رواية بين الفقر والطغيان الفصل التاسع 9 - بقلم رونق

هلووو حبايبي اجمل بارت لاجمل متابعين وتدللون عليه

اتمنى لكم قراءه ممتعه

🌹🦋 البارت 9 🦋🌹

🌹🦋 بين الفقر والطغيان 🦋🌹

🌹🦋 للكاتبه رونق 🦋🌹

اتفاجات بيها وجانت نفسها البنيه الي لكيته وي مروان

الي اتمنيت انام وياها وحلمت بيها هواي ليالي

وهسه عرفت ليش مروان رفض انام وياها

لان جانت زوجته

جنت امنيتي انام وياها وجنت مستعد كلشي اسوي مقابل ليله وحده وياها

بس هسه وصارت زوجتي وحلالي مستحيل اقبل المسها ابد

بالعكس حقدي زاد عليها

لان مروان الله يرحمه كالي بنفسه وكدامها

هي الي اجتني برجلها واتوسلت بيه

اني مجبرتها وسالها هم جبرتج وهي سكتت

ثبتلي شكوكي بمحلها

هاي فد وحده ساقطه وهي الي تذب نفسها كوه

بوقتها لعنت الساعه الي اتزوجتها بيها

اني شسويت بنفسي

اتزوجتلي وحده ساقطه حالها حال بنات الليل

اكيد مروان غرته بشكلها وقشمرته وخلته يتزوجها

اخذولها الصوره

بعدها كملت ولبست العبايه والبوشيه

اني روحي صارت بخشمي

لعد اني شكد غبي المفروض اشوفها قبل لا اعقد عليها

صارلي 4 اشهر من عقدت عليها واني مشايفها

اكبر غبي اني

حيل وياي شلون اقبل اعقد بدون مااشوفها

مشينه للسياره وجنت امشي سريع لان فقدت

والطفل بيدي

بس هاي الثوله كل شويه وعثرت ووكعت

اخر شي صيحت عليها

مهموني الناس

الكل صافن بوجهي

ووصلنه للسياره وصعدت وانطيتها ابنها

مشيت ع السريع

كمت اصيح عليها

انت مشي متعرفين تمشين كل شويه وعثرتي

بس تعرفين تذبين نفسج ع الزلم

حسابج وياي راح يكون عسير

وصلنه للبيت

هي صعدت كبل اني رحت للغرفه

عقلي وكف معقوله هاي الساقطه تصير زوجتي

لازم اطلكها واخلص منها

ومنتظر لازم ناخذه منها

لان اكيد ابنه لمروان بدون شك

ثبتلي هذا الطفل اكيد ابنه لمروان لان نسخته الثانيه

سبحت ورحت اتغديت

بعدها رحت لبيتي ونمت

للعصر كعدت خابرت جماعتي اتواعدنه بمطعم

تعشينه وخلصنه ورحنه للشقه

شرب ونسوان وونسه للصبح

اريد بس انسى

طبعا بس من اضوج من شي اروح اسهر واسكر

جماعتي متعودين يوميه لو بين يوم ويوم

رجعت الصبح وجان يوم جمعه همزين

بقيت نايم للظهر اجتي امي كعدتني

كتلها فدوه خليني نايم حتى غده مااريد

من اجوع عود اجي اكل

حاولت وياي بس اني رجعت نمت

كعدت لكيت الساعه ب4 حيل جوعان

رحت للمطبخ متعود فاطمه تجهزلي اكلي

بس اشو سنطه ولا نفس بالبيت

نزلت نور اجتي بحضني

بوستها كتلها وي عمه

كالت راحت هي وجدو وبيبي لعمه بنين مريضه

كتلها يعني محد بالبيت كالت اي

دزيت مسج لزينب

كتلها انزلي جهزيلي الغده

مو بس يله اكل ونوم ومكيفه

انقرت لحضات ونزلت

لابسه العبايه واجتي

كتلها خو لبسي فرد نوب البوشيه احسن

كالت مو خاف يجي احد

اها وانت مستحيه ع اساس شريفه وتبيعين ثكل براسنه

روحي اضحكي ع غيري بهاي سوالفج التعبانه

لعد شلون جنتي سافره ولبست فاضح

بس اني ماجنت البس فاضح

اس ولا نفس

مااحب المره الي ترادد افتهمتي

وهسه انزعي العبايه وشوفي شغلج

حمت الاكل وكالت لحضات واجي

صعدت ونزلت

ذابتها للعبايه

طبعا بعدهي لابسه اسود

لابسه دشداشه ردن طويله وعريضه ولافه الشال

طبعا منضرها يجذب وشكلها بي مغناطيس غصبا يجذب الواحد الها

هواي شايف بنات حلوات بس مثل هاي مشايفه عيني ابد

جهزتلي الغده وصبته

كتله ابقي اكمل الغده واحجي وياج

كالت اشوف ابني وانزل

كملت الغده ونزلت صبتلي جاي

كتلها اسمعيني زين وهذا الحجي مااحب اعيده كل شويه

منا ورايح تنزلين لجوه متبقين متخبيه مثل الحرامي

واكيد عاجبج للوضع وين لاكيتها

عند اهلج الفكر

تاكلين وتنامين

منطقت ولا بحرف

هذا لبسج ابد ميتغير كدام اهلي واخواني

وايالج وابالج الكيج وي واحد منهم تسولفين

لان ادري بسوالفج التعبانه

وبالنسبه للطلعه تنسينها

وهسه دزي  نور خلي تجيبلي جهازج

ردت اشوفه بي شي لو لا

راحت نور وجابته

بس العجيب حتى رمز ممخليه بي

كلبت بي اول شي شفت البرامج الي عدها

فيس وفايبر و واتساب

دخلت ع الفيس لكيت صفحتها باسم 🌹ليتني لم اكن 🌹

صفحتها هادئه مابيها صداقات اله معدودين ولا اي ولد

مداخله بكروبات شباب ابد

بس شكم كروب نسائي

دخلت ع الفايبر بس ارقام معدوده

امها وابوها واختها وفاطمه وابويه وامي وزوجة محمد وبنين وساره

ورقم مروان لحد الان مخزنته

كاتبته ابو منتظر

ورقمي موجود كاتبه علي ابو نور

اريد الرمز مالت الفيس

حتى افتحها يمي

كالت راح اصعد يم ابني خاف يكعد

كتلها روحي بس الجهاز خلي شويه وادزه

صعدت

رحت لبيتي

طلعت جهاز عندي قديم مفطوره الشاشه بس يشتغل مابي شي

سويت الفيس ودخلت رقمها

اجتي رساله دخلت الرمز اشتغلت

مسحت الرساله بسرعه

رحت دزيته الها

بيد نور

لليل اجوي اهلي

كتلها انزلي سوي العشه

نزلت ابنها وياها

الكول اتفاجئ

كتلهم منا ورايح تنزل وتخدمكم

اني متزوجتها حتى تاكل وتنام

ابويه كام يحجي عليه

كتلهم لحد يدخل

لو اطلكها هسه

الكل سكت

انطت ابنها لامي وراحت جهزت العشه

بهالاثناء اجه محمد وزوجته

طبعا محد شايفها من اخوتي

لا محمد ولا امير

سلمو واتفاجأو بيها

محمد عرفها ع نفسه

وكعدنه نتعشه

هي رفضت تاكل كالت مااشتهي هسه

اجه امير وجان ينصدم هو الثاني

مااعرف متفاجئين بشكلها لو لان نازله اليوم

معرفت السبب

هم امير عرفها بنفسه

وكام يضحك ويسولف

اني خزرتها

بسرعه اخذت ابنها وصعدت

كاموا يحششون ويايه اخواني

امير كلي لك شنو هاي طلعت هم  حلوه وهم زغيره

محمد كال لك لو ادري بيها هيج صاكه جان اني اتزوجتها

ولا خليتك انت تتزوجها وتشمرها فوك

حيل عصبت عليهم

ادري بيهم حجوا هيج حتى يغيضوني

كتلهم مو مهم حلوه لو لا

اهم شي الاخلاق وهاي اخلاقها استغفر الله

خلوني ساكت يمعودين

لك شبيها والله البنيه ثكيله وهذا واضح عليها

اي طبعا تبيع ثكل علينه حتى تكسبنا

علموني اني بيها

رحت مره لمروان الله يرحمه

ولكيتها ابيته والله حجه عليها كدامي

وكال والله اجتني بنفسها واتوسلت بيه

اكيد هاي السالفه تاليفك

وداعت نور مجذبت

سكتو كلهم

سالت امي ع بنين

كالت زينه صايره لان متسممه  ومتخربطه

بعد يومين للدوام

جهزت نور للمدرسه من كلشي

بده الدوام واني اخذتها بيدي

دخلتها للمدرسه ووصيت عليها المعلمات

والرجعه هم اجيتها

شفتلها خط ياخذها ويجيبها احسن

بدت المدرسه وجانت زينب حيل معتنيه بيها

هذا السبب الي خلاني مااطلكها

وهم نظوري بديت احبه واتعلق بي

كامت تنزل دائما وتجهز كولشي

مرات نروح للمطعم كلنه

هي مااخليها تروح

لان ماالي ثقه بيها

الماسنجر ابد متستعمله

ولا اجتي رساله منه ابد

ماادري هل ياترى درت بيه لو لا

مااعرف يجوز لوتيه وملعبه وحست بيه فتحت صفحتها عندي

نظوري مخبلنه كلنه بسوالفه وبديت  حيل اتعلقت بي

ويصيحلي بابا

اني اتوقعتها هي الي تعلمه

بس طلع حتى لمحمد وامير يصيح بابا

كام يزحف بس يشوفني من بعيد يجي يذب نفسه عليه

كمت اجيبلهم حلويات اله ولنور يوميه

طبعا مو دائما اشوفها لزينب

بس من اشوفها حيل احقد عليها واكرها

ابد متعجبني البنيه الي هيج تسوي

تتزوج بالسر واكيد عدها علاقه قبل بساع

لان اعرف بمروان وسوالفه

بس الي مدوخني شلون قشمرته لمروان وقبل يتزوجها

وخاصتا بالسر لان لو كايلنه ماعدنه مانع ولا انعارضه

بس اكيد يعرف اخلاقها السسز وخاف نعارضه

نور مو هالگد اشوفها

دائما تقري بيها زينب

رحت للمدرسه وسالت عليها معلمتها اجتني

گالت اشطر وحده وانظف وارتب وحده هي

حيل فرحت واكيد يرجع الفضل لزينب

رجعت بيومها حيل فرحان

اني جنت شايل هم جبير لنور لان بدون ام

ومستحيل اكو شي يعوض الام وحنانه

صحيح امي وفاطمه ممقصرات بس مو مثل هسه

والفرحني حيل متعلقه بيها وتصيحلها ماما

لو ما هذا الشي جان طلكتها وخلصت منها

رجعت ولكيت اخواتي بنين وساره

كلمن هي وزوجها واطفالها

دخلت يمهم وسلمت

بعدها رحت للبيت وسبحت وبدلت

اجيت دخلت للمطبخ

طبعا الكل عرفني متزوج بس بدون هوسه لان زواجي الثاني

طلبنا من الكول السريه التامه

محد يعرف بالموضوع بس اخواتي واحنه وزوجة محمد رسل لان البنيه حبابه ومثقفه

اكدنه ع اخواتي محد تحجي بالموضوع ابد

دخلت للمطبخ ولكيتها زينب تجهز بالاكل والبنات وياها

كتلهم اجيبلكم شي من بره خاف ميكفي

كالن ماكو داعي زينب مجهزه كلشي

بدن يصبن بالاكل

كتلها لزينب ايالج وابالج احد يلمح طولج ادفنج عدله والله

تخلصين شغلج وتاخذين ابنج وتصعدين

هزت راسها بمعنى اي

فعلا ع ما كملنه الغده لكيناها مجهزه الجاي وصاعده

طبعا طبخها موطبيعي حيل طيب والكول مدح بيها

تعجبني المره المطيعه هيج

جانت زوجتي السابقه تعاند عناد مو طبيعي

واي شي اطلبه منها تسوي العكس

شربنه الجاي واترخصوا من عدنه الولد وراحو بس البنات راح يبقن يباتن لان باجر جمعه

دزيتلها مسج انزلي اغسلي المواعين

نزلت وبيدها نظوري

اجه يركض عليه ويصيحلي بابا بابا

راحت هي للمطبخ

وبقه يمنه والبنات يبوسن بي

طبعا ساره متزوجه بغير محافظه

بس بنين هنا

ساره جايبه هدايا للكل لان جانت مسافره

جايبه ملابس اكثر شي لنظوري

وهاي نور تبجي شنو اني مجايبتلي هواي

كالتلها العصر اخذج للمولات شنو التردي اجيبه الج

طبعا كل اخواتي ذبنه للاسود بس ماما بقت لابسته

والثار انتباهي زينب همين لابسته مانزعته

عجيب امرها معقوله تحبه لمروان لهاي الدرجه

بعدين اتذكرت من شفتها وي مروان ابيته هم جانت لابسه اسود

مااعرف اني متوهم لو لا

كلت اريد اطلب منها تذبه للاسود خل اشوفها تعارضني لو لا

كملت شغلها واجتي رادت تاخذ نظوري

كالت نعسان خلي انيمه

الكل كاعد امير ومحمد وابويه وماما واخواتي

كتلها منا لليل لازم تذبينه للاسود

ممنوع تبقين بي

سكتت محجت شي

طبعا لحد الان ممخليه عينها بعيني ابد

وحتى كلامها حيل حيل قليل

كلتلي امي خلي تروح وي البنات للمول

حتى تشتري ملابس الوان

لان ماعدها اي شي الوان كلهن اسود

من اجت من اهلها ملابسها كلهن سود

كتلهن ماكو طلعه عوفنها وانتن جيبلها وياجن

كامت تحجي عليه ساره

كالت هاي انت بيا زمن عايش هم ملبسها عبايه وهم بوشيه وهم متخليها تطلع

هاي انت شنو

والله لو اني منها لحضه وحده ماابقه وياك

كتلها ساره حيري بنفسج واسكتي

مااخليها تطلع وخلاص

كال محمد لتصير معقد خطيه البنيه من يوم الي اجتي لبيتنه لليوم ماطلعت من الباب

يعني شنو واذا تزوجت بالسر معناها

تنحبس بالبيت ونحاربها ميصير هيج

كتلهم رجاءآ لحد يدخل بينه

هي زوجتي واني حر شاسوي اسوي

ولتنسون الاتفاق الي اتفقنا قبل لا اتزوجها

كال ابويه وينها زوجتك اشو بس بالورقه

اشو انت بصفحه وهي بصفحه

مو مهم اهم شي حامله اسمي وهذا يكفي

كالت بنين فدوه حدوري لخاطرنه خلينه ناخذها ويانه

خطيه هم من حقها تختار شي لنفسها

وراح نتعشه بالمطعم

خطيه تبقى بوحدها

كلت لا يعني لا

عفتهم ورحت لبيتي

بس مسمعت منها ولا نفس واحد

مخليه ابنها بحضنها وساكته

خليتهم يحجون عليه بس مهتميت

نمت وكعدت رحت لاهلي

لكيت الكول ماكو الظاهر رايحين

اتمددت ع الطخم بالصاله واتصفح بالفيس

البيت هدوء مو طبيعي

معقوله ماخذيها وياهم

قسما بالله العضيم اذا رايحه راح تكون نهايتها ع ايدي

دزيتلها مسج

وين انتي

دزتلي بالغرفه كاعد اصلي رايد شي

مااعرف شاكولها

كتلها جوعان كملي صلاتج وانزلي سويلي عشه

فعلا وره دقايق نزلت

بس محتشمه حيل

اكيد لان اني كتلها وشرطت عليها شروط

مستحيل تخلف بشرطها

كلتلي شتحب اسويلج

اي شي مو مهم

لعد نظوري وين

نايم فوك

راح اصعد يمه من تكملين دزيلي مسج

حبيت اشوف غرفتها

الفضول دفعني اصعد فوك

دخلت ولكيتها الغرفه تخبل

نظيفه ومرتبه

اهلي فاتحين فتحه بين غرفتها وغرفة مروان الله يرحمه القديمه

مرتبتهن اثنينهن

وحده غرفه تركيه الها

والثانيه بيها سريرين واحد بناتي لنور

والثاني ولادي لنضوري

وبي كريكوت منيمته بي

وبيها الغرفه كنتورين هم بناتي و ولادي

فتحت الكناتير وجان انصدم بالترتيب والنزاكه

لحد هاي اللحضه مشفت كنتور نور هيج مرتب

جان دائما فوضى واني اتخبل واحجي ع الكل

يترتب يوم يومين وبعدها يرجع نفس الاول

نظوري نايم جنه ملاك طالع

يخبش وحيل حبينا كلنه واتعلقنه بي

لحضات وكعد

باوعلي وكام يضحك

شلته وخليته ع الفراش مالت نوره

يضحك حسيت بي فرحان

كلت شنو ذنبه خطيه هذا الطفل من وره نزوة الام وشهواتها يدفع الثمن غالي

طبعا هواي تجينه حالات دمار

الام تجيب الطفل وتذبه بالزبل

اي لويش هالانانيه لو من البدايه تجهضي للطفل احسن الج بهواي

كاعد افكر واندكت الباب

اتفاجات منو وهو اصلا ماكو احد

شلته لنظوري وفتحت الباب

جان تطلع هي

كالت يله جهز الاكل

كتله ولويش مدزيتي رساله

مو جهازي هنا

عجيب امرها مدخلت كبل انتظرتني لمن فتحت الباب

نزلت وبيدي نظوري

لكيتها مسويه كباب  وفنكر وزلاطه

اني احب الكباب ويا طماطا وبيها دهن هواي

كتله سويلي طماطا وكثري دهن

خلي زيت الزيتون

فعلا سوتلي وخلته كدامي

رادت تاخذ نظوري كتلها عوفي اوكله ويايه

كالت لا مو زين علي

مسويتله شوربه

انطيتهيا

كعدت ع صفحه بالمطبخ بالكاع وبدت توكل بي

زينب : اصعب موقف يمر بيه من شاف وجهي

عرفني اكيد

وحقه ياخذ نضره مو حلوه عليه من وره مروان الله يسامحه

لعب جوله بيه كدامه

عصب وحجه اني سكتت

بس بعد مااعرف حتى امشي

كمت امشي واتعثر

كوه وصلنه للبيت وجنت حيل خايفه من ردة فعله

بعدها طلب مني انزل وجنت حيل خايفه

لبست عباتي اخاف يعصب عليه

كام يحجي ويكولي انزعيها ومنا ورايح تنزلين متبقين فوك بس تاكلين وتنامين

جنت حيل متوتره وخايفه

لان ممتعوده ع هيج اجواء

شلون راح اتكيف وياهم مااعرف

اتعرفت ع حمايه الجبير وجان دكتور ومثقف وحباب بشكل

وبعدها الصغير امير وهم دكتور بس بعده طالب

مقبلت اكل وياهم لان استحي منهم

هو اصلا اني رغم ماارضع بس اكلي كلش قليل

عمو خطيه هو وخاله بيوم الي يستلمون راتبهم يجوني للغرفه

وينطوني مصرف

اني ارفض بس هم يصممون ميقبلون ابد

عمو كلي انت حره بيهن وين متوديهن وديهن ماعلينه بيج

عرفت قصده

بمعنى دزيهن لاهلج

بس اني مااكدر ادزهن لاهلي اخاف بعد شكم يوم يطلعون اهلي عايشين عليهم

كامو يدزون حلويات لنور ولنظوري

يجيبون كميه جبيره

اني اضمهن ماانطيهم هواي اخاف عليهم

طبعا نور حبيتها كانها بنتي الحقيقيه

وهي هم تحبني وتحب نظوري

هواي تعبت عليها بالمدرسه وخليت خطها يخبل صار

واشطر وحده هي وجنت حيل فرحانه

اني نور حبيتها وعوضتها عن حنان الام الي مفتقدتا

مو قصدي اتقرب ع احد لا بس اني حبيتها ع الفطره والله يشهد

اتعودت عليهم كمت انزل باي وقت انظف واطبخ

طبعا فاطمه هواي تساعدني وحتى خاله

واني من النوع الي احب النظافه والترتيب

ابد مااعاني من هاي السالفه

قله التقي بابو نور ويادوب احجيلي كلمه

لان حيل انرعب منه

واني متاكده ميقل ظلم عن اخو الله يرحمه

دائما اتجنبه واي شي يطلبه مني انفذه بدون نقاش

عندي امنيه وحده بحياتي

اداوم جامعه واكمل بس مستحيل هذا الشي يصير

السنه اختي رنا سادس ودائما اتصل بيها واكولها طلعي معدل عالي لخاطر ماما وبابا

خطيه نعوضهم عن التعب الي تعبوا

طبعا اهلي حالتهم بعدهي موشي

لان بابا ينطوا 500 بالشهر او اكثر بقليل مااعرف لان معنده خدمه

ينطي 150 ايجار البيت حيل تعبان لان مايكدر ياجر ب250 والباقي يادوب يكفي مصرف

اتمنى اساعدهم بس مابيدي شي

وهو اصلا اهلي ميعرفون قصتي

مرات الحلويات الي تبقى من الجهال ادزهن للبنات

وفاطمه تنطيني من ملابسها للبنات

ابد ميقبلن ويكولن مقتعين بحالتنه ونفتخر احنه فقره بس مندور حرام

بعد مااخذ منها ملابس ورجعتهن وحتى زعلت

كتلها مصارن عليهن ابد

فد يوم اجاني عمو وكلي اسمعيني بابا

هاي الفلوس الي ننطيجياهن من حقج

انت كاعد تنظفين واتعبين واطبخين

وهذا شي بسيط الي ننطيجيا

فياريت تحسبيهن فلوسج وساعدي اهلج خطيه

بس ممحتاجين شي اهلي

ميخالف خليهن يمهم يفيدنهم

الي انطيجياهن انطيهن الهم والي تنطيجياهن خالتج ضميهن

وكلي ثقي وروح مروان محد يعرف بيهن للموت

بس اني وانت

فعلا هيج كمت اسوي اجمهن وادزهن الهم من اروح

بابا يرفض وميقبل

كتله والله مو من زوجي ذني ملاتي

عمو وخاله ينطوني واجمعهن

اني لهسه ماذبيته الاسود لان اخويه لهسه فراكه ماذيني

طبعا هواي مشتاقه اله ومن زمان مرايحه للقبر يمكن اكثر من سنه

بس كلت لاهلي اروح وياهم لمن يرحون لمروان

طبعا البنات حيل حبابات ويحبني

محد معقدني بهذا البيت غير بس العقده ابو نور

اليوم اجني وحيل افرح من يجن لان نتجمع بغرفتي نسولف ونضحك نبقى للصبح

ينامن يمي حتى فاطمه لان غرفتي حيل جبيره

عباره عن غرفتين بس مفتوحات ابيناتهن

تكفي للكل

اني انام بغرفت الجهال بالليل

نور بفراشها واني انام بجرباية نظوري

جهزت الغده الهم وسويت اشكال جابلي عمو سمك ودجاج

طلب مني ماالتقي باحد

وهو اني اصلا مااحب التقي باحد

صعدت لفوك ونيمت ابني

بعدها دزلي انزلي

نزلت وكملت المواعين وجان يفاجئني من كلي

بالليل لازم تنزعي للاسود

مااكدر اعترض ابد

بس بنفس الوقت ماعندي اي ملابس الوان

كعدت ع صفحه وابني بحضني

صار نقاش قوي

الكول رادني اروح وياهم

بس هو رفض ورفض نهائي

اشو هو اني مبوشه لا اشوف ولا اسمه

مااعرف لويش معارض

وهو اصلا مااعرف امشي بالبوشيه والعبايه

لو موافق هو اكيد اني راح ارفض

اعتذرن البنات مني كتلهن مو مشكله والله اني مااروح حتلو وافق

لان ممتعوده اني لا ع العبايه ولا البوشيه

سالني شتحتاجين

كتلهن بكيفجن شتجيبن جيبن ع ذوقجن

بس اريد شي واحد مالت طلعه خاف اروح لاهلي

انطيتهن فلوس بس خاله مقبلت ابد

كالت هاي هديتج لان راح تذبينه للاسود

راحوا كلهم العصر

بقيت اني بالغرفه نيمت نظوري

وراسلت اهلي واخواتي

طبعا الفيس بس اكلب بي

ابد مااشارك ولا اعلق

لان ماعندي واهس بي

كمت اتوضيت وصليت

فجأه دزلي مسج ابو نور

سالني وين انت

كتله اصلي

طلب مني اسويله عشه

سالته شاسويلك كلي بكيفج

مااعرف شنو الي يحبه

سويتله هيج لا ع التعين

بس الحمد لله اكله ومااعترض بس طلب اسويله طماطا بالطاوه

سويتله واكلها كلها

سويت شوربه لابني وبديت اوكله

خلص هو وكمت ردت اصبله  الجاي

مقبل كلي ابقي كملي وكلي لنظوري

راح صب جاي بوحده

كملت وغسلتله لحبيبي

وخليته بالحجله مالته

سديت باب المطبخ الداخل والخارجي حتى ميطلع

حسيت بابو نور انصدم مااعرف لويش

بديت اغسل المواعين واصفيهن

وجان احس بشي خلفي مباشرتا

حسيت بتوتر عرفته ابو نور

وجان يهمس باذني ......

حبايبي والله ابد متشجعوني انزللكم بارت مفاجئ

ليش ماكو تصويت كاعد اشوف المشاهده هواي

اني اكيد افسرها واكول القصه ماتعجبكم

لان لو تعجبكم جان صوتوا وعوضتوا تعبي