مساء الخير ع اجمل متابعين اتمنى لكم قراءه ممتعه
🌹🦋 البارت 5 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
قررت لازم التجأ لاهله واحاول احجي وي احد اخوته
لازم يساعدوني لاجل الطفل الي ابطني
ادري هاي الخطوه راح تكون اصعب شي بحياتي
بس لازم اجازف
قررت اخابر ع نفس رقم مروان واي احد يطلعلي احجي ويا
انتظرت لليل ودكيت
لازم اضحي بعد بس هالمره لخاطر ابني الي ابطني
اول تضحيه لخاطر اخويه ودفعت الثمن غالي
وهسه التضحيه لخاطر ابني واكيد راح ادفع الثمن اغلى
اني متاكده بس مو مهم
حيدر : البيت اجوائه متنطاق ابد
الكول حزنان ونشعر بذنب جبير لان لحينه علي وخلينا يجي
زوجته راحت لاهلها لان ميصير تبقه ويانه
لازم تلزم عده مثل مكالت امي
ابويه الصغط علك ويا واخذنا للدكتور
اما نبع الحنان هاي قصه بوحدها
موتتنه موت
تبجي ليل نهار ابد متسكت
نسيت مسالت وصية مروان الله يرحمه ابني امانه
كلت يجوز مايدري بنفسه
قررنه الشركه نغلقها
لان محد من عدنه يكدر يديرها
لازم نبيعها ونصفيها
بعد مرور 10 ايام او اكثر
جنت ابيتي نايم بوحدي
وجهازه لمروان بيدي
اكلب بي
بي هواي ارقام لبنات
كلبت بصفحته وبالماسنجر
جهازه بي برنامج الحسابين اونلاين
فتحت الحساب الثاني مسوي حساب بنيه
بس ممراسل بي ولاداخل كروبات
الواضح علي مسوي حساب بنيه بس ع مود شخص معين
ثار انتباهي اكو بس بنيه مقفوله المحادثه مالتهم
يعني متنفتح اله برمز
جربت هواي ارقام بس فشلت
احس اكو غموض بمروان هواي
بس معرفت شي عنه
صارت الساعه ب12 ردت انام لان عندي دوام
دك الجهاز وجان الرقم نفس البنيه الي كاتب عليها سيوفي
ماادري ليش احساسي يكولي هاي البنيه مو خاليه
لازم اكو سر بينها وبين مروان
لان مستحيل موضفه وتذبح نفسها هيج
رفعت خط كلت الوووو ......
ماكو صوت !!!!!!!!!!
صحت الووووووو مره لخ .........
هم ماكو صوت !!!!!!!!!
اذا مناويه تحجين لوين تتصلين بيه
تره مالي خلك سوالفج التعبانه
طبكته وره شويه دكت مره لخ
رفعت خط الوووووو ......
هم ماكو صوت
اللهم صبرج ياروح
لو تحجين لو بعد لتتصلين بيه
كلت اكيد تريد تنسق ويايه
بس اني مالي خلك ابد
ردت اطبكه وجان يجيني نفس الصوت الناعم
كالت الووووو
صلوات من حجيتي عبالي خرسه
اني اسفه اتصلت بيك بهيج وقت
لا عادي بعدني منايم
اتفضلي اكو شي
عندي موضوع وياك يخصني ويخص مروان
كعدت ع حيلي
احجي اسمعج
اني قبل لااحجي اريدك تسمعني للاخير ومطبكه للخط مهما يصير
اي احجي اسمعج وياريت تستعجلين
اني زوجته لمروان
شنوووووووووو لج شكاعد تحجين
اكيد دتجذبين
مو كتلك اسمعني للاخير
صارنه شهرين متزوجين بس بالسر
اهلي ميدرون ولا انتو تدرون
شنو معنى هذا الحجي
هسه جايه تحجين
شنو التردي مني
ان شاء الله تردين اتزوجج واسترج
لا مو هيج قصدي
لعد شنو قصدج
اني حامل هستوني من اخوك
لج اسمعي هاي السوالف التعبانه مارات عليه كلهن
هاي كلجن ساقطات وتنامن وي شكم واحد وياهو الي يعجبجن وعنده فلوس تذبن بلاويجن بي
خلي اطمنج بشغله مروان الله يرحمه مايصير عنده جهال
وعندي الادله تحاليله
ادري هم كلي
بس هو كلي اكو احتمال وضعيف
وهذا الاحتمال الضعيف خلاني حامل
حيل عصبت وضجت
لج انت شنو هم ساقطه وهم وكحه
يعني شلون لان مات تردين تتبلين علي
لاوالله ابد مااتبله علي
واني زوجته ع سنة الله ورسوله
وواعدني يفاتحكم بالموضوع بس بيومها انتو خابرتو واجاكم وصار الحادث
زين انت تدرين بي متزوج
اي ادري
لعد شلون وافقتي تتزوجينه بالسر
عندي ظروفي الخاصه
اكو دليل عندج يثبت زواجج منه
لا العقد عنده ضامه
لج بابا شوفيلج زوج واضحكي علي
اني ضابط تحقيق واعرف هاي الكلاوات كلهن
والنبي مدا اكذب
زين هم راح اجي وياج
اكو دليل هذا الطفل الي ابطنج من مروان
هاي ليش كاعد تقلل من قيمتي
هاي الفقير عندكم رخيص لهالدرجه
ماعندي اي دليل
بس اقسملك قسم بالقران هذا ابنه لاخوك الي ابطني
وتكدر تتاكد من اولده حللوا وشوفوا
زين اهلج يدرون بيج لو لا
هي هاي المشكله
لو اهلي يدرون جان مخابرتك وذليت نفسي
جان ولدته وربيته بوحدي
لعد شكد شريفه انت
سكتت محجت شي
زين المطلوب شنو
رايده منكم تسترون عليه
شلون يعني
اريد احد يخطبني بالجذب من اهلي
وع اساس نتزوج
خلوني يمكم ع مااجيب طفلي
ارجع لاهلي واكول اطلكت
لج شنو من تفكير تفكيرج
انت تصلحين بالبرلمان
لان عليج افكار جهنميه
شنو يعني قشمرتي ع واحد مكفاج
ناويه تقشمرين الثاني
لو تموتين مانعترف بابنج
ولا نعترف بيج ك زوجه لاخويه
لان ماكو اي دليل يثبت انت زوجته
لو الي ابطنج ابنه
عندج نسخه من العقد
لا ماعندي
لعد روحي شوفيلج زوج وكمش غيرنه واضحكي علي
طبكته بوجها
ساقطه بنت الساقطين
عبالها تعبرها علينه
مستحيل يتزوج بالسر
يكدر يتزوج علني محد يمنعه ابد
ماكو سبب واحد يخلي يتزوج بالسر
مااعرف شنو السبب الي يخليني مبقي جهازه المروان مفتوح
كلت خلي اقفله للجهاز
واكيد راح تمل وتشوفلها واحد غيرنه تلعب عليهم
نمت وثاني يوم داومت
طبعا وصيته لمروان نسيتها ولا اجت ابالي
مشت الايام عادي مصار شي
وره 3 ايام كلت خلي افتحه للجهاز
مااعرف شنو الخلاني افتحه
لكيت رسائل من نفس الرقم
كاتبه
الله يخليك استر عليه
لا يحسون بيه اهلي ويكتلوني وانت راح تتحمل خطيتنه
لان والقران وداعت الي ابطني اني زوجته لمروان ع سنة الله ورسوله
وهذا ابنه ومن عرف بيه حامل راد يفاتحكم بالموضوع بس شاء القدر واتوفه بالطريق
الله يخليكم شوفولي حل
مو لخاطري اني لخاطر ابنكم
مااكدر اضحي بي واسقطه للطفل
حرام عليه ووصاني هواي بي
حتى الاسم هو سماه قبل ليموت
احسبوني خدامه لمن اجيب
ومو اله لمن اجيب
فد شهرين لو 3 اشهر
وارجع لاهلي واكول زعلانه
فدوه لخاطر هذا الطفل
والله الايام كاعد تفوت واخاف اهلي يحسون بالحمل
دخت بيها هاي السالفه
حتى اذا صدك زوجته منو يكول الطفل منه
لان هاي البنيه اكيد مو شريفه
لو شريفه مجانت اتزوجت بالسر بدون علم اهلها
ماادري دخت
وره شويه دزتلي رساله
والله مستعده اي شي انفذه الكم بس كون تسترون عليه
الله عليك سويلي شي
دزيتلها اسالج سؤال لمن اتزوجتي بالسر متوقعتي يعوفج
يموت لو يرجع لاهله
شلون وافقتي
طبعا هاي لو كبالي اله اخلي طلقه براسها لهاي العار
الظروف جبرتني
هههه هاي الكلاوات متعبر عليه
يابه اني الكدامج مو طفل وتضحكين علي
اعرف كلاواتكم كلش زين
سكتت
يابه اجيبها الج من الاخير لو تموتين مانعترف بيج لا انت ولا ابنج
الله موجود هو الي راح يطلعني من هاي المصيبه
واني الظاهر هواي اتنازلت لخاطر الطفل
بس لهنا وكافي
خطيتي وخطيت ابني بركبتك
من صدك نرفزتني بهذا حجيها
دزيتلها دولي عار لو بيج خير مااتزوجتي بالسر
مجاوبت بعد
ردت انام مااكدر
معقوله يطلع ابنه لمروان من صدك
بعدين صدفه اجه ابالي
من مروان يحتظر قبل ليموت من لزم ايدي وكلي
ابني امانه
لعد اني شكد غبي نسيت
بس هم مو اكيد ابنه
هي احتمال وهمته ع اساس ابنه
اني لو ما رايح وسامع الدكتور شكال علي
جان صدكت هذا ابنه
بس هواي اطباء اكدوا ميصير عنده جهال
لازم اناقش الموضوع وي اهلي واشوفلي حل
ثاني يوم من رجعت من الدوام
حجيت وي ابويه وامي
وفهمتهم السالفه
طبعا همه شكوا مثلي بالموضوع
ومستحيل انصدك هذا ابنه
بس ابويه كال
لازم انفذ وصيت اخوك
اذا جان ابنه او لا
مدام وصاك لازم نستر ع البنيه
ولتنسون بيها اجر وثواب ستر البنيه
امي كالت ميصير تتزوج احد اله لمن تجيب
جان زوجناك منها
اني انفعلت حيل
كتلها مستحيل اتزوجها لهاي الساقطه
اذا اهلها الي ربوها خانتهم واتزوجت بدون علمهم
لعد اني شراح تسوي بيه
كالت امي احسن حل
نجيبها للبنيه وع اساس زوجتك كدام اهلها
ومن تجيب تروح تزعل عند اهلها
وبعدها ع اساس اطلكها
لان لازم تلزم عده لمن تجيب
كللها ابويه شلون يعني
يعني ممنوع رجال يشوفها او يحجي وياها ابد لمن تجيب
مدام مراح اتزوجها عادي ماكو مشكله
وعود خلي تجيب اذا ثبت ابنه لمروان ناخذه منها
واذا لا نضربها جلاق هي وابنها
بعدين كال ابويه شلون راح نقنع اهلها
ونجيبها بدون عقد كدامهم
كتله يابه هاي السالفه عوفها عليه
كلت بالليل اتواصل وياها واشوف حل
راح ادوخ بهذا الموضوع هواي
مااعرف شلون راح نقنع اهلها
لازم نجيبها النه بدون عقد لان ميجوز العقد راح يكون باطل
فمااعرف شلون راح ارهمه للموضوع
انتظرت لليل حتى اراسلها
دزيتلها هلووووو
منقرت الرساله
وره نص ساعه انقرت بس ماكو جواب
دزيتلها رساله
بعدج عدله لو اهلج كتلوج وطمو عارج
هم انقرت بس ماكو جواب
مااعرف ليش مدتجاوبني
دزيتلها جاوبي عندي موضوع وياج ظروري
هم ماكو جواب
استغربت شنو السالفه
حيل ضجت شنو معناها هذا التجاهل
دكيت عليها كلت اخر مره
انطته رفض
دزيتلها لازم لكيتي البديل وراح تضحكين علي
واتذبين بلاويج علي
باللحضه اجاني الرد
ماكو داعي للسخريه
ياريت تمسحه لرقمي وبعد ماتزعجني ابد
وانسه اجيتك وطلبت منك مساعده
اني عندي حل راح يريحني منك ومن امثالك الي تحكمون ع الشخص بدون دليل
وشنو هذا الحل ممكن اعرفه
هذا الشي خاص بيه ماالك علاقه بيه
لا الي علاقه بيج
منا لمن تولدين وراح نتاكد من الطفل هل هو ابن اخويه لو لا
وهسه تسمعيني ومتقاطعيني ابد
اني وافقت راح اجيبج اخليج يمنه بس بشروط
اول شي لازم تلزمين عده يعني ممنوع اي رجل يشوفج لمن تجيبين يله تخلص العده
وثانيه وبعد ممنوع اطلعين من باب الغرفه مالتج الي راح نخصصها الج
وثالث شي ممنوع تحاولين تغرين شخص من عدنه وتقشمرينه مثل مقشمرتي اخويه
واخيرا لازم تفكرين بحل لاهلج
شلون راح نقنعهم ع اساس اتزوجج اني بس بدون هوسه ولا عقد يمكم
لازم نكللهم عدنه بمحافضتنه
وهسه كولي اكو اعتراض ع شي
لا ماكو اعتراض
وبالنسبه لاهلي بسيطه
مروان الله يرحمه انطاني 15 مليون مقابل الزواج
انطيتهن لاهلي وكتلهم سلفه انطانياها
تف عليج وع هيج تربيه
يعني بعتي شرفج ب15 مليون
والعتب ع اهلج شلون ثقوا بيج وصدكوج
ياريت متحكم عليه
عندي ظروف جبرتني اسوي هيج
مو مهم كملي
راح يجون اهلك ويكولون بمكان الفلوس
نتزوج بنتكم ولازم سكتاوي
لان هستوه ميت ابنه
واذا ماوافقوا
اني راح اقنعهم
لان ماعدنه نرجعلكم الفلوس
والله يعمي احييج ع هذا تفكيرج الجهنمي
انت المفروض يخلونج وي الدواعش لان تخطيطج جهنمي
مجاوبت شي
اني هم سكتت
ثاني يوم دزتلي كالت اتفقت وي اهلي ووافقوا
بيوم الي يجون اهلك اروح وياهم
جاوبتها لعد شكد مستعجله
واهلج اكيد ماعولوا يخلصون منج
ومصدكو اجاهم ضابط
مو مسالت مستعجله بس مو من صالحي التاخير اخاف يبين بيه الحمل
لعد يوم الجمعه ادز امي وابويه بس دزيلي العنوان
بقيت افكر معقوله ع مود شكم فلس باعت اهلها وقبلت تزوج بالسر
طبعا رحت صفيت الشركه وصرفت رواتب وبعتها
كلفنه محامي
رحت للبيت مالته الله يرحمه
كعدت اكلب بالبيت اريد دليل ع زواجهم
دخلت للغرفه فتحت الكنتور
لكيته كله ملابس نوم
اكيد مقشمرته بهاي السوالف
عنده قاصه حاولت افتحها ابد منفتحت لان ارقام سريه بيها
جبت واحد حاول يفتحها بس مكدر
بعدين اجه ابالي اخابر البنيه الي متزوجها
اتصلت بيها بس تنطيني رفض
دزتلي مااكدر احجي اكتب
اهلي يمي
اريد اسمج ومواليدج
فكرت كلت بلكي مخلي الاحرف مالت اسمها او مواليدها
دزتلي لويش شناوي تسوي
ماالج علاقه دزيهن بسرعه
فعلا دزتلي زينب ومواليدها 8/2/1996
حيل ضجت يعني بعدهي بعمر الورد وهيج مسويه
لعد اذا كبرت شتسوي
دخلت الاسم ماكو دخلت بس سنة ميلادها
ماكو
دخلت المواليد كامله هم ماكو
دخلت الشهر واليوم والاسم سويه هم ماكو
بيومها اتاخرت اظطريت ابات
بالليل طلعت اتعشيت
ورجعت بعدين
راسلتها كلتلها انطيني تاريخ العقد
دزته اليه
فعلا اول مدخلته فتحت القاصه
واخيرا
فتحتها لكيت العقد مالتهم يعني صدك متزوجين
مو جذب
بس اكيد مراح احجي شي كدام اهلي
لان فقره واكيد راح يصدكون الطفل منه
واني بيدي اخذته ورحت لتركيا للدكتور
كال نسبه ضئيله يصير عنده طفل
زينب : اتصلت بي
راسا رفع خط
بس مكدرت احجي ماعندي الشجاعه الكافيه
بعدها طبكه بوجهي
لازم اتشجع واحجي
ادري صعبه كلش عليه
بس مجبوره شاسوي
مره ثانيه خابرت كوه حجيت
وخجلانه بس هو حيل جرحني بكلامه
ومتصورني ساقطه وجاي اقشمر علي
مايدري اني لو ما الطفل الي ابطني
لو يموت مااتصل بي
اخر شي طبكه بوجهي
ماصدكني
الدنيه ضاكت بوجهي حيل
حرت شاسوي والايام كاعد تركض ركض
مااعرف شضاملي الزمن بعد
اهلي بدوا يشكون بتصرفاتي
من يسالوني اكلهم ع الفلوس
شلون اذا داعونه اهله بيهن
بابا يكول الله كريم بنيتي
بعدين راسلني بالبدايه مجاوبته
ادري بي بس يريد يجرحني
بعدين حيل اذاني من كلي لازم لكيتيلج واحد تتبلين علي
جاوبته واتفق وياي راح يجون اهله
بقت مشكلة اهلي
لازم اقنعهم
حجيت وي ماما
كتلها الشركه انحلت
ولازم ندبر الفلوس منين نجيبهن
كالت غير متفقين كل شهر 500
ماما منين نجيب كل شهر 500 واحنه يادوب ملحكين ع العيشه
كالت شنو الحل لعد
كتلها ماما راح اتزوج اخو للمدير
ماما اتخبلت كالت مستحيل اوافق
لج راح يذلوج وراح ميحسبونج انسانه
يحسبونج حالج حال الفصليه
لا ماما احنه بيازمن قابل
راح زمن الفصليه
كالت ماما مااوافق لو شيصير
كتلها ماما حالتهم زينه بلكي يخلوني اكمل دراسه
وراح ارتاح وياهم
واكيد بس يعرفون ظروفي راح يقدرون موقفي
تعبتني حيل رافضه
بعين اجه بابا
وحجيتله السالفه
بالبدايه رفض همين
بعدين قنعته
كتله بابا اني موافقه
ناس مثقفين وناس واصلين
راح ارتاح وياهم اكيد
وبنفس الوقت راح نخلص من الدين
بابا هم ع كلبنه الدين
راح انستر واتزوج احسن ماابقه مدة سنتين اشتغل واعرض نفسي لليسوه والي ميسوه
كوه اقتنع بابا وبعدين اقتنعت ماما بس مو برضاتها اكيد
كتلها ماما لازم اروح وياهم سكتاوي
لان اخويه هستوه متوفي وهمه ابنهم همين
زين بابا شلون عرفتي راح يجون عليج
همه اتصلو بيه وطلبوا الفلوس
كتلهم ماعندي
كلولي بالاقترح
بابا كلي لا لازم العقد امامي
كتله بابا الامامك والا لا قابل احنه راح يهمني الحاضر والغايب
وعدهم ظروف اكيد الي تخليهم هيج يسوون
طلبت من ماما اروح للسوك اشتري ملابس
لان ممعقوله ابقه بذني ملابسي كدامهم لان لبسي كله قصير وتراكات وبرموده
رحنه اني وماما صرفت الاوراق
سالتني منيلج
كتله انطانياهن مكافئه لان اداوم اضافي
جبت ملابس ردن ماجبت تراكات ابد ولا جبت قصير
وكلهن ملابس اسود
ماما استغربت كلتلي لازم تشترين ملابس نوم
رفضت كتلها ماما اني حزينه وهمه هم حزانه
عود اذا جبروني ذاك الوقت اخليهم همه يشترولي
ماما كلتلي كلبي حاسني اكو غلط بالموضوع
حاولت ويايه تعرف الموضوع
بس اني جنت ملتزمه الصمت
زين ماما شلون كاعد يتواصلون وياج ومنين جابو رقمج
كتلها مو بالوصولات مكتوب معلومات كامله عني
والمبلغ الي ماخذته والرقم
وواحد من اخوته هو الي اتواصل ويايه
وانت ياماما شلون تقبلين تتواصلين وي الغربه
ماما شجابرك ع المر غير الامر منه
مجبوره اتواصل وياهم
هاي الفتره الي راحت ابويه كاعد يدور ع بيت للايجار
لان المده راح تنتهي
يوم الخميس راسلني اخو مروان واتفق ويايه بيش الساعه يجون
وانطيته العنوان كامل واقرب نقطه
كلي جهازج لازم تخلي قريب عليج
خاف يتصلون بيج
اجت الجمعه وجهزنه غده اخاف يجون لان من غير محافضه
اعترف جنت حيل خايفه وشعوري مينوصف
مااعرف شضامتلي الايام
مااعرف ذوله الناس راح يعاملوني زين
لو راح يجرحوني وكانو بنت ليل يحسبوني
التهيت بالغده وي ماما وارتب البيت
اتذكرت جهازي فوك ناسيته
رحت اركض
لكيت الجو محترك
50 مكالمه فائته
ورسائل هواي
فتحتهن
لج ثوله اني مو كتلج خلي قريب عليج
اهلي صارلهم ساعه يفترون بالمنطقه
عفت الرسائل واتصلت بي
بعدني مااتصلت وجانت تجيني العاصفه
كام يصيح ويغلط
سكتت مجاوبته
كلي خطيه اهلي يدورون وماكو ورادوا يرجعون
شنو من بشر انت
كتله والله التهيت بالغده ونسيت الجهاز بغرفتي فوك
يصير خير يابنت الحلال
طبكه بوجهي
وره لحضات خابرني كلي راح يدخلون بالفرع
مايعرفون بيت منو
راح اخلي بابا يوكفلهم بالباب
كليله سيارتهم جكساره عاليه
راد يطبكه كتله
الله يخليك كللهم لاهلك لا يفلتون باي حجيه كدام اهلي
ومراح انسه جميلك للموت
هههه خايفه
والنبي انذبح
لج لو عندج ذرة خوف لو ذرة خجل مجان سويتي الي سويتي
سكتت ماعندي اي جواب
يله لج طلعي لابوج دخلو بالفرع
نزلت حجيت وي بابا
فعلا طلع بالباب
لحضات ودخل كال سوو طريق
طبعا مااعرف منو الي جاي منهم
وهذا اخو مروان الغثه جاي لو لا
دخلهم للاستقبال وودالهم مي بارد وخلينالهم عصائر وكيك
سويتلهم عصير طبيعي وقبل يوم جهزتلهم كيكه
ماما دخلت وياهم
وره شويه صاحتني
كتلها منو وياهم
كالت بس الام والاب
كلبي كام يدوك سريع حيل خفت مااعرف لويش
اخاف احد يزل لسانه وانتهي اذا صار هذا الشي
دخلت بس رجليه مااحس بيهن واحسهن كوه اسحل بيهن
سلمت وجنت مندكه
كامت امه لمروان بوستني
وكالت صلوات ع محمد فده شنو هالجمال
بداخلي فرحت لان بدايتها زينه
وابو المروان همين كال شلونج عمو
كتله الحمد لله
كعدت بس كلبي يدوك يمكن بالدقيقه الف دكه
كامو يحجون بالتفاصيل كانو خطبه حقيقيه
حجوا بالحاظر والغايب
وطلعوا علبه بيهن ذهب
وقدمته اليه
بيها طقم كامل وبتوت 6كالو احنه هناك نجهزها جهاز كامل
شفت الفرحه بوجه اهلي ماما وبابا
گلولي جهزي نفسج حتى نروح
وباجر نعقدلكم عقد سيد
والاحد عقد المحكمه
ابو لمروان كال اذا حابين تجون ويانه اهلا وسهلا
كللهم بابا لا اني راح اسلمها الكم امانه وانتو بعد اهلها
كالو احنه مراح نكدر نسوي حفله لان تعرفون ابنه بعده مطالع الاربعين
كللهم بابا عادي ماعدنه مانع
اترخصت منهم وطلعت جهزت الغده
سوينه سمك شوي وتمن علي حشو ومرگ باميا وشويت دجاج
اتغدوا وصبينه الجاي وجان يجي موعد الفراق
مجنت هيج متصورته ابد
دموعي كامت تجري انهار
اخواتي كامن يبجن
ماما كذلك
اما بابا فهذا بوحده قصه
حسيت بي يريد ينغمي علي
يمسح بكصته
كلبناها مناحه
كال الرجال صلو ع محمد
هاي شنو يابه هو كله الطريق 3 ساعات
شوكت ميعجبها نجيبها الكم
وانتو شوكت ميعجبكم تجون اهلا وسهلا
ودعتهم وطلعنه
اتحركت السياره وجان تشمر عليه علاكه خاله
وكالت هاج بسرعه البسي
فتحتها وجانت عبايه وبوشيه
كالت لا عبالج فرحانين بيج
سويناها لوجه الله
انت ساقطه وتبقين ساقطه
دموعي كامت تجري
كام يحجي عليها عمو
كللها يامره سمي بالرحمن
خل نوصل واتفاهمي مو بالشارع
كلتلي بسرعه البسي العبايه والبسي البوشيه
وراح يصعد ويانه ابني
ايالج وابالج اسمع نفس منج لو شيصير
لازم من هاي اللحضه تلزمين العده
لبستهن ودموعي تجري
بعد كلشي مااشوف
لحضات وكفت السياره
طبعا مااشوف كلشي
بس سمعت الباب انفتحت
اجتي خاله يمي
يمكن اخو لمروان جان منتظرهم
وجان يجيني الصوت مثل الرعد
جان يكول .....
طبعا وفقني الله وزرت مولاي علي عليه السلام وزرت نيابه عن كل من قلدني الزياره والدعاء
اسفه ع التاخير قبل شويه وصلت والله ورغم تعبي نزلت الكم البارت وتدللون عليه
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!