رواية بين العقل و الطريق الفصل التاسع عشر 19 - بقلم غزوان علي

بين العقل والطريق
للكاتب غزوان علي
البارت التاسع عشر

بارت طويل لعيونكم

شكووو شصار
ابو أكرم .. راح الغالي راح وحيدي ابني

موج .. فدووه عمو فهمني شكوو
ابو أكرم .. خابرني صديق اكرم ولج موج ابني مات مات انكسرت وماظل الي يحمي ظهري
موج .. كعدت بالكاع ممصدكه الي صار شون مات

ابو أكرم .. ماادري ياربي لوماخذ عمري ولا ابني هذا وحيدي
واشتغل العياط خواته اجني صابرين ودنيا وحرت بعمتي اصحي بيها اني مشاعري مهزوزه لان الموت اله رهبه سواء الشخص تحبه او لا سواء مأذيك او لا من تشوف هذا الشخص ميت لا ارادياً تنزل دموعك وهذا الي صار بيه بجيت يمكن لان مات ويمكن لان انقهرت لان تيتم ابني ماعرف بس ابجي وامه كطعت روحها حالهم يقهر جابو التابوت والدنيا انگلبت ولحد الان منعرف شون مات

اسيل .. جنا نايمين وجان نسمع عيطه نزلنا نركض وحتى شهد وزيد طلعوا يركضون
شكوو ياستار
ابو زيد.. ابقوا هنا تعال زيد وغيث نشوف شكوو
وراها رجعوا الولد والكل مصدوم والي عرفناه جيرانه اكرم مات الي المفروض بعد كم يوم زواجه على موج
اني هنا انقبض گلبي ورجفت حسيت رجعت موج بعد ماكو شى يمنع غيث عنها مااعرف ليش هذا الاحساس صار عندي حتى معدتي گلبت وردت اخرب حسيت راح مني وراح يرجع الها
غيث .. شبيج حبيبي وجهج اصفر وترجفين
اسيل .. صعدني فوك فدوه احس روحي انتهيت وماعت وراح اخرب
غيث .. اسم الله تعالي يله
ماانكر من سمعت بموتت اكرم تفاجأت وبنفس الوقت اول شخص اجه بالي هي موج يمكن تمنيت قبل مااتزوج يبتعد اكرم عن حياتنا اني وهي بس عمري متمنيتله الموت اني لعدوي مااتمنى لهذا صار القلق سلطان قلبي منا شون مات وياترى موج شراح تسوي ومنا اسيل وخربطتها الي مااعرف من سمعت الخبر وضعها كله تخربط شبيها ماادري

شبيج گلبي شو باوعيلي
اسيل .. من كال هيج كمت ابجي بقوه عبالك واحد وفتح دموع العين كلها وحضنته وابجي
غيث .. ولج شبيج شجاج احجيلي احد غثج صار شى
اسيل .. حاضنته وابجي احس خسرته بس مااكدر افتح حلكي ولا ابين اله اني اعرف بحبه الها
غيث .. تره خوفتيني وضعج ابد موتمام شبيج اباوع عليها صارت ثلج وكوه تحجي ركضت على شهد لان هي صيدلانيه وعدها معرفه بأمور الطب
عفتهم وحدهم وشويه وكالت شهد
شهد .. روح للصيدليه مالتي خابرت الصيدلاني الي هناك راح يفتح الصيدليه لخاطر الدوه الي ردته ينطيك دوه جيبه وتعال
غيث .. يمعوده شيوديني شوفي ساعه بيش
شهد .. هو شكوو غيث لوما قريبه المنطقه علينا انتظر ساعه وروح جيبه منا لساعه تصير بالسبعه
غيث .. اخاف ينسد الشارع يجيبون جنازه المرحوم
شهد .. دروح هسه بسرعه
وره ساعه رجع غتووو
هااج يمعوده اكو عاقل يروح للصيدليه ساعه ٧ الصبح
شهد .. انتظر وشوف يجوز تكول ياريت رحت من الخمسه
وره شويه طلعت شهد وبيدها اختبار اني مااعرفله
شهد .. بالخير اسوله حامل
غيث .. صدوك وطبيت اركض
اسيل .. الفرحه مسايعتني واخيراً راح يصير عندي طفل من غيث صار اشهر انتظر رحمتك ربي وكرمك
غيث .. ابوس براسها الف مبروك گلبي
اسيل .. فرحان .. كروب قصص غزوان علي
غيث .. اكيد اصلاً اسعد خبر هذا
اسيل .. انت تحبني غيث
غيث .. شبيج گلبي وضعج موطبيعي من كعدنا على العياط لهسه
اسيل .. جاوبني
غيث .. اي اكيد احبج

اسيل .. حضنته وطلبت منه ينومني
غيث هاي الفتره كلها هو حنين عليه وطيب وحتى تغيرت معاملته وياايه وكام يكعد يمي ويسولف ويضحك ويشاركني حتى شغلاته بس الخوف الي بگلبي شون بيه

موج .. العياط والصياح موطبيعي صارت ساعه ٦ العصر يله مستلمين الجثه لان طلع قضيه قتل وكوه بالفلوس طلعوا الجثه
عرفنا مقتول علمود القمار وخسران وضارب طلق وناس لازمه ناس وجايه طلقه بالرئه وحده وبقلبه وحده وكاتلته بنفس اللحظه

كميه الرهبه والخوف الي صارت البيت اظلم وكلها تعيط وخواته وامه تهسترن حتى ملابسهن شكنها اني بقيت ابجي يمكن الي يشوفني يكول شون زوجته وبس تبجي ويمكن ناس تحلل تصرفي فرحانه او متشمته بموته بس اني عمري مااتشمت بميت راح لربه وهو الي يجازيه على سوايته بس اني مكدرت امثل الحزن بقوه عليه لان شفت ايام سوده ويااه اذا هو قبل ٣ ايام مكسر الماسحه عليه واشكال المسبه والسحل راواني النجوم بعز الظهر عدا يريد يتزوج عليه مستحيل اي مره بمكاني وعاشت الي عشته تنقهر على وفاته يمكن حتى تفرح بس اني مفرحت لان مااحب اشمت بمصايب غيري وخاصه هاي المصيبه هم تمسني تيتم ابني وترملت ومااعرف الايام شضامتلي من ضيم وقهر

غيث .. حضرنا الفاتحه وضع الحجي ابواكرم يقهر حقه ابنه الوحيد مات حاولنا نأدي الواجب لأخر لحظه حق الجيره الي بينا

بثالث يوم الفاتحه كاعدين والكل يبجي واني كاعده بنص النسوان جان اشوف مروه وامي يدخلون من اشتياقي الهم طفرت حضنت امي وابجي الناس عبالهم لان امي اجتي اشكيلها قهري على وفاة زوجي ميدرون داابجي بقوه لان اشتاقيت الها ولخواتي الي حتى ولا وحده فكرت بيهم تشيل تلفون عليه وتطمن طبكن ويه ابويه يخافن ليغضب عليهن رغم يدرن كلش زين مااسويها بس يله بقت عليهن

اخذتهم لغرفتي اريد احجي وياهن اشتاقيت موت الهم واول مدخلنا للغرفه حضنتهم وابجي ليش ماما عفتوني هيج هنت عليكم
ام موج .. هوبيدي يابنتي شتعرفين بأبوج واخوتج الله العالم بحالي حتى صحتي راحت من كثر ماانوح وابجي عليج صبح وليل وحتى سألي اختج

مروه .. اصلاً تعجبنا لان بابا طلب من عدنا نروح وياهم للفاتحه وشفناها احسن فرصه  نشوفج
موج .. وانتي ليش مكمتي تجيني موو قبل تجين
مروه .. قبل جنت اكدر بحجه الدرس الخصوصي هسه بالكليه الخط مالتي صديق بشار ومااكدر اتحرك خطوه ولا اتنفس وداعتج
موج .. كعدت ويااهم بحدود ساعه بس ابجي جنت حيل محتاجتهم ومشتاقه الهم
وفجأه اجه طفل يصيحهم كلت بلكت الله يهدي ابويه واخوتي ويسامحوني وخاصه مات اكرم يعني يعرفون ماعندي احد وين انطي وجهي وهسه لازم الزم عده بلكت الله يكولون تعالي ويانا واخذ ابني واطلع من هذا الجحيم نزلت ويه امي وشفت ابويه بالكراج ركضت عليه دااحضنه جان يدفعني على كيفه
بابا فدووه

ابو امير .. ولا اسمع حسج ولا انتي بنتي ولا اعرفج لعبالج اجيت الفاتحه علمودج اني ماعندي بنيه مثلج انتي متي بالنسبه اليه وماارجع بكلامي بس اجيت وجيت الولد حتى العالم الي بالسوك ويايه لياكلون وجهي على شون متجي لفاتحه نسيبك واله اني حالف مااشوف وجوهكم واذا اشوفه اذبحج واذبحه بس الميت متجوز عليه الا الرحمه بس انتي منتهيه بالنسبه الي

موج .. ابجي واحجي بهدوء لان الناس طابه وطالعه ومااريد احد ينتبه والله بابا بريئه وداعت ابني ونظر عيني الله يرحمه ورطني وهو سوه لعبه حتى يرجعني دااحجي وجان يجي بشار
بشار ..يله حجي كملنا قرايه الفاتحه وانطينا واجب امشينا
موج .. رحت دااحضن بشار وسوه نفس موقف بابا يمكن حتى الدفع اقوى ردت اوكع
امشي لج حقيره لعبالج نسينه ملعوبتك
موج .. شون اقنعكم واخليكم تصدكوني اترجاكم ابوس ايدكم خلوني يمكم وراضيه بأي حكم بس طلعوني من هذا البيت ماعندي بيه مكان اني وابني واذا ابقى يأذوني
ابو امير .. انتي الي ردتيها هاي العيشه ايطبج طوب لويذبحوج كدامي ميرفلي جفن عليج يله امشوو
ام امير .. دخيلك حجي بس اسمعها احلفك بروح ابوك وموتاك اسمعها
ابو امير .. كلمه ثانيه وابقيج يم بنتج العمر كله

موج .. روحي ماما لتخربين على نفسج الي الله بوست امي ومروه بس تبجي ورجعت دخلت للبيت واني منهاره ابجي واعيط والعالم عبالهم علمود اكرم اعيط وحاضنه ابني حسيت محد يريدني بعد خسرت كولشي شنو الي حصلته من حياتي اباوع على ابني يبجي خاف من عياطي حضنته وشميته ياروح امك بس انت بقيتلي ياارب لتراويني مكروه بيه ياارب

اسيل .. رغم الفرحه الي احسها لان حامل بس اكو خوف بداخلي
غيث .. اووف شكد تعبت اليوم
اسيل .. الله يساعدك الفاتحه ضخمه وانتم مقصرتوا انت وزيد من الصبح بالجادر لليل
غيث .. لخاطر الحجي لان خوش انسان وماعنده احد ويااه ودوم يعتبرنا ولده

اسيل .. حاضر الحمام
غيث .. اي والله تعبان اسبح وانام
اسيل .. متاكل
غيث .. لا اكلت وانتي
اسيل .. مأكلت جنت منتظرتك
غيث .. ليش حبيبي تره مااقبل بعد اكلج لازم مضبوط ابني امانه عندج
اسيل .. يعني اهم شى الطفل موو اني
غيث .. تعاالي وحضنتها وبستها من راسها شون مو مهمه گلبي انتي الخير والبركه

سبح واجه تمدد ومديت ايده
غيث .. ولج تعبان مابيه حيل
اسيل .. مااريد شى بس انام بحضنك
غيث .. ههههه تعالي اعرف اخذتيها طبع بعد
اسيل .. حضنك هذا الي ومالتي
غيث .. نغزني گلبي من كلمتها لان مره موج كالت بالضبط نفس الكلام حضنك مالتي والي
اسيل .. شبيك غيث صفنت
غيث .. هاااا مابيه شى سلامتج
نامت اسيل واني صافن عليها واحجي بداخلي ياترى شكد احبج وحبج بقوه حب موج اني حبيتها لأسيل بطيبه گلبها وحبها خلتني احبها بس اكوو شى احسه بالگلب بعده مداخله اله اسيل ليش ماادري ضليت صافن عليها وبستها يـارب هاي البنيه يتيمه وخطيه وحبابه خليني احبها بحيث مااشوف مره غيرها لان تستاهل تكون بس هي بحياتي وبگلبي يـارب ساعدني

ود.. هشااام هشااام
هشام ... خير شرايده
ود.. اريد اطلع ويه صفا وبلسم
هشام ... وين
ود.. للسوك عفيه والله مااتأخر
هشام ... اطلعي واخذي فلوس من جيبي
مااشي
ود.. وطلعنا للمنصور ونمشي بشارع الرواد ونضحك وشوي غيرت جوو ويه البنات وكفنا ناخذ قراصات وجان اشوف خالد ويااه وحده يتمشون درت وجهي وصلو قريب علينا جان يسلم
خالد .. شفت ود وياها خوات هشام اعرفهم دوم جنت اسلم عليهم من جنا اصدقاء ومن جنت اروح لبيتهم وكفت وشفتها صار شكد مشايفها اشتاقيت الها بعدني احبها بالعكس من تزوجت كمت احبها اكثر لان مكدرت اتقرب من زوجتي وبقت ود تحفر بگلبي
شونج ود
ود.. هلوو خالد
خالد .. شونكم بنات

صفا وبلسم .. هلوو خالد عاش من شافك
خالد .. انتم العايشين وبقينا نسلم اعرفكم زوجتي زهراء
ود.. اهلاً وسهلاً ابتسمت وحسيت براحه عجيبه
خالد .. اكو شى ود
ود.. هااا لا سلامتك الف مبروك الزواج ولوو متأخر
وبقوا يسولفون بس محبيت نظرات خالد حيل مفضوحه
ود.. يله من رخصتكم تأخرنا
خالد .. خلينا نشوفج ود من تجين لبيت اهلج
ود.. الله كريم يله بنات
صفا.. شفتو زوجته محلووه تره مجعمره هو احلى منها بهوايه
ود.. بقيت ابتسم
صفا.. سالمين شبيج ولج
ود.. وبقيت اضحك ومحد يعرف السبب
السبب الحقيقي كنت فرحانه لان من شفت خالد متأثرت وحتى من شفته ويه زوجته ولا ضجت بالعكس فرحت وكأن هم وانزال مني وعرفت هاي هيه تحررت من قيود خالد وحبه الي محصلت شى منه غير التعب

دخلنا للبيت وقت العشا جان بلسم الثوله تسولف
لوتعرفون المن شفنا اليوم
هشام ... المن
خالد صديقك تتذكره وطلع يعرف ود وسلم عليها وهي الفطيره بس تضحك . كروب قصص غزوان علي
ود.. ردت احرك روحي هي تحجي بعفويه بس متدري هذا كلامها بسببه يمكن يفهمني غلط وتصير مصايب هو بلا شى ميطيق كلمه مني هلمره هاي الثوله كملتها
هشام ... عيوني صارت براسي كلت هاي متواعده ويااه واخذت البنات لان تعرف بيه مااخليها تطلع وحدها هاي عدها علاقه بيه بعدها اليوم احركها واحرك اهلها كوومي

ود.. اني
هشام ... لعد جدي كوومي
ام هشام ... شبيك ابني صار شى
هشام ... لا ماكو شى بس رايد ود
ود.. صعدت اركض وراه بس ارجف والخوف بگلبي بحيث احسه راح يوكف
دخلت وركع الباب ورايه

احجي شون شافج خالد
ود.. على كيفك فدوه ليسمعون اهلك
هشام ... ولج احجي لااحرك البيت والي بيه عليج
ود.. اخاف من يصير عصبي ينگلب غير شخص ومن خوفي بيه طبع ابجي وكمت ابجي واحجي والله ماادري بيه جنا واكفين نشتري وهو اجه سلم والله وحتى سلم على البنات
هشام ... وحضرتج كيفتي واخيرا شفتي حبيب الگلب صار مده طويله مشايفته وفاتحه حلكج وتضحكين موو

ود.. والله لا مجنت اضحك لان شفته
هشام ... ولج شون بيج كوليلي يعني بقيتج هاي المده كلها كلت راح تنعدل وتجر عدل تالي تتواعدين ويااه وتاخذين خواتي ويااج
يعني لهاي المرحله وصل السقوط بيج
وكمت شكوو كدامي اكسره بالحايط العطور والتيبلام والتحفيات تهسترت
ود.. كعدت بالكاع كافي حرام عليك صار اشهر واني احاول افهمك ماكو شى بينا صار اشهر واني احاول اكون طوع امرك غلطت ماانكر بس طول هاي الاشهر صاينتك وصاينه بيتك كافي ارحمني
هشام ... لزمتها من التراك مالتها وخنكتها لعد شون شافكم وشنو هاي الصدفه
ود.. عوفني راح اموت بأيدك وتذكرت موقف خالد قبل من راد يخنكني بسبب هشام وافترت الدنيا ورجع نفس الموقف بس بالعكس كاافي
دخلوا البنات وامه يركضون علينا
شبيك ابني عوفها راح تموت بيدك تخبلت اول تالي تمد ايدك عليها
صفا.. كومي گلبي كومي عين وصابتكم هاي حب عمرك والي گتلت نفسك حتى تتزوجها هيج تعاملها

هشام ... ياريت متزوجتها ولا عرفتها من ساعه السوده
بلسم .. شجاك ياعيني والله هاي عيون زوجه خالد مبينه تزرف الحجر ضلت صافنه علينا
هشام ... زوجة منو
ود.. جان خالد ويااه زوجته وعرفنا عليها
بلسم .. وبقينا نضحك لان شكلها مجعمر
هشام ...فجأه هدأت وشفت ود حالتها حاله ليش مكلتو زوجته ويااه
ام هشام ... وشيفرق متكولي وليش تعاقب زوجتك لان سلمت عليه اكو شى فهموني
هشام ... يوم من رخصتج اخذي البنات وانزلو
صفا .. شون نعوفها غير تموتها
ود.. مابيه شى انزلوا تسلمون
هشام ... يله من رخصتكم
ونزلوا وسدوا الباب وهي باقيه بالكاع على كعدتها نزلت يمها وكعدت بالكااع وباوعت عليها
ود.. يباوع وضعه مااعرف شبيه وفجأه شمر راسه بحضني معرفت انقهر عليه ازعل منه وضل يحجي بهدوء وبصوته هزه وقهر
تعبان ود كولش تعبت حبج تعبني واخذ حيلي ردت بس اعيش وياج واعيشج احلى عيشه وفشلت صح اخذتج بطريقة غلط بس والله من حبي معرفت شسوي وحتى من يومها واني اي بنيه مااتقرب عليها تمنيت تحبيني ربع الحب الي احبه الج ربعه مطمعان بهوايه الغيره كتلتني والشك اگل گلبي يابنت الناس اذا متحبيني اعوفج لحال سبيلج كافي ماعندي طاقه اتحمل قهر منج

ود.. كمت امسد على شعره  ودموعي تنزل تدري ليش بقيت اضحك من شفت خالد
هشام ... لتجيبين طاريه اسمه من تذكري بشفايفج اتهستر
ود.. خليني اكمل تدري ليش ضحكت
هشام ... ليش
ود.. لان تأكدت انتهى من حياتي ومن گلبي وصار مجرد اخ وصديق اخويه وتأكدت اليوم اني احبك
هشام ... كمت من حضنها شنوو شگلتي عيدي
ود.. ابجي واحجي اي والله احبك وصار مده طويله حاس بهذا الاحساس بس اليوم تأكدت ولزمت وجهه بأثنين ايديه هشاام اني اسفه على كل لحظه الم وقهر عيشتها الك والله حبيتك وياريت تسامحني والله اريدك انت تكون زوجي وحبيبي كافي الاشهر الي فاتت مشاكل وعركات وهجر اذا بعدك تحبني تعال ننسى كولشي ونبدي من جديد
هشام شلتها وافتر بيها وابوس بيها واني امووت عليج والله مووقصدي أذيج
ود.. حقك مالومك بس بعد كافي خلينا نعيش بهدوء تعاال واخذته للجربايه تمددنا سوه وبقيت ابوس بيه وهو تخبل اووف يجنن رومانسيته

بلسم .. اكولج يمكن ذوله مخابيل شو قبل شويه كسر الغرفه عليها وهسه نسمع عياط احبج شنوو السالفه خلي يقدرون اكو حدايق بالبيت  وعدهم جفاف عاطفي
صفا ... اسكتي لج غير رجال ومرته وياريت يتصالحون يوم عيد اعرف هشام يموت على ود
بلسم .. يوم الي واذبح طلي
صفا.. لانذبحج احسن هههههههه

ود.. صار اشهر واني اعاني ويه هشام واخيراً استقر وضعي ويااه وعشت ليله ولا بالاحلام كميه الحب والرومانسيه الي عيشها الي تجنن اول مره اندمج ويااه هيج واحس بكل نفس وااه طالعه منه واحبها يارب اديم هاي السعاده عليه بس كون عمتي تجوز مني ومن سالفه الطفل لان يوميه مشكله من وراها

موج .. مرت اول ٧ ايام من الفاتحه وامه شبه فاقده وخواته وابوهم وكع متحمل عمي جلطه خطيه متت قهر عليه وبقيت اداريه صح عبرت بس تركت اثر كلامه ثكل ورجله وايده كوه يحركهم اكثر شخص انقهرت عليه هو عمي لان فقير خطيه ميستاهل الي صار بيه

مرت الايام بهدوء تااام واحياناً يكولون الهدوء الي قبل العاصفه خفت الرجل علينا والناس بدت تنكطع من الزيارات اني لازمه عده ومااطلع ام اكرم بحاله صدمه وهدوء والعائله كلها هادئه اني تكفلت برعايه عمي وابني ويوم بعد يوم والوضع بدأ يستقر وعمتي بدت ترجع شوي شوي لطبيعتها يمكن اكو ناس حتى الموت ميهزهم واذا هزهم مده قصيره ويرجعون اتعس من قبل وهذا الي صار وياايه

مر على وفاه اكرم ٦ اشهر وطول هاي المده مد وجزر ويه عمتي يوم هادئه ويوم مشاكل بس احاول اسايرها مالي احد بالدنيا وين اروح وبيوم جنت بغرفتي  وجان علاوي يلعب يمي واني غاسله ملابسه وكاعده ارتبهم سمعت صوت جوه اهووو هم اجتي الحيه على دنيا بس اني اخاف منها لان كل متجي لازم مصيبه وراها كلت خلي اسمع شيكولن اقلها اذا شى يمسني اعرف اتلاحك لروحي ونزلت على كيف وجان اسمعها تكول لأمها

دنيا.. على شنو ملفيتها هنا مكافي الفكر الي جابته النا اكص ايدي اذا موهي وره وفاه اخويه
ام اكرم .. شون هي واخوج مات قتل
دنيا.. من الدعاوي عليه ولان راد يتزوج عليها ويجوز سحوره الله يعلم هاي وحده حقيره مااحبها وكولشي اتوقع منها

موج .. اسمع كلامها وصافنه اني شمسويه وهي هيج تكرهني ليش هاي كميه الحقد
دنيا.. ماما لازم اطرديها
ام اكرم .. وعلي غير اموت بدونه مكافي خسرت الغالي اخسر ابنه هم شمصبرني عليها غير علاوي
دنيا.. وشبيه علاوي شو حتى كام ياكل نكدر حتى نفطمه وناخذه منها ونشمرها شمرت الچلب هاي داقتني ومااريدها بيت ابويه

موج .. سمعت هيج تخبلت وركضت ليفوك الم بغراض علي حتى اخذه وانهزم كله ولا ياخذون ابني مني
وبعدني ممكمله جان يطبن دنيا وعمتي حضنت ابني بقوه وابجي دخيلكم عوفوا ابني والله الي تريدوه اسوي حتى لواصير خدامه الكم

دنيا.. جيبي علي لا اموتج
موج .. كطعيني موتيني بس لتاخذين ابني مني انتي ام وتعرفين شنو معزه الضنه دخيلج عمه والله ابقى العمر كله جوه رجليج بس بقيني يم ابني وين اروح اموت بدونه ولا احجي ولا افتح حلكي وشسون بيه راضيه بس عوفوني يم ابني

ام اكرم .. شوفي موج اني مااريدج ودوم جنت اتمنى اخلص منج وتالي ابني الي راح بيها واليوم لازم اطلع ضيم گلبي مال هاي السنين كلها وابني الي مشاف يوم راحه ويااج

موج .. فدوه عمه احلفج بروحه لتاخذين ابني وجان يجيتن عليه اثنينهن كطعوني وحده من شعري والثاني كطعت ملابسي خفت على علي لينضرب وبقيت احامي وحاضنته وماادافع عن حالي ذني مجرمات حتى مهتمن الطفل بحضني المهم يأذوني واني ابجي واعيط ومحد يلحكني وعمي اصلاً حتى حركته كولش ثكيله ميكدر يصعد فوك بس يعيط بصوت مامفهوم

موج .. خافوا الله حرام عليكم انتم امهات شون ينطيكم كلبكم تاخذون طفل من حضن امه
وجان تدفعني دنيا.. بكل قوتها وسحبت علي مني وكمت الطم دخيلكم انطونيااه حرام عليكم
ام اكرم .. اطلعي بره ومااريد اشوف وجهج
موج .. والله مااطلع احرك البيت ومااطلع حتى اروح اشتكي عليكم عند الشرطه واخذه غصب عنكم
جان تجرني عمتي من شعري سمعي لج اذا رحتي اشتكيتي متلومين اله نفسج
موج .. دفعتها لعد تريدين اعوف ابني الج انتي انسانه ظالمه وماعندج مخافه الله

ام اكرم .. اتهمج بشرفج واكول لكيتها ويه رجال بغرفه ابني والبسج العار انتي واهلج واكيد من يسمعون اهلج الزباله راح يذبحوج اقلها تموتين لعد ابني جوه التراب وانتي الساقطه عايشه

موج .. لج اتقي الله مصار اشهر من مات ابنج وبعدج متخافين من عقاب رب العالمين شنو من انسانه انتي وفوكاها رايحه لبيت الله انتي اصلاً الله متعرفيه تريدين اطعنين بشرفي هيج انتي حاقده واذا ابنج مات من مصايبه وبلاويه والمحرمات الي يسويهم

وجان ترجع دنيا خلت علاوي بالغرفه الجوه وسحلني من شعري وبدشداشتي يردن يطلعني واعيط وابجي انطوني ابني ابوس اديكم لك علاوي يمه يريدون يحرموني منك الميخافون من الله ابني ياناس
دنيا .. اله اندمج تتذكرين من طردني ابويه علمودج اليوم اطردج مثل الچلب بالشارع وبالملابس الي عليج
موج .. خافي الله موانتي ام وبنيه متخافين على جهالج زين اني محجبه وعرض اخوج شون اطلعيني مكشفه وجان تشمر عليه ربطه وعبايه مال الراس . بيج قصص غزوان علي
هااي لان انتي جنتي عرضه وشوفي بس اطالبين بالطفل نجيب الف شاهد على خيانتج
موج .. اني ممسويه شى وعمري مأذيتكم دوم ابتعد عن المشاكل ليش تسوون بيه هيج والله ماعندي احد اروحله ارحموا بحالي وانطوني اقلها ابني
ام اكرم .. تحلمين تشوفي روحي ديحي بالشوارع وين متروحين مالنا علاقه بيج وعلي صار ابني من اليوم وسحل وادفع وهمه يدفعون دنيا.. ضخمه وقويه بحيث صرت عصفور يمها وجان يدفعوني بالشارع كسرت الباب ابجي الطم ولكم ابني انطوني ابني شفت ولد غربه فاتو من الشارع ظلو يباوعون لبست الربطه زين وحطيت العبايه فوك راسي وركضت والهت لبيت ابو زيد ماعندي غيرهم اروح الهم وجان ادك الباب وارجف

غيث .. اندكت الباب بقوه هذا منو الجاينه هسه وراح يكسر الباب وجان افتحه واشوفها كدامي من الصدمه حتى مكدرت احجي صار مده طويله مشايفها
موج .. السلام عليكم ممكن عمو ابوزيد
متجرأت ارفع راسي ومااريد اشوفه اني موبحاله هسه التعب والضيم الي بيه مومال ازيده بغيث
غيث .. تعالي ادخلي اباوع عليها لابسه اسود بأسود وعبايه على الراس وحالها حال الوجهه تعبان وضعفانه منظرها يقهر مو موج الحلوه الجنها تفاحه وترجف وكوه تجر النفس عبالك جانت تركض  صحت ابويه بس من كتله موج جوارينه تريدك جان تجي شهد واسيل وامي يركضون

ابو زيد..شونج بنتي
موج .. عمو جايتك دخيل على الله وعليك

ام زيد.. شبيج موج ياستار شجاج
موج .. ابوس ايدك عمو رجعلي ابني اموت بدونه
ابو زيد.. بس فهمينا هو شنو الي صار اسكتي من البجي حتى افتهم
موج .. وحجيت لعمي كل الكلام الي كالته ام اكرم
أبو زيد.. لااله الا الله يعني هاي المره متتعض لوما ابنها الوحيد صار اشهر من مات يعني هيج البشر عينه كويه

موج .. عمو مستعده اكون خدامه جوه رجلها بس تخليني يمه هذا ابني ياناس شون اعوفه الها

غيث .. اشوفها منهاره وتبجي حسيت بخنكه عليها رجع عندي احساس الخوف عليها والقلق
موبكيفها اكو شى اسمه حضانه الطفل وشنو تصيرين خدامه لهاي غصب عنها ترجع الطفل
موج .. مباوعت عليه ولا شلت راسي ولا بحاله اني بحال القطعه الي من روحي واخذوها مني وزوجته اكفه مااريد عبالها جايه على رجلها اخذه منها

ام زيد.. صح يابنتي اطلبي حضانه الطفل هو حتى بعده يرضع
موج .. مااكدر مااكدر
ابو زيد.. ليش
موج .. مووو دنجت استحيت شحجي والكل واكف انتبه عليه عموو ابوزيد
اطلعوا كلكم بس انتي ابقي ام زيد
غيث .. الكل طلع واني بقيت
ابو زيد.. ابني من رخصتك ممكن
غيث .. اعذرني بابا لازم افهم حتى اكدر اساعد
موج .. اني مدنجه واحجي حتى مباوعت بوجهه
شكراً اخويه متقصر عمو يكفي ويوفي
غيث .. ااااخ شكد راسج يابس عفتهم وطلعت

اسيل .. اباوع عليه شون يرجف عليها ليش بعدك ضعيف من تشوفها احس بيه وجهه فاضحه وايده الي مكورها بأعصاب من كثر ماقلق عليها  ضجت وانقهرت حييل وصعدت فوك لغرفتي ابجي يعني كل الحب والمداراه موكف بعينه

ابو زيد.. احجي بنتي طلعوا كلهم ليش متكدرين اطلبين حضانة الطفل
موج .. عمو كالت اذا طالبتي راح اطعن بشرفج
ام زيد.. دخيلك ربي شنو هاي شيطان مو مره
موج .. وكالت حتى شهود اجيب والبس العار الج ولأهلج طول العمر وشوفي منو راح ينطيج حضانه الطفل
ابو زيد.. شكد شايف نسوان وكحات وميخافن الله مثل ام اكرم مشايف والحجي شيكول
موج .. الحجي ساكت ميكدر عليها وخاصه هاي الايام مريض وتعبان بسبب موتت اكرم ومن انضرب جلطه حتى الكلام مالته كوه هي السلطه كلها بيدها

ام زيد.. عذريني بنتي على هذا السؤال بس لازم اسأله
موج .. تفضلي خاله
ام زيد.. اهلج وين كل هاي المصايب الي كاعد تتعرضيلها وماسمعتج جبتي طاري اهلج
موج.. اهلي اتبروا مني
ابو زيد.. ليش وشون اذا اني شفتهم بالفاتحه اخوتج وابوج

موج .. قصه طويله عموو بس الي اكدر اكوله الك اهلي اتبروا مني ورجعوني خصب لأكرم ومن شفتهم بالفاتحه كدام العاالم ولخاطر عمي اما اني اعتبروني ميته حتى كلت احتمال من شافوا رجلي مات راح يحنون حجيت وياهم رفضوني والبارحه اتصلت بيهم ابويه سد التلفون بوجهي

أم زيد.. شمسويه بحيث هيج سوو بيج احجي الصدوك اني احبج واعتبرج وحده من بناتي احجي الصدوك حتى نكدر نساعدج

موج .. وحجيت الي سواه اكرم
وشفتهم واحد صفن بوجه الثاني مثل الي ممصدكين بريئه كمت رحت للمكتبه اكو بصالتهم مكتبه وعليها قران ولزمته وحلفت الهم برائتي وحتى براس ابني
ابو زيد.. كافي بنتي والله صدكناج الله يرحمه كلشي يطلع منه
ام زيد.. الله يساعد گلبج شتحملتي وشفتي
موج .. واكثر خاله شفت المر وجرعته وكلت تهون وحتى اذا هسه عمتي تقبل ارجع خدامه الها ارضى بس اعيش يم ابني

ابو زيد.. اخذيها وخلي ترتاح بغرفه ود لحد منشوف هاي المتخاف من الله بلكت نوصل لحل وياها
شوفي بنتي هذا بيتج واني ابوج وهاي امج لتستحين
موج .. والله والنعم منكم عمو بس زحمه ابقى هنا
ام زيد.. عندج احد ترحيله
موج .. دنجت لا ماعندي
ام زيد.. لعد اكعدي وسكتي هنا هذا بيتج حبيبتي والله شاهد عليه شكد احبج خلي نرجع ابنج وراها يحلها الحلال
موج .. نزلت ابوس ايد الحجي
ابو زيد.. استغفر الله بنتي شنو الدنيا انكطعت كومي وروحي غسلي وان شاء الله محلوله

شهد .. دخلت على اسيل لكيتها تبجي شبيج ولج شجاج
اسيل .. ماعندي احد احجيله واذا سكتت بعد اطق واموت
شهد .. اسم الله احجي والله مااكول لأحد بس احجي
اسيل .. اني اعرف بعلاقة موج وغيث
شهد .. صدوك تحجين وشوكت عرفتي
اسيل .. من اول يوم بعرسنا
شهد .. وساكته يمصخمه شون كدرتي تسكتين
اسيل .. شبيدي كوليلي هو يحبها قبلي وحاولت اكون بمكانها بگلبه بس يمكن فشلت
شهد .. لا اسوله لتكولين هيج شفتي شون غيث يحبج ومداريج شنو نسيتي ذيج الاشهر شو وياج وياج وميصيحلج اله حبيبتي
اسيل .. واذا يصيح حبيبتي هي مجرد كلمه ماانكر اعرف بيه يحبني ومراعي الله بيه بس مشفتي من شافها اتزانه كله راح ويرجف عليها لوبيده يحضنها ويسكتها لان تبجي متخبل عليها حتى منتبه اني يمه واخاف انتبه على تصرفاته نسى نفسه من شافها تبجي

شهد .. والله مااعرف شأكول صح هو جان كولش يحبها بس هذا الشى قبل موهسه ويجوز انقهر عليها وخاصه موضوعها موهين ماخذين ابنها منها يعني اني وره معرفت بعلاقتها بغيث ابتعد عنها جانت صديقتي وراها تركتها وحتى ميعجبني اباوع بوجهه بس هسه كطعت گلبي وحتى والله ضليت اباوع على جهالي واتخيل شون ياخذوهم مني يمكن انجن لهذا على كيفج گلبي بلكت شغلتها تنحل اليوم وترجع لبيتها ونخلص منها

اسيل .. المشكله مو مشكله وجودها هنا وبس المشكله بغيث نفسه توقعت من يشوفها وخاصه بعد هذا الغياب الطويل وبعد تقاربنا وحبنا ميهتم او يعتبرها انسانه عاديه بس هو بس شافها فقد ويرجف
شسوي فدوه دبريني رجلي راح يضيع مني

شهد .. استغفر الله بابا اهدي لتنسين انتي حامل وبنهايه شهر السابع لتروح اتجيبين وين نطي وجهنا اسكتي لخاطر ابنج
وليروح يجي ويضل يسأل
اسيل .. لا ميجي تعالي وجريتها من ايدها وفتحت الشباك هاج تفضلي يشرب جكاير ويلوب بالحديقه تدرين شكد صارله مشارب جگاره اخر مره شفته جان بيوم الزواج وهم بسببها .. كروب قصص غزوان علي
شهد .. تعالي اكعدي واسكتي لتخربين على نفسج كلها كم ساعه وتروح ونخلص منها
اسيل .. اكولها المشكله هلمره موبيها بيه هو
شهد .. لا بيه ولا بيها مجرد متعاطفين كلنا وياها علمود موضوعها لتكبرين الامور دوم اعرفج عاقله لتتخبلين تالي وكت وتتصرفين شغلات تتندمين عليها بعدين يله كومي غسلي وارتاحي واني انزل اشوف الجهال واكمل الاكل

موج .. بقيت اليوم كله ابجي وحالتي تعبانه شكد حاولت ويايه خاله ام زيد اكل مكدرت وبس افكر بأبني والليل منمته
ثاني يوم كعدت غسلت ورجعت دخلت للغرفه مااريد التقي بأحد مناقصني مشاكل وخاصه اشوف نظرات اسيل اليه تريد تخنكني
أم زيد.. تعالي بنتي موج تعاي تريكي ويانه
موج .. تسلمين خاله مجوعانه
أم زيد.. البارحه مأكلتي واليوم هم هيج راح توكعين وتتمرضين ميصير ياامي
موج .. اترجاج خاله لتلحين عليه اكلوو انتم الف عافيه من اجوع اكل

غيث .. كاعدين بالمطبخ ناكل واجتي امي توقعت تجي موج وياها تاكل
والله هاي البنيه ميته قهر عليها فوك ضيم گلبها اخذوا ابنها منها ومن البارحه لليوم بدون اكل وشرب
غيث .. اجبريها تاكل لازم موزين عليها
اسيل .. اااخ يانار گلبي شون يحجي ويرجف عليها اني ساكته بس اباوع تحركاته
ابو زيد.. اليوم اروح الهم بلكت خطيه يرجعوها
غيث .. بقيت الوب عليها مااعرف ليش اريد اشوفها احجي وياها حاس بتعبها بس مدااشوفها

أم زيد.. كومي بنتي اقلها بدلي ملابسج واسبحي حتى ترتاحين
موج .. اي والله خاله ياريت بس ماعندي ملابس
شهد شهد وينج
شهد .. نعم عمه
شوفي شى لموج من ملابسج حتى تسبح وشويه ترتاح
موج .. ياريت لو اسود خاله
شهد .. ماالبس اسود مااحبه
موج .. دنجت اعرف شهد ضايجه مني من زمان وكوه جارعتني
أم زيد.. لعد انتظريني بنتي اروح للسوك اجيبلج دشداشه واجي
موج .. لا فدووه خاله لتكلفين نفسج
أم زيد.. اششش ولا كلمه هنا اكو محل قريب اجيب واجي

غيث .. متكوليلي شبيج گالبه وجهج
اسيل .. مابيه
غيث .. اسوله حبيبي شبيج شصار موعوايدج هاايه
أم زيد.. غتوو غتوو وينك
غيث .. خلي اشوف امي شرايده واجي لازم اعرف شبيج
هاا يوم
أم زيد.. تعال ابني نروح نشتري ملابس لهاي المسكينه الله لايوفقهم طلعوها بالملابس الي عليها اقلها تسبح وتلبس شى نظيف بلكت تنام من البارحه حتى نوم منايمه وبس تبجي
غيث .. اجيت ورحت اركض اخذت سويج السياره وفلوس وركض
اسيل .. شبيك تركض
غيث .. رايح ويه الحجيه مااتأخر
نزلنا لسوك قريب اشترت الحجيه ٣ دشاديش اني طلبت منها كلت اخاف اطول اكثر عيب وحده صح اخذناهم لونهم اسود حسب طلبها بس كلش حلوات حجيه ليش متاخذيلها ملابس داخليه
أم زيد.. والله عليك سوالف شذكرك
غيث .. ماادري اجتي بالي
تمنيت اني كل قطعه تنحط بجسمها اني اختارها بس محسست الوالده وكفت بعيد اشترت كل لوازم حتى مشط وشحاطه وحتى قراصه للشعر خليت تاخذلها وصلنا يم محل عطور ونزلت
هااا وين
ثواني وجاي
نزلت ادور على عطرها اعرفه جنت دوم اشمه بيها واعرف اسمه جنت اعشقه ولو صار اكثر من سنه مشامه بس حاب اشمه بيها مااعرف ليش هيج اتصرف بس احس تخبلت عليها ونسيت وضعي وضعها وجبت عطرها ومعجون اسنان وفرشه لان اعرف بيها نظيفه وتتحسس من كولشي
رجعنا للبيت ودخلت امي تنطيها الغراض

موج .. شفت الغراض دمعت عيني والله ياخاله انتم حتى احن من اهلي عليه
أم زيد.. بنتي الدنيا بعدها بخير وكتلج اني امج يله كومي اسبحي وبدلي وارتاحي
شفت الغراض خطيه اشكال جايبين بس تفاجأت عطري ويااهم عرفت غيث جابه محطيت منه تركته على صفحه مااريد احد يحس اني مهتمه بنفسي لخاطره خاصه شهد واسيل اني اريد ابني اخذه واطلع واعوف كولشي ورايه دخلت سبحت وبقيت جوه الدوش يمكن ساعه وبس ابجي واني اشوف صدري بيه حليب لان مفطمت علاوي رغم عبر السنه وصدري يدر حليب واعصره وابجي اااااخ ياگلب امك هسه جوعان عمت عيني عليك شون اوصلك وانطيك صدري وبقيت ابجي ابجي بقوه واشهك

غيث .. ماكو احد جوه واني اروح واجي قريب الحمام واسمع بجيها وكل دمعه تنزل جمر بگلبي فقدت السيطره على تصرفاتي
وجان تطلع ولافه الخاولي على راسها
وجان اصير كدامها شبه حصرتها بالباب

اسيل .. غيث
يتبع .....