مساء الخير ع اجمل متابعين اتمنى لكم قراءه ممتعه
🌹🦋 البارت 10 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
حسيت بنفسه قريب عليه
جسمي كام يرجف مااعرف خوف لو ارتباك مااعرف
همس باذني اني مو شرطت عليج
ممنوع تسويلي اغراء
ارتبكت حيل مااعرف عن شنو ديحجي
حاولت ابتعد عنه وسحبت نفسي ردت اطلع
سحب ايدي وكلي
وين تردين ترحين بدون جواب
كوه اكدر احجي ويا
حيل انرعب منه
كتله ماادري عن شنو دتحجي
كاعد تسوين نفسج غشيمه عود
اني مو كتلج ممنوع تسويلي اغراء
بس اني مااعتقد كاعد اسويلك اي شي
لعد شنو معنى دشداشتج الخفيفه الي مبين جسمج كله منها
لو هذا صدرج الي طالع
لو قفلتي البيبان اثنينهن
حتى عود تعال اتقرب ماعندي مانع
انتبهت ع صدري صدك الدكمه مفتوحه من رضعت ابني
وطالع صدري
بس مامنتبها ابد
كتله والله مامنتبها ابد جنت ارضع بابني ويجوز نسيت اسد الدكمه
والباب سديته لان اخاف يطلع نضوري بالحجله ويوكع
بس اني اكول مو ناسيه
متعمده اطلعين صدرج
عبالج انغر بسهوله بيج
خل يكون بعلمج حتلو اشوفج بدون ملابس كدامي
هم مااتقربلج ولا اعترف بيج زوجه الي
تعرفين ليش
لان انت وحده رخيصه وأسلوبج بعد ارخص
لهذا السبب انصحج نصيحه لوجه الله
ابتعدي عن هاي كلاواتج
وابتعدي عني نهائي
ولتعيدينها مره لخ لان راح اندمج والله
لان اعرف نواياج كلش زين
مكفاج مروان تردين تضحكين عليه عبالج اتقشمر
وحدتجن مترهم بدون متنام وي رجال
ومو اي رجال
اذا عنده بيت ومنصب وراتب
وانت وحده فكر بنت فكر اهم شي عندج الفلوس
دموعي يجرن بدون مااسيطر عليهن
والله ميهمني اي زواج ولا يهمني اغرك
كل الي يهمني ابني وبس
اتمنى اطلكني حتى انت ترتاح واني همين
اخاف تزعلين
مااطلكج بمزاجج
شوكت ماامل منج عود اطلكج
اخذت ابني وصعدت
حيل ضجت وانهضمت
الشي الوحيد الي ينسيني همي هو ابني حبيبي
بقيت العب بي واسولف ويا
لك حبيبي امك ماعدها حظ بالدنيه ابد
هواي انظلمت
وضلمها من اهلك انت
بس تتمنى انت تطلع عندك حظ
ولو لو عندك حظ جان متيتمت وانت بعدك مجاي للدنيه
بقيت فتره وسمعت هوسه اكيد رجعوا
اجتي نور صاحتني كلتلي تعالي يردونج
منو اليريدني
عمه ساره وعمه بنين وبيبي
وحتى بابا
لو يطيح بيدي ماانزل وهذا الغثه هنا
دزلي مسج قبل لاانزل عود اوصيج
هم انزلي بدشداشتج الخفيفه حتى اشككها عليج
وهالمره ارضعي ابنج فرد مره كدامنه
مو بس تفتحين الدكمه لتستحين لان عادي ماكو اشكال
احنه عائله منفتحه
قريتهن بس مدزيت شي
حيل ضوجني
ابد ماعنده اسلوب
وحيل مغرور واناني مبين علي
اباوع ع دشداشتي والله ثخينه ولابسه جواها همين
بس مااعرف لويش هيج يسوي
لبست دشداشتين سويه
صحيح طلعت مبهذله بس مو مهم
اخذت نظوري ونزلت
لكيته المغرور كاعد ولا كانو شي صاير
يباوعلي من فوك لجوه بطرف عينه 👈😏
معاجبه الوضع
كللي البنات تعالي شوفي شجبنالج
همست بإذن فاطمه
لعد ليش مصعدتيهن لفوك
لج الحكومه رفضت كال مو خدامات الها هي تجي وتاخذهن
كعدت واجاني مسج
اي لون صارخ ممنوع
يعني احمر وردي جويتي بنفسجي
تراكات ممنوعه
واي شي مغري ومثير ممنوع
لتنسين وياج شباب
هسه تكوليلهن بدلنهن ماالبسهن
لان معجبني ابد
طلعن الملابس
اباوع الملابس كلهن نازكات وحلوات بس الالوان مشكله
وحده لون احمر وحده لون جويتي وحده لون بنفسجي
وجايبات تراكات وبرمودات
استحي اكولهن ماالبسهن عيب منهن
احتاريت بينهن وبين الغثه
كتلهن شكرا وعاشت اديجن ذوقجن يخبل
باللحضه دزلي الظاهر عجبج تعانديني
وحق ربح اذا لبستي من ذني اله أمزكهن عليج
واذا باجر مانازعته للاسود اله ادفنج عدله
بقيت محتاره شلون بيه
شاسوي عيب من البنات اكلهن معجبني
جايبين وياهم اكل من بره
الي واله
كالت خاله تعالو اتعشو
هو كعد ولا كانو مأكل
اني شهيتي للاكل مو شي
ودائما اتبع حميه مااحب وزني يزيد
كلتله فاطمه معقوله لهسه مماكل
لاوالله اتعشيت بس مو طيب ع اعصابي أكلته لان جوعان
عابت الك وللي سوتلك كتله بكلبي
هاي فوك ماسويتله هيج يحجي عليه
كلتله فاطمه حيدر لتجذب
طبخها لزينب يخبل
دسكتي احسنلج اخاف تتخبلين علينه
وين نطي وجهنه بهالليل
صاحوني كتلهم مااشتهي العصر اكلت
كام يضحك امير
مأكله العصر وتردوها هسه تاكل
استغفر الله وين صايره
كاموا يضحكون
كلي تعالي بابا اكلي هذا الحجي ميفيدج
اهم شي بطنج
ميفيدج المستحه
لاوالله صدك مااشتهي
واني بالليل مااحب الاكل الدسم
كللهم والله انتو بطرانين
دعوفوها الاكلت والمااكلت يطبها مرض
كله عمو اسكت حيدر لتخليني احجي
البنيه مرضع وميجوز تبقى بدون اكل
لعد شنسويلها نبقه نتوسل بيها
يجوز ممتعوده ع الاكل الجاهز ومعجبها
حجاها باستهزاء
كتله بكلبي والله لو تدري اني شنو جنت محجيت هيج
كعد عمو وسوالي لفه كلي لازم تاكليها كلها ع مود ابنج خطيه
اخذت اللفه واخذت ابني والملابس وردت اصعد
صاح ورايه وين تردين
تعالي سويلي جاي وخل اكمل وشيلي الاكل وياج
لعد المن ماخذج غير تخدميني
حيل عصبني بس المشكله مااكدر احجي
كالت فاطمه روحي اصعدي اني اسويله الجاي واشيل الصينيه
كتلها ماكو داعي بس اذا تكدرين اخذي نظوري مني
اخذته واخذت العلاليك وصعدت
رحت للمطبخ سويت الجاي
واخذت مي اله خاف يريد
بديت اكل باللفه
اجه للمطبخ غسل
هز ايده
بعد عليمن تحجين وتكولين مااشتهي
سكتت لان شاجاوبه
اني جهزت جاي للكل
راح اروح لبيتي جيبيلي الجاي لهناك
كلبي كام يرجف اكيد عنده شي ويايه
اخذت الجاي للكل
كلولي اهم شي روحي ودي لحيدر
لان الظاهر العصبيه صاعده عنده فول
اخذت الجاي ورحت لبيته
دكيت الباب كوه يله فتحها الباب هواي طول
طلع بملابسه الداخليه وشعره مبلل
الظاهر جان يسبح
ادخلي وسدي الباب وراج
جسمي كام يرجف حيل خفت
وجانن عيونه حمر
دخلت بس ماسديته الباب
دخلت ورا بس امشي بطيئ
الصينيه بيدي كوه مسيطره عليها
يمكن نص الجاي وكع بالصينيه
كعد بالصاله
كلي انطيني الجاي
انطيتهيا
لج شنو هاي انت ثوله كلاص واحد مدبرتي نصه واكع
سكتت راد يشربه كتله رايد شي بعد لو اروح
اصبري
شرب اول شربه وجان يذبه من حلكه بوجهي
لج شنو هاي جايبته بارد ثلج
شنو انت هم حاسبه نفسج ع النسوان
كلت بكلبي طبعا يبرد اذا جبته من مطبخهم لهنا واكثر من ربع ساعه يله فتحه الباب
كتله مو انت مفتحت الباب
بعدني ممكمله صاح بيه
بله لغوه روحي جيبيلي غيره حار وبسرعه
بس خلي الباب مفتوح
دروحي فضيها
هالمره اديره فوك راسج اذا بارد
حيدر : بديت اتعشه وكاعد اراقبها بدون متحس عليه
بدت توكل بابنها
من كملت وهي هم كامت اخذت المواعين من كدامي
لاحظت الدكم مفتوحه من جهة صدرها
اكيد ابالها شي
وبعدها قفلت الباب الخارجي مالت المطبخ والثاني الداخلي
اني الصراحه راح بالي لبعيد
اتوقعت متعمده تسوي هيج
اتقربت الها وحجيت وياها بقسوه
لان اني الصراحه مجان عندي ثقه بيها ابد
هي سوت نفسها متعرف شكو
وع اساس اتفاجأت
بس اني اعرف أمثالها كلش زين
بعدها اخذت ابنها وصعدت
اني ضجت من الاسود مااعرف لان اللون حلو عليها
لو لان لهسه لابسته وتتظاهر اتحبه لمروان الله يرحمه
بس هسه بديت اقلق اكثر
هاي اذا لبست لون صارخ شراح يكون عليها
هي بشرتها حيل بيضه
اكيد الالوان الصارخه مثل الاحمر والوردي والبنفسجي حلوات عليها
مااريد اي شي تلبسه مغري
لان اخواني ويانه وهي مو راحه
بقت فوك واجوي اهلي
جايبات هواي ملابس
طبعا مااعرف منين الفلوس ولاسالت ولايهمني
دزيتلها مسج وخبرتها برايي
بعدها نزلت وضوجتني
ولاكانو وصيتها ع الاللوان
يابه قسما بالله بس تلبسهن اله امزكهن عليها
الكل كاعد يتوسل بيه ع مود تاكل
ادري بيها متستحي
مستحيل الي نفسها تفكر بمستحه
ردت احجي وياها ع انفراد
مااريد كدام اهلي
لان متاكد يدافعون عليها
مااعرف شمسويتلهم وهيج الكل يحبها ويدافع عنها
رادت تصعد ومقبلت لان اريد احجي وياها
كملت وخبرت اخواتي كتلهن راح اروح لبيتي
خل تجيب الجاي ورايه
وهي هم خبرتها
رحت للبيت ونسيت دخلت للحمام
سبحت ع السريع وجان الباب خبصني خبص
عرفتها هي
لان الكل يدخلي كبل للبيت
اتذكرتها تجيبلي الجاي
كتلها ادخلي وسدي الباب
اكيد راح تفرح بداخلها
عبالها عندي شي وياها
اتعمدت ملبست تراكي بقيت بملابسي الداخليه
عقلي يطير من الجاي البارد
من اشرب الجاي كون يجوي لساني
احبه يكون حيل حار
اهلي كلهم يعرفون طبعي هذا
اشو هذا الجابته بعدني مشربته
طلع بارد حيل
ذبيته من حلكي بس اجه بوجها
مجان قصدي اسوي هيج صدفه صارت
بس هي فاجأتني ولا كانو
يعني معصبت ولا دافعت عن نفسها
اكيد جابته من مطبخ اهلي وبقت بالباب هواي
شي اكيد يبرد
طلبت منها تصبلي غيره بس اهم شي حار
راحت وره شويه اجتي هم دكت الباب
كتلها فوتي وسدي الباب وراج
جايبه بيدها ترمز
وكلاص بي شكر
عجبتني فكرتها
دائما فاطمه تحصللها رزاله مني من تجيب الجاي لبيتي
لو مرات تسوي بمطبخي
صبته هالمره حار وحيل عجبني
تامرني بشي ثاني لو اروح
لا تروحين اصبري
مو ابني اخاف جوعان
لتخافين عود اذا جاع تنزله الج فاطمه
كملت الجاي اخذت الكلاص مني وغستله
وخلته هو والترمز يمي
كلتلي خلي يمك خاف تحتاجه
عجبتني الفكره واني دائما مشلوع كلبي بالجاي
واحب اشرب جاي دائما
انتبهت ع الباب مفتوح
كتلها الظاهر انت عنوديه وتحبين العناد
ها عن شنو تحجي
اعتقد سمعتيني من كتلج الباب سديها وراج
ها مو اخاف يجي احد
صدك عصبتني
يعني تخافين من احد يشوفج وياي وانت زوجتي
مخفتي ع نفسج من سويتي علاقه وجرجرتي مروان وياج
سكتت
اني جانت عندي ظروف جبرتني هيج اسوي
بلا لغوه زايده انجبي واسكتي
معجبني تحجي شي عن علاقتها بمروان ابد
ثانيه وبعد ليش ماكلتي للبنات مااريد ذني الدشاديش
والله عيب منهن ارفضهن
معناها اكلهن مو حلو ذوقجن ميعجبني
اها يعني تستحين منهن ومتخافين مني
اسمعيني زين
قسما بالله العظيم اذا كعدت باجر ولكيتج بعدج بالاسود
اله اراويج ربج بعينج
وبنفس الوقت ذني كلهن معجبني
اذا لبستي شي منهن متلومين اله نفسج
تكدر انت تجيبلي ع ذوقك دشداشتين بس
البس وحده وانزع الثانيه مو مهم اهواي
شنو شنو ليكون مخلفج وناسيج
لا بابا هذا الحجي ميوالمني
اني اجيب الج شنو تخبلت
حتى بالحلم لتحلمين بهذا الشي
لعد شلون منين اجيب ملابس وانزعه للاسود
مو مشكلتي
روحي كليلهن هسه
ذني بدلنهن لان معجبني
غير هذا الكلام ماعندي
وهسه يله اطلعي بره
محجت ولا كلمه
طلعت وسدت الباب
بقيت اكلب بالفيس لحد منمت
ثاني يوم جان يوم جمعه ابقه نايم يوم الجمعه ل3 لل 4 محد يكعدني
كعدت من النوم تقريبا ب3
دزيتلها انزلي جهزي غدايه
مااريد امي تجهزه ابد خطيه مااهون بيها
متلهف اشوفها راح تعاندني لو لا
واذا عاندت شراح تختار تبقى بالاسود
لو تلبس الاللوان
لكيتها بالمطبخ تجهز الاكل
الاكل مثل الجاي احبه حيل حار
اي شي بارد مااحبه
لكيتها لابسه دشداشه لونها عاقل وعريضه ومستوره
فرحت حيل بداخلي
الحمد لله معاندتني
لان اتخبل من العناد
مااعرف منيلها وشلون حصلت عليها
كعدت ع الطبله
اجتي نور شبكتني
وخليتها بحضني
خلت الاكل كدامي
كتله عفيه بالشطوره الي متعاند لو باقيه بالاسود جان سوددت عيشتج
منطقت ولا بحرف
كلت لنور وين اخوج نظوري
كالت نايم
وانت ليش منمتي
مو عندي واجبات
لعد ليش مترحين تكمليهن
مو متانيه ماما حتى ترتبلي دفاتري
وانت شبيج متعرفين
لا مااعرف اله ماما تخططلي وترسملي
بابا حباب جيبلي طبعات مالت دفاتر صديقاتي كلهن عدهن
تدللين
خلت الاكل كدامي وطلبت من نور تصعد تجهز الدفاتر
حمت الجاي وجهزت الكلاص
دائما اشرب بكلاص اني
كتلها روحي اصعدي قريها لنور
لا خلي لمن تكمل واغسل المواعين واصعد
عفتها ع راحتها
طلعت شويه ورجعت
صبت الجاي وغسلت المواعين واختفت
رحت رجعت نمت
كعدت ع صوت الجهاز
وجان صديقي يخابرني كلي اليوم حضر نفسك عدنه سهره
كتلهم مااكدر لان عدنه خطار
مقبلوا وكالو متكمل السهره اله بوجودنا كلنا
احنه 4 كلنه ضباط
بدلت وجهزت نفسي
رحت لاهلي وجانن البنات كلهن ملتمات
بست راس امي وطلعت كتلهم لتخلولي عشه
راح اروح وي جماعتي
حجت ماما
بس قبل لتروح
نريد نروح للالعاب ناخذ الاطفال خطيه
اي ماترحون منو المانعكم
نريد زينب تروح ويانه لان نظوري هم خطيه
لا طالع ولا شايف
اني عصبت
عوفن نظوري بحاله كله طفل وميفتهم شي
كولن ام نظوري تريد تطلع
لان بعد متتحمل بالبيت
لاوالله ابني هي اصلا ترفض تطلع
بس كلنه اذا انت طلبت منها مترفضلك طلب
خطيه هي وابنها مسجونين قابل
هذا الموضوع ينسد نهائي
وروحه لمروان اذا طلعت من الباب لغير اهلها
راح تكون نهايتها ع ايدي
ومااحب بعد اي شخص يعيد هذا الموضوع
عفتهم وطلعت
نور كامت تصيح ورايه مو تنسه الطبعات
تدللين
رحنه بالبدايه نتعشه بالمطعم
وبعدها نروح للشقه
بقينه سهرانين ونسه وشرب وبنات
للصبح يله رجعت
طبعا مااخلي ابويه يحس عليه ابد
لان ميقبل ويتخبل
رجعت والكل نايم بعده
سبحت وهم نمت
كعدت ع صوت ساره وبنين
كوه كعدني واني حيل نعسان
كالن اليوم اخر يوم النه اكعد خلي نشوفك واتغده ويانه
اذا انتن مكضياتها بس مولات واللعاب
وينجن ووين الكعده
هسه دكعد وعوفك من هذا الحجي
ادري بيهن عدهن شي
جيتهن مو خاليه
احجن من الاخير شكو
ماكو شي سلامتك
تحجن لو اطلعن لان نعسان
حجت ساره
حباب نريد نروح لمركز التجميل خلي زينب تروح ويانه
والله خطيه وانت هم حرام عليك
اهوووووو ع هذا الكلام الي يسمم البدن من الصبح
اني شحجيت وشكلت امس
واله لو تموت ماتطلع من الباب هالساقطه
هاي شبيك ياحيدر
ماالك ثقه بينه
هي ويانه وعينه عليها
سدن الموضوع نهائي
هم خطيه من حقها تنظف وجها تصبغ شعرها
ماعليجن بيها عوفنها بحال سبيلها
ساره سكتت وطلعت وراحت وراها بنين
مااعرف زعلن لو لا
بس مو مهم اهم شي متمد راسها من الباب
رجعت نمت
وكعدت هالمره ب4 رحت لاهلي لكيت البيت هدوء
دزيتله مسج
نزلت باللحضه
سالتها وين البنات وماما
كالت راحن لمركز التجميل
ذكرتيني اسمعيني كلش زين
وهاي اخر مره احجي
ممنوع اطلعين من الباب حتى اذا اني اكلج اطلعي تكليلي مااطلع
ولتبقين كل شويه ودازتلي وحده عبالج اخليج
لاوالخلقج مطلعين من الباب
مره لخ اذا حاجتني وحده تريد اطلعج وياها
احسبي حتى لاهلج بعد مااخليج
بس والله اني مااريد اطلع
هنه بوحدهن اجن وكللك
اخاف تزعلين ميتات عليج ياخذنج وياهن
اكيد انت حارجتهن وطالبه منهن
لاوالله العظيم ماكايلتلهن ابد
دسكتي وانجبي
سكتت مجاوبت بعد
صبتلي غده واختفت
اتغديت وكملت
طبعا طبخها يخبل وطيب بشكل
مميز اكدر اميزه عن غيرها
غسلت ودزيتلها مسج
يعني شلون وياج ابقى ادز مسجات يله تنزلين وتسويلي شي
انزلي سويلي جاي
اجتي حمت الجاي
وصبتلي وخلته كدامي
هاي اخر مره تختفين من اني موجود
تكملين الاكل وتصبين الجاي
يله تختفين من وجهي
وهسه روحي غسلي ملابسي
خليتهن بالحمام
مو ابني نايم بوحده اخاف يكعد ومحد يمه
اني راح ابقى يمه لمن تخلصين لتتحججين
فعلا صعدت يمه وجنت حيل مشتاقله
صاير يفتهم ويصيحلي بابا
كمت اجيبلهم حلويات اله ولنور
صافن بوجها مغمض عيونه
نسخه من ابو مروان الله يرحمه
فرق بس لون العيون
نمت بفراش نور واكلب بالجهاز
كعد يبجي
شلته وبوسته
سكت وبديت العب ويا
فتحت الثلاثه وطلعتله نستله
اكل وعدم نفسه وكمت اضحك ع شكله
بهالاثناء اندك بابا الغرفه
غلست عرفتها هي وجاي تبيع ثكل براسي
عود ع اساس اني استحي ادخل هيج
بقت ادك واني ولا كانو اسمع
فجأه انقطع الصوت
يمكن نزلت
وره شويه
جهازها دك
شفته كاتبه ع الرقم عافيتي
اخذني الفضول ارفع خط واشوف منو عافيتها
رفعت خط وكلت الووو
كالت الوو
جان صوت شابه ناعم
شلونك خاله
هلو خاله شلونج انت
الحمد لله
اسفه اخاف ازعجتك من دكيت
لاخاله تدللين انت باي وقت
زنوبه يمك اني امها
كلت بكلبي انت امها اخاف هي امج
لان مبين عليها زغيره
جوه هسه راح انزله الها الجهاز
من خلال الحجي عرفتها زعيره
اخذت نظوري ونزلنه
صحت زينب .... زينب .....
اجتي تركض
ها نظوري يبجي
لا بس هاي امج تريدج
هي بقت صافنه بوجهي يمكن مستغربه لان رفعت خط
اخذته وكامت تحجي بكل هدوء
هلو ماما شلونج
الحمد لله
بابا شلونه صحته
بقن شويه يحجن
بعدها طبكته
بدت تجهز بالعشه
مطلعه دجاج خلته بالفرن
واجتي اخذت ابنها
كلتلي لويش منطي نستله مو زين علي
اني مااوكله منهن
وليش يابه خطيه حارمته
مو زين علي
لا لتخافين زين علي ومااجيب من هذا المو زين
مااجيب غير الراقي والغالي
سكتت محجت شي
اجن البنات وامي وياهن
ريحة الاكل طلعت طيبه
راحت اتوضت ويمكن صلت ورجعت
بدن يجهزن بالعشه كبه وكباب وصاج مسويه ودجاج شوي
ومسويه مقبلات والله عبالي جاهزه
اجوي زوج ساره وبنين
طبعا ماخذين ميانه ويانه
يكعدون بالصاله يمنه
بدن يجيبن الاكل
اجوي محمد وزوجته وامير همين هنا
اني دخلت للمطبخ كتلها ديري بالج احد يلمحج ويشوفج
اذبحج ع القبله
سكتت
بلشنه نتعشه
فجأه وجان نسمع صوتها
خاله عمو تعالو الحگوني
اني طفرت بلا وعي ركضت للمطبخ
وجان اشوف .......
توقعاتكم حبايب
شبيها زينب وليش كامت تصيح
لتنسون التصويت حبايبي اذا عجبتكم القصه
تحياتي للجميع 😘😘😘
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!