رواية بين الفقر والطغيان الفصل الرابع 4 - بقلم رونق

مساء الخير ع اجمل متابعين اتمنى لكم قراءه ممتعه

🌹🦋 البارت 4 🦋🌹

🌹🦋 بين الفقر والطغيان 🦋🌹

🌹🦋 للكاتبه رونق 🦋🌹

سمعته يكول اي اي جايين هسه

بيا مستشفى ؟؟؟؟

مسافة حالطريق يمكم

ها يابه خير منو الي بالمستشفى

كلي تعال اطلع لا تسمع امك بالطريق احجيلك

طلعت بسرعه شغلت السياره

گلي روح لمحمد صيحه بسرعه

اي يايابه غير تفهمنه

اخوك بالمستشفى مسوي حادث بالطريق

اتخبلت رحت لمحمد بسرعه صحته

رحنه بسرعه جان بمستشفى قريبه بقضاء تابع لمحافظتنه

ردنه نسوي حادث من وره السرعه

الطريق كله نخابر ع رقمه ويجاوبونه

وصلنه گلولنه دزينا للمركز لان يحتاج عمليه فوريه وحالته حيل خطره

اتخبلنه

سالنه عن الحادث

گال كاسره علي تريله الظاهر السايق لو نايم لو مكبسل

وكاطم سيارته نصين

السياره عباره عن علج صايره

رجعنه بسرعه ووصلنا ولكينا مدخلينه بغرفة العمليات

راح محمد بصفته دكتور دخل لغرفة العمليات وياهم

لكينه المستشفى كلها شرطه واجوي يتحققون

رحت يمهم واتحققت من الموضوع

كالوا السايق جاي من مكان بعيد والظاهر ماخذته النومه لحضه وحده

انسبينه بالمخابرات امي واخواتي وامير

حجينه بس وي امير وكناله فهمهم كللهم متصادمين هو واحد ومابيهم شي

بس يتحققون ويا

بقينه ننتظر وطولت العمليه

صارت الساعه ب3 طلعوا من غرفة العمليات

ركضنه ع محمد

لكينه دموعه تجري اني تخبلت

ها لك حمودي بشر

شبشر حالته ميؤس منها

اله بس الله

سوو الاطباء العليهم والباقي يم الله

سلمونه جهازه

اني ورثت طلعت بره متحملت ابد

رحت بالحديقه بس اشرب جكاير

لوين دزينه علي

ليش خلينا يجي

خطيه ميريد يجي

بس احنه ضغطنه علي

بهالاثناء دك جهازه

رقم كاتب علي سيوفي

انطيت رفض دك مره لخ مجاوبت بعدين

رفعت خط وجنت حيل مخنوك

كلت الووو

ماكو صوت

الوووو

هم ماكو صوت

لو تحجون لو اطبكه

روحي طالعه ماالي خلكم

ماكو صوت طبكته

وره فتره دك مره لخ

يابه لو تحجون لو لتزعجونه

وجان يجيني صوت ناعم اشبه بالهمس

مرحبا

مراحب

بدون زحمه عليك بشرني شلون صار استاذ مروان

انت منو وشتردين من مروان

الله يخليك بس جاوبني

انت منو واجاوبج

اني موضفه ويا الله يخليك بشرني

حالته حيل خطره وهسه بالعنايه المركزه

اسمع صوت بجي بس بهدوء

فدوه اروحلك بس تحصل خبر طمني الله يخليك

صار تدللين

بس انت شمدريج مسوي حادث

كامت تمتمت ها مو جنت احجي ويا ع مود شغل

واني بصفتي اخر شخص مخابرته اتصلو بيه وكلولي

يعني معقوله موضفه وتتصلين بمديرج بالليل هيج

كالت جان عندي استفسار مهم

طبكته بس ممرتاح لهذا الموضوع ابد

بس مو وكتها هاي

صعدت لفوك لكيت ابويه متخربط صاعد ضغطه

مشكليله كانولا ومخليله مغذي

بقينه للصبح ممرتاحين وقلقين

صارت ب6 الصبح كالو فاق وطلب يشوف حيدر

استغربت رحت اركض

طلبو مني مااحجي ويا هواي ابد

ولا اخلي يحجي هواي

لبسوني الملابس الخاصه المعقمه ودخلت

من شفته اخترعت ولا عبالك نفسه مروان

ملعوب بي طوبه

اتقربت علي

عيونه عليه لزم اديه

گوه يحجي بس گلي ابني

كوه افتهمته

ابني امانه

ابني امانه

مفهمت شي ابد بهاي اللحضات اسمع صوت الجهاز كام يدك

رحت اركض صحت محمد

اجوي الاطباء يركضون

طلعوني من الغرفه

اجه محمد يركض دخل وياهم

مطولو اقل من ربع ساعه وطلعوا

جانو مدنكين

طلع محمد يبجي

كال مات مروان

فقدنا اني ويا كمنه نصيح ونبجي مثل النسوان

جانت صدمه النه اتخبلنه

ابويه خطيه وكع وتخربط

بهالاثناء وجان تجي امي خطيه

تكول كلبي علمني ابني شي

من شافتنه هيج كامت تصيح

طبعا انكلبت المستشفى كلاب

لان الاغلبيه يعرفون محمد

اجني اخواتي كلهن

كمنه نحجي عليهن ورجعناهن

واجوي عمامي

وانسبت الدنيه

طبعا الموبايل ابد مسكت الليل كله هذا الرقم مالت البنيه يدك

ساعه اجاوبها وساعه ارفض

متحجي هواي كلمتين واطبكه

من اتوفى وجنه ملتهين وناس يمنه

بهالاثناء جان يدك

مكدرت احجي ابد

هواي دك

اخر شي رفعت خط وصرخت لج مات مات مات

وطبكته بوجها وقفلته للجهاز

كملنه الاوراق وطلعنا من المستشفى اخذنا للبيت حتى يودعونه

بعدها اخذنا للنجف كملناالمراسم مالت الدفن

ورجعنه من الدفن

اكثر شخص متاثر بي اني

جان صديقي واخويه

بدت الفاتحه والتهينه بيها

طبعا نبع الحنان كل شويه وتتخربط وتوكع

اتعاركت وي زوجته

تكلها من وراج انت لحيتي علي

واتعاركت ويايه وي ابويه

لان خابرنا وضغطنه علي

طبعا كلنه حسينه بتانيب الضمير

وبقينه ناكل بارواحنه

اني الي شكم يوم مااكدر انام من ورا مروان

حيل اتاثرت بي

جان اكثر واحد من اخواني متعلق بي

طبعا مااعرف شنو السبب الي خلاه يدز عليه قبل ليموت

وكلامه مجان مفهوم ابد

زينب : من شافني اخو مروان اموري اتخربطت

حسيت بنفسي من صدك بنت ليل وساقطه

وصدوك عرفت قيمتي بالظبط عند مروان

احس بمروان خانكني خنك

ممنوع اطلعين ممنوع ادخلين

ممنوع الكي مشغول

ممنوع فيس

دائما يراسلني بصفت ابنيه

ابد ميخطأ

حسيت بي هو اكثر مني ميريد هذا الزواج احد يعرف بي

ولا حب يشوه سمعتي ابد

هواي اتوسلت بي يطلكني بس يرفض

يگولي اتعودت عليج

كام بابا كل يوم جمعه ياخذنه للمقبره ع مود اخويه

امي خطيه حيل اتمرضت من بعد وفاته لاخويه

ابد مااطلع للسوك ولا لاي مكان

بس للدوام وللنجف

حياتي صارت عباره عن روتين

الي عرفته جان مروان كل خميس ميداوم بالشركه ويروح لاهله

هسه لا بس جمعه وسبت

ودائما يراسلني ويخابرني وهو عند اهله

طلبت منه مره كتله اعلن زواجنه وكولشي مااريد منك

بس استر عليه كدام اهلي

كام يصيح كال لج اهلي ميقبلون يكلبون الدنيه عليه

بس يدرون متزوج بالسر

كتله لتكللهم بالسر كلهم اخطبوها الي

كلي مو هسه اصبريلي ارتب اموري ويصير خير

طبعا اني جنت حيل حذره ومنتظمه بحب المانع اخاف يصير عندي حمل

بس يوم صادف ثلاثاء خابرني بالليل

كلي باجر مراح اجي للشركه ابد

اريدج ترجعين وي الخط

ممنوع تصعدين بتكسي بوحدج

بيومها هم مااخذت حب

فعلا داومت ورجعت وياهم

اني جنت جمعه وسبت مااخذ حب لان باعتقادي بيوم الي ميتقربلي ملازم اخذ حب

بدت اطباعه لمروان تتغير ويايه

مو مثل قبل مايجبرني ع شي مااحبه

ولا ياذيني من يتقرب عليه

بس بعده عصبي

مرات احس بي متعلق بيه حيل

ومرات اكول يحبني لان واضح علي

بس رغم كولشي اني بعدني حاقده علي ومااحب قربه الي ابد

صارلنه شهرين من تزوجنه

اليوم خميس صادف

اتصل بيه من الصبح

گلي راح انتظرج حتى نروح للبيت لااداومين

فعلا رحنه للبيت

گلي اليوم حاب احققلج الي ابالج

اي شي تحبين اشتري الج او ابالج شي اجيبه الج

اني رفضت مااحب اي شي يجيبلي

اشو اليوم احسه شخص ثاني

ماكانو نفسه مروان

هادئ بشكل

وحسيته بس يتصفن عليه

طلعلي زنجيل ذهب وبي مداليه

مكتوب بيها زنوبه

لبسني الزنجيل وباسني براسي

الصراحه استغربت منه

كتله شكرا

ماكو داعي للشكر هذا اقل شي اقدمه الج

بس اريد وعد منج

للموت متنزعي ابد

شاكول لاهلي

كليلهم مو ذهب

ضحكت كتله مبين ذهب

مو مهم اهم شي متنزعي

ان شاء الله

اليوم اجه ابالي كنتاكي وفنكر حيل مشتهيتهن

بس استحي اكوله اخاف ياخذها بغير شي

بس هو اصر اليوم الريوك ع ذوقج شتحبين نطلب

اني فرحت بكلبي

كتله اذا تكدر جيب كنتاكي

كلي لج ريوك مو غده

كتله اشو اني اشتهيته

معقوله منج من الشيطان اطلبين

بس تدرين اسعد يوم بحياتي اليوم

لان طلبتي مني شي

الصراحه اتفاجأت منه

معقوله هيج يحجي ويايه

لا ممصدكه الي اسمعه

اكيد اليوم مو بوعييه

اتصل بشخص وطلب منه يجيب كنتاكي وببسي

وكله جيب وياك حلويات ونساتل

گلي تعالي نامي بحضني لمن يجون

عجيب غريب هذا مروان

فعلا انسان ثاني

وره شويه دك جهازه گله ماشي

بس اذا تكدر جيبلي هسه ريوك اي شي

وخلي الكنتاكي ل1 اريده حار

طبكه كلي ب 11 يله يجهزون

كتله مو لازم لتجيب

كلي لا خلي نتريك باي شي وذاك غده

رجعني نيمني بحضني

گلي تدرين اتمنى اعلن عن زواجنه وابقيج طول العمر يمي

راح اعترفلج بشي

الصراحه اني احبج واموت عليج

وثقي واعتقدي الفلوس من انطيتهن مو قصدي اريد مقابل

بس ردت احصل عليج باي وسيله

يحجي واني صافنه علي

معقوله يحبني لا مااصدك

كلي اتمنى تسامحيني ع السويته وياج

وراح اوعدج وعد شرف

راح اخطبج من اهلج واتزوجج علني كدام الناس

اني حيل فرحت بهذا الحجي مالته

تدرين ليش اعصب عليج وااذيج

لان تعوفيني وترحين

اتمنى تبقين وياي مدى العمر

حيل حبيتج من اول مره شفتج بيها

بس ماكدرت اخطبج

امنيتي انستر وماانفضح ياريت يعلن زواجنه

دك جهازه مره لخ

طلع لحضات واجه صاحني

جاب الريوك وجان صمون وجبن وقشطه

كلي سويلنه بس جاي

رحت سويت الجاي وكملت

اتريگنه بالمطبخ

كام يوكلني بايده استغربت حيل

شويه ولعبت نفسي حيل

رحت اركض للمغسله الي بره

ذبيت من راسي

هو لحگني اتخبل

كتله مبيه شي

دخلت لجوه بعدني موصلت للمطبخ حسيت بنفسي دخت وممتوازنه

لحضات وانغمى عليه

كعدت ع عطر كولش قوي

فتحت عيوني وجان اشوفه فوك راسي

كلي كومي اخذج للمستشفى رفضت

اتصل بولد كله هيج وهيج

مااعرف شكله

اشو طلع بدون كلام

كلي شويه وارجع

تمددت بس الدوخه بعدهي بيه

شويه ورجع

جايبلي عصير شربني بيده

وطلع شي من جيبه انطانيا

كتله شنو هذا

كلي اختبار حمل

كتله لا متاكده ماكو شي

كلي كومي ولتناقشيني

فعلا سويت التحليل وجانت الصدمه حامل

اتخبلت اله شويه

هو مصدك النتيجه بالبدايه حيل اذاني بالضرب

كلي ابن منو هذا

اني عقيم ميصير عندي جهال ابد

هاي شبيك مروان وصلت وياك تشك بيه

لك شحال لو ما من الصبح للمغرب اني وياك

والليل كوله نتخابر

ومن الباب مااطلع

حيل ضجت منه

كال لج والله دخت

والله اني هواي مسوي تحاليل انطوني نسبه ضئيله يصير حمل

حتى للخارج طلعت ونفس الكلام

بس انت نسيت الله موجود وقادر ع كولشي

كوم وديني لاهلي

هذا الطفل مو منك بس طلكني

ابجي وكوه احجي حيل جرحني

كام يبوس بيه بكول مكان

والله اسف اسف

فدوه اعذريني

كام يبجي ويبوس ابطني

والله مو بوعيي من شكيت بيج

بس مصدوم

الله يخليج سامحيني

بس مروان شلون مااكدر ابقي ابطني

اخاف اهلي يشكون وذبحي يصير ابلاش

شحده الي يلمسج

انت زوجتي ع سنة الله ورسوله

باجر اروح لاهلي والسبت ادز اهلي لاهلج

لج شحده الي يلمس شعره منج

والله احركه عدل كائن من يكون

راح اعمل المستحيل حتى نتزوج

تدري شاتمنى هسه

كولي شنو الي تتمني هسه احققه الج

امنيتي اموت بهاي اللحضه

بعدني ممكمله سد حلكي باصبعه

لج يومي قبل يومج ان شاء الله

لتحجين هيج

والله اموت بعدج

مستحيل اعيش بدونج

يبجي اول مره اشوفه بهيج حاله

نيمني بحضنه

گلي امانه عليج اذا متت تعتنين بابني او بنتي

لتخلين سوء يمسكم

الله ليكولها عمرك طويل ان شاء الله

حبابه واعديني اذا ولد تسمينه منتظر

لان جنت هواي منتظر هذا الخبر حتى اسمعه

واذا بنيه سميها نرمين يعجبني هذا الاسم

كتله ان شاء الله

فتح الجهاز وطلع اغنيه🌹 وصيتي من اموت بحضنك ادفني 🌹👇

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

اتخبلت هذا شبي اليوم بس طاري الموت بلسانه

كتله والله اذا مغيرتها اعوفك واروح

وين تعوفيني وتروحين

لج اموت بدونج والله

حياتي بدونج عدم

من يوم العرفتج لليوم اني حياتي تغيرت

صارت بيها معنى وعندي امل بالدنيه

اذن الاذان كمت صليت

كام صلى اول مره اشوفه يصلي

يسجد ويبجي ويطلب السماح من رب العالمين

حيل افرحت كلت بلكي الله يهدي

ويعلن زواجنه

كلي هم يجي يوم وتسامحيني ع الي سويته بيج

كتله والله بس تخطبني من اهلي انسى كولشي

ان شاء الله باجر بس اروح افاتح اهلي بالموضوع

جابولنه الغده حيل فرحت

اكلت هواي وهو يضحك ويباوعلي

بس يصفن عليه

كتله بيك شي اليوم

كلي والله كلبي مقبوض مااعرف شبيه

كتله الله يخليك لتخوفني من هذا حجيك

لا حبيبتي لتخافين ماكو شي

بس اليوم راح اعطلج شويه فدوه اريد اشبع منج

بقه بس حاضني

ابد متقرب عليه

عاملني بحنيه وحب

كل شويه وباس بطني

يحجي يكله دير بالك ع ماما حبيبي

لتخليها تطلع لان جمالها خطير

الي يشوفها يعمل المستحيل حتى يحصل عليها

لتخلي احد يأذيها

ولا احد يضربها

دافع عنها دائما

كتله شنو ناوي تتخله عني وتتركني بوحدي

لج ع اعصابي اروح لاهلي

لو يطيح بيدي ماافاركج ولا ثانيه

بعد فتره خابروا مااعرف منو

وبقه يصيح ويغلط

الي عرفته احتمال تكون زوجته

لان يكولها مااجي

كلي هاي بنت الكلب تلح عليه الى اجي هسه

اي وين المشكله روح

لج هاي تريد تمشي حجيها عليه

خل تولي مااروح اله باجر

بعدين بدت المخابرات ادك علي

كول شويه احد يخابره

بعدين كام يتافف وضاج حيل

كام يصيح خل اجي واني اعلمها بنت الكلب

كال لازم اروح لاهلي مضطر

كتله اي عادي شنو المانع متروح

مو مشابع منج والله ومابودي اعوفج

كلبي حاس مااشوفج بعد

حباب لتحجي هيج

نزلت دموعي

كتله عفيه لتخليني بامتحان صعب

لتعوفني وتتركني ابداية الطريق

وين انطي وجهي بعدك

اني مخايفه ع روحي بس خايفه ع الطفل

باسني بكصتي وكلي ماكو شي ان شاء الله

كلي روحي جهزي نفسج واخذي هاي الحلويات وياج

فعلا بدلت وقبل لا اطلع باسني بحلكي

كلي هاي الوداعيه وياج

اني جنت معتقده راح يتخله عني من سمع حامل

كلت اكيد هاي المقدمات مالت الحجي حتى يمهدلي الطريق

اخذني لاهلي

قبل لا انزل كلي مااوصيج ع ابني اعتني بي

فتح محفظته وانطاني 10 اوراق

كال هاي خليهن يمج خاف ترحين لدكتوره او تحتاجيهن لاي شي

كتله ممحتاجه شي والله

اهم شي روح وارجع بسلامه

لتزعليني منج فدوه اخذيهن

اخذتهن وخليتهن بالجنطه

نزلت وهو راح

كول شويه ويتصل بيه

كلي عندي طلب منج

ادخلي للغرفه وقفليها عليج

اريد ابقى متصل بيج لمن اوصل

كتله مو زين ترفع الجهاز وانت تسوق

كلي لا ماارفعه بيدي

مشكله بالسياره

اسمعه يحجي باعلى صوته احبج

اموت عليج

سامحيني زوبه فدوه اروحلج سامحيني

اضحك ويا كتله مااسامحك اله لمن يجون اهلك

لج راح ادز العشيره كلها مو بس لاهلج

لج انت ام نظوري وحياتي وعمري كله

فجأه سمعت شخطة سياره حيل قويه

سمعته يصيح دخيلك يا علي ياعلي

وانقطع الصوت

دكيت يطلع مغلق

اتخبلت اتهسترت

كلشي ولا يصير بي شي

انتهي والله

وين انطي وجهي

صحيح اني وافقت شهر ونطلك

بس هسه اختلف الموضوع

اكو روح بريئه بداخلي

مستحيل افكر اقتلها

بقيت اكثر من ساعه ادك مغلق

بعدين دك عليه

حيل فرحت

طلعلي شخص غريب

كلت الووو

كلي الووو اخي صاحب هذا الرقم اتعرض لحادث خطير

ياريت تجون بمستشفى الفلاني

اتخبلت وكع الجهاز من ايدي

طبكته منه لان مااعرف شاكول

كمت ابجي

اكول ليش هيج حضي لمن صار زين ويايه وراد يعلن زواجنه هيج يصير بينه

جسمي كام يرجف

اباوع الساعه ب ب10 ونص بالليل

حرت شاسوي

بطني كامت توجعني

عبالك الطفل يحس اكو شي بابو

بقيت افتر منا وارجع منا

بديت اتصل بالرقم بالبدايه مغلق بعدها لو ميجاوب احد لو ينطوني رفض

بقيت الح عليهم

لمن نرفع خط وجان يجيني صوت خشن حيل خفت من نبرته

مكدرت احجي خفت حيل

طبكه بعدين

بعدها اتصلت كوه اتمالكت نفسي وجاوبت

كلي بالعنايه وسالني شمديج ومنو انت

حرت شاكوله

بعدين كتله موضفه ادري بي ممصدكني بس مو مهم

بقيت للصبح ادك واطمان علي

لمن اخر شي بعد محد يجاوب

حيل قلقت وبطني كام توجعني

وكلبي نغزني عرفت اكو شي

اخر شي ردوا عليه وجان نفس الصوت يجيني

بس هالمره بجي ويا وجان يكول مات مروان

اتخبلت خبال

دموعي تجري انهار

حيره شاسوي والمشكله ماعندي اي دليل مروان زوجي

ياربي اني شسويت بنفسي

خسرت اخويه وخسرت نفسي وهسه خسرت مروان

بقيت بفراشي للصبح

اليوم جمعه ولازم نروح للنجف

اجني البنات كتلهن مااكدر اروح نعسانه وتعبانه

اجوي ماما وبابا يطمنون عليه

كتلهم مابيه شي بس نعسانه

عافوني وراحو للنجف

بقيت ع كعدتي ل12 الظهر مابيه حيل اكوم بس مانايمه ابد

عيوني ورمت من البجي

شايله هم شلون اطلع كدام اهلي هيج اذا اجوي

للعصر اجوي اهلي

اجتي اختي كعدتني عبالها نايمه

كتلها هسه انزل

دخلت للحمام وبقيت جوه الدوش اكثر من ساعه

بدون مااحرك شي بيه

بعدين كلت لازم اتمالك كدام اهلي

بابا صحيح هادئ ويحبنه ويموت علينه

بس اني متاكده اذا حس بيه يكتلني نهائي

لان كولشي ولا الشرف

دائما جان يحجي ويانه اني واخواتي وينصحنه

كملت ونزلت

سالوني ع عيوني شبيهن

كتلهم سمعت المدير مالتنه متوفي

وضجت علي لان جان انسان حباب وساعدنه

كال بابا خطيه هم شاب الله يساعد اهله

كلي لازم اروح للفاتحه اسالي وين بياجامع

لان موقفه ماننساه ابد

كتله مو بمحافظتنه اهله بغير محافظه

كلي لعد خليها مااكدر اسافر

گلي والفلوس شلون راح نكدر نرجعهن

كتله الله كريم

خل نشوف بعدين

كعدت اجاملهم بالاكل اخاف يشكون

اتذكر الحجي مالته شلون يعلم بنفسه راح يموت

ضجت حيل علي خطيه

مهما يكون يعتبر ابو ابني

وواعدني راح يعلن زواجنه

بس شاء القدر ويموت قبل لااحد يعرف الموضوع

بقيت جمعه وسبت اموري حيل متخربطه

وعندي دوخه ومرات اذب من راسي

يوم الاحد داومنه وجانوا الموضفين كلهم متاثرين

سمعنه كالو احتمال الشركه تنباع

حايره شاسوي وشاتصرف

والوقت كاعد يمر اخاف يبين بيه الحمل

بعد مرور 10 ايام قررت اجازف بخطوه كلش صعبه وجريئه بنفس الوقت

مستحيل انزله للطفل مهما كلفني الثمن

ماعندي وسيله غير التوسل بمولاتي فاطمة الزهراء هي الوحيده الي اطلعني من هاي المحنه

بالاخير قررت قرار هم راح يكون صعب عليه بس مجبوره ........

توقعاتكم حبايب شقررت زينب وهل ياترى راح تنحل مشكلتها لو لا راح تصعب الامور وتتعقد اكثر

حبايبي لتنسون التصويت بالنهايه

وباجر مراح ينزل البارت ع الموعد

احتمال جبير اروح للنجف ان شاء الله ازور وادعيلكم

شوكت ماارجع انزله للبارت حتلوا ب12 بالليل

اكيد انزل بس الوقت ممعلوم لتكلولي وين البارت اتاخرتي

تحياتي للجميع 😘😘😘❣️❣️❣️