره تنضرب واكيد هي الي تعدت وتجاوزت على زوجها والمره الي تتجاوز حيل وابو زايد بيها
ابو أكرم .. اتقي الله يامره ابنج مكسرها للبنيه ممبقي مكان مضاربها وساب ابوها وساحلها للشارع بملابس البيت اكو رجال عنده شرف وغيره يسوي هيج اكو رجال محترم يسوه بمرته الي سواه ابنج فوكاها شارب ومضيع ملايين بالقمار وهم الج عين بعد كل هذا ادافعين عنه

ام اكرم .. عيني ابني رجال وماكو عتب على الرجال من حقه كلشي يسوي بس هي ادبسسز ممحترمه ولسانها طويل واكيد علت صوتها وتستاهل والله لو منه اكتلها خلاص
ابو أكرم .. انتي مره كارثه اصلاً ماكو افقر من موج ماكو اعقل منها بس حظ المسكينه ماعدها هي لوعدها حظ مجان ابتلت بيج و بأبنج
ام اكرم .. اريد افتهم انت ويه ابنك لو ويه الغريبه
ابو أكرم .. ويه الحق وابنج زودها مكافي ميخلف وراضيه بيه وكاعده وساكته حتى من الامومه انحرمت

أكرم .. سمعت كلامك بابا ليش هيج تعيرني هذا امر الله قابل بيدي
ابو أكرم .. ليش انت تعرف الله لو تعرفه جان راعيته بهاي المسكينه الي لاحول الها ولا قوه بس كولي شسوتلك شنو الي ناقصها
شوو حلوه وصاحبه شهاده ومتربايه احسن تربيه ونظيفه ومعدله ام بيت ممتازه وصاينتك وصاينه بيتك وفوك كل هذا متحمله مصايبك الي اتحدى مره بالدنيا تتحملهم
أكرم .. محد جبرها تتحمل
ابو أكرم .. صح محد جبرها بس هي لان بنت اوادم وتخاف الله باقيه ويه واحد مثلك اشكر ربك حتى الخلفه لخاطرك تنازلت عنها مكافي شوكت تعقل كتل وكتلتك طرد وطردتك ومن الفلوس منعتك كولي شون اربيك بس كولي تعبت كمت ادعي الله يخلصني منك ومن مصايبك يعني بس لو افتهم شمسوي اني بدنيتي والله عاقبني بيك

ام اكرم .. على كيفك عيني ثابت كول ياالله والله انت كبرت الموضوع مره ورجال واشكال يصير بينهم اكلت الولد حاصل فاصل كله علمود ست الحسن
ابو أكرم .. لااله الا الله شأحجي بعد هو يفيد الكلام لابيج يفيد ولا بأبنج اصلاً محد طيح حظه غيرج وغير دلالج الزايد
أكرم .. من الاخير اني اريد اطلك مااريدها بعد
ابو أكرم .. هو بكيفك لوتموت ومنا كم يوم ترتاح البنيه من الي سويته بيها وتروح تجيبها وتبوس راسها كدام اهلي وتعتذر لأبوها متدخل لبيتي اله مرتك ويااك
أكرم .. يعني شنوو غصب
ابو أكرم .. اي غصب

ام اكرم .. يمعود ثابت خلي تولي وازوجه اغاتها
ابو أكرم .. انتي بالذات اسكتي حسج مااسمعه الله يهديكم ويعين هلمسكينه عليكم
ام اكرم .. بس لواعرف شمسويه لأبوك وهيج يحبها عبالي واخيراً اخلص منها
أكرم .. والله يايمه مااعرف اني كارهه وجهه الفكر عليه بس بابا متمسك بيها
ام اكرم .. يجي يوم واخلص منها
بس هذا ابن ابو زيد الي اسمه غيث شون تخلي يمد ايده عليك
أكرم .. هو اني اتذكر شى جنت سكران ومااندل دربي واخذني غدر
ام اكرم .. انكسرت ايده الساقط اله اتعارك وياهم همه شعليهم شدخله ولا ارتاحله لهذا الولد
أكرم .. خلي يولي اذا سمع ابويه تعاركت وياهم يگلب البيت خلي نسكت هسه واني اعرف شون اربي لهذا غيث اله اندمه على تدخله

غيث .. صار اسبوع على موضوع موج والي سمعته من امي بعدها مراجعه واني الوب عليها اريد اطمن على صحتها ومااعرف شون اوصل الها واخاف اتصل بيها ويطلع واحد من اهلها نزلت بالحديقة اليوم مطلعت للشغل تعبان احس روحي مخنوك وضايج واسمع ود تسولف بالتلفون

ود.. اي وبعدين هههههههه يمعوده يروحلج فدوه شكد اكرهه لرجلج شون متحملته ماادري صدوك موج تتذكر القطعه الي ردتج تحوكيها الي
موج .. اي قلبي بس اطيب اسويها ادللي
ود.. لا حبيبتي عوفيها انتي تعبانه لكيت مره تشتغلها بفلوس راح اسويها يمها

غيث .. ركزت تحجي ويه موج رجفت ورحت لود المن تخابرين
ود.. لحظه حبيبتي ابقي على الخط
شبيك غيث رايد شى
غيث .. المن تخابرين
ود.. هاي موج دااسلم عليها ليش
غيث .. سحبت التلفون من ايدها واسمع انفاسها ااااااااااه ياانفاسج
ود.. التلفون غيث شبيك
غيث .. اشرت الها تسكت وهي تفاجأت من حركتي
موج .. سمعت اسم غيث متأكده ديحجي ويه ود بس مفهمت الكلام وبقيت انتظر وجان اسمعه
شونج امواجي
فتحت عيوني من الصدمه وحسيت جسمي برد بنفس اللحظه ومعرفت شأصرف اسده بوجهه ابقي احتاريت بس الي سويته سكتت
غيث .. احجي بس طمنيني عليج تره متعرفين شون قلق وبس افكر بصحتج احجي ولو شويه مرايد هوايه والله

موج .. شونك غيث
غيث .. عيون غيث وروحه شونج ياغاليه
موج .. الحمدلله انت شونك
غيث .. اووووف ياموج تسأليني عن حالي وانتي حالي الي بيج بيه وربج كل ااخ تصيحيها من الالم يصيحها گلبي ويااج

اترجاك غيث اسكت
لااترجاج ولاتترجيني الي ديصير خارج سيطرتي وخارج ارادتي لهذا ياغاليه لتعبين نفسج واسكت واسكت اذا سكت لساني شيسكت گلبي شيسكت عقلي زين عوفج منهم كلهم وروحي هااي الي يوميه تطلع من جسمي وادور عليج شون بيها كوليلي

موج .. اوويلي الله يحجي بهدوء وكلامه يرجفني حتى مااعرف شأجاوب بس دااحسه لهذا الولد مشاعره كاعد توصلني بقيت بس ساكته وانفاسي سرعت بسبب كلامه
اول مره واحد يحجي ويايه بهيج هدوء ورومانسيه
اني اروح اخاف احد يجي
غيث .. بس شى اخير
موج .. تفضل
غيث .. حسي بيه
موج .. صعب كوولش صعب
غيث .. انتي المستحيل والممنوع بس مااتركج ويجي يوم تحسين بيه
موج .. شنوو تحدي لو تراهن نفسك
غيث .. لاهذا ولا هذا اني عاااشق مجنون ولا على المجنون حرج وعشق المجنون راح تحسيه غصب عنج
موج .. ههههههه نبره التحدي بكلامك مااحبها
غيث .. بس اني كولشي منج اعشقه حتى ضحكتج هسه الي بيها استهزاء
سكتي شوو عبالج مااعرفج حتى شكلك ونظرتج هسه دااشوفها
امواجي اتنفسج اتنفسج وانتي الي
موج .. مع السلامه غيث
غيث .. انتبهي لنفسج
انداريت واشوف ود فاتحه عيونها ومصدومه وسمعت كل كلامي مااعرف شبيه وصلت مرحله كمت حتى مااهتم اذا عرفوا او لا بس عقلي يفكر شون اكسب موج

ود.. الي سمعته موخيال ولا شقه موو
غيث .. الي سمعتيه تنسيه
ود.. شأنسى هاي مصيبه انت غتوو انت
غيث .. غتوو اخوج يحب واذا تحبيه لأخوج ساعديه
ود.. اساعدك على الغلط
غيث .. على الغلط الصح المهم ساعديني واني اتحمل نتيجه قراري
وبقى غيث يسولفلي على مشاعره اتجاه موج انصدمت ومعرفت شأحجي وخفت على اخويه هذا طيب وحباب وفقير ويضحك للهوا هيج بين يوم وليله يتغير ويصير عاشق ومجنون ومتهور وفوكاها يحب جيرانه مره متزوجه يعني صدمه من صدمه
غيث .. سمعتي كلشي الي اطلبه منج ساعديني

ود.. مااكدر صعب  واذا اساعدك شأكول لبابا وماما اذا عرفوا هسه هي لوبنيه عادي من عيوني بس هااي
غيث .. اعرف والله متصخمه متزوجه ادري وانتي اكثر وحده تعرفين بظروفها وشون حياتها تلعب النفس اول مره اطلب شي منج ود اني اكدر اسوي الف طريقة وطريقة حتى اوصل الها بس مااريد الفت الانتباه لهذا اذا تحبين اخوج ساعديني واني اوعدج اي احد يعرف اكوله اني غصبتها
ود.. بقيت لليل افكر بغيث وخاصه واني اشوفه يلوب مثل السمجه ميعرف شيصرف خفت ليتهور ويسوي شى لاعلى البال وعلى الخاطر اخويه اول مره يحب وميعرف التحكم بتصرفاته نزلت اله وقبلت اساعده
المطلوب شنوو هسه
غيث .. اريد اشوفها
ود.. لابالله وهاي شون وهي بيت اهلها
غيث .. بحجة تزوريها اجي وياج ونشوفها حتى لو من بعيد
ود.. بقى يترجاني وافقت
وثاني يوم رحنا لبيت اهلها واستقبلونا خوش استقبال بس اكوو وحده ولا حبيتها اسمها دعاء زوجه اخوها جانت تحجيلي عنها بس سبحان الله صدوك سيماهم في وجوههم السم ينط من عيونها وتباوع صفح بس نريدها تطلع قبل متجي موج اقلها يشوفها غيث غير هو يرجف ومن التوتر حتى رجله متوكف من الحركه تقربت منه وحجيت بهدوء

اهدأ راح تفضحنا
غيث .. غيرتجي امووت واشوفها
موج .. كالولي ود. جيرانه هنا كيفت اني كولش احبها وكالو اخوها الجبير وياها توقعت ابوحسن لان كالو الجبير لبست شال على راسي ونزلت وفتحت باب الخطار جانت بس امي يمهم لان دعاء راح تسوي عصير واني دخلت واشوفه كدامي لأول مره نبض گلبي بقوه غيث تقدمت عليه بخطوات بطيئه وگلبي شبيه شجاه واباوع على عيونه تريد تاكلني
تقدم وصرنا وجهه بوجهه وانفاسنا نسمعها من التوتر
شونك غيث
غيث .. الحمدلله انتي شونج احس وكأني وحدي وياها لوبيدي احضنها اشمها واكولها اشتاقيتلج بكد رحمه ربج وكعدنا نسولف امها حبابه ونضحك على سوالف ود واني طاير بيها وعيوني تسولف وياها واترجم اشتياقي الها واحنا مستمتعين وجان تنفتح الباب ويدخل اكرم وامه

يتبع ...