رواية بين العقل و الطريق الفصل الثالث والعشرون 23 - بقلم غزوان علي

بين العقل والطريق
للكاتب غزوان علي
البارت الثالث والعشرون

مساء الخير متابعيني الاعزاء
قرأت جميع تعليقاتكم واشكركم على تفاعلكم مع القصه بس حاب انوه على نقطه مهمه وهي ان القصه حقيقيه ومااكدر اغير بمجريات الاحداث وكل متابع طلب ان اغير او احذف او اضيف .
هذا الشى راح يغير من مصداقيه القصه
اتمنى تحبوها على حقيقتها كما تم اخابري بها من قبل ابطالها
اخوكم غزوان علي

مــاذا أفعـــل
اذا جاءني الشوق
يطـرق أبــواب قلبـي
ويستبيــح عبــراتـــي
و يستنطـــق اهـاتــــــي
مـــاذا أفعـــل
إذا جاءني الحنين محملـا بكِ
يــــزف الـــيّ ذكـــريـــاتـــــكــ
ويردد اسمــــك علـــى مسامعــي
مــاذا أفعـــل
إذا زارني طيــــفكـ يومــا
وتراقصت كلماتكـ في وجداني
وتطاير صدى صوتكـ في شريانــي 💔

موج .. باوعت داير مدايري وشفت الدم غطى الكاع گلت هذا مات وراح ادخل سجن وراح ياخذون ابني مني بهاي اللحظه صار عندي انهيار عصبي من الصدمه مسويت شى غير لزمت اثنين رجليه وحصرت راسي بينهم وغمضت وارجف واصك على اسناني اكول دااحلم اكيد هذا كابوس وهسه اكعد منه يله موج لتخافين كعد تحلمين

مهدي .. يمه يووم وينج دكيت الباب ماكو شنو السالفه ام علي تسمعيني بقيت ادك الباب ماكو رد حاولت افتحه كلت اله اكو شى صار شى ادك ادك ماكو هناك وشفت امي اجت ركضت عليها هااا يمه ظل بالي هاي وينج ادك ومحد يجاوب
الحجيه .. ليش موج جوه
مهدي .. كسرت الباب وماكو
هاك المفتاح افتح الباب اخاف البت نايمه

مهدي .. فتحت الباب وانصدمت اباوع الصاله مگلوبه ورسول مدد وسابح بدمه وموج كاعد بالزاويه مال الحايط ومقرفصه نفسها وترجف وبدون ربطه ومهوس شعرها  ركضت على رسول .. بيج قصص غزوان علي
الحجيه .. يمه وليدي دخيلك ربي

مهدي .. اضرب على وجهه ماكو قست النبض اي اكوو الحمدلله عايش انتبهت على موج عرفت محاول يأذيها ركضت عليها وامي يم راس رسول تحاول تكعده
موج تسمعيني موج
ترجف وتكز على سنونها وتكول هو حاول يأذيني مو اني والله مواني
مهدي .. اششش على كيفج ارفعي راسج موج حاجيني شسوه الج انداريت على رسول بعده بملابسه الحمدلله مبين متحارش بيها الحقير ومدافعه عن نفسها بس هي فاقده اريد افهم شى منها ماكو ولج باوعي عليه رفعت راسها بقوه جان تعيط
موج .. والله مو اني والله مظلومه لتاخذوني للسجن راح ياخذون ابني مني

مهدي .. اششش على كيفج باعي عليه مميت لتخافين انتبهت دشداشتها مشكوشه وصدرها طالع درت وجهي يمه تعالي استريها
الحجيه .. سوده بوجهج فاطمه البنيه جان راح شرفها من وره ابنج تعاي بنيتي كومي وشمرت العبايه مال الراس وسترتها وهي فاقده وتهذري وتصيح مظلومه

مهدي .. يمه راح اخذ رسول للمستوصف الي يمنا اداويه واجي وانتي انتبهي لهلمسكينه
شلت رسول واخذته بالسياره خمس دقايق وصلت لان قريب سألني الدكتور كتله وكعت عليه غراض انطوه ابر وخيطوله راسه ومغذي صحى الساقط
رسول .. ااااخ راسي راسي يوجعني
مهدي .. عساه تكسر بلكت تصحى على زمانك
رسول .. اني وين
مهدي .. انت بالمستوصف يله شد حيلك حتى اخذك اخصائي يشوف راسك ولو متستاهل بعد الي سويته لوبيدي اذبحك هسه
رسول .. ااااخ راسي
الحجيه .. يمه موج باعي عليه حبيبه اني حبوبتج فاطمه  دخيلج ياام البنين احضريها هلمسكينه صاحبت وليد ومالها احد بالدنيا
وجريت راسها واقره عليه معوذات وايات قرانيه حسيتها هدأت وجان يعيط ابنها يبجي وجان تكمز
اسم الله ومحمد شبيج بنيتي
موج .. ابني وينه جايين ياخذوه
الحجيه .. لا بنيتي هياته بفراشه يبجي جوعان
موج .. هنا صحيت وجريت علاوي بحضني وابجي شفت خاله فاطمه كاعده بالكاع وحاطه ايدها على راسها وتنوح نزلت يمها مات مو گتلته بأيدي راح ادخل السجن

الحجيه .. عساه نام لا كام لو كاتلته العار شون يتعدى على شرفج العديم الشرف تعال حجي سلمان شوف وليدك شون يدوس شرف النسوان شوف ابنك عديم الشرف شون خان الامانه
موج .. والله خاله اني مظلومه والله هو تعدى عليه
الحجيه .. تعالي حبوبه انتي ماكو اشرف منج واشرف من ابني تعالي ابوس راسج امسحيها بيه
موج .. كمت ابجي بحضنها مو لان اعتذرت لان صدكتني خفت ليكون مثل اهلي من انظلمت من اكرم وهذا الشى هم اذاني مره غريبه كم شهر عشت وياها صدكتني واهلي والي ربوني محد  صًدك ليش الدنيا مابيها حق وعدل ليش
شفت الدم بالكاع ورجعت ابجي بقوه وعياط والطفل يبجي ويايه
الحجيه .. طبي يمه لغرفتج اني انطف دم العار ابني طبي
موج .. حضنت علي وابجي واتذكر كل الي صار يعني لو كادر يحصرني ويغتصبني شون جان شنو حالي تعاال غيث شوف حبيبتك امواجك شصار بيها تعال شوف الضيم والقهر الي عايشه بيه من الموقف والي عشته ماما تعالي شوفي بنتج الي اتلطمت بالدنيا بقيت بس حاضنه ابني ومتحركت من مكاني حتى مبدلت ملابسي وساعتين وسمعت صوت مهدي يصيحني بدلت ملابسي وحطيت ربطه وطلعت
مدنجه وخجلانه من كل الي صار

مهدي .. ارفعي راسج موانتي الي تنزليه ذاك النذل ينزله
موج .. دموعي تنزل بقهره
مهدي .. لتبجين ام علي حقج تاخذي من عينه بس خلي يطيب اخلي يجي يبوس رجليجً ويعتذر
موج .. لا لا مااريد اشوفه
مهدي .. اووف ربي عصرت گلبي بدموعها وقهرتها عبالك طفله وتبجي رجف گلبي عليها بداعت ابنج اسكتي دموعج غاليه
موج .. بس مااريد اشوفه
مهدي .. الي يرضيج يجرالج المهم تهدين وتقبلين اعتذارنا اني وامي على اللي صار

باوعت على حجيه فاطمه تنوح ومنزله راسها وتبجي وتندب حظها انقهرت حيل عليها نزلت يمها خاله على كيفج ويه نفسج انتي صاحبه مرض
الحجيه .. بنيتي نار بصدري وليدي وتربات ايدي هيج يطلع نذل يدنس بيت امه ويحاول يتعدى على خطارها ولج هاي بالعرب اطير بيها رگاب شون كوليلي اكص رگبته جوه رجلج وهم مايبرد نار گلبي شون دنت نفسه وهيج سوه ربي لوماخذ عمري ولا شايفه هذا اليوم

موج .. حضنتها فدوه خاله على كيفج تره والله اخاف عليج واني هسه احسبج حسبه امي وماعندي احد بس الله وانتي
الحجيه .. تعاي حبوبه ابوس راسج
موج .. لا اني ابوس ايدج يااعظم ام ومره شفتها بحياتي وبست ايدها وخطيه ضلت تبجي وتبوس بيه
مهدي .. اباوع عليها شون هادئه بس متعرف الي بيه وبداخلي داحس بألم موطبيعي وقهره عجيبه لان لمسها رسول لو واحد غريب اله احط طلقه براسه تمنيتج مرتي واشوف منو يلزم شعره منج

بقيت ايام ماانام كوابيس وحال الضيم حالي كل مااحاول انام يجيني بالحلم رسول واشوفه يغتصبني واكعد اعيط حسيت بعد شويه وافقد عقلي الحاله تكررت اكثر من مره وخطيه الحجيه تبقى تقرا على راسي لحد ماانام وصلت بيه ايام انام يمها واقفل الباب من الخوف والرعب الي عشته

مهدي .. هايمه شونها اليوم هم بعدها على وضعها
الحجيه .. شحجيلك يمه هاي البنيه اذا صار بيها شى خطيتها برگبتنا الليل كله تنوح وتعيط حصره تنام تكوبس وتكعد تبجي حتى ابنها كامت تبتعد عنه تخاف عليه منها شون بينه مهيدي شووون
مهدي .. والله مااعرف سوايت ابنج خلتني حتى مالي وجهه اباوع عليها شكول الها شحجي مراح يصلح الي صار

موج .. السلام عليكم ابو رقيه
مهدي .. فز گلبي من شفتها اوف من فدوه لشوفتج الي ترد روحي حتى وانتي تعبانه تردين روحي من اشوفج
وعليكم السلام ام علي الحمدلله على سلامتج شون صرتي
موج .. الحمدلله بعدنا نحجي وجان يطب رسول مشدود راسه اني شفته اخترعت ورجعتلي الرجفه بس طب عصبي ويعيط
رسول .. ولج حقيره بعدج هنا شسوين يله لج اخذي غراضج واطلعي بره يله
الحجيه .. من صخام الي صخم وجهك هم الك عين وتجي تحجي لو واحد غيرك يطم روحه بالطين ومايراوينا وجهه
مهدي .. انت شجابك يله انت اطلع بره
رسول .. مالكم علاقه هاي رادت تموتني
موج .. اني ساكته وارجف اخاف منه
مهدي .. شتريد منها وانت تتعدى على شرفها
رسول .. جذابه متعديت اصلاً هي تحارشت بيه ومن تجاوبت وياها صارت شريفه براسي وضربتني
موج .. والله جذاب
مهدي .. لك هاي سوالفك عليه ليش مااعرفك لو مااعرف نفسك القذره
رسول .. اطلع منها انت مالك علاقه
مهدي .. شنو مالي علاقه احمدالله  محطيت طلقه براسك وموتك تتعدى على عرض  الناس هيج ماعندك شرف صاير
تلازمو بينهم ومهدي ضرب رسول والحجيه بينهم تعيط اني بس ابجي حسيت بجيتي اذيت الحجيه اكثر مما هي متأذايه وهلمره من ورايه يتعاركون
رسول .. شوفي لج اذا بقيتي بهذا البيت احركج انتي وابنج
مهدي .. انت رجال والمس شعره منها
الحجيه .. ولك متخاف الله هيج ناقص انت عديم الشرف عوف البنيه فوك ماتبوس رجلها وتعتذرالها وتكول لحظه شيطان .. كروب قصص غزوان علي
مهدي .. شوف رسول اذا طخيت شعره منها حتى الخوه البينا انساها اگتلك بيدي
رسول .. ولكم شبيكم ادافعون عنها هاي وحده موزينه هي تحارشت هي سوت كل هذا الفلم
مهدي .. جهال كدامك وتقشمرنا يعني شگلت لروحك من تحجي هذا الحجي لو تكوله لجاهل هم يضحك عليك
رسول .. العندي كتله انتي متبقين هنا واذا بقيتي اخلي سمعتج زباله بالمنطقه اكولهم وحده موزينه ونمت وياها وتتحارش بالرايح والجاي ولكيت واحد وياها واخلي المنطقه تهيج عليج تعرفين منطقه شعبيه يموتون على هاي السوالف واخلي ذوله الي هسه يدافعون عنج همه نفسهم يطردوج لج اني تضربيني على راسي لو ميت شون انتي كلج متسوين الي لابسه برجلي تحاولين تموتيني

موج .. لك ليش شسويت الك حرام عليك انت اذيتني وردت تاخذ شرفي شتترجى مني
مهدي .. لك كافي انت ماعندك اخلاق وضربته وضلينا واحد يضرب الثاني
موج .. خاله وكعت وكفوا عن الضرب موقف مأساه الله يساعد خاله وهي تشوف ولدها واحد يضرب الثاني وناس تريد تگتل ناس

موج .. اطلع والله بس كافي فدوه خاله ليصير بيج شى بسببي
رسول .. مسحت الدم من حلكي اسمعي عندج هليومين اجي ماالكاج
مهدي .. يله اذا انت ابن ابوك تقرب منها اله ادفنك بأيدي
موج .. ابو احمد بس اكولك شى
رسول .. مااريد لوتبوسين رجلي متبقين هنا
موج .. حسبي الله ونعم الوكيل انت عندك بنيه وحوبه المظلوم تبطي ماتخيب وانت حاولت تتعدى على شرفي خاف على شرفك وعلى بنتك لان يجي يوم والدنيا تفتر وتتذكر حجايتي الي يتعدى على شرف العالم الله يسلط الي يتعدى على شرفه
صفن عليه فتح عيونه على كلامي وعافني وطلع
كومي خاله فدوه اروحلج
الحجيه .. متتحركين منا اذا طلعتي من هذا البيت اطلع وياج
موج .. خاله مااكدر ابقى كافي الي صار وهذا رسول لتزعلين مني واحد شراني واخاف منه اخاف يأذي ابني ويحرك گلبي واني بس هو الي طلعت بيه من الدنيا ممستعده اخسره
مهدي .. شبيج بابا من كل عقلج هذا بس حجي بوخه ميكدر يوصل لطرف ثوبج اكعدي ام علي ولا تحطين بالج
موج .. لا ابورقيه بعد كافي مشاكل مناقصني وجع راس
الحجيه .. كتلج ماترحين والله اروح وياج وين مترحين
موج .. بست راسها الله يخليج الي
بداخلي فكرت هذا هو لازم اطلع بقائي هنا بعد مابيه معنى وراح يسبب مشاكل هوايه

ود.. حياتي ويه هشام صارت كولش حلوه كمنا نطلع سوه واكثر وقتنه سوه عشت ويااه ايام رومانسيه وبمنتهى الحب حمدت الله بأن مغلطت وعفته صارت بدايتنا غلط بس كدرنا نجتاز كل الي صار

هشام ... دودي
ود.. هاي حبيبي
هشام ... تعالي ليفيلي ظهري
ود.. وتالي وياك حبيبي متعبت
هشام ... ههههههههه والله تفكيرج وصخ
ود.. اني متأكد انت دوم هيج تسوي ويايه تقشمرني وبعدين متعوفني
هشام ... شسوي غير احبج ومدااشبع منج
ود.. يله جيب الليفه اندار
هشام ... انداريت ليفوك گلبي اوويلي ظهري غير يوجعني
ود.. اقلها سد الدوش مو تنكعت
هشام ... جان اندار بحركه فجائيه وسحبتها وحضنتها حيييل
ود.. لا هشام ليش هيج مو هسه بدلت والتراك جديد صار مي يعني انت متبطل سوالف الجهال هايه
هشام ... هههههههه اموت عليج
ود.. لا والله ضجت قبل شويه سبحت ورتبت شعري ومكياج وتراك جديد صديقات امك راح يجن بله هسه شلبس وشون اطلع عوفني خلي اطلع والله راح ابجي من وراك
هشام ... حصرتها حيل وتقربت واحنا اثنينا جوه الدوش وابوس بيها بهدوء وهي ضايجه ومتنفرزه ابوس بوسات هادئه
ود.. كافي يغير يكعد راحه
هشام ... اششش وابوس لحد حسيتها هدأت وصعدت شويه شويه ابوس بيها لحد موصلت لشفايفها ذابت بأيدي عفت ايدها الي حاصرها وره ظهرها وفتحت سحاب التراك
ود.. هشومي
هشام ... عيونه
ود.. عوفني خلي اروح لاامك تكوم تعيط
هشام ... مالج علاقه بيها اني اكولها اخرتها
ود.. هشومي
هشام ... روحه وعمره
ود.. كافي فدوه
هشام ... اليوم مااعوفج لوجدي ابو امي  يحضر
ود.. ههههههههههه اموت عليك
هشام ... شوو تعالي وشلتها وگبل للغرفه ابوس واشم بيها ولج شكد مااتقرب منج انجن اكثر عليج شوكت اشبع منج متكوليلي
ود.. ان شاء الله طول عمرك متشبع ونضحك ولعب لعب اموت على الرومانسيه مالته وراها هم رجعنا سبحنا ونضحك وطلعنا نبدل واجه ورايه وخر هشام تره هلمره اعيط
هشام ... هههههههه شبيج لج بس ابوسج
ود.. حتى بوسه مااريد تبوس بمناطق انثار منها وتخليني انسى نفسي يله هشوو كمل لبسك وخلي اكمل امك راح تزفني واندكت الباب هااك استلم
بلسم .. دودي گلبي ماما تكول وين صارت صديقاتها اجوي تعالي سلمي
ود.. اي حبيبتي اجيت
شفت موكتلك الله يستر كالت من يجون اريدج تستقبليهم من وره سوايتك اخرتني يله عوفني اكمل
هشام ... هههههههههه يله كملي بس بوسه واروح
باسني ورجعت كملت ونزلت اسلم
ام هشام ... وين صرتي شنو هذا التأخير
ود.. اسفه عمه مساء الخير سلمت على صديقاتها وفوكاها تحجي بصوت عالي عليه كدام صديقاتها ولا تهتم لمشاعري تتقصد تصغرني كدامهم
وحده من الصديقات .. مصار عدكم اطفال
ود.. لا بعد
ام هشام ... حظ ابني راح يصير سنتين وماكو جهال
ود.. الحمدلله على كل حال
الصديقة الثانيه .. رحتي طبيب سبب التأخير منج لو منه
ام هشام ... اني ابني كولشي مابيه اكيد منها
ود.. باوعت عليها ربي ارحمني واني هم خاله مابيه شى بس الله مكاتبلنا بعد

ام هشام ... والله ابني مثل الورد ولازم اكو سبب وميصير يبقى هيج بدون جهال
ود.. هي تحجي واني انجرح مكعد تراعي مشاعري يعني هي كلها سنه وكم شهر مصار اذا سنين شون ونزل هشام سلم
وبقى يضحكون لان يعرف صديقات امه جان وحده تكوله
استعجل بالخلفه ابني تره العمر يركض ركض
هشام ... ليش هو ينباع الطفل حتى استعجل واشتريه
لا يعني ودي زوجتك طبيب واثنين وتلاثه اقلها تعرف سبب التأخير وين
هشام ... ليش خاله احد كلج اني متزوج فار تجارب
ام هشام ... هشام على كيفك شكالت خالتك
هشام ... قابل شحجيت اني زوجتي بشر من لحم ودم وكثره العلاجات تأذيها واذا الله راد ينطينا  الْحٍمَدلله مرزقنا هم  الْحٍمدلله كله رزق منه
ود.. اني مدنجه واحس بأنكسار بس حجي هشام حيل ريحني ورفع راسي بين صديقات امه

موو ياابني انتم راح يصير سنتين وامك وابوك من حقهم يفرحون بحفيدهم خوما تحرمهم
هشام ... خاله كلها سنه وكم شهر اكو ناس تبقى ٥ سنين و١٠ سنين واكثر وكاعدين وحامدين رب العالمين على رزقهم يعني احنا بعدنه عرسان
ام هشام ... عشتووو عرسان جان هسه ابنك يزحف
هشام ... لا جان هسه ابني بالكليه كولي ياالله يوم كله رزق من ربج انتن مو تصلن
اي الحمدلله
لعد شون تصلون ومتأمنون برزق رب العالمين كله رزق والله هو الي يوزع الارزاق واني راضي برزقي كافي الله انطاني ورزقني بود تسوه عنده الف طفله وطفل
ود ..وباسني من خدي كدام امه وصديقاتها شكد استحيت بس گلبي يدك من الفرحه

ام هشام ... كومي ساعدي البنات يكملون العشا
ود.. صار وكمت وجان هشام يصيحني كدامهم حبيبي لتعبين نفسج اخاف على طفلتي لتتعب
ود.. صرت طماطه من الخجل اووف لومااستحي اله اشمه من حلكه على كلامه صدوك رفع راسي وريحني ومأنطه بيه ودخلت لكيت البنات يحضرن العشا وميتات ضحك هااا شبيكم
بلسم .. اليوم العقيد امي من يطلعون صديقاتها راح تشوي بصل على راسج وراس هشام
ود.. هههههههه ليش
صفا... مشفتي شسوه هشام
ود.. والله مواني كتله هو هيج سوه
بلسم .. من الحب يعني بس والله العقيد سلوى مراح تعوفكم لوالدنيا تحترك
ود.. ادري الله يستر
وكمل العشا وهذا هشام ولا كعد راحه لو يضحك ويايه ولو حبيبي وحبيبي غير يسكت وحصره تحجي امه عليه يسكتها شكد جنت خايفة من هاي المقابله لان اعرف عمتي مراح ترحمني ولا تفوت هيج فرصه حتى تضحك صديقاتها عليه بس وجود هشام خله كولشي يتغير والكعده كلها تنگلب لصالحي حتى ذني الفطيرات صفا وبلسم يضحكن على واهس هشام جنت اتوقع انهار وابجي بهاي العزيمه صرت بس اضحك من وراه يعني فعلاً الانسان ميعرف بقيمه الشخص الي يعرفه مرات اله بالاوقات الحرجه وخلصت الكعده وبس طلعوا صديقاتها وجان تعيط امه

بله انت مستحيت مكلت عيب رجال شكبرك استاذ جامعي كاعد يم مرتك ادلع بيها تحضن وتبوس
هشام ... مسويت شى حرام
ام هشام ... موحرام بس عيب ومو اصول وانتي متستحين تسمحين اله هيج يسوي بس اكيد انتي الي طلبتي هذا الشى منه متأكده حتى تفشليني كدام صديقاتي
ود.. والله عمه مكتله ولا طلبت شى احجي هشام اصلاً على اساس يطلع ويه اصدقائه بس مااعرف ليش بقى

ام هشام .. انتم اثنينكم متستحون وخجلتوني كدام صديقاتي

هشام ... ود صعدي فوك
ود.. ماشي وصعدت وهو بقى يتناقش وياها

هشام ... انداريت على امي ليش خجلناج بالعكس كاعدات شو وحدتهن جنها فيل اكلن وشربن وحلويات وكرزات وضحك وسوالف وختمنها بگهوه وحده تجذب على الثانيه وتقرا فنجان وطلعن وحدتهن الضحكه شاكه حلكها لو متحلى الكعده الج اله تصير ود مضحكه لصديقاتج وتستهزأين بيها وتعيريها علمود الطفل
ام هشام ... انجب شو انت صاير ولا عندك احترام نسيت اني امك لو الحيه مرتك نستك اني منو ولازم تحترمني

هشام ... انتي امي وتاج راسي وعمري متجاوزت وقللت احترام بس هم من حقي بهذا البيت احس زوجتي محترميها ومقدريها اذا مو علمودها اقلها لخاطري لتنسين هي زوجتي والي يمسها يمسني
ام هشام ... لا لا هاي غاسله دماغك ومخبلتك علينا فوك ماهي عاگر تلعب بعقلك ومسويتك لعبه بيدها

هشام ... لااله الا الله ياامي هسه البنيه يمج كرباج شو تتمنالج الرضا ومتسمعين صوتها بس لوتفهميني ليش متحبيها
ام هشام ... احبها مااحبها شى خاص بيه مالك علاقه وانت يجي ابوك لازم يسويلي صرفه وياك اني مااكدر اشوف ابني يضيع واسكت

هشام ... هههههههههه تحسسيني عمري ٣ سنين وافتر بالشارع وراح اضيع تره اني كبرت واتزوجت وصرت استاذ واعرف اتصرف وقراراتي اني المسؤول عنها ومااحب احد يدخل بيها

ابو هشام ... السلام عليكم
هشام ... الله يساعدك سيدي شونه الوالد الغالي
ابوهشام.. الحمدلله تعال ابوسك اشتاقيتلك
ام هشام ... الله جابك تعال شوف ابنك
هشام ... ماما هستوه دخل وصار ٧ ايام منازل وتعبان مو وكتها
ام هشام ... لا وكتها ونص
ابو هشام ... خير ياستار شصار
ام هشام ... وحجيت كولشي وفوكاها ميريد يودي زوجته للدكتور بعد على والله وديتها مرتين وكافي
ابو هشام ... من حقه وهي زوجته وعيب ندخل
هشام ... من فدوه اروح لأحلى عقيد بالجيش العراقي
ام هشام ... انت من كل عقلك تطبك وياه مكان متكوله وديها مره ومرتين و١٠ اذا مصار طفل انزوجك غيرها
هشام ... شنوو اتزوج غيرها اني متت يله حصلتها اتزوج غيرها لو مو الطفل ماالمس مره غيرها

ود.. اني كاعده فوك قريب الدرج ودااسمع كولشي وابجي ومن كالت امه ازوجه غيرها گلبي اذاني وخفت لتسويها
ابو هشام ... شوفي سلوى ابنج موصغير ولا ميفتهم ابنج رجال وهو ادرى بمصلحته الي علينا كبرناهم وعلمناهم وزوجناهم لهنا تنتهي رسالتنا همه بعد شيسون يسون احرار وهيج امور خاصه لهذا لتدخلين الطفل اله مو الج وطول ميكول مااودي زوجتي براحته

ام هشام ... اسمعوا اثنينكم هذا الكلام مااخذ بيه ود اخذها لو اعرف سحل للطبيب واذا ثبت هي عدها مشكله متخلف والكعبه الي زرتها مااعوفك ياهشام اله تتزوج وتخلف شتريدون ابقى اتفرج على ابني والسنين تركض بيه وماعنده جهال من كل عقلكم

هشام ... مااناقشج بعدلان مبينه اعصاب وصار بيها حلفان اصعد ارتاح احسن
روح اركض لحضنها يجي يوم وتتندم

ود.. ركضت للغرفه امسح بدموعي وسويت نفسي اعدل الجربايه ودخل وحضني من وره ويبوس برگبتي
ود.. غمضت عيوني مااريد يشوف دموعي
هشام ... طلعيهن
ود.. شنوو
هشام ... للاماس الي بعيونج دموعج اعتبرهم اغلى انواع الماس بالعالم
ود.. بس اني مداابجي
هشام ... فريتها عليه بله
ود.. بس باوعت بوجهه طكيت بجي وحضني
ولج خبله عبالج ماادري سمعتي كل الكلام
ود.. يعني من جاوبت امك لان تدري دااسمع
هشام ... تعالي وجريتها من ايدها وكعدت على الجربايه وكعدتها بحضني
شوفي دودي انتي متعرفين شكد احبج وشكد روحي بيج لج وصلت بيه مرحله ادخل ويه اهلج بفصل في سبيل اخذج اني مستعدابقى العمر كله بدون جهال المهم انتي يمي
وامك شون بيها بعدنه مداخلين سنتين ويه مشكله
هشام ... يجي يوم وتمل المهم انتي لتضوجين شسمعين طببي من اليمنه وطلعي من اليسره لخاطري وبست راسها لخاطري تحمليها

ود.. لعيونك كولشي اسوي
هشام ... اكوول
كوول حبيبي
هشام ... احنا مكملنا تليف ظهري تعالي كملي
ود.. ههههههههههه والله انت بطران
هشام ... بطران موو شوو تعاالي كمت اعضعض بيها وابوس وتضحك بصوت عالي امووت على ضحكتها وحضنتها واشم بيها اوف شكد ريحتج طيبه
ود.. بقينا الليل كله نضحك ونتشاقى ورومانسيه وحتى مجاز مني اله مبقى مكان بجسمي مباسه ونام بحضني واني العب بشعره رغم كل هاي السعاده ويااه احس گلبي مقبوض احس مدوملي خاصه امه قويه ومراح تجوز مني يارب كمل فرحتي وارزقني طفل افرح بيه هشام واسكت امه يارب

اسيل .. صار ابني كل حياتي وسميناه ايهم هو راد اسم مشتاق بالبدايه حبيته بس بعدين ركزت بالاسم كتله مااحبه معجبني عبالك ديكول مشتاق غيث حتى من انطقها احس عبالك يناديها من كتله محبيت الاسم كال بكيفج شتحبين انسميه واختاريت ايهم وصار هومي كل حياتنا وغير من حاله البرود الي بعلاقتنا اني وغيث

هو يكعد الصبح يبوسه ويبوسني ويطلع للشغل
ويرجع على الغدا يتغدا وينام ويكعد العصر شوي ويانه جاي او گهوه عصرونيه خفيفه وراها من يصير المغرب يصلي ويطلع لويرجع على العشا لو ساعه ١٢ بليل تعلمنا هذا جدول غيث المعتاد علاقتي بأهله طيبه بس البيت صاير هوسه من وره جهال ندى الله يرحمها وجهال زيد ودوم عركات ومشاكل وابوهم ذبهم وبعد مسأل واصلاً بيت عمي يحبون جهال ندى لهذا اصلاً ميفكرون يرجعوهم بس الي سمعناه عصام اخر شى جان بتركيا وراها اختفت ااخباره حتى عن اهله واخوه سافر اله يسأل ومديكدر يوصله
شهد بدت تتضايق من جهال ندى وخاصه من تشوف عمتي تطبك ضد جهالها وكامت تتوتر اعصابها وطلع حرگتها لوبجهالها لو بزيد وحتى مرات صوت عركات زيد وشهد يطلع
شهد .. يعني شون نبقى بهاي الهوسه
زيد.. بابا شبيج تخبلتي همه جهال ويتامه وجهال اختي يعني شون انذبهم بالشارع
شهد .. اني بعد مااتحمل خلي نطلع منا
زيد.. وين نروح شبيج  .. بيج قصص غزوان علي
شهد .. احنا عدنا امكانيه نشتري بيت حتى لو صغير اشتري مشتمل وخلي نكعد بيه الى متى نبقى بيت اهلك اني عندي وانت عندك ونكدر نشتري حتى مو مشتمل نشتري بيت مساحته زينه ونكعدبيه واخلص من هاي الدوخه
زيد.. ليش عبالج مفكرت من زمان اطلع واستقل بيت وحدي بس ياشهد شون أمن عليكم اني دوامي بيه بيات ومرات شهر ماانزل شون ابقيج وحدج انتي والجهال
شهد .. شكوو علينا المهم اطلع من هذا البيت مدااكدر تعبت من الهوسه والعياط جهالك هم صايرين مينجرعون وميسمعون الكلام وذولاك هم عمتي خبلتهم من الدلال

زيد.. حبيبي فكري زين هسه منكدر نطلع جهالج صغار وانتي شابه وصغيره شون اعوفج بالبيت وحدج والظروف تعبانه
شهد .. قابل بس اني وحدي كومه نسوان عايشه بيوت وحدها وماعليهن شى
زيد.. الله كريم افكر عود
غيث .. هااا بشر لوين وصلت
علاء.. ولك متعبت ممليت يوميه تسأل نفس السؤال
غيث .. كتلك ماارتاح اله الكاها
علاء.. مكدرت اوصل لشى وحتى اهلها محد يعرف شى عنها عبالك فص ملح وذاب
غيث .. وين رحتي لخاطر ربج وين
علاء.. شوف بغداد نفضناها مكان مكان واي اثر الها ماكو لازم نحول على المحافظات وهاي شغله يجوز تاخذلها سنين وخاصه هي مره موو رجال بله الرجال نكدر نبلغ السيطرات والدوريات وعن طريق الهويه والمواصفات نلكاه بس هاي مره يعني ادور ابره بكومه قش
خالد .. هلوو شباب
علاء... هلوو وينك شو البارحه مأجيت
خالد .. جنت اودي العائله لأهلهم شونكم
علاء.. شونه والاخ صار اشهر مدخلنا انذار من وره موج
خالد .. من ساعه السوده الي شفتها بيها لك عوفها راحت لحال سبيلها مدري انتحرت ماتت
غيث .. اسكت شنو هذا الحجي
خالد .. انت خبلتني ادور على وحده عافتك انت اتزوجت وصار عندك ولد شتترجى منها ترجعلك مستحيل عيش حياتك وانساها
غيث .. لو انت تحب مثلي تكدر تنسى
خالد .. سكتت وصفنت على وضعي واتذكرت ود بعدني احبها واشتاق الها بس هي راحت من ايدي واستسلمت للامر الواقع
غيث .. هاا شو صفنت
خالد .. اروح
علاء.. هسه اجيت
خالد .. عندي شغل سلام
الله وياك
نرجع لموضوعنا
وراها رجعت للبيت اجتي اسيل عليه حبيبي
هاا عيني
عندي شغله اريد اطلبها منك
كولي
اريد اروح اسلم على اخوتي
غيث .. باوعت صفح انتي صدوك تحجين
اسيل .. اليوم اتصل امين على عمي وطلب يشوفني راح ياخذ زوجته وجهاله ويسافر تهريب ويريد يودعني فدوه ساعه وحده مااتأخر
غيث .. مًـُااشي اوديج اذبج يمهم ساعتين وارجع
اسيل .. تسلم گلبي
رحت وصلني ودعت اخويه ولو زوجته حقيره بس هم سلمت عليها واجاني غيث وبالطريق يسوق اكولك غيث
كولي
ليش منطلع بيت وحدنا
شنوو وليش شبيه بيت اهلي
اسيل .. يعني صاير هوسه وجهال واني حابه نستقل بحياتنا
غيث .. من يصير عندي اكثر من طفل نطلع هسه وضعنا تمام اذا هو الجبير باقي بالبيت تريدين اني اطلع موجنتي تحبين الجهال ولمتهم شغيرج
لا متغيرت بس ردت نكعد وحدنا ونستقل
حبيبي مو هسه مااكدر اعرف اهلي وخاصه اكثر الوقت زيد ماكو
اسيل .. واحنا نضل تحت رحمتهم لشوكت
غيث .. هاي نبره جديده منين سامعتها مو كلامج هذا
اسيل .. هااا لا موقصدي
غيث .. قصدج او لا سدي الموضوع
كعدنا اني وزيد وكلي شهد شتريد وكتله على اسيل
ذني متفقات اني اكولك
زيد.. اني دوامي خطر وهاي بطرانه تريد وحدها متعرف التهديد الي يصير بحياتي دائماً ومتعرف شكد اخاف على جهالي وحتى كتلها انتبهي على الجهال لتخليهم يطلعون بره خاصه هاي الفتره
غيث .. صاير شى لتخوفني
زيد.. بعدني دااحجي وسمعنا عيطه شهد وركضنا
شكووو
شهد .. حسن ماكو ابني ماكو زيد گلبت البيت كله ماكو
زيد.. شنو ماكو موكتلج انتبهي عليهم ولطلعيهم بره
اسيل .. اشوف البيت انگلب وشهد تخبلت وتلطم على راسها ومتعرف شسوي فقدت
وتصيح ابني ابني
طلعوا الولد وعمي يدورون وماله اي اثر حاله الخوف والبجي الكل خايفه ومصدومه هسه جان يلعب بالباب وين راح وخطيه شهد كل شويه تفقد الوعي ونصحيها الله يكون بعونها

زيد.. هااا بشر
غيث .. مبقيت فرع محل وحتى الجوامع كلها دورت بيها
زيد.. ابني انباك غيث
غيث .. شنوو ومنو باكه
زيد.. اذا الي بالي معناها ابني راح
غيث .. كعد زيد بالكاع ويبجي شبيك كوم منو الي اخذه احجي
زيد.. قبل مده طبينا بعمليه ولزمنا خليه ارهابيه وجنا فرحانين لان صار اشهر نركض وراهم بس تعرف الفساد المنتشر بالدوله وره ٤ اشهر اكتشفنا اكو واحد منهم هرب شون هرب سجن محصن بهاي الطريقة النمله متكدر تطلع منه ومن ناس لناس طلع اكبر راس بيهم دافع كم دفتر ومشتري الضباط ومهزمي وصار تحقيق وسين وجيم بس شنو الفايده بعد انهزم وذوله ولد الگلب الي هزموه مفكرو لا بالناس الي انكتلت بأيدهم ولا بينا لان انكشفنا كدامهم فكروا بس شون يحصله كم ورقه ناس الحرام بدمها صار ومتهتم لأكبر واحد قبل يومين استدعوني بالقياده والي عرفناه هاي الخليه عاودت نشاطها بشكل سري وعدهم تفخيخ رحنا للمكان ملكينا شى تدري شلكينا
غيث .. شلكيتو
زيد.. صورنا اني و٤ ضباط اصدقائي حاطيها ويه كل صوره طلقه
غيث .. غير جماعه عيني عينك ولا يخافون
زيد.. شيخافون اذا نص الدوله وياهم اذا واجيت على شهد كتلها انتبهي على الجهال وگلت لأبويه وفهمته اخاف اموت الجهال وشهد بأمانته بس متوقعت يأذوني بأبني
غيث .. انت غير تحجي تكول اقلها ناخذ احتياط بربك هاي سوايه تسويها
زيد.. جنت مأيس واعرف روحي راح انكتل ذوله ميعوفون احد غيث توقع اعدامنا بعد على ايدهم
غيث .. وشنو الي جابرك تبقى بهاي الوظيفه الكشره ميت جوع ماعندك فلوس بطل وعوفها
زيد.. الي يشتغل شغلتنا ماله غير نهايه وحده وتوقعت نهايتي قربت بس كله ولا ابني غيث خلي ياخذوني راضي بس ابني لا

غيث .. كوم يمعود شنو هذا الحجي لتخبلني انت اعز من روحي انت اخويه وظهري وسندي بالدنيا شون تفكر تعوفني كوم وحضنته يله امشي نرجع للبيت لازم نأمن البيت وانت بالذات متطلع
زيد.. تريدني ابقى مثل النسوان خاتل
غيث .. انت بلغت جماعتك
اي بلغت القائد مالتي وجايين هسه
غيث .. الليل كله حراسه على المنطقه ودخلنا انذار والكل تعبان ومنهاره اعصابه

اسيل .. شهد كعدت وجابت اوراق وذهب وفلوس وذبتهم بنص الصاله وتعيط
هاكم اخذوا كولشي بس رجعوا ابني
حضنتها كافي ياعيني صوتج طالع للشارع واصدقاء الولد كلهم بره
شهد .. اسيل هذا ابني ولج بعد كم يوم اسجله بالمدرسه اشتريتله الجنطه والملابس
اسيل .. ان شاء الله يرجع ويلبسهم وتفرحين بيه
ومااشوف غير تركض على زيد وتلزمه من رگبته
شهد .. اريد ابني اذا صار شى بيه انت السبب ابني رجعه الي
زيد.. حضنتها وابجي هو هم ابني مو بس ابنج
شهد .. عوفني روح ليش واكف دور على ابني تهسترت وادك على راسي كطعت شعري احس هاي هيه بعد مااشوفه

غيث .. اسيل سكتيها يمعوده صوتها للشارع وكومن ولد بالباب عيب
اسيل .. شسوي مكعد تشوف حالها يبجي الصغر والجهال حابسين روحهم بالغرفه ويبجون
غيث .. صيري سباعيه وحاولي تهديها يله سكتيها
اسيل .. بقيت طول الليل وياها وهي ولا سكتت
هشام ... ود حبيبي
ود.. هاا قلبي شو وجعت اكوو شى
هشام ... على كيفج ويه نفسج
ود.. شكوو لتخوفني
هشام ... حسن ابن زيد انباك
ود.. عزه الي عزاني وهسه
هشام ... الدنيا مكلوبه امشي اوديج لبيت اهلج كولش تعبانه مرة اخوج خابر غيث وكال جيبها لان ود صديقتها وبلكت تكدر تهديها وحتى امج ضغطها معلك
ود.. يعني لشوكت نبقى متأذاييين لشوكت
هشام ... كافي گلبي كومي يله البسي اي شى

ام هشام ... خير وين
هشام ... ابن اخوها انباك خطيه ورايحين لاهلها
ود.. من البجي حتى مركزت ويه عمتي وطلعت گبل للكراج ولا اريد اسمع كلمه منها
ام هشام ... يوميه مصيبه متكولي منين لكيت هاي المشؤومه
هشام ... زين متلاحظين هو ابنج الي مشؤوم عليها من يوم متعرفت عليها ويوميه جايتها مصيبه خليني ساكت يوم
وعفتها وطلعت .. كروب قصص غزوان علي
ود.. طبيت لبيت اهلي اركض واشوف شهد تكطع بروحها اخذتها لحضني وابجي
شهد .. ود حسن راح حسوني بعد مااشوفه
ود.. لا گلبي راح تشوفي كولي ياالله يرجع بس ادعيله
تعالي امشي فوك ارتاحي
شهد .. وين اروح وابني ماادري بيه شنو حاله هو هيج وكت يدور نستله يموت على الحلاه
ود.. ولج كافي كطعتي گلبي كافي
الليل عدا ويمكن هذا اطول ليل مر علينا والصبح ساعه ٦ جان يجي لزيد اتصال ركض هو وغيث وراها بساعه جابو حسن بس اااااااه ياعيني عليك ياحبيب عمتك
جابوه مذبوح كاصين رگبته من الوريد للوريد وهنا هجت شهد للشارع مثل المخبله وتلزم بأبنها مغطيه بس هي من حلات روحها جرت الغطا مثل المخبله وشافته
منظره ميروح من عيونه هذا الي يضحك للهوا ابيض ومدبدب جان يتميز عن اخوه التوم بأن يحب الاكل
شهد .. يمه جابوك مذبوح يمه اخذوك مني تعال حبيب امك جايبتلك الاكل الي تحبه كوم شوف الغراض وحتى جنطه حسين مو تريدها اخذها اني اجيبله غيرها بس كووم
غيث .. كافي ولج راح تموتين كومي خلي ناخذه
شهد .. وين ماخذي ماكو متاخذوه اخذو زيد هو السبب بموتت حسن لك زيد كتلت ابنك ارتاحيت هسه شوف ذابحي شوفه

زيد.. كافي ارحميني كافي
غيث .. تعالي ود اخذيها جوه لو حتى تسحليها يله
كوه طببنا شهد واخذنا ابن اخويه والطريق كله زيد يبجي مثل النسوان على ابنه مبقى صغير جبير ميبجي ابويه منتهي جان كولش يحبه دفناه ودعنا حسوني بگلب يبجي دم من وره ناس متخاف الله شنو ذنبه طفل صغير مشاف شى من حياته لان ابوه يشتغل بالدوله ويقبض على الارهابين هذا مصيره ومصير عائلته ليش وصلنا لهاي المرحله وصار دمنا ماكو ارخص منه اخويه كام ميجي للبيت ودوم بالدوام يبات لان كل متشوفه شهد تملخ روحها وتكوله انت كتلته حياتنا هلفتره جحيم وضعنا مأساة يوميه مصيبه مكعد نرتاح وعبالك ملك الموت بس يمنا يفترعلينا حاولت اخلي اهلي يتقبلون الامر الواقع بس بصعوبه ابويه شهر مطالع من غرفته حده للحمام ويرجع والاكل كوه يحطه بحلكه امي الاسود كامت متذبه على كولتها من حطيته بجسمي كلت بعد ميفارگتي وعليمن الدور الجاي وصار شهرين  على وفاة حسن وحالتنا تعبانه حتى كمت اخاف على اسيل وابني ومااخليهم يطلعون لباب الشارع
ود.. طول هاي المده واني بيت اهلي مكدرت اعوفهم اهلي منهارين عائلتنا اتفككت موت وبجي ولطم ومرض  مشفنا يوم اما شهد بملكوت ثاني شبه تخبلت وهشام اول ايام جان يجيني وحتى كم مره يبات يمي بس صار ٥ ايام ماكو ظل بالي ادك عليه ميشيله ردت اكوله تعال اخذني كافي وضعهم شبه استقر رغم كتله اكثر من مره خلي ارجع وياك بس من يشوف جهال ندى مجلبين بيه ويبجون من اروح يكول ابقي كم يوم واجي اخذج ويوم جر يوم لحد مصار شهرين هنا بس هو طول هاي المده ويايه ونتصل بليل ومرات حتى يتغزل واجه كم مره بات بحضني ويكولي مشتاقلج بس هلكم يوم اختفى شجااه
وكاعده يم شهد صار مكاني المعتاد اواسيها حتى حلكي نشف من الحجي واجه غتوو عليه
غيث .. تعالي ود يردوج جوه
ود.. نزلت لكيت ابويه ويمه رجال غريب واكفين بالباب
ابو زيد.. تعالي بابا وقعي
ود.. على شنو بابا
وقعت من باوعت ورقه طلاك

يتبع .....