رواية بين الفقر والطغيان الفصل الثالث 3 - بقلم رونق

مساء الخير ع اجمل متابعين اتمنى لكم قراءه ممتعه

🌹🦋 البارت 3 🦋🌹

🌹🦋 بين الفقر والطغيان 🦋🌹

🌹🦋 للكاتبه رونق 🦋🌹

حسيت بي يبجي اتوقعت هاي دموع الفرح

ها بابا بشر نجحت العمليه مو

جان يكول بابا البقيه بحياتج اتوفه سيوفي

عبالي ديشاقه ويايه

شنو بابا شدتكول اكيد دتتشاقه ويايه

لا بابا اخوج انطاج عمره باثناء العمليه اتوفه

ياريت تبلغين امج

حاولي تمهديلها الطريق شويه شويه

اني هنا حسيت بثكل براسي احس كانو جبل ووكع ع راسي

عيوني غوشن لحضات بعد ماادري بنفسي

انغمى عليه محسيت الى ع مي ينرش ع وجهي

كعدت عبالي حلم

سالني مروان كلي شكو

كتله وين جهازي

انطاني الجهاز اتصلت ابابا

طلع بس يبجي عرفت اني مو بحلم

طبكته منه

معقوله تضحيتي راحت هيج

معقوله كول الي سويته وقدمته لاجل اخويه راحت تضحيتي هيج

كمت اصيح وابجي واشلع بشعري

سالني مروان شكو

كتله مات اخويه

انت شدتحجين اكيد متوهمين

اتصل بشخص

اسمعه يكفر ويغلط ويكلهم ليش ماعندي علم

حسابكم بعدين ويايه

كتله الله يخليك دزني لبيتنه

كلي يله كومي

الطريق كوله بس ابجي وادك ع وجهي

شلون اذا ماما درت يمكن تتخبل

طبعا احنه عائله كلب ع كلب ومتربين احسن تربيه

اخويه بعمره وحياته مرفع صوته ع ماما وبابا

وجان حنين علينه

ومن بابا خسر املاكه كلنه لتهتمون اني اخلص دراسه وافتح صيدليه ونرجع نوكف ع رجلينه من جديد

جان اخويه كولشي بالنسبه لاهلي

كام يحجي عليه مروان

لازم تتمالكين اعصابج امج خطيه لازم تشوفج قويه

اني سكتت محجيت شي ويا

مقبل ينزلني بعيد عن اهلي

نزلني اباب بيتنه وراح

دخلت للبيت لكيت ماما منتظره عبالك كلبها يعلم

ها ماما اخوج صار بي شي

دموعي كامت تجري مكدرت اسيطر عليهن

ركضت ذبيت نفسي عليها وكمت اشهك

بدون مااحجي عرفت ماما لان اكيد كلبها يعلم

كامت تصيح وتبجي وباللحضه انغمى عليها

اجني اخواتي كلهن يركضن

سالني شكو كتلهن بس جيبن مي بسرعه

ذبينه عليها بس ابد مافاقت

كتلهن جيبن عبايه او صايه لماما

طبعا ماما متلبس عبايه اله قله لو زياره لو مستعجله

لبسناها حجاب وصايه

اتصلت بمروان لان بعده قريب اكيد

كتله الله يخليك تعال بسرعه ماما انغمى عليها

اخواتي كامن يبجن عرفن سيوفي اتوفه

رجع مروان وشالها ويايه واخذناها للمستشفى بسرعه

شكلولها كانويلا وضربوها ابر وانطوها مغذي

الظاهر ضغطها هابط

وره شويه فاقت بس كامت تصيح وتلطم ع راسها

كوه كدرت الزمها

اجه الدكتور وكام يحجي عليها

ميصير هيج تسوين حرام عليج

ضربوها ابره مره لخ

اتصلت ابابا خطيه هم بوحده

كلي مروان مو بوحده الكادر كامل ويا راح يرجعون اليوم

كام يحجي عليه كلي مااريد اسمع صوتج يعلى ابد وانت بالمستشفى

وهذا امر الله مانكدر نغيره ابد

كمت ابجي كتله ماعدنه بالدنيه غيره

وتدري التضحيه القدمتها لاجله شكبرها

كلي اسكتي وهدئي امج خطيه اخواتج بوحدهن

وره شويه كعدت ماما

حضنتها كتله الله يخليج صيري قويه

خطيه البنات بوحدهن بس يبجن خايفات عليج

لازم نروح يمهن

بس تبجي بدون صوت

اجه الدكتور جيكها وكال طلعوها

طلعناها بالطريق سالتني منو هذا

كتلها المدير مالتي صدفه جابني للبيت وصلني بطريقه

واتخربطتي وجبناج

اتشكرت منه ماما

كللها خاله اي شي تحتاجونه اني بالخدمه

نزلنه لكينه الجوارين ملتمين

لليل اجوي من اربيل

بابا خطيه حيل منكسر وبس يبجي

دخلو سيوفي للبيت

التمينه علي اني والبنات وامي

فقدنه كليتنه كوه طلعوا التابوت

طبعا لبسنه اسود

اخذوا للنجف

الي سمعته من بابا مروان متكلف بكولشي

سوينه الفاتحه وجانت حالتنه يرثى لها

ابويه خطيه يكسر الخاطر

وماما كول شويه وكعت علينه

طبعا اهل بابا محد ذكرنه ابد

حيل حقدت عليهم

يعني يعوفونه بوحده بهيج ظروف

يوميه بالليل يتصل بيه مروان ويطمأن عليه

خلصت الفاتحه وطلب مني اداوم وكلي خبري اهلج بالساعات الاضافيه

عفيه انطيني مهله خل ارتاح

مو من صالحج كملي الشهر وارتاحي

فكرت وكلت صدك احسن

فعلا حجيت وي بابا

كلي راح اطلع من باجر اروح اكمل معاملتي حتى ارجع لشغلي مااكدر ابقى هيج

واذا حابه تبطلين بطلي

كتله لا بابا مااكدر ابطل حتى اذا اشتغلت

يادوب يكفي الراتب ولازم نسدد القرض مالت المدير

احس بذنب جبير لان دا اكذب ع اهلي وخنت ثقتهم بيه

بس مابيدي شي

فقدت رغبتي بالحياة

احس بنفسي مثل الجسد بلا روح

كلي بابا ذني مليونين رجعيهن للمدير وياج

شنو ذني

بابا قبل لنروح لاربيل انطاني مليونين كلي خاف تحتاج شي اصرف منهن

والتكاليف مالت المستشفى ع الولد

اني ابد مصرفن منهن

كلي اتكلف الفاتحه كلها خطيه

مااعرف شلون راح نجازي هذا الشخص

قله من امثاله الله يحفظه لاهله

كتله بكلبي ماتدري مو لله هذا الديسوي

هذا كله بسبب شرف بنتك

اخذت ويايه الفلوس ورحت داومت

اجوي الموضفين كلهم سلموا عليه وعزوني

خلص الدوام وطلب مني مروان اتاخر شويه بعدها اروح للفرع الثاني

فعلا رحت وصعدني ورحت للبيت

جان ماالي خلك ابد ولا الي واهس

بس مجبوره

اخذ ويا غده جاهز

دخلنه كلي جهزينه الغده

كتله اني مااشتهي اكل بوحدك

اشو هذا كام يصيح

كلي اسمعيني زين

حزنج تعوفي ابيت اهلج

تجين هنا اريدج وحده ثانيه

كمت ابجي كتله شلون يعني

اخويه جوه التراب صارله 4 ايام وتريدني اضحك وانسى

مو مشكلتي هو بقه شكم يوم

وها احسبي حسابج ال3 ايام الي مااجيتي بيهن راح ينضافن فوك الشهر

وهسه تجين تاكلين وتسكتين

دموعي تجري اجيت يمه كعدت

كلي اخر مره اشوف دموع بعينج وانت يمي

حسيت بنفسي ذليله كدامه

صدك اشتراني بفلوسه

انعل ابو الفلوس الي تذل البشر

اكلت ويا وخلصت

كتله راح اسبح

گلي زين تسوين بس مااريد ترجعين للاسود

البسي اللوان

لا الله يخليك فدوه اروحلك كولشي ولا هاي

شتريد اسوي بس مااكدر انزع الاسود

مو مشكلتي مااحب الاسود ابد

لا عفيه والله اكو ملابس نوم اسود هواي

ومنين اجيبلج هسه عود باجر اجيبلج

كوه قنعته منزعته

انطيته الفلوس بس رفض ياخذهن

كال ذني لابوج

لا والله ماقبل ابد

ومانكدر ناخذهن لان ممحتاجين

رجعيهن يعني رجعيهن

والنبي ميقبل اعرفه كلشي زين

ثاني يوم جاب ملابس نوم لون اسود

الي عجبني بي

بالدوام يعاملني معاملة الغريب

يعني ابد مخله احد يشك بينه

يتصرف طبيعي ويايه

مشوه سمعتي ابد

بقيت ع هذا الحال تقريبا شهر

يعاملني اسوء معامله بالبيت مثل الحيوان ويضربني دائما

بس كلت اتحمل هانت مبقه شي واخلص منه

بابا رجع للدوام الحمد لله

بس راتبه قليل لان خدمته قليله

مكضيها كلها اجايز بدون راتب وجان عنده واسطه

ماما بدت تتخربط دائما علينه

وديناها لاكثر من دكتور كال حاله نفسيه

بدينه نهدء بيها كوه تنام خطيه

قررت ثاني يوم احجي وي مروان ع مود الطلاك

فعلا داومت ومن خلص الدوام رحنه للبيت

فتحت الموضوع ويا

وجان يضحك عليه يگولي من كل عقلج اطلك

تذكرين من كتلج ضاملج مفاجأه ع طولة لسانج

هي هاي المفاجأه

مستحيل اطلگج لمن تخلص السنتين يله

بس هذا مو حجي احنه اتفقنه شهر واطلك

وهسه اني اكولج طگي راسج بميت حايط مااطلك

واذا عاندتي والله اشوه سمعتج واخلي كتلج ع فلس

عادي ميهمني افضل الموت ولا ابقى هيج

بس لتنسين عندج اخوات لازم تخافين ع سمعتهن

واذا تردين بعد فلوس عادي انطيج الي تردي

منو كلك اني اريد فلوس

اروحلك فدوه طلكني

ماعندك اخوات وتخاف عليهن

فدوه خلي اختك بمكاني ترضاها

لج ساقطه شجابج لاخواتي

انت وين وهنه وين

كمت ابجي بس بدون فائده

شفته قافل سكتت

گتله مااكول غير حسبي الله ونعم الوكيل بيك

اجه يوم الاربعين مالت اخويه

رحنه للنجف للقبر وشبعنه بجي

احجي بكلبي واعاتبه

لك سيوفي شسويت بيه

دمرت حياتي لخاطر تبقى تتنفس الهوى

وتالي تعوفني وتروح

ردتك سند الي

مهمتني حياتي ابد

كل الهمني هو انت تبقى عايش

تدري راح ادفع الثمن غالي

بقينه للعصر ورجعنه

بس ارتاحينه شويه من زرنه القبر

كال بابا ادور كل اسبوع نروح نزوره

ماما خطيه حيل فرحت

اني بيومها مداومت

بالليل اتصل بيه مروان وكلي باجر هم لااداومين انتظريني امرلج

نروح للبيت

صارت عندي عقده من وراه والله

بس مابيدي شي

رحت ثاني يوم ويا

اتريگنا ونمنه سويه وبعدها سبحنه

ورجعني نيمني بحضنه وغفه

اني بقيت مااكدر انام

احس بذنب وتانيب الضمير

اذن كمت صليت ورحت للمطبخ

ادور كلشي ماكو بالثلاجه عبالي اطبخ غده

بس فواكه وحلويات

بقيت ارتب بالمطبخ اريد الوقت يخلص

صارت ب1ونص سمعت الجرس يدك

استغربت منو الاجه

گلبي كام يدك سريع اتوقعت بابا اجه حس بيه

كمت ارجف

رحت كعدته

مروان مروان

الباب يندك

شنو منو الاجه

مااعرف كوم شوف

كلي ابقي هنا ابد مطلعين لو شيصير

قفلتها عليه

لبست ملابسي وحجابي

رتبت الغرفه مخليت اي اثر

وره لحضات سمعت صوت عالي مالت ولد

كامو يسولفون ويضحكون

وره شويه دك الباب فتحتها ودخل

گلي هذا اخويه اجه ديري بالج تفلتين ولو بحرف

والنبي نهايتج ع ايدي

حتلو احجي عليج تسكتين

راح انطي بيج كدامه اتحملي

ااشرت براسي يعني موافقه

گلي كومي خل اوديج للبيت

احس جسمي كام يرجف وحيل خفت

طلعت وره مروان لكيته كاعد بالصاله

ابد مركزت بالشكل لان راسي بالكاع

كوه طلعت مني مرحبا

مرد السلام

كام يهز بيده

گله لك مروان متگولي منين تجيب هالشكولات

ولك عايف مرتك وحلالك الي جنها كمر وجاي ع هالزبايل

اني سكتت بس بداخلي افور

جاوبه مروان گله لك والله هنه الي يذبن نفسهن كوه ع مود شكم فلس

گله لك خاف جابرها

لا يمعود شاجبر هاي كدامك واسالها

هي الي اجت برجليها مو اني

التفت عليه مروان ها جابرج اني

دموعي بطرف خدي

متحملت عفتهم وطلعت

اجه ورايه يركض مروان

لج كلبه حقيره شلون تعوفيني واطلعين

ناويه تصعدين بتكسي بهالظهريه

حتى ومحمد اكسر رجليج اثنينهن

صعدت ودموعي كامت تجري انهار

رحم الله والديك ع هالكلام الحلو

لعد شتردين شاكله لاخويه

اكله هاي زوجتي

لج تعرفينه هذا شنو

هذا ظابط والله اذا يدري انت زوجتي يخلي طلقه براسج وطلقه براسي

مايرحمنه ابد

بس حرام عليك هيج تشوه سمعتي كدامه

احلفك باعز الناس عندك طلكني

كام يكفر يكولي اخر مره اسمعها منج هاي الحجايه

مااطلكج لو اموت

وصلني ورجع

رجعت للبيت كبل نمت حيل كرهت حياتي وكرهت مروان ويايه

همزين باجر جمعه وراها سبت

لان الشركه عطلتها جمعه وسبت

هاليومين ارتاح بيهن من مروان

اساعد امي والبنات بالبيت والطبخ

بعدنه فتره ولازم نطلع من البيت

التفكير ماكلني اكل

وين نروح وين ننطي وجهنا

الراتب كامل انطي لبابا

وكتله الساعات الاضافيه ياخذهن للقصد

لج بابا هذا الانسان نزيه وشريف شلون راح اوافي مااعرف

حيدر : صار فتره معاجبني وضعه لمروان

جان يجي كل اسبوع لو شيصير

هسه لا يزاغل ومرات يجي بس يوم واحد ويرجع

الاربعاء  اتصلت بي وسالته تجي

كلي لا مااكدر عندي شغل للجمعه يله اجي

گلت لازم اسافرله فجأه واعرف شنو الي كاعد يعطله

لان اخويه واعرفه كولش زين لازم ضامله شي

زوجته هم اكلت كلبي شوفه شعنده

لان الظاهر من يجي بس يخابر

الخميس رحت من الصبح بس مخبرت احد

رحت كبل للشركه لكيته ممداوم اليوم

گلبي لعب الصراحه

دكيت الباب علي اتاخر يله اجه

الظاهر جان نايم بسابع نومه

لان طلعلي يفرك بعيونه

انصدم من شافني

اتحاضنه ودخلني بس حسيت بي مرتبك شويه وممرتاح لوجودي

عرفت اكو وحده من ذني الساقطات يمه

سالته كلي اي اكو وحده

راح ادزها لاهلها واجيب غده وارجع

ضحكت كتله لا لك اخيك من زمان منايم وي وحده

خلي انام وياها يله ادزها

حسيت بي مثل الضاج ومعرفت السبب

گلي لا ماتكدر هسه مستعجله

عود بالليل نجيب بنات ونسهر

لك يامستعجله اني لو ما جايكم يمكن بقيتو لليل

لا والله تريد لاهلها

دخل للغرفه وطلع بعد لحضات

وجان تطلع ورا وحده سبحان الخالقها بنت اللذين

ايه من الجمال مشايف مثل جمالها ابد

بس الصراحه حيل ضجت منها

يعني طفله بعمر الورد ليش هيج تسوي

ع مود شنو ع مود شكم فلس

تف ع هيج نفسيات

مستحيل اكو اغلى واثمن من الشرف

المشكله يگولي هي الي اجت برجليها

هواي حجينه عليها بس العجيب منطقت ولا بحرف

بس كلمة مرحبا

ثار انتباهي لبسها الاسود

مااعرف موديل او لا

من حجينه عليها طلعت وراحت

طلع وراها مروان

بس الصراحه حسدته لمروان عليها

اخذني الفضول لغرفته

حبيت اعرف شجانت لابسه

دخلت للغرفه لكيتها اي اثر لملابس ماكو

طلعت بسرعه

تمددت ع الطخم الي بالصاله

شويه واجه مروان

كتله لك متگلي منين تجيب ذني الصاكات

واني اكول مروان شعنده ميجينه

اثاري مكابل الكمر وينه وين يجينه

اشو اني وين الزايعتها الكاع تصير گبالي

كام يضحك گلي والله هنه الي يجني ع رجليهن

كتله اني هاي البنيه حيل عجبتني لازم انام وياها

حسيت وجها كام ينطي اللوان

گلي لا راحت لاهلها

اي عادي دز عليها مره لخ

لا مستحيل ماتجي بعد

اجيبلك غيرها

سكتت لان حسيته ضايج

اتغدينه ونمت لليل كعدت

بدلنه وطلعنه اتعشينه بالمطعم وفرينا شويه

اخذني لاصدقاءه وسهرنه سويه

وجابوا بنات هواي

اني بالي يم الي جانت وي مروان

حيل اشتهيته بيومها

رجعنه وجه الفجر

كتله مروان اريد البنيه الي جانت يمك

گلي شجلبت بيها يمعود متفيدك

واليوم جمعه مستحيل اهلها يخلوها تطلع

هي الي ساقطه معقوله اهلها ميخلوها تطلع

هاي تختلف

هههه شلون بالله تختلف فهمني

اهلها ميدرون بيها

معقوله

اي والله

وشنو الي جابرها

لك الفلوس يذبحن نفسهن ع الفلوس

سديتها بوجهي عمي بطلت اروح انام احسن

نمنه وكعدنه ب12 بدلنه ورجعنه لاهلي

طبعا اتصلت بيهم وخبرتهم ابات يمه

وصلنه للبيت وجانت امي مجهزه الغده

اتغدينه ورحت لبيتي شبعت نوم

بقه يمنه جمعه وسبت كوه اتعطل

رجع الاحد من الفجر

كلما اشوفه الكي يراسل لو صافن

بس مو ع بعضه

هو دائما عنده علاقات بس ميصفن هيج ولا يراسل هالكد

هواي حاولت اعرف شبي منطاني كلمه

عفته ع راحته

بقيت ملتهي بشغلي ووقت فراغي اطلع نور وفطومه اختي للملاعيب وللمولات

بنتي مناقصها شي ابد موفرلها كولشي

بس شايل هم الها بس تسجل بالمدرسه شلون بيها

اذا مو امها تعتني بيها ادرسها مترهم

اني خايف اتزوج لان ماعندي ثقه ابد بوحده

وبنفس الوقت مااكدر اضمن الي اتزوجها راح تعتني ابنتي

بقيت هيج وذبيتها وره ربي العالمين

بقت صورة البنيه مطبوعه بذاكرتي

دائما تجي ابالي

جانت حلوه بشكل معبالك من العراق ابد

الي يشوفها مستحيل مينعجب بيها

بس اتعجب ع هيج ناس تبيع شرفها اني باعتقادي العتب مو عليهن

العتب ع اهلهن الي معرفوا يربونهن زين

اني هسه مراقب فاطمه ودائما افاجأها بالجامعه

واحسسها اني مراقبها بكل مكان

مو ماالي ثقه باختي لا بالعكس

ثقتي عمياء بيها

بس اخاف عليها من الشباب

لازم الاهل يراقبون بناتهم ويشوفون تصرفاتهن

ميصير نتيههن وهاي هي

المفروض من وحده تجيب فلوس

دور الاهل يحاسبوها منين جبتي وليش وشنو وميت سؤال يسالوها

مو يفرحون بيهن اهم شي جابت فلوس ومو مهم المصدر

بصفة عملي تجيني الاف القضايه يوميه شكل

اني ضابط تحقيق تجيني هواي شكاوي

قسم اعتداء وقسم حرشه وقسم بنات يلفقن جذب ع مود زواج او فلوس

الاغلبيه بنات ساقطات يوگعن الشباب ويتهمنهم وع اساس حامل

وتتكربس براسه

اني اكول حيل وياهم المفروض يحسبون حساب لكلشي

قبل لااتقرب ع وحده اشرط عليها

هم ادورين هاي السوالف التعبانه مالت طفل ومدري شنو

ع اساس تكربسيني بي

يكولن لا منريد

ابلعها الحبايه مالت المنع بيدي

اامن يله اتقرب عليها

لان مااكدر اشوه سمعتي واني ضابط معروف

والي مكانتي بالمجتمع

والكول يحسبلي حساب

اني جنت اكره هاي السوالف

بس من وره الخيانه الي خلتني هيج

بالنسبه لمروان بقه هيج مينزل اله الخميس بالليل لو الجمعه الصبح

ويرجع السبت بالليل لو الاحد الفجر

هملته لموضوعه وكلت خلي ع راحته

قابل طفل وميفتهم

دائما اساله ع البنيه يكلي اهوووو لهسه ابالك

عميت عليه وشالو لغير محافظه

لا بربك حرامات

تدري بقت بنفسي

حسيت يضوج من احجي هيج

صارله تقريبا شهرين ع هيج وضع

اليوم صادف اربعاء

وزوجته لمروان بقت تلح علي تعال تعال

هو كال للخميس يله اجي

بس هي اصرت كالت لو يجي لو يطلكني

ادخلنه اني وامي وابويه

خابرنا واصرينه علي لازم يجي

هو مقبل وكال شنو مره تمشي كلمتها عليه

خل تولي لاهلها

مقبلنه كلنه

اصرينه علي يجي بس عصب حيل

كال اني اجي واعلمها

اتصلت بي تقريبا ب5 كال راح اجي هستوني طلعت

صارت تقريبا الساعه ب9 بالليل وبعده مجاي

اتصل بي مقفول

هواي بديت اتصل بي بس مقفول

صارت الساعه ب10وماكو

كلبي لعب وخفت الصراحه

كلت انتظر بعد ساعه اذا ماكو اروح اسافرله

صارت ب10 ونص جان يدك جهاز ابويه

اني كاعد بصفه

گله اي اني ابو

جان يگوله .......

وللحكايه بقيه .... توقعاتكم حبايبي