رواية بين العقل و الطريق الفصل السادس 6 - بقلم غزوان علي

بين العقل والطريق
للكاتب غزوان علي

البارت السادس
معلقة بين سماء وأرض ..
علموها العادات كالفرض ..
سقوها جين الصمت ..
لم يفهموا اوجاعها ..
فأنجبت من دمعها طفلاً ..
أسمته الصبر ..

موج .. بعد محاولات اكرم للصلح  كلها فشلت وقررت بابا وعمي هذا هو لازم ننفصل طلع اكرم بشغله لا على البال ولا على الخاطر
راح لمحامي وشرحله الوضع واقترح عليه قضيه بيت الطاعه وهو حب الفكره وقرر ينفذها حتى بدون ميبلغ احد وقدم الطلب للمحكمه حتى يبلغوني وبيوم صبح اندك الباب وفتحته واستلمت التبليغ بلحظتها احس واحد وضربني على راسي معرفت شون اصرف بس ابجي مااريد ارجعله مااريده وخابرت ابويه والولد واجوي يركضون واتصلو بعمو ثابت وهو حلف يمين ميعرف بالموضوع ويومين هذا يكول وذاك يعيد واني بنص هاي الدوامه وابجي ومنهاره مكدرت احجي لغيث اعرفه متهور اخاف اكوله واشكيله رغم كلش احتاجيته بهاي المده بالذات احتاجيت احجي واشكي وحتى ابجي ويسمعني ويواسيني بس فكرت اخاف يتهور ومناقصني مشاكل غلقت التلفون يمكن غلط هيج تصرفت جان المفروض ابلغه بس بلحظتها احس عقلي توقف عن التفكير لان جنت بوضع الكافر متتمناه اله وبعد يوم من المناقشات ثاني يوم اجه اكرم وعمي وانجمعنا بالصاله وابويه وبشار وامير واشتغل الصياح وكل واحد يجر بصفحه واني مغلوب على امري وقراري بيدهم

أكرم .. اني كتلكم اكثر من مره طلاك مااطلك انتم خليتوني هيج اتصرف انتم السبب
امير.. يعني محسبت حساب الخوه والاصدقاء موعيب شكلت لروحك وانت تجبر زوجتك لبيت الطاعه وادخلها محاكم بنص الشرطه وتهينها يعني انت متوب مكافي الي عايشته وياك اتركها يااخي البنيه ومتريدك كوه

ابو أكرم .. ابني امير موهيج التفاهم الولد متمسك بزوجته ومن حقه اني صح كتلكم يطلك بس هو لأخر لحظه يصيح اريدها
امير .. بس ياعمي موبهاي الطريقة هاي اهانه الها والنا مكتله عيب شون تتصرف هيج
أكرم .. كتلك من وراكم اعرف لوشكد مااحجي ميفيد
بشار.. اذا انت هيج تحبها وتمسك بيها شبيك مخبل عليها گـل فتره ضاربها ومدخلها مستشفى تصرفاتك وياها ابد مومال واحد يحب زوجته ويريدها اصلاً زين من عدنا ساكتين الك ولخبالاتك المفروض من اول يوم ضربتها نكسرلك ايدك
أكرم .. كل مره ورجال يصير بينهم مشاكل وهذا شى خااص بيه وبمرتي

ابو امير ... انت شتريد هسه اكرم وتسحب القضيه
أكرم .. ترجع موج ويايه
موج .. مستحيل
أكرم .. ليش مستحيل
ابو أكرم .. بنتي والله اكرم يحبج ويريد يرجعج حتى يعوضج عن كلشي بس ارجعي والي تريديه حاظرين اله
موج .. عمو ابنك ميحبني والله ولا بيوم فكر بيه وماعرف شنو سبب تمسكه بيه
أكرم .. لااحبج وراح اثبتلج هذا الشى
موج .. متكدر اتحداك وهاي كدام الكل
راح ترجع تضربني وتأذيني اذا انت صدوك تكول احبج طلكني اترجاك
أكرم .. كتلج مااطلك انتي زوجتي وحبيبتي ومامستعد اتنازل عنج

ابو امير ... اذا هيج ندمان وبعد متأذيها ارجعي بابا رجلج يحبج
موج .. والله ميحبني والله وراح يرجع يضربني فدووه بابا ابوس ايدك لترجعني اله
عشت ايام سوده ويايه سنين عمري ضاعت واني مشفت منه بس الضيم والقهر والاهانه
بابا فدوه لترجعني
ابو أكرم .. بنتي موج انتي العاقله الفاهمه ليش هيج تحجين
موج .. عمو والله من القهر الي شفته وكله على ايدك وانت ياما وياما ادافعلي عدا الايام الي انت موبيها حتى خاله مرحمتني واني مقصرت لابحقوق ابنكم ولا بيكم بس شنو الي حصلته عمو
ابو أكرم .. والله حقج وشتحجين ماالومج بس يابنتي كعد تشوفينه شون متندم ومقهور وحتى اتفاجأت شون متمسك بيج
ارجعي بنتي وبالنسبه لخالتج اني اسكتها ومااخليها تتعرض الج بشى اني هم ابوج لو لا
موج .. اكيد عمو الله شاهد شكد احبك واعتبرك ابويه
ابو أكرم .. لعد لخاطري ولخاطر شيباتي ارجعي واذا سوالج شى هلمره اني بيدي اطلكج بس ارجعي بنتي
بشار .. يله موج استهدي بالرحمن وكومي حضري غراضج المره مالها غير بيتها ورجلها
موج .. يعني شون ولا واحد بيكم ويايه حتى انت بشار مو كتلك على وضعي وياه وبعدك تريد ترجعني
ابوامير.. بنتي المره لو شميصير مالازم تترك بيت رجلها ميصير .. كروب قصص غزوان علي
موج .. يعني يكسرني ويدخلني مستشفى واكثر من مره ومتريد اترك بيتي

ابوامير .. اي ميصير تبقين بيه هذا بيتج ورجلك والرجل اله حق كولشي يسوه وهو كال ممتقصد جان شارب واعتذر كافي اطولين بالموضوع
موج .. وانت امير شتكول شوو ساكت
امير .. ماكو حجي بعد حجي الوالد
موج .. خلف الله عليكم هاي المرجيه منكم ردتكم حزام ظهري وهذا الي حصلته رجعتوني ذليله لأكرم
ابو أكرم .. ليش ذليله بنتي صار شهرين نروح ونجي ونتوسل حتى انرجعج ومقامج على الراس بنتي
موج .. انداريت على اكرم اليوم مااكدر ارجع ممحضره غراضي تعالي الصبح تلكاني واكفه بالباب
وانتم يااخوتي وابويه تسلمون على الضيافه مقصرتوا وان شاء الله متتكرر والمره الجايه رجل بتكم يجيبني الكم بتابوت وعود ذاك الوكت كولو ليش متركت بيتها واجتنا بس لتنسون شغله اني جيت واحتميت بيكم وانتم رجعتوني بكل گلب بارد ولا همكم هذا هو مقصرتو  وطلعت ابجي منهاره ودخلت للغرفه بس ابجي وامير وسن شكد دكو الباب مفتحته مااريد اشوف احد مااريد
ومااعرف شكد بقيت على هذا وضعي بس ابجي اخر شى كعدت لميت ملابسي وغراضي وطلعت من الغرفه صارت دعاء بوجهي واباوع عليها احسها فرحانه خلصت مني ونظره الشماته واضحه عليها مهتميت الها وامي حاولت تواسيني بس شنو الي بيدها مره حالها حالي لاحول ولاقوه الها ومحجيت لاويه ابويه ولا ويه اخوتي ونمت وثاني يوم ساعه ٩ اجه اكرم وطلعت وياه حتى مودعتهم بس امي وطلعت مكسوره ومجبوره اعيش ويه انسان اناني واعرف بيه راح يأذيني لان ذيل الچلب عمره مينعدل بس فوضت امري لله بس الي حاز بنفسي هو غيث شراح اكول اله شنو الحجه مالتي وخاصه هو شكد حاول يقنعني ماارجع

ومن رجعنا وايدي على گلبي اشوفه والي خفت منه صار واجه بأتجاهنا واني هنا اتشاهدت كلت خلص راح تصير كارثه وانفضح

غيث .. متحملت ورحت عليها نسيت وضعها ونسيت كولشي وامشي بأتجاهه ومااشوف غير زيد  يلزمني من ايدي

زيد.. وين تعااال
غيث .. عوفني زيد لازم افتهم شرجعها
زيد.. اشش صوتك احنا بالشارع تعااال للبيت ونتفاهم
غيث .. صاير نار ومااشوف كدامي وعطت على زيد دااكولك عوفني
زيد.. جريته حيل من ايده وفتحت الباب
كومي ود رجعي للبيت يله بسرعه
ود.. اي رايحه بس انت وين ماخذ غتو

زيد.. شبيج ترجفين نسيتي هو اخويه يله بسرعه للبيت
واخذت سيارته اني اسوق وهو بصفي واشوفه يفرك بأيده من الاعصاب واخذته لمكان بعيد قريب ابو نؤاس لان هدوء وطبكت السياره وجان الصبح وماكو احد

انت شبيك متكولي وين عقلك هدوئك يعني لو كل واحد يحب مثلك جان محد حب
مو هيج غيث انت مو وحدك بالدنيا
غيث .. اذا جاي تنطيني محاظره بالاخلاق والقيم والعادات والتقاليد رجعني هسه لا والله اعوفك واخذ تكسي للبيت وارجع واحجي بأعصاب وصوت عالي

زيد.. شوف غيث صح العمر الي بيني وبينك مو هوايه بس اعتبرك ابني موبس اخويه وانت اصلاً اخويه الوحيد واريد مصلحتك انت ماشي بطريق خطر واصلاً محرم عليك تمشي بيه
غيث .. ليش لان متزوجه
زيد.. طبعاً لان متزوجه بابا المتزوجه خط احمر عيب عليها تحب وعيب عليها تصادق وعيب عليها حتى مجرد تفكر بغير زوجها
غيث .. واذا زوجها حقير وچلب شون ومأذيها

زيد.. تتطلك ولا تعاشر على زوجها
لا الدين ولا المجتمع يرحم حبكم هاي اذا اكو حب من طرفين لان الي حاسه لحد الان الحب بس من طرفك يعني انت سنين حياتك كلها محبيت يوم متحب تروح تحب متزوجه
غيث .. ليش هو بيدي والله موبيدي زيد افهمني ياناس ياعااالم موبيدي الحب والمشاعر موبيد الواحد والله ردت ابتعد عنها ومكان المره عشره بس مفاد كل ماابتعد اتقرب اكثر
زيد.. لان معروفه كل ممنوع مرغوب ولان هي ممنوعه عنك لزكت بيها
غيث .. من اشوفها افقد عقلي وارجف وافقد السيطره حتى على حواسي احس وكأني منوم مغناطيسي بحيث توصل بيه مرحله من صوتها ارجف عليها واتخيلها
زيد.. امرك عجيب يعني اكو واحد يحب وحده هم متزوجه وهم مملتقي بيها وحده وملامسها ويتعلق بيها هيج

غيث .. والله حبيتها حتى قبل مااتصل بيها واتقرب منها حسيتها وهي بقمه رفضها اليه شأسوي انزرعت بعقلي قبل گلبي وكتلها اطلكي ناقص من الرجال اذا موو ثاني يوم اخطبج بس اطلكي وهي دوم ساكته واتفاجأ اليوم راجعه لزوجها وبديت اضرب بيدي على السياره احس بيه الم وخذلان منها موطبيعي
زيد.. لزمت ايده وحضنته كافي غيث ارجع لعقلك بابا ارجع غتو الي يضحك للهوا الي ميهمه كولشي بالدنيا هملت شغلك واهلك واصدقائك وعشت حياه عباره عن وهم مو من حقك ولا حقها كافي ارجع لنفسك الي كاعد تسوي تظلم بيه نفسك قبل متظلمها واذا عرف احد بيها تحجي وياك والله ميرحموها حتى گتلها يصير حلال اذا متخاف على نفسك خاف عليها

غيث .. بس اريد احجي وياها ولو مره ليش هيج سوت ليش
زيد.. مفيد الحجي بعد البنيه ورجعت لزوجها واي كلام زايد يقلل من قيمتك عوفها وانساها واشتري نفسك طريق موج نهايته الغرق انقذ نفسك غيث اني اخوك واعرف بمصلحتك
غيث .. كعدت بالشارع ونزلت راسي بين رجلي حسيت گلبي يوجعني لدرجه اريد ابجي اعيط بس مااعرف لان عمري مبجيت بس بلحظتها حسيت گلبي يبجي
زيد.. كووم غيث انت رجال وكدها واعرف بيك راح تجتاز هذا الاختبار كولشي بالحياة اختبار من ربك ولازم نحمده ونشكره ونجتازه بنجاح

غيث .. الله كريم رجعني للبيت تعبت احس بروحي دايخ وخفقان قوي
زيد.. شبيك غيث وجهك اصفر وبس تعرك تحسس بشئ
غيث .. مدااشوف عيوني تغوش والدنيا تفتر بيه
زيد.. كوووم وكومته وكوه يمشي صعدته بالسياره ومباشره لمدينه الطب ودخلته وطلع صاعد ضغطه ١٨/١١ والدكتور كال همزين جبتوه جان صعد اكثر واحتمال اتضربه جلطه وبهيج عمر الجلطه تسبب وفاة وضربوه ابر وبقينا حدود ٣ ساعات لحد مستقر الضغط واكيد بهذا الوقت ابويه وامي حركوه للتلفون حرك وبلغتهم بتعب غتوو والبيت انگلب

شهد .. من شفت غتوو اخذ ود وراح لموج لان كالتلي ود على روحتهم متحملت ورحت بلغت زيد لازم توكف هاي المهزله صح رزلني زيد لان اعرف كولشي وساكته عادي مو مهم المهم يتلاحك لغيث
طلع زيد بعدهم ماكو دقايق واشوف ود تدخل للبيت ترجف وحجتلي الموقف قلقت لان اخر شى اتوقع موج ترجع لأكرم وننتظر زيد وغيث يجون وساعه تجر ساعه وهمه ماكو لحد مخابرني زيد وبلغني بتعب غيث
گلبي رجف عليه من الخوف اني اعرف مشاعري محرمه عليه بس مكدرت اسيطر على خوفي ودموعي وكمت ابجي وادعي رب العالمين يرجعه سالم وللعصر يله وصلو للبيت وغيث وجهه اصفر  وميحجي بس صافن حاولنا نحجي وياه ميتقبل حجي من احد اخر شى كال من رخصتكم عوفوني وحدي

واحنا حاولنا نبقى بس هو رفض وبس امه بقت اباوع عليه مثل الطفل الصغير الي مضروب بقلبه ومغلوب على امره وميعرف شيصرف وامه تقرا على راسه ايات وادعيه وهو مغمض وبقى على هذا هدوئه لمده ٤ ايام منسمع صوته دوم ساكت وهادئ مرات اكول حقه لان يحبها وانصدم من رجعت لزوجها ومرات اكول اصلاً هو الي غلطان حب وحده موو اله بس من اشوف حالي ومشاعري اتذكر واكول المشاعر موبيد الواحد موبكيفه
زيد.. التحق ويمشي ويوصي على غيث علاقتي بزيد طبيعيه هو حباب ويحبني واني هم احاول اكون زوجه جيده ومخلصه اله ودااقاوم بكل قوتي حتى مااضعف واهدم بيتي
موج .. من شفت زيد سحب غيث واخذه وراح احس جبل وانزاح من صدري لان اكيد جان صارت مصيبه  واكرم انتبه على زيد من اخذ اخوه بس متوقع جاي علينا عباله مختلف ويه اخوه ودخلت للبيت واستقبلتني عمتي الحبابه

ام اكرم .. لا هَــْـِْـْْـِلاّ ولا مرحبا جبتها مشيت كلمتك ورجعت البومه للبيت
موج .. رحمه الله والديج عمه اني بومه

ام اكرم .. واتعس من البومه عبالي اخلص من فگرج بس شسوي لأبني المخبل تكول عبالك بس انتي مره النسوان خلصت .. بيج قصص غزوان علي
أكرم .. يووم موو وقتها هسه صار اكثر من شهرين موج عايفه بيتها خليها ترتاح

ام اكرم .. اسم الله بيتها يابيت يمه هذا بيتي
موج .. اكيد عمه بيتج واحنا خطار يمج
ام اكرم .. اي هيج جري عدل واله متعرفين شسوي بيج
ابو أكرم .. شكووو دخلت وصوتج واصل للشارع بدينا شوصيتج اني
ام اكرم .. جنت استقبل مرة الشفيه ابنك واخذها بالاحظان
ابو أكرم .. مااعرف شوكت تعقلين كل متكبرين تتخبلين بالزايد ممليتي من المشاكل متعبتي مره جبيره الي بعمرج تسوي لأخرتها خير وراها كبر
ام اكرم .. كبر الي ياخذ كل واحد يكرهني
ابو أكرم .. كافي حجي يله باباتي موج اصعدي لغرفتج نورتي بيتج
ام اكرم .. هم كالو بيتج هذا بيتي بيتي افتهمتوا
ابو أكرم .. الله مصبرج ياروح يله اكرم اخذ مرتك واصعد يله

موج .. صعدت شفت الغرفه نظيفه ومرتبه ماادري شعجب توقعت الكاها مگلوبه بس شفتها حلوه ونظيفه وفرشه جديده استغربت
أكرم .. عجبج تنظيف الغرفه
موج .. اي منوو نظفها
أكرم .. اني اكيد
موج .. لا والله صدوك انت مستحيل
أكرم .. ليش مستحيل
موج .. بحياتي وياك مشايفتك تجيب كلاص مي لروحك موو تنظف الغرفه
أكرم .. بس حجي بيني وبينج بدون علم امي
موج .. ههههههه اكيد واله جان هجمتها
أكرم .. نورتي قلبي
موج .. اني ممصدكه التغير الي صار بأكرم بس بنفس الوقت اتمنى هيج يبقى
أكرم .. تعالي
موج .. شنوو
أكرم .. مشتاقلك
موج .. وتقرب مني وهو يداعبني واحس روحي بديت انسجم ويااه وغمضت عيوني وبلحظه من اللحظات وهو يشم برقبتي اتذكرت غيث وحسيت هو يشم بيها ويمد ايده على صدري بهدوء مباشره فتحت عيوني وطفرت من مكاني
أكرم .. شبيج موج صار شى
موج .. هاااا لا ماكو شى واستغفر ربي بداخلي واتنفس سريع
لعد ليش طفرتي وباعي وضعج ترجفين وتنفسج سريع اكو شى يوجعج
موج .. لا ماكو بس شويه مي عفيه
شربت مي وحاولت اتعوذ من الشيطان وانسى غيث حرام حتى افكر بيه ورجعت تقرب مني اكرم ومارس معي غير كل مره بهدوء ورومانسيه يمكن اول مره من زواجنا هيج تقرب مني واني حاولت اتقرب منه وانسى كوولشي ولازم انسى كولشي وماانسى وضعي والي صار مجرد حلم وانتهى

مر اسبوع وضعي ويه اكرم ممتاز وهادئ بديت انسجم وياه واتقرب منه واحاول اريحه واعيش حياتي بهدوءرغم سوالف امه الي تسل الواحد وياها اخته دنيا تكول حزب بس مهتميت وتمنيت يبقى هيج والله اعيشه احلى عيشه بس كون الله يهدي عليه

ودخل بيوم جايبلي موبايل جان حديث اسمه كالكسي S2
هذا شنو
أكرم .. موبايل جديد مو مرة اكرم تشيل هيج موبايل تعبان لازم تشيل ارقى شى واحدث جهاز
موج .. كولش فرحت وحضنته وتشكرت منه حسيت عبالك جابلي الدنيا والي عليه وحبيت كلامه حسيت بهاي الفتره بأستقرار عاطفي ويه اكرم ررغم ماانكر بفترات متباعده اذكر غيث ومشاعره بس اكول لازم انساه ماطول الله هداه لزوجي خلي ارجع لعقلي ولبيتي حتى الله يوفقني وغيث كمت بكل صلاه بعد ماادعي للكل ادعيله الله يريح باله ويبعدني عن حياته

ام اكرم .. شفتي ام تحسين رجعت البومه وهلمره موبس رجلي مسيطره على سيطرت على اكرم الي بعمره مسمع كلمه منها

ام تحسين صديقة ام اكرم .. والله ياخيه هاي شيطان مينكدر الها صدوك ركبت ودندلت رجليها
ام اكرم .. اكسر رجلها اني مستحيل اسكت لازم اسوي حل مرجعت ام صابر كالت بس ارجع من الحله ادزلج خبر تجين لازم اكشف يمها تسويلي شى لهاي الطركاعه الي عندي اريد ابني يعوفها
ام تحسين .. بس لو افهم ليش هيج تكرهيها
ام اكرم .. ردت بنت اخويه مصطفى بس ابو أكرم مقبل وجابلي هاي اووف ماانسى شون جبرني اخطبها لأبني الوحيد
ام تحسين .. بس هذا الموضوع صار سنين
ام اكرم .. وداعتج لوالعمر كله ماطول اجتي غصب عني مااحبها لوشمسوي ولازم ازوج ابني من وحده تستاهله

موج .. صار ١٠ ايام واني وضعي شبه تمام كمت مااهتم بسوالف عمتي ولا انقهر هذا طبعها وميتغير دنيا اذا تجي اسلم واصعد بس صابرين اكعديمها واسولف وياها بعدها رجع اكرم بليل سكران حطيت ايدي على گلبي حاولت اكون هادئه ومااجاوبه اني تمنيت يترك الشرب والمحرمات بس يمكن هذا حلم ميتحقق
أكرم .. تعااي لج وينج
موج .. صوتك اهلك نايمين ليش تأخرت ضل بالي واتصل ومتجاوب
أكرم .. رجعنا متجوزين شتريدين مني
موج .. شنوو شريد غير زوجي واطمن عليه انت صار ايام متتأخر بره رجعت اكرم لسوالفك كلت بلكت الله هداك
أكرم .. شبيه ويهديني احد كلج اني مخبل
موج .. انت سكران ومااريد اتجادل وياك انام احسن

أكرم .. شنو تلبسيني وتنامين هذا احترامج اليه
موج .. انت كاعد ادور حجه حتى تتعارك فدوه مابيه حيل مشاكل وهسه ساعه ٣ الفجر والعالم نايمه وصوتك عالي نام وباجر نتفاهم
أكرم .. تعالي اريدج
موج .. شون تتقرب مني وانت سكران مااريد
أكرم .. ليش هو بكيفج تعاااي
موج .. دفعته وخر مني شوف وضعك وريحتك والله اعلم كم وحده لزمتك لواموت مااخليك تلزمني
أكرم .. انتي زوجتي ولازم اطيعيني انتي موتعرفين الله وتصلين وطاعه الزوج واجب لهذا لازم تنطيني حقوقي اني رجلج ولازم تسمعين كلامي

موج .. وانت اذا تعرف الله تترك الحرام والشرب والزنا الي كاعد تسوي وكل المحرمات واتوب صير رجال وبذاك الوقت تدلل مااقصر وياك
وجان يجرني ويعيط اتهستر فقد واني بس ابجي دفعته وركضت للباب وجان يحصرني
أكرم .. وين وين ماكو اليوم راح اراويج الرجال شنوو وقفل الباب مال الغرفه وشمر المفتاح

موج .. ابجي واعيط اريد بس يعوفني فدوه اكرم لتأذيني ابوس ايدك عوفني انت رجال وعلى راسي بس عوفني ولتأذيني والله تعبت من الكتل مالتك مصار ايام من طبت من اخر كسره كسرتني بيها ارحمني غلطت واعتذر اترجاك عوفني والله مااعيدها

أكرم .. اليوم اله اطلع حليب امج من عيونج واخليج تمشين وتكولين انت رجال واحسن رجال
اعيط وابجي عموو الحكلي فدوه عمه دخيلكم
وجان يشد حلكي وسحلني من شعري لباب الكنتور اكرم ضخم وطويل واني مااكدر عليه ضربته برجلي بس اريد انهزم منه وجان يفتح خانه الشالات مالتي وطشرهم وسحب اول واحد وشد ايدي واني بس اعيط بس صوتي مينسمع لان شده لحلكي بس سمعت ابوه يدك الباب قوي ويعيط عليه وحتى امه
ابو أكرم .. لك عوفها اكرم افتح الباب ناقص الله ياخذك افتح الباب لااكسره
ام اكرم .. يمه افتح الباب لتموت بأيدك افتح

ورجع سحل من شعري للجربايه وشمرني عليها كطع ملابسي واني ابجي واعيط وبنفس الوقت احس مديكطع بملابسي يكطع بلحمي ومارس ويه بأبشع الطرق وكأني بنت ليل وساقطه كرهته وكرهت روحي واهلي وكل الناس وره مكمل بقى يضرب يضرب بيه لحد متعب ورجع مارس بطريقة احقر واني بس ابجي ماعندي حتى قوه اعيط من الالم والكتل  واني تعبت من البجي والعياط وصار خفقان قوي وفقدت وماادري شصار بعد

ابو أكرم .. شون بينا البنيه راح تموت ابنج الساقط راح يموتها
ام اكرم .. هسه هي متعرف تسكت من تشوفه سكران لو اله ادردم
روحي جيبيلي الجاكوج خلي اكسر الباب يله بسرعه واعيط
ام اكرم .. اي هسه وركضت وكسر ابو اكرم الباب كووه بس من دخلنا شفت موج بأبشع منظر شاهدها اكرم ونايم وياها ومعذبها والبنيه فاقده اني شكد اكرهها بذيج اللحظه استخطيتها وبجيت على منظرها ثابت مكدر يدخل لحد مغطيتها ودخل يضرب بأكرم وهو اصلاً منتهي من التعب والشرب خفت ليشوفوها اهلها هيج والله لو بنتي اله اكتله خلاص . كروب قصص غزوان علي
ولك يمعزه شمسوي بيها تخبلت هو هيج
ابو أكرم .. لبسيها خلي ناخذها للمستشفى البنيه راح تموت
ام اكرم .. اذا وديناها مستشفى هسه يسجنوه
ابو أكرم .. طبه مرض عساه مات يله امشي
ام اكرم .. اوكف اصبر وديني على ام نور الجده خوش تعالج وهي اصلاً ممرضه
ابو أكرم .. ولج ياجده البنيه راح تموت منتهيه
ام اكرم .. يمعود استر علينا وامشي وديني عليها هي ورانا بفرع انجيبها ونجي وبعد مااتوسل بثابت كوه قبل وجبناها وفحصتها
ام نور .. البنيه متكطعه صدوك كذب ليش هيج ام اكرم  ربج ماماتت

ام اكرم .. مره ورجال بعد شنسوي يريد يتزوج ومتخلي وصارت عركه بينهم
ام نور .. شنوو شسون لتزعلين مني ابنج حيوان مأذيها اكو واحد يسوي بمرته هيج هي ماعدها خلفه موو
ام اكرم .. اي متخلف عاكر
ام نور .. لااله الا الله اذا يريد يتزوج خلي يتزوج ويطلكها موو يبهذلها باع وجهه جسمها كله كدمات الله يعينها المسكينه
ام اكرم .. فضينا ام نوور وعالجيها
عالجتها وانطيتها مسكنات راح تنام وقت طويل وهاي ادويه وابر خلي تاخذهم راح تكعد متألمه وجسمها يون عليها خلوها ترتاح كم يوم وليتقرب منها
ام اكرم .. مااوصيج الي شفتي اذا طلع كدام احد متلومين اله نفسج
ام نور .. لاعيني شعليه اني المهم خليها ترتاح وماعدها اله العافيه والله يصبرها على مابلاها ظلت يمج العافيه

موج .. فتحت عيوني واني احس الالم موطبيعي بكل جسمي ولكيت صابرين يم راسي
صابرين .. الحمدلله على سلامتج قلبي
موج .. شصار
صابرين .. لتحجين وارتاحي
موج .. واتذكرت وكمت ابجي
صابرين .. فدووه لتبجين الله ليعلم بحالي من عرفت لهسه واني ارجف وابجي عليج
موج .. اذاني واغتصبني وهاني ليش هيج صابرين والله ممسويه شى والله مراعيه الله بيه شكد ارتاحيت ويااه هاي الايام وتوقعت صار زين والله هداه هاي تاليتها هيج يسوي بيه
شتحجين حقج والله ماالومج اصلاً ابويه طرده من البيت
موج .. شنوو الفايده وهو جرم بيه ومخلى اعتبار اني زوجته وعاملني حالي حال الساقطات الي معاشرهن لوما اخاف من غضب رب العالمين اله انتحر واخلص من هاي الحيااة
صابرين .. انتي انسانه مؤمنه وتخافين الله لتحجين هيج
والله حياتي عدم ويه اخوج ومرت ارجعله والله مردت بس اهلي الله لايرضى عليهم رجعوني وشمروني بلا حتى ميسألون عني

كاافي تبجين تره صحتج موزينه ومتتحملين هذا الضغط فدوه اسكتي رايحه اسويلج اكل تاكلين
موج .. مااريد سم اريد امووت
صابرين .. اسم الله فدووه كافي دقايق واجيج
موج .. كمت على كيف كووه اتحرك مااكدر جسمي كله يوجعني ويحركني وصلت للمرايه شفت حالي وبقيت ابجي اباوع على وجهي عبالك خريطه من الضرب وشفتي مشكوكه وعيوني مزوركه الله ياخذك الله لايوفقك وابجي مو من الالم ابجي على حظي الي وصلني لهاي المواصيل
وبعدها اكلت شويه وخطيه صابرين ويايه ويايه وصار يومين حايره بأكلي وبعلاجي وعمتي ولا شفتها ولا حتى صعدت بس بليل خطيه حسيتها تعبت كتلها روحي نامي وبقيت كاعده مكدرت انام غمضت عيوني اريد استرخي ومااتذكر الي سواه اكرم بيه وفاتحه اغاني يوتيوب وجان تطلع اغنيه شكول عليك بلحظتها نزلت دموعي واتذكرت غيث وكأني اشكيله حالي واتذكر الليالي الي جمعتني بيه وحبه وخوفه عليه وشكد كان انسان خلوق ومحب ويايه جان يتمنى كلمه مني وماانكر بديت احبه بس من رجعت لأكرم حاولت اتناساه حتى لااخطأ بحق زوجي ونفسي بس الي سواه اكرم كسر كولشي حلوو بداخلي وتأكدت هذا الانسان مراح يتغير طول عمره وراح ابقى طول عمري بس گتل واهانات واحتقار منه واني اسمع وبلحظه انكسار وضعف مني دزيتله رساله

هذه الليلة .
سأشكو إلى طيفك ..
سأخبره بما لم أخبرك به ..
سأبكي على صدره طويلا .. ..
أفتقد صوتك .. صمتك ..
كل مافيك .. أفتقد .. جنونك
لا يمكنني إيقاف عقلي  عن التفكير بــك ..
ولا يمكنني منع عيني عندما اغمضها عن رؤيتك  .....
ولا يمكنني ردع قلمي عن كتابة حروف اشكي بها حالي اليــك ..
لو لم يكن بوسعي ان ابقيك بجانبي إلى الأبد ..
...ستبقى بقلبي إلى الأبد...

غيث .. بعد الي صار اعتزلت الكل وابتعدت وحاولت افكر وارجع لنفسي وحتى مخليت احد يتقرب مني ردت ارجع غيث القديم ولازم ارجع كافي حجي زيد صح اني لازم اعوف موج هذا حب مستحيل وممنوع واني دخلت بحرب خسرانه وخاصه من هي حسيتها متكدر توكف بجانبي ورجعت بسهوله لبيت زوجها وبقيت ايام لااكل ولا اشرب اله قليل لخاطر امي لتروح تتعب بسببي بس افكر وافكر والمشكله من اغمض حتى استرخي تجي عيونها بخيالي
تعبت من التفكير بيها وتعبت واني احب حب من طرف واحد لازم انساها وارجع لحياتي  وشغلي ومثل محاولت اخوض معركه لكسب گلبها لازم هسه اخوض معركه لنسيانها

ومرت ايام والوضع هادئ بس بليل ااااااااه ياليل شكد مؤذي ياريت الليل مثل النهار اكدر التهي وماافكر بيها بس كأن الليل خلق لتذكير المحبين بجراحهم وبيوم سهران دااباوع فلم اجنبي وصافن ورن تلفوني رساله اخر شى اتوقع الرساله من موج وقريتها مو مره يمكن ١٠٠ وگلبي يدك سريع سريع وانفاسي تتصاعد وكأن هاي الرساله تعلن هزيمتي بمعركه نسيانها  وتكولي لا انت مجنونها برساله وحده گلبت كيانك
وخلتني ارجف عليها وصافن تاهت الاحرف والكلمات شأحجي شأكول شنوو ردي على رسالتي وبقيت اروح وارجع بالغرفه مثل المخبل ومثل المدمن واني اشوف علاج ادماني كدامي واتردد اخذه ومرت ساعه وساعتين واني بس اقرا رسالتها

موج .. مرد على رسالتي وهاي اول مره غيث يسوي هيج انقهرت فوك المي وقهري من وضعي بس حقه شيترجى مني اصلاً اني شون ادز هيج رساله شكلت لنفسي من دزيتله بس موبيدي حسيته هوو طوق النجاه الي يكدر يطلعني من حياتي البائسه بس اعتقد مراح اطلع بيوم وحتى غيث الشى الجميل بحياتي الي اعتبره فعلاً هوو الوحيد جميل بحيااتي راح وانتهى كولشي
وبقيت ابجي بهدوء واتذكر سوالفه ومره ابتسم ومره ابجي
ويومين انتظر ولو گلمه منه مااعرف ليش يعني هو مرد عليه معناه احترمي نفسج واكعدي واسكتي بس ليش اريده يدز اريد احسه احساسي بالكبت والالم والحياة الفارغه الي اعيشه ولدت عندي الرغبه بتقرب من جديد من غيث بس هاي المره اكو شى بداخلي اله شى هو زرعه وراح وبدا يكبر ومكعد اسيطر عليه
صافنه وافكر وجان تندك الباب

اكدر ادخل
هلووو حبيبتي وده شونج
ود.. هاااي شنوو شبيج
موج .. على كيفج لتخافين
ود.. شنو لتخافين وانتي وجهج ازرك وحالتج حاله شصار ولج شمسوي المجرم بيج الله لايوفقه
موج .. عوفينه منه خلي يولي تعلمت على سوالفه
ود.. احد كلج انتي حيوانه حتى تتعلمين على الكتل وشنو الي جابرج ميمي
موج .. حظي حظي ياود واني راضيه وساكته
ود.. من هيج هاي العجوز الشمطاء مقبلت اصعد الج
موج .. ههههههه حلوو خوش لقب
ود.. هذا اللقب مطلعه غيث عليها
من جابت اسم غيث نبض قلبي بقوه
ود.. وخلف الله على صابرين مسمعت كلام امها وصعدتني هاي متريد اشوف جريمه ابنها وافضحه
موج .. وشنو الجديد مصار شهرين من سحلني بشارع وقبلها وقبلها نسيتي ياوده
ود.. لومنج ساعه ماابقى
موج .. هذا هو خلي نغير الموضوع شعجب ولج اجيتي والله مشتاقه الج انت وذيج البذاته شهوده وينها
ود.. ملتهيه بأبنها حسن مريض وكالت سلميلي عليها والله اشتاقيت وردت اشوفج تعالي كوليلي انتي شرجعج لهذا الحقير

وحجيت كولشي لود
ود.. والله كرهت اهلج شون يرجعوج
موج .. ميفيد الحجي والقال والقلت وده
ود.. حيااتي
موج .. شونه
ود.. منوو
موج .. تعرفين منو اقصد
ود.. قصدج غتووو
موج .. دنجت وحجيت اي غيث شونه
مدمر موج شكد اكولج متأذي لان رجعتي لزوجج واوصفلج وضعه مراح اكدر اوصلج معاناته
موج .. الله يريحه وينساني وسكتت

ود.. بله باوعي بعيوني يابه دطيري ينساني وشوفي عيونج دمعتها واصله للطرف بله اوكفي واتقربت بسرعه واخذت صوره الها
موج .. شسويتي ليش اخذتي صوره

ود.. خلي نشوف ردت فعل غتو من يشوف وضعج هيج هم يكول الله يشافيها ويسكت
لا عفيه اياج لدزيها اترجاج
وصلت 😜
غيث .. كاعد بالحديقة العصر واتصفح بالتلفون وجان تجيني رساله وبيها صوره على الياهو وافتحها من ود وشفت موج وضعها كمزت من مكاني هااي شبيها واتصلت مباشره
ود.. دك هله هله
موج .. جيبي السماعات وخلي سماعه بأذني خلي اسمع شيكول

غيث .. بعياط شبيها موج هذا الساقط هم ضاربها
ود.. ياضاربها تعال شوف حالها يصعب على الكافر
غيث .. ود اريداشوفها
ود.. شنوو شووون مستحيل عمتها هنا وحماتها
غيث .. من السطح خلي تصعد السطح واني جاي اشوفها
ود.. مستحيل اكيد تخبلت
غيث .. اعرف كاعد تسمعني اثنينكم سمعوني اذا مشفتها هسه بالسطح والله ومحمد اگلب الدنيا وادك الباب هسه واطلب اشوفها من عمتها والي يصير يصير
موج .. متحملت وحجيت اعقل فدووه غيث

غيث .. موج بدون عناد تعرفيني مخبل واسويها يله كدامكم ١٠ دقايق وسديته
موج .. شفتي ارتاحيتي هسه راح تصيرلي كارثه وهذا اخوج مخبل والله محد راح يجيب اجلي غيره
ود.. شوفي عمتج ملتهيه ويه صابرين وكاعدات بالمطبخ نصعد شو باب السطح قريب تكدرين تمشين لو لا
موج .. اي اكدر
ود.. يله كومي اني ابقى يم الباب وانتي روحي شوفي وتعالي .. بيج قصص غزوان علي
واذا اجه احد شون يافهيمه ياام الخطط الشيطانيه
ود.. انكلهم حبيتي تشمين هوا وطلعتج للسطح متكدرين تنزلين للحديقه لان المسافه ابعد
موج .. خايفه كوولش
ود.. يله كومي بسرعه مو وكت خوف اخويه ومخبل واخاف يضيع الوقت علينا ويسوي الي حجاه
موج .. الله يستر ولبست شال على راسي وطلعت اتمشيت على كيفي وصلت للسطح احنا السطح مالتنا لزك بيت ابو زيد اشرلي
شفته من الجهه الخلفيه للسطح حتى محد يلمحنا من الجيران

غيث .. شفتها هااي شنوو شصاير
نزلت وجهي استحيت منه
غيث .. احجي
موج .. صوتك يمعود لحد يسمع
غيث .. ليش رجعتي ليش وين كلامج وكلتي ماارجع هاي تاليها
موج .. هواي حجي غيث ومامال سطح اخاف احد يجي
غيث .. متحملت وصعدت على الحايط وطفرت عليها
موج .. يمه تخبلت شون تطفر
وجان يحضني اني انتهيت حتى نفسي صار سريع
غيث .. ااااااااااه ياامواجي اااااااه ياعطرج وريحتج ااااااااه ياسبب دماري وجنوني  شون يسوي هيج بيج هذا النذل اله اندمه انتي تنحطين على الراس هيج يسوي بيج بعيني اني اله وحضنتها بشوووق واشم عطرها فقدت من حضنتها يمكن حتى اذيتها ومحاس بروحي من كثر ممشتاق الها وممصدك حاضنها

موج .. بعدته بهدوء ميصير غيث الي كاعد تسوي غلط
غيث .. اششششش اسكتي لخاطر ربج والي هسه انتي بيه شنوو صح
ميخالف المهم متلمسني خلي انزل ليجي احد
لزمت ايدها ووگلبتها وبستها بهدوء واشم بيها
موج .. اني حسيت وكأن كهرباء مشت بجسمي ونار بخدودي والقشعريره موطبيعيه
باوعت بعيونها وشفتها ذابت وتقربت من اذنها وهمست
اني اتنفسج انتي الهوا مالتي
موج .. نزلت دمعه من عيوني وباوعت عليه وكتله

انت الشخص الصح ياغيث بالوقت الخطأ ااااااه ليش ظهرت بحياتي ليش القدر جابك الي شنوو الي خلاك تدخل حياتي وبهاي الطريقة شنو الحكمه من دخولك كوولي وسيطرتك على داخلي بهاي السرعه

يمكن الظروف الي اني بيها مو من حقي احب ولا امارس الحب واني متزوجه بس اكو امور كاعد تصير بيه  غصب عني  ومدااكدر اسيطر عليها وكاعد  تتحكم بيه
غيث .. مثل شنوو

موج ..
اني مكعد اكدر  اكون قويه واتحكم بمشاعري اتجاهك ومكان ماابعدك عن داخلي اسحبك شوي شوي لحد مابديت تسيطر على عقلي واحلامي وهنا بدايه الطريق الي راح امشي وياك واني اعرف كولش زين طريقي وياك شوك شوك غيث

غيث .. وداعتج لعيونج اسوي ورد بس حطي ايدج بأيدي ولتخذليني والله اخذج من الدنيا كولها بس لتخذليني
موج .. مااعرف خايفه
غيث .. لتخافين واني وياج ياعيون غيث وانفاسه وتقربت منها وبديت اتنفس انفاسها وشوي شوي ردت ابوسها جان تبعدني
موج .. كاافي لازم اروح
غيث .. تقربت منها وحصرتها وهي مثل الخافت وكتلها ايااج بيوم تخافين وانتي بين احضاني اني امانج امواجي وبست راسها يله حبيبي بعدين نتراسل وافهم منج

وبهاي الاثناء منحس غير ود تجي تركض وخايفه وتصيح اكرم اجه
يتبع .....