رواية بين العقل و الطريق الفصل الثالث 3 - بقلم غزوان علي

بين العقل و الطريق
بقلم غزوان علي

البارت الثالث
قصص غزوان علي
عذّبيني بكلّ شيء سوى الصدّ فما ذقت كالصّدود عذاباً

موج .. هلوو صابرين
صابرين .. شلونج
موج .. شوكت اجيتي
صابرين.. قبل شوي
موج .. سكتت وارجف ومااعرف شنوو ردت فعلها
صابرين.. شبيه غيث وياج
موج .. هااااا لا مابي شى
صابرين .. سمعت كولشي تره
موج .. متت رعب ومااعرف احجي بس سكتت
صابرين.. شوفي موج اني احبج واعتبرج اختي الصغيره عوفج من كلشي من امي واخويه وحتى دينا سوالفهم واذيتهم الج عوفيها على جنب بس حابه اذكرج بشى
تره انتي مو حره نفسج وانتي مره متزوجه وسمعت المزوجه اهم شى تملكه واي شاب بالدنيا اذا عجبته وحده يحب يحصلها ويمتع نفسه بيها بس تبقى وره البنيه اذا تنطي نفسها او لا وهاي في حاله البنيه بس المتزوجه غير مالها اي حق تفرط بنفسها لو مهما كان زوجها حقير

موج .. والله افتهمتي غلط
صابرين .. افتهمت غلط صح هذا شى مومهم المهم تنتبهين على نفسج المشكله اني مااكدر اكول لأحد على السمعته لان راح تصير مشكله جبيره وخاصه امي مراح تسكت واطلع اشكال حجي امي واعرفها بس لأن اعرفج شريفة وحبابه وفقيره راح اسكت وياريت من يصير هيج موقف مره ثانيه كوني اقوى ولتنطين مجال

موج .. خجلت منها ومحجيت اي شى وعافتني ودخلت تسلم على اهلها
اوووف منين طلعلي هذا الي اسمه غيث ناقصني مشاكل ومصايب مكافي عليه عمتي واكرم

غيث .. رجعت للبيت واني اتذكر ريحتها وشفتها رغم متأذيه بس تجنن عبالك كرز .. كروب قصص غزوان علي

شهد .. صار كم يوم منتبهه على غيث وضعه موطبيعي يصفن وكل شويه يمد راسه بأتجاه بيت ابو أكرم اني من حبي اله اميز حركاته قلقت عليه والفضول كتلني

غتو شبيك صاير شى ليش صافن
غيث .. لا سلامتج مابيه شى
شهد .. مااعرف حاسه وضعك موطبيعي
غيث .. لتلحين واتركي الفضول على صفحه
وكومي سويلي عشا جعت
شهد .. بس لو اعرف اسويلك ارقى عشا
غيث .. شهوده حبيبتي كومي آحـسن تره والله هسه اخنكج
شهد .. ههههههه اول مره اشوفك طافره روحك دووم تغني وتضحك والدنيا زاهيتلك

غيث .. اهووووووو حتى اكلج مااريده

شهد .. لالا كايمه والله بس لتضوج
شبيه اول مره اشوفه هيج لازم اعرف شنوو السبب
غيث .. شهوده قلبي من يمج مي عطشان
شهد .. اووف ربي هاي مفرداته تموتني تثير الحب بقلبي تجاهه واني اتعوذ من الشيطان لا اضعف بيوم واغلط ياارب ساعدني مااريد اسوي غلط بس بقيت افكر بوضعه الغريب اني عمري مشايفته هيج

غيث .. بقيت الليل كله افكر بموج وشلون اوصل الها اخر حجه عندي لدخول البيت خلصت شلون ياربي
وبعدها يوم ورا يوم والايام تمشي واني تزداد لهفتي الها وصار ١٥ يوم من اخر مره شفتها
رجعت لنظام حياتي

اني جان نظامي اطلع للشغل من ساعه ٨ الصبح ماارجع اله ١٢ بليل وقت ممنوع التجول موبس شغل لا
الشغل للظهر وراها اغير ملابسي اخذ غيار ويايه بالشغل ملابس مال طلعه وابدل هناك واطلع ويه اصدقائي نادراً ارجع الظهر للبيت بس يوم الجمعه مجبور ابقى اليوم كله بالبيت تعليمات الوالد لازم الكل موجودين حتى ننجمع حتى اختي ندى وزوجها يتواجدون يحب لمتنا

ابوزيد.. بابا غيث اريد منك ٥ مليون
غيث .. شسوي بيها بابا خير
ابوزيد .. محتاجهم
غيث .. اول البارحه سحبت انت ٥ واعتقد متصرفت بيهم لان انت مطالع صار يومين
ابوزيد.. شنوو تحاسبني اني لوما الوقت متأخر وانتهى دوام المصرف جان رحت سحبت ولا منيتك
غيث .. العفوو بابا كل فلوسي جوه رجلك بس اعتقد الي بالي صحيح
شنووو الي بالك
الفلوس لست ندى موو لان باجر جمعه وراح تجي واكيد رادت فلوس منك

ابوزيد.. مالك دخل شأسوي بالفلوس عسى لو احركهم هو دين والاحد ارجعه
غيث .. شنوو مالي دخل هاي مو وضعيه كل شهر لو ٥ لو١٠ مليون احد كايللها الفلوس دنبوكها لو نلكاها بالشارع

زيد.. نزلت ركض واني اسمع غيث يعيط
شبيك يول شجاك شون تعلي صوتك على الوالد
غيث .. تعاال احضرنا شوف ابوك يريد ٥ مليون مني حتى ينطيهم للست ندى
زيد.. هاا بابا شنو السالفه مو ذاك الشهر انطيتها دفتر شطلعت هااي
ابوزيد .. تخبلتم انتم تحاسبون ابوكم لتشوفون نفسكم كبرتوا تره والله بالقندره ادوس راسكم لتشوف نفسك انت ضابط وهذا مهندس اني الي سويتكم هيج
غيث .. بابا احنا مدنحاسبك بس هذا اسمه استغلال واني مااحب احد يستغلك او يستغلنا

أم زيد.. شبيكم الرحمن صوتكم واصل للجيران
ابوزيد.. تعاي يامره شوفي ولدج الشفيه صاروا زلم ويحاسبون ابوهم
غيث .. هو منو محاسبك يابابا افتهمنا رحمه لأهلك
ابوزيد..هيج عيونكم صارت ضيكه ونفوسكم ضعيفة بحيث اختكم تحتاج فلوس متساعدوها خوش ربيتكم والنعم منكم

زيد.. شنوو السالفه حجي اعصابك هسه احنا شحجينا
غيث .. انت عبالك اني اضوج على الفلوس والله وداعتك وداعت امي لو ضامن الفلوس تصرفها ندى هي وجهالج هاي كدام الكل احجيها باجر اسحب كل فلوسي واحطها جوه رجلها هي اختي بابا وروحي من الدنيا وفلوس الدنيا كلها فدووه الها بس اعرف الفلوس ولا فلس الها ولا جهالها تروح كلها لعاصم وتدري بيه يضيعهم على الونسات والبنات يعني الله يقبلها اتعب وظهري مكسور واجمع الفلس على الفلس واتحمل الكلام من هذا وذاك علمود اجمعهم وتالي انطيهم لعصام يتونس بيهم

ابوزيد.. اني ردتهم دين مو منك
غيث .. تعرف كلش زين من تاخذهم مراح ترجعهم ندى
وقبل كم شهر انطيتك ٤ مليون وينهم ومسألتك وقبلها ٥ وهم مسألتك لان اعرف متنطيك ولا ترجعهم

ابوزيد.. لعد شتريدون اشوف اختكم معتازه وعندي وماانطيها
زيد.. بابا ميصير كل متكول اريد تنطيها حتى طمعت زوجها بينا يعني هو خير من الله بس مضيع فلوسه واحنا كاعد نضيعه بالزايد من نطي من يشوف محد يساعده غصب عنه يلم ايده ويقلل مصاريفه

أم زيد.. والله مااعرف ياولد شأكول انتم حجيكم صح وعين العقل بس متعرفون الاب والام من يجي ابنهم ويريد شى شون گلبه يصير نار لو حتى ماعنده يگلب الدنيا وينطي

غيث .. يووم والله مستعد كولشي انطيكم كل الي املكه فدوه الكم بس هذا عاصم طوخها واحد استغلالي حقير يحرجها ويدزها علينا لازم نكرصه شويه شنو شايفنه زواج كدامه نشتغل ونتعب ونحط بحلكه ميصير
ود.. والله كلام غيث صح
ابوزيد.. انتي سكتي بعدج صغيره
غيث .. لابابا ود موصغيره بس لان كلامها مأجه على هواك تكول صغيره

ابوزيد.. وهسه شأكول لأختك
غيث .. كوللها ماعندي سيوله الفلوس كلها شلتها وانطيتها لغيث دين يسوي بيها مشروع وكم شهر ويرجعهم
ابوزيد.. گلبي مينطيني
غيث .. والله لمصلحتها بابا وبعدين تكول غيث صح كلامه
زيد.. اني طالع تريدون شى
أم زيد.. ابني وين  .. كروب قصص غزوان علي
زيد.. كم شغله اشتريهم من الكراده وبعدين اروح لولد صديقي لان باجر عندي سفر اسبوعين وارجع
الكل .. ترجع بالسلامه

عاصم .. شوفي ندى الج يومين اذا متحاولين تجيبيلي فلوس من اهلج صدگيني اسحلج بالكاع واطلكج واخذ جهالج اني اربيهم وتحلمين تشوفيهم بعد وهذا وعد

اني عاصم عمري 32 سنة طويل وصاحب عضلات شكلي حلو ويغري البنات واني استغل شكلي بعملي اني صاحب فندق وبصف الفندق مطعم واموري كولش زينه بس مشكلتي اصرف هواي واسافر سياحة كل شهر بدوله حياتي هي عبارة عن شرب وقمار وبنات ليل وهاي طبيعتي ومااتغير

ندى .. عاصم والله اخجل من اهلي كل فترة ودازني لاهلي بعذر واجيب بهالفلوس وانت ولايهمك احنا كاعدين بيت ملك وشغلك خير من الله ومسلمه بيد ناس متخاف الله اذا تبقى هيج كولشي راح يروح من ادينا حتى هذا البيت

عاصم . كافي هالاسطوانه يومية دسمعهه دروحي جيبي منهم وهاي المرة تكون اخر مرة لان داخل بشغله جبيرة لو ترفعني لفوك او تنزلني للكاع ولتخافين على جهالج اشو المطعم ب اسمج وهالبيت هم
ندى.. ماانكر هالشي وانته ممخلينا محتاجين بس لازم تشوف وضعك اني اخجل من اهلي من ينظرولك بنظرة الطماع او الممهتم

اني ندى عمري 26 سنة خريجة ادارة واقتصاد ادارة اعمال متزوجه من عاصم وهو اكبر مني ب 6 سنوات زواج عن حب  وعندي منه ولد وبنت عايشة سعيدة بوجود زوجي واطفالي واهلي هم قريبين مني لكن طمع عاصم متعبني واهماله لنفسة ولشغله مو طبيعي اريد ارفع راسي بيه وهو ولايهتم
اتمنى من صدوك تكون هاي اخر مرة يطلب بيها من اهلي ويارب اهديه عالطريق الصحيح ..

اليوم جمعه والكل مجتمع على الغدا ونضحك ونسولف  وكاعدين بالمطبخ اني والبنات بس ابويه وزيد وعاصم بالصاله

ندى ..اي غتوو شخبارك غتوو غتوو يمعود
غيث .. هاااا
ندى .. لاوالله بعد وكت الي ماخذ عقلك عيني
شهد .. هذا حاله صار ايام مااعرف شيفكر
ود.. اخاف غركانه السفن مالتك هههه
غيث .. هااااا ماعدكم قضيه غيري مووو خلص الحجي
والقشبة كلتوا خلي نستلم غيث
ندى .. لاوالله بس شفتك صافن حبيت اشوف حبيبي اخويه شبيه
غيث .. بس جفوني شركم انتم الثلاثي المرح كوولشي مااريد وذني يضحكن واحنا بالمطبخ ومااشوف غير موج گبالي تدخل لاياالله
من صدمتي وكفت على حيلي

موج .. اليوم جمعه وخالتي سوت ثواب لأبوها واني الي سويته اكيد هي بس تنطي الاوامر وقبل بليله اسوي گليجه ظهري انكسر وثاني يوم الحلاوه متقبل جاهز وكلت يله ثواب بس هي اصرت اني اودي لبيت ابو زيد ايدي على قلبي اشوف هذا الي اسمه غيث بس اني اكثر من مره رايحه لبيتهم ومااشوفه بلكت هاي المره اروح ومااشوفه هم ودكيت الباب طلع الي عموو ابو زيد وكلي ادخلي للمطبخ البنات جوه توقعت بس البنات وحدي ومااشوف غير غيث كاعد بنصهم ويضحكون ومن شافني انصدم واني سويت نفسي ممنتبه اله بس بداخلي ارجف كمت اخاف من جرأته

أم زيد.. هله يمه بالگمر شلونج بنيتي
موج .. تسلميلي خاله الحمدلله انتي شٌلونج هلوو بنات شلونكم وسلمت على الكل  وصلت يم غيث مسلمت
شهد .. ولج بذاته شوو ماكو صار اكثر من شهر مجايتنا
غيث .. شلونج موج
شهد .. تعرفها
غيث .. اي تعرفت عليها من جنت اشتغل بيتهم ليش متسلمين
موج .. العفو مشفتك
غيث .. كل هذا الطول ومشفتيني
ود.. اووف منك غتوو عوف البنيه خجلتها
موج .. مباوعت عليه اخااف اباوع
تفضلي خاله هذا ثواب لأبو عمتي
أم زيد.. جعله واصل حبيبتي بله خله اضوك اكيد انتي الي مسويتهم
موج .. اي
الله يخبل عااشت ايدج دومج نادره
غيث .. من سمعت هي مسويته بلاتردد سحبت الماعون من ايد امي
هذا الي ومحد يمد ايده والي يمدها اكسرها
شهد .. انطينا خلي ناكل موبس انت
ندى .. غتوو بطل سوالف الجهال مالتك انطينا
غيث .. والله لوتموتون ماانطي

موج .. اباوع عليه عبالك طفل ويدلل عليهم حبيت لمتهم وضحكهم وهو مرح يدخل الگلب محسيت بروحي غير ابتسم على تصرفاته
موج .. عادي بنات عوفوه اني اجيبلكم
غيث .. باوعت عليها يمه من فدووه لضحكتج ترد روحي اووف شكد مشتاق اشوف عيونها
موج .. رايحه اجيب واجي
غيث .. بس طلعت اخذت الماعون وانهزمت لان ود تركض ورايه وكعدت بالحديقة اكل وحدي
حتى اكلج بيه طعم ثاني هي موحلاوه وگليچه بس احسه اكل من الجنه لان من ايدها
وقريب الباب سمعت صوتها تنطي لجاهل من الشارع وتوصي يوصله لبيت جيرانا
وكفت قريب الباب ومن دخلت صرت بوجهه وفزت
اسم الله

موج .. فززتني وارجف من الفزه
غيث .. لاارادياً باوعت على صدرها لان نفس الحركه صارت ينزل ويصعد وذكرني من التقيت بيها اول مره
موج .. عيونك شبيك
غيث .. تدري هاي انفاسج السريعه شسوي بيه والله تاخذ حيلي
موج .. غيث فدووه جوز مني
غيث .. الله اول مره تنطقين اسمي وبهدوء
شكد حبيته بصوتج
موج .. شتريد مني انطيني مجال ادخل للبنات عيب ينتظرون وليجي احد ويشوف وكفتنا عيب بحقي وبحقك
غيث .. ميهمني احد هاي اولاً
وثانياً اريدج موج موبيدي اريدج ومااعرف ليش

موج .. صفنت عليه انت شكعد تحجي من گل عقلك لو تتشاقى
غيث .. والله موشقه روحي تلوب عليج تدري اشكال والوان اشوف باليوم الواحد والله بنات اكوو بيهم شايلات جمال يكطع بس ميهزون شعره مني ولا راح يهزون ليش انتي اول مشفتج رجفت

موج .. عيب هذا الكلام نسيت وضعي
غيث .. لا مناسي ولا راح انسى بس انتي هم لتنسين ومن اليوم راح تصيرين الي
موج .. هههههههه لا اكيد انت موصاحي
غيث .. تقربت عليها شووفي ياحلوه انتي دخلتي هنا واشر على عقلي
والي يدخل بعقل غيث ميطلع منه لو شميسوي واذا راده يحصله لو يعرف يحارب الدنيا كلها علموده وانتي صرتي بعقلي

شهد .. اباوع على غيث يريد ياكلها لموج عرفت شنو الي مغير حاله وشفته يحجي وياها هذا تخبل لو ميعرف هي زوجة اكرم هذا ديلعب بالنار وراح يذب روحه بالتهلكه

طلعت للحديقة هاااا ميمي شوو تأخرتي
غيث .. ابتعدت عنها حتى لتنتبه شهد
منوو ميمي انتي
موج .. هااج حبي شهوده الف عافيه واروح اني لان تأخرت
وطلعت اركض هذا الولد راح يخبلني شنوو من جرأه شايل

شهد .. تعال غيث عندي موضوع ويااك
واخذته وكعدنا بالحديقة
سولفلي شعندك ويه موج
غيث .. ماعندي شى شبيج تخبلتي
شهد .. شوف اني موطفله ولا ماافتهم وشفت نظرتك الها تريد تاكلها وطلعت بره تنتظرها وكفتك وياها موطبيعيه
غيث .. غلطانه ماكو شى
شهد .. اني مااكول غير شى واحد تره انت كاعد تلعب بالنار لتنسى هي متزوجه
غيث .. عطت والله ادري متزوجه والله بس موبيدي ارجف عليها

شهد .. اششش صوتك يمعود ليروح احد يسمع تخبلت اكعد ولتعيط
غيث .. كعدت شوفي شهد انتي اختي ومعزتج مثل ود. وندى والله شاهد
شهد .. احس قلبي انمرد من كلامه بس سكتت
غيث .. ولهذا راح اكولج الي افكر بيه
شهد .. يااريت احجي شتفكر
غيث .. اني اريد موج
شهد .. شلون تريدها
غيث .. اريد اتزوجها
شهد .. شنووو انتي صاحي اكوله متزوجه متزوجه اعيط لو اكتبلك لافته بيها حتى تصدك
غيث .. اعرف متزوجه بس حياتها جحيم ويه هذا الخبل زوجها وشفتي شلون يوميه كاتلها
شهد .. وان يكن هذا ميسمحلك تتعدى حدودك وتاخذه مره من رجلها وبيتها

غيث .. يابيت يارجال البنيه يوميه مكتوله الله انطاها زوج طايح حظه ومأذيها ولامهتم بيها وعمه لوبيدها تحركها ومسويتها خدامه

شهد .. بس هي مشكت الك
غيث .. شوفي لو احجي للصبح مراح تفهميني بس اريد شى واحد منج
شهد .. شنوو
رقمها اريد رقمها
لا تخبلت اكيد ياارقم يمعود لو اموت ماانطي رقمها لتحملني هيج مسؤوليه

غيث .. يعني متنطيني الرقم مااشي وسحبت التلفون بقوه من ايدها وفتحته
شهد .. جيب التلفون واركض وراه
غيث .. اخذت تلفونها وركض لغرفتي وسديت الباب وهي كسرته من الدك حفظت الرقم
.... بيج قصص غزوان علي
زيد.. شبيج شهد تخبلتي ليش هيج ادكين على غيث
شهد .. مو اخذ تلفوني
ليش شيريد منه
شهد .. هاااا بله شأكول لزيد اذا عرف راح يتخبل ويجوز يكبر الموضوع ويتعاركون ويزعل غيث مني خلي اسكت على موضوع موج ولو نار الغيره تاكل قلبي بس لازم اسكت
موو راد صوره للجهال وعلى اعناده منطيته اله واخذ التلفون
زيد.. ههههه والله هذا الولد ميكبر يله حبيبتي حضريلي ملابسي ورايه باجر سفر
غيث .. طلعت وصارت شهد وياها زيد بوجهي هاااج وشمرت التلفون عليها

شهد .. اني الك بعيني
غيث .. من اخذت رقمها تكول ملكت الدنيا

بقى الرقم يومين يمي وحاير اتصل لو شسوي اخاف التلفون عند عمتها لو عند اكرم واسويلها مشاكل خلي اروح اسأل شهد احسن
شهد شهوده وينج قلبي

شهد .. هاا عيني غتووو شبيك تصيح خبصت الدنيا محتاج شى
غيث .. بس سؤال واحد جاوبيني
شهد .. ياستار كوول
غيث .. تلفونها الموج يمها لو تحطه بأي مكان يعني يصير بيد عمتها او اكرم
شهد .. ليش تسأل
غيث .. جاوبيني على كد السؤال
عيب والله الي كاعد تسوي انت عاقل وعمرك مكنت هيج هاي مواخلاقك غتوو تتحارش بوحده متزوجه ميصير والله وحرام

غيث .. كاافي محاظرات تره لعبتيها لروحي
شهد .. الحق ينزعل منه لهذا تكولي لعبتيها لروحي والله لمصلحتك احجي

هاي البنيه وراها مصايب وراح ادخل نفسك وادخلنا بألف مصيبه عفيه انساها اروحلك فدووه انساها
غيث .. من الاخير اني احبها لموج واريدها
شهد .. لتخبلني شبسرعه حبيتها مصار اقل الشهر من عرفتها انت متوهم متحبها
غيث .. شوفي اني مااعرف شنو الحب ولا عايشه بحياتي ولا اعرف شيتصرف الواحد من يحب

بس كل الي اعرفه واحسه هاي البنيه ٢٤ ساعه افكر بيها وشسوي حركه تطبع بدماغي شكلها كله بعقلي وخاصه ضحكتها مشيتها تنفسها اووووويلي الله اعشق من تتنفس سريع احس نفسها يدخل بالرئه مالتي
شهد .. شنووو انت شكعد تحجي تقربت منها ولمستها صار بينكم شى
غيث .. لا وربج مصار شى من الي بالج  بس تقربت منها اي ماانكر وحتى عطرها شميته
شهد .. وهي سمحتلك

غيث .. الله شاهد مسمحت بس اني من اشوفها اتخبل اصير غير بشر وعقل ميضل بيه والله من اشوفها انگلب غير واحد بكلامه بتصرفاته حتى وره متروح اكعد وحدي اكول بله اني من كل عقلي هيج تصرفت وياها شتكول عليه

شهد اكيد تكول ماعندك اخلاق وممتربي
غيث .. شتكول خلي تكول المهم عندي تحس بيه وتحبني حتى لو ربع حبي الها
يااحب تحجي عنه وشبسرعه دااكولك مصار غير اووكف خلي نحسبهم بالايام صار ٢٨ يوم حتى شهر مقبط

غيث .. الحب ميعرف ايام مرات تعاشرين بشر سنين ومتحبيه واكو من اول يوم تشوفه تحبه تره الحب مينقاس بالايام وهي بالذات وياها احس روحي اعرفها من سنين والله

شهد .. انت موتكول ماعرف بالحب
غيث .. والله مااعرفه ولاحاسه بيوم لحد مشفتها
شهد .. يامتعرفه طلعت استاذ بيه
غيث .. هسه اني ردت جواب على سؤالي وانت اكلتيني حاصل فاصل شكد تلغين
شهد .. هو اني الي الغي لوانت استاذ روميو تتغزل بست جوليت
غيث .. تروح فدووه جوليت وعشيرتها للتراب الي تمشي عليه حبيبتي
شهد .. صارت حبيبتك
غيث .. وكل دنيتي
شهد .. لا انت لازم تتعالج اتخبلت رسمي ولازم اكول لأخوك واهلك يتلاحكون للمصيبه الي راح تصير
غيث .. لزمت شهد حيل من ايدها صرت نار من كلامها

اسمعي شهد اذا كلمه طلعت من الي حجيناه او احد يعرف بمشاعري تجاه موج والله ماارحمج خليني احبج ومحترمج وحاسبج اختي الجبيره ودااحجيلج واله بحياتي مااحجي ويااج ولا اعرفج
شهد .. انگلب ١٨٠ درجه واول مره اشوف غيث هيج يعاملني لوبيده يضربني انجرحت منه وانقهرت كلش
اااااخ عوف ايدي كاعد توجعني
سمعتي شگلت لو اعيد

شهد .. سمعت مااحجي وعفته ومشيت والدمعه بعيوني لهاي الدرجه يحبها والله عقلي مديشيل الموضوع كله شبسرعه تعلق بيها وشصرف اني بداخلي مشاعر مضطربه نار الغيره تاكلني هاي من جهه والجهه الثانيه خوفي عليه من المصيبه الي يريد يدخل نفسه بيها ياارب عديها على خير بلكت موج تصده وتمنعه ويبطل ويعوفها لازم اتصل بيها
دكيت عليها متجاوب اوووف وينج يمعوده

موج جنت اشتغل عمتي مترحمني بس تشوفني كاعده اطلع شغل من جوه الكاع وتشغلني هلكت من وراها وهذا رجلي مااشوفه بس يجي يبدل ياكل ويطلع لويجي الفجر لو مرات يبات بره ابوه شكد يحجي شكد يتعارك وميفيد بيه اني سلمت امري لله شأسوي هذا حظي من الدنيا وفوكاها عمتي متخليني اروح لبيت اهلي اشوفهم كل شهر يوم واحد كم ساعه ولازم ارجع ولازم اسكت ومااعلق والله تعبت ومحد يحس بيه
بعد مخلصت الشغل اجيت على التلفون خالته على الشحن شفت شهد متصله مابيه حيل اخابر واسولف تعبانه غير وقت اخابرها طبيت سبحت وطلعت

وجان تجيني رساله من رقم غريب

مـن يستــحقـك هـو ..
رجل لن ينتـظر فرصة مـنـك
بل سوف يخلق فرصته بنفسه
سيفعل الـــمستحيل لأجـــــلك
سيرسم لكي ما تـبقي من حياتك معه�ســــــيجعلك أول أولويـــاته …�و سـيـخـطـط لحيـاة تجمعك به سويـاً�يـشـــاركك فـي قـراراته لـيـحظي بكي إلي جانبه�و يستـحق أن يـبــقي قــلبك معه لبـقية سنين … العمر�ف إن لم يفــعل . ف هو بكل تـــأكيد ليس من يستحقـك
وانا قادر على الفوز بكِ واقولها وبثقه انا استحقـك

رجفت وخفت هذا منوو اتصل واشوف منو لو لا
لا مااتصل احسن اخاف دازين الرساله بالغلط
ومجاوبت وراها بربع ساعه هم اجتي رساله ثانيه ونفس الرقم

مَن أنتِ؟ هلْ أنتِ بَحرٌ لا حُدودَ لَهُ؟ وهلْ أنا سِندِبادٌ ملَّهُ السَّفرُ؟!
ماذا أُسميّكِ، لا الأسماءُ تُقنعني ولا التَّصاويرُ، لا تُغريني الصوَّرُ
أنا هُنا زَورقٌ والضَّعفُ أشرعَتِي والرَّيحُ عاصفةٌ والموجُ مُقتدِرُ
فالعابِرونَ عبابَ البَحرِ قَد فُقدوا، لَو أنَّهم عَلِموا ما البَحرُ ما عَبروا
إنْ كُنتِ لي قدري فالأمرُ مختلفٌ، وسَوف أمضي فهل قد أخطأ القدرُ!.
.... كروب قصص غزوان علي
لا الامر زاد عن حده هذا منوو دزيت رساله
العفو اخي اتوقع غلطان بالرقم الرسائل مالتك كعد توصلني واني مااعرف انت منو
غيث .. اوويلي ردت رجعت جاوبتها
مومهم تعرفين اني منو المهم اني اعرفج
موج .. عزه الي عزاج مووج هذا منو ويعرفني ومنين جاب رقمي رجعت دزيت رساله
العفو اخي اكيد غلطان وياريت بعد مدز اي رسائل
غيث .. رجعت دزيت لا اعرف انتي منو ومغلطان انتي الموج الي اغرقني بعمق البحر وديسحبني للعمق بهدووء وفوكاها مستمتع بالغرق
موج .. دخيلك ربي هذا منو من الخوف طفيت التلفون وبقيت الوب
غيث .. كلت خلي اتصل حتى تعرف اني اكيد خافت دكيت مغلق اوف غلقته ميخالف ابقى وراج والكعبه مااعوفج

موج .. اندك الباب طفرت من الخوف جان ييطلع عمي
هااا عموو تفضل محتاج شى
ابو أكرم .. لاعموو بس اكرم اتصل وكال ليش مغلق تلفون موج
موج .. اي مو الشحن خلص هسه اني اخابره شكراً
فتحت التلفون ودكيت على اكرم
أكرم .. وجع وين جنتي هاا وليش تلفونج مغلق

موج .. مابيه شحن ماادري بيه
أكرم .. انتبهي عليه مره ثانيه لااكسره براسج
موج .. خير صاير شى محتاج شى
أكرم .. شأحتاج من جهرتج الزفره بس ردت اسألج على ساعتي الحمره موجوده لو ناسيها بالشغل اخاف العمال اخذوها حتى اطيح حظهم اذا ماخذيها
موج .. اوكف خلي اشوف
موجوده بالمجر
أكرم .. يله ولي
موج .. اوكف متجي اليوم للبيت صارت ساعه ١١
أكرم .. من شوكت ست تسألين هاا شنوو تحاسبيني

موج .. على كيفك ياعيني هسه اني شكلت وانت تعيط بس اشتاقيتلك كلت بلكت تجي اليوم من وكت اشوفك واسهر وياك
أكرم .. باع هايه من كل عقلها اجي من وكت عندي سهره تسوه راسج تريدين اعوفها واجيج والله انتي بطرانه
موج .. العفو عيني سحبت كلامي
أكرم .. يله ولي باي

موج .. وسده التلفون بوجهي هذا اسلوب اكرم دومه هيج كضيت سنين واني متحمله اسلوبه التعبان عدا الكتل والضرب ومن اشكي لأهلي يكولون رجلج اتحمليه وماعدنا بنيه تطلك
بقيت اتفرج على التلفزيون وجان يدك الرقم الغريب بقيت ارجف من الخوف شون ياربي
ومجاوبت دك حوالي ٧ مرات بالاخير كلت خلي اشيله وارزله حتى ميتصل بعد
الووو تفضل
غيث .. من كالت الوو احس روحي ذابت وكمت ارجف مباشره كتلها من فدووه لصوتج

موج .. انت منوو
غيث .. اني شخص كام يعشق حتى النفس الي تتنفسيه
موج .. راح اسده اذا متكول منوو
غيث .. اني غيث
موج .. شنووو شون تتصل ومنو انطاك رقمي
غيث .. على كيفج ياعيني لتقلقين اني حصلته بطريقتي
موج .. كمت ابجي من الخوف عفيه ابوس ايدك اتركني بحالي والله الي بيه كافيني والله مااريد مشاكل اذا عرف احد والله ميرحموني لااهلي ولا زوجي واهله اترجاك عوفني

غيث .. اششش لتبجين كل ولا دموعج احرك الدنيا ولا دمعه تنزل منهم
موج .. كلامه يجنن ويوترني واخاف وابجي من الخوف تهسترت وهو يهدأني طريقتة بالكلام سكتتني
غيث .. كافي فدوه ارحميني ولتبجين زرفتي قلبي
موج .. انت ارحمني واتركني بحالي اترجاك
غيث .. اذا عفتج ترتاحين
موج .. والله ارتاح والله بس عوفني
غيث .. ماشي   ﺗدللين المهم راحتج
موج .. شكراً الك مع السلامه
غيث .. قبل مااروح حابه اكولج شى
موج .. شنوو

غيث .. اذا بيوم احتاجيتي شخص تشكيله وتفتحين گلبج اله راح تلكيني اول واحد واذا احتاجيتي اي شى لو بالمريخ اجيبه الج
موج .. ضحكت شون تجيبه اذا بالمريخ
غيث .. اووف من فدوه لضحكتج احجي ويه نفسي

اجيبه لعيونج كولشي اسوي المهم لتنسين اذا تريدين صديق اني موجود وعد مني كل كلمه تكوليها وره منغلق التلفون انساها وكأن جنتي تحجين ويه نفسج
موج .. تسلم غيث المهم لتتصل بعد عفيه

لتخافين مااتصل المهم انتبهي لنفسج ولصحتج ياغاليه
موج .. مع السلامه وسديت التلفون وكلامه يرن بأذني احس كلامي دخل لروحي وحرك شى ماعرف شنوو بس شعور حلوو رغم الخوف وراها صحيت وانتبهت على نفسي وكلت لازم مااحلم الي مثلي ممنوع عليها تحلم الي عليها تگضي حياتها مدفونه تحت رحمه رجلها وامه وشيكولون لازم اكول حاظر

غيث .. سديت الخط منها واني نار بگلبي لان مااكدر بعد اتصل بيها ولازم اكون كد كلمتي متحملت دموعها احس نار وتجويني جوي
وكدرت التزم بوعدي ومر حدود الشهرين واني ممتصل ولا حاولت اعرف شى عنها وحياتي هادئه بس دخل الملل بيها كلشي جنت احبه صار ممل بعيني واكثر الاوقات ساكت

شهد .. اتصلت بموج وردت احذرها من غيث حتى تصده وحجتلي الي صار وكلامهم
من تحجي على كلامه احس تكطعني الغيره تاكلني واتعوذ من الشيطان هذا حماي المفروض اخويه وحرام هاي مشاعري بس مداتحمل بس ساكته مااكدر احجي ولا يصدر مني اي ردت فعل بس كتلها عاشت ايدج وان شاء الله ميتعرضلج بعد واتفقنا هذا الموضوع ننساه ومنبلغ احد بيه ومرت الايام واني اشوف غيث بس صافن ضحكته وحيويته راحوا وكأنه شمعه وانطفت لهاي الدرجه تأثرت بيها من اشوفه هيج لحظات انقهر ولحظات اموت غيره وصار شهرين وكلت  الْحمدلله عدا الموضوع على خير

غيث .. وبيوم بليل ساعه ١٢ رجعت ويه وقت ممنوع التجوال اني وصديقي خالد نتمشى وصلت قريب بًيـت اكرم وسمعت عيطه وهوسه ومااشوف غير الباب تنفتح واكرم يسحل بموج من شعرها وهي بدشداشه البيت ومدمايه من فوك ليجوه من الصدمه معرفت شأسوي واني اشوف الانسانه الي اتمنى كلمه منها هيج تستنجد بأي احد يخلصها منه وكوه تجر النفس وهو موتها كتل وسحل من الباب يريد يصعدها بالسياره مالته وجان اركض عليه من حلات روحي كمشت اكرم واضرب اضرب وكل مااباوع عليها والدم بيها وضعها الي يبجي الصخر ازيد بالضرب وهو الحقير سكران ومابيه حتى يرفع ايده ويضربني مبقيت مكان سليم بيه موته كتل بحيث وكع على وجهه مكدر يكوم

خالد.. يمعود كافي عوفه راح يموت بأيدك عوفه وادفع بغيث فقد كام ميشوف
غيث .. ولك عوفني اليوم اموته ماابقي عايش شون يمد ايده عليها
وداضرب وخالد يدفعني حتى اوخر منه شفت موج تريد توكف متكدر وجان توكع على وجهه ركضت عليها وعفت اكرم وخليتها بحضني واوخر شعرها الي مكطعه الحقير من وجهه

مووج اسمعيني فدوه جاوبي لتموتيني عليج
موج .. بصعوبه احجي مااكدر اتنفس
فدوه غيث استرني
غيث .. انتبهت على ملابسها دشداشه خفيفه وربع ردن وشعرها طالع
شلتها من حلات روحي وركض للبيت مالتنا
دفرت الباب وينكم واعيط
يتبع ...