رواية بين العقل و الطريق الفصل الثامن والعشرون 28 - بقلم غزوان علي

بين العقل والطريق
للكاتب غزوان علي
البارت السابع والعشرون

أحيــانا يغمــرنا الإشتيــآآآق
لشخــص معيــن
فنــرى
وجهـــه فـي كــل الوجــوه
ونسمـــع صــوتــه فـــي كــل الأصــوات
ونشعر بــه يجلــس قريبا منــا
ونـتذكــر موآقــف كانت بيننــا
فنبتـــسم .. فيظــن مــن حولنــا
أننـــا بـحالــة جـــنـووون
ولا يدركـــون اننــا فقـطـ
اشتقنـــآ لاحد حنون
اشتقنا له حــتى الجــنووون...

شهد .. فتحت عيوني وهمه يغسلون وجهي اباوع فتحت عيني وشفته يبتسم مصدكت الي كاعد اشوفه زيد شمرت نفسي بحضنه بلهفه وشوق وارجف
زيد.. ااااخ وٌلًــج على كيفج ايدي باوعت ايده متصوبه وانتبهت الكل داير مدايري استحيت ودنجت
غيث .. هااي منو الي تستحي ست شهد والله ولا اصدك
شهد .. غتوو جوز مني لعد منو الولد الي جان يحجي ويه غيث
زيد.. هو انتي شفتهمتي واغمى عليج
شهد .. مسمعت شى بس جاب طاريك اني كلت هاي هيه خسرتك
غيث .. ولج خبله كال اخوك بالسياره تعال نزله ويايه ميكدر ينزل وحده شو مااحس غير طبه ورايه واغمى عليج
شهد .. خفت عليه حييل
زيد.. لوادري هيج تحبيني جان من زمان اروح للموصل واغلق تلفوناتي حتى اشوف هاي العيون وكميه الحب والقلق الي بيهم
غيث .. اهووو اشتغل الغزل ناس متستحي
ابو زيد.. هههههههه خلي يتغزل يبوس المهم هًو سالم كدام عيني تسوه الدنيا
ام زيد.. يمه وكف گلبي عليك وين جنت
زيد.. جان عندي مأموريه بالموصل وهناك اجتنا اخباريه عن خليه ارهابيه جبيره وخاصه هاي الخليه لازمه عده مجموعات منظمه لداعش ردنا بس نقبض عليهم بس همه مدربين تدريب قوي وبقينا اكثر من ٣ ايام مواجهات وعندي اصدقاء اووف استشهدوا شفنا الموت بعيونا
غيث .. بس انت مو ضمن المجموعات القتاليه شطلعك

زيد.. دنجت الصراحه سمعت كم واحد من الي كتلو حسن منظم لهاي الخليه وطلبت من القائد مالتي يخليني انزل بالبدايه رفض بس من فهمته السبب عذرني وكلت اله اخذ بدم ابني صح الي گتل حسن مااعرفه بالضبط بس على الاقل اعرف اكو كم واحد الهم ايد بكتلت ابني

شهد .. كمت ابجي فدووه كافي والله مالي حيل اخسرك كافي اخذوا حسن مني لتأذيني
زيد.. شبيج گلبي لتخافين  الْحٍمَدٍلله بعد مساعده الي جتنا من القطعات الجويه كدروا يسيطرون على المكان كله صواريخ خلوو الابنيه الي همه بيها تراب عليهم واندفنوا بمكانهم يجوز مكتلت الي كتلو ابني بأيدي بس اقلها شاركت بقتل مجموعه جبيره منهم بس اتصوبت وبقيت ايام فاقد بسبب النزيف واول مكعدت ادور على موبايلي ماكو حتى اتصل بيكم بعدين الله حظاني بصديق اجه للمستشفى وطلبت منه يوصلني الكم
غيث .. كم مره كتلك احفظ رقم واحد من عدنا
زيد.. يمعود عقلي مو براسي موزين اندل بيتنا
شهد .. حضنته فدوه زيد لتروح بعد والله اتبهذل بعدك
زيد.. لتخافين گلبي بسبب مشاركتي القائد كال انقل بالاداره العامه ودوامي صار بعد بغداد وشغل مكتبي
ود.. الحمدلله على سلامتك المهم رجعتنا سالم
هشام ... الحمدلله على سلامتك ابو حسن ويله يابه نعوفه يرتاح
زيد.. الله يسلمكم موو بعد وكت
هشام ... لا والله هم يله عدنا شغل يله حبيبي
غيث .. يله كوم استاذ اصعدك فوك ترتاح
لزمت زيد بس اثناء مداانقله حسيت بألم بصفحتي بس قاومت صار ايام احس بهاي النغزات وضيق النفس بس مااحجي ومن وصلته عفته ويه زوجته بقيت لازم صفحتي واتكطع يمكن بالنص ساعه يله فكيت شنوو شبيه

شهد .. عرفت اني شكد جنت ظالمه زيد ويايه وشكد هو مراعي الله بيه واني محاسه والي صار اعتبرته درس اليه حتى انتبه لرجلي واطفالي وشغلي وكافي الي راح مني
زيد.. تعالي بحضني اشتاقيتلج
اجيت وحضنته واشم وابوس بيه
زيد.. ولج هاي شنو  الرومانسيه والحب ياريت اتصوبت من زمان .. كروب قصص غزوان علي
شهد .. اسم الله لتكول هيج زيد
زيد.. تحبيني شهد
شهد .. شون مااحبك غير ابوجهالي
زيد.. لا قصدي تحبيني حب مو لان ابو جهالج
شهد .. صفنت على حالي ومشاعري الي صار فتره طويله مااعرف شنو احساسي وتذكرت غيث والي حسيته ماكو مشاعر اتجاهه ومن صفنت على زيد والي صار النا حمدت رب العالمين موكعت بالخطأ واله جان طول عمري ابقى ندمانه واخسر كولشي
زيد.. بشنو صفن حبيبي
شهد .. لا حبيبي مابيه شى اي احبك واموت عليك
زيد.. هههههه تعاالي بحضني مشتاقلج
نمت بحضنه وحمدت ربي رجعه سالم الي وبأختبار رب العالمين عرفت قيمه الي عندي ولازم احافظ عليهم

غيث
بعد مده اجاني تبليغ من المركز
زيد.. اني اجي وياك غيث لتروح وحدك
غيث .. يمعود خلي نشوف شكوو شبيك خفت
ابو زيد.. ابني اخوك اله اسمه ومنصبه وهذا الشى يفيدك
غيث .. بابا قابل القاء قبض عليه هو استدعاء
ام زيد.. يعني انت متبطل عناد اله تموتني
غيث .. ههههههه تعالي ياحلوه ابوسج كله ولا تضوجين راح اخذ زيد ادللي
اسيل .. انتبه لنفسك فدوه
غيث .. يمعودين تحسسوني رايح احارب وارجع شهيد شبيكم

ام زيد.
اسم الله ولك انت متجوز
غيث .. ههههههه واني اضحك رجعت النغزات عليه هاي الايام هوواي تتكرر ليش هيج بس مبينت مااريد اقلقهم
رحنا للمركز وضابط التحقيق كاال
اخ غيث هذوله العصابه القينا القبض عليهم ومن ضمن الاعترافات بالجرايم الي سوها محاوله قتلك شوفهم همه موو
غيث .. انداريت عليهم والله سيدي اني مشفت وجوهم لان جانت متغطايه
الضابط .. حسب الاعترافات همه ماخذين فلوس من اشخاص يريدون يصفوك
زيد.. معرفتو منو
الضابط .. اول واحد اكرم ثابت جعفر
والثاني عاصم عبدالله مقدام
غيث .. شنووو اكرم وعاصم
الضابط تعرفهم
غيث .. اكرم جيرانه وعاصم زوج اختي
الضابط .. كلش زين هيج هواي وفرت علينا البحث والقاء القبض عليهم
غيث .. سيدي اكرم ميت صار اكثر من سنتين ونص وعاصم سافر اكثر من ٦ اشهر لتركيا ومرجع لحد هذا اليوم
الضابط .. معناها القضيه راح تتحول كلها على عاصم بما ان اكرم ميت

وراها رجعنا للبيت والصدمه على وجوهنا زين ليش شسويت الهم اني يمكن اكرم يعرف احب موج بس لا مستحيل جان موتها وجان اصلاً مسكت بعدها وانت عاصم شون تكتل خال جهالك شكد اكول عليك نذل وتطلع انذل بعد
زيد.. بس كون الزم عاصم اله ادفنه بأيدي
غيث .. اكيد راح يفلت وميرجع للعراق من كل عقلك يرجع وخاصه هاي المره موو مثل سالفه قتل ندى عبرت ومتعاقب هلمره شهود والمنفذين ملزومين تتوقع اهله يعوفه يرجع مستحيل

وفعلاً الي سمعناه بعد مده اهله مسفريه لعاصم تهريب عن طريق تركيا بس هو راد الجهال وامي تمسكت بيهم اخذنا حدود الشهر ناس تروح وناس تجي لحد مفضت سالفه الجهال يبقون يم امي ذوله جهال المرحومه ومنكدر نأمن عليهم يمه هذا واحد قاتل مجرم لاذمه ولا ضمير  وجهال ندى امانه منها ولازم منتنازل عنهم

ود.. اخذنا موعد اني وهشام بواحد من مستشفيات بغداد الاهليه المتخصصه بطفل الانابيب الرهبه والخوف الي جانوا على وجوهنا اني وهشام موطبيعيه
اني خايفه لتروح تفشل و تنتكس حالته ويقرر يتركني وهو خايف لتروح تفشل ويكولوله اي امل الك ماكو بعد واكعد واسكت من حجزنا وقررنا اتفقت ويه هشام منكول لأحد ابد اذا فشلت محد يتشمت او يزعل او ينظرنا بشفقه ويأذونه واذا نجحت بذاك الوقت نبلغهم

دخلنا للمستشفى وكانت ايام صعبه لان علاجات وادويه وروح وتعال رغم ام هشام حست وضعنا مووطبيعي بس مدخلت ولا حاولت تسأل وهذا الشى ريحني وبعد العلاجات الي اخذت ايام طويله منه بسبب العلاج الي اخذه هشام رغم قوته تحمله لخاطر يصير ومن توفيق رب العالمين صعدت النسبه شى جداً بسيط لكن معطونا الامل بأن يصير حمل لان عاده الي مثل حاله هشام لازم النسبه تطلع اعلى حتى يتم عمليه التلقيح والزراعه مرينا بلحظات يأس وتعب وقهر وحتى مرات ينام بليل بحضني يبجي يمكن من اتذكر هاي الليالي لاارادياً تنزل دموعي وميحس بيها بس الي عاشها
وتم الزراعه ولازم بعد اسبوعين اسوي التحليل اعتقد همه ١٤ يوم بالنسبه للناس العاديه بس بالنسبه النه اني وهشام ١٤ سنه كل يوم بسنه ولازم انام على ظهري ومااتحرك وهنا اضطرينا نبلغ اهله لان لازم اما اهلي يداروني لان ممنوع الحركه عني او اهله وهو فضل اهله كال اقلها موو ناس غريبه ومنا نسوان اخوتج استحي ومن كلنا لأمه كامت تبجي خطيه وطول ١٤ يوم مخلوني اتحرك غير للحمام وجانت امه بنفسها تشرف عليه جنت ادعي من الله يصير موو لخاطري لخاطر هشام وامه لان فعلاً حسيت بمعاناتها وصلت مرحله حتى هدومي هي تبدلها في سبيل مااتحرك ودوم لازمه السبحه والقران وتدعي ١٤ يوم عشناهم بتعب وخوف وقلق وبيوم التحليل هشام مأجه ويايه مكدر يحظر من الخوف ورحت اني وعمتي وعمي وطلعت النتيجه حامل ذاك اليوم والفرحه الي بعيونهم لو الف وصف ميوصف ذره من فرحتهم وحتى المركز الي سويت بيه طفل الانابيب والدكتور المشرف كال هااي من الحالات النادره لان حتى من زرعوه كانو مأيسن لضعف خصوبه زوجي

وامه خابرته واول موصلنا الهلاهل مال البنات وعمي وعمتي لازميني منا ومنا تكول اميره اني جنت ابجي على فرحتهم ودخل هشام ويمكن هاي اول مره يبجي حتى كدام اهله وبقى يبوس بأيدي وراسي بس ميكدر يشيلني يخاف هههههههه ومن التعليمات لازم مااتحرك اله عند الضروره وهو ميتقربلي وهذا احلى شى هههههه اضحك عليه يريد يبجي لان يبوسني ويشمني ويكول حرام والله حلالي ومااكدر اضوكه واني اموت ضحك وصار الكل بالبيت داخل انذار لخدمتي لحد مااولد واني السبحه متنزل من ايدي اريد حملي يتم بخير
هشام يطب ويطلع يبوس بطني ومرات يتحارش وينسى نفسه ويتمادى واني اسوي نفسي تأذيت وبس اكول اااخ يطفر للحايط واني اضحك وهو يكول دجيبي وكومي بالسلامه اله هاي الاشهر كلها اطلعها من خشمج اصبريلي
ود.. لتخاف اني اطلعها ههههههههه
هشام ... يمه من فدووه لزوجتي الي انحرفت من وره الحباله
ود.. ههههههه اموت عليك

غيث .
سنه 2016 السنه الي غيرت هواي من حياتي وشخصيتي ونظرتي للامور
شهر الواحد ساعه ١٢ بليل والجو بارد ومطر قوي باوعت من الشباك واتذكرتها جانت كل متمطر  تطلع بالسطح بنص المطر تكمز مشفت نفسي غير ساد البرده ورجلي تاخذني للسطح فتحت الباب وطلعت رفعت راسي والمطر ينزل بقوه والجوو بارد مديت راسي وتذكرت اول مره شفتها تكمز بالمطر

جنت اسولف وياها ونضحك جان تعيط
موج .. غيث مطرت
غيث .. واذا
موج .. رايحه اطلع بالمطر
غيث .. ولج خبله بارده تتمرضين
موج .. معليه معليه اريد اطلع شايف شكد احب المطر
غيث .. امواجي حبيبي الجو بارد وتتنكعين وتتمرضين وصدرج موزين عليه اكعدي راحه
موج .. ماااا لازم اطلع حباب
غيث .. الله مطولج ياروح حبيبي وين طالعه ودنيه ليل ليش تخليني اعيط عليج واصير اعصاب
موج .. غيرثي طالعه بعد مااكدر
غيث .. ويين
موج .. لوو موتعيط لوتگلب الدنيا لازم اطلع اعشقه للمطر طالعه بالسطح شويه واجيك
باي حبيبي

غيث .. مووج مووج اليوم اله اشعل اهلها شون متسمع كلام وفوكاها اتسد التلفون بوجهي وطلعت ركض للسطح مالتنا ومديت راسي الحايط البينا ناصي من اوكف على طولي اشوف كوولشي صاير عصبي عليها واذا الزمها يمكن اشرب من دمها من وصلت وشفتها صفنت اباوع عليها مثل الطفله لابسه دشداشه بهاري لاشتائي ولا صيفي وردي لونها والربطه لافتها بأهمال وحافيه وتكمز منظرها صدوك يضحك وبنفس الوقت حلوو محسيت بروحي غير اصفن على حركاتها وابتسم وانسى عصبيتي واني اشوفها رافعه راسها للسما وتمشي حافيه وتفتر وقطرات المطر تنزل على كل مسامه بيها وكأنها تغني على جسمها اروع موسيقى حسيتها طفله وفرحانه

كتلها حتى وانتي جوه المطر تخليني اتخبل عليج ولو بيدي اگلج
موج .. انداريت وشفته كدامي خجلت وكفت من الفر وتمشيت خطوات هادئه جوه المطر وصلت يمه ويفصلنا الحايط
شطلعك شوف نفسك كلك مي

غيث .. على اساس انتي كولج شربت هم نفسي شى وجان الزمها من اذنها
موج .. ااااخ ااااخ اذني على كيفك
غيث .. انتي شون متسمعين كلام واطلعين وفوكاها تسدين التلفون بوجهي
موج .. والله احب المطر وانت تريد تمنعني عنه
غيث .. غير اخاف عليج شوفي مره ثانيه اشلعهن الج اذا مسمعتي الكلام افتهمتي
موج .. ااااخ غيث والله اذوني العفوو
غيث .. اباوع عليها دنجت وبرطمت مثل الجهال وجان اطكها بضحكه
موج .. تضحك عليه موو يله بااي
غيث .. وجان الزمها من ربطتها وسحبتها
موج .. ااااخ شبيك شجاك
غيث .. تعالي
موج .. غيث اكعد راحه
غيث .. شكد تفكيرج وصخ مااسوي شى
موج .. غيوثي تعلمني بسوالفك
غيث .. مااسوي بس تعاي موو صرت مي
موج .. هاااا .. بيج قصص غزوان علي
غيث .. قربت راسها الي وبسته اني كوولش احبج وروحي بيج واخاف عليج حتى من الهوا اذا لمسج ولج اغار عليج من هاي القطره اذا نزلت على جسمج

موج .. واني هم احبك كولش والمطر وياك هلمره اله متعه خاصه وصار بيه ذكرى تجمعنا

غيث ..وماكو يوم متمطر مراح اتذكر هذا منظرج والتكمز وحافيه والسنه الجايه بحضني ونكمز سوه
موج .. ابتسمت بخجل اروح ادخل
غيث .. امواجي
موج .. هاا حبيبي
غيث .. وحق هذا المطر اتنفسج
موج .. گلبي دك سريع ونزلت اركض
غيث .. بقيت اباوع عليها من نزلت خجلانه وشفت نفسي انكط من كل جهه اشتعلو اهلج راح اتمرض

رجعت من ذكرياتي ويااها وانتبهت هي ماكو تمنيت اشوفها هسه بدشداشتها الورديه وتكمز مثل الطفله بالمطر وعبالك تكمز على گلبي متحملت كل الي دااعيشه بدونها وكعدت بالكاع وانتجيت على الحايط الي جان يفصل بيني وبينها ورفعت راسي للسما والمطر ينزل على وجهي بقوه ويه كل قطره مطر تنزل دمعه اشتياق الها  وبنفس الوقت اعاتبها لان عافتني

اسيل .. كعدت من النوم ادور على غيث ماكو هذا وين راح نزلت جوه هم ماكو باوعت باب الصاله والمطبخ مقفولات من جوه معناها موو بره رديت صعدت شفت باب السطح شوي مفتوح وديجي هوا بارد منه تقربت من الباب حتى اسده لان الجو بارد لمحت غيث كاعد بنهايه السطح ورافع وجهه والمطر ينزل عليه بقوه استغربت وضعه ردت اطلع اشوفه شبيه الجو بارد ومطر سمعت شهكته رجعت وبقيت واكفه بالباب واني اسمع شون يبجي واخيراً ياغيث صارلك سنه صامد متبجي اول سنتين  جنت اشوفك تلوب عليها وترجف وادور عليها مثل المخبل وحتى مرات اشوفك شون ادمع عيونك من تتذكر شى يخصها  بس بعدها مااعرف شنو الي صار وخلاك تهدأ ومتجيب طاريها التقيت بيها سمعت عنها شى مااعرف بس طول هاي المده وانت صامد واليوم انهاريت متحملت اكو شى قوي رجعك الها

اني وصلت لمرحله حتى من اشوفه يفكر بيها مااهتم لان الي عشته ويه غيث خلاني على يقين بأن هو مراح ينساها بيوم واني مااريد ادخل بمعركه خسرانه وخاصه اعرف هي  بعيده عنه وراحت لكن مع الاسف بداخله موجوده واني مكدرت اغير داخله لهذا عفت الامور على وضعها

موج ..
غطيت علاوي وسمعت صوت المطر القوي ابتسمت اني هنا مااكدر اطلع بالسطح بنص المطر لان هواي بيوت اطل على بيتي ومنطقه مكشوفه زحمه هسه كل حركه محسوبه عليه بس اني ضعيفه كدامه وخاصه اذا مطر قوي فتحت باب المطبخ بين باب الشارع وباب المطبخ مساحه تقريباً متر وكفت والمطر ينزل على وجهي ورفعت وجهي للسما وابتسم احس من اسوي هيج يصير هدوء بداخلي وكأن كل حبه مطر تغسل روحي وعذابي والامي من اني وصغيره هيج اسوي بس كل فتره من عمري بمكان وهسه بيتي غمضت وتذكرت اخر مره وكفت هيج وكفه قبل ٣ سنوات ونص وكلام غيث فتحت عيوني وابجي ياترى تتذكر هذا الموقف لو لا كتلي ماكو بيوم تمطر مراح اذكر خبالاتج والتكمز بالمطر حافيه بس مرت سنين غيث ومكمزنا سوه  اكيد وبهذا المطر اذكرتني اكيد غيث
اشتاقيتلك كولش اشتاقيتلك حبيبي

وراها بكم يوم اتصلت مروه وتالي وياج اني موو كتلج لتخابرين بعد زعلانه عليج
مروه .. والله همه جبروني واخذو تلفوني  مني جم مره كتلج وانتي ممصدكه
موج .. شمدريهم تخابريني
مروه .. غير امج من فرحتها حجت كولشي وتالي وياج هسه صار ٦ اشهر يتوسلون بيج حتى ترجعين وانتي قافله
موج .. والله لو العمر كله شبيج من كل عقلج ارجع
مروه .. ماعلينا المهم اليوم اجتي صابرين
موج .. حمااتي
مروه .. اي سلمت وكعدت ويه ماما وسألت عليج وكالت امنيتي احجي وياها
موج .. والله اني هم بس اخاف ليوصلولي عن طريقها
مروه .. شون يوصلون وهو بس تلفون جان وصلنا احنا راح ادزلج رقمها برساله لان مغيره القديم وانتي شوكت ميصير عندج مجال خابريها

اخذت الرقم واتصلت
صابرين .. مدااصدك واخيراً
موج .. شونج گلبي لوتعرفين شكد اشتاقيتلج
صابرين .. لوو مشتاقه جان خابرتي
وبقينا نتعاتب ونحجي ساعه كامله وحجيتلها شغلات بسيطه على الي مريت بيه بس مذكرت المناطق وكتلها اشتريت مشتمل بفلوس الذهب صدوك شخبار دنيا..
صابرين .. يمعوده بس المصايب وراها يوميه عركه ويه عيالها ومصيبه جايبه لرجلها لحد مامات ابويه
موج .. اي سمعت الله يرحمه لعمي جان خوش رجال والله شاهد كل خميس اسوي ثواب بسيط واطلع على روحه لان صدوك جان ونًعــٌٓمُٓ الاب اليه
صابرين .. وره مامات دكت رجل الخاتون تريد ورثها امي حاولت تفهمها مافاد اله اخذ ورثي وطلعنا قسام شرعي وهاي الشغلات بس الصراحه جان المفروض امي ودنيا ياكلون حقج وحق على بالورث
موج .. هسه اني طبني مرض مااريد شى بس هذا حفيدهم ويتيم شون الهم گلب ياكلون حقه

صابرين .. موهاي المسمومه والله حرامات اكول اختي حجت بعقل امي وشون نطي ورث اخاف موج تاخذه منه يبقى يمنه اضمه اله من يكبر ياخذه احسن مما تضيعه على الزلم الغربه
موج .. شكد حقيره دومها تكرهني وتاالي
صابرين .. الي خبل الكل سوايه ابويه
موج .. شسوه
صابرين .. وره منهزمتي كعدت ويااه وحجيت كولشي وخطيه كام يبجي جان الحجي مالته ثكيل بس ينفهم
وطلب مني اخذه يمي وتعرفين بذاك الوقت امي ادور عليج ومتهستره اعصابها اصلاً مالها حيل تفكر بيه واخذته ويايه وبعدها بيوم طلب مني اني وزوجي نشوفله محامي
موج .. شيسوي بيه
صابرين .. كام ابويه سجل البيت بأسمج وبأسم علاوي مناصفه بيع وشرا
موج .. صدوك تحجين

صابرين .. وامي ودنيا عرفوا بعد مرادو يسون القسام والله لايراويج لعبن لعب
كتلهن عدكم الكياعين ومحلات ٤ ومزرعه وسيارات اثنين مكفتكم تالي اخذت دنيا حصتها واشترت بيت بالشمال وكل فتره تنزل لأمي وامي عايشه وحدها بس بعدها اعصاب ومتنجرع ودوم تتوعد بيج
موج .. مستحيل اخذ هذا البيت
صابرين .. موبكيفج هذا حقج وحق ابنج وعافلج رصيد بالبنك
موج .. فوكاها

اي ٢٥ مليون بأسمج انتي وكال اكيد غصب عنهم ورث علاوي بالاخير يرجعله بس اقلها أمن مستقبل موج وابنها
موج .. مااريد اي شى بس خلي امج تكف مني
صابرين .. والله ياام علاوي بعد كل الي صار لوتطلع نخله براسج متعوفج وخاصه هي تكول لازم ارجع علي
موج .. شسوي انهزمت لأخر الدنيا ومعافتني
صابرين .. اني الي عليه كتلج وامانه والدي كتلج عليها وانتي براحتج

موج .. بقيت افكر ماادري افرح لو ازعل
واباوع على ابني الي كام يمشي ويسولف ودخلته روضه وعايشه ويااه حياة هادئه مااريد عمتي ادمرها وين اروح وين انطي وجهي منها

اسيل .. حبيبي
غيث .. هاا عيني كولي محتاجه شى
اسيل .. اريد اروح ويه شهد للسوك محتاجه غراض
غيث .. روحي بس لتتأخرين صدوك شخبار اخوج
اسيل .. زين اخابره بين مده ومده
غيث .. هم راد منج فلوس
اسيل .. هاااا لا مراد
غيث .. اسيل تعرفين بيه اقراج راد موو
اسيل .. اي وكتله مااكدر
غيث .. رحت فتحت الخانه مالتي وطلعت منها هااج

اسيل .. هاي شنو
غيث .. هاي ١٠ ورقات حوليهم اله
شخبار اخوج سيف
اسيل .. زين وشغله ماشي
غيث .. اذا يحتاج شى كوليلي
اسيل .. حضنته تسلم گلبي

غيث ..
انطيني ايهومي ابوسه حبيب ابوه ورايه طلعه مستعجل اني شلته حسيت النفس ماكو اريد اتنفس اختنكت والدنيا افترت بيه والالام تفوق الوصف بحيث شمرت ايهم على اسيل وعطت اااااااااخ الحكولي

اسيل ..ركضت ومرعوبه واني اشوف غيث كاعد تطلع روحه عمووو زيد الحكوو غيث يعيط متأذي
زيد.. شبيك غتوو شبيك
غيث .. كوه احجي واجر النفس الحكلي مدااتحمل الم ديكطع مصاريني وراها وكعت محسيت غير يركضون بيه بالمستشفى

زيد.. ننتظر الطبيب تأخر شديسوي لخاطر الكعبه
شهد .. على كيفك صوتك منا العالم
مكعد تشوفين وضعنا غير يطلع
شهد .. هسه ان شاء الله خير
وطلع الدكتور وركضنا عليه
انت ابوه
ابو زيد.. اي شبيه غيث طمني فدوه
الدكتور ..انت تعرف بأبنك بأن الكليه اليمنى مالته تعبانه
ابو زيد.. من جان صغير كالولنا تعبانه وتشتغل نص كفاءه بس بعد كم سنه حللنا اله وره مراجعات واطباء كالو وضعه تمام
الدكتور .. قبل كم سنه هذا الحجي
ابو زيد.. اكثر من ١٠ سنوات
بله هذا هم وضع ياحچي ابنك الكليه اليمنى مالته شبه متوقفه والحمل صاير على الكليه اليسرى وهم بدت تنتهي بسبب الاهمال وضع ابنك خطير
زيد.. شون يعني
الدكتور .. ابنكم يرادله زرع كليه بأسرع وقت واله حياته بخطر لازم تستعجلون
شهد .. عمي كعد بالكاع ويبجي وزيد انتهى واسيل تبجي همزين عمتي بقت يم الجهال جان شخلصنا الصدمه للكل ومنعرف شنسوي
زيد.. دكتور يصير احنا نطي
الدكتور .. حسب التحاليل وتطابق الانسجه حللو ونشوف منو يطابق بس لازم بأسرع وقت كدامه ايام بسيطه واله راح تفقدون ابنكم
زيد.. لا دكتور اخذني اني اتبرع
شهد صارت ضجه والكل يبجي دخلناعليه فتح عيونه بس تعباان كوه يجر النفس
غيث .. هااا شكال الطبيب راح اموت
اسيل .. اسم الله حبيبي لتكول هيج
غيث .. وهذا البجي مالتج شنو اسوله حبيبي لتخافين
زيد.. اخويه بطل ومراح يصير عليه شى
غيث .. ابويه وين
زيد.. كاعد بره . كروب قصص غزوان علي
غيث .. شنو حالتي زيد شنو الي خله ابويه حتى ميكدر يدخل يشوفني
زيد.. مابيك شى حبيبي
غيث .. احجي شبيه وكمت اكح مااكدر احجي بقوه
شهد .. على كيفك غتوو انت تعبان مومال عياط
غيث .. لعد ريحوني وكولولي شبيه
زيد.. يرادلك زرع كليه
غيث .. لهاي الحاله الكليه مالتي منتهيه
اسيل .. هسه نلكه متبرع گلبي لتخاف
غيث .. درت وجهي على شباك وشعور بين الخوف من الموت وبين الرغبه بالحياه بين التفكير بأهلي وابني الي مشفته يكبر كدامي صار صراع بداخلي ومشاعر مضطربه

شهد .. بقينا ايام نروح ونجي للمستشفى عمتي من عرفت خاف جان عايزها قهر المسكينه كملت وهذا الي كسرها لان هذا المدلل مالتها هذا حبيبها غتو وبدينا واحد واحد ياخذون عينات منه عسى ولعل تطابق الانسجه ويااه ونكدر نسويله الزرع بأسرع وقت عمي وعمتي ميصير لان كبار بالعمر اخذو مني جنت مستعده انطي لان يستاهل غيث عم جهالي وعشت سنين وياه ويعتبرني اخته ومأذاني ودوم مراعي الله بيه لهذا گلت لخاطره ولخاطر زيد اتبرع وفحص زيد واسيل وبنفس الوقت سوه اعلان زيد عن متبرع للكليه بمبلغ مالي ضخم بلكت يصح ونلكه متبرع ايام صعبه وكل ساعه تمر موو من مصلحتنا ولا مصلحه غيث وضعه

غيث .. احس بتعب وضيق نفس طلبت من اسيل تجيبلي ابني اشوفه اخاف اموت وماشايفه ولا اشم عطره قربي اريد ابوسه
افييييش ياحبيب ابوك
اسيل .. ان شاء الله ترجعله بصحه وسلامه
غيث .. وصيتج ابني اسيل اذا صار شى ديري بالج عليه
اسيل .. لتحجي هيج عفيه
غيث .. لتبجين هذا امر الله كولشي بأيده اني مأمن الكم حياتكم مراح تحتاجين احد بيوم بس لتعوفين ابني يتربى بعيد عن جده وعمه
اسيل .. كاافي فدوه ارحمني
غيث .. وانتي هم انتبهي على نفسج وابريني الذمه اخاف اذيتج بيوم
اسيل .. حبيبي اسكت والله راح تصير زين
غيث .. الله كريم روحي للبيت لتتأخرين مااريد ايهم يبقى بالمستشفى كلها امراض
اسيل .. ماشي حبيبي هسه شوي ونروح بست راسه وطلعت وطبت شهد

شهد .. دخلت على غيث وكعدت كباله وكعدت اسولف ويااه ولأول مره اتجرأ واكوله تدري بلحظه من اللحظات حبيتك
غيث .. اني هم احبج
شهد .. ههههههه لا موو مثل حبك من نوع ثاني
غيث .. انصدمت بكلامها
شهد .. لتنصدم اي صارت مشاعر خاصه اتجاهك وجان سببها الشيطان والحمدلله مغلطت لابحقك ولا حق نفسي
غيث .. ليش هيجي حجيتي لان راح اموت
شهد .. لا اسم الله متموت دااحجيلك هذا الشى حتى اوصلك فكره بأن مرات البشر تجرفه شغلات بعيده عن حياته وراها يصحى على نفسه اني جاي اعتذرلك لان موكفت بيوم بجانبك علمود موج وصرت ضدك
غيث .. ااااااه ياشهد امنيتي اشوفها قبل مااموت
شهد .. لا متموت وتشوفها غيث انت اخويه وغالي عليه اريدك متزعل مني
غيث .. مخبله ام صوت المزعج ماازعل والي كلتي نسيته وراح من بالي انتي اختي الجبيره ومرت اخويه ومزعلان منج ابد بس ديري بالج على زيد تره يحبج
شهد .. واني هم احبه

اكوم اشوف اسيل وين وارجعلك

غيث .. بقيت اتأمل الاشجار والهوا عالي وتتحرك بقوه ويه كل حركه لحظه من عمري تروح اصعب لحظات من تحسب الدقايق لحياتك ومتخاف تنام لا متكعد

شهد .. طلعت ادور على اسيل حتى اخذها ونرجع للبيت الجهال بقوا وحدهم سمعتها تحجي ويه اخوها لا مستحيل حجيك صحيح مااتبرع
شهد .. اكوو شى اسيل
اسيل .. يله اروح اني بوسلي جهالك مع السلامه
هاا ام حسن نروح
شهد .. شبيج موو على بعضج
اسيل .. الصراحه اريد اكولج شى وماكو غيرج يحل هاي الشغله اليه ومستحيه كولش

شهد .. احجي
اسيل .. اني مااريد اتبرع لغيث بكليتي
شهد .. عيدي مفهمت
اسيل .. ممستعده انطي وحده من الكليه مالتي لغيث
شهد .. فتحت عيوني من الصدمه يمكن اخر وحده اتوقعها تكول هيج هي اسيل
اكيد كعد تتشاقين
اسيل .. لا والله مااشاقه اني من حقي ارفض
شهد .. بس هذا زوجج وابو ابنج
اسيل .. اني مااكدر اجازف بحياتي تعرفين اذا صار بيه شى وهو غيث هم يصير بيه منو يبقى لطفلنا اقلها واحد من عدنا يبقى وبيه صحه
شهد .. هذا مو كلامج انتي تحبيه اسيل وتوقعت تفديه بروحج
اسيل .. اي اكيد احبه واموت عليه بس
شهد .. بس شنوو اني اعرف تعليمج على كدج اعذريني يعني بس تره هوايه اكو ناس عايشه بتك كليه ولسنين
اسيل .. مااكدر اجازف اني عندي طفل واني موملك نفسي

شهد .. يعني بربج مقتنعه بكلامج هذا اني مستعده انطي في سبيل يعيش وانتي زوجته والمفروض تموتين عليه عادي عندج اذا مات
اسيل .. اكيد لا موو عادي لان اعرف عمي مراح يعوفه ولا زيد واكيد راح يلكون متبرع اذا دورو زين وزيدو المبلغ
شهد .. بقيت فاكه حلكي ومااعرف شحجي والحظ المصخم طلعت اسيل الوحيده المطابق الانسجه مالتها وكلياتها اثنينهم ممتازات اجه زيد والفرحه ماليه وجهه ومكيف لان طلعت اسيل مطابقه جان ادنج وتكول بلكت الله يجي متبرع اني ممستعده حاليا
زيد.. شنوو ممستعده ولج اخويه ديموووت وانتي تكولين ممستعده

يتبع .....