رواية بين العقل و الطريق الفصل الثامن عشر 18 - بقلم غزوان علي

بين العقل والطريق
للكاتب غزوان علي
البارت الثامن عشر

أعلم انك لست لي ولكن ماذا أفعل بقلبي 💔
ارجوا عندما تضمها تشم عطرها وستعرف في ذلك الوقت انك خسرتني للابد وانك لن تشم عطري ولن تتنفس انفاسي ولن تلمس جسدي استمتع بجسد غيري ولكن لن تجد بجسدها عاطفه وحب كحبي ولا حراره كحراره روحي ولا قبله كقبلة شفتي الممتلئه بالحب والعشق والهياام ولا قلب ينبض بقوه كنبضي عندما تعانقني تذكرني ياحبيبي وقارن وستلاحظ انها لستُ انا 

غيث .. طلعت بالبالكون مال الغرفه واتصلت عليها
الووووو

موج .. الووو
غيث .. ليش هيج ليش يعني مكافي الي سويتيه مكافي الي عشته بسببج مكافي ليش انتي هيج انانيه ليش متريديني اعيش يعني انتي شتريدين تريد زوج وابن وحبيب تره هاي قمه بالانانيه عوفيني اعيش حياتي

موج .. اني الي انانيه اني الي دخلت لحياتك مكافي تمثل دور البرئ وتحسسني اني الي دمرت حياتك
غيث .. اي انتي دمرتيني ودمرتي كلشي بيه كرهتيني الحب والي يحب حتى الساعه الي شفتج بيها كرهتها
شرايده مني تريدين تخربين ليله عمري
موج .. وليله موتي شون بيها غيث شون اگضيها
غيث .. كافي موج عوفيني بحالي الي صار بيه موقليل اريد اعيش مثل البشر وجودج بحياتي مراح يخليني استقر تعبت كافي منج ومن حبج ومن مشاكلج عوفيني

موج .. انت سويت غلطه يوم محبيت وحده متزوجه ودخلت حياتها وسحبتها من دنيتها وعيشتها دنيه مودنيتها وتالي تكول كافي تعبت
غيث .. شتريدين مني احرك روحي يله ترتاحين
موج .. غيث
غيث .. نعم
موج .. غيث
يمعوده احجي
موج .. اني كولش احبك روح مودع بالله ويحرسك بكل طريق تمشي بيه بس لتنسى ذمتي وحياتي والي عشته والي صار بيه ذمه برگبتك اني مراح اكولك انساك لا ولا اكدر لكن راح يجي اليوم الي تكول بيه اشتاقيت لريحتها ومحد عوضني عن انفاسها واني دخلت حياتها واذيتها وطلعت
وغلقت الفون وكسرت السيم كارت

غيث .. الووو الووو
من اعصابي شمرت التلفون بالكااع كسرته
اسيل .. مكدرت احجي واني اسمع كل كلامه لان صوته جان عالي بس اني سمعت اسم موج واتذكر عرفني على وحده جوارينهم حامل اسمها موج بقيت كاعده واخاف اتحرك او ابين اي شى ليذب ضوجته بيه عافني وضرب الباب وطلع

اني انقهرت وحسيت ليلتي خربت بس لازم اسكت هو بوضع ابد مومال احجي رحت غسلت وبدلت وتمددت واخذتني الغفه من النعاس والتعب

غيث .. بقيت جوه بحدايق الفندق واشرب جكاير والعن حظي الاسود الي مرتاح من يوم مشفتها اني احبها واعرف بروحي ماانساها بس كافي لازم اعيش الى متى ابقى واكف انتظرها وهي تمشي حياتها وبقيت للفجر لحد مسمعت قرأن يقره مال صلاه الفجر اتذكرت المسكينه الي عفتها فوك وحدها صعدت على كيف وفتحت الباب لكيتها نايمه
اسيل اسيل
اسيل .. طفرت من نومتي هاا عيني محتاج شى
غيث .. اعذريني عفتج بهيج ليله بس جنت شويه مخنوك
اسيل .. مومشكله المهم ارتاحيت
غيث .. شيريحني اوووف
اسيل .. سلامتك كووم اسبح وبدل متعبت من القاط
غيث .. انتبهت على لبسي بعدني بالقاط ورحت اخذت حمام واسترخيت واني اغمض اتذكرها اشتعلتي اااخ ياربي

طلعت من الحمام ولكيتها منتظرتني ومحضره السجاده مال الصلاه
انتي تصلين
اسيل .. اكيد واني عمري ١٣ سنه اصلي والحمدلله متاركه فرض
غيث .. عااشت ايدج وصلينا
تعاال اسيل
وكعدت بصفي
اسمعي يابنت الناس انتي هسه زوجتي وعلى ذمتي ومحسوبه عليه لهذا تسمعين هذا كلامي وتحطي ترجيه بأذنج
اسيل .. حاظر
غيث .. مااريد مشاكل بالبيت امي خط احمر ايااج اتضوجيها وهي اصلاً حبابه وطيبه ومتأكد راح تحبيها بس المهم تسمعين كلامها وشهد الجنه الجبيره واريدج تحترميها واخويه وابويه ميحتاج اوصيج المهم اريد الكل يحبج واتجنبي القال والقلت
اسيل .. حاظر
غيث .. واهم شى اريد اروح لاهلي مشتاقه لأخويه هاي تنسيها نهائياً واعتقد اتفقنا على هذا الشى
اسيل .. حاظر
غيث .. انت دوم هيج هادئه لو لان اول يوم
اسيل .. ابتسمت مااعرف الايام راح تبينلك اني منو
غيث .. تعالي وحاولت ابوسها واندمجت وياااها بهدوء حسيت بيها هادئه وهي جداً مطيعه وحسيتها مندمجه وياايه وبديت شوي شوي انزعها ملابسها واشوف جسمها هي جسمها مغري وحلوو ورشيقه بديت ابوس بيها وبرگبتها وشميت عطرها وجان اتذكرها وخرت من اسيل
اسيل .. بيك شى
غيث .. هااا لا مابيه تعوذت من الشيطان شراح تكول البنيه عليه موو رجال لازم اتقرب منها ورجعت بستها وبقيت احاول اتقرب منها بدون مااتذكر موج وانفاسها وبديت شوي شوي واخذتها رغم تأذت بس محجت اي شى بالعكس ساعدتني بأن تحملت ومحاولت تبعدني

اسيل .. صح موتني من الالم بس كميه السعاده الي بقلبي تجااه غيث تفوق كل الالام وبعدها باس راسي وكلي مبروك كومي اخذي حماام واني وراج

غيث .. طلعت جكاره وطلعت بالبالكون واني كارهه روحي صح تقربت من اسيل بس محسيتها ولا عبالك اكو بنت تحتي ردت بس اخلص وكانه واجب عليه موو احساس اما ملمس جسمها مثل مكالت موج محسيته اتمنى احسه بالايام الجايه لازم انساها هاي مثل السرطان تاكل بيه ولازم اوقف سيطرتها بداخلي
طلع الصبح حضنت اسيل ونمت واني بالحلم شفت موج كاعده على بحر والبحر هادئ واجيت كعدت يمها
شبيج حبيبي
موج .. تعبانه
غيث .. تعالي بحضن حبيبج وحضنتها وجان يهيج البحر وكاامت الامواج تعلى جان هي تكوم من يمي وتتوجه للامواج واني اعيط تعالي لتروحين
موج .. لازم اروح بدونك مااكدر اعيش لازم اروح
غيث .. تعالي اني هم اموت بدونج
موج .. لتخاف حبيبي دوم روحي ويااك كاعد تريد تدخل الموجه وتروح واني فقدت بالعياط ودااسحبها من ايدها وجان افز مرعوب واسيل تحاول تكعدني

اسيل .. كعدت على عياط غيث يكول لتروحين اموت بدونج حاولت اكعده طفر وكعد مرعوب اسم الله كابوس هذا لتخاف
غيث .. اعرف بروحي حجيت بالحلم لان اني من يكون حلم قوي احجي امي دوم تكول اشكال ادردم من تحلم حلم يأذيك
شحجيت . كروب قصص غزوان علي
اسيل .. مفهمت كلامك بس المهم تكعد ترتاح ولترجع تنام حتى ليرجعلك الحلم ويتعبك
غيث .. بقيت اليوم كله افكر بالحلم وبقينا يومين بالفندق حاولت انسى واعيش يومين وكدرت اتناسى لساعات اقلها لخاطر هاي المسكينه الي مالها اي ذنب

رجعنا لبيتنا واستقبلوني اهلي بالذبايح ومكيفين لان واخيراً اتزوجت اكولكم ود وين

ود.. بيوم العرس لبست فستان مستور كولش ونزلت وشافني هشام وكالعاده معلق بأي شى
هشام ... تمنيت تنزل بفستان فاضح حتى اطلع ضيم گلبي بيها بس نزلت طالعه تجنن والفستان مستور ومابيه اي قصور بالعكس طالعه منتهى الانوثه

وصعدت يمي بالسياره واحنا كولشي منحجي وكل متمر سياره خالد هي ادير وجهه حتى متشوفه سويت نفسي منتبهت على افعالها
يله امشي نرجع للبيت
ود.. بس الزفه بعدها
هشام ... كوليلهم تعبت ولازم ارجع يله
ود.. صار
ونزلت من السياره وسلمت على غتو والعروس واهلي وكتلهم ضغطي هبط وتعبت ولازم ارجع
ورجعنا واول موصلنا البيت ودخلنا غرفتنا جان يدخل هشاام وقفل الباب
ود.. شبيك صاير شى والله ملابسي مستوره

هشام ... شوفي اني بحياتي مماد ايدي على مره اصلاً الي يمد ايده ويضرب اعتبره مورجال بس يمكن انتن متمشن اله بالاهانات
ود.. شمسويه فدووه متكولي
هشام ... احجيلي كولشي من رجعتج لأهلج اتصلتي بخالد
ود.. هنا اني سلمتها كلت خسرت هشام للابد بس لازم مااكوله الحقيقه حتى لو اكذب المهم مااخسره مو مثل ذيج المره حجيت كولشي بمنتهى الغباء
لا متصلت

هشام ... احجي ود لتخليني أذيج
ود.. دااكولك ممتصله ولا اكو كلام بينا
هشام ... انجبي اني سمعت كلامكم وحتى يعرف بخلافنا هيج انت رخيصه بحيث بس اذبج بيت اهلج تخابريه واني اكول شون اتنازلت ورجعتلي ثاري الاخ ضاربها بوري وملفاها وكالت ليش اخسر المشيتين ارجع لهشام ومن يكمل خالد ويتزوج ارجعله

ود.. عيب هذا الحجي هشام تره والله اني متربايه واحسن تربيه واخلاقي اكبر واحد ميكدر يمسها انت من الناس جنت تتمنى كلمه مني وعمري منطيت مجال لأحد واني بنيه منطيت مجال  شون انطي واني متزوجه

هشام ... انخدعت بيج عبالي شريفه وخوش بنيه طلعتي گالبه بيت اهلج ملتقى للعشاق

ود.. كمت ابجي كافي عيب هاي الاهانات والطعن بالشرف
هشام ... هو انتي شايفه وجان انزع الحزام من البنطلون ومن اعصابي وغيرتي وقهري ظربتها اكثر من مره  وكلما اضربها اكولها احجي خابرتي لو لا شحجيتي ويااه وهي بس تبجي معاطت سدت حلكها وتكمز وتبجي مكدرت أذيها بعد لو معيطه گالبه الدنيا جان كدرت اكطعها بس هي سكتت وبس تبجي متريد احد من اهلي يسمع

شمرت الحزام شوفي لج انتي موادميه حتى دوام بعد ماكو تنجبين وتكعدين بالبيت خدامه الي ولأهلي
ود.. شمرت نفسي يم ايده ابوس ايدك كله ولا كليتي كلها شهر ونص واتخرج حباب شتريد اني حاظره  بس مستقبلي لتضيعه

هشام ... دفعتها امشي ولي مني ومااريد اشوف شكلج لتخليني افقد اعصابي اكثر ويمكن اشمرج من السطح

ود.. كمت من يمه وابجي دم وزنودي دم من ضربت الحزام اجتي اثنين بزندي وحده بظهري بس كولش تأذيت ومكدرت اعيط حتى لتصعد امه وتعرف شى مااريد اتخزى كدامهم عيب هاي سمعتي وسمعة اهلي

هشام ... عفتها ونزلت
ام هشام ... خيرك ابني صوتك عالي بيك شى

هشام ... مابيه سلامتج اني طالع واذا تأخرت ليضل بالج
ام هشام ... يمعود الوضع ميطمن وانفجارات استر علينا
هشام ... شون يعني احبس روحي يله ترتاحين
ام هشام ... من هيج تريد تتأخر اكيد المزيونه مضوجتك
هشام ... ابوس ايدج يووم جوزي منها اني طالع
ود.. بقيت اداوي ايدي بس الجرح كولش يأذي وشبه لحمي مفتوح وبقيت ابجي ونمت من التعب بس احس روحي تعبانه اكثر من جسمي

رجعت ساعه ٢ بليل ودخلت اخذ المخده مالتي شفتها نايمه على ظهرها ولابسه دشداشه خفيفه اسقي وظهرها منظره يقهر اما زنودها تخوف زركه وحمره بنفس الوقت تقربت منها وغطيتها وبقيت اباوع عليها مااعرف انقهر عليها منها
ود.. كعدت ثاني يوم وهو طالع وعايفني واني كوه امشي احس ضرباته اخذت حيلي ونزلت اتريك ويه عمتي بس لبست تراك ردن حتى لتشوف الاثر

ام هشام ... احسبي حسابج ابني الجبير مروان جاي من النمسا بعد يومين  هو وزوجته ساره وحفيدتي دارين اريدج تستقبليهم احسن استقبال
ود.. حاظر عمه
صعدت فوك واني مهمومه ومااعرف طريقي لوين ويه هشام رجع الظهر وحتى مباوع بوجهي اكل وصعد نام وراها طلع ورجع. بليل وهم طلع بدون مياخذني للدوام ويااه راح تروح السنه مني ياربي شون كلت مابيها مجال لازم اقنعه حتى لو اتوسل بيه اجه دخل الغرفه اخذ فراشه وطلع للصاله مالتنا

اجيت بهدوء اتمشى وكعدت كباله
هشام ... خير شرايده لو جسمج يحكج تريدين كتله ثانيه
ود.. ممكن اطلب طلب واحلفك بأعز شى تحبه بالحيااه
هشام ... احجي بداخلي ولج انتي احب شى عندي بحياتي كلها

كوولي احجي فضيني تعبان اريد انام
ود.. فدووه خليني اداوم والله اروح بطريقي واجي بطريقي
هشام ... كتلج ماكو دوام
ود.. فدووه هشام مبقت للسنه غير شهر ونص واتخرج واخذ شهادتي وراها مستعده لأي شى راضيه حتى لو ماكو تعيين

هشام ... كلت ماكو دوام يعني ماكو
كامت تبجي بقووه كوومي من يمي لتخليني بهذا الليل ابتلي بيج كوومي
كامت عطت عليها لان مااتحمل دموعها مااريد اضعف ويااها ومكدرت الليل كله انام واني نومتها ودمعتها بعيونها كعدت الصبح ونزلت اسلم لكيت ابويه وامي كاعدين وبلغوني بجيه مروان صح فرحت صار سنتين مشايف اخويه بس الوقت موخوش وقت لان هاي ساره بنت عمي خشم يابس واكيد مراح تجوز من ود ومااكدر اعامل وحد بقسوه كدامهم لان تاخذها نقطه ضعف وتأذيها وحتى احتمال توصل تهينها واني مااتحمل كلمه غلط عليها رغم كل الي سوته احبها

رجعت الظهر اتصلت امها لود علمود رجعت اخوها من الفندق كلت خلي اخذها عيب امها اتصلت بيه
طبيت للغرفه انتي بلغتي امج تخابرني علمود اوديج لأهلج
ود.. لا والله بس من خابرتني كتلها هشام عنده شغل احتمال ميكدر يوصلني ومااعرف بيها اصلاً خابرتك

هشام ... ولو مااصدكج لان انتي وحده كذابه بس يله بدلي اوديج لأهلج
ود.. اذا متريد مااروح
هشام ... موعلمودج لخاطر والدتج احبها خوش مره ومااكدر اردها بدلي ولبسي شى مستور افتهمتي
ود.. صار
بدلت وصلنا لبيت اهلي وحضنت غتوو حبيب اختك الف مبروك
غيث .. الله يبارك بيج حبيبتي طمنيني عنج
ود.. بخير قلبي لزمني غيث من ايدي المألومه وجان اعيط
غيث .. شبيها ايدج شوو بله
ود.. مابيها حبيبي ليضل بالك
غيث .. جريت ايدها واشوفها زركه وشكلها يخوف مبينه مضروبه باوعت على هشام بأعصاب اني كله ولا واحد يضرب خواتي مكافي الي راحت وماتت بسبب ضرب زوجها مستحيل اخلي ود تعيش نفس عيشه ندى الله يرحمها
ماد ايدك عليها . بيج قصص غزوان علي
هشام ... دااجاوب وجان تحجي ود قاطعت كلامي
ود.. لا حبيبي وكعت بيوم عرسك
غيث .. شنو وكعه هاي لتخبليني
ود.. مشفت رجعت من وكت لان وكعت من الدرج وكولش تأذيت حتى هشام صار كم يوم ماخذلي اجازه من الدوام حتى لااتعب

هشام ... توقعت تشكيني لأهلها وتسوي مشكله وخاصه هذا انسب وقت وتكدر حتى تنفصل مني بحجه يضربني بس هي فاجأتني بكلامها وخلتني ساكت

غيث .. متأكده
ود.. شبيك حبيبي غتوو طبعاً متأكده

اسيل .. صعدت لغرفتي شفتها كولش حلوه ونازكه حبيتها ورتبت ملابسي ودخلت شهدسلمت عليه مبينه حبابه وحتى ود اهل غيث حبابين ومبينين بسطاء وخوش ناس وحتى محاولو يسألون شى ولا يدخلون

مرت اول ايام زواجي من غيث هادئه صح يتقرب مني وينام ويايه بس احسه بدون مشاعر يمكن لان اعتبر غيث حلم عمري متقبله كلشي منه حتى لو بدون مشاعر لحد مابيوم داريد اغسل ملابس وفتحت كنتوره وشفت صندوك فتحته ولكيت بيه اوراق وبنصه صورت البنيه الي شفتها بالعرس ويااه شال صغير بيه عطر ضجت وحتى دمعت صارت بعيني سمعت صوت احد صعد دارجع كولشي بمكانه جان يدخل غيث
غيث .. شكعدتسوين
اسيل .. هااا دااحظر ملابسك والوصخ اذبها بالغساله
غيث .. شوفي اسيل جري عدل لتخليني أذيج
اسيل .. شمسويه

غيث .. اغراضي الشخصيه متلعبين بيهم ابد وهاي الخانه بعد متنفتح افتهمتي
اسيل .. مااشي افتهمت
يله روحي كملي شغلج

لزمت الشاال وشميته عطرها بعده بيه حااس بفراغ رهيب رغم اسيل ممقصره بس ليش اشتاق ليش ادور عليها بأسيل

شهد .. اكولج عمه منروح نبارك لموج على ولادتها صار مده من جابت ومرحنا
ام زيد.. اي والله من الخطار والهوسه نسيت عيب لازم نأدي الواجب
تجين ويانه اسيل
اسيل .. انقبض گلبي واني اعرف هي حبيبة غيث بس  الفضول بالبشر قاتل اي عمه اروح ويااج
شهد .. اخاف ميصير عروس تدخل على نفسه
أم زيد.. شنو هاي الخرافات بنتي يله بدلو وخلي نروح ونرجع من وكت
صعدت ابلغ غيث بطلعتي ملكيته طالع بدلت وكشخت ونزلت ودخلنا بيت موج حلوو وراقي

موج .. مرت ايامي واني حايره بالالام گلبي والخذلان والقهر الي عشته بس الي هون عليه وجود ابني حاولت قدر المستطاع ماافكر بس بيه ورجعوا للبيت وصار وضعه افضل صح ناعم بس حلوو فدووه احساس الامومه يخبل

ام اكرم .. اجتي ام زيد تشوفج هي وجناينها
موج .. قصدج شهد
ام اكرم .. اي والعروس الجديده بدلي ولبسي علاوي ونزلي سلمي
موج .. شعدها جايه مكافي ياحظي وقدري كل مااريد انساه ادزلي الي يذكرني
نزلت وشفتها بس نظراته عجيبه وكأن تتفحص كل قطعه مني

مبروك اسفه مأجيت بالعرس تعرفون ولادتي صارت
اسيل .. متحملت الغيره اكلتني وخااصه اتذكرت اعصاب غيث وهو يحجي ويااها ومبين يحبها حيل
لا ام علي متقصرين كفيتي وفيتي بيوم العرس
موج .. بس اني مأجيت بالعرس
اسيل .. هاااا قصدي بالحنه
موج .. كلامها موطبيعي ومبين كاعد تبسمرني معقوله تعرف الي بيني وبين غيث بس هو مستحيل يكول هو حيل حريص بهاي الامور
ام اكرم .. تعالي ام زيد اشوفج جهاز حفيدي
موج .. وكامت عمتي وشهد وياهم وبقينا وحدنا وجان تقلقني اسيل متوقعتها هيج جريئه

اسيل .. اسمعي موج اني اعرف بعلاقتج ويه رجلي
موج .. شنووو انتي شكعد تحجين تخبلتي يارجلج
اسيل .. خليني اكمل لوتريدين يعلى صوتي واسمع عمتي وعمتج
موج .. خفت منها مبينه جريئه ومتخاف ويطلع منها الغير متوقع
اسيل .. سمعت غيث يحجي وياج بيوم الزواج قبل اني مالي علاقه بيج شسويتي مسويتي ويااه انتي حره وحتى هو لكن من يوم دخولي لحياته مااسمح لاانتي ولا غيرج تتقرب من زوجي
موج .. لج بابا شعندي ويه زوجج اني شعليه بيه اعتبره اخويه كلامج حيل محلوو بيتي وتهينيني
اسيل .. اني حجيت وياج هاي المره بهدوء المره الثانيه افضحج ابتعدي عنه كافي صارت عندج حياتج وعنده حياته خليني ناس محترمين وكل واحد يكعد بمكانه الصحيح

موج .. كمت على حيلي وتقربت منها شوفي اسيل الي اتزوجتي حبيته قبل متحبي
اسيل .. غلطانه اني احبه حتى قبل ميعرف وكتلها من جنت مراهقه احبه بس هو ميدري
موج .. اذا تحبي قبلي لعد اهتمي بيه وراعي الله بيه تره غيث خوش غيث وانسيني ولتخليني بالج
اسيل .. توقعت تحجي غير حجي وتهيني وتغورني بس هاي شتحجي توصيني عليه
انتي كاعد توصيني عليه ؟

موج .. الي بيني وبين غيث عشق محد يفهمه الي يسمع عنه يكول عشق محرم غلط مابيه اي نظافه بس الحقيقه وبگلوبنا هو عشق حلال سواء اقتنعتي او لا وميهمني احد يقتنع المهم اني حبيت هذا الانسان من كل گلبي والظروف جانت ضدنا الي اريده منج خلي سعيد
اسيل .. قصدج انسي حبج
موج .. متكدرين الي يحب مثل حب غيث وجنونه لو الف حب مياخذ مكاني بگلبه

اسيل .. شنو هاي الثقه
موج .. هو زرعها بيه اني الي عليه ابتعدت عنه ومالي علاقه بيه لو شميصير عيشي حياتج ويااه وانتي تكولين احبه حاولي تفهمي تره غيث طفل مدلل بهيئه رجاال الاهتمام والدلال هو الي يقربج منه
اسيل .. والله انتي غريبه توقعت تحجين غير حجي وشون اعترفتي ومبقيتي مصره على النكران
موج .. الحجي ميفيد وفات اوانه وليش نكذب على روحنا انتي عرفتي الحقيقه والكذب ميوصل لشي اني مااوصيج تحفظين هذا السر لان ادري بيج متكدرين تأذين غيث

اسيل .. هو رجال مهما كان اذا طلع السر انتي تتأذين
موج .. مفهمتي قصدي تأذين غيث بيه اكثر شى يأذي هو اني واذيتي معناه اذيته
اسيل .. رجاءاً راعي اني زوجته
موج .. مراعيه والله ولتخافين ماادخل حياته بس انتي حاولي تحتوي ولتفكرين ليش يحبني وشكد يحبني الي صار بيني وبينه احنا اثنينا ممستوعبين ليش صار وليش القدر جمعنا وحتى حبنا من نوع الغريب والتفكير بيه راح يتعبج وتعبيه وياج انسيني وانسي كلشي سمعتيه وعرفتيه حتى تعيشين مرتاحه وتخلي يحبج لهذا انتبهي لغيث هو محتاجج هاي الفتره والله يسعدكم

اكوم انوم ابني واني هم تعبت من رخصتج
اسيل .. هاي اغرب انسانه اشوفها بحياتي اني صح تجرأت وحجيت بس من غيرتي مكدرت اسيطر على مشاعري بس هي شون تكدر تحجي بهذه القوه والبرود بنفس الوقت ومنكرت صح غلط مني اكون اندفاعيه وجريئه واني حتى مااعرف ردت فعلها بس هي اجرأ مني
طلعنا منهم واني افكر بكلامها لازم احتويه وانسي الدنيا كلها مووبس موج احس روحي بأختبار قوي ولازم انجح بيه

ود.. رجعنا للبيت جان نشوف اخوه جاي من السفر سلمنا عليهم بس محبيت زوجته ابد شوو تحجي من طرف خشمها

ساره .. اي هشومي شعجب تزوجت موجنت تكول ماكو بنيه تهزني اصلاً ماكو بنيه شريفة اتزوجها
ود.. ضجت من كلامها وسويت نفسي مسمعتها
هشام ... صح جنت بس لكيت الانسانه الي تستاهلني وتزوجتها وفوكاها احبها
ود.. فرحني كلامه وحسيت بثقه كبيره من حجه هيج
ساره .. انتي خوما تزعلين مني من احجي هيج تره من حكم الميانه الي بينا وخاصه هو ابن عمي موغريب وجان المفروض يكون زوج اختي
ود.. زوج اختج
ساره .. اي بس غير هو الله يسامحه اله يدخل الغربه على عوائلنا
ود.. عفتها ودخلت للمطبخ مدااتحمل ثقل دمها
صفا.. بشري لعبت روحج موو
ود.. كولش
صفا.. شايفه وبعد وبعد هاي راح تخليج تكرهين حتى نفسج
ود.. شعجب هي هيج وليش احسج تكرهيها
صفا.. اكرهه قليل الكره اموت منها بس شسوي الله يسامح اخويه الي حب هيج ًحٌٓــيه وحسبها علينا جنه اصلاً بيت عمي كلهم اكرههم يحسون نفسهم احسن من الناس وهمه اتفه من التفاهه
ود.. صدوك كلامها جان المفروض يتزوج هشام اختها
صفا.. من كرم رب العالمين علينا متزوجها خطبها وبقى وياها اسبوع وصاح مااريدها وصارت مشاكل قويه بس الحمدلله ابن خالها رادها وخلصنا منها واله حيتين غير نموت وداعتج لوبيدي هسه اطلع اخنكها واخلص منها جنها معزه مطلقه
ود.. ههههههههه والله تشبيه قاتل

هشام ... ضحكت خير شبيج صوت ضحكتج واصل للصاله
ود.. هيج مجرد ضحكه
هشام ... نصي صوتج تره احنا مو وحدنا بالبيت شوي ثكل
صفا.. هي شسوت هشووم كاعد تضحك واني اضحكها
هشام ... ميخالف بس مااحب صوتها يطلع
ود.. انداريت مااريد ابجي كافي كل شويه مفشلني اخذت الغراض وكعدنا على السفره اكلت شويه واعتذرت منهم وكمت للغرفه

ساره .. شفت منها لهاي حتى تتزوجها
هشام ... ساره اسكتي زوجتي تخبل وتعرفين كلش زين حلووه وحتى احلى منج
مروان .. لا هشومي مرتي احلى
صفا.. لا ود احلى
ابو هشام .. اثنينهم حلوات كافي احترموا اقلها الاكل الي كدامكم
ام هشام ... خوو انتي صرتي محامي الدفاع الها مكافي اخوج هلمره انتي
صفا.. لامحامي ولا قاضي اصعد انام احسن ورايه دووم
هشام ... صعدت شفت ود تعدل بالفراش ولابسه دشداشه كيمونه قصيره ولونها اسود طالع جسمها يموت بس الضرب مالتي من اشوف علاماته على جسمها ينمرد گلبي

احظرلك فراشك
اي حضري بين مااغسل
طلعت وهي تحضر الفراش وادنج وكل شويه يطلع صدرها واني اشب نار اريدها ومااكدر المسها عزه نفسي وكرامتي متسمح الي المسها
شويه استعجلي
ود.. صار
الله مطولج ياروح غير تكمل جسمها والي لابسته حيل كاعد يثيرني مداتحمل ماالمسها وجان اجرها من ايدها
ود.. من جرني سكتت بين الفرحه وبين القلق مشاعر مخربطه وتقرب مني حاولت انسجم ويااه مكدرت اذاني اول مره يمارس ويايه هيج بهاي القسوه كل شويه اكوله على كيفك وهو يزيد وصلت مرحله مااحجي ساكته ومن كام مني حتى بوجهي مباوع بالعكس حسسني واجب وسواه او تندم لان سواه
هشام ... من كثر حبي الها متحملت مااتقرب منها وكل مااتقرب اذكر كلامها اذيها اكثر بس احبها احب كل مسامه بيها واريدها
وخرت منها وحتى مباوعت بشكلها وسبحت ونمت بس بعدها بعقلي وريحتها احسها بجسمي كعدت الفجر طبيت للغرفه لكيتها نايمه دوم تشمر الغطا بيها سوله واغطيها وارجع انام
كعدنا الصبح يله كوومي
ود.. صبااح الخير بيش الساعه
هشام ... سبعه اله ربع
ود.. صار شى
هشام ... كومي بدلي راح اداومين
ود.. صدووك وطفرت فرحانه وحضنته جاان يوخرني يله بسرعه تره اعوفج واروح
ود.. لا هسه بسرعه ابدل وركض ركض ونزلنا سوه جان تشوفنا عمتي وكاعده يمها ساره سلمنا شو اثنينهن يردن من وره خشمهن اتذكرت حجايه صفا من تكول جنها معزه مطلقه ابتسمت بالسياره
هشام ... شبيج تضحكين
ود.. بعد متحملت وبقيت اضحك بصوت
هشام ... تضحك ويرن گلبي ويه ضحكتها حتى ابتسمت على ضحكتها غير تكول شبيها وكتله على تشبيه صفا لساره وهو هم ضحك حسيت بشعور حلوو اتجاه هشام احس اريد اسعده اريد يرجع هشام الي يكوم ويكعد يتغزل بيه اشتاقيت لسوالفه واتمنى يرجع مثل قبل

اسيل .. حاولت اتقرب من غيث بس هو دوم اما بالشغل او طالع ويه صديقة خالد لو كامش الموبايل ويتصفح
بيوم كاعد يتصفح كعدت يمه
ممكن احجي وياك
غيث .. عفت التلفون خير
اسيل .. اريد اسولف وياك ليش دوم بعيد عني
غيث .. ليش بعيد مو موجود يمج
اسيل .. بس متحجي ويايه لو ساكت لو طالع
غيث .. اعذرني لان عندي مشاغل
اسيل .. سولفلي عن نفسك
غيث .. شون يعني اسولفلج
اسيل .. يعني شتحب شتكرهه الكليه مالتك شون جانت
غيث .. ابتسمت ليش شنو هذا الفضول
اسيل .. مو فضول بس احب اعرف كولشي عنك
غيث .. كعدت اسولفلها عن حياتي بشغلات بسيطه واشوف الفرحه بعيونها حسيت هاي الانسانه بسيطه وترضى بالقليل مني وتحاول بكل الطرق تسعدني

اسيل .. ممكن اسألك بس مو تضوج
غيث .. لا مااضوج احجي
اسيل .. هم حبيت بحياتك
غيث .. عبالك واحد وداس على الجرح سكتت لان بس احجي اتذكرها . كروب قصص غزوان علي
كومي سويلي جاي
اسيل .. ادلل ونزلت ادردم بله هذا هم سؤال موجنا ماشين عدل ونضحك ومتونسين ليش اني مااعرف هو جان يحب بس ااخ للغباء شون بيه من يجي بعقلي يخرب كولشي
دااسوي جاي وجان تعيط شهد
وينج اسيل
اسيل .. نعم ام حسن
شهد .. اكو محبس على الميز مال الجربايه حاطته وينه
اسيل .. واني شمدريني وينه
شهد .. اطلعي لا والي خلقج العب بيج طوبه واسحلج بالكاع
غيث .. شكوو شكوو صوتج واصل للشارع شهد اول تالي يطلع صوتج
زيد.. خير شهد شبيج
شهد .. محبسي الذهب ابو الشذره الجبير ضايع
غيث .. واسيل شعليها
شهد .. اكيد هي اخذته
غيث .. احترمي نفسج شهد شنو زوجتي حراميه
اسيل .. والله وروح اهلي مماخذته غيث والله مماخذته
زيد.. كافي شهد اني اجيبلج غيره
شهد .. تعرف اني موبعيني الذهب اكدر اشتري اغاته
زيد.. لعد ليش هاي الهوسه كلها
شهد .. لان حسيت روحي كاعده بسوك وكله حراميه
غيث .. كاااافي استحي شنو حراميه سكتها زيد تره اسكتها بطريقتي محترم وجودك وساكتلها وهي تهين بزوجتي
ام زيد.. شجاكم ياستار
شهد .. عمه انباكيت هاي تالي عمرنا انلفي الحراميه بيتنا مكافي اخوها الحرامي هلمره هيه
اسيل .. صعدت اركض ابجي
شهد .. ياعياره النسوان تبجي
زيد.. كاافي لج شوو انتي طولان لسانج وماعندج احترام مو واكفين
شهد .. لتخبلوني اني انباكيت وبيتي واذا اليوم اني الباجر الدور عليكم لتنسون هي اخت منوو

غيث .. شهد احتراماً لأخويه ساكت وخلص التقدير كلمه ثانيه ادفنج هنا
زيد.. على كيفك غيث نسيت هي اكبر منك شون تريد تمد ايدك عليها غير اكسرها الك
غيث .. وانت لتنسى الي كاعد تهينها وتتهمها بأن هي حراميه هي زوجتي ومثل ماانت متقبل احد يحجي على زوجتك اني هم مااقبل واگلب الدنيا واكسر راس الي يجيب طاريها بكلمه موزينه

ابو زيد.. بعد بعد تلازمو من وره النسوان وخلي واحدكم يكتل الثاني مو جبير ماالكم بعدني مميت وتتعاركون
غيث .. شوف مرت ابنك الصيدلانيه العاقله المثقفه شكعد تسوي
شهد .. يعني فوك مازوجتك حراميه تحجي
ابو زيد.. بعيطه قويه رجت البيت شهد كاافي واحترمي والمحبس اني اجيبلج ويله كل واحد لغرفته

غيث .. صعدت عليها وشفتها تبجي
كعدتها كبالي
شوفي اسيل اني مره وحده راح اسألج ومااكررها انتي اخذتي المحبس
اسيل .. والله وروح اهلي مأخذته ولا دخلت غرفتها اصلاً عفيه ليش محد مصدكني ليش تهمتني اني  اعرف سمعت اخويه موزينه بس اخويه من وره زوجته والنك مالتها وطلباتها كاام يمد ايده بس هو طيب وحباب وربانه احسن تربيه والله شاهد مابعيني لافلوس ولا ذهب الحمدلله مرتاحه وعايشه احسن عيشه

كومي غسلي وارتاحي وبعدين نحجي
اسيل .. اعرف بيك ممصدك بس ماعندي غير احلفلك بداعت اغلى انسان عندي وداعت عيونه مماخذته

غيث .. بقيت افكر بكلام اسيل وكلام شهد صح احنا بعمرنا مضاع شى عدنا ليش هسه وبقيت الليل كله اتگلب وافكر وهي نايمه بس تحس دمعتها بعيونها مااعتقد تمثل نمت تعبان للفجر وثاني يوم مطلعت للشغل بقيت نايم وجان اسمع شهد تحجي ويه اسيل باب الغرفه

شهد .. ضجت لان محبسي ضاع ومباشره تهمت اسيل ماكو غيرها غريب بالبيت واني صافنه وافكر وجان يجي حسين ابني
ماما
شهد .. موو وكتك ماما روح العب جوه
ماما هذا مالتج جان حسن يلعب بيه بالحديقة
شهد .. وجان اشوف المحبس يابه شصار بيه متت بدمي وكولش انقهرت بحيث من قهري كتلت حسين الي ماله ذنب وحسن نزلت شبعته كتل كوه عمتي خلصته من ايدي
عمه شون هسه واني سويت هاي الهوسه البارحه
ام زيد.. تصعدين تعتذرين الها البارحه حيل اذيتيها للمسكينه والله اني مصدكت تاخذ لان اكثر من مره تدخل لغرفة النوم مالتي تنظفها ومامدت ايدها رغم تدرين علبه الذهب محطوه على ميزتواليت بالغرفه ومانقص شى ابد
يله روحي اعتذري منها
شهد .. والله مستحيه كولش
صعدت واعرف بيها نايمه وهيج وقت غيث طالع
اسيل .. كعدت على صوت دكت الباب وشفت غيث نايم يمي مطالع شفت الوقت ساعه ١٠ الصبح عبالي ديكعدوني على الريوك جان تطلع شهد
شهد .. لكيته للمحبس
اسيل .. موكتلج مماخذته ودمعت عيوني
شهد .. اسفه والله
غيث .. فتحت الباب وسمعت الكلام مثل معيطتي كدام البيت كله وتهمتي اسيل حراميه كدام الكل تعتذرين
اسيل .. ميحتاج غيث المهم لكت المحبس
غيث .. لا يحتاج ونص
شهد .. حاظر تدلل
اسيل .. واعتذرت كدام الكل الصراحه حبيت موقف غيث وتمسكه بأن الاعتذار يكون كدام الكل وحتى عمي باس راسي وزيد هم حسيت ولاأول مره بقيمه عاليه ومحبه منهم
غيث .. انقهرت من نفسي لان شيكيت بيها صح دافعت عنها كدام الكل بس بداخلي اكو شك هي ماخذته ومن طلعت بريئه اصريت على الاعتذار يكون كدام الكل طلعت العصر ورحت جبتلها كلاده ذهب صغيره بس حلووه عباره عن ملاك صغير

اسيل .. دخلت سبحت وبدلت واني طايره من الفرح لان الكل عرف بيه ماامد ايدي وخاصه غيث لبست سيت نوم حلوو اسود حبيت اتقرب من غيث اني كولش احبه واريد اسعده وحطيت مكياج هادئ وداامشط شعري وجان يدخل
غيث .. لكيت اسيل طالعه فدشى مغري بشكل موطبيعي لابسه سيت نوم لونه نيلي طووخ وهي حنطيه وصاحبه جسم يخبل ثارتني تقربت منها وصرت وراها وفتحت العلبه
اسيل .. شنو هااي
غيث .. اوكفي خلي البسها الج
اسيل .. من الفرحه مدااصدك جايبلي هديه ولبسها الي وجان يبوسني من رگبتي جسمي قشعر وذبت بوسته وحراره انفاسه
غيث .. اسوله
اسيل .. هااا حبيبي وهاي اول مره اتجرأ انطقها
غيث .. اني اسف
اسيل .. على شنوو
غيث .. الصراحه اني هم شكيت بيج
اسيل .. دنجت وضجت بس مردت هاي الليله تروح مني لازم اتحمل كولشي حتى اخلي يحبني
عادي گلبي من حقك ماالومك صح صار شهرين من تزوجنا بس هم متعرفني حييل
غيث .. يعني مضايجه مني
اسيل .. مستحيل اضوج وشكراً على هديتك هاي اغلى هديه بالدنيا اجتني
غيث .. اكو شى دوخني
اسيل .. وهو
غيث .. بس فضول يعني موو فدشى انتي حلفتي بأغلى انسان عندج منوو هو امين قصدج لو سيف اخوج الثاني لوو
اسيل .. لتكمل ماكو لوو ولااكو انسان بحياتي افتهمت قصدك غيث
الانسان الي حلفت بداعته ومااحلف بيه كذب لو على گص رگبتي هو انت

غيث .. ههههه اني يعني بهاي السرعه صرت اعز انسان عندج
اسيل .. مااعتقد ٦ سنوات مده قليله
غيث .. شون ٦ سنوات واحنا صارنا شهرين من تزوجنا واذا نحسب تعارفنا وياها ميطلعون ٣ اشهر
اسيل .. سحبته من ايده وكعدنا سوه على الجربايه وبديت احجيله من اول يوم حبيته واني مراهقه وشون تمنيت اشوفه وكل المشاعر الي بداخلي بحيث عيونه مترمش من الصدمه

وهاي قصتي كلها شبيك غيث شوو ساكت ضوجتك بشى
غيث .. انتي صدمتيني وحتى مااعرف شحجي
اسيل .. لتحجي شى المهم رب العالمين حققلي حلمي لان يدري بيه يتيمه ومؤمنه بعدله وقدرته على صنع المعجزات واله زواجي منك حتى اكبر من المعجزه
لهذا انت اغلى انسان عندي

غيث .. حضنتها وبستها من خدها وانتي عزيزه عندي اسيل من اليوم احاول مااقهرج ولا ابتعد عنج
اسيل .. اعرف ياقلب اسيل بس المهم تكون راضي عني
غيث .. شون ماارضى والله دزلي انسانه تحبني اكثر من روحها ولازم اقدر الي دزه الي رب العالمين واحطه بعيوني
وبديت اتقرب منها وحتى من امارس وياها احس بمشاعرها واندمج وياها حبيت كلامها عني وصفها لمشاعرها تجاهي زاد اعجابي بيها وبديت يوم بعد يوم اتقرب منها لحد محسيت روحي تعلقت بيها وتعلمت على تواجدها بحياتي

اسيل .. ممكن اطلب منك شى
غيث .. تدللين .. بيج قصص غزوان علي
اسيل .. اريد يومياً تنومني بحضنك
غيث .. ههههههه سهله تعالي
بديت اتعلم عليها وعلى عطرها وهي هادئه وحبابه ومطيعه الحمدلله من اتزوجتها كدرت بمده بسيطه تكسب محبة الكل وحتى محبتي وبديت اعيش يومي بهدوء بعيد عن موج وافكاري بيها الي جان دمرتني بس ياترى اني نسيتها لو كعد اتناساها

ود.. مرت اشهر وحياتي ويه هشام مد وجزر واتخرجت وكعدت بالبيت مكابله عمتي وكاعده واخوه وزوجته سافروا خلصت منهم وخاصه ساره اووف شكد اكرهه
بس حاولت اكسب عمتي بكل طرق ومفاد وطلعتلي بلعبه جديده ليش لهسه مصار عدكم جهال

وجوابي مثل كل مره امر الله وكولشي بيده بس هي مكعد تقتنع اله تروحون للطبيب وسمعنا كلامها بعد الالحاح والزن والتقارير ماكو اي عارض للخلفه بعد بقت بيد رب العالمين وهم تروح وتجي يجوز السبب بيج ومتكولون تعبت نفسيتي وبديت اضعف وحتى اكل قليل وهشام حياته اكثر وقته بره وروتين قاتل حاولت اتقرب بس تعبت وعجزت كولشي سويتله بس مفاد احس بعد ميحبني حتى من يتقرب مني كأنه واجب ويأدي مو مثل قبل حياتي يوم بعد يوم تسوأ اكثر ومابيدي شى اغيره وصلت مرحله بس ساكته واكول حاظر وصار احس نفسي طفيت كبرت قبل اواني بس الي مهون يومي صفا وبلسم والضحكه وياهن

موج .. صار عمر ابني ١٠ اشهر حياتي هدأت بديت ارجع طبيعيه واركز على بيتي وابني
اكرم رجع للشرب والقمار بكل انواعه ويوميه مشكله اني كمت ماادوخ روحي حايره اشتغل اكمل شغلي واصعد لأبني راح اعيش اله بس عمتي محاربتني تريد كون دوم نايم يمها تريد تبعدني عن ابني بس رحمه الله جبيره الطفل ميسكت عدها وفوكاها يرضع من صدري مكطعت الرضاعه حتى يبقى دوم يمي حاولت اعيش يومي وماافكر بأحد مره وحده اجتني مروه سلمت وراحت وجابت سلام من امي اتصل بالختله بمروه وبأمي وهاي دعاءلاعبه بيهم لعب وساكتين اني كمت ماافكر بأحد حايره بأبني علي وبس

وبيوم داانزل اصب غدا سمعت صوت بغرفه عمتي هاي منو جاينا وسمعت اكرم يحجي ويه امه شجابه بهيج وقت اول تالي داادخل وجان اسمعه يكولها
أكرم .. يمه النسبه مكعد تصعد بعدها قليله
ام اكرم .. زين ارجع لتركيا
أكرم .. شيسون اكثر من الي سوه بس اليوم التحليل يبشر   بًخـير صعدت نسبه بسيطه

ام اكرم .. ياالله بلكت ويجيني حفيد ثاني
أكرم .. بس المشكله بهاي العله الفوك شون بيها
ام اكرم .. عوفها ازوجك اغاتها
ام اكرم .. هم رجعنا كتلج مااكدر اجازف واتزوج وتالي ميصير شى هي احسن واضمن
ام اكرم .. عله على گلبي شوكت اخلص منها

أكرم .. بس خلي تحبل ثاني يوم اتزوج عليها واجيب الي تريديها حتى اذا محبلت الجديده احاجج واكول من زوجتي الاولى عندي طفل وحامل واذب الصوج بالجديده

موج .. حسبي الله عليكم غير ناس متخاف الله
ام اكرم .. يوم عيد واخلص منها لا سحر فاد لا اهانات فاده شاكه گلبي وكارهتها كره العمى
أكرم .. هانت يووم هانت المهم لتحسسيها بشى لازم تحبل خلال هاي المده قبل ميخلص العلاج

موج .. عفتهم وصعدت وضليت حايره اخلي يتقرب مني لو لا لو اشرب مانع واحرك گلبه بس اني احب الاطفال واتمنى يكون عندي بعد اطفال قررت اخلي يتقرب واحبل منه ان شاء الله اقلها اعيش لأطفالي الباقي من  عـمري لان اني غاسله ايدي من اكرم بأن بيوم يتوب وامه تعقل واخته دنيا تجوز مني واهلي يصالحوني هااي الامور كلها أيست منها خلي اعيش لجهالي احسن

وبقى ايام يتقرب مني ومن مصار الحمل وصار العذر الشرعي لعبت طوبه امه بيه سويت نفسي كلشي ماادري عن علاجه

موج .. شكوو خاله قابل اول مره
ام اكرم .. انتي صايره كاع بور
موج .. خاله كل  عمري ٢٦ سنه ويني وين البور وثانياً موخلفت والحمدلله
ام اكرم .. لا اني بعد مااتحمل لازم ازوج أبني

موج .. بله هذا حجي ياعمه لان اجتني ومحبلت هيج تحجين
ابو أكرم .. شبيج يمعوده
ام اكرم .. احسب حسابك الاسبوع الجاي نخطب بنت اخويه عطارد لأكرم
ابو أكرم .. تخبلتي يامره
ام اكرم .. لاتخبلت ولا شى بالعكس تأخرت هوايه جان المفروض ازوج اكرم من زمان
ابو أكرم .. ولج انتي عاقله وهاي الواكفه كبالج مو زوجته وام ابنه
ام اكرم .. هاي وجهه البومه بس الفكر حصلناه منها
ابو أكرم .. يارب صبرني اسكتي واكعدي موج زوجته وصاينته وخلفت اله المن بعد جيبين زوجه ثانيه ومنو عطارد الي الكل يشكي من وكاحتها

ام اكرم .. مالك علاقه حجي اطلع منها واني خابرت اكرم واتفقنا والجمعه نروح نقرا الفاتحه
موج .. صفنت عليها هاي من كل عقلها تحجي هو اني شعليه لوما الخلل بأبنها
سكتت وصعدت فوك اني مااكدرلها وماعندي مكان اروحله خلي يتزوج اصلاً من زمان لغيت اكرم من حياتي
اجه اكرم
أكرم .. سمعتي بالاخبار موو
موج .. اي مبروك
أكرم .. لهاي الدرجه مهامج اتزوج او لا
موج .. وحتى اذا همني مراح يقدم شى ولا يأخر بس ياريت تاخذها بعيد عني كولشي مااريد منك والله بس لكمتي ولكمه ابني وهذا هو وانت روح عيش حياتك وشسوي سوي
أكرم .. هو انتي من يوم معرفتج وبس الكآبه والنحس كولشي مشفت وياج حلوو
موج .. اتذكر شى اكرم ايام وسنين احاول اتقرب منك احاول اخليك تحبني وانت حتى رافض تسمعني عانيت ليالي وايام من برودك واهمالك سنين بس الضرب والاهانات لا بقيت ايد مكسرتها ولا رجل يوميه بمستشفى شكل انطيني يوم عدل شفته وياك ولك حتى من تتقرب مني تأذيني وبخشونه ويايه عبالك تعاقبني مو تمتعني حاولت بكل الطرق ارضيك وانت قافل حتى حاولت انفذ الي تريده في سبيل تحبني وصرت اتعس

أكرم .. انجبي شنو اتعس شو انتي متعرفين تحجين
موج .. يعني انت عفت كل الكلام الي كتله ولزمت بهاي الكلمه اااااخ ربي صبرني ميصيرلك جاره لا والله

أكرم .. سمعي لج اني الجمعه راح اخطب واعقد والجمعه الوراه اتزوج حسج مااسمعه
موج .. على اساس شفتني اعيط واهوس وگالبه الدنيا اصلاً ولا تفرق عندي المهم ابني محد يتقرب منه
عافني وطلع ماانكر مضجت بس شسوي هذا اكرم ولا يتغير وفعلاً اجتي الجمعه وخطب وامه فرحانه تكول اول عرسه وتمشي وتهلهل

غيث .. شكوو اليوم من الظهر اسمع هلاهل حتى كعدت على صوتهم منو تزوج
اسيل .. والله ماادري خلي اسأل عمه يجوز تدري
عمه وينج . كروب قصص غزوان علي
ام زيد.. هاا اسوله
اسيل .. شنو هاي الهلاهل
أم زيد.. والله هسه سألت ام تحسين جيرانه كالت خطبوا لأكرم
غيث .. شنوو وموج
اسيل .. باوعت صفح عليه شون رجف
أم زيد.. هو راح يتزوج عليها
اسيل .. الله يساعدها يجوز قابله
غيث .. ضليت صافن صار اشهر مسامع اي خبر عنها وحتى بالي احاول مااتذكرها رغم تجبرني الظروف اتذكرها والمواقف وارجع اكول متستاهل عندي مره تسواها بس الگلب وميريد صح تعلقت بأسيل بس ليش من اسمع شى يخصها او اسمها ابقى ارجف بس لوتروح هاي الحاله مني جان ارتاحيت

موج .. اباوع على عمتي ودنيا شون يركصون وصابرين خطيه تحاول تهون عليه بس كتلها ميهمني الله يسعده المهم ابني محد يتقرب منه وبلكت تحبل زوجته وتفك عمتي من ابني لان حيل كعد تأذيني بتصرفاتها

نمت وابني بحضني كعدت ملكيته ادور مثل المخبله يمه وليدي دخيلك ربي كمت ادور حتى جوه الجربايه وابجي نزلت حافيه لغرفة عمتي لكيته نايم بحضنها سحبته منها وحضنته وابجي بهستريا

ام اكرم .. خبال الخبلج شجاج
موج .. ليش هيج عمه مونايم بحضني مفكرتي اذا كعدت وملكيته شيصير بيه
ام اكرم .. عساج متي ميهمني المهم علاوي يبات بحضني
موج .. عمه دخيلج احلفج بعلاوي لتوجعين گلبي على ابني تره بعده صغير لو شويه اكبر مااخاف يبقى يمج بس هسه هو يرضع وكل متاخذيه تأذيه
ام اكرم .. شوفي لج هذا ابن ابني واعز حتى من اكرم انتي هنا خدامه اله وبس اي كلمه او راي ماألج واذا تزوج اكرم وحبلت مرته ثاني يوم الزمج الباب
موج .. الله اكبر شنو هذا الجبروت موو انتي ام شون تريدين تحرميني من ابني ومااحس غير واحد يجرني من شعري اندار اشوفه اكرم

أكرم .. تدرين طالعه عينج لان صار فتره مضاربج
موج .. عوفني فدووه الولد بحضني ليوكع من ايدي
اخذته عمتي وسحلني من شعري واكو عوده مال الماسحه لزمها
أكرم .. اليوم راح اعيد تربيتج لان صار فتره ممكتوله لهذا بديتي تعوجين راح ارجع اخليج تمشين على خط مستقيم

موج .. لزم العوده كسرها عليه مااعرف اغطي وجهي جسمي موتني الحقير كتل وامه اخذت علي وطبت للغرفه وسدت الباب
شكد شايفه ناس تظلم بس مثلهم ماكو والسبب اهلي مخلولي قدر عدهم ولا هيبه شمروني شمرة الچلب بالبدايه زوجوني اله ويدرون بيه يشرب ويلعب قمار وقبلوها  بحجه يتوب ليش ذيل الچلب عمره ينعدل وراها كل ماانكتل وارجع الهم يرجعوني مكسوره الخاطر بحجه رجلج ومن حقه يضربج
وراها وكعت بمصيبه وصدكوا اني ادك الناقصه واتواعد ويااه حتى منطوني مجال اثبت برائتي واعرف منو الي ساعد اكرم ولو گلبي حاسسني الي ساعدته ماكو غيرها الناقصه دعاء وهسه نكروني وشمروني لوما اهلي مجان هذا حالي

وراها وكعت مزوركه من الكتل وسحلني لغرفتي مثل الحيوانه
كعدت اون وابجي واني قليله الحيله باوعت لرب العالمين حسبي الله ونعم الوكيل بكل واحد أذاني انت معيني وسندي

بقيت ٣ ايام بس عمتي اتجيبلي علاوي ارضعه وتاخذه ومااكدر افتح حلكي

اليوم الاثنين والجمعه زواج اكرم واشوف امه هلاهل وتركص وتغني ممصدكه وحتى علي جابته يمي لان عدها شغل كومه وتجهيز ولليل يله رجعوا هي وبنتها دنيا شكد اكرهه

الساعه ٣ بليل ويندك التلفون وسمعت عيطه هزت الدنيا هز
امشي على كيف لان بعدني متأذايه من ضرب اكرم
باوعت عمي يبجي ويدك على راسه وعمتي خربانه بالكاااااع
شكووووو شصار

يتبع ...