مساء الخير ع اجمل متابعين اتمنى لكم قراءه ممتعه
🌹🦋 البارت 17 🦋🌹
🌹🦋 بين الفقر والطغيان 🦋🌹
🌹🦋 للكاتبه رونق 🦋🌹
دكيت الباب وجان انصدم برجال يطلع عمره بالاربعين يعني مو جبير
مبين علي ابوها بس الصراحه اتفاجات بي جان شخصيه مو طبيعي وزغير
اتوقعته مبهذل واتوقعته رجال جبير
سلمت علي وجان مبين علي الصدمه
اكيد معرفني
عرفته عن نفسي
كتله اني حيدر زوج زينب
فر بيه وحسيت بي فرح
دخلني بسرعه
تعال عمو اتفضل
جان بيتهم تعبان بس بي حديقه مرتبه
دخلنه للاستقبال وجان الترتيب والنظافه طاغيه عليه
صاح زينب ... زينب .....
تعالي بابا هذا زوجج اجه
راح جابلي مي واجه
كال راح تجي زينب
كعدنه كلي الحمد لله ع السلامه
الله يسلمك
مااعرف يدري بيه متزوج لو لا
وبده يسالني عن دوامي واجاوبه
مبين علي مثقف بشكل
يحجي واني فاك حلكي عليه
ممتصوره هيج ابد
وره شويه اجتي زينب وجانت مصدومه من شافتني مثل 👈 😳😳
سلمت من وره خشمها واضح عليها
اخذت نظوري وبوسته وهو فرحان انطيته علاكة الحلويات
جبتهن من الطريق
نور الحقيره ولا اجت ولا شفتها
اخذهن وطلع
كومي بابا سوي غده لزوجج
لاعمي تسلم متغدي وشبعان بس جاي بدون زحمه
ابوها اترخص كال اني اجيب الجاي واجي اخذ راحتك ابني
اتقدمت عليها هي رجعت لوره لمن وصلت للحايط
صارت مقابيلي
وخر عفيه لا يجي بابا
واذا اجه قابل شمسوي
شلون دخلت لبيتنه مخفت ع حذائك وملابسك يتوسخن
هذا مو شغلج
ضربتها راجدي كتلها هاي لان طلعتي بدون علمي
ضربتها الثاني هاي لان صعدتي وي امير وبدون موافقتي
ضربتها الثالث كتلها هذا لان ماقدرتي جيت اهلي الج
ضربتها الرابع هذا لان جهازج مقفول
هي منطقت ولا حرف
بس وجها صار احمر
لان بيضه واكيد اقل ضربه يبين عليها
يله جهزي نفسج خلي نرجع
كوه تحجي وهي مدنكه
بس مااريد ارجع وياك
خليني هنا اريح الي والك
خلي عينج بعيني واحجي
بقت مدنكه اكيد كوه تحجي مااعرف خوف لو خجل
رفعت وجها باصبعي
بس اني تدرين بطبعي مااحب اعيد الكلام مرتين
واني هم مااكدر ارجع وياك
حبيت اسويلها كرصة اذن
حتى متعيدها مره ثانيه
كلت خل اخبث شويه وياها والعب ع اعصابها
بس خل يجي ابوها
عفتها وكعدت
هي بقت واكفه
طبعا لابسه صايه وحجاب
دخل ابوها جاب جاي
كتله رحم الله والديك تعبتك وياي
احس راسي يريد ينفجر من صدك
التفتت عليها روحي جيبيلي حبايه بندول اذا اكو
هسه اجيبلك
راحت لحضات واجت جايبه الحبايه ومي
هاي المن لابسه حجاب وصايه
ابوها هم كاللها صدك بابا منتبهتلج هاي شلابسه
ماكو غريب بس زوجج
هي ارتبكت كالت عبالي جاي احد وياه
معبالي وحده
لعد انزعي الحجاب والصايه بابا حاره حيل
فعلا نزعته بس شنو الخجل واضح عليها
ياالله شكد حلوه بدون حجاب
شعرها جانت ضافرته
اول مره احس بيها الخجل طاغي عليه مستحيل تصنع هذا خجلها
نزعت الصايه بيها سحاب
جانت لابسه تراك نفس 👇
هاي اكيد ناويه تجيب اخرتي ع ايدها
مااكدر اباوع عليها عيب من ابوها
كعد ابوها
كللها تعاي بابا اكعدي
لا خليني هيج احسن
ليش بابا شبيج
مبيه شي مو اريد اشوف ابني
كتله عمي اليوم اني جاي وحاب اشتكيلك من زينب
حسيت بيها وجها صار اصفر
اني متاكد الي يذبحها ميلكي قطرة دم
عبالها راح احجي عليها وع مروان
كال احجي عمي ميكون خاطرك اله طيب
كتله تقبل اسافر
تجذب ع اخويه وتكله حيدر كال دزني لاهلي
وتدري بيه مااقبل تطلع اله بعلمي
واجتكم بدون علمي
ومو هاي المشكله
المشكله جهازه قافلته
حبيت اطمان ع ابني واسمع صوته هي عناد بيه قافلته
واجوي امي وابويه يردون يرجعوها خطيه تفشلهم ومتجي وياهم
هي منطقت ولا بحرف
والله ياعمي شالعه كلبي بعنادها
واني هستوني راجع من السفر
وجان الكيها هي وابني ماكو
شتتوقع ردة فعلي
وهسه اكلها كومي خل نرجع تكولي ماارجع وياك
اريد ابقى هنا
اذا تقبلها هسه اعوفها واروح
وياريت تسالها ع السبب الي خلاها تعوف البيت وتجيكم بدون علمي
التفت عليها وسالها
هذا الحجي الي حجا زوجج صحيح
كالت اي
يعني جايه بدون علمه
اي
بعدهي هستوها نطقت
وجان يضربها راجدي دوخها بي
وضربها مره ثانيه
اني اعتقد ربيتج وعلمتج ع الصدق ومعلمتج عالكذب ابد
يعني جذبتي عليه ومكلتي جايه زعلانه
واجوي العالم يرجعوج وانت تفشليهم
هي مدنكه منطقت ولا بحرف ابد
بس دموعها تجري
اول مره انقهر عليها
حسيت بيها حيل ضاجت من ضربها ابوها
يمكن من ضربتها اني عادي
بس من ضربها ابوها كامت تبجي
كللها هسه تلمين ملابسج وتنسين عندج اهل وتجين زعلانه
رجلج اكسرها اذا عدتيها
اني معندي بنيه تجي زعلانه وتجذب
المفروض منج تصارحينه من البدايه
بس اني متاكد لو عايل بيج جان صارحتينه
وكتي هيج وهيج السالفه
بس اكيد الخلل بيج ومكدرتي تحجين
بس بابا اعذرني مااكدر اروح ويا
زينب ولا لحضه تبقين هنا
حتلو هو عايل بيج من اجه لبيتنه هو واهله كلش كافي
اصلا معايل بيها هي العالت بيه هاي كدامك واسالها
اني كاعد وساكت وهي الي قبل لااحجي حسيتها انتهت من صدك
هي الي عالت بيه وكامت تصيح
عرفتج انت العايله
انت لو مصارحتني ومفهمتني المشكله جان كدرت اساعدج
بس هسه لا ترجعين وتسكتين
هي بدون صوت سحبت نفسها وطلعت
حيل ضاجت مبين عليها
اتبادلنه الارقام اني وابوها
واخذت صفحته وصادقته
كال عمي احسبها عليه
زينب بعدهي طفله واكيد متفتهم
مخليها بعيوني وهاي كدامك واسالهه
اني هم محجيت شي بعد
اني اتوقعت يجن امها واخواتها يدخلن يمنه
بس فاجأني ولا وحده دخلت
لحضات واجت مبدله لنظوري
اخذته منها كتلها يله
ابوها كال ابقوا اتعشوا وباتو وباجر ارجعوا
اتوسل بينه
كتله مااكدر دوام عندي باجر
لازم اروح اليوم غير يوم ان شاء الله
كتله ام زينب وين حاب اسلم عليها هي والبنات
كال اي هسه
اجتي امها وهم جانت صدمه الي
زغيره حيل يجوز بعمري مبين عليها عمرها بالثلاثين
وجانت نسخه من زينب عبالك توم
سلمت عليها وحتى استحي اكلها خاله لو عمه
جانت نازكه بشكل
كال البنات نايمات
اني متاكد جذب منايمات بس احتمل يستحن
اترخصت منهم
وهي بوست امها
حسيت بيها بعدها تبجي
طلعنه وطلع ابوها ورانه
صعدت وره مصعدت بالصدر
كتلها تعالي هنا صعدي
كالت مو اخاف ينام ابني مااكدر هناك
هنا اريح حتى انيمه بصفي
لاحضت ملابس نظوري بعلاكه
مشينه بس هالمره ماامشي سريع امشي بطيئ
اتمنى ابقى اسوق للصبح
اتمنيت اشوفها بس البوشيه مغطيتها
الهدوء عم المكان
نظوري هادئ عليها اكيد
سالت نور اشتريلج كالت بكيفك
وكفت يم سوبر ماركت
اشتريت مي وعصائر ونساتل
انطيتها العلاكه
بس ولا اهتمت اخذتها وخلتها بصفها
كتلها اشربي مي وغسلي
وخل يكون بعلمج هاي بس تحذير الج
مره لخ اسولفله كلشي عنج
الظاهر ميعرفون ابنتهم شنو
اذا سالفه بسيطه ضربج
لعد اذا يدري بيج متزوجه بالسر شراح يسوي
منطقت ولا بحرف
ولا عبالك احجي وياها
مواحجي وياج ليش ساكته
شاحجي متكلي انت ناوي انتحر يله تفوت حالي
ياريت تسولفله الحقيقه لان تعبت بس من تهديدك والله
حقج يابه متخافين
منطقت بعد
وين جنطة نظوري ليش ملابسه بعلاكه
حتى اذا اسرق شي يبين من العلاكه
لان الجنطه ميبين شي منها
اها خوش فكره عفيه عليج
زينب اسمعيني زين
قسما بالله اذا طلعتي مره ثانيه بدون علمي اندمج والله
سكتت
انت الظاهر لهسه متعرفيني زين
خابرني ابويه كتله بالطريق
كلي خو ماحجيت شي كدام اهلها
كتله شنو السالفه ماافتهم قابل
هم ضربتها
لا وعليمن اضربها
قابل شمسويه
خطيه يابه لتضربها
الله يرضى عليك
كللها مشتاقين لنظوري حيل البيت بدونكم ظلمه
هسه اكللها تدلل
كتلها ابويه يكول مشتاقين لنظوري والبيت بدونكم ظلمه
يله يابه الله وياك
سكتت اليوم ذابته ع الصامت
خابرتني حنان سالتني وين صرت
طبعا خبرتها كتلها اجيب زوجتي من اهلها
كتلها راجع بالطريق
سالتني اسويلك عشه
كتلها لا اجيب ويايه جاهز
اذن بالطريق
سالتها جوعانه انمر بمطعم
ولا كانو احجي وياها
مو احجي وياج
لازم بعدج مصارتلج عبره
ياريت تعوفني بحال سبيلي لان البيه مكفيني والله
وهسه شمسويلج قابل
اشو كل الي ديصير من جوه راسج
هم صدك كله من جوه راسي لان اني وحده اكبر غبيه
ومعندي كرامه
لو بيه حظ جان مصدكت بالبنات
لان اعتقد عرفت طبعك وادري بيك اناني
مستحيل تفكر بغيرك
عفتها مجاوبتها لان مبين واصلها وياها حدها
وصلنه لمحافظتنه
اخذت عشه ويايه انه كلنه
نظوري الطريق كله نايم خطيه
وصلنه للبيت
دخلت وياها خليت العشه ع الكاونتر
سلمت ع امي وابويه وجانو فرحانين
وفاطمه همين سلمت عليها
اخذت ابنها وصعدت
كلت لفاطمه راح اروح ابدل واصلي
حتى نتعشه سويه
رحت للبيت وطلبت من حنان تجهز العشه وي فاطمه
اني سبحت وبدلت
ورحت للمطبخ
خابرنه ع محمد وزوجته
الكل التم
كلت لفاطمه صيحي زينب ونظوري خلي يتعشون ويانه
صعدت وره لحضات نزلت
كالت تكول مااشتهي وتعبانه بس اريد انام
امي عزلت الها ولابنها
كعدنه ناكل شفت حنان بسرعه انسجمت وياهم
وتسولف وتضحك
عكس زينب
صدفه اشوفها تكعد ويانه
والله دوختني بتصرفاتها
معقوله هاي ساقطه لا مستحيل
لهاي اللحضه مشايفها تضحك ابد
من اجتني ذاك اليوم اكيد لان تقشمرت
يعني مستحيل تسويها
اول شغله صارت بعد ذيج الليله الشفتها بيها
اتندمت ع زواجي وحسيت حيل استعجلت
نضرتي اتغيرت اتجاها 180 درجه
كمت اتمنى اشوفها كل شويه كبالي
محمد كلي من تكمل عشاك اطلع للحديقه نشرب جاي
حاب احجي وياك
صار واني اعرف شيريد يحجي
كملنه العشه وبقينه نسولف
فاطمه اخذت العشه وصعدت
نزلت فاطمه نظوري وبيدها العشه
كالت ابد ماتشتهي تكول اكلت عند اهلي قبل لااجي
خليت نظوري بيدي واوكل بي
اموت علي من يصيحلي بابا
بده يعرفنه يصيح جدو وبيبي ويصيح لنور نونه
لامير يكله امويي
ولمحمد يكله بابا
خلص اكله
اخذه ابويه وطلع
وهذا فرحان حيل
حجيت وي امي كتلها يوم راح نطبخ ابيتنه بوحدنه
حتى اريحكم مني
كالت امي لك ياتريحني
هو اني اكدر اكل بدونكم
كتلها مثل محمد اسوي
الغده ابيتي والعشه يمكم
كالت يوم شنو الي يريحكم سوو
احنه نطبخ للكل باي وقت تعالو اكلو هله بيكم
رحت للحديقه اني ومحمد
حيدر انت جبير مو طفل ونعلمك شنو الصح وشنو الغلط
انت تزوجت واستقريت
ياريت تعوف زينب بحالها
اشو البنيه لا طلعه ولا طبه
مخليها هنا خدامه
مايوم شكت ولاحجت ولا اعترضت
ثق بالله ياحيدر اذا سمعتك غاثها
لو مسمعها كلام مو زين
راح اراويك شي ميعجبك ابد
تدري اكبر غلط سوينا شنو
خليناك انت تزوجها عبالنه يصير براسك خير
والله لو ادري بيك هيج راح تعاملها
جان اني تزوجتها ولا اخليك هيج تذلها
اني منطقت ولا حرف
امام محمد اخوي اني لا شيء
ياريت تحاول تبتعد عنها وخليها عايشه بسلام
عافني وراح
رحت لبيتنه
اتفقت وي حنان
كتلها روحي يم اهلي ساعديهم
وشوفي وضعج تردين اطبخين اهنا تردين تساعديهن بالطبخ وهناك ناكل
مااريد تكعدين وتسكتين
اهم شي عندي امي
اذا يوم شكت منج احسبي روحج منولدتي
كالت باجر اروح يمهم واشوف الوضع
بعدين سالتني عن زينب
كالت ليش منزلت حابه اشوفها
كتلها مو سفر وتعب وتعرفين
باجر اكيد راح تتعرفن ع بعض
بس من هسه اكلج
مااحب مشاحنات ابيناتجن
ولا اريد مشاكل
كالت لا يمعود شعليه بيها
وهي مريضه خطيه
اني متاكد حتى اذا تعيل بيها حنان مراح ادافع عن نفسها
لان شخصيتها ضعيفه وهذا واضح عليها
زينب : من حجه ويايه حيدر
اول مره احس بنبرته هدوء ووبرودة اعصاب يحجي
خبرتني خاله عن البنات
حيل ضجت يعني خلني بموقف ماانحسد علي
بس كلت خطيه من صالحي هيج سون
عبالهن اخوهن صاحي وراح ينعجب بيه
اني متاكده لو يموت مراح يعترف بيه
واني كذلك
رفضت اروح وي خاله
نور بقيتها يمي
همزين جهازي عفته بالبيت
جان هسه سابيني سبايه
ممهتمه لردة فعله
ثاني يوم العصر اندك الباب وطلع بابا
جان يكول زوجج اجه ودخلته للاستقبال
اني انصدمت الصراحه
معقوله اجه بنفسه ودخل ابيتنه
هذا المغرور الي ميعجبه العجب
الي يخاف ع حذائه تتوسخ ابيتنه
بده الخوف ياكل بيه اكل
رحت دخلت وسلمت علي
بس اني لوني انخطف حيل خايفه منه
طلع ابويه وضربني
4 راجديات حسيت براسي افتر
محجيت شي
احرجني كدام بابا ونزعت
بس شعوري صعب اوصفه
لا هم اطلع اغره بلبسي
بس من حجه وي بابا وبده يريد يصارحه اني هنا انتهيت
حسيت بنفسي صفر دمي
وصخنت
كلت راح يعترف بكلشي
بده يشكيله
الصراحه من ضربني بابا
هنا جانت صدمه اليه
اول مره يضربني واول مره ميسالني عن السبب
حيل ضجت وانقهرت
المفروض يسالني ليش هيج سويتي
وشنو الاسباب
وادور زودها عليه من طردني من البيت
حيل انهضمت
اني جنت ناويه ابقى وماارجع ويا ابد
بس من سوه هيج بابا قررت ارجع ويا وبعد مااجي لاهلي ابد
سالني ماما والبنات كتلهن ماكو شي
خل بابا يسولف من اروح
شافن دموعي ماما تخبلت
تعاي ماما سولفيلي شكو
بابا ضربني وطردني
لو اموت بعد مااجيكم
كليله لبابا تكول زينب شكرا ع كلشي
ع شنو ضربج
ورجلج شكله
عفتها ورحت
بدلت لابني ونور مااكدر احجي
حيل مهظومه ومن اقرب الناس
طلعت بس حسيت بنفسي مكسوره
ماكعدت بالصدر ابد
اخر شي يفكر بي اكعد يمه
يحجي ويايه واني فاصله عن العالم
الطريق كله دموعي تجري
وصلنه سلمت ع الكل واخذت ابني وصعدت
صاحوني ع العشه
ابد مااشتهي ولا الي نفس اكل
اخذت ابني فاطمه ونزلت كالت اعشي
دخلت سبحت وارتاحيت شويه
لهيت نفسي بتنظيف الغرفه ورتبت الملابس
احس بكلبي ينزف دم
وره فتره اجتي فاطمه جابت نظوري
واعتذرت مني
كالت والله سوينه هذا الشي لمصلحتكم
عبالنه ادمي حيدر
بس والله ميستاهل اضفر من اضافيرج
كتلها عادي مصار شي
بالعكس هذا الموقف وعاني ع هواي اشياء
خلاني للموت اخلي حاجز بيني وبينه
وخلاني اعرف حدودي بالظبط
بقينه نسولف فتره وراحت لغرفتها
نطوري مقبل ينام لان الطريق كله نايم
نور خطيه نامت
اني احس براسي يريد ينفجر
بس ابجي واسافر ادمر دمار من الم راسي
اني هم نعسانه بس مااكدر انام واعوفه لابني
فجأه اندك الباب
لبست حجابي وفتحته
جان اشوف حيدر كبالي
كلي وين جهازج
كتله نسيته عند اهلي
ليش تجذبين
جهازج وين
قافلته وضامته
اي ادري بيج
روحي افتحي هسه
لا ماافتحه مااحب احد يزعجني
خلي راسي بارد مااريد اسمع الرزائل اريد ارتاح
لو حتى هاي ممنوعه عليه
ابوج اتصل بيه ويريد يحاجيج
لتتصرفين تصرفات الاطفال
بهالاثناء دك جهازه
كلي هاج هذا ابوج احجي ويا
لا مااحجي ويا
لج عيب منه هواي خابرني
مو مشكلتي كله نايمه
مااحب احجي وي اي احد
رفع خط
كله نايمه وخطيه مااكدر اكعدها
منا للصبح تفتحه جهازها ان شاء الله
طبكه بعدين حجه
اسمعيني زين
لتصيرين طفله وهيج تتصرفين
ولو هو انت شنو
عقل نور يجوز اكبر من عقلج
سكتت لان شاريد اجاوبه
جيبي جهازج هسه كدامي وافتحي
ماالك حق تجبرني افتحه
لا الي حق وغصبا عليج
اتقرب عليه راح اراويج شلون الي حق
اني كمت ارجع وهو يتقدم عليه
شتريد تسوي
كتله لتنسه بس تحاول تلمسني باللحضه اطلكني
ومنو كلج حاب المسج
بس حاب ابوسج لان البوسه مو من ضمن الاتفاق
اني اتخبلت
لا مو بكيفك
والله وداعت نظوري اخر شي افكر اخليك تبوسني
اموت ولا اتقبلك ابد
ع كيفج يابه لطيرينه
ع اساس اني ميت عليج
هسه طلعي الجهاز وافتحي
احسن مااخليج تتندمين
خفت منه
رحت للكنتور طلعته وفتحته
كلي عفيه بالحبابه والمطيعه
اتخبل من وحده عنوديه
خليها حلقه باذنج
بس تعانديني راح تتندمين
سكتت
ليش متعشيتي
مو جوعانه
شوكت ناويه تبطلين الجذب
تكلين لفاطمه ماكله عند اهلي قبل لا اجي
لا مجذبت لان اكلت ضرب واهاين هواي وشبعت
اها هم صدك نسيت
بس تردين الصدك تستاهلين
حتى مره ثانيه متفكرين اطلعين خطوه وحده بدون علمي
اخذ نظوري وكعد ع الفراش
اليوم مناوي تنام حبيبي
اول مافتحته للجهاز جان تجيني رسائل وحده وره اللخ
ذبيته ع الميز
بقه وي نظوري تقريبا نص ساعه
وهذا فرحان ويضحك
بعدها كام يبجي جاع اكيد
كلي شبي
كتله جوعان
راح فتح الثلاجه وجان يفك حلكه من يشوفها 😵😵😵
كلي شنو هاي الحلويات
انعل ابو السوبر ماركت اذا لحكج بالحلويات
شنو متنطين الجهال ابد
لا همه مياكلون مو زين عليهم الحلويات
اي عادي اكليهن انت
اني هم مااحبهن
لعد خلي اخذ منهن يفيدنه اني وعروستي
اذا ماعندج مانع
اخذهن كلهن ياريت تخلصني منهن
فعلا انطيته علاكه وكام ياخذ منهن
كال اني مااحب اي شي بس السنيكرز والكيت كات
اكو
اي اكو دور واخذ
خل اخابر حبيبتي شتحب تاكل
خابرها
هلو حبي
شتحبين حلويات لان اني هسه يم السوبر ماركت
خل اشوف اكو نوتيلا
اي حبيبتي اكو وبعد
راح اجيبلج ع ذوقي
كام يخلي بالعلاكه
اني ولا اهتميتله
عباله يغثني
نظوري كام يبجي اكثر
اخذ نستله وراد ينطيهيا
كتله لا ميريد ياكل
لعد مو تكولين جوعان
اي يريد يرضع جوعان
اها لعد مترضعي
لمن تطلع يله اكدر ارضعه
ليش يابه
شنو ليش يعني ارضعه كدامك
عود ع اساس انت تستحين
شحال لو مااجيتيني برجليج بمنضر مستحيل انساه
حيل خجلت والله عيب ياالله شكد احتقر نفسي من اتذكر
وهو بعد احقر لازم يذكرني
سكتت محجيت مااعرف شاجاوبه
هذا ابني كام يجر بدشداتي خطيه جاع
وهذا ولا عنده احساس ابد
كتله متروح للعروس خطيه منتظرتك
ها صدك والله نسيت
اخر شي طلع شكد غثيث ومكروه
رضعته خطيه حيل جوعان بعدها نام
بديت اباوع ع الموبايل
لكيت هواي اتصال منه حيدر وهو جان مسافر
داز رسائل يسال عن نظوري
يسالني ليش قافله الجهاز
بعدها لكيت رسائل من اهلي
بابا دازلي اسف بابا لان ضربتج
بس انت اول مره تجذبين علينه ومتكونين صريحه ويايه
واني خطأت من ضربتج
المفروض اسالج واعرف السبب
كمت ابجي حيل ضايجه من نفسي ومن حياتي
لو يدري بنته عايشه حياتها كلها بكذبه وره كذبه
كوه كدرت انام
ثاني يوم كعدت متاخره ب11 كعد ابني بدلتله وغسلتله واني همين نزلت اني ونظوري نور عفتها نايمه
لكيت خاله بالمطبخ
ووياها وحده اعتقد هي زوجة حيدر
سلمت وباركتلها خاله عرفتها عليه
حسيت بيها متفاجئه بيه
كلت لخاله اسفه لهسه نايمه ماادري بنفسي ونظوري بالليل كوه نام
كالت ع راحتج حبيبتي ماعدنه شي
لكيت خاله هي وزوجت حيدر مجهزات الغده
اني جنت جوعانه حيل
خاله اخذت ابني مني
سويت اكل الي ولابني
اني صدفه اتريك مااحب الريوك
بس اليوم جوعانه لان بلا عشه
اتريكنه بعدها اجه عمو واخذ ابني
اني بديت انظف
طلبت مني خاله اسوي كيك
لان المدرسات يردن يجن ع حساب حيدر
كتلها بس خلي اصلي واسوي
فعلا بديت اجهز بالكيك
احتاجيت كريما وشكولاته خام
دزينه عمو واخذ نظوري ويا رغم ماحاره حيل بس هو يبجي وره جده
جابلي الاشياء
سويت 2 وحده عاديه بالشكولاته
والثانيه اسفنجيه
استون وبردتهن وخليتهن بالمجمده
صبيتلهم غده واتغدوا
فاطمه وامير اجوي من وكت لان عدهم امتحانات
امير السنه الاخيره اله راح يتخرج
سويت الكريمه وكلت لخاله راح اصعد اسويهن بالغرفه
كالت مو بالمطبخ احسن اخاف تنعدم الغرفه
كتلها لا خاله اخذ راحتي هناك
اني الصراحه مااحب اشوف المغرور ابد لان وقت رجوعه
اجتي فاطمه ويايه
فرشنه نايلون بالكاع وكعدت
بديت ازين بيها
كملتهن وخليتهن بالثلاجه
كالت فاطمه يجن ب6 جهزي نفسج
كتلها لاانزل يمهن ولا اكعد
ماالي خلك اخوج يسويلي سالفه
كالت شنو يسويلج سالفه
هنه نسوان وابيتنه
حتى لو خليني بمكاني احسن
ماما متقبل والله
هي كلتلي خل تلبس ملابس حلوه
لج وحيدر
شحده يحجي نلعب بي جوله
الله كريم
زين حيدر وامير هم يبقون بالبيت لو لا
لا ماما خبرتهم يطلعون ب5
اتصل بيه بابا
رفعت خط كلت خطيه
حجيت ويا واعتذر مني
سالني ليش هيج سويت
كتله لان سافر ومقبل ياخذني ويا
وكتله اتصالحنه وليضل بالكم عليه
فرح خطيه
بعدين حجيت وي ماما شويه وطبكته
صارت ب5 دخلت سبحت ولبست لبس من ملاتي القديمات
عندي فستان لون جويتي ربع ردن طويل وبي فتحه للركبه
لبسته وشعري رفعته لفوك وطلعت منه خصل
اجتي فاطمه بقت صافنه عليه
لج ليش دافنه نفسج عدله
يله تلبسين اللوان بيبي
لج مو اخوج الغثه مانعني من هيج اللوان
كولي والله
اي والله
هذا شنو قصده اكيد يغار عليج
هههه هاي ياغيره يمعوده
كولي اناني اي
كالت تعاي اخليلج كحل وحمره
صدك خليت كحله وايلاينر وحمره
اباوع ع نفسي طلعت غير شكل رغم ماتغير بسيط
كلتلي خلي انضفلج وجهج
مقبلت
كتلها انزلي اتاكدي من الولد
بدلت لنور ولنظوري
صعدت فاطمه كالت ماكو احد اطمأني
نزلنه ونزلنه الكيك
جهزنه كلشي العصائر وكصصنه الكيك
خاله كلت لفاطمه صيحي مرت اخوج
اندك الباب راحت خاله فتحته
كالت تعالن جيبن الكيك والعصائر وراي
فعلا دخلنه وجانن هواي مدرسات
الكل اتفاجئ بيه عبالهم اني العروس
بس دخلنه اشو كامن يهلهلن عبالهن اني العروس 😅😅😅😅
اني هم عشت اللحضه وفكيت حلكي 😁😁😁
حتى هاي الاجواء انحرمت منها بسبب غبائي
لا لبست بدله ولا فرحت زواجي مثل البنات 😔😔😔😔
كامن يصلن ع النبي
كلتلهن خاله لا هاي زوجته الثانيه
كالن حرامات ليش اتزوج عليها
وهي حلوه وزغيره
كتلهن مريضه منعني الدكتور من الرجال
كالت خطيه الله يشافيج
اتشكرت منهن
كعدت يمهن
بس ماضجت من حجيهن يمكن لان مثقفات محسسني بشي
سالني شمخلصه
كتلهن سادس اعدادي
شعجب ممكمله
ظروف جبرتني مااكمل
اجتي زوجة حيدر
من شافتني حسيت بيها ضايجه
سلمت ع الكل
فاطمه بصفي تذب حجي
تكلي لج فرق بين السمه والكاع
بينج وبينها
انت وين وهي وين
ضحكت كتلها شكد فرق بين الاثنين
اكو مدرسه سالتني هم عندج اخوات
كتلها اي
هم هيج حلوات مثلج
كتلها اي حلوات
كالت الله يخليهن
شكرا
طالبات بعدهن
اي
اكلن الكيك
كالتلهن خاله ذني سوتهن جنتي زنوبه
اتعجبن كالن عمي هنياله زوجها هم حلوه وهم فنانه
حسيت بزوجته تريد تنفجر
كملن اكل وشربن العصائر
كمنه اني وفاطمه اخذنه الصواني
ورحنه للمطبخ
بديت اعزل المواعين واوخر الكيك
گلت لفاطمه هاي زوجة المغرور شبيها بس تباوعلي من فوك لجوه
اعتقد عداها اخوج غرور وانانيه
كالت فاطمه لا ولج
هاي الغيره القاتله
من شافتج هيج انصدمت
ههههه حقها هيج انصدمت
لج اني من شفت نفسي بالمرايه انصدمت
فديتني شكد حلوه طالعه بس الاعمى ميشوف جمالي
لج بس حلوه غير تخبشين والله
وين راح عنج حيدر
اهووو هسه اله تذكريني بالغثه وتعكرين مزاجي
لج خل يولي هذا المغرور شايف نفسه شوفه
عباله قحط ظابط
ميعجبه العجب
لج والله ميستاهل اضفر من اضافيري
هو هاي العجوز توالمه وهم هواي علي
عيونه اكيد بيهن شي وميشوفن جمالي يجوز اعمى
عيونه متشوف الحلوات تشوف بس الجكمات لان هو اساسا مو حلو
عابت اله ولشكله
والا اكولج هم زين هيج يسوي
لان اني مااطيقه ولا اطيق اشوفه ابد
بعدين اتذكرت الغده
كلت لفاطمه خل اشوف طبخها لمرة المغرور هم طيب لو لا
مسويه تمن وباميه
متنوكل ابد وكلها دهن حيل موطيبه
اول محطيتها بحلكي ذبيتها
كتلها لج فاطمه شنو هذا طبخها يسد النفس مثل شكلها
كلها دهن واني اكول لويش سمينه
لان اكلها وطبخها مو صحي
لج هاي لو ماما تشوفها لهاي المركه جان ذبتها
لان تكول مو صحي الدهن وياذي
اشو اتخورستي متحجين شبيج
درت وجهي وجان انصدم بحيدر واكف ع الكاونتر وومكتف ادي
يافشلت الفشله يبوووو عليه والله عيب
اني تذبحوني قطرة دم ماكو بيه
اباوع ع فاطمه زبده وماعت ماالها اثر
اي كملي ليش سكتي
ردت اشرد اصعد لفوك هم ابدل وهم اهرب منه
مااعرف شنو الي سمعه وشنو الي مسمعه
ردت اطلع وجان ......... يخلص البارت
توقعاتكم حبايب سمع الحجي كله لو لا ......
واذا سمعه شراح تكون ردة فعله ........
راح يعاقبها لو لا .......
زين ولبسها شلون هالمره هم راح يكابر لو ميتحمل .......
هستوني يله كملت زياره ورغم متعبانه مكدرت ماانزل
ومنسيت كلمن طلب مني الزياره والدعاء
ارجو المعذره عن التاخير
تحياتي للجميع 😘😘😘
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!