رواية بين الفقر والطغيان الفصل السابع عشر 17 - بقلم رونق

مساء الخير ع اجمل متابعين اتمنى لكم قراءه ممتعه

🌹🦋 البارت 18 🦋🌹

🌹🦋 بين الفقر والطغيان   🦋🌹

🌹🦋 للكاتبه رونق 🦋🌹

حيدر :سالتني حنان ع زينب

شنو زعلانه لان اتزوجت عليها

لا وعليمن زعلانه

بس تعبانه وتعرفين طريق بعيد

بس ممقتنعه بلي حجيته

شنو قابل اجذب عليج

لا مو هذا قصدي

بس هي الظاهر ميعجبها تسلم عليه

اتمنى تحجي الحقيقه

حنان جاي تعبان واريد ارتاح

رجاءا لتبقين تنكين  براسي

سكتت

بعدها نمنه سويه

وراها سبحت طلعت لكيت رقم ابو زينب يدك عليه

استغربت

رفعت خط سلم عليه واعتذر لان هيج وقت خابر

كلي جهازها زينب مغلق

وحاب احجي وياها

كتله طالع اني بس ارجع هسه اخليها تتصل بيك

معرفت شاكله بوقتها

كلي والله حاولت انام مكدرت

اول مره اضربها واهينها

اكيد زعلت عليه

وحبيت اعتذر منها مااعرف انام

والله ياابني ضميري بقه يانبني

بقيت صافن

يعني ممضروبه ابيت اهلها

وهنا شبعت ضرب واهاين وساكته

لعد هاي شكد قويه

كتله تدلل هسه اروح واخليها تحجي وياك

كلت خل اصعد واحجي وياها

ها وين تريد

اريد اروح يم زوجتي اكو مانع

بس ميصير هيج حيدر

انت اتفقت ويايه وكلت مااتقرب عليها

وهو منو كلج اريد اتقرب عليها

نامي واسكتي بلا لغوه

عفتها تحجي وطلعت

صعدت ودكيت الباب

طلعت لابسه حجاب

احلى شي بيها هدوئها

جنت اشوفها بعيني ساقطه

هسه لا بالعكس اشوفها ثكيله ورزنه

اني غبي مفكرت لهذا اليوم محاولت تنزع الحجاب

حتى لو مانعها

تكدر تسوي نفسها  بالغلط او متدري

ولامره شفتها كاعده وتحجي ويانه

حجيت وياها ع ابوها بس رفضت

مبين عليها عنيده

بس ويايه متعاند

كوه اقتنعت وفتحته لمن شافتني اتقرب عليها

كتلها صحيح ممنوع المسج بس اكدر ابوسج

جنت اتمنى تعاند

حتى ابوسها بس هي ذكيه

خافت وفتحته للجهاز

فتحت الثلاجه وحيل انصدمت بيها

اشكال واللوان

ابويه يجيب من جها وامي من جها

واني وامير وفاطمه ومحمد

بس هاي لا هي تاكلهن ولا الجهال ياكلوهن

اول وحده اسمع بيها متحب الحلويات

نور لاحضتها مو مثل قبل صدك مترغب للحلويات

طبعا صحيح تفكيرها لان مضره بالصحه

جنت اسمعها تكول لتجيبون بس ممتوقع هاكد عدها

احتمال جانت تاخذ لاهلها

بس من فشلتها بعد مستحيل تاخذ واني متاكد منها

حاولت اغثه من حجيت وي حنان

بس طلعت متوهم لان اني الي انغثيت من تجاهلتني ولاكانو احجي

اخذت منهن ورحت ثلاجتي فارغه

رجعت ولكيتها حنان بعدهي منتظرتني

محجت شي ولا سالتني

انطيتها من الحلويات وكيفت

كعدت تاكل بالليل

هي اصلا سمينه

وادور تاكل بالليل نوتيلا الساتر الله

وهي تاكل تحجي

انت مو كلت راح يم زوجتي

لكيتهم نايمين

رحت للسوبر ماركت ع مودج

اخاف تستحين ابيت اهلي تاكلين

لا يمعود عليمن استحي انتو اهلي صرتو

اني بقيت صافن

زينب صارلها سنتين يمنه ولحد الان تستحي من عدنه

وهاي من اول يوم اخذت ميانه

ثاني يوم داومت والكل باركلي

خلص الدوام ورجعت

جهزتلي حنان الغده

وجان واضح مو طبخ زينب

لان الطبخ مو طيب

ماعجبني ابد

وهي الي صرعتني قبل الزواج

طبخي طيب حيل والي يضوكه يتعجب بي

سالتها منو طبخ

كالت اني وخاله

ليش معجبك

لا مو طيب

تحجي صدك لو تشاقه

وعليش اتشاقه

هاي مركه لو دهن

اي غير باميا وتحب الدهن

اني مااحب الدهن بس وي الطماطا

ادور مااخلي هواي ع مودك

زين لعد صبيلي جاي

شربت جاي

زينب ماشفتها ابد

طلبت مني امي مااجي للبيت العصر

لان المدرسات يردن يجن

وكالت البنات ياخذ راحتهن

كتلها اوك

سالت حنان سلمت عليج زينب

اي سلمت بس مبين عليها ضايجه مني

يجوز تغار

حنان ليش متسكتين لخاطر محمد

ع شنو تغار مثلا

لان انت صرت الي ومتروح يمها بعد

خل يكون بعلمج هي الي وافقت ع الزواج

ولو مموافقه مااتزوجج لو اموت

وهسه اشاره منها تلكيني يمها بلمح البصر

اذا هيج ليش اتزوجتني

هيج بمزاجي اكو اعتراض

سكتت

روحي بدلي وجهزي نفسج

بقيت بغرفتي وامير اجه يمي شويه وطلع

خابرني صديقي وكال بالليل نجي اني واهلي

كلت خلي اخبر البنات بلكي يخلن كيك عيب منهم

واذا ماكو اجيب من بره

دخلت للمطبخ وجان اشوف ذني يكصن بيه وبحنان كص من هذا الزين

بداخلي اضحك

ابد محسن بيه نهائي

بعدين فاطمه شافتني اشرتلها 🤫🤫🤫

وبعدهااشرتلها اطلعي

طلعت بدون صوت

وهاي بعدهي مندمجه وتحجي

دارت وجها وجانت مصدومه مثل 👈😵😵😵😵

انتبهت عليها هاي شلابسه وشطالعه

اني الصراحه ذبت من شفتها

بعد مااعرف شاحجي

رادت تشرد

سحبتها من ايدها

وين تردين تشردين

اول شي وقبل كلشي

اني شكتلج ع لبسج هذا

لو حابه تتحارشين كوه

بيمن اتحارش اذا ماكو احد بالبيت

لو هم تخاف اخاف اتحارش بالمدرسات

كلشي اتوقع منج

الخجل واضح عليها

كالت خل ابدل وارجع اتحاسب وياي

لا تعالي

منو سمحلج تحجين ع حنان

ومنو هذا المغرور الغثه

وشبي طبخها يسد النفس

اني محجيت عليها

لعد ابويه الحجه عليها

شكد جذابه انت

يمكن بالجذب محد يلحكج

عفيه والله ابدل وانزل بسرعه

وليش تبدلين اكو غريب هنا

اي اكو

منو هذا الغريب

انت

بس اني مو غريب اني زوجج غصبا ماعليج

اي صحيح زوجي بس اخاف اغرك وتسويلي سالفه جديده

رادت تطلع

سحبتها الي

منو سمحلج ادخلين يم المدرسات

شنو هم ممنوع اكعد يم نسوان

لا مو ممنوع بس لازم تخبريني قبل

ماالج حق تتصرفين بوحدج بدون اذن

لعد اسفه مره لخ اكلك اذا اجه خطار

وشدعوه هيج خابصه نفسج عبالك انت العروسه

شمسويه قابل

كل هذا وممسويه لعد اذا تسوين شلون

سحبتها الي وصار وجها قريب عليه

هي حسيت بيها انتهت من الخجل

شدعوه هاكد مخليه عطر

واشرت باصبعي ع شفتها

هاي شنوالحمره  ومنو كلج تخلين

كوه تحجي من الخجل

يعني كلشي ممنوع عليه

قربت شفتي ع شفتها

حاولت تبتعد بس منطيتها مجال

بستها من حلكها لمن انمسحت الحمره منها نهائي

وبنفس الوقت حسيت نفسها انقطع ع الاخر

ذوبتني بهاي البوسه

خلتني اسكر واني صاحي

كتلها ممنوع تخلينها مره لخ

وكل ماالكيج مخليه معناها تكوليلي تعال بوسني

معجبها الوضع بس ماتكدر تحجي

اني مو صدك قصدي متخلي

بس حبيت اتقرب الها واضوك طعم شفايفها

واشم عطرها الي سطرني سطر

فلتت روحها بسرعه وطلعت

خرب عشيرتها كلها

بنت اللذين

عليها شكل وجسم مو طبيعي

بقيت اتذكر بحجيها واضحك بوحدي

ابد معصبت من حجيها رغم متجاوزت عليه

مااعرف ليش

حسيت احساس غريب اتجاها معرفت افسره ابد

بقيت صافن ع نفسي هاي بوسه وهيج سطترني

اذا غيرها شلون يمكن تكون نهايتي

احلى بوسه

بعمري كله ممندمج هيج وي اي وحده غيرها

حسيت نفسي بغير عالم فصلت

اجتي فاطمه

تعاي ولج ليش تحجين عليه وع حنان

لا اني ماحجيت ادافع عنك

اكو وحده تحجي ع اخوها وزوجته

بس زينب الي حجت

وحده تذبها ع الثانيه

ضربتها بالشقه

لج هاي هم عدتج بالجذب

شحال لو ماسمعتجن باذني

اي محجينه جذب

اشو مرتك هي شافت زينب وهي تخبلت

لا والمشكله المدرسات هنه شافن زينب وهنه كامن يهلهلن

عبالهن هي العروس 😅😅😅😅

عليج الله صدك 😂😂😂

اي والله

ومن دخلت حنان وشافت زينب وشافت شعرها ولبسها

اشو هاي تخبلت وكلبت الخلقه

كلت بكلبي حقها يابه اكيد غارت منها

بس هي تخبلت اشو حتى اني تخبلت

كتلها روحي بسرعه صعدي وصحيلي زينب ع السريع

اجتي لابسه ومحتشمه

والخجل واضح عليها

كتلها راح يجي صديقي هو وزوجته وامه

بقه كيك لو اروح اجيب جاهز

حجت بصوت ناعم اكو هواي بقه لتجيب

اجتي حنان وجانت كالبه الخلقه

بداخلي اضحك

اباوع عليه صدك فرق بكلشي

بالعمر وبالشكل وبالهدوء

رغم مالبسها مبهذل واللوانها ملات عمر جبير

بس تبقى تضوي وتجذب

طلعن المدرسات واجتي امي

كتلها جهزي نفسج حبيبتي بالليل يجي صديقي واهله

كالت ميصير غير يوم لان اليوم تعبانه ماالي خلك

عيب منهم اعتذر

عرفتها ضايجه وواصله وياها حدها

اخذتها ورحت للغرفه

شبي الحلو زعلان ليش ضايجه

كالت ماضايجه ابد

بس تعبانه

مو لازم نامي ومن يجون اخلي امي وزينب يعتذرن منهم

كالت لا عيب منهم راح اجهز نفسي

بس وين يجون لبيتنه لو يم اهلك

بكيفج بلي يعجبج

خليها هنا

ليش اكو سبب

لابس ياريت زينب ماتجي

ليش ضايجه منها لو سمعتج حجايه

لا ضايجه منها ولا سمعتني حجايه

بس الصراحه انحرج من احد يجي وهي يمنه

شيكولون عليه وخاصه اذا شافوها حلوه وزغيره

اسمع النقد باذني

هسه يكولون هجمت عائله

اكيد الناس تفسهرها بغير شي

يكولون سوت سحر للولد وخلته يعوف مرته

يعني صدك انت مسويه

لاوالله ولا اعترف بي

بس انت واعيه ومثقفه مااعتقد هاي الاشياء البسيطه تاثر عليج

اي صحيح بس اني مااحب تجي

رغم كلشي مراح اخليها تجي

فرحت حيل

كتلها راح اروح احاجيها

رحت للمطبخ ولكيتها تجهز بالعشا

كتلها عود اوصيج هم البسي والعبي بوجهج جوله

وادخلي مثل مساع

حتى رجليج اكسرهن

كالت اامن اي شي يخصك ماادخل بي

ومدام هذا صديقك لو تموت اني ماادخل

طبعا منعتها مو لاجل حنان

بس اخاف من زوجته لصديقي تسولفله ع جمالها

والصراحه هذا الشي يزعجني حيل

لحد الان معرفت السبب الي يخليني مااخليها تلبس الوان صارخه ولا اخليها تطلع ابد

ومخليها بالبوشيه

يمكن مااحب احد يشوف جمالها

جهز العشه

والكل التم حتى محمد وزوجته اجوي بس زينب اختفت

حتى نظوري لليوم مخلته يكعد ويانا

اتعشينه من وكت ع مو الولد عيب

كلت لامي راح ادخلهم ابيتي

كالت ع راحتك

فعلا اجوي وادوا الواجب وراحوا

بعدها اختفت زينب بعد مااشوفها ابد

جنت اتمنى تختفي ومااحب اشوفها

هسه لا بالعكس

اتمنى بس اشوفها

اختفت تقريبا صار اكثر من شهرين مالمحتها ولا مره

مااكدر اصعد لفوك لان نظوري دائما يمنه

تجيبه فاطمه وتاخذه بيدها

حسره عليه شوفتها

يمكن لان  بستها

علاقتي بحنان عاديه ماعندي شي وياها

ساعه نتعارك ساعه لا

خابروني اصدقائي عازميني ع عشه

رحت واتعشيت ورجعت

جان تكول حنان

اكلك اشو اني شفت العجب من زينب

انت زوجها ولا كانو لابسه حجاب كدامك

ومن تجي تختفي

ومن تلكيك مو بالبيت تاخذ راحتها وي اخوتك

وخاصه وي امير

اني عقلي طار شنو امير شنو تاخذ راحتها

انت شكاعد تخربطين

اي والله هاي الحقيقه وروح الحسين مجذبت

شفتها كاعده بصف امير وتسولف وتضحك

وتشاقه ويا وتكله خبيث

صارنه شكم شهر متزوجين لهسه مشفتها نازله وانت موجود

ولا مره اكلت ويانه

شنو فلكم متفهمني

كتلها 100 مره كتلج لتدخلين ابيناتنه ابد

بس اني من حقي اعرف كلشي عنكم

لا ماالج حق ومااحب المره الحشريه الي تدخل بكلشي

حجايه مني وحجايه منها ضربتها

مااحب المره الي تبقى ترادد الرجال وخاصه بوقت العصبيه

زعلت ونامت يطبها مرض

رحت صعدت لزينب

بدون ماادك الباب دخلت جنت حيل عصبي

شفتها لابسه قصير الصراحه اني متاكد ماعدها شي

بس الشيطان لعب براسي بوقتها

بس من عصبيتي مااعرف شاحجي لو شاصرف

هي اتفاجأت لفت نفسها بالبطانيه

اي صيري شريفه براسي

لفي نفسج بالبطانيه

بس كدام امير لا تاخذين راحتج ع الاخير

هاي شكاعد تحجي

انجبي واسكتي

شعندج وي امير وتشاقين ويا

وفوكاها تكليله خبيث

والله فاهمني غلط ماعندي شي ويا ابد

ضربتها راجدي

اني مو محذرج امير متحجين ويا ولا تكعدين يمنه

بس امير اخويه لا اكثر ولا اقل

تعلميني بسوالفج ايستي مني ومنطيتج مجال

التفتي لامير

لان ممتزوج وحبيتي تلعبين علي

والله انت اكبر ساقطه عرفتها بحياتي

تبيعن ثكل براسي وكدام الغير لا

يمين عليه اذا لمحتج وي امير اله ادفنج عدله

منطقت ولا بحرف او بالاحرى منطيتها مجال

عفتها وطلعت

اني جنت معصب حيل لان تختفي بوجودي

اتخبل اذا حجت وي امير

حجيت وي امير كتله اني مو منبه عليك ماالك علاقه بزينب

وهسه اني شمسويلها

حيدر اذا انت تسويها وي فاطمه وبنين وساره

ذاك الوقت اني اسويها

زينب اختي الزغيره واتشرف بيها اخت الي

انت الظاهر ماعندك ثقه بنفسك

لو عندك ثقه جان ثقيت بينه

امير احترم نفسك ولتتجاوز

هو انت خليت احترامات

اجه محمد وكام يصيح علينه

كله امير اخوك يشك باخلاقي واخلاق زينب

يكلي مااريدك تحجي وياها

كال محمد وهو وين شايفيها احنه حتى نحجي وياها

اشو دافنها عدلها بيدك

اليوم صدفه نزلت وطلبت من امير يطلع الها

نتيجة اختها وجنه كلنه موجودين

يعني ماكو داعي للشك

حيدر انت متصيرلك جاره لو شيصير

هاي انت لان كاعد تلعب باعراض الناس

ويوميه وي وحده زباله مثلك

عبالك كلها سوه

يابه اصحى ع حالك

زينب اشرف من الشرف

وهل يكون بعلمك الكتاب مبين من عنوانه

بس انت الظاهر اعمى مدتشوف ابد

حجيهم صحيح واني استعجلت بالحكم عليها

من وره ذيج بنت الكلب عصبت

بقيت يومين مااحجي وياها حنان

بعدها اتصالحنه

نظوري اموت علي وحيل اتعلقت بي

ابويه دائما يحجي عليه طلعهم خطيه

وره تقريبا اسبوع

قررت اطلعهم هو ونور وحنان

كلت نروح للمطعم وللالعاب هم خطيه

دزيتلها لزينب مسج كتلها جهزيهم اليه

وشبعي لنظوري حتى ميبجي

كتبت اوك

دزيتلها ب 9 اريدهم جاهزين

ان شاء الله

خبرت حنان وفرحت

فعلا ب9 جابتهم فاطمه واجتي

طلعنه اول شي رحنه للمطعم واتعشينه

حيل عجبتني تصرفات نور وحتى نظوري رغم ما صغير

بس مبين علي الادب والهدوء

خليته بحضني واني اوكله

نور تاكل بوحدها

كملنه ورحنه للالعاب

حسيت الفرح واضح ع نظوري

حيل فرحان

كل شويه وتجيني رساله

من زينب

اخاف جاع اخاف نعسان اخاف ضاج

كتلها لا فرحان وكاعد يلعب

بعدها شفته ضاج رجعنه للبيت

دخلنه وجان اتفاجئ بزينب منتظرتنه بالحديقه

حيل متلهف اشوفها

احس بنفسي مشتاق الها

اخذته بسرعه مني وكامت تبوس بي

اخذتهم ودخلت للبيت

رحنه لبيتنا

شعجب لابسه حجاب كدامك

وليش ابد متروح لغرفتها

كتلها هذا الشي ميخصج ابد

ولتجيبين طاريها ابد اني شكتلج قبل

سكتت

مشت الايام ماكو تغير ابد

صارلي 4 اشهر من اتزوجت

كالت امي خطيه زينب خل تروح يم اهلها

لا طلعه ولا طبه باقيه هنا

وكالت قبل ليبدي الدوام وماتكدر تاخذ نور

كتلها خل تولي نور لاتروح وياها

كالت لا خطيه تموت بدونها

حيل متعلقه بيها

من راحت لاهلها اخر مره

لعبت بينه طوبه نور

كوه سكتناها والله

كتلها بكيفها تريد تروح خلي تروح ماعندي مانع

بس خاف عيب من العالم

يوم يفرحون بيها والله وشفتهم بعيني

شوكت متريد خلي تخبرني واني اوديها

كلت هم اروح لاهلها حاب اتعرف عليهم

لاحضت نور ابد متجي لبيتي مو مثل قبل

ولا تحب حنان ولا تتقرب عليها

وحنان كذلك هم برود من ناحيتها

حيل تحب زينب ومتعلقه بيها

دزيتلها رساله يوم الجمعه جهزي نفسج اوديج الصبح لاهلج

كالت اوك

امنيتي تجيها رساله ع الماسنجر

تنشر منشور تعلق ابد ولا كانو عدها جهاز

مرات اصفن اكول يجوز عدها جهاز ثاني

وهذا مخليته هيج

دايخ بيها

طبعا حنان وزوجتي الاولى ام نور نفس الطبع تقريبا

ملابسي ماالكيهن نفس مااريد ابد

اكلي كذلك لازم اكو نقص او بارد

والجاي كذلك

الوحيده الي ريحتني من هاي السوالف هي زينب

نفس الاريده الكيها مسويته

ملابسي ترتيب وعنايه

وثار انتباهي من تغسل الملابس وتكويهن تخليلهن عطر

وبعدها تعلكهن بالكنتور

من اريد البس شي الكي العطر يجنن بيهن

هاي الفقره ريحتني اكثر شي بالدوام

مرات من اسهر تاخذني النومه

اكعد مستعجل مااشوف دربي

ابدل ع السريع واطلع

ابقى بالدوام عطر ملابسي يجنن

هسه حنان ابد ميعجبني لا تنظيفها ولا طبخها ولا ترتيبها

متجي ذره لزينب ونظافتها

اكثر المرات ادز الملابس الفاطمه تغسلهن وتكويهن

ابو زينب دائما يتصل بيه ويطمأن عليه

حتى اني كمت اتصل بي

بس ولا يوم طلب مني اجيبها لزينب

بينما حنان سابيتني يوميه لاهلي

ومن اعارضها يخابروني اهلها ليش مااجيتو وانتظرناكم

واكثر المرات انحرج

زينب : بعد اخر موقف صار ويايه من اجني المدرسات

حيل خجلت من حيدر

هو اني اصلا موقف الحنه لهسه مناسيته ويمكن للموت ماانساه

وضايجه شلون خليته يشوفني بهيج منظر

وهسه هذا منظري نهاني ع الاخير

حاولت اهرب منه بس مفاد

انصدمت بي من باسني

ممتوقعته هيج يتصرف

لان اساسا ميطيقني ولا يحبني

كوه كدرت اخلص نفسي منه

رحت غسلت حلكي وشطفته لان ادري بي سكير دائما

وممتاكده من طهارته

بعدها دز عليه نزلت

وحيل اخجل منه

ومرات اكول اخاف الي اباله اني كاعد اسوي شي حتى اغري

بعدها

اختفيت من الوجود

الجو حار وصيف

كمنه نتاخر منام بالليل

وثاني يوم نكعد بالوحده

الكل هيج حتى خاله وعمو

من نكعد نسوي غده

اني اطبخ واخلص واصعد

شغلنه اني وفاطمه كله بالليل

ابد ماانزل لمن يكملون العشه

اني الغده ثابت عليه بس العشه لو ع فاطمه لو ع حنان لو ع رسل

اني ماعليه بس الغده والتنظيف بالليل

جنت مرتاحه وماعندي شي

ابد مااتواجد وياهم

دائما عشايه خفيف فاطمه تجيبه الي

اكثر المرات تجي رسل يمنه انسانه خلوقه بشكل

حيل حبيتها

سمعت انطوا النتائج مالت السادس

نزلت اركض بدون شعور

لكيت الكل بالصاله ماعده حيدر بس حنان كاعده

كلت لامير

فدوه امير طلعلي الرابط مالت النتائج

اريد اشوف نتيجة اختي

كلي تعاي وانطيني الاسم

انطيتها اسمها الثلاثي

بده يبحث وجان يطلع الاسم

كلي لج راسبه هاي شنو درجاتها

اني ضجت خطيه لان مخليناها لادورات ولا مدرسين

كلي هاج شوفيها

جان اشوفها كلها 100 بس درس واحد 99

كمت ابجي مااعرف من الفرح لو غير شي

بسرعه خابرت اهلي وانطيتهم النتيجه

بابا خطيه يبجي ممصدك

كتله طالعه الاولى

بقينه نحجي شويه

بعدين طبكته

ولكيت الكل صافن بوجهي

امير كلي هنايله اليشوفج مره وحده تضحكين

حتى بفرحج تبجين

كتله ليش خبيث وجذبت عليه

كلبي وكع والله

كام يضحك كلي حبيت اتشاقه وياج

معبالي تصدكين

يابه الف مبروك تستاهل طب اكيد

اي ان شاء الله طب

كلي عمو اكيد تعبانين عليها ومخليلها خصوصي

لا والله عمو لا خصوصي ولا دورات ابد

تكول اني الوحيده الي بالمدرسه مداخله دورات

تقره بس بالموبايل

وليش عمو مخليتوها دورات

ظروفنا متسمحلنه والله

كال محمد بس تدرون سباعيه هاي اختج وراح تطلع دكتوره شاطره

مو مثل ذوله اهل الخصوصي

الي يكوكون دماغهم مؤقت

جنت طايره من الفرح

الله عوض تعبهم خطيه لاهلي

كال هسه يطلعوها تدرس بالخارج ع حساب الدوله

لا مستحيل تقبل تطلع وحتى بابا ميخليها

صعدت بالليل اشو فجأه اجه حيدر فتح الباب بدون ميدكها

اني جنت ماخذه راحتي لان ليل وبعد ماانزل

لابسه دشداشه قصيره وبدون حجاب

من شفته ارتبكت

بسرعه سحبت البطانيه ولفيت نفسي حتى شعري

اشو هذا بده يسب ويغلط وضربني

يشك بيه اني وامير

عباله اريد اغره

ميدري بيه حاسبته اخ الي بس

والله لا افكر بامير ولا حيدر ولا اي شخص

مااحب الشباب ابد كرهتهم والله

ع المريت بي

الصراحه بديت اتجاهله لحيدر حتى مااجاوبه

لان ميفيد بي

واكتشفت علاج الجاهل التجاهل

صار اكثر من شهرين ع زواج حيدر

دزلي مسج اجهز نور ونظوري

يريد ياخذهم هو وحنان

الصراحه حيل ضجت وانقهرت

يعني زوجته يطلعها بيدها

وماعنده مانع تحجي وي اخوته وتاكل وياهم

بس اني كلشي ممنوع عليه

جهزتهم بس جنت حيل قلقه ع ابني

اخاف يجوع لو ينعس خطيه

دزيتهم بيد فاطمه

بقيت ع نار

اخاف يصعد لعبه ويوكع

كلبي نار مكدرت اكعد واثبت بمكان ابد

طلعت بالحديقه

كل شويه ودزيتله رساله

طمني علي

بقيت منتظره بره لمن اجوي

اخذتهم وصعدت

نور سولفتلي تكلي حيل حلوه وتونسنه

حبابه ماما روحي انت ويانه

مو اني مااكدر اروح وياكم لان مبوشه

اروح اوكع والناس تضحك عليه

سكتت

يوم عن يوم احقد علي حيدر

من صدك اناني

اشتاقيت لاهلي هواي وكلت هاي فرصه اروح قبل لا تبدي المدرسه

طلبت من خاله تحاجي حتى اروح

بالليل دزلي رساله جهزي نفسج الجمعه حيل فرحت

اليوم صادف اربعاء

اني الصراحه مااحب حيدر ياخذني

اخاف يفشلني لومايدخل لو يحرجني كدام اهلي

بس كلت ميخالف اتحمل كلشي اهم شي اروح لاهلي

فعلا جهزت نفسي وجهزت ملابس نور ونظوري

بالنسبه للحلويات ابد مااخذ منهن مستحيل افكر بعد اخذ

هم خليت الملابس بعلاكه

دزلي رساله جاهزه كتله اي

نور كعدتها وبدلتلها

بس نظوري لا خليته نايم

الساعه ب9 الصبح ومتعود يكعد ب1ونص

طلعت ولكيته مشغل السياره

كتله افتحلي الجنطه بدون زحمه خلي اخلي الملابس

ليش بعلاكه الملابس

حجيت بهدوء افضل الي هيج

سمعته كفر وركع الباب حيل قوي

فكر بنت الفكر ممتعوده ع جنط

حتى العلاكه هواي عليج

عبالنه نسوي براسج خير

بس انت متستاهلين

كال اصعدي وحسابج بعدين ويايه

صعدت نور بالصدر واني وره

اشو هذا انكلب وحش

شنو اشتغل سايق عند اهلج الفكر

وصاعده وره

صدك ضجت وانهضمت

حجيت ويا بكل هدوء

الفكر والحالتهم ع كدهم مو عيب ولا حرام

بس العيب ع الي يستهزء بالفقير

وشايف روحه شوفه ومتكبر

ميعرف بس الله الجبير

انجبي واسكتي وتعاي كعدي هنا احسنلج

اعذرني مااكدر اكعد بالصدر

وليش يابه

لان اكيد ميشرفك تصعد وحده بصفك فكر بنت فكر وساقطه

تاكلين تبن وتنجبين لا اكص لسانج

تعاي اصعدي هنا واحترمي نفسج

اعذرني مااصعد

لعد انزلي وانجبي

واذا كلتي اريد لاهلي حلكج اشكه

صدك نزلت بدون صوت وصعدت

نيمت ابني بفراشه

صعدت ورايه نور كالت هاي العلاكه دزها بابا

كتلها تعالي بدلي وارجعي نامي

ليش ماما

غير وقت نروح

خطيه ضاجت

واني همين ضجت اكثر

صدك مصخها ويايه

كل شويه وكلي فكر بنت الفكر

بدلت ودزيت رساله لاهلي خبرتهم مااكدر اجي صار شغل عند حيدر

بعدين اتذكرت بابا من كلي يتخابرون هو وحيدر دائما

بس لا يخابره بابا ويذبله حجايه

بقيت بقلق

اخر شي دزيتله رساله

بس يخابر بابا رجاءآ كوله صار عندي شغل ومااكدر اجيبهم

وليش مااخبره الحقيقه واكله السبب

عادي خبره ماعندي مانع

كله اني الطلبت من بنتك متصعد بالصدر لان ميشرفني

وهسه غيرت رايي لان اني الي شكم وجه

حلووو وصايره تراددين زين

لعد اسمعي

بس خل يكون بعلمج تحلمين تروحين لاهلج الى بيدي اخذج

واذا اخذتج اني معناها تعتذرين مني وتصعدين بالصدر يله

قريتها بس مجاوبته

اني متاكده هسه يخبث ويايه

والله لو اموت مااصعد ويا ولا اكعد بالصدر

نمت وكعدت متاخره

الكل اتفاجئ بيه

سالوني ليش مارحتي

كتلهم اهلي ماهمه

غير وقت اروح

هو دخل صدفه

يباوعلي من فوك لجوه معاجبه الوضع

كلي تعاي جهزيلي الغده

استغربت من طلبه

من تزوج لليوم ابد مكلفني ع شي

رحت جهزتله الغده ا

كلي هاي انت روحج بالجذب اهلج ربوج بس ع الجذب

من شفتج وشفتيني بس تجذبين

سكتت مجاوبته ابد

حميت الجاي وحضرت الكوب الي يشرب بي

صبيت الي ولنور ولابني وصعدت لفوك

صار اسبوع ع هاي الحاله راح تبدي المدرسه

فاطمه كالت امير طلب من امي تخطبله

كتلها تصدكين مشتهيه عرس وحفله بلكي نغير جو شويه

اي والله اني مشتهيه اركص لان بعرس حيدر ولافرحنه ولا ركصنه ابد

فعلا خطبوله بنيه هم دكتوره ويا

وافقوا علي

اخذوا المشيه

وبعدها بدت التجهيزات

بيتهم حيل نظيف ميحتاج لا صبغ ولا تعديل

بس غرفته لامير  بده يعدل بيها

احنه غرفنه فوك وحده اله و وحده لفاطمه و وحده الي

تقرر الخميس العقد مالت السيد ويدزون النيشان

الصراحه جنت خايفه اخاف هم يعارض وميخليني

اتمنى اروح لان احس بنفسي حيل مخنوكه

كانو بسجن عايشه

دخلنه اني وفاطمه ع مواقع هواي للملابس مالت الحفلات

كالت نشتري عن طريق النت وتوصيل يجيبو النه للبيت

فعلا اختاريت اني مثل 👇

وي بشرتي يطلع 👌

جنت حيل فرحانه ومتلهفه

اجني البنات وبيومها وصلن الفساتين

طلعت خاله وجابتهن

قسته عليه وجان يجنن

باجر موعد الحفله

بالليل طلعن البنات للمولات وصيتهن ع ملابس لابني

راحت وياهن حنان ورسل

اخذهن امير ومحمد سيارتين

بس اني بقيت

محبيت افشل نفسي ادري بي ميقبل

هم اتعشوا بالمطعم

بقينه بس اني وعمو

سويت عشه

بعدنه مماكلين اجه حيدر

كلي سويلي وياج عشه

جهزته وخليته ع الطبله

عمو ماهو بالحديقه هو ونظوري

كلي شنو مناويه ترحين لاهلج

لا مااكدر بعد اروح لان نور داومت

بعد احسن

جنت متردده اريد احجي ويا ع باجر وخايفه

اخاف يكلي لا

بعدين كتله تقبل باجر اروح وياهم

احجي بصوت ناصي

كلي شنو علي صوتجر

كتله تقبل باجر اروح وياهم

وين

للحفله مالت العقد

جان يكول ......

توقعاتكم حبايب راح يوافق لو يرفض

اذا وافق يخليها هيجي تلبس لو لا

باجر باذن الله ارجع من كربلاء وارجع لنفس النظام

يعني التنزيل يوميا من الساعه 9 الى الساعه 10

تحياتي للجميع