بـيـن الـكــاف والـنــون
السادس والستون
سجى الطائي🍃
آكبر من أحلامي اشوفك
حيرتي المآ يمها حيره
قانع بكلشي يخصك
وابد مآ محتاج خيره
خشن گلبي ومن عرفتك
بين الطبعك حريره
منين ما تندار آحبك
بشر ويحاوط جزيره
يآ طموحاتي الاخيرة
ارغد
روحي راحت تميم شالها واني بس اباوع رحت ورا صعدت بصفها ميته متحرك لا ايد ولا رجل فاقده
تميم كاعد بصف السايق مااعرف شون وصلنه
نزلت ناسي نفسي بطرك الفانيله الرصاصي وبجامه
وشحاطه
اخذها تميم بطرك دشداشتها مجرد شال نازل تخبلت اركض بين الاطباء اخذوها
وطبووها يفحصوها واني فوك راسها
طلعوني وسدو الباب كلبها واكف هناا وكفت الدنيا بعيني
كعدت ادك على راسي لحكونه اخواني
دقايق تمر عليه دهر وكفت اروح وارجع ص، خته دمعت عينها من هي فاقده هزة كياني
تميم يتحقق من الولد وامي يريد يعرف شنو الصار
تميم" زمال شصار وياها انت مو هناك"
ارغد رفعت راسي جنت واكف مدنك "غسلت الطرمه والماطور يشتغل لزمت الواير الضاهر مزلوغ ونتلت"
تميم "مابيكم خير الله يطيح صبغك لوميته من انعل ابو البيت لا بو البي"
ارغد عيوني يحركني عصرتهن كعدت على الكرسي اجت امي بصفي كالت" مابيها شي هسه تطلع لتخاف عليها"
باوعتلها "تصورين تعيش بعد"
امي" ان شاءلله "
ارغد ماعدي طاقه احجي اكثر اكتفيت
ابراهيم وتمام يمي تميم نزل للحديقه يتصل
الساعه كوه تمر كزيت على سنوني بس خل تطلع سالمه
هزيت راسي
كورت ايدي ضربتها بالايد الثانيه
طلع الطبيب ركضت ابراهيم وتمام وراي
بشر عايشه
"الحمدالله كدرنه ننعش كلبها بس تعبانه سوينالها تخطيط وسحبنه منها دم ان شاءالله مابيها شي
راح دخلت عليها مغمضه وجها شاحب ابراهيم وتمام اطمانو رجعو للبيت تميم صعد جايب ويا مي
اخذته ورحنه اخذنه الراجيته جبتلها علاج دخلت للغرفه مفتحه عيونها وامي بصفها كاعده على الكرسي
شافتني غمضت دارت وجها
تقربت الزم ايدها سحبتها
فركت وجهي تميم باوعلي وهز ايده" بعد ما.... تربعت "
خزرت رفع حاجبه يتحداني شوفني بطولاتك سكتت عنه مالي خلكه
لليل جبت اكل مشاوي وصمون وعصاير رغد كاعده بس تباوع متحجي امي صلي
خليت العلاليك على الميز سويتلها لفه وقدمتها باوعتلي ودارت وجها"اكلي "
نترت"مااريد "
اخذت نفس"بابا الج قابل الي اكلي قوي نفسج"
رغد"ماعليك بيه عساني بالموت"
فززتني دعوتها"شهل حجي قدر وصار اكلي وقوي نفسج"
رغد "شعليك بيه اعيش اموت يهمك"
ارغد"وليش مايهمني زوجتي شون مايهمني"
ابتسمت ابتسامت استهزاء"لا تهتم ايام وعايفتكم لتخلي بالك يمي ريح نفسك "
كتفت ايديها ودارت راسها
امي كملت صلا" فوك مايجيبلج اكل انوب انتي تتعززن علي "
رغد "مااريد جبر هي اجبروني"
امي " غسل اكلي وسكتي "
خزرت امي باوعتلي ماعاجبها هزت ايدها وكدت تاكل
ورغد ضاله معانده ماتاكل ماجبرتها عفتها على راحتها
عفتهن ونزلت للحديقه انطي خبر الهن من يحتاجني يدكن عليه لل١٢ صعدت القاووش فارغ
دخلت للغرفه امي نايمه على التخم رغد نايمه كهدت على الكرسي الغرفه ضلمه
بس ضوه الخفيف مشعول ملامحها بريئه غاطه بنوم عميق
تقربت بدون صوت شلت الكرسي قربته شعرها الناعم
قصير ماتحب الطويل بشرتها المائله للبرونز بس اليشوفها يكول بيضه
مررت ايدي اتلمس نعومت خدها وين ضيعنه نفسنه
بين عزت نفسج وبين ضياعي
حاير والحيرني نفورج وبتعادج صافن بيها شنو الاسوي
تقربت دنكت بست خدها
تحركت بخفه فكت عيونها بثكل رجعت غمضت وعفست وجها رخت ملامحها ابتسمت حركاتها طفوليه
فكت عيونها مستوعبه همست شتريد
ساكت"سلامتج اكلتي "
عكدت حواجبها رغد"شعليك "
ارغد"علمودج بابا لا صيرين ثوله تحاربيني تحرمين روحج من الاكل "
وبعدت ايدي من ايدها "مالك شغل بيه وخرر"
سحبت ايدي اعاينلها ساكت
رجعت سكتت مبرطمه وغاضبه مثلت الضوجه بس بداخلي اضحك على شكلها كعدت شعرها تخربط بنعومه
نازل منا ومنا وخرته من وجها
سديم
بعد جيت ربى كعدت الصبح غسلت وصبحت على اهلي
ربى وفروخها بالمطبخ يتريكون طبيت كعدت كدامها ميته نعاس وكوه كاعده صبتلي جاي هي مكليه بتيته
جان اغلب ريوكنه بتيته لو بيتنجان لو طماطه وخبز
اكل واني نص عين فاتحه
ربى"اكلي عدل"
صفنت شبي اكلي "شكووو"
ربى تحطم لكمه بحلك ابنها"طشرتي البتيته يم رجلج "
باوعت صدك مطيحه بتيته عفت الاكل كلت "نعسانه" مددت بالكاع امط بجسمي
كالت "من التلفونات شون مسهرين"
طفرت فاكه عيني "ياتليفون"
باوعتلي بتك عين "سهر اليل وين يروح اكيد تكعدين نعسانه"
توترت "مااسهر اني"
ابتسمت "اي حقج غير سهرين على الكتاب الله يساعدج"
فلت وجهي كمت كلت "شبعت الحمدالله ركض للغرفه حتى ماسمعتها شكالت"
رجعت ربى البيته بس هي تجي تبات يوم واحد بس من تجي جيب وياها مسواكها علمود ابويا ميعيرها
اماني واريام يجن بس مايباتن عصريه ويرجعن حتى مانشبع منهن شوف حصرنه علينه لنتم مثل باقي العوائل
كل الخوات ينجمعن ونشبع شوف ابويا يعيرهن بالكمه الياكلنها لهذا ربى من تجي وتبات جيب اكلها وياها
خطيه ماتخلي شكو عدها بالثلاجه جيبه ومرات هي تسوك بطريق جيتها
مشت الايام اداوم ملتهين دراسه وقصي
هبه واكفه تستنسخ كملت ملازمها واخذت ملازمي وطلعنه ودق ممداومه
اليوم من دون الايام قصي ممداوم
رجعت للبيت تحسين يمنه فد فرحت ركضت حضنته باسني"شونج ولج كبرانه وحليانه"
سديم"اكيد اكبر كلش شلونك شوكت نزلت من الدوام"
تحسين"البارحه اجيت وانتي نايمه "
سديم "جوعان تتغده وياي ميته ميته جوع"
تحسين"اي صبيلي وياج امي وين"
سديم"ماادري تلكاها يم وحده من الجوارين"
تحسين"دروحي بدلي وحمي الاكل"
طبيت ركض بدلت وغسلت وجهي طلعت حميت الاكل تحسين بالصاله كاعد حسام بالشغل يرجع متاخر
طبيت ورتبت الصينيه واخذتها خليتها كدامه كعدت سمه وبلش ياكل واني اكل واسولفله على الجامعه
يسمعني كملنه اكل شلت الصينيه حميتله الجاي وصبيته خليته كدامه اخذه "اي عشتي"
كعدت يمه"تحسين ليش ماتزوج"
شرب رشفت جاي ابتسم" ليش ولج "
سديم"متستحقك نعمه موخوش وانت حباب ومامقصر عليها ازوج وحدها تحبك ونضيفه وتعتني بيك ونعمه عوفها "
تحسين"ميصير بنتي شون اكسرها وبعد هاي قسمتي من ربي واني قانع بيها وصابر الي اجر وثواب وبعدين شون تحرضيني على الزواج ميصير "
سديم"اني لو اعرف بيها زينه وياك وتحبك ومامقصره عليك مااحجي بس اشوفك مامرتاح وكل اجازه تنزل بيها تجي يمنه تكضيها
تحسين"الحمدالله والشكر هذا الكاتبه ربج شنسوي ربج يعوضنه بالاخره عن الدنيا واني اريد اجر مااريد راحه بدنيانه شدومه ربج ميضيح حق احد
ولا يضلم احد خلي بالج كلشي مقدر ومكتوب واني اريد الراحه الابديه راحت هاي الدنيا زول متبقه دووم ويانه يجي يوم وتروح "
سديم"الى يايوم تبقى متحملها ومتحمل وصاختها جهالك
الوصخ كاتلهم بس من يجون يمنه نشبحهم ونعتني بيهم ويرتاحون
ماما ذاك اليوم راحت لكت المجمده والثلاجه خايسات الاكل مكطن واكو بي حتى مذرع من شهرين مامستعمل
حتى الجيران تحجي على وصاختها شعرها بس تخليله دهن وتمشطه متغسله "
ضاج "سدوم ميصير هيج تحجين تبقه مرت اخوج الجبير وانتي صرتي جبيره ودخلتي جامعه وهواي خطبوج مني يعني صرتي مره عيب التكولي الخاطري"
كوه تحملت"علمودك اني ساكته وامي هم ساكته "
ابتسم وضمني الصدره رجع وخرني طلع من جيبه شي ملفوف بوصله بيضه فك الوصله طلع حرز كال
"تلبسي هذا يحميج من اي عمل ولا تنزعي ابد واذا متكدرين خلي بخدتج وافضل سوي كلاده وتخلي دوم وياج" اخته من ايده واني مطمانه من اخويه
اردف"سدوم ابويا ابتعدي عنه ولا تعاندي واي حرز او اكل اي شي اي شي ينطيج لا تاخذي او سمي واخذي وحاولي ميشوفج
حركي بالخل المقري عليه سويتلج بطل لاخ وضميته عد امي اخذي منه يفك عنج حاولي تجنبين ابويه
تنهد يستغفر " استغفرالله واتوب اليه بس ابونا عدو النه لا اله الا الله الله يهدي ويغفرله كومي ارتاحي
جيبلي بطريقج قران وسجاده
اخذت الحرز ودخلت جبتله مصلايه وقران تحسين محصن نفسه بصلاته وقرانه شنوين يختمه اكثر من مره ميمر يوم اذا مايقره قࢪان وهذا الحارسه
على اعمال ابويه ونعمه يمكن من زمان متخبل صح يتاذه مرات وراسه يأذي ونفسه تلعب يعرف نفسه معموله عمل
يروح يسبح بخل وملح هوه قراي عليهن ويرجع طبيعي بحيث اكبر الاعمال متمشي بي
الحمدالله من الله دافع عنه البلاء
مشت الايام قصي يخابرني متقطع بسبب اشغال ابو الشيخ
واني هم ملتهيه بدراشتي اشوفه يمر من يمنه يشوفني ويروح
مشت الاشهر والايام حالين احنه بنهاية بداية ٢٠١٣
اليوم كاعده اقره اخر امتحان فصلي كاعده بره بالطرمه والجووو حلو مابي حراره
خابصه نفسي بالقرايه ماضل عدي بس ورقه دخلت اماني واريام
طفرت حضنتهن حضنني يضحكن منا وحده ومنا وحده
اريام "وخررر خنكتيني"
اماني "ولج قرد مجلبه بيه بس عباتي طاحت"
وخرت اضحك واني عاصرتهن بيديه شابكتهن
وخرتني اريام ضربتني على ايدي حطت جنطتها بالكاع
واماني عدلت عبايتها دخلن جوه امي تلكتهن
كعدنه نسولف واعرف اخبارهن صالهن شكد مجايات اماني بسبب جامعتها اخر سنه الها
واريام بسبب حملها تعبانه ومتكدر تجي اليوم وحده مخابره وحده ولتمن
لليل اني افتر وياهن عزلنه البيت مرت حسام يم اهلها
سوينه عشه
ابويا يم بيبي نسولف ونضحك تونست بجيتهن ذكرت بعدلي صفحه مامخلصته
كعدت اقراها كملت اخذت دشداشه طبيت سبحت وطلعت اريام ابنها منطلق مكيف بجيته يموت علينه
احنه الربينا بوكت طلاك امه
اماني سم امي سولف اخذت مشط وكعدت كدام امي تمشطلي
اماني" الدوام متعبني يمه المره مالها دخل الشاهد الله حتى زوجها متنازله عنه دكول اني تعبانه ليش زوجته
غير يعوفني "
امي" ماكو مره تتنازل عن زوجها هيج مادغار ميحركها كلبها على رجلها"
اماني"ماادري شنو البينهم بس هي رافضته هوه شكد حاول وياها متريدها واني ماعليه بيناتهم ذنب يتعلك بركبتي عليمن
مامقصره ويا بشي وقايمه بواجبه العليه مسويته مامنعته منها "
نطيت من يمي"ذاك اليوم شفت ريحانه"
صفنت عليه"وين شفتيها اجلت السنه "
سديم" من جنت بالحديقه البره هي ورجال لابس عمامه سوده ابيضاني طويل بس والله حلوو "
دمغتني امي "اييي شكلت"
امي"لسانج "
اماني "مااعرف عنها شي شكد حاولت احصل رقمه محد عده ورحت البيتهم ذاك اليوم ماموجودين وبيت عيالها مااندله
سكتت اماني تتحسر استحيت اكلها شفت تميم وارغد كدام امي محد يعرف بحب تميم الها بس احنه البنات
مرت الايام واني بيه ومالتهي غاطه بدراستي الايام تركض
وحبي القصي يزيد تعلقي بكلامه الرزن بثقافته مرات اصفن بي وين تعلم يكلي الدواوين والفصول تعلم
بس متربي
اني ابوية من صغري طلعني ويا للشغل لحد مالزم المشيخه اني مرافكه واخواني كلهم هيج
عرفت والده مزوج كبل امه وعده اخوان كبار
شهر الخامس امتحاناته وحاره موت
اليوم اخر يوم ارتاح من الدوام مكيفه العطله اجت
نزلت من الخط دخلت للبيت بدلت وتغديت ونمت
كعدت العصر نضفت وسوية عشه ويه امي
لليل وره العشه دزيت ابن عمي الزغير صحته من الحايط البينه قشمرته بربع انطيته الورقه يجيبلي حلويات
زاد عندي من مصرفي النطانيا تحسين عشر دقايق وجابلي علاكة الحلويات
طلعت الشرقيه متابعه عليها مسلسل بسطت بالكاع اني بغرفتها وابوية معروف وين مكانه بيته مو يمنه يم بيبي مقره
يعيش ويموت يمها جدره وقبقه منو يسويله اعماله اكرز حب حولت على الجبس كمل المسلسل درة على
زي افلام اموت على الافلام الهنديه كارينه كابور ودبيكا
مستمتعه واباوع ثواني طب غراب البين مأثر المعوقه بت عمي تركض وعبايته نازله على متنها
عاطت ولج كاعده مرتاحه وتاكلين يبوووووو عليج يبووو على كلبج كل عيه عاطته خنستني
طفرت اباوعلها مهبوطه شبيها هاي الخبله ضلت تعيط
كعدت ودك على رجليه باب الهول
طلعت امي تركض "خير مأثر يمه منو مات ولج وهي تعيطين"
مأثر "حقج عمه حقج ماتدرين ابنج مات"
ريحانه
واكفه كدام المرايه بيدي عباتي وبوشيتي لبست عباتي على متني بوشيتي لبستها على الربطه صعدت عباتي على راسي ورفعت البوشيه
كلها منتضرتني واني قبل دقايق صعدت الحمدالله محضره غراضي وملابسي بس ابدل
لابسه جبتي النيليه وجواها كيلوت بلونها وربطتي نيلي بنقش ماروني
نزلت واني مكمله وجنطتي جوه العبايه على جتفي
خالتي مكمله وكاعده بالهول تسبح السيد كاعد بصفها
نزلت رفع راسه شافني جاهزه وكف جر عكازته
طلعنه ماجرين سياره واحد يعرفه ياخذنه زيارة
الكربلاء المقدسه
متحمسه من زوجت واني مطالعه ومزايره صعدت بصف خالتي والسيد اليكدام بصف السايق زينب يم بيت خالتها عدها امتحانات
وخالتي ماعونت السيد يطلع وقبل يروح يزور
الطريق طويل مديت ايدي بجنطتي جريت السبحه اكمل العدد وصلة لل٦٠٠ صلاة على محمد وآل محمد
يوميه اتعده الالاف بيها قضاء حاجه وراحه نفسيه لكن
لا تعلو على الاستغفار
كملت ٢٠٠٠ واني بالطريق حسيت بتعب رجيت راسي وغفيت ماادري شكد فزيت على صوت نعي ولطم فتحت عيوني مواكب ولطم وفاة احد الأمه
دخلنه بالسياره كون السيد عده باج من خاله السيد.... معروف في كربله واله مكانته ميحب يستغل مكانت خاله بس كون اصابته ويعتبر معاق من الحركه
اخذ الباج وياا يسهل دخولنه
نزله مقابيل الامام ابوالفضل العباس بس نزلنه لاكانه خاله منتضرنه بسيارته رحب بينه صعدنه وياا
ودانه البيته
من اشوف القبب المنيره روحي ترف وطير احساسي يختلف باي مكان فد فرحانه ودي اعوفهم واروح للامام اكعد كباله واحاجي مؤمنه يسمعني
وصلنه البيتهم بسيط نزلنه ودخلنه خاله زوجته وبناته موجودات تلكونه
دخلوني الغرفه نزعت البوشيه والعبايه حاره البيت بارد
طلعت البيت بي حمامين شفت حمام جوه الدرج
لاكتني بتهم ابتسمت "هاا عيني رايده شي"
ريحانه"بس اسبح عركانه واريد اتوضه واصلي "
"اي هياته الحمام اخذي راحتج محتاجه ملابس اجيبلج لو جايبه"
ريحانه"لا عدي جايبه"
هزت راسها وراحت طبيت توضيت وسبحت وطلعت بدلت لبس نفنوف عريض سمائي وربطتي جايبه بجنطتي مصلايه خفيفه مال سفر اذا اصفطها تصير بكد كف الأيد وياها حافضتها ومكان للتربه
طلعتها فرشتها وصليت صلات الضهر طلعنه من الكوت ب٨ وصلنه الضهر كملت صلا وتشبيحات قريت مناجات الشاكرين عقب كل صلا
خلصت طلعت عيب احبس روحي ابقه خطار الهول كدامي طبيت خالتي ومرت اخوها كاعدات يسولفن وخالتي بصفها ملايتها مبينه ستوها مخلصه
وبنات شابات بعمري هم كاعدات شافني ابتسمن رفعت نضرها خالتي شافتني كالت"تعاي ريحانه صليتي خاله"
"اي هستوني كملت وسبحت"
كالت"اي فواطم كالت سبحت رتاحيتي يمه الطريق كله كاعده وانتي البارحه منايمه "
ريحانه"لا خاله منعسانه "
زوجة اخوها ام مرتضى"شونج حبيبه ان شاءلله زينه"
ريحانه "الحمدالله خاله بخير"
ام مرتضى" ان شاءلله دومج بخير "
ضلت خالتي سولف وياها اكتفيت بس اباوع تغدينه وخالتي نامت واني احوس اريد ازور
بتهم فواطم كالت اخذج ونروح اني وخواتي رفضت تحججت بالسيد مايقبل هوه بالعكس دزلي رساله كال
ادري بيج هسه تحوسين اذا تردين خلي البنات ياخذنج زورين
سكتت للعصر خالتي كالت يله ركضت جددت وضوئي لبست بوشيتي وعباتي جواريبي لابستهن مانزعتهن بس غيرتهن من سبحت وبدلت لبست غيرهن
طلعنه اخذتنه ام مرتضى وخالتي وفواطم البنات ضلن ماقبل يجن
وصلت للحسين وكفت كبال كبته دموعي نزلن كلبي ملجوم بشوفته جن نفتحن خيوطه
متعلمه من والدي استأذن من الامام بالدخول ويكون بي نوع من الخضوع والخشوع الانكسار وتفكير في عظمة صاحب المكان
وكفت استاذنت من الامام ثلاث مرات برجلي اليمنى
اذكر والدي من علمني انواع الوضوء والاستحمام وغسل الجسد قبله الزيارة ويكون النية سليمه
والوضوء لغرض الزياره ويكون الجسد طاهر والثياب نضيفه ونعطر نفسنه بعطر بسيط غير فواح
وفتت من بعيد ضريح الامام كدامي الناس طب وتطلع
عيوني ماوكفن امسحهن وينزلن وعيني شابخه على الامام
وكفنه مسافه عن اضريح مستقبلة القبر مستدبره القبلة
شرط الزيارة ان نقره الزياره واحنه واكفين فقط العنده عذر يكعد يوقره الزياره كملت الزياره
واني عيوني ماوكفن دعيت من كلبي نزلت راسي فرفحت من البجي متوقعت حياتي راح تكون بهذا السوء
السيد تعب من مرضه مزاجه مضطرب نفسيته صفر وين كان ذاك الانسان المتزم صار صلاة كوه يصلي بسبب اعاقته قدمه تاذي توصل بي يتمنه الموت
دعتيله بالشفاء دعيت الوالد والولدتي والرضا بالهداية
كملت صرة على جانب القبر مااكدر الوحه بسبب الزخم
طلعت للصحن الشريف صلية صلاة الزياره اقل زيارة
ركعتان ولكم ماتشأون كملت كعدت قريت سورة ياسين وماتشاء من السور لكين يفضل سورة ياسين مهداة للامان ثوابها وتكون النية سليمه
صارة الناس تجمع لاداء صلاة الجماعه صلاة الغروب والعشاء صليناها فد روحانيه عاليه كملنه طلعت قريب عتبته الباب انطيت وجهي للامام ادية السلام وخرجت
زرنه ابو الفضل العباس كملنه الزياره وصلاة والقران
كعت لزمت السبحه بخشوع (ياكشف الكرب عن وجه الحسن اكشف كربي بحق اخيك الحسين)
دنكت اسبح وابجي مااعرف شنو السبب كلبي متكطع كل المر صار كدام عيني نضلمت والضلمني اخوي
تركت جامعتي عفت حياتي واهلي بعد ماجنت مرتاحه بينهم حاسه باحساس موحلو شنو اليمر عليه بعد
شتحمل غير الشفته خالتي يمي شافتني هي هم كاعده سبح مررت ايدها على ضهري تمسح تواسيني عبالها
على السيد متدريعلى نفسي ابجي
ساعات مرن واني وخالتي وام مرتضى كاعدين فواطم بس تباوع بعيونها لا هي تبادر ولا اني الابادر
مايهولي اطلع من ضريحك يامولاي اني حفيدتكم تسمعوني وشوفون حالي يامولاي اكشف هلغمه عني
واكفني شرهم
ضليت ابجي وادعي بس شفايفي تحجي لل٨ اتصلو بينه كمنه رجعنه
السيد ورانه اخذه خاله والد خواله يزور البنات مسويات عشه متعشين الولد والسيد من وصلنه البنات بلشن يصبن
كملنه عشه ضليت ه بيناتهن تعرفت عليهن حبابات سولفلي ثلاثتنهن مخطوبات ثنين كرايب محجوزات وحده خاطبها كرايبهم من بعيد رجال معمم معلم حوزوي بيران
اليوم مر براحه السيد لل١٢ رجع دز راسله "بيد فواطم دزيلي دشداشتي ولا طلعين انتي كعدي بالغرفه ولدهم موجودين"
حضريلي ملابسي جاييتله انطيته بيد فواطم انتهن لخوها
ثاني يوم طلعنه الصبح نزور هنا كانت عدي حاجه وكلتها بيد الامام زرت الامام الحسين نيابة عن ابو الفضل كملت ورحنه لبولفضل وصلة الويازه
طلعنه مستعجلين السيد يضوج يضل بغير ييت نفس الجابنه رجعنه
مر يومين مصطفى هادء ياخذ علاج وعلى العلاج الفيزيائي يطيب
دخل يسبح لازم رجله تنلف بنايلون لفيتها اله ودخل
طلع انطيته تراكه لبسه واخذ عكازته وفات للهول
يوميه انام يم خالتي فرشت الي والزينب خالتي جانت بره دخلت وسدة الباب
مددت تعبانه من فرة البيت تنهدت وين جنت بيت اهلي مقسم الشغل هنا بس اني اشتغل
طبت زينب للغرفه" يريدج مصطفى"
ريحانه"خليته مي والعلاج خليته بحافضه بس يدك المنبه يكعد "
زينب"لا كال صيحيها"
خالتي "كومي خاله شوفي شيريد منج"
خليت حجابي على راسي طلعت من الغرفه كاعد بالستقبال نفس مكانه من سوه الحادث وهاي مرة ٧ اشهر وهوه بيها
دخلت "جان منتجي شافني كال" تعالي ريحانه"
تقربت اشرلي اكعد كباله على الجربيه كعدت بصف رجليه كباله هوه مدد
"لزم ايدي لو اني انتلت فكيت عيوني يباوعلي متغير حتى شكله مو مثل قبل ذبلان همس اذيتج هواي وتحملتين سامحيني ريحانتي
جنت فرحان وعريس واخذت الكلبي دك الها واحمد ربي من سافرت لحد مارجعت اني بس اريد اخلص امتحان وارجع اشوفج
اخذج بحضني احقق امنيتي
جر شالي وخر قراصتي نزل شعري دنكت حصرتني البجيه كلبي يدك اريده يوخر مااحب يلزمني
جرني عليه طحت على صدره لمني بين ايديه نزلن دموعي وهوه يشم بركبتي ويبوس بيه
كلبي دكاته زادن عيوني غوشن اتنفس سريع ويه كل لمسه اله النقطه يمه طفه الضوه
دارني وصار فوكاي ضل يبوس وينزعني اني بس النفس ودموعي
محاس عليه ولا حاس على نفسه يتحرك بسرعه راد يتقرب مني وجها بركبتي يلهث نفسه سريع
رفعت ايدي امسح بعيوني اريد يوكفن ماكدرت شعوري رافضته كلبي يلهج ربي لا تجعلني من العاصين ربي عدي هاي اليله
مااعرف يسوي نايم فوكي وجها بركبتي ونفسه سريع
رفع راسه يريد يشوفني
ضلمه لحكت امسح عيوني همس" بس اصبري اصبري لا دكومين "
مااعرف سوه ورجع دفن راسه استغربت لهثته وتوتره
شبي ضل ساعه وهوه يحاول وكل ربع ساعه يكلي لا دكومين واني مااتحرك
اخر شي صاح وخرررري مني نزليييي وخرت مرعوبه اهبد على ملابسي وهوه لبس يصيح عدمج بش تحجين
لكفت دشداشتي لبستها شعل الضوه جرني من ايدي عصرها نتر بسن سنونه "متحجين مووو مدكولين شي ولا سولفين الاحد ريحانه اترجاج
اني صافنه عليه وجها يريد يطك عيونه حمر لمحت بيهن دمعه هزيت راسي مامستوعبه اليصير بس اريده يهد ايدي
عافني لميت باقي ملابسي وطلعت اركض دخلت للحمام
جشمي يرجف حتى خالتي شفتها بالهول كاعده وقلقه
بجست فوك القهر عصبيته سبحت بسرعه وطلعت مهبوطه من صياحه انكلب بلحضه
ضليت ارجف واسمع خالتي تحجي ويااا مافتهمت دخلت للغرفه كبل جوه البطاني بجيت لحد ماعيوني ورمن
........ تبع
حاولت اوصللكم بين ريحانه والسيد مصطفى بدون ماادخل بالتفاصيل بس الحدث تحتم عليه اروي بشكل اوضح
مع العلم امتناع ريحانه على سرده باصرار مني سردته
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!